Ravikiranalu TV

 “రేపటి నుంచి జరగబోవు జగనన్న సురక్ష కార్యక్రమాలను విజయవంతం చేయండి” : ఎమ్మెల్యే సంజీవయ్య

రవి కిరణాలు తిరుపతి జిల్లా సూళ్లూరుపేట.

శుక్రవారం నాయుడుపేట ఆర్ అండ్ బి అతిథి గృహమునందు జరిగిన ప్రెస్ మీట్లో సూళ్లూరుపేట శాసనసభ్యులు మరియు టీటీడీ బోర్డు పాలక మండలి సభ్యులు కిలివేటి సంజీవయ్య గారు మాట్లాడుతూ రేపటి నుంచి జరగబోవు జగనన్న సురక్ష కార్యక్రమాలను నియోజకవర్గంలోని అన్ని ప్రాంతాల్లోనూ విజయవంతం చేయవలసిందిగా నాయకులకు అధికారులకు సూచనలు తెలియజేశారు

జగనన్న సురక్షతో జనన, మరణ, వివాహ, తదితర పత్రాల కోసం దరఖాస్తులు చేసుకున్న వారి ఇళ్లకే వెళ్లి ధృవపత్రాలను అందజేస్తారు

రాష్ట్రంలో ఇప్పటికే అర్హులైన ప్రతి ఒక్కరికి మేలు జరిగింది. ఇంకా అర్హులైన ఏ ఒక్కరూ లబ్ధి పొందకుండా మిగిలిపోకూడదనే ఉద్దేశ్యంతో కుల, మత, వర్గ, పార్టీలకు అతీతంగా.. లంచాలకు, వివక్షకు తావులేకుండా.. నూటికి నూరు శాతం సంతృప్త స్థాయిలో పారదర్శకంగా సంక్షేమ ఫలాలు అందించాలన్నదే సీఎం వైయస్ జగన్ మోహన్ రెడ్డి గారి తాపత్రయం అని ఎమ్మెల్యే సంజీవయ్య గారు అన్నారు. ఈకార్యక్రమంలో పట్టణ, మడల వైయస్ఆర్ సీపీ నాయకులు కార్యకర్తలు అభిమానులు పాల్గొన్నారు.

