Ravikiranalu TV

 యధావిధిగా ఏప్రిల్ 27న పాలిసెట్ : చదలవాడ నాగరాణి

ఏప్రిల్ 18 నుండి (సి20), మే2 నుండి (సి23), పాలిటెక్నిక్ పరీక్షలు

పాలిటెక్నిక్ (సి20) 4, 5 సెమిస్టర్ ల సాధారణ పరీక్షలు ఏప్రిల్ 18 నుండి ప్రారంభం కానున్నాయని సాంకేతిక విద్య శాఖ కమీషనర్, రాష్ట్ర సాంకేతిక విద్యా, శిక్షణ సంస్ధ ఛైర్మన్ చదలవాడ నాగరాణి తెలిపారు. పరీక్షల షెడ్యూల్ ను అనుసరించి సి20, సి-16/ఇఆర్-91/ఇఆర్-20 స్కీమ్‌లకు సంబంధించిన అన్ని సప్లిమెంటరీ పరీక్షలు సైతం అదే  తేదీన ప్రారంభం అవుతాయన్నారు. అపరాధ రుసుము లేకుండా పరీక్ష ఫీజు చెల్లించడానికి మార్చి 26 ఆఖరు తేదిగా ఉందన్నారు. సి23 ఫస్ట్ ఇయర్ పరీక్షలు మే 2 వతేదీ నుండి ప్రారంభమవుతాయని నాగరాణి తెలిపారు. సి23 ఫస్ట్ ఇయర్ పరీక్షల నోటిఫికేషన్ సైతం బుధవారం విడుదల చేయనున్నామన్నారు. ముందుగా ప్రకటించిన విధంగానే పాలిసెట్ 2024 ప్రవేశ పరీక్ష ఏప్రిల్ 27వ తేదీన నిర్వహించనున్నామని ప్రకటించారు. పరీక్షలకు సంభందించిన పూర్తి సమాచారం కోసం  https://apsbtet.ap.gov.in/, https://sbtet.ap.gov.in/ వెబ్ సైట్ల ను సందర్శించ వలసి ఉందన్నారు.

 శ్రీసిటీని సందర్శించిన బెల్జియం రాయబారి 

-  పారిశ్రామిక ప్రగతిపై ప్రశంస 

రవి కిరణాలు తిరుపతి జిల్లా శ్రీసిటీ, మార్చి 20 :-

భారత్ లోని బెల్జియం రాయబారి డిడియర్ వాండర్‌హాసెల్ట్ బుధవారం శ్రీసిటీని సందర్శించారు. శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి ఆయనకు సాదర స్వాగతం పలికి, ఇక్కడ ప్రపంచశ్రేణి మౌళిక వసతులు, ప్రత్యేకతలు, వేగవంతమైన పారిశ్రామిక ప్రగతి గురించి వివరించారు. 

వివిధ రంగాల ప్రపంచ పెట్టుబడిదారులను ఆకట్టుకోవడానికి శ్రీసిటీ వ్యాపారానుకూల వాతావరణం, వేగవంతమైన వృద్ధి ప్రధాన కారణాలుగా డాక్టర్ సన్నారెడ్డి వ్యాఖ్యానించారు. బెల్జియంకు చెందిన వెర్మీరెన్‌తో సహా 29 దేశాల నుండి 220కి పైగా ప్రముఖ కంపెనీలకు నిలయంగా, భారతదేశంలో ప్రముఖ తయారీ కేంద్రంగా శ్రీసిటీ స్థానం దక్కించుకుందని పేర్కొన్నారు.

శ్రీసిటీ ప్రగతి, మౌళిక సదుపాయాలు పట్ల సంతృప్తి వ్యక్తం చేసిన వాండర్‌హాసెల్ట్, నైపుణ్యం కలిగిన మానవ వనరుల లభ్యత, ప్రభుత్వ ప్రోత్సాహకాలు వంటి పలు అంశాల గురించి అడిగి తెలుసుకున్నారు. శ్రీసిటీ వ్యాపారానుకూల పర్యావరణ వ్యవస్థ చాలా బాగుందని కితాబిచ్చారు. చిన్న, మధ్య తరగతి వ్యాపారాలకు సైతం ఇది అనువుగా ఉంటుందన్నారు. భారత్ లో పెట్టుబడులు పెట్టాలనుకునే మరిన్ని బెల్జియన్ కంపెనీలకు తాను శ్రీసిటీని పరిచయం చేస్తానని చెప్పారు. 

