ఎంపీ ఆదాలకు మద్దతుగా వైసిపి అభిమానులు
నెల్లూరు ఎంపీ ఆదాల ప్రభాకర్ రెడ్డికి మద్దతుగా కల్లూరు పల్లి హౌసింగ్ బోర్డ్ నుంచి భారీ సంఖ్యలో నేతలు, కార్యకర్తలు, అభిమానులు తరలివచ్చారు. భారీగా సత్కారాలు, సన్మానాలు చేసి తమ అభిమానాన్ని ప్రకటించారు. ఇసనాక సురేందర్ రెడ్డి, ఆదిశేషారెడ్డి, రమేష్ రెడ్డి, చిట్టమూరు విష్ణు, మధుసూదన్ రెడ్డి తదితరులు ఈ కార్యక్రమానికి నాయకత్వం వహించారు.
" కాకాణి వెంట కిక్కిరిసిన జనం"
SPS నెల్లూరు జిల్లా:
తేది:08-03-2023
నిన్న, మంగళవారం నాడు, సర్వేపల్లి నియోజకవర్గం, ముత్తుకూరు మండలం, బ్రహ్మదేవి గ్రామ సచివాలయ పరిధిలో "గడప గడపకు మన ప్రభుత్వం" కార్యక్రమంలో భాగంగా, 2వ రోజు బ్రహ్మదేవి మెయిన్, బ్రహ్మదేవి గిరిజన కాలనీలలో పర్యటించిన ఆంధ్రప్రదేశ్ రాష్ట్ర వ్యవసాయ మరియు సహకార, మార్కెటింగ్, ఫుడ్ ప్రాసెసింగ్ శాఖా మాత్యులు శ్రీ కాకాణి గోవర్ధన్ రెడ్డి గారు.
బ్రహ్మదేవి గ్రామంలో మంత్రి కాకాణి గడపగడపకు కార్యక్రమానికి భారీ స్పందన.ముత్తుకూరు మండల కన్వీనర్ మెట్టా విష్ణువర్ధన్ రెడ్డి ఆధ్వర్యంలో భారీగా తరలివచ్చిన నాయకులు, కార్యకర్తలు, గ్రామ ప్రజలు. విపరీతమైన జనం రద్దీతో కార్యక్రమం కొనసాగించడానికి కూడా కష్టతరమైంది. కార్యకర్తలు చొరవ తీసుకొని జనాలను అదుపు చేయడంతో కార్యక్రమం సజావుగా, సాఫీగా సాగింది.
జగన్మోహన్ రెడ్డి గారి ప్రభుత్వం నాలుగేళ్ల పరిపాలనలో ఎన్నికల ముందు ఇచ్చిన ప్రతి హామీని నెరవేర్చి, గడప గడపకు మన ప్రభుత్వం ద్వారా గ్రామాల్లో వెళ్లి, ప్రజలకు వివరించడం సాహసోపేతమైన చర్య. 2014 ఎన్నికల్లో చంద్రబాబు అనేక హామీలు ఇచ్చి, అధికారంలోకి వచ్చిన తర్వాత ప్రజలను మోసం చేశారు. జగన్మోహన్ రెడ్డి గారు ఆంధ్ర రాష్ట్ర ప్రజల అభివృద్ధి, సంక్షేమం కోసం ఆలోచన చేసిన వ్యక్తిగా ఆంధ్ర రాష్ట్ర చరిత్రలో గుర్తింపు పొందారు. విశాఖలో జరిగిన సమిట్ లో పారిశ్రామికవేత్తలు జగన్మోహన్ రెడ్డి గారు చేపడుతున్న సంక్షేమ పథకాలకు ఆకర్షితులై, ప్రశంసించడం జగన్మోహన్ రెడ్డి గారి సంక్షేమ పాలనకు నిదర్శనం. చంద్రబాబు ఏనాడు ప్రజల సంక్షేమం గురించి ఆలోచన చేసిన సందర్భం లేదు. చంద్రబాబు ఏనాడైనా జగన్మోహన్ రెడ్డి గారిలా అమ్మ ఒడి, రైతు భరోసా, మత్స్యకార భరోసా, కాపు నేస్తం, నేతన్న నేస్తం, ఈబిసి నేస్తం, వైయస్సార్ చేయూత, జగనన్న చేదోడు, జగనన్న తోడు లాంటి అనేక కార్యక్రమాలు ప్రజల కోసం చేయాలన్న ఆలోచన చేశాడా..!
