Ravikiranalu TV

 సకాలములో పన్నులు చెల్లించండి-నగరాభివృద్ధికి తోడ్పడండి కమిషనర్ సూర్యతేజ

నెల్లూరు కార్పొరేషన్ (మేజర్ న్యూస్) 

నెల్లూరు నగర పాలక సంస్థ పరిధిలోని భవన యజమానులు కొందరు కార్పొరేషన్ కు చెల్లించవలసిన ఆస్తి, కుళాయి, డ్రైనేజీ మరియు ఇతర పన్నులు సకాలంలో చెల్లించుచు నగర అభివృద్ధికి సహకరిస్తున్నారని వారికి కమిషనర్ సూర్య తేజ అభినందనలు తెలియజేశారు. మరి కొంతమంది భవన యజమానులు కార్పొరేషన్ కు చెల్లించవలసిన పన్ను బకాయిలు అధిక శాతంలో ఉన్నాయని, కావున అట్టి భవన యజమానులు వారి భవనాలకు సంబంధించి ఆస్తి, కుళాయి, డ్రైనేజీ మరియు ఇతర పన్నుల బకాయిలను వెంటనే చెల్లించవలసిందిగా కమిషనర్ నగర ప్రజలను కోరారు. అదేవిధంగా సకాలంలో బకాయిలు చెల్లించని భవన యజమానులకు సంబంధిత కుళాయి, డ్రైనేజీ మరియు విద్యుత్ కనెక్షన్లు వంటి అత్యవసర సేవలను నిర్మూలన చేస్తామని భవన యజమానులకు నగరపాలక సంస్థ కమిషనర్ సూర్యతేజ శుక్రవారం ఒక ప్రకటనలో తెలియజేశారు.

 దొంగతనాలపై ప్రజల అప్రమత్తంగా ఉండాలి.

పొదలకూరు సీఐ రాంబాబు, ఎస్ఐ హనీఫ్

పొదలకూరు మేజర్ న్యూస్.

 పట్టణంలోని ఆర్అండ్ బి అతిధి గృహంలో శుక్రవారం దొంగతనాలపై అన్నీ దుకాణాదారులతో సీఐ రాంబాబు ఎస్ఐ హనీఫ్ లు అవగాహన కార్యక్రమం నిర్వహించారు.ఈ సందర్భంగా ఏర్పాటు చేసిన సమావేశంలో సీఐ, ఎస్ఐలు మాట్లాడుతూ దొంగతనాలపై ప్రతీ ఒక్కరూ అప్రమత్తంగా ఉండాలన్నారు.ప్రతీ దుకాణానికి సిసి కెమెరాలు ఏర్పాటు చేసుకోవాలని‌ కోరారు. పొదలకూరు మండలంలో త్వరలో 152 లొకేషన్ లలో 156 సిసి కెమెరాలు ఏర్పాటుకు ప్రతిపాదనలు పంపామని త్వరలో ప్రభుత్వమే సిసి కెమరాలను ఏర్పాటు చేయనున్నట్లు తెలిపారు.అన్నీ జాగ్రత్తలు తీసుకుంటే నేరాలు కూడ తగ్గుముఖం పడుతాయని‌ అన్నారు.ప్రతీ దుకాణానికి రెండు సిసి కెమరాలు ఏర్పాటు చేసుకోవాలని అవి కూడ రోడ్డుపై వెళ్లే వారి వీడియో తీసే విధంగా అమర్చుకోవాలని కోరారు. దుకాణాదారులు మహిళా దొంగలతో కూడ అప్రమత్తంగా ఉండాలని ఆదమరిస్తే కాజేస్తారని తెలిపారు.సిసి కెమెరాలు ఏర్పాటుతో దొంగలను త్వరగా పట్టుకునే అవకాశం ఉందని అన్నారు.ప్రతీ ఒక్క దుకాణాదారుడు హెచ్ డి సిసి కెమెరాలు ఏర్పాటు చేసుకోగలిగితే ఏదైన చోరి జరిగినప్పుడు ఆ విజువల్స్ తో దుండగులను త్వరగా పట్టుకునే అవకాశం ఉంటుదని తెలిపారు. గురువారం అర్ధరాత్రి ఓ బంగారు దుకాణంలో చోరికి యత్నించిన వారిని త్వరలో పట్టుకుంటామని అన్నారు.అపరిమిత వ్యక్తులు పట్టల ప్రతీ ఒక్కరూ అప్రమత్తంగా ఉండాలని‌ కోరారు.ఇళ్లకు తాళాలు వేసి ఎక్కువ రోజులు ఊరి ప్రయాణాలు చేసే సమయంలో తమ వివరలు స్ధానిక పోలీస్ స్టేషన్ లో తెలియజేయాలని అన్నారు. మండలంలో ఎక్కడైనా గుర్తుతెలియని వ్యక్తులు అనుమానాస్పదంగా తిరుగుతున్నట్లయితే తమకు సమాచారం ఇవ్వాలని కోరారు.ఈ కార్యక్రమంలో హెడ్ కానిస్టేబుల్స్  అక్తర్ భాషా, రసూల్ ,భాస్కర్ మరియు సిబ్బంది రమేష్ తదితరులు పాల్గొన్నారు.