 విద్యుత్ చార్జీలు తగ్గించకుంటే మరో బషీర్బాగ్ ఉద్యమం తప్పదు : సీపీఐ 

రవి కిరణాలు తిరుపతి జిల్లా సూళ్లూరుపేట:-

కేంద్ర రాష్ట్ర ప్రభుత్వాలు మూకుమ్మడిగా ఆంధ్ర ప్రజలపై మోపిన విద్యుత్ ఛార్జీలను తగ్గించకుంటే మరో బషీర్బాగ్ ఉద్యమం తప్పదని, ప్రభుత్వాలు తగిన మూల్యం చెల్లించాల్సి వస్తుందని సిపిఐ నియోజకవర్గ కార్యదర్శి సి సుధాకర్ రెడ్డి హెచ్చరించారు. శుక్రవారం మన్నారు పోలూరు సబ్ స్టేషన్ వద్ద జరిగిన ఆందోళన కార్యక్రమంలో వారు మాట్లాడుతూ కేంద్ర రాష్ట్ర ప్రభుత్వాలు విద్యుత్ వినియోగదారుల పట్ల నిరంకుశంగా వ్యవహరిస్తున్నాయని సర్వీస్ చార్జీలు, ఫిక్స్డ్ చార్జీలు, కస్టమర్ చార్జీలు, విద్యుత్ సుంకం, ఇంధన సర్దుబాటు చార్జీలు వంటి పేర్లతో ప్రజల నుండి వేల కోట్ల రూపాయలు దోచేందుకు సిద్ధపడ్డాయని ఇందుకు ప్రతిగా ప్రత్యామ్నాయ సాంప్రదాయ ఇంధన వనరులు వాడాలని చెప్పడం సిగ్గుచేటు అన్నారు. మోడీ చెప్తున్న సాంప్రదాయ ఇంధన వనరులు ఇప్పటికే కార్పొరేట్ కబంధహస్తాల్లో చిక్కుకుపోయాయని కార్పొరేట్లకు మేలు చేసే విధంగానే మోడీ వ్యవహరిస్తున్నాడని ఆయన అన్నారు. అంతేకాకుండా విద్యుత్ వినియోగం ఎక్కువగా ఉండే ఉదయం ఆరు నుంచి పది గంటలు రాత్రి ఆరు నుంచి పది గంటలు షేక్ హవర్ పేరుతో అధిక మొత్తంలో రెట్టింపు విద్యుత్ ఛార్జీలను విధించేందుకు పాలక పక్షాలు బరితెగించాయని, ప్రజలు వీరికి బుద్ధి చెప్పాల్సిన సమయం ఆసన్నమైందని వారు అన్నారు. మోడీ తానా అంటే జగన్ తందానా అంటున్నారని గృహ విద్యుత్ వినియోగదారులకు కూడా వ్యవసాయ విద్యుత్ మోటార్లకు మల్లే స్మార్ట్ మీటర్లను బిగించడం ద్వారా ప్రజల నడ్డి విరిచేందుకు ప్రభుత్వాలు సిద్ధపడుతున్నాయని వారు ఆవేదన వ్యక్తం చేశారు. గతంలో కట్టిన విద్యుత్ బిల్లులకు ట్రూ అప్ చార్జీలు, ఇంధన సర్దుబాటు చార్జీల పేరుతో సుమారు 5983 కోట్లు రూపాయలు ఆంధ్ర రాష్ట్ర ప్రజల నుండి అదనపు వసూళ్లకు కేంద్ర రాష్ట్ర ప్రభుత్వాలు నడుం బిగించాయని దీనిని తప్పనిసరిగా ప్రజలందరూ ముక్తకంఠంతో ఖండించాల్సిందేనని వారు పిలుపునిచ్చారు.

ప్రభుత్వాలు ప్రభుత్వాలు విద్యుత్ ఛార్జీల పెంపు నిర్ణయాన్ని ఉపసంహరించుకోకపోతే భారత కమ్యూనిస్టు పార్టీ ఆధ్వర్యంలో ప్రజలు నిర్వహించే ప్రజా ఆందోళనలకు ప్రభుత్వాలు తలవంచక తప్పదని వారు హెచ్చరించారు ఈ కార్యక్రమంలో సిపిఐ నియోజకవర్గ సమితి సభ్యులు వినోద్, ప్రభుదాస్,రమణయ్య చెంచమ్మ బాలు వెంకట కృష్ణయ్య లక్ష్మమ్మ నాగేంద్ర తదితరులు పాల్గొన్నారు.

 తడ లో మెడికవర్ సేవలు అభినందనీయం.ఎమ్మెల్యే కిలివేటి సంజీవయ్య.

రవి కిరణాలు తిరుపతి జిల్లా తడ:-

  మెడికవర్ ఆసుపత్రి సేవలు తడలో అందించేందుకు ఏర్పాటుచేసిన ఆసుపత్రి యాజమాన్యానికి ప్రత్యేకంగా శుభాకాంక్షలు ధన్యవాదాలు తెలుపుతున్నానని, ఇక్కడ హాస్పిటల్ పెట్టడం ఎంతో అభినందనీయమని సూళ్లూరుపేట శాసనసభ్యులు, తిరుమల తిరుపతి దేవస్థానం బోర్డు సభ్యులు కిలివేటి సంజీవయ్య అన్నారు. బుధవారం తడలో మెడికవర్ హాస్పిటల్ ప్రారంభించారు. అనంతరం ఆయన మాట్లాడుతూ

