Ravikiranalu TV

అమరావతి: ఏపీలోని అధికార వైకాపాపై జనసేన అధినేత పవన్‌కల్యాణ్‌ మరోసారి తనదైన శైలిలో వ్యంగ్యాస్త్రాలు సంధించారు. దేనికీ గర్జనలు?అంటూ సోమవారం ట్వీట్లతో రాష్ట్ర ప్రభుత్వ తీరును ఎండగట్టిన ఆయన.. మంగళవారం కూడా వైకాపాపై విమర్శలు చేశారు. ఈ మేరకు ఆయన ట్వీట్‌ చేశారు.
ఏపీని 'యునైటెడ్‌ స్టేట్స్‌ ఆఫ్‌ ఆంధ్ర'గా ప్రకటించాలని పవన్‌ ఎద్దేవా చేశారు. ''వికేంద్రీకరణే సర్వతోముఖాభివృద్ధికి మంత్రం అనుకుంటే మూడు రాజధానులే ఎందుకు? 25 జిల్లాలను రాష్ట్రాలుగా ప్రకటించి.. 25 రాజధానులను ఏర్పాటు చేయండి. చట్టం, న్యాయవ్యవస్థ, రాజ్యాంగానికి మీరు అతీతం అన్నట్లుగా భావిస్తుంటారు.. అలాగే ప్రవర్తిస్తుంటారు కదా! ప్రజల అభిప్రాయంతో సంబంధం లేదు కదా మీకు! ఏమాత్రం సంకోచించకండి.. రాష్ట్రంలో వైకాపా రాజ్యాంగాన్ని అమలు చేయండి!''అంటూ వ్యంగ్యంగా ట్వీట్‌ చేశారు.
'దేనికీ గర్జనలు' అంటూ పవన్‌ చేసిన ట్వీట్లపై వైకాపాకు చెందిన పలువురు మంత్రులు ఆయనపై విమర్శలు చేశారు. ఈ నేపథ్యంలోనే పవన్‌ ఘాటుగా బదులిచ్చారు.మరోవైపు అమెరికాలోని సౌత్‌ డకోటాలో ఉన్న 'మౌంట్‌ రష్‌మోర్‌' ఫొటోను పవన్‌ పోస్ట్‌ చేస్తూ దాన్ని 'రుషికొండ'కు అన్వయించారు. ప్రజాస్వామ్యానికి, స్వేచ్ఛ-విశ్వాసాలకు 'మౌంట్‌ రష్‌మోర్‌' చిహ్నమని పేర్కొన్నారు. రుషికొండ పర్వత శ్రేణుల్లో ఉన్న 'మౌంట్‌ దిల్‌ మాంగే మోర్‌'.. ధన-వర్గ-కులస్వామ్యానికి చిహ్నమంటూ కొంతమంది వ్యక్తుల ఫొటోలతో ఉన్న కార్టూన్‌ను పవన్‌ పోస్ట్‌ చేశారు.

 వట్టిచెరుకూరు రైస్ మిల్లుపై విజిలెన్స్ దాడులు

గుంటూరు జిల్లా...ప్రత్తిపాడు మండలం చమళ్ల మూడిలోని పద్మజా రైస్ మిల్లు పై సోమవారం విజిలెన్స్ అధికారులు దాడులు చేశారు. అక్రమంగా నిల్వ ఉంచిన 225 బస్తాల రేషన్ బియ్యాన్ని స్వాధీనం చేసుకున్నారు. గుంటూరులోని లాలాపేట ప్రాంతం నుంచి కిరాయి వ్యక్తుల ద్వారా బియ్యాన్ని సేకరించి, ఇక్కడ ప్యాకింగ్ మార్చి కాకినాడ, యానాo ప్రాంతాలకు తరలిస్తున్నారని అధికారులు తెలిపారు. మిల్లులో సివిల్ సప్లయిస్ కార్పోరేషన్ ముద్రవేసిన ఖాళీ బస్తాలను గుర్తించారు.