దీనిపై స్పందించిన డాక్టర్ సన్నారెడ్డి, గణనీయమైన సంఖ్యలో బెల్జియం సంస్థలు ఆసక్తి చూపితే, ప్రత్యేక బెల్జియం పారిశ్రామిక క్లస్టర్‌ను ఇక్కడ ఏర్పాటు చేస్తామని తెలిపారు. 

పర్యటనలో భాగంగా శ్రీసిటీలోని బెల్జియన్ కు చెందిన వైద్య పరికరాల తయారీ పరిశ్రమ వెర్మీరెన్ ఇండియా రిహాబ్ ప్రైవేట్ లిమిటెడ్‌ను వాండర్‌హాసెల్ట్  సందర్శించారు. వెర్మీరెన్ గ్రూప్ చైర్మన్ & సీఈఓ పాట్రిక్ వెర్మీరెన్, మేనేజింగ్ డైరెక్టర్ సయ్యద్ రియాజ్ ఖాద్రీ ఆయనకు స్వాగతం పలికి, కంపెనీ ఉత్పత్తులు, వృద్ధి గురించి వివరించారు. అనంతరం, వెర్మీరెన్ ప్లాంట్ నాల్గవ దశ విస్తరణకు అంబాసిడర్ వాండర్‌హాసెల్ట్ లాంఛనంగా శంకుస్థాపన చేశారు. 

శ్రీసిటీ ప్రాధాన్య పెట్టుబడి గమ్యస్థానంగా బెల్జియం, భారతదేశం మధ్య సహకారాన్ని, ఆర్థిక వృద్ధిని పెంపొందించడం ఈ పర్యటన ఉద్ద్యేశ్యం కాగా, రాయబారితో పాటు బెల్జియంలోని ఫ్లాండర్స్ రీజియన్ ట్రేడ్ అండ్ ఇన్వెస్ట్‌మెంట్ కమీషనర్ జయంత్ నడిగర్ కూడా పాల్గొన్నారు.

 ఎన్నారై కుమార్తె పుట్టినరోజును పురస్కరించుకుని అనాధ శరణాలయాలకు నిత్యావసర వస్తువులు పంపిణీ.

చిట్టమూరు రవి కిరణాలు న్యూస్

చిట్టమూరు మండలం బయ్యవారి కండ్రిక గ్రామానికి చెందిన ఎన్నారై ఓజిలి ప్రసాద్ కుమార్తె వేదాగ్న పుట్టిన రోజును పురస్కరించుకుని నాయుడుపేటలోని అనాధ,వృద్ధా శ్రమాలకు నిత్యావసర సరుకులు పంపిణీ చేశారు. మండలంలోని మల్లాంకు చెందిన ఎస్కే రహంతుల్లా,చిట్టమూరుకు చెందిన ఆశా శ్రీనివాసులు చేతుల మీదుగా నాయుడుపేటలోని అనాధ, వృద్ధాశ్రమాల నిర్వాహకులకు సరుకులను అందజేశారు.దాతల ద్వారా విరాళాలు సేకరించి సేవా కార్యక్రమాలు నిర్వహిస్తున్న రహంతుల్లా,శ్రీనివాసులు ఎన్నారై ప్రసాద్ దాతృత్వంతో ఆశ్రమాలలోని 35 మందికి నెలకు సరిపడా సరుకులను పంపిణీ చేసినట్లు తెలిపారు.సేవా కార్యక్రమాల నిర్వహణకు తమ వంతుగా సహాయ,సహకారాలు అందిస్తున్న దాతలకు ఈ సందర్భంగా రహమతుల్లా ధన్యవాదాలు, కృతజ్ఞతలు తెలిపారు.

