Ravikiranalu TV

 ఎల్వీఎం-3-ఎం-3 రాకెట్ ప్రయోగం విజయవంతం

36 ఉపగ్రహాలను కక్ష్యలోకి ప్రవేశపెట్టిన రాకెట్.

ఎల్వీఎం-3-ఎం-3 రాకేట్ ఎత్తు 43.5 మీటర్లు.

బరువు 643 టన్నులు. 36 ఉపగ్రహాల బరువు 5,805 కిలోలు.

రవి కిరణాలు శ్రీహరికోట సూళ్లూరుపేట మార్చి 26:-

భారత అంతరిక్షపరిశోధన కేంద్రం శ్రీహరికోట షార్ నుండి ఆదివారం ఉదయం ప్రయోగించిన ఎల్వీఎం-3-ఎం-3 రాకెట్ ప్రయోగం విజయవంతమైంది. నిర్దిష్ట కక్ష్యలోకి 36 ఉపగ్రహాలు చేరుకున్నాయి. యూకే తో భారత్ కుదుర్చుకున్న ఒప్పంద ప్రయోగాలలో రెండో ప్రయోగం ఘనవిజయం సాధించింది. ఈ రాకెట్ ప్రయోగం విజయవంతం కావడంతో వాణిజ్య ప్రయోగాలకు డిమాండ్ పెరుగనుంది.

ఈ సందర్భంగా ఇస్రో ఛైర్మన్ సోమనాథ్ మాట్లాడుతూ ఎల్వీఎం-3-ఎం-3 రాకెట్ ప్రయోగం ఊహించిన విజయం సాధించి పెట్టిందన్నారు. కక్ష్యలోకి చేరుకున్న 16 ఉపగ్రహాల నుంచి భూమికి సంకేతాలు అందాయన్నారు. ఎల్వీఎం-3-ఎం-3 రాకెట్ ప్రయోగ విజయం ఇస్రోకు గర్వకారణమని, ఈ విజయం చారిత్రాత్మక విజయంగా భావించాలని అన్నారు. ఎల్వీఎం-3-ఎం-3 ప్రయోగ విజయం భవిష్యత్తు ప్రయోగాలకు ప్రాణం పోసిందని, షార్ నుంచి పీఎస్ఎల్వీ ద్వారా మరో వాణిజ్య ప్రయోగం త్వరలోనే ఉంటుందని సోమనాథ్ స్పష్టం చేశారు.

కాగా షార్ రాకెట్ ప్రయోగ కేంద్రం నుంచి ఆదివారం ఉదయం 9 గంటలకు ఎల్వీఎం-3-ఎం-3 రాకెట్ నింగిలోకి దూసుకెళ్లింది. శనివారం ఉదయం 8.30 గంటల నుంచి నిర్విఘ్నంగా కౌంట్ డౌన్ సాగింది. భూమి ఉపరితలం నుంచి 450 కి.మీ దూరంలోని లియో ఆర్బిటల్ వృత్తాకార కక్ష్యలోకి 36 ఉపగ్రహాలను ప్రవేశపెట్టేలా డిజైన్ చేశారు. 20 నిమిషాలపాటు నింగిలో ప్రయాణించిన అనంతరం 36 ఉపగ్రహాలను ఒకదాని వెంట ఒకటి కక్ష్యలోకి రాకెట్ ప్రవేశపెట్టింది. ఎల్వీఎం-3-ఎం-3 రాకేట్ ఎత్తు 43.5 మీటర్లు. బరువు 643 టన్నులు. 36 ఉపగ్రహాల బరువు 5,805 కిలోలు. రాకెట్ ప్రయోగం నేపథ్యంలో షార్‌లో భద్రత కట్టుదిట్టం చేశారు. ఈ రాకెట్ విజయవంతం కావడంతో శాస్త్రవేత్తలు ఆనందం వ్యక్తం చేశారు.

