సూళ్లూరుపేట పట్టణంలో ఘనంగా నారా లోకేష్ బాబు జన్మదిన వేడుకలు.

నెల్లూరుజిల్లా. సూళ్లూరుపేట: 

పట్టణంలోని తెలుగుదేశంపార్టీ కార్యాలయంనందు నేడు 

తెలుగుదేశం పార్టీ జాతీయ ప్రధానకార్యదర్శి నారా లోకేష్ జన్మదిన వేడుకలు ఘనంగా నిర్వహించారు. ఈకార్యక్రమానికి ముఖ్యఅతిథిగా సూళ్లూరుపేట నియోజకవర్గ టీడీపీ ఇంచార్జ్ నెలవల సుబ్రహ్మణ్యం విచ్చేశారు.పట్టణ టీడీపీ అధ్యక్షుడు ఆకుతోట రమేష్  ఆధ్వర్యంలో జన్మదిన వేడుకలను ఘనంగా నిర్వహించారు.అనంతరం బారీ కేక్ కట్ చేసి అందరికీ పంచిపెట్టారు. అనంతరం నెలవల సుబ్రహ్మణ్యం మీడియాతో మాట్లాడుతూ వైఎస్ఆర్ సిపి ప్రభుత్వం ఆగడాలకు అడ్డూ అదుపు లేకుండా పోతుందని, తెలుగుదేశం ప్రభుత్వ హయాంలో నారా లోకేష్ బాబు ఐటీ శాఖ మంత్రి గా ఉన్నప్పుడు మన రాష్ట్రానికి అనేక కంపెనీలు తీసుకొచ్చారని వాటిలో నిరుద్యోగులకు ఉద్యోగ భృతి కల్పించారని, ఇప్పుడున్న ప్రభుత్వం తెలుగుదేశం ప్రభుత్వం పై కక్ష సాధింపులు చేపడుతుందని వాటిని త్వరలో ప్రజలు తిప్పికొడతారని హితవు పలికారు. తెలుగుదేశం నాయకుల పై కార్యకర్తలపై అక్రమ కేసులు పెట్టి ఇబ్బందులకు గురి చేస్తున్నారని దీనికి తగిన మూల్యం చెల్లించుకోక తప్పదని అన్నారు.  ఈ కార్యక్రమంలో  పలువురు టీడీపి నాయకులు,కార్యకర్తలు, అభిమానులు పాల్గొన్నారు.

 పోలీస్ స్టేషన్ ప్రక్కనే ఉన్న దేవాలయంలో  చోరీకి పాల్పడిన దుండగులు 

రవికిరణాలు: ఓజిలి-ప్రతినిధి: ఓజిలి మండల పోలీస్ స్టేషన్ కు ముప్పై మీటర్లు దూరంలో ఉన్న దేవాలయంలో దొంగతనం జరిగింది. ఓజిలి గ్రామదేవత నాగర్పమ్మ దేవాలయంలో గురువారం రాత్రి దొంగలు చొరపడ్డారు.

దేవాలయంలో ఉన్న హుండీ ని పగులకొట్టి అందులో ఉన్న నగదును,అమ్మవారి మెడలోని నగలును దోచుకొనిపోయారు . శుక్రవారం ఉదయం పూజారి పూజ కార్యక్రమాలకు సిద్ధమై ఆలయం తలుపులు తెరవగా  చోరీ జరిగిన విషయాన్ని పసిగట్టిన పూజారి సమాచారంను గ్రామస్తులకును, స్థానిక పోలీసులకు తెలియపరిచారు . దొంగతనం జరిగిన ప్రాంతం పోలీస్ స్టేషన్ కు ముప్పై మీటర్ల దూరంలో ఉండడం గమనించ దగ్గ విషయం.దేవాలయం లో సిసి కెమెరాలు ఉండడంతో దొంగతనానికి పాల్పడిన వ్యక్తులను సీసీ ఫోటోస్ సహాయంతో సులువుగా దొంగలను పట్టుకోవచ్చు అని గ్రామస్తులు పోలీసులు వైపు ఆశగా ఎదురు చూస్తున్నారు.

 ఉపాధ్యాయుల అరెస్టు అప్రజాస్వామికం. ఏఐటియుసి,ఎస్ ఎఫ్ ఐ డిమాండ్.

