Ravikiranalu TV

 గ్లోబల్ ఇన్వెస్టర్స్ సమ్మిట్-2023లో శ్రీసిటీ స్టాల్‌ను ప్రారంభించిన నితిన్ గడ్కరీ
- ఇండస్ట్రియల్ & లాజిస్టిక్స్ ఇన్‌ఫ్రాస్ట్రక్చర్‌పై ప్యానెల్ సెషన్‌లో ప్రసంగించిన శ్రీసిటీ ఎండీ

రవి కిరణాలు న్యూస్ తడ శ్రీసిటీ,మార్చి 3, 2023 :

విశాఖపట్నంలో శుక్రవారం ముఖ్యమంత్రి  జగన్ మోహన్ రెడ్డి ప్రారంభించిన గ్లోబల్ ఇన్వెస్టర్స్ సమ్మిట్ (జిఐఎస్)-2023కి కేంద్ర రోడ్డు రవాణా & హైవే శాఖా మంత్రి నితిన్ గడ్కరీతో పాటు ఏపీకి చెందిన పలువురు మంత్రులు, సీనియర్ అధికారులు, ప్రముఖ వ్యాపారవేత్తలు హాజరయ్యారు.

ఈ సందర్భంగా ప్రత్యేక ఆకర్షణగా నిలిచిన శ్రీసిటీ స్టాల్‌ను ఏపీ సీఎం, శ్రీసిటీ ఎండీ డాక్టర్ రవీంద్ర సన్నారెడ్డి, ఇతర ప్రముఖుల సమక్షంలో నితిన్ గడ్కరీ ప్రారంభించారు. స్టాల్ ను తిలకించి వారు శ్రీసిటీ విశిష్టతను ప్రశంసించారు. ఇందులో డిజిటల్ డిస్‌ప్లే బోర్డ్‌లు, స్కేల్-డౌన్ 3D మోడల్‌ల ద్వారా శ్రీసిటీ వ్యాపార నగరం ప్రత్యేకతలు, స్థాన ప్రయోజనాలు, ప్రపంచ స్థాయి మౌళిక సదుపాయాలు, ఇతర అంశాలను హైలైట్ చేశారు. శ్రీసిటీలోని కొన్ని పరిశ్రమలచే ప్రదర్శించబడిన FMCG, వివిధ బ్రాండ్‌ల ఎయిర్ కండిషనర్లు, ఆటోమొబైల్ కాంపోనెంట్‌లు, వీల్ చైర్లు, ఇసుజు కార్లు తదితర "మేడ్ @ శ్రీ సిటీ ఉత్పత్తులు", సమ్మిట్‌కు విచ్చేసిన ప్రతినిధులను విశేషంగా ఆకర్షించాయి.

సదస్సు ప్రారంభం తరువాత, ఇండస్ట్రియల్ & లాజిస్టిక్స్ ఇన్‌ఫ్రాస్ట్రక్చర్‌పై జరిగిన ప్యానెల్ చర్చలో డాక్టర్ రవీంద్ర సన్నారెడ్డి మాట్లాడారు. తన లోతైన విశ్లేషణలు, అభిప్రాయాలను పంచుకుంటూ, స్థిరమైన ఆర్థికాభివృద్ధికి మంచి మౌళిక సదుపాయాలు ప్రధాన పాత్ర పోషిస్తాయని పేర్కొన్నారు. వివిధ రాష్ట్రాలు అందించే అనువైన వ్యాపార వాతావరణాన్ని పెట్టుబడిదారులు పరిశీలిస్తారని ఆయన అన్నారు. ఈ కోవలో జగన్ మోహన్ రెడ్డి డైనమిక్ నాయకత్వం పెట్టుబడిదారులపై పెద్దఎత్తున ప్రభావం చూపిందన్నారు. పెట్టుబడిదారులకు అనుకూలమైన కార్యక్రమాలు, చురుకైన విధానాలు, ప్రధాన నౌకాశ్రయాలతో కూడిన సుదీర్ఘ తీరప్రాంతం, అద్భుతమైన రోడ్డు & రైలు నెట్‌వర్క్‌లు, నాణ్యమైన శక్తి, సాంకేతికంగా నైపుణ్యం కలిగిన మానవశక్తి, గొప్ప ఖనిజ వనరులు మరియు ఇంటిగ్రేటెడ్ ఇండస్ట్రియల్ & బిజినెస్ పార్కులతో ఆంధ్రప్రదేశ్ అగ్రస్థానంలో ఉంటూ ప్రపంచవ్యాప్తంగా ఉన్న పెట్టుబడిదారులను ఆహ్వానిస్తోందని పేర్కొన్నారు.