 ఓటు హక్కు ఉన్న ప్రతి ఒక్కరూ తమ ఓటు వినియోగించుకోవాలి... స్వీప్ ర్యాలీని జెండా ఊపి ప్రారంభించిన కలెక్టర్ మరియు జిల్లా ఎన్నికల అధికారి డా. జి. లక్ష్మీ శ

ప్రతి ఒక్కరూ తమ ఓటు హక్కు వినియోగించుకుని ప్రజాస్వామ్యానికి విలువనివ్వాలి : జెసి ధ్యానచంద్ర

రవి కిరణాలు,తిరుపతి, మార్చి18 :-

 జిల్లాలో

ఓటు హక్కు ఉన్న ప్రతి ఒక్కరూ ఓటు వేసేలా ప్రతి ఒకరికి అవగాహన కల్పించేలా నేడు తిరుపతి పట్టణంలో నిర్వహించిన స్వీప్ అవగాహనా కార్యక్రమ ర్యాలీని కలెక్టర్ మరియు జిల్లా ఎన్నికల అధికారి డా.జి లక్ష్మి శ, జిల్లా జాయింట్ కలెక్టర్ హెచ్.ఎం ధ్యాన చంద్ర , నగర పాలక కమిషనర్ అదితి సింగ్ జిల్లా అధికారులతో కలిసి జెండా ఊపి ప్రారంభించారు.  

ఈ సందర్భంగా జిల్లా కలెక్టర్ మాట్లాడుతూ ఎన్నికలలో భాగంగా ముఖ్యంగా స్వీప్ యాక్టివిటీ (సిస్టమేటిక్ ఓటర్ ఎడ్యుకేషన్ అండ్ ఎలక్ట్రోల్ పార్టిసిపేషన్) ఓటరుకు అవగాహన పెంచి  ఓటు వేయడానికి ఎవరైతే సిద్ధంగా ఉన్నారో వారు వారి ఓటు హక్కును తప్పకుండా వినియోగించుకుని ఓటింగ్ శాతాన్ని పెంచాలని అన్నారు. ఎన్నికలు అంటే ప్రజాస్వామ్య పండుగ అని, ప్రతి ఒక్కరూ ఈ పండుగలో పాల్గొనాలని తెలిపారు.  ఈ రోజున జిల్లా వ్యాప్తంగా ప్రతి ఒక్క ఓటరుకు అవగాహన కల్పించేలా స్వీప్ కార్యక్రమాలను తిరుపతిలో చేపట్టడం జరిగిందని అన్నారు ఇదే విధంగా ప్రతి నియోజకవర్గంలో ప్రతి గ్రామంలో ప్రతి మండలంలో ప్రతి ఒక్కరికి అవగాహన కల్పించేలా స్వీప్ యాక్టివిటీని అధికారులు నిర్వహించాలని తెలిపారు. ప్రతి ఒక్క ఓటరు వారి ఓటు హక్కును వినియోగించుకుని ప్రజాస్వామ్యాన్ని గౌరవించాలని అన్నారు. ఈసారి ఎలక్షన్ కమిషన్ ఇచ్చినటువంటి లోగో " ఎన్నికల పర్వం దేశం యొక్క గర్వం"  అనే నినాదంతో ముందుకు వెళుతున్నామని అన్నారు. ప్రతి ఒక్కరూ ఓటు హక్కును వినియోగించుకునేలా అన్ని సదుపాయాలు ఎలక్షన్ కమిషన్ కల్పించిందని, వికలాంగులు కూడా తమ ఓటు హక్కును వినియోగించుకునేలా అన్ని సదుపాయాలను కల్పించిందని అన్నారు. ఆన్లైన్ ద్వారా వారి పోలింగ్ బూత్ లను తెలుసుకునే సదుపాయం కూడా కల్పించడం జరిగిందని తెలిపారు.ఈ సదుపాయాలను మరియు ఓటర్లను ఉత్తేజపరచడానికి స్వీప్ యాక్టివిటిని చేపట్టడం జరిగిందని మీడియా మిత్రులు అందరూ సహకరించి ప్రజలకి ఈ యొక్క సమాచారం అందేలా చూడాలని తెలిపారు.