 బహిరంగ ప్రదేశాల్లో వ్యర్ధాలు వేస్తే జరిమానాలు విధించండి, కమిషనర్ సూర్యతేజ

ములాపేట, మేజర్ న్యూస్ 

-నగర వ్యాప్తంగా పారిశుద్ధ్య పనులను మరింత మెరుగ్గా నిర్వహించే క్రమంలో బహిరంగ ప్రదేశాల్లో వ్యర్ధాలు వేసేవారిని గుర్తించి జరిమానాలు విధించాలని నగర పాలక సంస్థ కమిషనర్ సూర్యతేజ సచివాలయ శానిటేషన్ కార్యదర్శులను ఆదేశించారు. కార్యాలయంలోని కమాండ్ కంట్రోల్ సెంటర్ విభాగంలో పారిశుద్ధ్య విభాగంతో సమీక్షా సమావేశాన్ని శుక్రవారం నిర్వహించారు. 

ఈ సందర్భంగా కమిషనర్ మాట్లాడుతూ శానిటేషన్ కార్యదర్శులంతా ప్రతిరోజూ ఫీల్డ్ విజిట్ చేయాలని, పారిశుద్ధ్య సమస్యలను గుర్తించి కమాండ్ కంట్రోల్ కేంద్రానికి తెలియజేయాలని సూచించారు. పారిశుద్ధ్య కార్మికులకు ప్రతిరోజూ మొబైల్ ఆధారిత హాజరు వేయించాలని, విధి నిర్వహణలో రక్షణా ఉపకరణాలు తప్పనిసరిగా వినియోగించేలా పర్యవేక్షించాలని సూచించారు. 

పారిశుద్ధ్య నిర్వహణ పనుల్లో నిర్లక్ష్యంగా ఉన్నట్లు తమ దృష్టికి వస్తే సంబంధిత డివిజన్లలోని కార్యదర్శులు, సిబ్బందిపై శాఖా పరమైన చర్యలు తీసుకుంటామని కమిషనర్ హెచ్చరించారు.

అన్ని డ్రైను కాలువల్లో పూడికతీత పనులను, సిల్ట్ తొలగింపు పనులను ప్రతిరోజూ క్రమం తప్పకుండా పర్యవేక్షించాలని కమిషనర్ సూచించారు. పరిసరాల పరిశుభ్రత కోసం నగర పాలక సంస్థలో అందుబాటులో ఉన్న అన్ని వాహనాలు, యంత్రాలకు మరమ్మతులు చేసి పూర్తిస్థాయిలో వినియోగించుకుని చక్కటి ప్రణాళికతో పనులను పూర్తి చేయాలని సూచించారు. 

ప్రచార పోస్టర్లు, భవన నిర్మాణ వ్యర్ధాలను రోడ్లపై తొలగించేందుకు అవసరమైన ఇతర విభాగాల కార్యదర్శులను కూడా సమన్వయం చేసుకుంటూ డివిజన్ల వారీగా మార్పు తీసుకురావాలని కమిషనర్ ఆదేశించారు. పరిశుభ్రంగా ఉంచుకోని ఖాళీ ప్లాట్ల యజమానులను గుర్తించి నోటీసులు జారీ చేసి, ప్లాట్లను శుభ్రంగా ఉంచుకునేలా చర్యలు తీసుకోవాలని సూచించారు. 

