Ravikiranalu TV

కార్యక్రమంలో పాల్గొన్న అధికార పార్టీ నాయకులు అధికారులు. 

బ్రహ్మ దేవి గిరిజన కాలనీలో స్వచ్ఛ ఆంధ్ర.... స్వచ్ఛ దివస్. 

ముత్తుకూరు ,ఫిబ్రవరి 15 (మేజర్ న్యూస్) మండలంలోని బ్రహ్మదేవి గ్రామపంచాయతీ గిరిజన కాలనీలో శనివారం రాష్ట్ర ప్రభుత్వ అధికారులు స్వచ్ఛ ఆంధ్ర స్వచ్ఛ దివస్ కార్యక్రమాన్ని నిర్వహించారు. ఈ కార్యక్రమానికి అధికార పార్టీ నాయకులు షేక్ అలిముత్తు గ్రామస్తులు హాజరయ్యారు. ఈ సందర్భంగా బ్యానర్ చేత పట్టుకుని గ్రామంలో ర్యాలీ జరిగింది. పంచాయతీరాజ్ శాఖ అధికారులు కలిసి ఈ కార్యక్రమాన్ని నిర్వహించారు. అనంతరం ఈ కార్యక్రమం గురించి అధికార పార్టీ నాయకులు మాట్లాడారు. సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి ఆదేశాల మేరకు ఈ కార్యక్రమాన్ని చేసినట్లు తెలియజేశారు. చుట్టుపక్కల పరిసరాలు బాగుండాలని ప్రతి ఒక్కరు ఆలోచించాల్సిన అవసరం ఉందన్నారు. పరిశుభ్రత ఉంటేనే ఆరోగ్యం బాగుంటుందని అధికార పార్టీ నాయకులు షేక్ తెలియజేశారు. ఈ కార్యక్రమంలో విస్తరణ అధికారి హేమంత్, స్థానిక అధికారులు తదితరులు పాల్గొన్నారు

చంద్రబాబుస్పూర్తితో క్లీన్ అండ్ గ్రీన్  సాధనకు కృషి చేద్దాం

పరిసరాల శుభ్రత అనేది ప్రతి పౌరుడు ప్రాధమిక బాధ్యతగా స్వీకరించాలి

దోమలు వృద్ధి చెండడానికి కారణం మాత్రం అపరిశుభ్ర పరిసరాలే -వాతావరణ కాలుష్యాన్ని తగ్గించేందుకు కృషి చేయాలి 

ఛైర్ పర్సన్ మోర్ల సుప్రజామురళి 

 బుచ్చిరెడ్డిపాలెం, మేజర్ న్యూస్:

మన చుట్టూ ఉన్న పరిసరాలను పరిశుభ్రంగా వుంచడం మన అందరి బాధ్యతగా ప్రతి ఒక్కరు గుర్తించాలని ఛైర్ పర్సన్ మోర్ల సుప్రజామురళి అన్నారు.