నెల్లూరుజిల్లా. సూళ్లూరుపేట:-ఉపాధ్యాయులు తమ న్యాయమైన డిమాండ్ల సాధన కోసం ఫ్యాప్టో ఆధ్వర్యంలో నిన్న జిల్లాకలెక్టర్ కు వినతిపత్రం ఇవ్వాలని బయలుదేరిన ఉపాధ్యాయులను పోలీసుల చేత ఎక్కడికక్కడ నిర్బంధించడం దారుణమని ఏఐటీయూసీ నియోజకవర్గ కార్యదర్శి ఇలపా నాగేంద్రబాబు అన్నారు.అనంతరం మీడియాతో మాట్లాడుతూ రివర్స్ పి ఆర్ సి ని వ్యతిరేకిస్తూ ఫ్యాప్టో ఆధ్వర్యంలో జిల్లా కలెక్టర్ కార్యాలయం వద్ద ధర్నాను చిన్నాభిన్నం చేయడానికి ప్రభుత్వం పోలీసులు ఉసిగొల్పుతోందని, పిఆర్సి ద్వారా ప్రభుత్వం అటు ఉద్యోగుల తో పాటు ఇటు నిరుద్యోగులను కూడా తీవ్రంగా ఇబ్బంది పెడుతోందని ప్రభుత్వ నిరంకుశ వైఖరిని దుయ్యబట్టారు.

మాట తప్పను మడమ తిప్పనని బీరాలు పలికిన ముఖ్యమంత్రి నేడు పూర్తిగా యూటర్న్ తీసుకుని రాష్ట్ర భవితవ్యాన్ని అధోగతి పాలు చేస్తున్నాడన్నారు. తక్షణం సిపిఎస్ రద్దు చేయాలని, పాత పీఆర్సీని అమలు చేయాలని, ఉద్యోగుల వయో పరిమితిని తగ్గించాలని డిమాండ్ చేశారు. నిన్న తెల్లవారుజామున ప్రభుత్వ టీచర్లను ఉగ్రవాదుల కంటే దారుణంగా అరెస్టు చేయడం దుర్మార్గమని ఆఖరికి మహిళా టీచర్లను కూడా అరెస్టు చేసి పోలీస్ స్టేషన్ కు తరలించడం ద్వారా ప్రభుత్వ దివాలాకోరుతనం అర్థమవుతోందని అన్నారు. ఉపాధ్యాయులు ధర్నా కు పూర్తి మద్దతు ఇస్తున్నామని, అరెస్టు చేసిన ఉపాధ్యాయులను బేషరతుగా విడుదల చేయాలని కోరారు.ఈ కార్యక్రమంలో వామపక్ష విద్యార్థి సంఘాల నేతలు సూర్య లోకేష్ నాగరాజు తదితరులు పాల్గొన్నారు.

 సిపిసి రద్దు చేస్తానని చెప్పిన జగన్ రెడ్డి,చింతామణి నాటకాన్ని రద్దు చేస్తున్నారు.
                   - అబ్దుల్ అజీజ్, కోటంరెడ్డి శ్రీనివాసులు రెడ్డి...

ఏపీ ప్రభుత్వం విడుదల చేసిన పీఆర్సీ జీవోను రద్దు చేయాలంటూ ఉపాధ్యాయ సంఘాల సమాఖ్య (ఫ్యాప్టో) నేడు కలెక్టరేట్ల ముట్టడికి పిలుపునిచ్చింది... దీంతో రాష్ట్రవ్యాప్తంగా ఉపాధ్యాయ సంఘాలు రోడ్డు మీదకు వచ్చి తమ నిరసన తెలియజేస్తున్నాయి...ఈనేపథ్యంలో నెల్లూరు పార్లమెంటరీ ఇంచార్జి అబ్దుల్ అజీజ్ నెల్లూరు నగర టీడీపీ ఇంచార్జ్ కోటంరెడ్డి శ్రీనివాసులురెడ్డి కలసి ఉద్యోగస్తుల కు మద్దతు తెలుపుతూ వారితో  కలెక్టరేట్ ను ముట్టడించి నిరసనలు తెలిపారు...

