Ravikiranalu TV

 శ్రీసిటీలో డా. సాయికృష్ణ యాచేంద్ర ‘సంగీత గేయధార’ కార్యక్రమం

రవి కిరణాలు న్యూస్ తడ శ్రీసిటీ, ఫిబ్రవరి 18, 2023: 
ప్రముఖ పండితులు, గాయకులు, విఖ్యాత వెంకటగిరి వెలుగోటి రాజ వంశీకులు, శ్రీ వెంకటేశ్వర  భక్తి  చానెల్ (ఎస్వీబిసి) చైర్మన్ డా. వెలుగోటి భాస్కర సాయికృష్ణ యాచేంద్ర ‘సంగీత గేయధార’ కార్యక్రమం, శ్రీసిటీ ఆధ్యాత్మిక సాహితీ వేదిక శ్రీవాణి ఆద్వర్యంలో శనివారం శ్రీసిటీలో జరిగింది. ఇది సాయికృష్ణ యాచేంద్ర నిర్వహించిన 403వ గేయధార.

డా. యాచేంద్రకు, ప్రుచ్చకులకు, కార్యక్రమానికి విచ్చేసిన అతిధులకు శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి సాదర స్వాగతం పలికారు. కార్యక్రమానికి సమన్వయ కర్తగా కందనూరు మధు వ్యవహరించగా, ప్రుచ్చకులుగా పాల్గొన్న శ్రీమతి శోభా రాజా, శ్రీమతి కుసుమ కుమారి, పణతుల సుభ్రమణ్యం, జేకే రెడ్డి, వెంకట రామజోగి, కామేశ్వర రావులను శ్రీసిటీ ప్రతినిధి పల్లేటి బాలాజీ సభకు పరిచయం చేశారు.

సంగీత సాహిత్య ప్రధానంగా సాగిన  ఈ  కార్యక్రమం అష్టావధానం లాంటి ప్రక్రియ. పృచ్చకులు సూచనలకు అనుగుణంగా గేయ అవధాని డా. యాచేంద్ర అప్పటికప్పుడే ఆశువుగా రాగతాళ యుక్తంగా గేయాలను ఆలపించారు. ఆది దంపతులైన శివపార్వతుల దాంపత్య వైశిష్ఠాన్ని, ఆర్ధ నారీశ్వర తత్వాన్ని వస్తువుగా శ్రీమతి శోభా రాజా సూచించగా, పాటని కల్యాణి రాగంలో చతురస్ర గతిలో పాడమని సుభ్రమణ్యం నిర్దేశించారు. సావిత్రి, జమున, భానుమతి, కాంచన పదాలను ఉపయోగిస్తూ పార్వతీ దేవిని కీర్తిస్తూ పాటను రచించి గానం చేయమని శ్రీమతి కుసుమ కుమారి కోరగా, ఆ పాటను షణ్ముఖ ప్రియ రాగంలో, తిశ్రగతిలో పాడమని  సుభ్రమణ్యం సూచించారు. శివరాత్రిని పురస్కరించుకుని గిరిజా కల్యాణం ఇతివృత్తంగా, 'జరుగుతున్న, విచ్చేసిన, గణనాధుడు, దేవతులు'  వంటి పదాలను నిషేధిస్తూ గానం చేయమని కామేశ్వర రావు కోరగా, ఆ పాటను మధ్యమావతి రాగంలో చతురస్ర గతిలో పాడమని సుభ్రమణ్యం నిర్దేశించారు. గేయావధాని ఆలోచనా స్రవంతికి అంతరాయం కల్గిస్తూ మధ్య మధ్యలో జేకే రెడ్డి ప్రస్తావించిన మంచి ముచ్చట్లు రక్తి కట్టించాయి.

శ్రీసిటీ సృష్ఠి కర్త రవీంద్ర సన్నారెడ్డి సాధించిన విజయాన్ని మెచ్చుకుంటూ, ఆయన తండ్రి ఇచ్చే అశీస్సులను గేయ రూపంలో గానం చేయమని, 'మానవుడే మహనీయుడు' అన్న పల్లవిని వెంకట రామజోగి సూచించారు. వేలమందికి ఉపాధిని కల్పిస్తూ ఆధునిక  దేవాలయంగా పిలువబడుతున్న శ్రీసిటీని కీర్తిస్తూ ఒక మనోహర గేయాన్ని ఆలపించారు. ఛివర్లో తరిగొండ వెంగమాంబ రచించిన  లాలిపాటను పాడారు.  