ఆంధ్ర – స్వచ్ఛ దివిస్" కార్యక్రమంలో భాగంగా పారిశుధ్యం పై అవగాహన కల్పించేందుకై బుచ్చిరెడ్డి పాళెం పట్టణంలో అధికారులు, స్థానిక ప్రజా ప్రనిధులతో కలిసి ర్యాలీ నిర్వహించారు. మున్సిపల్ కమీషనర్ తో కలిసి బుచ్చి పట్టణంలోని 11వ వార్డు వాసవి నగర్ లో ఇంటింటికి వెళ్లి పరిసరాల శుభ్రత గురించి వివరించారు. ఎరుపు మరియు ఆకుపచ్చ డస్ట్ బిన్స్ లో తడి చెత్త, పొడి చెత్త వేరువేరుగా వేయాలని అవగాహన కల్పించారు.ఈ సందర్భంగా బుచ్చి మున్సిపల్ ఛైర్ పర్సన్ మోర్ల సుప్రజామురళి మాట్లాడుతూ వ్యక్తి గత శుభ్రతతో పాటు పరిసరాల పరిశుభ్రతలో ప్రతి ఒక్కరు భాగస్వాములై క్లీన్ అండ్ గ్రీన్ సాధనకు కృషి చేయాలని కోరారు. క్లీన్ ఎన్విరాన్‌మెంట్ వల్ల బాక్టీరియా, వైరస్‌లు వ్యాప్తి చెందకుండా వుంటాయన్నారు. చాలా మంది డస్ట్‌బిన్‌లో వేయాల్సిన తాగేసిన వాటర్ బాటిల్స్, యితర వ్యర్ధాలు వీధుల్లోనో..డ్రైనేజీ కాలవల్లోనో..వేయడం వలన డ్రైనేజ్ కాలువలలో మురుగు నీరు ప్రవాహానికి అంతరాయం ఏర్పడి దోమల వ్యాప్తికి కారణం అవుతుందన్నారు. ప్రజలు డెంగ్యూ,మలేరియా లాంటి రోగాల బారిన పడడానికి పరిశుభ్ర పరిసరాలే కారణమన్నారు. పర్యావరణానికి హానిచేసే ప్లాస్టిక్ వాడకాన్ని తగ్గించి  ప్రతి ఒక్కరు ఇంటి ఆవరణలో చెట్లు పెంచి వాతావరణ కాలుష్యాన్ని తగ్గించేందుకు కృషి చేయాలని విజ్ఞప్తి చేశారు.ఆంధ్రప్రదేశ్​ను రాష్టాన్ని అత్యంత పరిశుభ్రత కలిగిన రాష్ట్రంగా తీర్చిదిద్దాలన్న ముఖ్యమంత్రి చంద్రబాబు నాయుడు సంకల్పం స్ఫూర్తిగా స్వీకరించి బుచ్చి పట్టణాన్ని రాష్టంలోనే పరిశుభ్ర పట్టణంగా మార్చే కార్యక్రమంలో భాగస్వాములు కావాలని పిలుపునిచ్చారు. “స్వఛ్ఛ - ఆంధ్ర స్వఛ్ఛ దివస్” కార్యక్రమంలో మీడియా,మెప్మా సిబ్బందికి ఛైర్ పర్సన్ మోర్ల సుప్రజామురళి  ధన్యవాదాలు తెలిపారు.ఈ కార్యక్రమంలో మున్సిపల్ కమిషనర్ చంద్రశేఖర్ రెడ్డి, కౌన్సిలర్లు రాచూరు సత్యనారాయణ, బెలూం మల్లారెడ్డి,కత్తి నాగరాజు, మెప్మా సిబ్బందితో పాటు  మున్సిపల్ పారిశుద్ధ్య కార్మికులు మరియు మున్సిపల్ సిబ్బంది పాల్గొన్నారు.

 నెల్లూరు నుంచి తిరుమలకు పాదయాత్ర 

తల్పగిరి రంగనాథ స్వామి భక్త బృందాన్ని అభినందించిన దుగ్గిశెట్టి 

నెల్లూరు : 

నెల్లూరు నగరంలోని తల్పగిరి రంగనాథ స్వామి దేవస్థానం నుంచి శనివారం తెల్లవారుజామున తల్పగిరి రంగనాథ స్వామి భక్త బృందం తిరుమలకు కాలినడకన పాదయాత్ర చేపట్టారు. 22 మంది భక్తులు నెల్లూరు నుంచి తిరుమల కు పాదయాత్రగా బయలుదేరారు. వెంకటాచలం సమీపంలో జనసేన నెల్లూరు నగర అధ్యక్షుడు దుగ్గిశెట్టి సుజయ్  బాబు పాదయాత్ర బృందాన్ని కలుసుకొని అభినందించారు. వారికి పండ్లు అందజేశారు. ఈ సందర్భంగా సుజయ్ బాబు మాట్లాడుతూ పాదయాత్ర చేస్తున్న వారి సంకల్పం గొప్పదని, ఆ పాదయాత్ర విజయవంతం కావాలని ప్రార్థిస్తున్నట్లు ఆయన తెలిపారు. కలియుగ వెంకటేశ్వర స్వామి కృపాకటాక్షాలు అందరిపై ఉండాలని కోరారు.  ఆయన ఆశీస్సులతో అందరూ క్షేమంగా తిరిగి రావాలన్నారు. దారి మధ్యలో ఎలాంటి అవసరం ఉన్నా తాను చూసుకుంటానని భరోసా కల్పించారు.  ఈ కార్యక్రమంలో జనసేన జిల్లా కార్యదర్శి షేక్ ఆలియా, నగర ప్రధాన కార్యదర్శి శనివరపు అజయ్ బాబు,  లోకేష్ , సిసింద్రీ , తదితరులు పాల్గొన్నారు. కాగా,  జనసేన నెల్లూరు నగర కార్యదర్శి బుద్ధవాకం బాలు కూడా కాలినడకన తిరుమలకు పాదయాత్రగా బయలుదేరారు.