 చలంచర్ల సచివాలయమును ఆకస్మిక తనిఖీ చేసిన డివిజనల్ అభివృద్ధి అధికారి కనకదుర్గ భవాని ఈరోజు కావలి రూరల్ మండల పరిధిలోగల చలంచర్ల గ్రామ సచివాలయమును కావలి డివిజన్ అభివృద్ధి అధికారి కనకదుర్గ భవాని ఆకస్మికంగా తనిఖీ చేసినారు సచివాలయ రికార్డులు పరిశీలించి పంచాయతీ కార్యదర్శి కి సచివాలయ సిబ్బందికి తగు ఆదేశములు జారీ చేసినారు ఆయుష్మాన్ భారత్ మరియు ఇతర సంక్షేమ కార్యక్రమాలు అమలుపట్ల ప్రత్యేక శ్రద్ధ వహించాలని సచివాలయ సిబ్బందికి ఆదేశములు జారీ చేసినారు మరియు అక్కడ ఉన్న మహిళలతో ఆధార్ నమోదు పట్ల అవగాహన కల్పించినారు 2010 నుండి 2016 సంవత్సరం వరకు ఉన్న ఆధార్ కార్డులను ప్రతి ఒక్కరు ఆపరేషన్ చేసుకొనవలసిందిగా కోరినారు మరియు అక్కడే ఉన్న  చెత్త నుంచి సంపద తయారీ కేంద్రమును కూడా పరిశీలించి తడి చెత్త పొడి చెత్త ను ఏ విధంగా వేరు చేయాలి మరియు సేకరించిన చెత్త ద్వారా వర్మి తయారు చేయడానికి సంబంధించి పలు సూచనలు జారీ చేసినారు  ఈ కార్యక్రమంలో ఎంపీడీవో వెంకట సుబ్బారావు పంచాయతీ కార్యదర్శి శ్యామ్ సుందర్ పంచాయతీ సర్పంచ్ సచివాలయ సిబ్బంది వాలంటీర్లు పాల్గొన్నారు

ఆధార్ పొంది 10 సం. పూర్తయిన వారికి ఆధార్ అప్డేట్ తప్పనిసరి

నవజాత శిశువుల  జనన ధ్రువీకరణ పత్రంను ఆధార్ అనుసంధానం చేయాలి

ఈనెల 27 నుండి 29 మార్చి వరకు అన్ని మండలాలలో  ఆధార ప్రత్యేక క్యాంపులు : జిల్లా కలెక్టర్

 రవి కిరణాలు, తిరుపతి, మార్చి 25:-

ఆధార్ పొంది 10 సం. పూర్తయిన వారు ఏదేని ఋజువు పత్రాలతో ఆధార్ అప్డేట్ తప్పనిసరిగా చేసుకోవాలని, వాలంటీర్లు ఇంటింటికీ తిరిగి వారికి దీనిపై అవగాహన కల్పించాలని, నవజాత శిశువుల జనన ధ్రువీకరణ పత్రంను ఆధార్ అనుసంధానం చేయాలనీ, అన్ని ఆధార్ కేంద్రాలలో గ్రామ/వార్డు సచివాలయాలలో ఆధార్ సేవల నిర్ణీత రుసుముల పట్టిక ప్రదర్శించా లని జిల్లా కలెక్టర్ కే వెంకట రమణారెడ్డి సంబంధిత అధికారులను ఆదేశించారు.