భావసౌందర్యం, గానమాధుర్యం జట్టు కడుతూ, సంగీత సాహిత్యాలు చెట్టా పట్టాలు వేసుకుంటూ మనోహరంగా సాగిన 'సంగీత గేయధార’, రసజ్ఞులను, సాహితీ ప్రియులను ఎంతగానో మెప్పించింది.

 గ్రీన్ టెక్ పరిశ్రమలో  అనుమాస్పద మృతి...

రవి కిరణాలు న్యూస్... తిరుపతి జిల్లా... దొరవారిసత్రం మండలం...

దొరవారి సత్రం మండలం నెల బల్లి గ్రామానికి చెందిన విభూది మహేష్( 28 ) శనివారం నాయుడుపేట మండలం మేనకూరు గ్రీన్ టెక్ పరిశ్రమలో అనుమానాస్పదంగా మృతి చెందాడు. విధుల్లో ఉన్న మహేష్ తనకు తల తిరుగుతున్నట్లు తనతో పాటు పనిచేస్తున్న కార్మికులకు చెప్పాడని విశ్రాంతి తీసుకుంటూ అరగంటలోపే మృతి చెందినట్లు యాజమాన్యం మహేష్ కుటుంబానికి తెలియపరిచారు. ఎప్పుడు ఉత్సాహంగా ఆరోగ్యంగా ఉండే మహేష్ అకస్మాత్తుగా మృతి చెందడంతో అటు బంధువులు ఇటు తల్లిదండ్రులు మహేష్ మృతుపై అనుమానాలను వ్యక్తం చేస్తున్నారు. మొదట కళ్ళు తిరిగి పడిపోయాడని నాయుడుపేట లోని ఓ ప్రైవేట్ హాస్పిటల్ కి తీసుకుని వచ్చామని కుటుంబ సభ్యులకి తెలిపిన యాజమాన్యం కుటుంబ సభ్యులు అక్కడికి చేరుకునే లోపు తిరిగి మరో ప్రైవేట్ హాస్పిటల్లో చేర్చమని యాజమాన్యం తెలిపారు. దీంతో బంధువులు ఆందోళనకు గురయ్యారు. ఆ విధంగా మహేష్ మృతదేహాన్ని మూడు హాస్పిటలకు తిప్పిన యాజమాన్య వైఖరి పై అనుమానం వ్యక్తం చేస్తున్నారు. సేవ పంచనామా నిమిత్తం నాయుడుపేట ప్రభుత్వ హాస్పిటల్ కి తరలించారు. దీంతో కుటుంబ సభ్యులు పోలీసులకు ఫిర్యాదు చేశారు. ఏడాది క్రితమే పెళ్లయిన మహేష్ కు సంవత్సరం కలిగిన కుమారుడు ఉన్నాడు. దీంతో మహాశివరాత్రి రోజు ఆ గ్రామంలో విషాదం చోటుచేసుకుంది.

శ్రీసిటీని సందర్శించిన రాష్ట్ర ప్రభుత్వ ముఖ్య కార్యదర్శి కె. సునీత.

 రవి కిరణాలు, తిరుపతి జిల్లా, తడ శ్రీసిటి:-

రాష్ట్ర ప్రభుత్వ చేనేత మరియు జౌళి శాఖ ముఖ్య కార్యదర్శి కె.సునీత శ్రీసిటీని సందర్శించారు. శ్రీసిటీ ప్రెసిడెంట్ సతీష్ కామత్ (ఆపరేషన్స్) ఆమెకు సాదర స్వాగతం పలికి, పారిశ్రామిక ప్రగతి, ఉపాధి అవకాశాలు, పెట్టుబడుల అనుకూల వాతావరణంతో పాటు ఇక్కడ ఏర్పాటైన వస్త్ర పరిశ్రమలు గురించి వివరించారు.

శ్రీసిటీ మౌళిక సదుపాయాలు, పారిశ్రామిక అభివృద్ధి పట్ల సంతృప్తి వ్యక్తం చేసిన సునీత, ముఖ్యంగా సురక్షితమైన వాతావరణంలో మహిళలకు పెద్దఎత్తున ఉపాధి కల్పిస్తున్న తీరును ప్రశంసించారు. పర్యటనలో భాగంగా శ్రీసిటీ పరిసరాలతో పాటు జెన్ లెనిన్, ఎం ఎస్ ఆర్ గార్మెంట్స్ పరిశ్రమలను ఆమె సందర్శించారు. ఆయా పరిశ్రమలలో తయారవుతున్న వస్త్ర ఉత్పత్తులతో పాటు కార్మికుల యోగ క్షేమాలను అడిగి తెలుసుకున్నారు.