మల్టీ మోడల్ కనెక్టివిటీని అందజేస్తూ లాజిస్టిక్స్ ధరను తగ్గించాలనే లక్ష్యంతో చేపట్టిన కేంద్ర పిఎం-గతిశక్తి చొరవకు అనుగుణంగా, రాష్ట్ర ప్రభుత్వం AP లాజిస్టిక్స్ పాలసీ 2022-27 ని తీసుకువచ్చినట్లు తెలిపారు. ఈ చొరవ ఆంధ్రప్రదేశ్‌ను లాజిస్టిక్స్ హబ్‌గా, ఆగ్నేయాసియాకు గేట్‌వేగా మారుస్తుందన్న విశ్వాసాన్ని వ్యక్తం చేశారు.

శ్రీసిటీని ఉదాహరణగా పేర్కొంటూ, ‘వర్క్-లైవ్-లెర్న్-ప్లే’ అనే సూత్రాలపై అభివృద్ధి చేసిన దాని ప్రపంచ స్థాయి పారిశ్రామిక మౌళిక సదుపాయాలు ప్రపంచం నలుమూలల నుండి పెట్టుబడులను ఎలా ఆకర్షిస్తుందో ఈ సందర్భంగా డాక్టర్ రవీంద్ర సన్నారెడ్డి వివరించారు.

ఇతర ప్యానెలిస్ట్‌లలో డిపార్ట్‌మెంట్ ఫర్ ప్రమోషన్ ఆఫ్ ఇండస్ట్రీ అండ్ ఇంటర్నల్ ట్రేడ్ (DPIIT) శ్రీమతి సుమితా దావ్రా, GMR గ్రూప్ - ఎయిర్‌పోర్ట్స్ ఛైర్మన్ జిబిఎస్ రాజు, లాజిస్టిక్స్ సెక్టార్ స్కిల్ కౌన్సిల్ సీఈఓ రవికాంత్ యమర్తి, CEO, TVS సప్లై చైన్ సొల్యూషన్స్ సీఓఓ సుకుమార్ కామేశ్వరన్, వెల్స్పన్ వన్ లాజిస్టిక్స్ సీసీఓ అనయ్ శుక్లా వున్నారు.

 టిడిపి ఎమ్మెల్సీ అభ్యర్థి కంచర్ల శ్రీకాంత్ ని గెలిపించండి. పరసా వెంకటరత్నం.

తిరుపతి జిల్లా  చంద్రగిరి మార్చి 03 (రవి కిరణాలు):-

చంద్రగిరి నియోజకవర్గంలో  తెలుగుదేశం పార్టీ తూర్పు రాయలసీమ పట్టభద్రుల టిడిపి ఎమ్మెల్సీ అభ్యర్థి  కంచర్ల శ్రీకాంత్  మొదటి(1) కు ప్రాధాన్యత ఓటు వేసి గెలిపించాలని  చంద్రగిరి నియోజకవర్గ ఎమ్మెల్సీ ఎన్నికల పరిశీలకులు  మాజీ మంత్రి ఆధ్వర్యం లో సూళ్లూరుపేట నియోజకవర్గ టీడీపీ యువ నాయకులు  చింతల సతీష్ చంద్ర  పట్టణంలో గ్రాడ్యుయేట్ ఓటర్లను కలసి ఓట్లు అభ్యర్ధించడమైనది. కార్యక్రమంలో నియోజకవర్గం లోనీ ముఖ్య నాయకులు కార్యకర్తలు తదితరులు పాల్గొన్నారు.