నగర వ్యాప్తంగా పారిశుద్ధ్య నిర్వహణకు అధునాతన మానవ రహిత వాహనాలు, యంత్రాలు కూడా నగర పాలక సంస్థలో అందుబాటులో ఉన్నాయని వాటి సేవలను అవసరమైన అన్ని ప్రాంతాల్లో సద్వినియోగం చేసుకోవాలని సూచించారు. ప్లాస్టిక్ వ్యర్ధాల నియంత్రణకు డ్రైను కాలువల్లో అక్కడక్కడా జల్లెడ ఏర్పాటును చేయాలని, ఏ ప్రాంతాల్లో అలాంటి ఏర్పాట్లు అవసరమున్నాయో వివరాలను తెలియజేయాలని కమిషనర్ కోరారు. 

ఈ సమావేశంలో నగర పాలక సంస్థ ఆరోగ్య శాఖాధికారి డాక్టర్ చైతన్య, డి.ఈ సాయిరాం, సచివాలయ శానిటేషన్ కార్యదర్శులు పాల్గొన్నారు.

 ఘనంగా మహర్షి వాల్మీకి జయంతి వేడుకలు.

ఉదయగిరి మేజర్ న్యూస్.

స్థానిక మేకపాటి గౌతమ్ రెడ్డి వ్యవసాయ కళాశాల లో గురువారం వాల్మీకి మహర్షి జయంతి వేడుక లు ఘనంగా నిర్వహించారు. ఈ సందర్భంగా  మహర్షి వాల్మీకి చిత్రపటానికి అసోసియేట్ డీన్ డాక్టర్ జి కృష్ణారెడ్డి  పూలమాలవేసి ఘనంగా నివాళులర్పించారు. అనంతరం అసోసియేట్ డీన్ అధ్యక్షత వహించి మహర్షి వాల్మీకి గురించి విద్యార్థినీ విద్యార్థులను ఉద్దేశించి మాట్లాడుతూ, వాల్మీకి సాహిత్యంలో పేరు ఎన్నిక గల కవి, రామ రామ అని తపస్సు చేసిన వారు మహర్షి. అలాగే రాముడు జీవిత చరిత్రను రామాయణముగా వ్రాశాడని, ఈయనను సంస్కృత భాషకు ఆదికవిగా గుర్తించారని, వాల్మీకి రామాయణమును తెలుగు అనువాదము కీర్తిశేషులు పురిపండా అప్పలస్వామి వాల్మీకిగా పిలవబడుతున్న మహర్షి పేరు రత్నాకరుడు ,అలాగే వాల్మీకి రాసిన రామాయణం అంటే భారతీయులకు అత్యంత విశ్వాసమని వివరించారు. రామాయణం వాల్మీకిచే వ్రాయబడి 24,000 శ్లోకాలు మరియు ఏడు ఖండాలు (కణాలు) ఉన్నాయని దాదాపు రామాయణం 4,80,002 పదాలతో రూపొందించబడిందని వివరించారు .ఈ కార్యక్రమంలో జాతీయ సేవా పథకం అధికారులు  డాక్టర్ జి రమేష్ ,డాక్టర్ దుర్గాప్రసాద్ ,సీనియర్ ప్రొఫెసర్లు డాక్టర్ గోపికృష్ణ  మరియు  బోధనేతర సిబ్బంది విద్యార్థినీ విద్యార్థులు అధిక సంఖ్యలో పాల్గొన్నారు.

 సోమిరెడ్డి చేతనైతే అభివృద్ధి చేయండి. విమర్శలు కాదు..

 వెంకటాచలం,    మేజర్ న్యూస్..