శనివారం స్థానిక కలెక్టరేట్  లో  జిల్లా స్థాయి ఆధార్ పర్యవేక్షణ కమిటీ రెండవ సమావేశం  జిల్లా కలెక్టర్ మరియు చైర్మన్ వారి ఆధ్వర్యంలో జరిగింది.  ఈ సమావేశంలో కలెక్టర్  మాట్లాడుతూ ఆధార్ అనుసంధానం కాకుండా మిగిలిపోయిన వారందరూ  ఆధార్ నమోదు  చేసుకోవాలని అన్నారు. ఆధార్ పొంది 10 సం. పూర్తయిన వారు ఏదేని ఋజువు పత్రాలతో దగ్గర్లోని ఆధార్ కేంద్రాలకు వెళ్లి ఆధార్ అప్డేట్ తప్పనిసరిగా చేసుకోవాలని, వాలంటీర్లు ఇంటింటికీ తిరిగి ప్రజలకు దీనిపై మోటివేట్ చేయాలని అన్నారు. 5 సం. మరియు 15 సంవత్సరాలు దాటిన పిల్లలకు వేలి ముద్రలు  అప్ డేషన్ కు, ఇంతవరకు ఆధార్ పొందని నవజాత శిశువుల జనన ధ్రువీకరణ పత్రాలను ఆధార్ కు అనుసంధానం చేసే ప్రక్రియ వేగవంతం చేయాలని అన్నారు.  ఆధార్ నమోదుకు  .   ప్రసవాలు జరిగే అన్ని ఆసుపత్రులలో నవజాత శిశువుల జాబితా సిద్ధం చేసి సంబంధిత మహిళా శిశు సంక్షేమ శాఖ సిడి పి ఓ లకు జనన ధృవీకరణ పత్రాలను అందించేలా చర్యలు చేపట్టాలని, సంబంధిత జనన మరణ రిజిస్టర్ అథారిటీ అధికారులు జారీ చేసిన జనన ధృవీకరణ పత్రాలను ఆధార్ అనుసంధానం చేసే ప్రక్రియను వేగవంతం చేయాలని ఎలాంటి నిర్లక్ష్యం సహించేది లేదని తెలిపారు.  ఆధార్ వివరాలకు సంబంధించి ఎవరైనా గమ్మీ వేలిముద్రల తో (మోసపూరిత వేలి ముద్రలు) మోసపూరిత చర్యలకు పాల్పడితే కఠిన చర్యలు తీసుకోబడునని, ఆధార్ నమోదు కేంద్రాల్లో పని చేయు సిబ్బంది అప్రమత్తతో మెలగాలని సూచించారు. ఆధార్ కార్డు అప్డేషన్ కొరకు ప్రజలు స్వయంగా ఆన్లైన్ లో అప్డేట్ చేసుకోవచ్చని, లేనిచో వారికి మండలంలో అందుబాటులో ఉండే ఆధార్ కేంద్రం ను సందర్శించి గుర్తింపు రుజువులు సమర్పించి రూ.50/- చెల్లించి  డాక్యుమెంట్ అప్ డేట్ చేసుకోవాలని కోరారు. బయోమెట్రిక్ ఆప్డేషన్ కొరకు 100 రూపాయలు చెల్లించాల్సి ఉంటుందని నిర్ణీత రుసుములు పట్టిక మేరకు చెల్లించి అప్డేట్ చేసుకోవచ్చని తెలిపారు. లెప్రసీ వ్యాధి గ్రస్తులు, విబిన్న ప్రతిభావంతులకు, ఆధార్ కేంద్రాలకు రాలేని వారికి ప్రభుత్వ పథకాలు అందేలా ఆధార్ కార్డు కొరకు ప్రత్యేక చర్యలు చేపట్టాలని అన్నారు. అన్ని ఆధార్ కేంద్రాలలో,  గ్రామ/వార్డు సచివాలయాలలో ఆధార్ సేవల కొరకు నిర్ణీత రుసుమల పట్టిక ప్రదర్శించాలని అన్నారు.

ఈనెల 27 నుండి 29 వరకు ప్రత్యేక ఆధార్ క్యాంపులో ఏర్పాటు ప్రతి మండలాలలో ఉంటుందని ప్రజలు సరియైన ధ్రువీకరణ పత్రాలను సమర్పించి వారి ఆధార్ అప్డేషన్ లేదా నమోదు చేసుకోవాలని ఈ అవకాశాన్ని సద్వినియోగం చేసుకోవాలని కోరారు.  ప్రతి మండలంలో ఆధార్ మానిటరింగ్ కమిటీల ఏర్పాటు వాటి పనితీరు మెరుగ్గా ఉండాలని అన్నారు. ఆధార్ సేవలకు సంబందించిన సందేహాల నివృత్తి, సహాయం కొరకు టోల్ ఫ్రీ నెం.1947 కు కాల్ చేసి సమాచారం  పొందవచ్చునని తెలిపారు. అనంతరం ఆధార్ UIDAI గోడపత్రికను అధికారులతో కలసి విడుదల  చేశారు.    
   
ఈ సమావేశంలో జిల్లా రెవెన్యూ అధికారి శ్రీనివాసరావు, UIDAI ప్రతినిధి అసిస్టెంట్ మేనేజర్ సుశీల్, సెక్షన్ ఆఫీసర్ రీజనల్ ఆఫీస్ హైదరాబాద్ శ్రవణ్, పి.డి. డి.ఆర్.డి.ఎ జ్యోతి, డి.ఈ.ఓ. శేఖర్, పి.డి.డ్వామా శ్రీనివాస ప్రసాద్, ఎల్.డి.ఎం సుభాష్, జిల్లా మహిళా శిశు సంక్షేమ శాఖ అధికారి జయలక్ష్మి, జిల్లా ఇన్చార్జి అధికారి గ్రామ వార్డు సచివాలయం సుశీల దేవి, గూడూరు డిఎల్ డిఓ వాణి తదితర అధికారులు పాల్గొన్నారు.

 10 వ తరగతి విద్యార్థులకు పరీక్ష కిట్లు అందజేసిన అత్తిరాల కిరణ్ కుమార్ గౌడ్.