 7వ తేదీనఉచిత కంటి వైద్య శిబిరం*

తిరుపతి జిల్లా సూళ్లూరుపేట మార్చి 3 (రవి కిరణాలు):-

సూళ్లూరుపేట పట్టణంలో రైల్వే క్యాబిన్ రోడ్డు, జైన్ ప్రార్ధన మందిరంలో 2023 మార్చి 7వ తేదీ ఉచిత కంటి వైద్య శిబిరం జరగనున్నది. ఈ కార్యక్రమం ప్రతి నెల మొదటి మంగళవారం నిర్వహించనున్నారు

సూళ్ళూరుపేట పట్టణ రాజస్థాన్ సేవ సంఘ్ ఆధ్వర్యంలో చెన్నై మెట్రో మహావీర్ క్లబ్ సహకారంతో మరియు తిరుపతికి చెందిన శ్రీ వెంకటేశ్వర అరవింద్ నేత్రాలయం వారు సంయుక్తంగా ఉచిత కంటి వైద్య శిబిరం నిర్వహించనున్నారు. సూళ్లూరుపేట పట్టణంలోని జైన్ మందిరంలో  ప్రతి నెల మొదటి మంగళవారం రోజున ఉదయం 9 గంటల నుండి మధ్యాహ్నం 1 గంట వరకు జరుగుతుందని రాజస్థాన్ సేవ సంఘ్ తెలియజేశారు. నిరుపేద ప్రజలు ఈ అవకాశాన్ని సద్వినియోగం చేసుకోవాలని కోరారు.

ఎమ్మెల్సీ ఎన్నికల్లో టిడిపి అభ్యర్థిని గెలిపించండి నెలవల సుబ్రహ్మణ్యం.

తిరుపతి జిల్లా సూళ్లూరుపేట మార్చి 03 (రవి కిరణాలు):-

 సూళ్లూరుపేట నియోజకవర్గం
 నాయుడుపేట పట్టణ తెలుగుదేశం పార్టీ అధ్యక్షులు కందల కృష్ణారెడ్డి అధ్యక్షతన శుక్రవారం లక్ష్మణ్ నగర్ నందు ఇదేమి ఖర్మ ఈ రాష్ట్రానికి కార్యక్రమం నిర్వహించారు. ఈ కార్యక్రమానికి ముఖ్య అతిథులుగా మాజీ పార్లమెంటు సభ్యులు సూళ్లూరుపేట నియోజకవర్గ తెలుగుదేశం పార్టీ ఇంచార్జ్ నెలవల సుబ్రహ్మణ్యం హాజరయ్యారు.
అనంతరం ఇంటింటికి తిరుగుతూ కరపత్రాలు పంపిణీ చేస్తూ ప్రజల నుండి సలహాలు స్వీకరిస్తూ తెలుగుదేశం పార్టీ అధికారంలోకి వచ్చిన తర్వాత సమస్యలన్నిటిని పరిష్కరించి తగిన న్యాయం చేస్తామని భరోసామిచ్చారు. అనంతరం
లక్ష్మణ్ నగర్ మరియు బేరిపేట నందు గల పట్టభద్రులను కూడా కలిసి మొదటి ప్రాధాన్యత ఓటు తెలుగుదేశం పార్టీ బలపరిచిన కంచర్ల శ్రీకాంత్ గారికి ఓటు వేయాలని ప్రచారం చేశారు.

అనంతరం నెలవల సుబ్రహ్మణ్యం  మీడియాతో మాట్లాడుతూ.

ఈ రాష్ట్రానికి ముఖ్యమంత్రిగా వైఎస్ జగన్మోహన్ రెడ్డి వచ్చిన తర్వాత నిత్యవసర సరుకుల ధరలు ఆకాశాలు అంటూ పేదవాడు బతుకుల్లో కుదిబండలా ఈ ప్రభుత్వం తయారయిందని అన్నారు.
పట్టబద్ధుల ఎమ్మెల్సీ ఎన్నికలలో తెలుగుదేశం పార్టీ అభ్యర్థికి ఓటు వేసి ప్రజాస్వామ్యాన్ని కాపాడాలని ప్రతి ఒక్కరికి తెలియజేయాలని పట్టబద్రులు ఆలోచించి ఓటు వేయాలని కోరారు.