జగనన్న కాలనీలో చిల్లర దండకాలు చేసే నీ చెంచాల మాటలు వినకు....! వింటే మునుగుతావు

గత 2014-19 మధ్యలో టీడీపీ ప్రభుత్వం అధికారంలో ఉంది కదా... అప్పుడు కనీసం మమ్మల్ని ఏమైనా పట్టించుకున్నారా

మాకు మంచి చేసిన వారిపై నిందలు వేయడం మీకు తగదు

వెంకటాచలం జగనన్న కాలనీలో నిన్నటి రోజున టీడీపీ నాయకులు వ్యవహరించిన తీరుపై గురువారం మండిపడిన పక్కా ఇల్లు నిర్మించుకున్న గిరిజనులు

గత వైయస్సార్ కాంగ్రెస్ పార్టీ ప్రభుత్వం పక్కా ఇల్లు లేని మాకు పక్కా ఇల్లు నిర్మించి ఇచ్చారు  

మాకు నచ్చిన విధంగా మా ఇష్ట ప్రకారం ఇల్లు నిర్మించుకున్నాం 

మా  ఇళ్ళ నిర్మాణాల్లో ఎలాంటి అవినీతి జరగలేదు 

అభివృద్ధి చేయడం మరిచి మీకు తోచిన విధంగా మీ ఇష్ట ప్రకారం మాట్లాడితే తగదు

మీరు అభివృద్ధి చేయాలనుకుంటే జగనన్న కాలనీలో సిమెంట్ రోడ్లు, సైడ్ కాలువలు నిర్మించండి 

చిల్లర దండకాలు చేసే మీ చెంచాలు మా పేద గిరిజనుల ఇల్లు కూల్చేస్తామంటూ బెదిరింపులకు దిగుతున్నారు 

జగనన్న కాలనీలో ఇల్లు నిర్మించుకోవాలంటే మీ చెంచాల జేబులు తడిపి ఇల్లు నిర్మించుకోవాలంటా

మీ చెంచాలు చేసే అరాచకాలు తెలుసుకోకుండా అభివృద్ధి చేసిన వారిపై నిందలు వేయడం సరికాదు

గత 27 ఏళ్ల నుండి మేం రెవెన్యూ కార్యాలయం పక్కన గుడారాలు వేసుకుని వర్షాకాలంలో అనేక ఇబ్బందులు పడుతూ జీవనం సాగిస్తున్న మాకు మాజీ మంత్రివర్యులు కాకాణి గోవర్ధన్ రెడ్డి గారు అండగా నిలిచారు 

మా సాధక బాధలు విన్న కాకాణి గోవర్ధన్ రెడ్డి గారు గత వైయస్సార్ కాంగ్రెస్ పార్టీ ప్రభుత్వంలో తమకు పక్కా ఇల్లు మంజూరు చేయించి తమకు నచ్చిన విధంగా ఇల్లు నిర్మించి ఇచ్చిన మహానుభావుడు

మాకు దైవంతో సమానం కాకాణి గోవర్ధన్ రెడ్డి గారు.. అలాంటి మంచి వ్యక్తిపై బురద జల్లడం మంచిది కాదు

గత 2017-19లో మంత్రిగా ఉన్న సోమిరెడ్డి చంద్రమోహన్ రెడ్డి గారికి అనేకసార్లు కలిసి వినతి పత్రాలు ఇచ్చిన పట్టించుకోలేదు

మాకు అన్ని విధాలుగా ఆదుకొని అండగా నిలిచింది వైయస్సార్ కాంగ్రెస్ పార్టీ 

గత వైఎస్ఆర్ కాంగ్రెస్ పార్టీ ప్రభుత్వంలోనే మాకు సంక్షేమ పథకాలు, అభివృద్ధి కార్యక్రమాలు సంపూర్ణంగా అందాయి

మాకు సహాయం చేయాలనుకుంటే తమ కాలనీ బాగు చేసి, సిమెంట్ రోడ్లు నిర్మించి, సైడ్ కాలువలు ఏర్పాటు చేయండి 

మేము సొంతంగా మాకు నచ్చిన విధంగా ఇల్లు నిర్మించుకునేందుకు కమ్మి వదిలిపెట్టి ఉంటే మీరు రాజకీయాలు చేయడం మంచిది కాదు

చరిత్రలో గుర్తుండేలా వెంకటాచలం జగనన్న కాలనీలో అభివృద్ధి చేయండి... అంతేతప్ప అభివృద్ధి చేసిన వారిపై ఇష్టానుసారంగా నిందలు వేస్తే దేవుడే మీకు సరైన గుణపాఠం చెబుతాడు