 సూళ్లూరుపేట రెవెన్యూ డివిజన్ పరిధిలో  12140 ఇల్లు మంజూరు అవగా 1762 పూర్తి అయినవి, 1005 స్లాబ్ స్థాయి 1261 పై కప్పు స్థాయి కలిపి వెరసి మొత్తం 4028  డిసెంబర్ 21 నాటికి సామూహిక గృహ ప్రవేశాలకు సిద్ధం కావలసిన లక్ష్యం.  బి ఎన్ కండ్రిగ మండలంలో ఇల్లు 1013 మంజూరు అవగా 359 పూర్తి అయినవి 126 స్లాబ్ స్థాయి 121 పై కప్పు స్థాయి కలిపి మొత్తం 606 ఇల్లు, దొరవారి సత్రం 676 మంజూరు అవగా అందులో 156 పూర్తి అయినవి 73 స్లాబ్ స్థాయి 68 పై కప్పు స్థాయి వెరసి మొత్తం 297, నాయుడుపేట 920 మంజూరు అవగా 55 పూర్తి అయినవి స్లాబ్ స్థాయి 56 పై కప్పు స్థాయి 147 వెరసి మొత్తం 258,  నాయుడుపేట అర్బన్  1915 మంజూరు అవగా 55 పూర్తి అయినవి స్లాబ్ స్థాయి 105 పై కప్పు స్థాయి 94 వెరసి మొత్తం 254, ఓజిలి మండలంలో 244 మంజూరు అవగా 47 పూర్తి అయినవి స్లాబ్ స్థాయి 19 పై కప్పు స్థాయి 24 వెరసి మొత్తం 90, సత్యవేడు లో 2159 మంజూరు అవగా 175 పూర్తి అయినవి స్లాబ్ స్థాయి 164 పై కప్పు స్థాయి 230 వెరసి మొత్తం 569, సూళ్లూరుపేట లో 1084 మంజూరు అవగా 187 పూర్తి అయినవి స్లాబ్ స్థాయి 39 పై కప్పు స్థాయి 94 వెరసి మొత్తం 320, సూళ్లూరుపేట అర్బన్ 951 మంజూరు అవగా 45 పూర్తి అయినవి స్లాబ్ స్థాయి 61 పై కప్పు స్థాయి 115 వెరసి మొత్తం 221, తడ 1649 మంజూరు అవగా 255 పూర్తి అయినవి స్లాబ్ స్థాయి 186 పై కప్పు స్థాయి 193 వెరసి మొత్తం 634, వరదాయపాలెం 1529 మంజూరు అవగా 428 పూర్తి అయినవి స్లాబ్ స్థాయి 176 పై కప్పు స్థాయి 175 వెరసి మొత్తం 779 గృహ ప్రవేశాలకు సిద్ధం కావాలని లక్ష్యాలను నిర్దేశించబడి లక్ష్య సాధన దిశగా పని చేయాలని కలెక్టర్ ఆదేశించారు.

 తిరుపతి జిల్లా
నాయుడుపేట

రవి కిరణాలు టీవీ న్యూస్

నాయుడుపేట  లో ఘనంగా గౌరవ ఆంధ్ర రాష్ట్ర విద్యుత్ మరియు అటవీ శాఖ భూగర్భ జలవనరుల శాఖ మంత్రి వర్యులు, పెద్దిరెడ్డి రామచంద్రారెడ్డి జన్మదిన సందర్భంగా సూళ్లూరుపేట నియోజకవర్గం శాసనసభ్యులు మరియు టిటిడి బోర్డు మెంబర్ కిలివేటి సంజీవయ్య నాయుడుపేట ఆర్టీసీ బస్టాండ్ కూడలి వద్ద ఉన్న వైయస్ రాజశేఖర్ రెడ్డి విగ్రహం వద్ద మంత్రివర్యులు పెద్దిరెడ్డి రామచంద్రారెడ్డి జన్మదిన కేక్ ను కట్ చేసి అందరికీ  పంచిపెట్టారు, మొదటిగా మంత్రివర్యులు పెద్దిరెడ్డి రామచంద్రారెడ్డి గారికి జన్మదిన శుభాకాంక్షలు తెలియజేశారు, ఈ జన్మ దిన కార్యక్రమంలో వైఎస్ఆర్సిపి పార్టీ నాయకులు  కామిరెడ్డి రాజారెడ్డి, ఎంపీపీ కురుగొండ్ల  ధనలక్ష్మి, మున్సిపల్ చైర్ పర్సన్ కటకం దీపిక, లాయర్ కుమార్,జూలరీ రాజేష్, తంబిరెడ్డి సుబ్రహ్మణ్యం రెడ్డి మరియు వైఎస్ఆర్సిపి పార్టీ నాయకులు కార్యకర్తలు అభిమానులు మధ్య  పెద్దిరెడ్డి రామచంద్రారెడ్డి జన్మదిన వేడుకలు ఎంతో వైభవంగా నిర్వహించారు, అనంతరం పేదలకు అన్నదాన కార్యక్రమం ఏర్పాటు చేశారు,