జిల్లా జాయింట్ కలెక్టర్ మాట్లాడుతూ జిల్లాలోని ప్రతి పోలింగ్ స్టేషన్ పరిధిలో నియోజకవర్గ పరిధిలో ప్రతి ఓటర్ కు అవగాహన కల్పించేలా స్వీప్ యాక్టివిటీని అధికారులందరం కలిసి చేపడుతున్నామని తెలిపారు. ఈ ఆక్టివిటీ ద్వారా పలు రకాల ర్యాలీలు చేపట్టి ప్రతి ఒక్కరిలో ఓటింగ్ పై అవగాహన కల్పించాలని అన్నారు. ఓటు హక్కు ఉన్న ప్రతి ఒక్కరూ తమ ఓటు హక్కును వినియోగించుకొని ప్రజాస్వామ్యానికి విలువని ఇవ్వాలని అన్నారు.

ఈ ర్యాలీ తిరుపతి లోని ఎస్.వి యూనివర్సిటీ ఆర్ట్స్ కళాశాల నుండి గాంధీ విగ్రహం వరకు కొనసాగింది.

ఏ ర్యాలీలో స్వీప్ నోడల్ అధికారి మురళీ కృష్ణ, జిల్లా అధికారులు, మునిసిపల్ అధికారులు, సిబ్బంది ప్రజలు తదితరులు  పాల్గొన్నారు.

 ఎన్నికల షెడ్యూల్ ప్రకటించబడిన నేపథ్యంలో ఎన్నికల ప్రవర్తనా నియమావళిని అన్ని రాజకీయ పార్టీలు అనుసరించాలి 

రానున్న సార్వత్రిక ఎన్నికలకు సన్నద్ధంగా ఏర్పాట్లు చేపడుతున్నాం: కలెక్టర్ మరియు జిల్లా ఎన్నికల అధికారి డా జి. లక్ష్మీ శ 

రవి కిరణాలు,తిరుపతి, మార్చి18 : -

జిల్లాలో సార్వత్రిక ఎన్నికలకు సన్నద్ధంగా ఏర్పాట్లు చేపడుతున్నామని భారత ఎన్నికల కమిషన్ మార్చి16 న శనివారం మధ్యాహ్నం ఎన్నికల షెడ్యూల్ విడుదల చేసిందని, మన రాష్ట్రంలో నాలుగవ దశలో ఎన్నికలు జరగనున్నాయి అని, అన్ని రాజకీయ పార్టీలు ఎన్నికల ప్రవర్తనా నియమావళి మేరకు నడుచుకోవాలని, ప్రశాంత వాతావరణంలో ఎన్నికల నిర్వహణకు అందరూ సహకరించాలని కలెక్టర్ మరియు జిల్లా ఎన్నికల అధికారి డా జి. లక్ష్మీ శ తెలిపారు.