 స‌తీమ‌ణి ర‌మాదేవికి శుభాకాంక్ష‌లు తెలియ‌జేసిన మంత్రి నారాయ‌ణ 

స‌తీమ‌ణి ర‌మాదేవికి శుభాకాంక్ష‌లు తెలియ‌జేసిన మంత్రి నారాయ‌ణ 

- కేక్ క‌ట్ చేసి అంద‌రికి పంచి పెట్టిన నారాయ‌ణ 

- ఆల‌యంలో ప్ర‌త్యేక పూజ‌లు, క్యాంప్ కార్యాల‌యంలో సంబ‌రాలు

నెల్లూరు, మేజర్ న్యూస్ : రాష్ట్ర పుర‌పాల‌క, ప‌ట్ట‌ణాభివృద్ధి శాఖామంత్రి డాక్ట‌ర్ పొంగూరు నారాయ‌ణ స‌తీమ‌ణి పొంగూరు ర‌మాదేవి పుట్టిన రోజు వేడుక‌ల‌ను, కూట‌మి నాయ‌కులు, కార్య‌క‌ర్త‌లు, వీర‌మ‌హిళ‌లు గురువారం ఘ‌నంగా నిర్వ‌హించారు. ఈ సంద‌ర్భంగా నెల్లూరులోని శ్రీ వెంక‌టేశ్వ‌ర‌స్వామి ఆల‌యంలో ప్ర‌త్యేక పూజ‌లు నిర్వ‌హించి టెంకాయ‌లు కొట్టి మొక్కు చెల్లించారు. మంత్రి క్యాంప్ కార్యాల‌యంలో మంత్రి నారాయ‌ణ చేతుల మీదుగా కేక్ క‌ట్ చేసి అంద‌రికి పంచి పెట్టారు. ర‌మాదేవికి వీడియో కాల్ చేసి హ్యాపీ బ‌ర్త్ డే ర‌మా అని నారాయ‌ణ విష్ చేయ‌గా హ్యాపీ బ‌ర్త్ డే ర‌మాదేవి మేడ‌మ్ అంటూ శుభాకాంక్ష‌లు తెలియ‌జేశారు.

 ఘనంగా వాల్మీకి జయంతి వేడుకలు

నెల్లూరు, మూలాపేట / మేజర్ న్యూస్ : వాల్మీకి జయంతి సందర్భముగా డిఆర్డిఏ కార్యాలయంలో అని చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా  డి.ఆర్.డి.ఏ ప్రాజెక్ట్ డైరెక్టర్ వి నాగరాజుకుమారి మాట్లాడుతూ వాల్మికి గురించి భృగు  గోత్రానికి చెందిన ప్రచేత అనే అతనికి వాల్మీకి అగ్నిశర్మగా జన్మించాడు ,పురాణాల ప్రకారం అతను ఒకసారి గొప్ప ఋషి అయిన నారదుడిని కలుసుకున్నాడని,  అతనితో తన విధులపై ఒక ఉపన్యాసం చేశాడని కానీ నారదుడి మాటలకు చలించిపోయిన అగ్ని శర్మ తపస్సు చేయడం ప్రారంభించి, "మరణం" అనే పదాన్ని జపించాడని చెప్పారు. అతను చాలా సంవత్సరాలు తపస్సు చేయడంతో, ఆ పదం "రామ" గా మారింది. అగ్ని శర్మ చుట్టూ పెద్ద పుట్టలు ఏర్పడి అతనికి వాల్మీకి అనే పేరు తెచ్చిపెట్టాయి. అగ్నిశర్మ, వాల్మీకిగా నామకరణం చేసి, నారదుని వద్ద శాస్త్రాలు నేర్చుకుని, అందరిచే గౌరవించబడే తపస్వులలో అగ్రగణ్యుడు అయ్యాడు. రామాయణం  వాల్మీకి చే వ్రాయబడింది, 24,000  శ్లోకాలు,  ఏడు  ఖండాలు ( కణాలు) ఉన్నాయన్నారు.రామాయణం దాదాపు 480,002 పదాలతో రూపొందించబడింది అని తెలియ జేశారని పేర్కొన్నారు.