ముఖ్య కార్యదర్శి పర్యటనపై స్పందించిన శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి, ఆమె పరిశీలనలు, సూచనలు తమకెంతో విలువైనది అన్నారు. తరచూ ప్రభుత్వ ఉన్నతాధికారులు శ్రీసిటీని సందర్శించి పారిశ్రామిక అభివృద్ధికి సహకరించడం పట్ల రాష్ట్ర ప్రభుత్వానికి కృతఙ్ఞతలు తెలిపారు.

వీధి వ్యాపారుల సంఘ జిల్లా మహాసభల గోడ ప్రతుల ఆవిష్కరణ.

రవి కిరణాలు, తిరుపతి జిల్లా, సూళ్లూరుపేట:-

 మార్చి 3,4 తేదీల్లో గూడూరు పట్టణంలో నిర్వహిస్తున్న వీధి విక్రయదారుల కార్మిక సంఘం జిల్లా మహాసభను జయప్రదం చేయాలని సులూరుపేట బస్టాండు మరియు మార్కెట్ సెంటర్లలో  గోడ ప్రతులను విడుదల చేశారు. అనంతరం ఆ సంఘ రాష్ట్ర అధ్యక్షుడు శివ మాట్లాడుతూ
పండ్లు, కూరగాయలు, ఆహారం, ఇతరత్రా వస్తువులు ప్రజలకు అందజేయడంలో, చేరవేయడంలో వీధి విక్రయదారులు కీలక
పాత్ర పోషిస్తున్నారని వినియోగదారులకు అతి తక్కువ ధరలతో అత్యుత్తమ సేవలు అందిస్తున్నారు. కరోనా కాలంలో జనం పెద్ద పెద్ద షాపింగ్ మాల్స్ కు వెళ్లడానికి భయడుతుంటే వీధి విక్రయదారులు కూరగాయలు, పండ్లు, ఇతర నిత్యావసర సరుకులు, వస్తువులను తోపుడు బండ్లపైన, గంపల్లో తీసుకొచ్చి ప్రజల ఇళ్ల ముంగిటే విక్రయించారు. ఎన్ని షాపింగ్ మాల్స్ వచ్చినా, పెద్ద పెద్ద దుకాణాలు ఏర్పాటైనా వీధి చివరిలోని తోపుడు బండ్లపైన కొనుగోలు చేయడానికి ప్రజలు ఇష్టపడుతున్నారంటే వీధి విక్రయదారులు అందిస్తున్న నాణ్యమైన సరుకులు, సేవలే కారణం. జీవనోపాధి కోసం ప్రభుత్వం మీద ఆధారపడకుండా, చిన్నా చితకా వ్యాపరం చేసుకుంటూ జీవనం సాగిస్తున్న వీధి విక్రయదారులు నిత్యం అనేక సమస్యలు ఎదుర్కొంటున్నారు. వీధుల్లో వ్యాపారం చేసుకునే క్రమంలో పోలీసుల నుంచి, మున్సిపల్ సిబ్బంది నుంచి ఆటంకాలు ఎదురవుతున్నాయి. వీధి విక్రయాదారుల ఉపాధికి భద్రత కల్పించడం కోసం కేంద్ర ప్రభుత్వం విధి
విక్రయదారుల చట్టం' తీసుకొచ్చినా అది సక్రమంగా అమలు కావడం లేదు. ఈ పరిస్థితుల్లో ఆంధ్రప్రదేశ్ వీధి విక్రయదారుల కార్మిక ఫెడరేషన్ ఏర్పాటయింది. చిరు వ్యాపారులకు అండగా నిలబడింది. వ్యాపారులకు తమ చట్టబద్ధ హక్కుల గురించి తెలియజేయటంతో పాటు అధికారులపై ఉన్న బాధ్యతలను గుర్తుచేసేలా అనేక కార్యక్రమాలు చేపట్టింది. ఈ సంఘం ఏర్పాటయిన తరువాత వీధి వ్యాపారుల్లో ఒక ధైర్యం వచ్చింది. తమ వీధి వ్యాపారంతోనే గౌరవంగా బతకగలమన్న నమ్మకం ఏర్పడింది. ఈ క్రమంలో సంఘాన్ని మరింత బలోపేతం చేయడం. సంఘాన్ని అన్ని ప్రాంతాలకు విస్తరించడంతో పాటు ఇప్పటికీ అపరిష్కృతంగా వున్న సమస్యల పరిష్కారానికి చేపట్టాల్సిన కార్యకలాపాల గురించి చర్చించడం, నూతన నాయకత్వాన్ని ఎన్నుకోవడం జరుగుతుందని తెలియచేశారు. గూడూరులో చెరుకు వీధివిక్రయదారుల కార్మిక సంఘ ప్రథమ మహాసభకు ఈ ప్రాంతం నుంచి కూడా వేలాదిమంది పాల్గొని జయప్రదం చేయాలని విజ్ఞప్తి చేశారు. ఈ కార్యక్రమంలో ఎఐటియుసి నియోజకవర్గ గౌరవ అధ్యక్షులు కే శ్రీనివాసులు మరియు కార్యదర్శిలప్ప నాగేంద్రబాబు, ఈ సంఘం జిల్లా అధ్యక్షుడు శ్యామ్, జిల్లా నాయకులు శ్రీనివాసులు, హరిత , సులూరుపేట వీధివిక్రయదారులు పాల్గొన్నారు.

