Ravikiranalu TV

 మ్యుటేషన్ కు సంబంధించిన దరఖాస్తులను గడువులోపు పరిష్కారం చూపాలి

    జగనన్న కు చెబుదాం స్పందన అర్జీల ఎండార్స్మెంట్ లో నాణ్యత ఉండాలి : జాయింట్ కలెక్టర్  

రవి కిరణాలు,   తిరుపతి, జూన్ 2 :-

   మ్యుటేషన్ కు సంబంధించిన దరఖాస్తులను ఆలస్యం లేకుండా గడువులోపు పరిష్కారం చూపేల దృష్టి పెట్టాలని  జిల్లా జాయింట్ కలెక్టర్ డి.కె.బాలాజీ తెలిపారు.   శుక్రవారం  స్థానిక కలెక్టరేట్ లోని వీడియో కన్ఫెరెన్స్ హాల్ నుండి ఆర్.డి.ఓ. లు, తహశీల్దార్లు, సర్వేయర్లు, వి ఆర్ ఓ లతో రీసర్వే,  విలేజ్ సర్వేర్ ల డేటా ఎంట్రీ, జగనన్న కు చెబుదాం, మ్యూటేషన్, అసైన్ మెంట్ ల్యాండ్స్, కోర్టు కేసెస్ తదితర అంశాలపై వీడియో కన్ఫెరెన్స్ నిర్వహించారు.    జాయింట్ కలెక్టర్ మాట్లాడుతూ... జగనన్నకు చెబుదాం స్పందన కార్యక్రమం రాష్ట్ర ముఖ్యమంత్రి వైఎస్ జగన్మోహన్ రెడ్డి ప్రాధాన్యత అంశం కాబట్టి  అర్జీలను  సంతృప్తి స్థాయిలో పరిష్కారం చూపేలా ఉండాలని తెలిపారు. జిల్లాలో పెండింగ్ లో ఉన్నటు వంటి  మ్యుటేషన్ సంబంధించిన  దరఖాస్తులను గడువులోపు పరిష్కరించాలని అన్నారు. గ్రామాలలో  విలేజ్ సర్వేల డేటా , ఎంట్రీ ప్రక్రియను త్వరితగతిన పూర్తి చేయాలని తెలిపారు. రైతుల భూ సమస్యలను పరిష్కరించే దిశగా  సదా బైనామ ద్వారా వచ్చిన అప్లికేషన్స్ పూర్తి స్థాయిలో పరిశీలన చేయాలన్నారు. అసైన్మెంట్ ల్యాండ్స్ కు సంబందించిన ఫైల్స్, కోర్టు కేసెస్ కు సంబంధించి  ఏమైనా సమస్యలు ఉంటే నా దృష్టికి తీసుకుని రావాలి సూచించారు.  ఈ కార్యక్రమంలో డి.ఆర్.ఓ కోదండరామి రెడ్డి, స్పెషల్ డిప్యూటీ కలెక్టర్   శ్రీనివాసులు, ఏ.డి. సర్వేయర్ జయరాజ్, తదితరులు పాల్గొన్నారు.

తిరుపతి జిల్లా ఎస్పీ పరమేశ్వర్ రెడ్డిని మర్యాదపూర్వకంగా కలిసిన ఎమ్మెల్సీ మేరిగ మురళీధర్.

రవి కిరణాలు తిరుపతి:-

ఎమ్మెల్సీగా ఎన్నికైన తర్వాత తొలిసారి తిరుపతి జిల్లా ఎస్పీ పరమేశ్వర్ రెడ్డిని మర్యాదపూర్వకంగా కలిసిన ఎమ్మెల్సీ మేరిగి మురళిధర్ శాంతి భద్రతలపై చర్చించారు, తిరుపతి జిల్లా ఎస్పీగా పరమేశ్వర్ రెడ్డి సమర్థవంతంగా పనిచేస్తున్నారని ఇదేవిధంగా ముందుకు వెళ్లాలని శాంతి భద్రతల పరిరక్షణ విషయంలో ఎటువంటి రాజకీయాలకు తావు లేకుండా పనిచేయాలని మేరిగ మురళిధర్ సూచించారు. ఈ సందర్భంగా పరమేశ్వర్ రెడ్డి  ఎమ్మెల్సి గా ఎన్నికైన  మురళీధర్ కు అభినందనలు తెలియజేశారు.. అనంతరం మేరీగ మురళీధర్ తిరుమల వేంకటేశ్వర స్వామి  దర్శనానికి బయలు దేరారు.

అంగ రంగ వైభవముగా ప్రారంభమైన 

మదిలేటి అమ్మవారి జాతర.