పేదలు ఆర్థికంగా నిలదొక్కుకోవాలని ఆలోచన చేసిన వ్యక్తి మన ముఖ్యమంత్రి జగన్మోహన్ రెడ్డి గారు. ఆంధ్ర రాష్ట్ర చరిత్రలో ఎన్నడు లేని విధంగా అర్హత కలిగిన ప్రతి ఒక్కరికి ఇళ్ల స్థలాలు ఇచ్చిన ఘనత ముఖ్యమంత్రి జగన్మోహన్ రెడ్డి గారిది. గ్రామంలో ఎన్నికల్లో ఇచ్చిన హామీ ప్రకారం జగన్మోహన్ రెడ్డి గారి ప్రభుత్వంలో కోట్ల రూపాయలు వెచ్చించి, సిమెంట్ రోడ్లు, సైడు డ్రైన్లు నిర్మించాం. ఆంధ్ర రాష్ట్రానికి పెద్ద పెద్ద పారిశ్రామికవేత్తలు రావడంతో చంద్రబాబు, చంద్రబాబు కొడుకు కుమిలి, కుమిలి ఏడుస్తున్నారు. రైతులధాన్యానికి ఎక్కువ రేటు రావడంతో, తెలుగుదేశం నాయకులు కుమిలిపోతున్నారు. తెలుగుదేశం నాయకులకు ప్రజలు బాగుండకూడదు, రైతులు బాగుపడకూడదు, రైతులకు గిట్టుబాటు ధర ఉండకూడదు, ప్రభుత్వం పై విమర్శలు చేయాలనే తపన తప్ప, ప్రజల కోసం ఆలోచన చేసే పరిస్థితిలో లేరు. గ్రామాల్లో ప్రజల స్పందన చూస్తుంటే, జగన్మోహన్ రెడ్డి గారి పరిపాలన పట్ల ప్రజల ఎంత సంతృప్తిగా ఉన్నారో అర్ధమవుతుంది. 2024 ఎన్నికల్లో నెల్లూరు జిల్లాలో 10కి 10 స్థానాలు గెలుచుకోవడం, జగన్మోహన్ రెడ్డి గారిని తిరిగి ముఖ్యమంత్రిని చేసుకోవడమే లక్ష్యంగా పనిచేస్తాం. ప్రజల అభివృద్ధి, సంక్షేమం, గ్రామాలలో మౌలిక సదుపాయాల కల్పనే ధ్యేయంగా పనిచేస్తాం. కార్యక్రమాన్ని విజయవంతం చేసిన నాయకులకు, కార్యకర్తలకు, గ్రామప్రజలకు, అధికారులకు పేరుపేరునా ధన్యవాదాలు.
బిలకూట క్షేత్రం నందు కళ్యాణం రోజు శ్రీవారి రథం అపశృతి.
నెల్లూరు జిల్లా : బోగోలు మండలం కొండ బిట్రగుంట శ్రీ ప్రసన్న వెంకటేశ్వర స్వామి దేవస్థానం బిలకూట క్షేత్రం నందు కళ్యాణం రోజున రథోత్సవంలో శ్రీవారి రథం అపశృతి చోటు చేసుకుంది.