 ఇప్పటికీ ఆంధ్ర, తెలంగాణ & మహారాష్ట్ర రాష్ట్రాల్లో దాదాపు 28 శాఖలతో మెడికవర్ ఆసుపత్రి వైద్యసేవలు అందిస్తున్నదని ఆయన పేర్కొన్నారు. సూళ్లూరుపేట నియోజకవర్గం ప్రజలకు మెడికవర్ ఆసుపత్రి వల్ల ఎంతో మేలు జరుగుతుందని ఆరోగ్య సమస్యలు ఎదురైనప్పుడు దూర ప్రాంతాలకు వెళ్లే అవసరం లేకుండా సూపర్ స్పెషాలిటీ సేవలను తడలోనే అందించే అవకాశం కల్పించడం శుభ పరిణామం అన్నారు. ముందుగా ఇక్కడ ప్రాథమిక చికిత్స చేసి ఇంకా  ఉత్తమ వైద్య సేవలు అవసరమైనట్లయితే నెల్లూరులోని మెడికవర్ హాస్పిటల్ తరలించే ఏర్పాట్లు కూడా చేయడం అభినందించదగిన విషయం అన్నారు .ఈ అవకాశాన్ని నియోజకవర్గ ప్రజలందరూ వినియోగించుకోవాలని ఆయన కోరారు. 

ఈ కార్యక్రమంలో మెడికవర్ హాస్పిటల్ నెల్లూరు సెంటర్ హెడ్ డాక్టర్ గణేష్ మాట్లాడుతూ సూళ్లూరుపేట, తడ, శ్రీ సిటీ  శ్రీహరి కోట తదితర ప్రాంతాల ప్రజలకు వైద్య సేవలు అందుబాటులో ఉండే విధంగా మెడికవర్ క్లినిక్ తడలో ఏర్పాటు చేయడం జరిగిందన్నారు. ముందుగా ఇక్కడ ఈసీజీ ,వైద్య పరీక్షలు ,అన్ని రకాల హెల్త్ చెకప్ లు , నిర్వహించడం ప్రాథమిక చికిత్సలు ఇక్కడే జరిపి అవసరమైన ఉత్తమ వైద్యం కోసం నెల్లూరు, చెన్నై వంటి ప్రాంతాలకు తరలించడం జరుగుతుందన్నారు. మెడికవర్ క్యాన్సర్ ఇన్స్టిట్యూట్ కన్సల్టెషన్స్ మరియూ క్లినికల్ లేబరేటరీ పరీక్షలు, కూడా ఇక్కడ చేసుకునే వీలు ఉందన్నారు . అంతేగాక 24 x 7 డాక్టర్లు, వైద్య సిబ్బంది, అందుబాటులో ఉంటారన్నారు. అనేక ఆరోగ్య సమస్యలకు ఇక్కడ చికిత్సలు లభిస్తాయని, ఈ ప్రాంత ప్రజలు మెడికవర్ హాస్పిటల్ వారి మెడికవర్ క్లినిక్ వైద్య సేవలను  వినియోగించుకోవాలని ఆయన కోరారు. ప్రారంభానికి ముందుగా ఎమ్మెల్యే చే జ్యోతి ప్రజ్వలన, పూజా కార్యక్రమాన్ని నిర్వహించారు. ఈ కార్యక్రమంలో తడ మండలం ఎంపీపీ కొలవి రఘు రెడ్డి మండలం సర్పంచ్ శశి కుమార్ మునస్వామి గండవరం సురేష్ రెడ్డి మరియు మెడికవర్ క్లినిక్ మార్కెటింగ్ మేనేజర్ ఉదయ భాస్కర్ నర్సింగ్ హెడ్ శైలజ పి ఆర్ ఓ చందు వర్మ, హాస్పిటల్ సిబ్బంది మరియు వైఎస్ఆర్సిపి కార్యకర్తలు ఈ కార్యక్రమంలో పాల్గొన్నారు.