రవి కిరణాలు తిరుపతి జిల్లా సూళ్లూరుపేట:-

మండల పరిధిలోని మన్నెముత్తెరి గ్రామం లో వెలసి ఉన్న మదిలేటి అమ్మవారి 

జాతర శుక్రవారం అంగరంగ వైభవముగా ప్రారంభించారు,ఆలయానికి ప్రత్యేక పుష్పాలంకరణ చేశారు,ఈ వేడుకల్లో భాగంగా మన్నెముత్తెరి గ్రామస్తులు డప్పు వాయిద్యాలతో అమ్మణ్ణికి సారెను ఊరేగింపుగా తీసుకువచ్చి ఆలయం లో కొలువై ఉన్న మదిలేటి అమ్మవారికి సమర్పించారు,అనంతరం జరిగిన అభిషేక వేడుకల్లో పాల్గొన్నారు, ఈ సందర్భముగా ఆలయం ఎదుట పొంగళ్ళు పెట్టి అమ్మవారికి నైవేద్యంగా సమర్పించారు,ఎంపీపీ అల్లూరు అనిల్ రెడ్డి దంపతుల తో పాటు గ్రామ పెద్దలందరూ  ఈ వేడుకల్లో పాల్గొని అమ్మణ్ణికి పూజలు చేశారు,పెద్ద సంఖ్యలో మహిళలు పాల్గొన్ని అమ్మవారి ఆశీస్సులు అందుకున్నారు.

చిట్టమూరు ఎంపీడీవోగా బాధ్యతలు చేపట్టిన కె షాలెట్.

చిట్టమూరు ఎంపీడీవోగా కె షాలెట్ గురువారం బాధ్యతలు చేపట్టారు. నెల్లూరు జిల్లా పరిషత్ కార్యాలయంలో ఏవోగా బాధ్యతలు నిర్వహిస్తున్న ఆమె ప్రమోషన్ పై చిట్టమూరు ఎంపీడీవో గా బాధ్యతలు చేపట్టారు.సంవత్సరంకు పైగా చిట్టమూరులో ఇంచార్జి పాలన కొనసాగుతున్న నేపథ్యంలో పర్మినెంట్ ఎంపీడీవో నియామకంపై పలువురు హర్షం వ్యక్తం చేశారు.బాధ్యతలు చేపట్టిన ఎంపీడీవో కె షాలెట్ ను ఇన్చార్జి ఎంపీడీవో,ఈవోపీఆర్డి మనోహర్ గౌడ్ శాలువాతో సన్మానించి,పుష్పగుచ్చం అందించి స్వాగతం పలికారు. ఆయనతోపాటు మండల పరిషత్ కార్యాలయ సిబ్బంది ఉన్నారు.

 రోడ్డుప్రమాదంలో ఒకరికి గాయాలు

 రవికిరణాలు ప్రతినిధి - దొరవారిసత్రం  న్యూస్:- మండల పరిధిలోని వడ్డిపాలెం గ్రామ సమీపంలో ఉన్న ఆర్ అండ్ బి రోడ్డుపై జరిగిన ప్రమాదంలో శంకర్ అనే అతనికి గురువారం తీవ్ర గాయాలయ్యాయి వివరాల మేరకు శంకర్ స్వగ్రామం సూళ్లూరుపేట మండలం కి చెందిన పేర్నాడు గ్రామము ఇతను బేల్దారి పని కొరకు మోటర్ బైక్ పై మల్లాం వైపు వెళ్తూ ఉండగా వడ్డీ పాలెం గ్రామ సమీపానికి వచ్చేసరికి బైకు అదుపుతప్పి రోడ్డుకి ఇరుపక్కల ఉన్న తూమును ఢీకొన్నది దీంతో అతనికి తీవ్ర గాయాలు అయ్యాయి ఈ ప్రమాదాన్ని గమనించిన గ్రామస్తులు వెంటనే 108 వాహనానికి ఫోన్ చేయడం జరిగినది అయితే 108 వాహనం సమయానికి రాకపోవడంతో గాయపడిన క్షత గాత్రుడిని గ్రామస్థుల సహాయంతో ఆటోలో వేసి సూళ్లూరుపేట ప్రభుత్వ హాస్పిటల్ కు తరలించారు అక్కడ గాయపడిన వ్యక్తికి చికిత్స చేయించడం జరిగిందని గ్రామస్తులు తెలిపారు

 చేంగాళ్ళమ్మ తిరునాళ్ళు ఏర్పాట్లు పరిశీలించిన 

ఎమ్మెల్యే ,ఎంపీపీ ,ఆలయ చైర్మన్.