ఈ కార్యక్రమంలో మాజీ నుడా డైరెక్టర్ గూడూరు రఘునాథ రెడ్డి తనయుడు గూడూరు సుధీర్ రెడ్డి, ప్రధాన  కార్యదర్శి నానా బాల సుబ్బారావు తిరుపతి పార్లమెంటు మహిళా అధ్యక్షురాలు చక్రాల ఉష, తిరుపతి పార్లమెంట్ మహిళా కార్యనిర్వాహక కార్యదర్శి బిట్రగుంట గీతారెడ్డి,పార్లమెంట్ కార్యనిర్వహక కార్యదర్శి నారాయణ మరియు  దార్ల రాజేంద్ర, ఇమిడి సెట్టి వెంకటేశ్వర్లు, పట్టణ కార్యదర్శి రవి, కార్యనిర్వాహక కార్యదర్శి కొండూరు కృష్ణమూర్తి రాజు, కిషోర్ పట్టణ తెలుగు యువత అధ్యక్షుడు రహమాన్ పట్టణ మహిళా అధ్యక్షురాలు హైమావతి సులేమాన్ 14 వ వార్డు అధ్యక్షులు వాకిలివెంకటేశ్వర్లు బత్తల దినేష్ పట్టణ బీసీ సెల్ అధ్యక్షుడు కాశీ నాగరాజు , తెలుగు యువత నాయకులు జయ  ప్రకాష్ మరియు దిలీప్ , పట్టణ టి యన్ ఎఫ్ స్ అధ్యక్షుడు  పునిత్  సాయి,మరియు  తెలుగుదేశం పార్టీ నాయకులు కార్యకర్తలు పాల్గొన్నారు.

 డిస్ట్రిబ్యూషన్, రిసెప్షన్, పోలింగ్ కేంద్రాలలో ఏర్పాట్లు పక్కాగా ఉండాలి: జిల్లా కలెక్టర్
 
సూళ్లూరుపేట, తిరుపతి జిల్లా, మార్చి 02( రవి కిరణాలు):-

 ఈ నెల 13 న జరగనున్న ఎం.ఎల్.సి. ఎన్నికల  పోలింగ్ కు సంబంధించి సూళ్ళురుపేట ప్రభుత్వ జూనియర్ కళాశాల నందు  డిస్ట్రిబ్యూషన్, రిసెప్షన్ సెంటర్ ఏర్పాటు చేసి ఈ నెల 12 న పి.ఓ. లకు, ఎ.పి.ఓ.లకు పోలింగ్ మెటీరియల్ అందించడం పోలింగ్ అనంతరం బ్యాలట్ బాక్సులను భద్రపరచడం వంటివి జాగ్రత్తగా చేపట్టాలని చిన్నపొరపాటుకు కూడా తావు లేకుండా చూడాలని జిల్లా కలెక్టర్ మరియు జిల్లా ఎన్నికల అధికారి కె.వెంకటరమణా రెడ్డి సూచించారు.
గురువారం సాయంత్రం ప్రభుత్వ జూనియర్ కళాశాల, సూళ్లూరుపేట డివిజన్ నందు జిల్లా కలెక్టర్ పర్యటించి పోలింగ్ సామాగ్రి పంపిణీ, పోలింగ్ అనంతరం బ్యాలెట్ బాక్సులను భద్రపరచనున్న స్ట్రాంగ్ రూమ్ ఏర్పాటును పరిశీలించి  పలు సూచనలు చేశారు.

జిల్లా కలెక్టర్ వివరిస్తూ నిర్దేశించిన సమయానికి పోలింగ్ సామాగ్రి తీసుకోవడానికి పి.ఓ. లు, ఎ.పి.ఓ. లు, ఓ.పి.ఓ. లు నిర్దేశించిన సమయానికి ఈ నెల 12 న రిసెప్షన్ సెంటర్ అయిన జూనియర్ కళాశాలకు చేరుకోవాల్సి ఉంటుందని ఆ విధంగా మరోమారు ఆర్.డి.ఓ సూచనలు ఇవ్వాలని ఎన్నికల విధులలో గైర్హాజరు కారాదని అన్నారు. డిస్ట్రిబ్యూషన్ సమయంలో పోలింగ్ కేంద్రాలకు సంబందించిన మార్క్ డ్ ఓటర్ల జాబితా, బ్యాలెట్ బాక్సులు వాటి సీరియల్ నంబర్ తో సహా పి.ఓ. లకు అందించే సమయంలో ఒకటికి రెండు సార్లు సరిచూసుకుని పోలింగ్ సామాగ్రి పంపిణీ చేసేలా ఏర్పాట్లు ఉండాలని  అన్నారు.  సూళ్ళురుపేట డివిజన్ కు సంబంధించి 11 లొకేషన్లలో పట్టభద్రులకు 16 పోలింగ్ కేంద్రాలు, ఉపాధ్యాయులకు సంబంధించి 9 పోలింగ్ కేంద్రాలను ఏర్పాటు చేయడం జరిగిందని పట్టభద్రుల ఓటర్లు 15,238, ఉపాధ్యాయ ఓటర్లు  893 మంది ఓటు హక్కును వినియోగించుకొనున్నారని అన్నారు. ఈ నెల 13 న పోలింగ్ ప్రక్రియ ఉదయం 8 గంటల నుండి సాయంత్రం 4 గంటల వరకు ఉంటుందని అన్నారు. పోలింగ్ నిర్వహణ ప్రశాంత వాతావరణంలో జరిగేలా చూడాలని, పోలింగ్ కేంద్రాల వద్ద కనీస వసతుల ఏర్పాట్లు విద్యుత్, త్రాగు నీరు, బ్యారికేడింగ్ వంటివి పక్కాగా ఉండాలని, ఓటింగ్ సమయంలో ఇతరులకు బ్యాలెట్ కనిపించకుండా ఏర్పాట్లు జరగాలని వెబ్ క్యాస్టింగ్ కెమెరాలు కూడా ఆ విధంగా అమర్చాలని ఇతరులెవరూ 100 మీటర్ల మార్కింగ్ దాటి లోపల రాకుండా చూడాల్సి ఉంటుందని అన్నారు.