 అబ్దుల్ అజీజ్ మాట్లాడుతూ... 

ఎన్నికల ముందు సిపిసి రద్దు చేస్తానని హామీ ఇచ్చిన వైయస్ జగన్మోహన్ రెడ్డి దానిని గాలికి వదిలేశారని అబ్దుల్ అజీజ్ మండిపడ్డారు .ఇచ్చిన హామీ ను పట్టించుకోకుండా చింతామణి నాటకాన్ని రద్దు చేయడం హాస్యాస్పదంగా ఉందని నెల్లూరు పార్లమెంటు ఇన్చార్జి అబ్దుల్ అజీజ్ పేర్కొన్నారు..సీఎం పదవి అంటే చిన్నపిల్లలు ఇష్టం వచ్చినట్లు ఆడుకునే ఆట కాదనీ, కరోనా వంటి విపత్కర పరిస్థితుల్లో ఉద్యోగస్తులను మేనేజ్ చేయడంలో జగన్మోహన్ రెడ్డికి అనుభవం లేదనీ అన్నారు..సిపిఎస్ రద్దు చేస్తామని ఇచ్చిన హామీని వెంటనే రద్దు చేయాలనీ అబ్దుల్ అజీజ్ డిమాండ్ చేశారు  మాట తప్పం మడమ తిప్పం అని చెప్పిన జగన్ మోహన్ రెడ్డి ఇప్పుడు ఏమయ్యాడు అని అబ్దుల్ అజీజ్ ప్రశ్నించారు  ఉద్యోగస్తుల డిమాండ్లను వెంటనే నెరవేర్చాలనీ ఎన్నికల ముందు వైకాపా ప్రభుత్వం ఉద్యోగులకు.ఇచ్చిన హామీలను కూడా నెరవేర్చలని డిమాండ్ చేశారు. స్వచ్ఛందంగా నిరసనలు తెలిపేందుకు వస్తున్నా ఉద్యోగస్తులను పోలీసులు అడ్డుకుని నిర్బంధించడం బాధాకరమని అబ్దుల్ అజీజ్ ఆవేదన వ్యక్తం  తెలుగుదేశం పార్టీ హయాంలో విభజన హామీలను నెరవేర్చి ఉద్యోగస్తులకు అన్నివిధాలా ఆదుకున్నారని ఆయన గుర్తు చేశారు.

కోటంరెడ్డి శ్రీనివాసులురెడ్డి మాట్లాడుతూ

తెలంగాణ నుండి విడిపోయిన తరువాత చంద్రబాబు నాయుడు హయాంలో ఉద్యోగస్తులు అన్నివిధాలా అడ్డుకున్నారని గుర్తు చేశారు ప్రపంచంలో ఎంత గొప్ప వారైనా టీచర్లను గౌరవించాల్సిందే అని అలాంటి ఉపాధ్యాయులను రోడ్డెక్కిన ఘనత వైయస్ జగన్మోహన్ రెడ్డికే దక్కుతుందని విమర్శించారు ఒకపక్క కరోనాతో ఆర్థికంగా ఇబ్బందులు ఎదుర్కొంటున్నా మధ్యతరగతి కుటుంబీకులు ఇంటి అద్దె కట్టలేని స్థితిలో ఉంటే.. అద్దెలు పెంచుతూ వైకాపా ప్రభుత్వం మాత్రం 4శాతం నుండి 14శాతం వరకు అధిక భారాన్ని మోపిందని  మండిపడ్డారు  అశోక్ మిత్ర  రిపోర్ట్ దమ్ముంటే బయటపెట్టాలని కోటంరెడ్డి శ్రీనివాసులు రెడ్డి డిమాండ్ చేశారు.. ఇదంతా సజ్జల రామకృష్ణ రాసిన చెత్త రిపోర్టుగా ఆయన అభివర్ణించారు  ఉద్యోగస్తులు తో పెట్టుకున్న ఏ ప్రభుత్వం బాగు పడక సర్వనాశనం అయిందని ఆరోపించారు  ఉద్యోగస్తులు తమ మెడకు ఉరితాళ్లు వేశారని గగ్గోలు పెడుతుంటే...జగన్ రెడ్డికి ఏదీ పట్టనట్టు చింతామణి డ్రామాను రద్దు చేయడం చాలా హాస్యాస్పదంగా ఉందన్నారు  అసలు చింతామణి నాటకం ఎవరు రద్దు చేయమని అడిగారని ముందు ఉద్యోగస్తుల బాధను అర్థం చేసుకుని వారికి సరైన న్యాయం చేయాలని కోరారు  ఉద్యోగస్తులు దాచుకున్న డబ్బును వారికి ఇవ్వడం కూడా కష్టంగా ఉంది... ప్రభుత్వం వద్ద డబ్బుల్లేక దివాలా తీసిందని ఈ పరిణామాలను చూస్తుంటే అర్థమవుతుందని కోటంరెడ్డి శ్రీనివాసులురెడ్డి ఆరోపించారు