మహిసాసుర మర్దినికి ప్రత్యేక ఏర్పాట్లు పూర్తి. 

రవి కిరణాలు తిరుపతి జిల్లా సూళ్లూరుపేట:-

సూళ్లూరుపేట పట్టణంలో కాళంగి నది ఒడ్డున వెలసి ఉన్న శ్రీ చెంగాళమ్మ పరమేశ్వరి ఆలయం తిరునాళ్ళు 

జూలై నెల 8 వ తేదీ నుండి 14 వ తేదీ వరకు జరపడానికి అన్ని ఏర్పాట్లు సిద్ధం చేస్తున్నారు ఆలయ అధికారులు. ఈ తిరునాళ్లలో ప్రధాన ఘట్టముగా చెప్పుకునే మహిషాసుర మర్దిని వేడుకను 

నిర్వహించే మైదానాన్ని బుధవారం ఎమ్మెల్యే కిలివేటి సంజీవయ్య తో పాటు ఆలయ చైర్మన్ దువ్వూరు బాలచంద్ర రెడ్డి,ఎంపీపీ అల్లూరు అనిల్ రెడ్డి పరిశీలించారు, మహిసాసుర 

మర్దన వేడుకను ప్రతి భక్తుడు కనులారా వీక్షించి తరించే విధముగా ప్రత్యేక ఏర్పాట్లు 

చేయడానికి నిర్ణయం తీసుకున్నారు,మైదానం మధ్యలో ఒక ర్యాంపు ఏర్పాటు చేసి 

దాని పైన మహిషాసురమర్దని వేడుక జరిపించాలని దీనివలన ప్రతి భక్తుడు వేడుకను 

చూడటానికి అవకాశం కలుగుతుందని ఈ ప్రత్యేక ఏర్పాట్లకు నిర్ణయం తీసుకున్నారు,

ఈ విశాలమైన మైదానం లో ఆహ్లాదకరమైన వాతావరణం మధ్య ఈ సారి భక్తులకు 

వేడుకల్లో పాల్గొనే అవకాశం ను ఆలయ అధికారులు, పాలకమండలి సభ్యులు కల్పిస్తున్నారు.

ఈ కార్యక్రమం లో వైసీపీ నేత జెట్టి వేణు యాదవ్, కౌన్సిలర్ మిజురు రామకృష్ణ రెడ్డి తదితరులు పాల్గొన్నారు.

 టపాసుల గోడౌన్ లో అగ్ని ప్రమాదం

ముగ్గురు కార్మికులు మృతి ఇద్ధరికి తీవ్ర గాయాలు.

రవి కిరణాలు తిరుపతి జిల్లా వరదయ్యపాలెం, మే 31.

తిరుపతి జిల్లా వరదయ్యపాలెం మండలంలోని కువ్వాకొల్లి గ్రామంలో ఘోర విషాదం చోటు చేసుకుంది. టపాసుల గోడౌన్ లో అగ్ని ప్రమాదం చోటు చేసుకోవడంతో ముగ్గరు  కార్మికులు మృతి చెందగా , ఇద్దరు తీవ్ర గాయాల పాలయ్యారు.వివరాలు ఇలా ఉన్నాయి.వరదయ్యపాళెం మండలంలోని కువ్వాకొల్లి గ్రామ శివార్లలో గత కొద్ది సంవత్సరాలు వీరయ్య అనే వ్యక్తి టపాసుల గోడౌన్ ను ఏర్పాటు చేసుకుని విక్రయాలు నిర్వహిస్తున్నారు. అయితే  ఇక్కడ టపాసుల గోడౌన్ కు విక్రయాలకు మాత్రమే అనుమతి ఉండగా , టపాసుల తయారీ కూడా నిర్వహిస్తున్నట్లు సమాఛారం.

బుధవారం మధ్యాహ్నం సమయంలో ఈ టపాసుల గోడౌన్ లో టపాసులను బాక్స్ లో సర్ధే సమయంలో ప్రమాదవశాత్తు అగ్ని ప్రమాదం చోటు చేసుకుంది.సమాఛారం అందుకున్న పోలీసులు , అగ్ని మాపక సిబ్బంది ఘటనా స్థలానికి చేరుకుని మంటలను అదుపు చేశారు.ఈ ప్రమాదంలో టపాసుల ను తయారీ చేసే కార్మికులు నాగేంద్ర(30), శంకరయ్య(45), ఏడుకొండలు(33) అక్కడికక్కడే మృతి చెందగా, వీరరాఘవయ్య, పవన్ కళ్యాణ్ లు తీవ్రంగా గాయపడటంతో శ్రీ కాళహస్తి ఏరియా ఆస్ఫత్రికి తరలించారు.