    జిల్లా కలెక్టర్ పర్యటనలో సూళ్ళూరుపేట రెవిన్యూ డివిజినల్ అధికారి  చంద్రముని రాణాల్, మండల అధికారులు పాల్గొన్నారు.

 హోంగార్డు మునస్వామి భౌతికాయానికి నివాళులర్పించిన సూళ్లూరుపేట ఎస్సై పి రవిబాబు .

తిరుపతి జిల్లా సూళ్లూరుపేట మార్చి 1 (రవికిరణాలు) :-

 
సూళూరుపేట పోలీస్ స్టేషన్ లో హోమ్ గార్డ్ గా  పనిచేస్తూ అకస్మాత్తుగా మృతి చెందిన వల్లాం మునుస్వామి (48 సం") భౌతికకాయానికి  బుధవారం సూళ్లూరుపేట ఎస్సై లు  పి రవిబాబు, శేఖర్, తడ ఎస్ఐ జెపి శ్రీనివాసులు రెడ్డి శ్రీహరికోట ఎస్ఐ మనోజ్ కుమార్ పూలమాలలు వేసి నివాళులర్పించారు. వీరితోపాటు తడ, సూళ్లూరుపేట, దొరవారిసత్రం, శ్రీహరికోట మండలంలోని పోలీస్ సిబ్బంది, హోంగార్డు సిబ్బంది కూడా విచ్చేసి నివాళులర్పించారు.

జోరుగా టిడిపి ఎమ్మెల్సీ ఎన్నికల ప్రచారం.

తిరుపతి జిల్లా సూళ్లూరుపేట మార్చి 01 (రవి కిరణాలు) :-

మండల పరిధిలోని ఇలుపూరు పంచాయతీ కొన్నెంబట్టు గ్రామం నందు బుధవారం సూళ్లూరుపేట టిడిపి రూరల్ అధ్యక్షులు కుక్క శంకరయ్య అధ్యక్షతన  గ్రాడ్యుయేట్ ఎమ్మెల్సీ ఓట్ల ప్రచారం జోరుగా కొనసాగించారు. ఈ కార్యక్రమానికి ముఖ్య అతిథులుగా తిరుపతి పార్లమెంట్ ప్రధాన కార్యదర్శి వేనాటి సతీష్ రెడ్డి మరియు గ్రేట్ ఎమ్మెల్సీ అబ్జర్వర్ ఎం వి వి సత్యనారాయణ పాల్గొన్నారు.  ఈ కార్యక్రమంలో ప్రధాన కార్యదర్శి ఇలుపూరు మాజీ ప్రెసిడెంట్ జానీ, పాకం వెంకటసుబ్బయ్య. కోటపోలూరు గ్రామపంచాయతీ మాజీ ప్రెసిడెంట్ సుధాకర్ రెడ్డి, దామవరం తిరుపాలు. పెరటిపాడు రమేష్ మరియు టిడిపి నాయకులు కార్యకర్తలు అభిమానులు పాల్గొన్నారు.