 లోకేష్ బాబు పాదయాత్రకు పోటెత్తిన జనం.

139వ రోజు చిట్టమూరులో కొనసాగిన యువగళం పాదయాత్ర.

అడుగడుగునా ప్రజా నీరాజనం.

తెలుగుదేశం పార్టీ జాతీయ ప్రధాన కార్యదర్శి,యువనేత నారా లోకేష్ బాబు 139 వ రోజు పాదయాత్ర  గూడూరు మాజీ శాసనసభ్యులు,తెలుగుదేశం పార్టీ ఇన్చార్జి డాక్టర్ పాశిం సునీల్ కుమార్ సారధ్యంలో, పార్టీ మండల అధ్యక్షులు గణపర్తి కిషోర్ నాయుడు అద్యక్షతన మంగళవారం నిర్వహించారు.లోకేష్ పాదయాత్రకు అడుగడుగునా ప్రజలు అపూర్వ స్వాగతం పలికారు.మహిళలు ఎదురేగి మంగళహారతులిచ్చారు.అభిమానులు గజమాలలతో సత్కరించారు.జనసంద్రంగా మారిన ప్రజా సమూహంతో అభిమానులకు అభివాదం చేస్తూ నాయకులు,కార్యకర్తల్లో ఉత్సాహాన్ని నింపుతూ పాదయాత్ర కొనసాగింది. స్థానిక ప్రజలు,మహిళలు నీరాజనాలు పట్టారు.

 రాపూరు (2వ రోజు )

 27.06.2023   రాపూరు మండలంలోని  గోనుపల్లి 

 సచివాలయం పరిధిలోని  

గడపగడపకు మన ప్రభుత్వం కార్యక్రమంలో భాగంగా    రాపూరు మండలంలోని  

గోనుపల్లిలోని తూర్పు వీధి ,St కాలనీ,రాంకూరు లో పరిటిస్తున్నా వెంకటగిగి నియోజవర్గ సమన్వయకర్త అయిన నేదురుమల్లి రామ్ కుమార్ రెడ్డి గారికి బ్రహ్మ రథం పట్టిన ప్రజలు

 జగనన్న సంక్షేమ పథకాలు ప్రతి ఒక్కరికి అందుతున్నాయంటూ జనం మెచ్చుకోలు.

 ప్రతి గడపలో ఆప్యాయంగా  పలకరించిన ప్రజలు.

 దుష్ట చతుష్టయం ఎన్ని ఆరోపణలు చేసిన 2024లో జగనన్నకు అండగా ఉంటామని భరోసా.

 గోనుపల్లి, రాంకూరు లో  గడపగడపకు మన ప్రభుత్వం కార్యక్రమానికి విచ్చేసిన వెంకటగిరి సమన్వకర్త అయిన నేదురుమల్లి రామ్ కుమార్ రెడ్డి గారికి  గజమాలతో ఘన స్వాగతం పలికారు గ్రామస్తులు.

ఈ సందర్భంగా జగనన్న సంక్షేమ పథకాలను ప్రజలకు వివరిస్తూ అలాగే ప్రజల సమస్యలను అడిగి తెలుసుకుని అలాగే అర్హత ఉండి పథకాలు అందని లబ్ధిదారులకు వెంటనే ఆ పథకాలు అందేలా చర్యలు తీసుకోవాలని  అధికారులకు ఆదేశించారు....