రవి కిరణాలు, దొరవారిసత్రం, మార్చి 25:-

   మండలంలోని  మహాత్మ జ్యోతిరావు పూలే బీసీ రెసిడెన్షియల్  పాఠశాల  విద్యార్థులకు ఆంధ్రప్రదేశ్  బీ.సీ సంక్షేమ సంఘం తిరుపతి జిల్లా యువజన అధ్యక్షులు అత్తిరాల కిరణ్ కుమార్ గౌడ్ గారు మరియు ఆం.ప్ర  బీ.సీ విద్యార్థి సంక్షేమ సంఘం రాయలసీమ అధ్యక్షులు గంగోరు వాసు కుమార్ గారి అధ్వర్యంలో 10 వ తరగతి పబ్లిక్ పరీక్షలు ఆసన్నమవుతున్న నేపథ్యంలో విద్యార్థులకు పరీక్ష సామాగ్రి, రైటింగ్ ప్యాడ్, పెన్, పెన్సిల్, స్కేల్, మొదలగు సామాగ్రి అందించడం జరిగింది.

అనంతరం ఆయన మాట్లాడుతూ విద్యార్థులంతా ప్రణాళికాబద్ధంగా పరీక్షలకు హాజరయ్యేందుకు సన్నద్ధం కావాలని కోరారు. విద్యార్థులంతా మానసిక ఒత్తిడి నుంచి దూరంగా ఉండాలని, ప్రణాళికాబద్ధంగా పాఠ్యాంశాలను చదువుకోవాలని సూచించారు. ఈ కార్యక్రమానికి ముఖ్యఅతిథిగా దొరవారిసత్రం  ఎస్సై తిరుమల రావు హాజరయ్యారు.
ఎస్సై మాట్లాడుతూ నిరంతర ప్రక్రియగా తరగతిలో నేర్చుకున్న అంశాలపై పునశ్చరణ చేపట్టాలని కోరారు. సంబంధిత విషయానికి సంబంధించిన ఉపాధ్యాయుల మార్గదర్శనం తీసుకొని పబ్లిక్ పరీక్షల్లో అద్భుత ఫలితాలను సాధించాలని ఆకాంక్షించారు. విద్యార్థులంతా మోడల్ ప్రశ్న పత్రాలను పునఃచరణ చేసుకోవాలని కోరారు. శ్రమ నీ ఆయుధమైతే విజయం నీ బానిస అవుతుందని జాతిపిత మహాత్మాగాంధీ చెప్పిన సూక్తిని విద్యార్థులంతా ఎల్లప్పుడూ గుర్తుంచుకోవాలని  తెలిపారు.

 ఈ కార్యక్రమంలో ప్రిన్సిపల్  తిరుపతయ్య, ఉప ప్రిన్సిపల్ పరమేశ్వరరావు, బీ.సీనాయకులు జె.కిరణ్, తదితరులు పాల్గొన్నారు.

 శ్రీసిటీ-కెలాగ్స్ పరిశ్రమ చే విద్యార్థులకు పౌష్టికాహారం
- చెరివి పాఠశాలలో "బ్రైట్ స్టార్ట్" కార్యక్రమం ప్రారంభం

రవి కిరణాలు న్యూస్ తడ శ్రీసిటీ, మార్చి 25, 2023:

శ్రీసిటీ ఫౌండేషన్ చొరవతో శ్రీసిటీలోని కెలాగ్స్ పరిశ్రమ సత్యవేడు మండలంలోని చెరివి ప్రభుత్వ ప్రాథమికోన్నత పాఠశాలలో "బ్రైట్ స్టార్ట్" (ఉజ్వల ఆరంభం) కార్యక్రమాన్ని ప్రారంభించింది. ఇందులో ప్రతిరోజూ ఉదయం విద్యార్థులకు పాలు, సాయి స్యూర్ న్యూట్రిషన్ పౌడర్ తో చాకోస్ కలిపిన పౌష్టికాహారం ఇస్తారు. పాఠశాల ఆవరణలో కెలాగ్స్ ప్లాంట్ లీడ్ శేఖర్ భోస్లే కార్యక్రమాన్ని లాంఛనంగా ప్రారంభించగా, శ్రీసిటీ వైస్ ప్రెసిడెంట్ (కస్టమర్ రిలేషన్స్) రమేష్ కుమార్, కెలాగ్స్ ప్లాంట్ హెచ్ ఆర్ లీడ్ హరి జయబాలన్, ఈ హెచ్ ఎస్ లీడ్ సురేష్ బాబు, క్వాలిటీ లీడ్ సుధీర్ పడాల, ఇతర పలువురు కెలాగ్స్, శ్రీసిటీ ఫౌండేషన్ ప్రతినిధులు, ఉపాధ్యాయులు పాల్గొన్నారు.