 చెట్లను సంరక్షించడమనేది సంస్కృతిగా మారాలి
                                            డియస్పీ దేవరకొండ ప్రసాద్

   శ్రీ పొట్టి శ్రీరాములు  నెల్లూరు జిల్లా

 కావలి డియస్పీ "దేవరకొండ ప్రసాద్" కు "డిప్యూటీ సూపరిండెంట్ ఆఫ్ పోలీస్" ప్రమోషన్ సందర్భంగా తన కార్యాలయంలో ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర అధ్యక్షులు కె.తిరుపాలు, రాష్ట్ర సెక్రటరీ టి.శేషయ్య, ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర స్టీరింగ్ మానిటరింగ్ వర్కింగ్ అధ్యక్షులు డాక్టర్ చేవూరుచిన్న మర్యాదపూర్వకంగా ఆయనకు మామిడి,నిమ్మ మొక్కలు ఆయన చేతులమీదుగా డియస్పీ ప్రాంగణంలో నాటడం జరిగింది   ఈ సందర్భంగా ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర  అధ్యక్షులు కె.తిరుపాలు మాట్లాడుతూ ప్రస్తుత సమాజంలో  శాంతిభద్రతల పర్యవేక్షణలో పోలీసుల పాత్ర ఎంతో కీలకమని  డియస్పీ దేవరకొండ ప్రసాద్ కావలిలో బాధ్యతలు తీసుకున్న నుండి డివిజన్ లో శాంతిభద్రతల ప్రతిష్టాత్మకంగా అమలు చేశారని అన్నారు  ఈ సందర్భంగా డియస్పీ దేవరకొండ ప్రసాద్ మాట్లాడుతూ చెట్లను సంరక్షించడమనేది సంస్కృతిగా మారాలని రాష్ట్రంలో పచ్చదనాన్ని పెంపొందించేందుకు మొక్కలు నాటి సంరక్షించాలని, ఆంధ్రప్రదేశ్‌ను పచ్చదనంతో కూడిన రాష్ట్రంగా మార్చే బాధ్యతను మనమే తీసుకోవాలని ఆయన అన్నారు  ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర సెక్రటరీ టి.శేషయ్య మాట్లాడుతూ శాంతి భద్రతల పరిరక్షణలో సంఘవిద్రోహా శక్తులను అణిచివేయడంలో పోలీసులు చేస్తున్న కృషిని గొప్పదన్నారు   పై కార్యక్రమంలో ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర స్టీరింగ్ మానిటరింగ్ వర్కింగ్ అధ్యక్షులు "డాక్టర్ చేవూరుచిన్న" మాట్లాడుతూ "డియస్పీ దేవరకొండ ప్రసాద్" కరోనా మహమ్మారి విజృంభించి ప్రజలను భయంతో వణికిస్తున్న సమయంలో ఎంతో చాకచక్యంతో ఉన్నతాధికారులతో కలిసి శాంతిభద్రతల అమలుచేస్తూ ప్రజలకు ధైర్యాన్ని కల్పించారు,అదేవిదంగా తిరునాళ్ళను,గ్రామోత్సవాలను కట్టుదిట్టమైన భద్రతతో పర్యవేక్షిస్తూ విజయవంతంగా కార్యక్రమాలను ఘనవిజయంగా జరిగించటలో కృషి చేశారని  అని తెలిపేరు 

