Ravikiranalu TV

 ఇరిగేషన్ అధికారులు నిర్లక్ష్యం వీడాలి.

విడవలూరు మేజర్ న్యూస్.

నీటిపారుదల శాఖ అధికారులు ఇప్పటికైనా నిద్రలేచి,  నిర్లక్ష్యం వదలి రైతుల కోసం పనిచేయాలని మండలంలోని చౌక చర్ల గ్రామానికి చెందిన రైతులు కోరారు. ఈ మేరకు మండలంలోని చౌకచర్ల గ్రామ చెరువు వద్ద గురువారం విలేకరుల సమావేశాన్ని నిర్వహించారు. ఈ సందర్భంగా వారు మాట్లాడుతూ 500 ఎకరాల విస్తీర్ణం కలిగిన చౌక చర్ల చెరువుకు 7 తూములు ఉన్నాయని, ఈ తూముల ద్వారా దాదాపు 4 ఎకరాలకు సాగునీరు అందిస్తుందని తెలిపారు. అయితే గత రెండు సంవత్సరాల నుంచి చెరువుకు ఉన్న రెండు తూములలో నీటిని నియంత్రించే చెక్కలు దెబ్బతిన్నాయని వీటిని మరమ్మత్తులు చేయాలని సంబంధిత అధికారులు కోరినా కూడా నిర్లక్ష్యంగా వ్యవహరిస్తున్నారని వారు ఆవేదన వ్యక్తం చేశారు. దీనివల్ల ఆ రెండు తుమ్మల కింద ఉన్న వరి సాగు  పొలాల రైతులు తీవ్ర ఇబ్బందులు పడుతున్నామని తెలిపారు. నీటిని నియంత్రించే చెక్కలు దెబ్బ తినటంతో చెరువులోకి వచ్చిన కొద్దిపాటి నీరు కూడా ఈ తిరుమల నీటిని నియంత్రించే చెక్కలు దెబ్బ తినటంతో చెరువులోకి వచ్చిన కొద్దిపాటి నీరు కూడా ఈ తూముల ద్వారా పంట పొలంలోకి చేరి పొలాలు నీట మునుగుతున్నాయని ఆవేదన వ్యక్తం చేశారు.  అంతేకాకుండా చెరువుకు వచ్చే కాలువను కూడా పూడిక తీయాలని వారు డిమాండ్ చేశారు. అలాగే చెరువు కలుజు విషయంలో కూడా అధికారులు నిర్లక్ష్యం వహిస్తున్నారని వాపోయారు. దీనివల్ల చెరువు ఆయకట్టు పరిధిలోని రైతులంతా తీవ్రంగా నష్టపోతున్నామని ఆవేదన చెందారు. ఈ విషయాన్ని త్వరలోనే కోవూరు ఎమ్మెల్యే వేమిరెడ్డి ప్రశాంతి రెడ్డి దృష్టికి తీసుకెళ్తామని వారు తెలిపారు. ఇప్పటికైనా నీటిపారుదల శాఖ అధికారులు నిర్లక్ష్యాన్ని వీడి రైతుల కొరకు పని చేయాలని కోరారు. ఈ కార్యక్రమంలో రైతులు చిన రాగయ్య, సుధాకర్ రెడ్డి, వెంకటేశ్వర్లు, విజయ, గోవర్ధన్ రెడ్డి, తదితరులు పాల్గొన్నారు

 పెనుబర్తి గ్రామంలో రెవెన్యూ సదస్సు కార్యక్రమం

నెల్లూరు రూరల్ (మేజర్ న్యూస్ )

నెల్లూరు రూరల్ నియోజకవర్గ పరిధిలోని పెనుబర్తి గ్రామంలో రెవెన్యూ సదస్సు కార్యక్రమం లో  టిడిపి నాయకులు కోటంరెడ్డి గిరిధర్ రెడ్డి పాల్గొన్నారు ఈ కార్యక్రమంలో ఆయన మాట్లాడుతూ....