 20 నుంచి శ్రీనివాస కళ్యాణ మహోత్సవం మూడు రోజులపాటు వైభవంగా కార్యక్రమాలు

శ్రీనివాస కళ్యాణంకి రాజకీయాలకు సంబంధం లేదు

శ్రీనివాస కళ్యాణం ఉత్సవ కమిటీ వ్యవస్థాపక అధ్యక్షుడు చెక్క సాయి సునీల్

నెల్లూరు నగరంలోని నిప్పో ఫ్యాక్టరీ లో  శ్రీనివాస కళ్యాణంను ఈనెల 20వ తేదీ నుంచి మూడు రోజులు పాటు అత్యంత వైభవంగా నిర్వహిస్తున్నట్లు శ్రీనివాస కళ్యాణ ఆహ్వాన కమిటీ చెక్క సాయి సునీల్ తెలిపారు. నెల్లూరు నగరంలో శనివారం సాయంత్రం ఏర్పాటు చేసిన మీడియా సమావేశం ఆయన మాట్లాడుతూ గత ఆరు పర్యాయాలు అత్యంత వైభవంగా శ్రీనివాస కళ్యాణం మహోత్సవాన్ని నిర్వహించామన్నారు. ఈసారి ఏడవ సారి దీనిని మరింత ఘనంగా నిర్వహించేందుకు ఏర్పాట్లు సిద్ధం చేస్తున్నామన్నారు.

శ్రీనివాస కళ్యాణానికి రాజకీయాలకు ఎటువంటి సంబంధం లేకపోయినా సీనియర్ నేతగా ఉన్న తాటి వెంకటేశ్వర్లు గోవింద మాల వేసి ఉంటే ఆయనను అరెస్టు చేసి తీసుకువెళ్లారన్నారు. శ్రీనివాసుడి కృపతో ఈ ఏడాది తిరిగి ఈ కళ్యాణ మహోత్సవాన్ని  అద్భుతంగా నిర్వహిస్తున్నామన్నారు. అనంతరం స్థానిక కార్పొరేటర్ చెక్క అహల్య మాట్లాడుతూ శ్రీనివాస కళ్యాణం మహోత్సవానికి నిప్పో ఫ్యాక్టరీ ఆవరణను ఇచ్చిన యాజమాన్యానికి కృతజ్ఞతలు తెలియజేశారు. భక్తులందరూ ఈ కార్యక్రమంలో పాల్గొని విజయవంతం చేయాలని కోరారు.

 కేజీబీవీ ని తనిఖీ చేసిన  జి సి డి ఓ మమత

 అనుమసముద్రంపేట మేజర్ న్యూస్ మండల కేంద్రమైన ఏఎస్ పేట లోని కస్తూరిబా గాంధీ బాలికల విద్యాలయాన్ని శనివారం బాలిక శిశు అభివృద్ధి అధికారి టి.మమత ఆకస్మిక తనిఖీ చేశారు.ఈ సందర్భంగా పాఠశాలలోనిపరిసరాలను,వంటగది, స్టోర్ రూమ్,రికార్డులను పరిశీలించి  సంతృప్తి వ్యక్తం చేశారు. అలాగే పంచతంత్ర కార్యక్రమాన్నిపరిశీలించారు.అనంతరం ఉపాధ్యాయినీలు,తో మాట్లాడుతూ పదవ తరగతి, ఇంటర్మీడియట్లో,నూరు శాతం ఉత్తీర్ణత సాధించే విధంగా కృషి చేయాలని సూచించారు. అలాగే విద్యార్థినుల భద్రతా విషయంలో జాగ్రత్తలు పాటించాలని సూచించారు.ఈ కార్యక్రమంలో పాఠశాల ప్రిన్సిపాల్ శ్రీ లక్ష్మమ్మ, అకౌంటెంట్ సరోజ, ఉపాధ్యాయుని లు ఉపాధ్యాయేతర సిబ్బంది పాల్గొన్నారు

నెల్లూరు నగరపాలక సంస్థ పరిధిలో వివిధ డివిజన్లలో"స్వచ్ఛ ఆంధ్ర- స్వచ్ఛ దివస్"కార్యక్రమాలు

నెల్లూరు కార్పొరేషన్(మేజర్ న్యూస్):