సోమవారం మధ్యాహ్నం స్థానిక జిల్లా కలెక్టరేట్ లోని మినీ సమావేశ మందిరం నందు కలెక్టర్ మరియు జిల్లా ఎన్నికల అధికారి వారి ఆధ్వర్యంలో ఎన్నికల సన్నద్ధత పైగుర్తింపు పొందిన రాజకీయ పార్టీ నాయకులతో  సమీక్ష సమావేశం నిర్వహించి మాట్లాడుతూ జిల్లాలో సార్వత్రిక ఎన్నికలకు సన్నద్ధంగా ఏర్పాట్లు చేపడుతున్నామని భారత ఎన్నికల కమిషన్ మార్చి16 న శనివారం మధ్యాహ్నం ఎన్నికల షెడ్యూల్ విడుదల చేసిందని, మన రాష్ట్రంలో నాలుగవ దశలో ఎన్నికలు జరగనున్నాయని, అన్ని రాజకీయ పార్టీలు ఎన్నికల ప్రవర్తనా నియమావళి మేరకు నడుచుకోవాలని కోరారు. ఎన్నికల ప్రచారానికి సంబంధించి అనుమతులు సువిధ యాప్ నందు దరఖాస్తు చేసుకోవాలని సూచించారు. అలాగే ఏదేని ఎన్నికల ప్రవర్తనా నియమావళి ఉల్లంఘన అంశాలను గుర్తిస్తే వాటిని సి - విజిల్ యాప్ నందు ఫోటో, టెక్స్ట్, వాయిస్, వీడియో రూపంలో పంపవచ్చని వాటిపై 100 నిమిషాల్లోపు పరిష్కారం చూపించడం జరుగుతుందని తెలిపారు. సాక్షం యాప్ తదితర అంశాలపై అవగాహన కల్పించారు. ఈఆర్ఓ లు వారి పరిధిలో ఎంసిసి టీమ్ లు పక్కాగా పనిచేసేలా ఉండాలని సూచించారు. ఎన్నికల ప్రవర్తనా నియమావళి అమల్లోకి వచ్చిందని, ఉల్లంఘనలు ఉండరాదని సూచించారు. స్టార్ క్యాంపెయినర్, వివిధ రాజకీయ పార్టీలు, ఎన్నికల అభ్యర్థి వారి పర్యటనలో ఎన్నికల ప్రవర్తనా నియమావళినిఅనుసరించాల్సి ఉంటుందని సూచించారు.  ఎన్నికల కమిషన్ నిబంధనల మేరకు నిష్పాక్షిక ఎన్నికల నిర్వహణకు అవసరమైన అన్ని చర్యలు తీసుకుంటున్నామని తెలిపారు.

కలెక్టర్ గారి సూచనల మేరకు డిఆర్ఓ పెంచల కిషోర్ గారు వివరిస్తూ 2023 ఏప్రిల్ 15 నుండి 17 మార్చి24 నాటికి 6,7 & 8 పార్మ్స్ 9244 పెండింగ్ ఉన్నాయని తెలిపారు. అందులో ఫారం 6 కు సంబంధించి 4476, ఫారం 6 ఏ - 5, ఫారం 7 - 2475, ఫారం 8- 2288 పెండింగ్ లో ఉన్న వాటిని త్వరితగతిన పరిష్కరించడం జరుగుతుందన్నారు.

ఈ సమావేశంలో ఈఆర్ఓ లు ధ్యానచంద్ర, అదితి సింగ్, కోదండ రామిరెడ్డి, చంద్రముని, నిషాంత్ రెడ్డి, కిరణ్ కుమార్, రవిశంకర్ రెడ్డి, రాంమోహన్ రాజకీయ పార్టీల నాయకులు తదితరులు పాల్గొన్నారు.

 2024 సాధారణ ఎన్నికల షెడ్యూలు విడుదల నేపథ్యంలో అమలులోకి వచ్చిన ఎన్నికల కోడ్.

 18-19 సంవత్సరాల వయస్సు ఉండి కొత్తగా నమోదైన ఓటర్ల సంఖ్య 36162 

విలేకరుల సమావేశం లో.. కలెక్టర్ మరియు జిల్లా ఎన్నికల అధికారి డా. జి. లక్ష్మీ శ..

ప్రశాంత వాతావరణంలో హింసకు తావు లేకుండా ఎన్నికల నిర్వహణకు చర్యలు: జిల్లా ఎస్పీ కృష్ణ కాంత్ పటేల్

రవి కిరణాలు,తిరుపతి, మార్చి18 :-

 కేంద్ర ఎన్నికల సంఘం ప్రకటించిన ఎన్నికల  షెడ్యూల్ మేరకు సార్వత్రిక ఎన్నికలు 2024 ను జిల్లా లో ప్రశాంత వాతావరణం  లో ఎన్నికల ప్రక్రియను నిర్వహించడానికి జిల్లా యంత్రాంగం పూర్తిగా సంసిద్ధంగా కలదని కలెక్టర్ మరియు జిల్లా ఎన్నికల అధికారి డా.జి.లక్ష్మీ శ పేర్కొన్నారు.