ఈ సందర్భంగా శేఖర్ భోస్లే మాట్లాడుతూ, కెలాగ్స్ సంస్థ కార్పొరేట్ సామాజిక భాద్యత చర్యల్లో భాగంగా తమ ఎన్జీఓ భాగస్వామి సాయి అన్నపూర్ణ ట్రస్ట్ తో కలసి విద్యార్థుల ఆరోగ్య పరిపుష్టి మరియు డ్రాప్ ఔట్స్ ను తగ్గించే ఉద్దేశ్యంతో "బ్రైట్ స్టార్ట్" కార్యక్రమం వివిధ ప్రభుత్వ పాఠశాలలలో చేపడుతున్నట్లు తెలిపారు. ఈ కార్యక్రమం ఇప్పటికే శ్రీసిటీ పరిధిలోని ఇరుగుళం, మాధనపాలెం ప్రాథమిక, ఉన్నత పాఠశాలల్లో ప్రారంభించబడగా, ప్రస్తుతం చెరివిలో మొదలుపెట్టామని చెప్పారు. త్వరలో శ్రీసిటీ పరిసరాల్లోని ఇతర అన్ని ప్రభుత్వ పాఠశాలల్లో ప్రారంభించనున్నట్లు ఆయన పేర్కొన్నారు.  

కెలాగ్స్ చర్యలను  శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి ఒక ప్రకటనలో అభినందించారు. పౌష్ఠిక అల్పాహారంతో రోజును ప్రారంభించడం ద్వారా విద్యార్థులకు ఇది మంచి ప్రయోజనాన్ని కలుగచేస్తుందని ఆయన అన్నారు.

మొత్తంగా 700 మంది విద్యార్థులకు దీని ద్వారా లబ్ది చేకూరుతున్నట్లు శ్రీసిటీ ఫౌండేషన్ సీనియర్ మేనేజర్ సురేంద్ర కుమార్ తెలిపారు. శ్రీసిటీ, కెలాగ్స్ యాజమాన్యాలకు చెరివి పాఠశాల ప్రదానాపాద్యాయులు, ఉపాధ్యాయులు కృతజ్ఞతలు తెలిపారు.

 ఎమ్మెల్సీ ఎన్నికలపై ఘాటుగా స్పందించిన ఎమ్మెల్యే కిలివేటి సంజీవయ్య.

రవి కిరణాలు,నాయుడుపేట, మార్చి 25:-

  నాయుడుపేటపట్టణంలో ఇటీవల జరిగిన ఎమ్మెల్సీ ఎలక్షన్ల పై సూళ్లూరుపేట శాసనసభ్యులు కిలివేటి సంజీవయ్య మీడియా సమావేశంలో ఘాటుగా స్పందించారు.  జరగబోయే 2029 ఎలక్షన్లలో గెలవబోయేది వైఎస్సార్సీపీ పార్టీ అని, వైఎస్ జగన్ మోహన్ రెడ్డి ని ముఖ్య మంత్రి గా ఆపడానికి ఎన్ని పార్టీలు కలిసి వచ్చిన ఆయన గెలుపు తధ్యం అని అన్నారు.  
                                        అయితే ప్రతిపక్షాలకు ఎమ్మెల్సీ గెలుపు ఎడారి లో ఎండ మావులు లాంటివని  వాటిని చూసి వయాసిస్సులు అనుకోవడం ప్రతిపక్షాల అమాయకత్వ మని  నాలుగు సంవత్సరాలు గా గెలుపును చూడక పోవడం తో ఆ మాత్రం గెలుపుకు ప్రతిపక్ష నాయకులు హడావుడి చేస్తున్నారని అసలు   ఎమ్మెల్సీ గెలుపు మీ నాయకులు ఎవరి వల్ల గెలిచారో ఆ గెలుపు ను ఎవరి ఖాతాలో వెయ్యాలో తెలియక వారిలో వారే వాదులు వేసుకుంటున్నారని అన్నారు.

 ఎన్ని పార్టీ లు కలిసి వచ్చిన 2024 ఎన్నికల్లో రాష్ట్రానికి ముఖ్యమంత్రి వైఎస్ జగన్ మోహన్ రెడ్డి అని  దీనిని ఎవ్వరూ ఆపలేరని ధీమా వ్యక్తం చేశారు.ఈకార్యక్రమంలో వైఎస్ఆర్సిపి నాయకులు కార్యకర్తలు అభిమానులు పాల్గొన్నారు.

ఈ కార్యక్రమం లో ఈఓ ఆళ్ళ శ్రీనివాసులు రెడ్డి, ఆలయ ట్రస్ట్ బోర్డు సభ్యులు ముప్పాళ్ల చంద్రశేఖర్ రెడ్డి,వంకా దినేష్ ,మన్నెముద్దు పద్మజ ,బండి సునీత ,నాయుడుకుప్పం నాగమణి
తదితరులు పాల్గొన్నారు.