రాష్ట్ర ముఖ్యమంత్రివర్యులు నారా చంద్రబాబునాయుడు ఆదేశాల మేరకు గ్రామ పంచాయతీలలో రెవెన్యూ సదస్సులు నిర్వహించి, రెవెన్యూ శాఖలో ఆన్ లైన్ ట్యాంపరింగ్, రికార్డుల తారుమారుపై అధికారులు గ్రామస్థాయిలో ఫిర్యాదులు స్వీకరించి పరిష్కరిస్తారని తెలియజేశారు. గత వై.సి.పి. ప్రభుత్వ పాలనలో రెవెన్యూ పరంగా ప్రజలు అనేక ఇబ్బందులు ఎదుర్కొన్నారు, గ్రామస్థాయిలో జరిగే రెవెన్యూ సదస్సుల్లో రెవెన్యూ అధికారులు పాల్గొని, సమస్యలకు పరిష్కారం చూపుతారని టిడిపి నాయకులు కోటంరెడ్డి గిరిధర్ రెడ్డి తెలిపారు.ఈ కార్యక్రమంలో నెల్లూరు రూరల్ మండల రెవెన్యూ అధికారి  లాజరస్, మండల పరిషత్ ఉపఅధ్యక్షుడు పల్లం రెడ్డి రవీంద్ర రెడ్డి, టిడిపి నాయకులు భాస్కర్ రెడ్డి, దినేష్ రెడ్డి, ఏలూరు శీనయ్య, సుమంత్ రెడ్డి, జశ్వంత్ రెడ్డి, వాసు, రవి, ప్రసాద్, కేతి రమేష్ రెడ్డి, చల్ల సుధీర్, అలగల మల్లి, తాండ్ర పెంచలయ్య, పోలయ్య, నాగేంద్ర, పండయ్య, మరియు రెవెన్యూ అధికారులు తదితరులు పాల్గొన్నారు.

 గొల్లకందుకూరు గ్రామంలో రెవెన్యూ సదస్సు కార్యక్రమం 

నెల్లూరు రూరల్ (మేజర్ న్యూస్ )

 నెల్లూరు రూరల్ నియోజకవర్గ పరిధిలోని గొల్లకందుకూరు గ్రామంలో రెవెన్యూ సదస్సు కార్యక్రమం లో టిడిపి నాయకులు కోటంరెడ్డి గిరిధర్ రెడ్డి పాల్గొన్నారు. ఈ కార్యక్రమంలో ఆయన మాట్లాడుతూ...రాష్ట్ర ముఖ్యమంత్రివర్యులు నారా చంద్రబాబునాయుడు ఆదేశాల మేరకు గ్రామ పంచాయతీలలో రెవెన్యూ సదస్సులు నిర్వహించి, రెవెన్యూ శాఖలో ఆన్ లైన్ ట్యాంపరింగ్, రికార్డుల తారుమారుపై అధికారులు గ్రామస్థాయిలో ఫిర్యాదులు స్వీకరించి పరిష్కరిస్తారని తెలియజేశారు. గత వై.సి.పి. ప్రభుత్వ పాలనలో రెవెన్యూ పరంగా ప్రజలు అనేక ఇబ్బందులు ఎదుర్కొన్నారు, గ్రామస్థాయిలో జరిగే రెవెన్యూ సదస్సుల్లో రెవెన్యూ అధికారులు పాల్గొని, సమస్యలకు పరిష్కారం చేస్తారని తెలియజేశారు.

ఈ కార్యక్రమంలో నెల్లూరు రూరల్ మండల రెవెన్యూ అధికారి లాజరస్, గొల్లకందుకూరు సర్పంచ్ దొరసానమ్మ, సజ్జాపురం సర్పంచ్ నారాయణ, ఉప సర్పంచ్ సూరేపల్లి కొండయ్య టిడిపి నాయకులు శివా రెడ్డి, దయాకర్ రెడ్డి, భాస్కర్ రెడ్డి, సిద్దారెడ్డి శ్రీనివాసులు రెడ్డి, వేమయ్య, తొడేటి మురళి, నారాయణ, చింతగింజల శ్రీనివాసులు, బుజ్జి రెడ్డి, మహేంద్ర, అశోక్, గుడి మస్తానయ్య, వెంకటేశ్వర్లు, పెంచలయ్య, నరేష్, అయ్యప్ప, రాముడు, దినేష్, టి .ప్రసాద్, వెంకటేష్, బి.సుధాకర్, ప్రసాద్, నరసయ్య, పాశం గోపాలయ్య, యరగల క్రిష్టయ్య, హజరత్తయ్య, పెంచలయ్య, పోలయ్య, తిరుపతయ్య మరియు రెవెన్యూ అధికారులు తదితరులు పాల్గొన్నారు.