రాష్ట్ర ప్రభుత్వం ప్రతినెల మూడవ శనివారాన్ని "స్వచ్ఛ ఆంధ్రా స్వచ్ఛ దివస్" గా ప్రకటించి పారిశుధ్య నిర్వహణపై ప్రజలకు అవగాహన పెంచే విధంగా రూపొందించిన కార్యక్రమాల్లో భాగంగా నెల్లూరు నగరపాలక సంస్థ పరిధిలోని 54 డివిజన్లలో స్వచ్ఛ ఆంధ్ర కార్యక్రమాలను నిర్వహించారు. అందులో భాగంగా శనివారం నాడు నగరపాలక సంస్థ శానిటేషన్ విభాగం ఆధ్వర్యంలో సచివాలయ వార్డు శానిటేషన్ కార్యదర్శుల నేతృత్వంలో అన్ని పాఠశాలల విద్యార్థులతో స్వచ్ఛ ఆంధ్ర కార్యక్రమంపై ప్రజలకు అవగాహన కల్పించేందుకు ర్యాలీలను నిర్వహించారు.వివిధ ప్రాంతాలలో గత కొన్నేళ్లుగా గార్బేజ్ పాయింట్లుగా వాడుతున్న ప్రదేశాలను నీళ్లతో శుభ్రం చేసి రంగవల్లులతో అలంకరించారు. పూల మొక్కల కుండీలను ఏర్పాటు చేసి "స్వచ్ఛ ఆంధ్ర - స్వచ్ఛ దివస్" ప్రతిజ్ఞను విద్యార్థులు, స్థానిక ప్రజలతో చేయించారు. వ్యర్ధాలను బహిరంగ ప్రదేశాలలో వేయరాదని స్థానిక ప్రజలకు విద్యార్థులు అవగాహన కల్పించారు. నెల్లూరు నగర పాలక సంస్థ ఆధ్వర్యంలో ఇంటింటికి అందజేసిన చెత్తబుట్టల ద్వారా తడి, పొడి, హానికరమైన వ్యర్ధాలను విడివిడిగా అందించి పారిశుద్ధ్య నిర్వహణకు ప్రజలంతా సహకరించాలని కోరారు.ఈ కార్యక్రమంలో స్థానిక కార్పొరేటర్లు, ప్రజాప్రతినిధులు, నగరపాలక సంస్థ వివిధ విభాగాల అధికారులు, సిబ్బంది, వార్డు సచివాలయ కార్యదర్శులు పాల్గొన్నారు.