 ఈ రోజు తిరుపతిలోని వైయస్ఆర్ మార్గ్ నందు డిపిఆర్ కళ్యాణమండపంలో తిరుపతి ఎమ్మెల్యే భూమన కరుణాకర్ రెడ్డి గారి నేతృత్వంలో జరిగిన నియోజకవర్గ పట్టభద్రుల ఎమ్మెల్సీ ఎన్నికల ఆత్మీయ సమావేశంలో పాల్గొన్న తూర్పు రాయలసీమ పట్టబద్ధుల ఎమ్మెల్సీ అభ్యర్థి పేర్నాటి శ్యామ్ ప్రసాద్ రెడ్డి గారు.
 తిరుపతి శాసనసభ్యులు భూమన కరుణాకర రెడ్డి గారు వై.ఎస్.ఆర్ కాంగ్రెస్ పార్టీ పట్టభద్రుల ఎమ్మెల్సీ అభ్యర్థి శ్యామ్ ప్రసాద్ రెడ్డి గారిని తిరుపతి నియోజకవర్గ ముఖ్య నాయకులకు, కార్యకర్తలకు పరిచయం చేశారు.
 ఈ సందర్భంగా ఎమ్మెల్యే భూమన కరుణాకర రెడ్డి గారు మాట్లాడుతూ మార్చి నెలలో శాసనమండలికి పట్టబధ్రుల నియోజకవర్గ ఎన్నికలు జరుగుతున్న నేపథ్యంలో మన ప్రియతమ నాయకులు వైయస్ జగన్ మోహన్ రెడ్డి గారు మన పార్టీ అభ్యర్థిగా గూడూరుకు చెందినటువంటి, ఆ నియోజకవర్గంలో చాలా ప్రాధాన్యం, పలుకుబడి ఉన్నటువంటి, అదేవిధంగా మన పార్టీ ఆవిర్భావం నుంచి జగనన్న గెలుపు కోసం నెల్లూరు జిల్లా మొత్తం నిరంతరం కృషి చేసిన తమ్ముడు శ్యామ్ ప్రసాద్ రెడ్డి గారిని గెలిపించాలని తెలిపారు.
 అదేవిధంగా శ్యామ్ ప్రసాద్ రెడ్డి గారిని మన అభ్యర్థిగా సాక్షాత్తు జగన్ మోహన్ రెడ్డి గారు ఎంపిక చేయడం జరిగిందని,  పార్టీకి చాలా బాగా పనిచేసాడు, ఎమ్మెల్యే కావలసినటువంటి వ్యక్తి గూడూరు నియోజకవర్గం రిజర్వుడు నియోజకవర్గం కనుక అవకాశం ఇవ్వలేకపోయామని, కనుక శ్యామ్ శాసనమండలి సభ్యుడైతే, పార్టీకి చాలా మంచిగా ఉంటుందని ముఖ్యమంత్రి గారు చెప్పారని నాయకులను ఉద్దేశించి తెలిపారు.
 36 నియోజకవర్గాల్లో జరుగుతున్న ఎన్నికల్లో తిరుపతి నుంచి అత్యధిక మెజారిటీ తీసుకువచ్చేలా ప్రతి కార్యకర్త కృషి చేయాలని కోరారు, అధికారాన్ని నెత్తికెక్కించుకోకుండా, ప్రజా సేవకులుగా పనిచేసి, తూర్పు రాయలసీమ శాసనమండలి ఎన్నికల్లో వైకాపా అభ్యర్థులను గెలిపించుకోవాల్సిన భాద్యత పార్టీ శ్రేణులపై ఉందని శాసనసభ్యులు భూమన కరుణాకర రెడ్డి సూచించారు.
పేర్నాటి శ్యామ్ ప్రసాద్ రెడ్డి గారు మాట్లాడుతూ ముందుగా నాకు పట్టభద్రుల ఎమ్మెల్సీ అభ్యర్థిగా అవకాశం కల్పించిన ముఖ్యమంత్రి వైఎస్ జగన్మోహన్ రెడ్డి గారికి నా హృదయపూర్వక ధన్యవాదాలు అని, గౌరవనీయులు పెద్దలు తిరుపతి శాసనసభ్యులు భూమన కరుణాకర్ రెడ్డి గారు గారికి, జనంతో ఎల్లప్పుడూ మమేకమవుతూ ప్రజల మనల్ని పొందుతున్న భూమన అభినవ్ గారికి నా కృతజ్ఞతలు అని తెలిపారు. తూర్పు రాయలసీమకు సంబంధించిన 36 నియోజకవర్గాల్లో దాదాపుగా 24 నియోజకవర్గాల్లో సమావేశాలు జరిగాయని, ఈ నియోజకవర్గంలో వచ్చినంత మహిళలు ఏ నియోజకవర్గంలో రాలేదని, నా సతీమణికి విత్తనాభివృద్ధి సంస్థ చైర్ పర్సన్ పదవినిచ్చినప్పుడు నేరుగా మన ముఖ్యమంత్రి గారితో మాకు ఈ పదవి వద్దని చెప్పానని,  జగన్ మోహన్ రెడ్డి గారు మా చెల్లికి ఇస్తున్నాను అని విత్తనాభివృద్ధి సంస్థ పదవి మా కుటుంబానికి ఇచ్చారని,ఇంత పెద్ద ఎత్తున తరలివచ్చిన మహిళామణులందరిని చూసిన తర్వాత నేను ఆరోజు తప్పు చేశానేమో అని అనిపిస్తుందని, ఈ నియోజకవర్గంలో కరుణాకర్ అన్న, అభినయ్ సారధ్యంలో రాజకీయాల్లో మహిళలు మరింత  బాధ్యతతో పని చేస్తున్నారని తెలిపారు, మీరందరూ కూడా ఓటర్ల నమోదు ప్రక్రియలో చురుగ్గా పాల్గొని, నియోజకవర్గంలో ఎక్కువ మంది ఓటర్లను చేర్పించి, నా విజయాన్ని కృషి చేయాలని పిలపునిచ్చారు.
 ఈ కార్యక్రమంలో మేయర్ డాక్టర్ శిరీష, డిప్యూటీ మేయర్ భూమన అభినయ్ రెడ్డి, నగర అధ్యక్షులు పాలగిరి ప్రతాప్ రెడ్డి, దొడ్డారెడ్డి సిద్ధారెడ్డి, మల్లం రవిచంద్ర రెడ్డి, స్టాండింగ్ కమిటీ సభ్యులు ఎస్కె బాబు, టౌన్ బ్యాంకు చైర్మన్ కేతం జయచంద్ర, గంగమ్మ గుడి చైర్మన్ కట్టా గోపియాదవ్, స్టేట్ విలెజ్ & ఖాదీ కార్పొరేషన్ డైరెక్టర్ దుద్దెలు బాబు, ఇతర సీనియర్ నాయకులు, స్టాండింగ్ కమిటీ సభ్యులు, కార్పొరేటర్లు, వైస్సార్సీపీ నాయకులు, కార్యకర్తలు,అనుబంధ విభాగాల నాయకులు, పాల్గొన్నారు.