కరోనా వచ్చి.. తగ్గిపోలేదు.. ఏడాది తర్వాతే దాని విశ్వరూపం
కరోనా మహమ్మారి ప్రపంచాన్ని అతలాకుతలం చేసిన సంగతి తెలిసిందే. ప్రజా జీవితాన్ని సమూలంగా మార్చేసింది. మనిషి ఎదుటి వారిని చూసి జడుసుకునేంతగా చేసేసింది..
తాజాగా బ్రిటన్ పరిశోధకుల అధ్యయనంలో సంచలన విషయాలు వెలుగులోకి వచ్చాయి. కరోనా వైరస్ లక్షణాలు బయటపడ్డ ఏడాది తర్వాత శరీరంలోని ఏదో ఒక అవయవం దెబ్బతింటున్నదని అధ్యయనంలో తేలింది. అలసట, శ్వాస సమస్యలు, ఛాతి, కీళ్ల నొప్పులు, తలనొప్పి, మెదడు సంబంధ సమస్యలు, నిద్రలేమి, ఆందోళనతో రోగులు నిత్యం సతమతమవుతూనే ఉన్నారు.
దీర్ఘకాల కొవిడ్ లక్షణాలతో బాధపడుతున్న 59 శాతం మందిలో కరోనా వైరస్ లక్షణాలు బయటపడ్డ ఏడాది తర్వాత శరీరంలోని ఏదో ఒక అవయవం దెబ్బతింటున్నదని పరిశోధనలు తెలుపుతున్నాయి. కరోనా వైరస్ సోకినప్పుడు ఇబ్బంది పడని వారిలో కూడా ఈ సమస్య తలెత్తుతుందని పరిశోధకులు గుర్తించారు. 536 మంది కొవిడ్ రోగులపై పరిశోధకులు అధ్యయనం నిర్వహించారు. ఇందులో 13 శాతం మంది కరోనాతో దవాఖానలో చేరినవారు కాగా, 32 శాతం మంది ఆరోగ్య కార్యకర్తలు ఉన్నారు. ఈ 536 మంది రోగులకు ఆరు నెలల తర్వాత 40 నిమిషాల పాటు మల్టీ ఆర్గాన్ ఎంఆర్ఐ స్కాన్ నిర్వహించారు. ఈ ఫలితాలను ఆక్స్ఫర్డ్ యూనివర్సిటీలో విశ్లేషించగా, ఇందులో షాకింగ్ విషయాలు బయటపడ్డాయి. ఈ అధ్యయన ఫలితాలు 'జర్నల్ ఆఫ్ ది రాయల్ సొసైటీ ఆఫ్ మెడిసిన్'లో ప్రచురితమయ్యాయి.
మహిళలకి 33 శాతం రిజర్వేషన్లు ఇవ్వాల్సిందే..
వాడవాడలా మహిళా దినోత్సవ వేడుకలు ఘనంగా జరుగుతున్నాయి. చట్టసభల్లో, అన్నిచోట్ల మహిళలకి 33 శాతం రిజర్వేషన్లు ఇవ్వాల్సిందే అన్నారు జనసేన అధినేత పవన్ కళ్యాణ్..
చట్టసభల్లో మహిళలకు 33 శాతం రిజర్వేషన్ కల్పించాలి. మహిళా రిజర్వేషన్ల అంశాన్ని మా పార్టీ ఎన్నికల ప్రణాళికలో పొందుపరిచింది. మహిళల రిజర్వేషన్లు సాధించే విషయంలో నా రాజకీయ ప్రయత్నం చిత్తశుద్ధితో కొనసాగుతుంది.
స్త్రీ సంపూర్ణ సాధికారిత సాధించడానికి, వారు స్వేచ్ఛగా జీవించడానికి మన సమాజం, ప్రభుత్వాలు ప్రత్యేక దృష్టి సారించాల్సి ఉంది. మహిళలపై అఘాయిత్యాలు జరగని సమాజం ఆవిష్కృతం కావడానికి పకడ్బందీ చర్యలు చేపట్టాలని పవన్ కళ్యాణ్ డిమాండ్ చేశారు. మహిళా దినోత్సవం వేళ మహిళా మణులందరికీ ఆయన శుభాకాంక్షలు తెలిపారు.