కేంద్ర ఎన్నికల కమీషన్ సాధారణ ఎన్నికలు - 2024 షెడ్యూలు విడుదల చేసిన నేపథ్యంలో సోమవారం జిల్లా  సచివాలయంలోని వీడియో కాన్ఫరెన్స్ హాల్ నందు జిల్లా  ఎన్నికల అధికారి ,జిల్లా ఎస్ పి  కృష్ణ కాంత్ పటేల్, జిల్లా జాయింట్ కలెక్టర్  హెచ్.ఎం ధ్యానచంద్ర లతో కలసి ఎన్నికల సన్నద్ధత, నిర్వహణ కు సంబంధించి జిల్లాలో చేపడుతున్న కార్యాచరణ పై వివరాలను వెల్లడించారు. 

ఎన్నికల నోటిఫికేషన్ తేది : 18-04-2024

నామినేషన్ల స్వీకరణ కు చివరి తేది : 25-04-2024

నామినేషన్ల పరిశీలన : 26-04-2024

నామినేషన్ల ఉపసంహరణ : 29-04-2024

పోలింగ్ తేది : 13-05-2024

కౌంటింగ్ తేది : 04-06-2024

జిల్లాలో ఎన్నికలకు సంబంధించిన వివరాలు :

అసెంబ్లీ నియోజకవర్గాలు : 7

పార్లమెంటరీ నియోజకవర్గం: 1

జిల్లాలో మొత్తం ఓటర్ల సంఖ్య : 17,94,733 

పురుషులు : 8,74,738

స్త్రీలు : 9,19,817

థర్డ్ జెండర్ : 178

 18-19 సంవత్సరాల వయస్సు ఉండి కొత్తగా నమోదైన ఓటర్ల సంఖ్య 36162  పురుషులు : 19761 ,స్త్రీలు :16398

 వికలాంగులు (PWD) ఓటర్లు: 24,481 పురుషులు : 13,867 స్త్రీలు :10,614

        థర్డ్ జెండర్ : 0

 85 ఏళ్లు మరియు అంతకంటే ఎక్కువ వయస్సు గల ఓటర్లు: 7940.

 పురుషులు : 3386

         స్త్రీలు : 4551

NRI ఓటర్లు మొత్తం:287

పురుషులు :233

         స్త్రీలు :54

సర్వీస్ ఓటర్లు మొత్తం: 867

పోలింగ్ స్టేషన్ల వివరాలు..:

మొత్తం పోలింగ్ స్టేషన్లు : 2136 (2130+6 అనుబంధ పోలింగ్ కేంద్రాలు)

అర్బన్ 534, రూరల్ 1596

మొత్తం పోలింగ్ స్టేషన్ లోకేషన్ల సంఖ్య : 1395 (అర్బన్ 235,రూరల్ 1160)

సమస్యాత్మక (క్రిటికల్) పోలింగ్ స్టేషన్ల సంఖ్య : 660

EVM ల వివరాలు..:

కంట్రోల్ యూనిట్లు (CUలు): 

5149

బ్యాలెట్ యూనిట్లు (BUలు): 6458

VVPATS:6291

అన్ని పోలింగ్ స్టేషన్ల లలో విద్యుత్, ర్యాంప్, మంచి నీటి సౌకర్యం కల్పించడం జరుగుతోంది.

ఎన్నికల  సంబంధిత టీమ్స్:

Mcc (మోడల్ కోడ్ ఆఫ్ కండక్ట్)- 44

స్టాటిక్ సర్వైలెన్స్ టీమ్స్ (SST) : 70 

ఫ్లయింగ్ స్క్వాడ్స్ (FST): 82 

వీడియో నిఘా బృందాలు (VSTలు): 31

వీడియో వీక్షణ బృందాలు (VVTలు): 8

వాలంటీర్లకు ఎన్నికల విధులు లేవు

ముఖ్యంగా.. ఎన్నికల ప్రక్రియకు సంబంధించి ఎలాంటి విధులను కూడా సచివాలయ పరిధిలోని వాలంటీర్లను అప్పజెప్పడం లేదని జిల్లా కలెక్టర్, జిల్లా ఎన్నికల అధికారి తెలిపారు.