 వైసిపి మంత్రులు, ఎమ్మెల్యేలకు ప్రజల్లో వ్యతిరేకత చూసి మతి చలించింది. సాక్షాత్తు ప్రధాన మంత్రి శంకుస్థాపన చేసిన అమరావతిపై అవాకులు చెవాకులు మాట్లాడుతున్నారు. అమరావతిలో రాజధాని కడతామంటే రైతులు భూములిచ్చారు. అమరావతికి అధికార, ప్రతిపక్షలుండే నిండు సభలో ఒప్పుకుంటేనే రైతులు భూములివ్వడానికి అంగీకరించారు అమరావతిలో రాజధాని కడతామని చెప్పి కృష్ణా, గుంటూరు జిల్లాలో వైసీపీ ఎక్కువ సీట్లలో గెలిచింది ధర్మాన రాజీనామా కాదు..  కృష్ణా, గుంటూరు జిల్లాల ఎమ్మెల్యేలు, మంత్రులను రాజీనామా చేసి ఎన్నికలకు రమ్మనండి.విశాఖలో సగానికి పైగా పరిశ్రమలు వెనక్కు వెళ్లిపోయాయి. దమ్ముంటే 30  మందికి పైగా  ఉన్న లోక్ సభ,  రాజ్యసభ వైసీపీ ఎంపీలు కలిసి విశాఖలో రైల్వే జోన్ తీసుకురండి. మూడు రాజదానుల సౌత్ ఆఫ్రికాలో పరిస్థితులు చూసుకొని మాట్లాడాలి. రైతుల పాదయాత్ర పై పిచ్చి ప్రేలాపనలు మానుకోవాలి. రాజధాని కుప్పంలోనో, నారావారిపల్లిలోనో పెట్టుకుంటే ఏడవండి. రాష్ట్ర నడిబొడ్డులో నిర్మిస్తున్న రాజధానిపై మీకున్న కష్టమేంటో చెప్పాలి. అమరావతికి అభివృద్ధికి సంబంధం లేదు..అమెరికాలోని పరిస్థితులే అందుకు నిదర్శనం చంద్రబాబు నాయుడు హయాంలో వచ్చిన 10 కేంద్ర సంస్థలను రాష్ట్రంలోని మూడు ప్రాంతాల్లో ఏర్పాటు చేశారు. ఇప్పటికే విశాఖలో భూకుంభకోణంలో 40 వేల కోట్లు అవినీతి జరిగింది.ఈ ప్రభుత్వం కంటే బ్రిటిష్ ప్రభుత్వమే మేలు అన్నట్టుంది. మంత్రులు రాజీనామా చేసి విశాఖలో రౌండ్ టేబుల్ సమావేశం పెట్టుకోండి. రోజమ్మతో మాట్లాడుకుని జబర్దస్త్ లో మూడు రాజధానుల స్కిట్ వేసుకోండి