ఎస్ఐకి ఘన సన్మానం
ఉదయగిరి మేజర్ న్యూస్.
విధి నిర్వహణలో ఉత్తమ ప్రతిభ కనపర్చి స్వాతంత్య్రం దినోత్సవం సంధర్భంగా రాష్ట్ర మంత్రి పొంగూరు నారాయణ చేతుల మీదుగా ప్రశంసాపత్రం అందుకున్న ఎస్ఐ కర్నాటి ఇంద్రసేనారెడ్డిని బుధవారం స్థానిక పోలీస్టేషన్లో టీడీపీ నియోజకవర్గ లీగల్ సెల్ అధ్యక్షుడు సందిరెడ్డి రామారావు, పలువురు నాయకులు ఘనంగా సన్మానించి మిఠాయిల అందజేశారు. ఈ కార్యక్రమంలో గానుగపెంట ఓబులరెడ్డి తదితరులు పాల్గొన్నారు.
రోడ్డు ప్రమాదంలో వ్యక్తి మృతి
.jpeg)
.jpeg)
రాపూరు మేజర్ న్యూస్:
రాపూరు నుండి చిట్వేల్ వెళ్లే మార్గం లో ఘాట్ రోడ్డు లో రోడ్డు ప్రమాదం వ్యక్తి మృతి
మృతుడు వెంకటాచలం మండలం పొలిచెర్లపాడు గ్రామానికి చెందిన వెంకటరత్నయ్యగా గుర్తింపు
మృతునికి భార్య ముగ్గురు పిల్లలు
రాపూరు నుండి చిట్వేల్ వెళ్ళు ఘాట్ రోడ్డు మార్గంలో 5 వ కిలోమీటర్ వద్ద కారు బైక్ ఢీ కొన్న ప్రమాదం లో ద్విచక్ర వాహనం పై ప్రయాణిస్తున్న వెంకటాచలం మండలం,పొలిచెర్లపాడు గ్రామానికి చెందిన వెంకటరత్నయ్య అనే వ్యక్తి అక్కడిక్కడే మరణించాడు...కారులోని వ్యక్తికి స్వల్ప గాయాలు అయ్యాయి.. సమాచారం అందుకున్న 108 సిబ్బంది క్షతగాత్రులను రాపూరు ప్రభుత్వ ఆసుపత్రికి తరలించారు.విషయం తెలుసుకున్న రాపూరు సి.ఐ టి.విజయ కృష్ణ మరియు ఇంచార్జి ఎస్.ఐ వెంకటేశ్వర రావు సంఘటన స్థలానికి చేరుకొని కేసు నమోదు దర్యాప్తు చేస్తున్నారు....
ఏఎస్ పేట ఎస్ఐ గా సైదులు బాధ్యతలు స్వీకరణ
అనుమసముద్రంపేట మేజర్ న్యూస్ ఏఎస్ పేట మండల నూతన ఎస్ఐ గా ఎ.సైదులు బుధవారం బాధ్యతలు స్వీకరించారు నెల్లూరు వన్ టౌన్ పోలీస్ స్టేషన్లో ఎస్ఐగా విధులు నిర్వహిస్తూ ఇటీవల జరిగిన సాధారణ బదిలీల్లో ఏఎస్ పేటకు నియమితులయ్యారు ఆ మేరకు ఆయన బుధవారం బాధ్యతలు స్వీకరించారు ఇక్కడ విధులు నిర్వహిస్తున్న ప్రసాద్ రెడ్డి విఆర్ కు బదిలీ అయ్యారు నూతన ఎస్ఐగా బాధ్యతలు స్వీకరించిన సైదులు అనంతరం స్థానికంగా ఉన్న ప్రముఖ పుణ్యక్షేత్రమైన హజ్రత్ సయ్యద్ ఖాజా రహమతుల్లా నాయబ్ రసూల్ వారి దర్గాను దర్శించుకుని ప్రత్యేక ప్రార్థనలు చేసుకున్నారు ఈ సందర్భంగా ఆయన స్థానిక విలేకరులతో మాట్లాడుతూ ప్రముఖ పుణ్యక్షేత్రం ఉన్న ఇక్కడ ఎస్ఐగా రావడం ఎంతో ఆనందంగా ఉందని శాంతి భద్రతల పరిరక్షణకు ప్రజలు పోలీసులకు తమ సహాయ సహకారాలు అందించాలని ముఖ్యంగా దర్గా సెంటర్లో ట్రాఫిక్ పై దృష్టి పెడతానని అలాగే దర్గాకు వచ్చే భక్తుల సౌకర్యార్థం అన్నివేళ పోలీస్ రౌండ్స్ నిర్వహిస్తామన్నారు మండల ప్రజలు లా అండ్ ఆర్డర్ పరంగా ఎలాంటి సమస్యలున్న తన దృష్టికి తేవాలని చట్టాన్ని ఎవరు ఉల్లంఘించరాదన్నారు నూతన ఎస్ఐ ను స్థానిక పోలీస్ సిబ్బంది ఘన స్వాగతం పలుకుతూ అభినందన శుభాకాంక్షలు తెలిపారు
దాతల సహకారం మరువలేనిది.