దొరవారిసత్రంలో సర్వసభ్య సమావేశం

 రవికిరణాలు ప్రతినిధి - దొరవారిసత్రం న్యూస్:- మండల కేంద్రంలోని ఎంపీడీవో కార్యాలయం వద్ద ఉన్న సమావేశ మందిరంలో మంగళవారం సర్వసభ్య సమావేశాన్ని ఎంపీపీ దువ్వూరు సుజాతమ్మ అధ్యక్షతన నిర్వహించడం జరిగింది ఈ సందర్భంగా ముందుగా ఎంపీపీ మాట్లాడుతూ గ్రామీణ ప్రాంతంలో త్రాగునీరు పై ప్రత్యేక దృష్టి పెట్టాలని అధికారులకు తెలిపారు ఇదే క్రమంలో గ్రామాలలో పారిశుధ్యం పై కూడా ప్రత్యేక శ్రద్ధ చూపాలని రానున్నది వర్షాకాలం గ్రామాల్లో అపరిశుభ్రంగా ఉండడం వల్ల వ్యాధులు సోకుతాయని కాబట్టి పారిశుధ్యం పై ప్రత్యేక శ్రద్ధ పెట్టాలని అధికారులకు తెలియజేశారు అనంతరం మండల పలు శాఖ అధికారులు వారిచే విధులపై రివ్యూ నిర్వహించడం జరిగినది తాసిల్దార్ గోపిరెడ్డి మాట్లాడుతూ రీసర్వే గురించి తెలియజేశారు ఎంపీడీవో సింగయ్య మాట్లాడుతూ ప్రభుత్వం అమలు చేసిన సురక్ష పథకంపై తెలియజేశారు అనంతరం వైసిపి సీనియర్ నాయకులు మండల ఉపాధ్యక్షులు దువ్వూరు గోపాల్ రెడ్డి మండలంలో ఈ ఏడాది పదో తరగతిలో అత్యధిక మార్కులు సాధించి పాసైన ఆణిముత్యాలను ఒక్కొక్కరికి ఎనిమిది మంది విద్యార్థులకు 2000 రూపాయలు నగదు చొప్పున ఎంపీపీ దువ్వూరు సుజాతమ్మ చేతుల మీదగా అందిస్తూ వారికి శాలువాతో సన్మానం చేయడం జరిగింది ఈ ఆణిముత్యాలు కేజీబీవీ పాఠశాల విద్యార్థులు బీసీ గురుకుల పాఠశాల విద్యార్థులు ఆదర్శ పాఠశాల విద్యార్థులు ఎంపిక కావడంతో వారికి ఈ బహుమతులు సన్మానం దక్కిందంటూ ఆయన తెలిపారు ప్రభుత్వ పాఠశాలలో విద్యార్థులు బాగా చదువుకొని ఇంకా మంచి మార్కులతో పాసై పాఠశాలకు తల్లిదండ్రులకు ఉపాధ్యాయులకు మంచి పేరు తేవాలని ఆయన అన్నారు ఈ కార్యక్రమంలో ఎంఈఓ కృష్ణయ్య ఏపిఎం పద్మావతి ఏపీవో విజయభాస్కర్ మండల పలు శాఖ అధికారు సర్పంచులు ఎంపీటీసీలు ప్రజా ప్రతినిధులు తదితరులు 

రవి కిరణాలు  ప్రతినిధి కోట తిరుపతి జిల్లా, కోట మండలం , కోట క్రాస్ రోడ్డు వద్దనున్న ఓ పాత ఇనుపసామాను విక్రయ దుకాణంలో అగ్నిప్రమాదం సంబంధించింది. క్రాస్ రోడ్డు లోని లార్జికి వెనుకవైపు నున్న గౌస్ బాష కు చెందిన  దుకాణంలో ప్రమాదవశాత్తు మంటలు చెలరేగాయి. ఆ దుకాణంలో పాత టైర్లు, అట్టలు ఎక్కువగా ఉండటంతో మంటలు భారీగా వ్యాపించాయి. క్రాస్ రోడ్డు మొత్తంలో దట్టమైన పొగలు అలుముకోవడంతో స్థానికులు భయాందోళనకు గురైయ్యారు. సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకుని మంటలు అడుపుచేశారు. మంటలు అదుపులోకి రావడంతో స్థానికులు ఊపిరిపీల్చుకున్నారు..