సృష్టిలో సగభాగం మహిళ, ప్రతీ మనిషి జీవితంలో కీలకపాత్ర పోషించే ఆడపడుచులందరికీ అంతర్జాతీయ మహిళా దినోత్సవం సందర్భంగా శుభాకాంక్షలు తెలియజేస్తూ, సంపూర్ణ స్త్రీ సాధికారత సాధించాలని ఆకాంక్షిస్తున్నాం అని ట్వీట్ చేశారు పవన్.
బిజెపి ఎమ్మెల్సీ అభ్యర్థి సన్నారెడ్డి దయాకర్ రెడ్డిని గెలిపించండి ...
రవికిరణాల న్యూస్... తిరుపతి జిల్లా... దొరవారి సత్రం మండలం...
భారతీయ జనతా పార్టీ ఎమ్మెల్సీ అభ్యర్థి సన్నారెడ్డి దయాకర్ రెడ్డిని తిరుపతి జిల్లా బిజెపి కార్యదర్శి ఆశ చెంచుకృష్ణయ్య కోరారు. మంగళవారం దొరవారిసత్రం మండలంలో స్థానిక బిజెపి నాయకులతో కలిసి ప్రచారం నిర్వహించారు.మండలంలోని ఏకోల్లు,పూలతోట,కల్లూరు, కొత్తపల్లి సచివాలయాలకు వెళ్ళి అధికారులను మొదటి ప్రాదాన్యత ఓటు బిజెపిఅభ్యర్థి సన్నారెడ్డి దయాకర్ రెడ్డికి వేసి గెలిపించాలని అభ్యర్థించారు. వడ్డికండ్రిగ,కొత్తపల్లి గ్రామలలో ప్రచారం నిర్వహించి సన్నారెడ్డి దయాకర్ రెడ్డి కు మొదటి ప్రధాన్యత ఓటు వెయ్యాలని కోరారు.ఆయన వెంట దొరవారిసత్రం మండల బిజెపి సీనియర్ నాయకులు ఓరింగం ఈశ్వరయ్య,మండల అధ్యక్షుడు చింతకాని వెంకటరమణయ్య నాయుడు,జిల్లా ఓబిసి మోర్చా కార్యదర్శి వల్లిపి.విద్యాసాగర్,జిల్లా బిజెవైమ్ కార్యదర్శి నరేష్,మండల బిజెపి ప్రధాన కార్యదర్శి వేలూరు చంద్రశేఖర్ తదితరులు పాల్గొన్నారు.
.jpeg)
చెంగాళ్ళమ్మ ఆలయంలో చండీయాగం.
సూళ్లూరుపేట, ఫిబ్రవరి 07, (రవి కిరణాలు):-
కాళ్ళంగి నది ఒడ్డున వెలసి ఉన్న తెలుగు,తమిళ ఆరాధ్య దైవం శ్రీ చెంగాళమ్మ పరమేశ్వరి దేవస్థానము నందు మంగళవారం పౌర్ణమి సందర్భంగా ఆలయంలో చండీయాగం నిర్వహించారు. ఈ చండీయాగం ఆలయ కార్యనిర్వాహణాధికారి ఆళ్ళ శ్రీనివాస రెడ్డి పర్యవేక్షణలో నిర్వహించారు. ఉభయకర్తలుగా చెన్నైకి చెందిన పెళ్ళూరు శ్రీనివాసులు రెడ్డి, ప్రసన్నశ్రీ దంపతులు వ్యవహరించారు.ఈ కార్యక్రమములో ధర్మకర్తల మండలి సభ్యులు ముప్పాళ్ల చంద్ర శేఖర్ రెడ్డి పాల్గొన్నారు.