ముఖ్యమైన IT అప్లికేషన్లు:

1). నేషనల్ గ్రీవెన్స్ సర్వీస్ పోర్టల్: (NGSP) ప్రజలకు మరియు రాజకీయ పార్టీలకు ఎన్నికల పిర్యాదులు మరియు ప్రశ్నలను దాఖలు చేయడానికి ఉపయోగించే పోర్టల్.

2). సి-విజిల్ యాప్: (C VIGIL) మోడల్ ప్రవర్తనా నియమావళి, వ్యయ ఉల్లంఘనలు మరియు ఇతర ఏవైనా ఉల్లంఘనలను నివేదించడానికి పౌరులను అనుమతిస్తుంది.

3). సువిధ యాప్: (SUVIDHA ) అభ్యర్ధులు మరియు రాజకీయ పార్టీలు ర్యాలీలు, సమావేశాలు మరియు ఇతర ప్రచార-సంబంధిత కార్యకలాపాలకు అనుమతులను అభ్యర్ధించడానికి ప్రక్రియను సులభతరం చేస్తుంది.

4). ఓటర్ హెల్ప్ లైన్ యాప్: (VOTER HELP LINE) ఓటర్లకు వారి నమోదు స్థితి, పోలింగ్ స్టేషన్ వివరాలపై సమాచారాన్ని అందిస్తుంది మరియు రిజిస్ట్రేషన్లు మరియు కరెక్షన్స్ కోసం ఆన్లైన్ పారమ్లను సమర్పించడానికి ఉపయోగపడుతుంది.

5). KYC యాప్: పోటీలో ఉన్న అభ్యర్ధుల గురించి సవివరమైన సమాచారాన్ని పొందేందుకు ఉపయోగపడుతుంది.

6) సక్షం యాప్ (SAKSHAM): పీడబ్ల్యూడి ఓటర్లకు సక్షమ్ యాప్ ఉన్నాయని తెలిపారు.

ఎన్నికల నియమావళి...

షెడ్యూలు ప్రకటించిన తేదీ నుండి ఎన్నికల ప్రక్రియ ముగిసే వరకు అన్ని రాజకీయ పార్టీలు, పోటీలోనున్న అభ్యర్థులు ఎన్నికల ప్రవర్తనా నియమావళిని ఉల్లంఘించరాదు. సభలు, సమావేశాలు, వాహనాలకు అన్ని ముందస్తు అనుమతి పొందాలి.

సమాచారము మరియు ఫిర్యాదుల మాధ్యమాలు :

పోర్టల్: నేషనల్ గ్రీవెన్స్ సర్వీస్ పోర్టల్ (NGSP)

యాప్ : సీ-విజిల్ యాప్ (C VIGIL) నందు టెక్స్ట్, వాయిస్ , వీడియో, ఫోటో రూపంలో ఫిర్యాదు చేయవచ్చని 100 నిమిషాల లోపు పరిష్కారం చూపబడుతుందని తెలిపారు.

ఓటర్ హెల్ప్ లైన్ నెంబర్ : 1950 (టోల్ ఫ్రీ)

స్వీప్ కార్యక్రమాల నిర్వహణకు అందరూ సహకరించి ఓటరు వారి ఓటు హక్కును వినియోగించుకునేలా పలు అవగాహన కార్యక్రమాలు నిర్వహిస్తున్నామని తెలిపారు. మీడియా ప్రతినిధులు జిల్లాలో ఎన్నికలు ప్రశాంతంగా నిర్వహించేందుకు వారి సహకారాన్ని అందచేయాలని కోరారు.