 మద్యం దుకాణం మాకొద్దు ధర్నా చేస్తున్న స్థానిక మహిళలు 

నెల్లూరు, మేజర్ న్యూస్ : నెల్లూరు సింహపురి హాస్పిటల్ జంక్షన్ లో ఏర్పాటు చేస్తున్న మద్యం దుకాణానికి వ్యతిరేకంగా పెద్ద ఎత్తున మహిళల బుధవారం ఆందోళన చేశారు. ఈ సందర్భంగా వారు మాట్లాడుతూ

నెల్లూరు నగరంలో ఇష్టారాజ్యాంగా అధికార పార్టీ నేతల మద్యం దుకాణాలు పెడుతున్నారని తెలిపారు. అధికారపార్టీ అండతో

పెట్రేగిపోతున్న బడా సిండికేట్లు ఇష్టం  వచ్చిన రీతిలో  షాపులను ఏర్పాటు చేస్తున్నారని తెలిపారు.

 నెల్లూరు నగరంలోని అనేక ప్రాంతాల్లో ఇప్పటికే మహిళలు ఉద్యమిస్తున్నారని తెలిపారు.

 నెల్లూరు నగరంలో మద్యం దుకాణాలను బడా సిండికేట్లు శాసిస్తున్నాయని ఆరోపించారు. సిండికేట్ లు నడిపే వ్యక్తులు అధికార పార్టీ నేతలే కావడంతో వారి మాట వేదంగా మారిందని చెప్పారు.మద్యం వ్యాపారం జోలికి వెళ్ళవద్దని పదేపదే టిడిపి అధినేత చంద్రబాబు నాయుడు చెబుతున్న నెల్లూరులో మాత్రం ఈ మాటలను పెద్దచెవిన పెడుతున్నారని ఆరోపించారు.

మాదే అధికారం  అంటూ మద్యం వ్యాపారం దగ్గర్నుంచి ఇసుక వ్యాపారం వరకు ఏది చేసినా అధికార పార్టీ నేతలదేనని చెప్పారు.అధికార పార్టీ నేతలే ఉండడంతో అధికారులు కూడా చూసి ఉన్నట్లు వ్యవహరిస్తున్నారని పేర్కొన్నారు.

 జిల్లా వైద్య మరియు ఆరోగ్య శాఖాధికారి  వారి కార్యాలయము: : శ్రీ పొట్టిశ్రీరాములు నెల్లూరు జిల్లా 

తేదీ : 22-10-2024 న శ్రీ పొట్టి శ్రీరాములు నెల్లూరు జిల్లా వైద్య ఆరోగ్య శాఖాధికారి

డాII ఎం . పెంచలయ్య   అధ్యక్షతన “ మాతా శిశు మరణాల సబ్ కమిటీ  సమీక్ష సమావేశము” జరిగినది. జిల్లాలో2024 గత ఆగష్టు, సెప్టెంబర్ నెలలలో సంభవించిన 2 మాతృమరణాలు మరియు 12 శిశు మరణాలకు గల కారణాలు మరియు లోపాలు గురించి క్షుణ్ణముగా సమీక్ష జరిగినది.

ఈ సందర్బముగా జిల్లా వైద్య ఆరోగ్య శాఖాధికారి  డాII ఎం . పెంచలయ్య గారు మాట్లాడుతూ ప్రతి గర్భిణీ స్త్రీ ని గుర్తించి త్వరిత గతిన  నమోదు చేయాలని, అన్నీ రకాల పరీక్షలు తప్పని సరిగా  చేయాలని మరియు  హై రిస్క్ గర్భిణీ స్త్రీల ను గుర్తించి సదరు గర్భిణీ స్త్రీలకు ఎటువంటి ఆటంకము లేకుండా  సంపూర్ణ ఆరోగ్య రక్షణ కల్పించి ప్రభుత్వ ఆసుపత్రి లో సుఖ ప్రసవము జరిగే వరకు సంబంధిత  ఆరోగ్య పర్యవేక్షకురాలుకు పూర్తి భాద్యత అప్పగించవలసిందిగా వైద్యాధికారులను ఆదేశించారు.