 మెగా బ్రదర్స్ సేవాసమితి ఆధ్వర్యంలో అనాధ శవానికి అంత్యక్రియలు

 నెల్లూరు జిల్లా గూడూరు పట్టణంలోని  ఓం శ్రీ సాయి రామ్ చారిటీస్ ఆశ్రమంలో ఆశ్రయం పొందుతున్న గోపాల్ అనే వ్యక్తి మృతి చెందడంతో అతనికి సంబంధించిన వారు ఎవరు  లేకపోవడంతో మెగా బ్రదర్స్ సేవాసమితి ఆధ్వర్యంలో మరణించిన గోపాల్ మృతదేహానికి అంత్యక్రియలు నిర్వహించడం జరిగిందని ఆశ్రమ నిర్వాహకురాలు కళ్యాణి తెలిపారు . గోపాల్  మృతి చెందిన సమాచారాన్ని స్థానిక పోలీసు అధికారులకు మెగాబ్రదర్ సేవా సమితి సభ్యులు తెలియజేసి వారి అనుమతితో అంత్యక్రియలు కార్యక్రమం పూర్తి చేశారు .  గత నెల 22వ తేదీన గూడూరు పట్టణంలోని  అల్లూరు ఆదిశేషారెడ్డి  ప్రభుత్వ స్టేడియంలో గోపాల్ అనే వ్యక్తి  ఒంటరిగా ఉండడాన్ని గుర్తించిన మెగా బ్రదర్స్ సేవాసమితి సభ్యులు స్థానిక పోలీసుల సహకారంతో  గోపాల్ ను పట్టణంలోని ఓం శ్రీ సాయిరాం చారిటీస్ ఆశ్రమంలో చేర్పించారు .  గోపాల్ అనారోగ్యంతో మృతి చెందడంతో ఆశ్రమ నిర్వాహకులు మెగా బ్రదర్స్ సేవా సమితి సభ్యులకు సమాచారం అందించారు . మెగా బ్రదర్స్ సేవా సమితి సభ్యులు ఆశ్రమానికి చేరుకుని గోపాల్ మృతదేహాన్ని అంత్యక్రియలు నిర్వహించారు  . మృతిచెందిన గోపాల్ వివరాలు తెలుసుకునేందుకు మెగా బ్రదర్స్ సేవాసమితి అనేక విధాల  ప్రయత్నించింది మీడియా ద్వారా కూడా ప్రయత్నం చేయగా  గోపాల్ కు చెందిన వారు ఎవరు రాకపోవడంతో అనాధ గా గుర్తించి మెగా బ్రదర్స్ సేవా సమితి ఆధ్వర్యంలో  అంత్యక్రియలు నిర్వహించారు ఈ కార్యక్రమంలో జనసేన పార్టీ జిల్లా ఉపాధ్యక్షుడు తీగల చంద్రశేఖర్ మరియు మెగా బ్రదర్స్ సేవా సమితి సభ్యులు సూర్య, మోహన్ పాల్గొన్నారు .

 అటవీశాఖ అధికారులకు ముఖ్యమంత్రి వైఎస్ జగన్ మోహన్ రెడ్డి అభినందన లు

అమరావతి: ముఖ్యమంత్రి  వైఎస్ జగన్ మోహన్ రెడ్డి  ఆంధ్ర ప్రదేశ్  అటవీ శాఖ  సిబ్బంది కి  అభినందన లు  తెలిపారు.  గురువారం  ఆంధ్ర ప్రదేశ్ అటవీ శాఖ ప్రధాన ముఖ్య సంరక్షణాధికారి ఎన్. ప్రతీప్ కుమార్  ఐ.ఎఫ్.ఎస్ నేతృత్వంలో   1992, 1997, 2004, 2008,2013 