ఉదయగిరి మేజర్ న్యూస్.
ప్రభుత్వ పాఠశాలల అభివృద్ధికి దాతలు అందిస్తున్న చేయూత మరువలేనిదని ఎంఈవో-2 తోట శ్రీనివాసులు పేర్కొన్నారు. బుధవారం మండలంలోని బిజ్జంపల్లి జిల్లా పరిషత్ ఉన్నత పాఠశాలలో స్టేజీ, ముఖద్వారం ఏర్పాటుకు దాతలతో కలిసి భూమి పూజ, శంకుస్థాపన కార్యక్రమాల్లో పాల్గొన్నారు. ఈ సం దర్భంగా ఆయన మాట్లాడుతూ స్టేజీ నిర్మాణానికి మూలె రాజశేఖరరె డ్డి, ముట్టుకుందు ప్రభాకర్ రెడ్డి , ముఖద్వారం నిర్మాణానికి కల్లూరి సిద్ధారెడ్డి జ్ఞాపకార్థం రవీంద్రరెడ్డిలు ముందుకు రావడం అభినందనీయమన్నారు. ఈ సందర్భం గా శుభదిన్ భోజన్ కార్యక్రమంలో భాగంగా మూలె రాజశేఖర్రెడ్డి, ప్రత్యూషల వివాహం సందర్భంగా విద్యార్థులకు అతిథి భోజనం అందించారు. అలాగే మండలంలోని గడ్డంవారిపల్లి జిల్లా పరిషత్ ఉన్నత. గన్నేపల్లి ప్రాథమిక పాఠశాలలో జరుగుతున్న స్వీయమదింపు పరీక్షలను తనిఖీ చేశారు. ఈ కార్యక్రమంలో ప్రధానోపాధ్యాయులు నాయ బ్, మాలకొండయ్య, సర్పంచ్ లక్కు రమణమ్మ, ఎస్ఎంసీ చైర్మన్ కవిత, సభ్యులు, గ్రామ పెద్దలు తదితరులు పాల్గొన్నారు.
స్వీయ మదింపు పరీక్షలను పరిశీలించిన మండల విద్యాశాఖ అధికారి
ఉదయగిరి మేజర్ న్యూస్.
మండలం లో బుధవారం ను నుంచి ప్రారంభం మైన స్వీయ ముదింపు పరీక్షలనుఉదయగిరి మండల విద్యాశాఖ అధికారి 1 షేక్ మస్తాన్ వలి మండల పరిషత్ ప్రాథమిక పాఠశాల గన్నేపల్లి, జిల్లా పరిషత్ఉన్నత పాఠశాల గడ్డం వారి పల్లి పాఠశాలలను ఆకస్మిక తనిఖీ చేసి స్వీయ మదింపు పరీక్షలను పరిశీలించారు. ఈ సందర్భంగా ఆయన మాట్లాడుతూ స్వీయ మదింపు పరీక్షలను ఎటువంటి లోటుపాట్లు లేకుండా సమర్ధవంతంగా నిర్వహించాలని మరియు 1,2 తరగతులు అభ్యసించే విద్యార్థుల ఓఎంఆర్ షీట్లను ఉపాధ్యాయులు భర్తీ చేయవలెనని అదేవిధంగా 3 నుండి 8తరగతులు అభ్యసించే విద్యార్థులు ఓఎంఆర్ షీట్లను ఎటువంటి లోపాలు లేకుండా జాగ్రత్తగా భర్తీ చేసే విధంగా ఉపాధ్యాయులు తగు సూచనలు సలహాలు ఇవ్వాలని తెలియజేశారు. ఉన్నత పాఠశాల గడ్డం వారి పల్లి నందు మనబడి మన భవిష్యత్తు పనులలో భాగంగా నిర్మించిన నూతన టాయిలెట్లను, FA1పరీక్షలను,స్టడీ అవర్స్ పరిశీలించారు. ఈ కార్యక్రమంలో ప్రధానోపాధ్యాయులు మాలకొండయ్య ,ఉపాధ్యాయిని ఉపాధ్యాయులు పాల్గొన్నారు.
క్యాన్సర్ గురించి తెలుసుకుందాం - మనల్ని మనం కాపాడుకుందాం.