స్వచ్ఛ్ ఆంధ్ర ప్రదేశ్ లక్ష్యంగా చంద్రబాబు అడుగుల

విజినరీ ఉన్న నాయకుడు చంద్రబాబు ఉదయగిరి ఎమ్మెల్యే కాకర్ల సురేష్

జలదంకి, మేజర్ న్యూస్ :-

ముఖ్యమంత్రి చంద్రబాబు నాయుడు విజినరీ ఉన్న నాయకుడని, రాష్ట్రాన్ని స్వచ్ఛ్ ఆంధ్ర ప్రదేశ్ గా తీర్చి దిద్దే ఎందుకు స్వచ్ఛ ఆంధ్ర స్వచ్ఛభారత్ కార్యక్రమం భాగంగా గ్రామాల్లో పరిశుభ్రతే లక్ష్యంగా అడుగులు వేస్తూసు పరిపాలన కొనసాగిస్తున్నాట్లు ఉదయగిరి ఎమ్మెల్యే కాకర్ల సురేష్ పేర్కొన్నారు. శనివారం మండలంలోని బ్రాహ్మణక్రాక అగ్రహారంలో  నూతనంగా నిర్మించిన కమ్యూనిటీ సానిటరీ కాంప్లెక్స్ ను ఆయన ప్రారంభించారు. ఈ సందర్భంగా ఆయన మాట్లాడుతూ గ్రామాల్లో ప్రతి కుటుంబం అభివృద్ధి చెందాలని లక్ష్యంతో పాటు ఆ కుటుంబాల పరిశుభ్రతే ధ్యేయంగా ముఖ్యమంత్రి చంద్రబాబు నాయుడు  స్వచ్ఛ భారత్ కు శ్రీకారం చుట్టారన్నారు. పరిసరాల, పరిశుభ్రం ఉన్నప్పుడే గ్రామాలంత పరిసరాలు పరిశుభ్రంగా ఉన్నప్పుడే   ఉంటాయని  అలాగే ఆరోగ్యం సక్రమంగా ఉంటుందని అన్నారు. ఉదయగిరి నియోజకవర్గంలో  ప్రయాణికుల రద్దీ ఎక్కువగా ఉన్న ప్రాంతాల్లో  స్వచ్ఛభారత్ కార్యక్రమంలో భాగంగా పరిశుభ్రతే లక్ష్యంగా చర్యలు చేపడతారని ఆయన తెలిపారు. . ప్రతి ఒక్కరు స్వచ్ఛ భారత్ కు తమ వంతు కృషి చేయాలని ఆయన పిలుపునిచ్చారు. పంచాయతీ పాలకులు, అధికారులు, ప్రజా ప్రతినిధులు  ఆ దిశగా చర్యలుతీసుకొని  గ్రామాల  స్వచ్ఛతకు అభివృద్ధి చేయాలని సూచించారు. . కేంద్ర, రాష్ట్ర ప్రభుత్వాలు, ప్రతిష్టాత్మకంగా చేపట్టిన స్వచ్ఛభారత్, స్వచ్ఛ ఆంధ్రలో భాగంగా పంచాయతీల్లో నెలకొల్పిన చెత్త నుండి సంపద కేంద్రాలను అన్ని మండలాల్లో వినియోగం లోకి తీసుకొని రావడం జరిగింది అన్నారు. గ్రామంలోని తడి పొడి చెత్తలను సంపద కేంద్రాలకు తరలించి ఎరువులు తయారు చేసి. ఆయా పంచాయతీలకు సంపదను సృష్టించడం జరుగుతుందన్నారు. ప్రతినెల మూడవ శనివారం ఈ కార్యక్రమాన్ని ప్రతి గ్రామంలో ప్రతిష్టాత్మకంగా నిర్వహించాలని అన్నారు. అలాగే ఉదయగిరి నియోజకవర్గంలో 8 మండలాల ప్రజలు గ్రామాల పరిశుభ్రం ఉంచుకొని ఆరోగ్యవంతమైన జీవనం గడపాలని  ఆ భగవంతుని ప్రార్థిస్తున్నట్లు తెలిపారు. జలదంకి మండలంలో  గ్రౌండ్ వాటర్ ను పెంపొందించేందుకు 100 ఇంకుడు గుంటలను ఏర్పాటు చేస్తున్నట్లు తెలిపారు. ప్రతి ఒక్కరూ ఇంకుడు గుంటలను ఏర్పాటు చేసుకొని నీటిని సంరక్షించుకోవాలని తెలిపారు. ముందుగా బి కే అగ్రహారం గ్రామంలో టిడిపి నాయకులు  ఎమ్మెల్యే కు ఘన  స్వాగతం పలికారు. ఈ కార్యక్రమంలో మాజీ ఎమ్మెల్యే కంభం విజయరామిరెడ్డి,

ఎంపీపీ గోచిపాతల వెంకట రమణయ్య, తెలుగు యువత అధ్యక్షులు మునగాల తిరుమలరెడ్డి, టిడిపి నాయకులు దగ్గు మాటి మాల్యాద్రి రెడ్డి,చిత్తా బత్తినమస్తాన్ రెడ్డి, లింగం గుంట దశరథ రామానాయుడు, స్వర్ణ కొండపు నాయుడు, బిజెపి నాయకులు చల్ల హనుమారెడ్డి, బండారు తిరపతి రెడ్డి, బ్రాహ్మణ క్రాక సర్పంచ్ ఇండ్ల సుధాకర్, టిడిపి నాయకులు గంట అశోక్, గంగపట్ల మాలకొండయ్య, దగ్గు మాటి శ్రీనివాసులురెడ్డి, మేదరమెట్ల శేషారెడ్డి, పాండురంగారెడ్డి, గంట సుబ్బానాయుడు, ఎంపీటీసీ కుట్టు బో యిన  మాధవరావు, జనసేన నాయకులు నిమ్మలపల్లి రామచైతన్య, ఎంపీడీవో బ్రహ్మయ్య, తాసిల్దార్ ప్రమీల, ఆర్డబ్ల్యూసీ మసూద్ అహ్మద్, ఏపీవో శ్యామల, పంచాయతీ సెక్రటరీ నీరజ, సచివాలయసిబ్బంది, గ్రామస్తులు టిడిపి నాయకులు పాల్గొన్నారు.