బ్యాచ్ లకు  సంబంధించి న ఐఎఫ్ఎస్  అధికారులకు సకాలంలో  జనవరి నెల లో  పదోన్నతి లభించిన సంధర్భంగా  అధికారులు ముఖ్య మంత్రి  క్యాంపు కార్యాలయంలో  సీయం వైఎస్ జగన్ ను  మర్యాద పూర్వకంగా  కలిశారు.  ఈ సంధర్భంగా పచ్చదనం పెంపు లో  ఆంధ్రప్రదేశ్  అగ్ర గామి  గా నిలిచిన విషయంలో   తమ సిబ్బంది పనితీరు ను  పీసీసీఎఫ్ ఎన్. ప్రతీప్ కుమార్  ముఖ్యమంత్రి వైఎస్ జగన్ మోహన్ రెడ్డి కి వివరించారు. భారత దేశ చిత్ర పటంలో  పచ్చదనం పెంపు లో  ఆంధ్రప్రదేశ్  అగ్ర భాగాన  నిలవడం  పట్ల  సీయం వైఎస్ జగన్  హర్షం వ్యక్తం చేశారు.  ఇండియా  స్టేట్ ఆఫ్ ఫారెస్ట్ రిపోర్ట్ -2021 ప్రతి రెండు సంవత్సరాల కొకసారి వెల్లడిస్తారు.  ఇదే  పనితీరును భవిష్యత్తు లో కూడా పచ్చదనం పెంపు విషయంలో  కొనసాగించాలని  ఆయన సూచించారు. 

. ఇండియా  స్టేట్ ఆఫ్ ఫారెస్ట్ రిపోర్ట్-21 విడుదల చేసిన  జాబితాలో  భారత దేశం లో  అన్ని  రాష్ట్రాలలో  ఆంధ్ర ప్రదేశ్  మొదటి స్థానంలో నిలిచినట్లు  ఇటీవలే  భారత అటవీ మంత్రిత్వ శాఖ అధికారులు  ప్రకటించారు .647 చదరపు కిలోమీటర్ల  మేర  పచ్చదనం  పెరిగినట్లు  ఆ రిపోర్ట్ లో  వెల్లడించారు. 2019 సర్వే రిపోర్ట్  కన్నా   గ్రీన్ కవర్  పెంపు లో  పెరుగుదల  కనిపించడం తో  భారత అటవీ మంత్రిత్వ శాఖ మంత్రి  భూపేందర్ యాదవ్   ఈ విషయాన్ని  స్వయంగా  తెలిపారు. ఆంధ్రప్రదేశ్  మొదటి స్థానంలో  ఉండగా  తెలంగాణా  ద్వితీయ స్థానంలో  ఒడిషా మూడో స్థానంలో  నిలిచింది. పచ్చదనం పెంపు విషయంలో  గతంలో  మొదటి, రెండవ స్థానాలలో  నిలిచిన  ఏపీ  ఈ యేడాది  మొదటి స్థానంలో  నిలవడం గమనార్హం. ఆంధ్రప్రదేశ్ అటవీ శాఖ సిబ్బంది నిరంతరం పనిచేయడం , అంకిత భావం  వల్లనే  ఇది  సాధ్యమైందని  ఆంధ్ర ప్రదేశ్ అటవీ శాఖ ప్రధాన ముఖ్య సంరక్షణాధికారి ఎన్.  ప్రతీప్ కుమార్  తెలిపారు. అదే విధంగా  భవిష్యత్తు లో  కూడా  పచ్చదనం పెంపు విషయంలో  తమ సిబ్బంది  మరింత ఎక్కువ కృషిచేసి ఆంధ్ర ప్రదేశ్ ను  నంబర్ వన్ స్థానంలో  నిలబెడతారని  ఆయన ధీమా వ్యక్తం చేశారు.  అదే విధంగా  ఆలిండియా టైగర్ ఎస్టిమేషన్- 2021..22 ఆంధ్ర ప్రదేశ్ లో  ప్రోగ్రస్ గురించి కూడా  సీయం వైఎస్ జగన్ కు  వివరించారు. దేశవ్యాప్తంగా ప్రతి నాలుగేళ్ల కొకసారి పులుల గణన చేస్తారు.  ఈ సంధర్భంగా  ఐఎఫ్ఎస్ అధికారులకు  సకాలంలో  పదోన్నతులు  కల్పించిన ముఖ్య మంత్రి  వైఎస్ జగన్ మోహన్ రెడ్డికి  అటవీ శాఖ ప్రధాన ముఖ్య సంరక్షణాధికారి ఎన్ ప్రతీప్ కుమార్ కృతజ్ఞతలు తెలిపారు.