ప్రభుత్వఆసుపత్రులలో కాన్పులు జరిగేలాగా ముందస్తు ప్రణాళిక రూపొందించు కోవాలని, అర్హులైన ప్రతి గర్భిణీ స్త్రీకి  మరియు బాలింతకు  JSY & JSSK పథకాలు క్రింద లబ్ధి చేకూరేలాగా చూడాలని వైద్య ఆరోగ్య సిబ్బందిని D M & H O డాII ఎం. పెంచలయ్య గారు  ఆదేశించారు. ఏ తల్లి, బిడ్డ  కూడా రక్తహీనత వలన,  సకాలములో వైద్య సేవలు అందక మరణించినట్లు తమ దృష్టికి వస్తే సంబంధిత వైద్య ఆరోగ్య సిబ్బంది పైన  శాఖా పరమైన చర్యలు తీసుకుంటామని  D M & H O డాII ఎం. పెంచలయ్య గారు హెచ్చరించారు.

ఈ కమిటీ సమీక్ష సమావేశంలో డాII గీతాలక్ష్మి హెచ్ఓడి(గైనిక్)జిజిహెచ్, డాII వి విజయలక్ష్మి అసోసియేట్ ప్రొఫెసర్  ఏసిఎస్ఆర్ మెడికల్ కాలేజీ, డాII ఏ ఉమామహేశ్వరి డిఐఓ,  జిజిహెచ్ పిడియట్రీషన్స్ డాII సింధు, డాII సంద్య, డాII పి ఎల్ దయాకర్ పిఓ (ఎఫ్ పి సి), డాII  ఎం రమేష్ డిపిఎంఓ,  శ్రీ కె కనకరత్నం డెమో, శ్రీమతి జి మంజుల డిపిహెచ్ఎన్ఓ, రమేష్ ఏఎస్ఓ  సంబంధిత వైద్యాధికారులు మరియు ఆరోగ్యసిబ్బంది తదితరులు  పాల్గొన్నారు.

  జిల్లా వైద్య మరియు ఆరోగ్య శాఖాధికారి 

శ్రీ పొట్టి శ్రీరాములు నెల్లూరు జిల్లా

 కార్పొరేషన్ అదనపు కమిషనర్ గా వై ఓ నందన్

నెల్లూరు కార్పొరేషన్ (మేజర్ న్యూస్) నెల్లూరు నగరపాలక సంస్థ అదనపు కమిషనర్ గా వై ఓ నందన్ ను నియమించారు. ఈ మేరకు ప్రభుత్వం నుంచి ఉత్తర్వులు జారీ కావడంతో మంగళవారం ఆయన నెల్లూరు కార్పొరేషన్ లో అదనపు కమిషనర్ గా బాధ్యతలు స్వీకరించారు. గతంలోనూ ఆయన అదనపు కమిషనర్ గా సుమారు ఏడాది పాటు నెల్లూరులో విధులు నిర్వహించి మంచి పేరు తెచ్చుకున్నారు అదేవిధంగా నుడా వైస్ చైర్మన్ గా కూడ ఆయన పనిచేశారు. ఆ స్థానంలో గతంలో విధులు నిర్వహిస్తున్న అదనపు కమిషనర్ శర్మద ను డిఎంఏ కు బదిలీ చేశారు.

 నాట్యంలో కోనసీమలో కూడా కావలి విద్యార్థుల ప్రతిభను చాటారు. 

కావలి మేజర్ న్యూస్ :కోనసీమ తిరుమలకు ప్రసిద్ధి చెందిన వాడపల్లి శ్రీ వెంకటేశ్వర స్వామి దేవస్థానం నందు జరుగుతున్న ధర్మపదం సాంస్కృతి సాంస్కృతిక కార్యక్రమాల్లో భాగంగా మంగళవారం కావలికి చెందిన జయం కూచిపూడి నాట్యాలయ విద్యార్థులు భావన, నిఖిత, మహిత ,మాన్వి, సంహిత, మేఘ శ్రీ, ఆరాధ్య, శ్రీ దేవిజ్ఞ లోహితలు తమ నాట్య ప్రదర్శన చేసి భక్తులను పలువురిని ఆకట్టుకున్నారు.  బాలికలుకు వారు చేసిన నాట్యమునకు కోనసీమలో భక్తులుముగ్ద  లయ్యారు. ఈ కార్యక్రమంలో నాట్య గురువు జి.బి.ఎన్ జహాన్వి వి మరియు కార్యనిర్వహక్కురాలు ఎం.

 జమున పాల్గొన్నారు.