.jpeg)
కరపత్రాన్ని ఆవిష్కరించిన జిల్లా కలెక్టర్
నెల్లూరు(వైద్యం)మేజర్ న్యూస్
కమ్యూనిటీ పారామెడిక్స్ అండ్ ప్రైమరీ హెల్త్ కేర్ ప్రొవైడర్స్ వెల్ఫేర్ అసోసియేషన్ (ది పిఎంపి అసోసియేషన్) ఆధ్వర్యంలో బుధవారం కలెక్టర్ కార్యాలయంలో జిల్లా పీ.హెచ్.పీ నాయకులు మర్యాదపూర్వకంగా జిల్లా కలెక్టర్ ఓ.ఆనంద్ ను కలిసి, జిల్లా వ్యాప్తంగా ఉన్న ప్రభుత్వ పాఠశాలలు, కాలేజీలు, మున్సిపల్ పాఠశాలలందు క్యాన్సర్ కారణాలు, పర్యావరణ కాలుష్యము, ప్లాస్టిక్ వాడకంవల్ల నష్టాలు గురించి అవగాహన కల్పించుటకు, ర్యాలీలు నిర్వహించుటకు అనుమతి కోరుతూ వినతిపత్రం అందజేశారు. అనంతరం క్యాన్సర్ గురించి తెలుసుకుందాం - మనల్ని మనం కాపాడుకుందాం కొన్ని క్యాన్సర్ల కారణాలు, వాటి లక్షణాలు, ప్లాస్టిక్ వాడకం వల్ల నష్టాలు అనే కరపత్రికను కలెక్టర్ ఆవిష్కరించి మాట్లాడుతూ గ్రామీణ, పట్టణ ప్రాంతాల్లోని ప్రజలకు ప్రాథమిక వైద్య సేవలు అందిస్తున్న పీ.ఎం.పీ, ఆర్.ఎం.పి, గ్రామీణ వైద్యులు సీజనల్ వ్యాధుల పట్ల అవగాహన కల్పిస్తూ ప్రజలను చైతన్య పరచాలని, చికున్ గున్యా, డెంగ్యూ, మలేరియా, టైఫాయిడ్, డయేరియా తదితర వ్యాధులు పట్ల ఎవరైనా మీవద్దకు వస్తే ప్రాథమిక చికిత్స అందించి దగ్గరలోని పీ.హెచ్.సి, జి.జి.హెచ్ కి పంపించాలని, గ్రామీణ వైద్యులు ఎవరు కూడా పరిధికి మించి వైద్యం చేయరాదని, చట్టాలను గౌరవిస్తూ, ప్రాథమిక వైద్య సేవలు అందిస్తూ, గ్రామీణ ప్రజల ఆరోగ్యంపట్ల శ్రద్ధ తీసుకోవాలని కోరారు. అనంతరం జిల్లా పీ.హెచ్.పీ నాయకులు కలెక్టర్ ను శాలువా, పూలమొక్కతో ఘనంగా సన్మానించారు. ఈ కార్యక్రమంలో జిల్లా నాయకులు శాఖవరపు వేణుగోపాల్, గోరంట్ల శేషయ్య, నరసాపురం ప్రసాద్, ఉప్పలపాటి రామదాసు, బైరి శంకర్రావు పాల్గొన్నారు.
సీటీ వైసీపీ ఎమ్మెల్యే అభ్యర్థి ఖలీల్ కు పరామర్శ
నెల్లూరు (వైద్యం) మేజర్ న్యూస్
నెల్లూరు నగర వైఎస్ఆర్ కాంగ్రెస్ పార్టీ ఎమ్మెల్యే అభ్యర్థి, మహమ్మద్ ఖలీల్ అహ్మద్ ను నెల్లూరు రూరల్ నియోజకవర్గం వైఎస్ఆర్ కాంగ్రెస్ పార్టీ ఇన్చార్జ్, మాజీ పార్లమెంట్ సభ్యులు ఆదాల ప్రభాకర్ రెడ్డి సూచనల మేరకు బుధవారం నెల్లూరు విజయ డైరీ చైర్మన్ కొండ్రెడ్డి రంగారెడ్డి పరామర్శించారు. ఈ మేరకు ఆయన వైఎస్ఆర్ కాంగ్రెస్ పార్టీ నాయకులతో కలిసి మెడికవర్ ఆసుపత్రిలో చికిత్స పొందుతున్న మహమ్మద్ ఖలీల్ అహ్మద్ ను పరామర్శించి ఆరోగ్యం విషయాలను అడిగి తెలుసుకున్నారు. సంపూర్ణ ఆయురారోగ్యాలతో త్వరగా కోలుకుని ప్రజాసేవలో పాల్గొనాలని మాజీ ఎంపీ ఆదాల ప్రభాకర్ రెడ్డి ఆశాభవం వ్యక్తం చేయడం జరిగిందని ఈ సందర్భంగా మహమ్మద్ ఖలీల్ అహ్మద్ కు నెల్లూరు విజయ డైరీ చైర్మన్ కొండ్రెడ్డి రంగారెడ్డి తెలియజేశారు. మంగళవారం రాత్రి ఖలీల్ అహ్మద్ గుండెపోటుతో మెడికవర్ ఆస్పత్రిలో చికిత్స పొందుతున్న విషయం తెలిసిందే. నగర వైసీపీ ఇన్చార్జ్ మహమ్మద్ ఖలీల్ అహ్మద్ ను పరామర్శించిన వారిలో వైఎస్ఆర్ కాంగ్రెస్ పార్టీ నాయకులు పాశం శ్రీనివాస్, యేసు నాయుడు, సీహెచ్ సూరిబాబు, మొయినుద్దిన్, షేక్ హలీం, షేక్ ఖలీల్ తదితరులు ఉన్నారు.