శాంతి భద్రతలు (లా & ఆర్డర్) :ఎస్.పి

జిల్లాలో ప్రశాంత వాతావరణం లో ఎలాంటి ఇబ్బందులు కలగకుండా  ఎన్నికలను నిర్వహించడానికి పోలీస్ యంత్రాంగం సిద్ధంగా ఉంది. ఎన్నికల షెడ్యూల్ విడుదలైన వెంటనే 82 ఫ్లయింగ్ స్క్వాడ్ బృందాలు పని చేస్తున్నాయని, జిల్లాలో 3 కంపెనీల కేంద్ర బలగాలు చేరుకున్నాయని, సమస్యాత్మక పోలింగ్ కేంద్ర పరిధిలోని మండలాలలో కవాతు నిర్వహించడం జరుగుతోందని, గతంలో ఎన్నికల ఉల్లంఘనలకు పాల్పడిన వారిని బైండ్ ఓవర్ చేయడం జరిగిందని, వెపన్స్ అన్నింటిని స్వాధీనం చేసుకోవడం జరిగిందనీ తెలిపారు. మన తిరుపతి జిల్లా వరకు సంబంధించి 6.5 కోట్లు సీజ్ చేయడం జరిగిందని తెలిపారు. మన జిల్లాకు 4000 మంది పోలీస్ సిబ్బంది అవసరముంది అని నేటికీ మన జిల్లాలో 2700 మంది ఇప్పటికే అందుబాటులో ఉన్నారని తెలిపారు. 7 అంతర్రాష్ట్ర చెక్ పోస్టులు ఏర్పాటు చేశామని, 15 అంతర్  జిల్లా చెక్ పోస్టులు ఏర్పాటు చేశామని తెలిపారు. ఇప్పటికే జిల్లాలో క్రిటికల్ పోలింగ్ కేంద్రాలను గుర్తించి డిఎస్పీ స్థాయి అధికారులు పరిశీలన జరిగిందన్నారు. జిల్లాలో ప్రశాంతంగా ఎన్నికలు నిర్వహించడానికి పోలీసు యంత్రాంగం సిద్దం ..

అనంతరం మీడియా సర్టిఫికేషన్ అండ్ మానిటరింగ్ కమిటీ సెల్ ను కలెక్టర్ గారు జెసి గారితో కలిసి పరిశీలించారు.

 ఎన్నికలవేళ బల్కు లావాదేవీలు వివరాలు తెలియజేయాలి: తహసిల్దార్ కే శ్రీనివాస శర్మ.

మండలంలోని దుకాణదారులతో సమావేశం.

చిట్టమూరు రవి కిరణాలు న్యూస్

ఎన్నికల నేపథ్యంలో పెద్ద ఎత్తున కొనుగోళ్లు,లావాదేవీలు నిర్వహించే వారి వివరాలను ఎప్పటికప్పుడు అధికారులకు తెలియజేయాలని చిట్టమూరు తహసిల్దార్ కే శ్రీనివాస్ శర్మ కోరారు.సోమవారం చిట్టమూరు మండలంలోని ప్రింటింగ్ ప్రెస్,క్లాత్ షాప్స్,టెంట్ హౌస్,రెస్టారెంట్, చికెన్,గోల్డ్,కూల్ డ్రింక్స్,మినరల్ వాటర్ ప్లాంట్,కళ్యాణ మంటపం, మెస్,హోటల్,ఫర్నీచర్ షాప్,ప్రైవేటు దుకాణదారులతో సమావేశాన్ని నిర్వహించారు.గ్రామీణ ప్రాంతాల దుకాణాలను ఆసరాగా చేసుకుని నాయకులు పెద్ద ఎత్తున కొనుగోళ్లకు పాల్పడే అవకాశం ఉన్నందున, బల్కుగా కొనుగోలు చేసే వారి వివరాలను తెలియజేసి సహకరించాలన్నారు.ఎన్నికల కోడ్ నేపథ్యంలో ప్రత్యేక నిఘా ఉందన్న తహసిల్దార్ దుకాణదారులు అధికారులకు సహకరించి, అప్రమత్తంగా వ్యవహరించాలన్నారు.ఈ కార్యక్రమంలో డిప్యూటీ తాసిల్దార్ విజయలక్ష్మి,రీసర్వే డిప్యూటీ తహసిల్దార్ నిరంజన్,ఆర్ఐ మధులత,వీఆర్వోలు కోటయ్య, స్థానిక సిబ్బంది పలువురు పాల్గొన్నారు.