 చెంగాళ్ళమ్మ తల్లిని దర్శించుకున్న దేవదాయ శాఖ అదనపు కమిషనర్ టి చందు కుమార్ దంపతులు .

రవి కిరణాలు, తిరుపతి జిల్లా, సూళ్లూరుపేట:-

 పట్టణంలోని కాలంగి నది ఒడ్డున వెలసియున్న తెలుగు తమిళ ఆరాధ్య దైవం భక్తుల కొంగు బంగారం కోరిన కోర్కెలు తీర్చే కల్పవల్లి దక్షిణ ముఖ ఖాళీ శ్రీశ్రీశ్రీ చెంగాళమ్మ పరమేశ్వరి అమ్మవారిని శుక్రవారం దేవదాయశాఖ అదనపు కమీషనర్  టి.చంద్రకుమార్ దంపతులు దర్శించుకొన్నారు. వారిని ఆలయ కార్యనిర్వహణాధికారి ఆళ్ళ శ్రీనివాస రెడ్డి, ధర్మకర్తల మండలి సభ్యులు ఆలయ మర్యాదలతో స్వాగతం పలికి పూజలు నిర్వహించి అనంతరం అమ్మవారి ప్రసాదములు అందజేసి వేదపండితులచే ఆశీర్వచనము చేయుట జరిగినది.ఈ కార్యక్రమములో ధర్మకర్తల మండలి సభ్యులు ముప్పాళ చంద్రశేఖర్ రెడ్డి, వంకా దినేష్ కుమార్, ఓలేటి బాల సత్యనారాయణ, కర్లపూడి సురేష్ బాబు, శ్రీమతి మన్నెముద్దు పద్మజ, శ్రీమతి బండి సునీత పాల్గొన్నారు.

 యువగళం పాదయాత్రకు బయలు దేరిన సూళ్లూరుపేట టిడిపి నాయకులు.

- యువ‌గ‌ళం పాద‌యాత్ర‌కు సూళ్లూరుపేట టీడీపీ నాయకులు సంఘీభావం.

- చిత్తూరుకు ప‌ది కార్ల‌లో బ‌య‌ల్దేరిన టీడీపీ శ్రేణులు...

- పాద‌యాత్ర విజ‌య‌వంతం కావాల‌ని ప్ర‌ద‌ర్శ‌న.

రవి కిరణాలు, తిరుపతి జిల్లా, సూళ్లూరుపేట:-

 నారా లోకేష్ బాబు చిత్తూరు జిల్లాలో చేపడుతున్న యువ గళం పాదయాత్రకు సంఘీభావంగా శుక్రవారం సూళ్లూరుపేట తెలుగుదేశం పార్టీ రూరల్ మండలాధ్యక్షుడు కొక్కు శంకరయ్య యాదవ్ ఆధ్వర్యంలో సూళ్లూరుపేట రూరల్ మరియు దొరవారి సత్రం మండలం, తడ మండలంనాయకులు సుమారు పది కారులలో తెలుగుదేశం పార్టీ కార్యాలయం నుండి   పాదయాత్ర దగ్గరకు బయలు దేరారు. ఈకార్యక్రమంలో పాకం. వెంకట సుబ్బయ్య,బుజ్జయ్య,వీరయ్య, వెంకటేష్ మరియు టిడిపి నాయకులు, కార్యకర్తలు అభిమానులు పాల్గొన్నారు.