Ravikiranalu TV

మహిళా అభివృద్ధి, శిశు సంక్షేమ శాఖలో అంగన్‌వాడీ వర్కర్లకు విస్తరణ అధికారులుగా పదోన్నతిపై ఆంధ్రప్రదేశ్ హైకోర్టు స్టే విధించింది. అంగన్‌వాడీ కేంద్రాల్లో 560 ఎక్స్‌టెన్షన్ ఆఫీసర్ (ఈఓ) పోస్టుల భర్తీకి ఏపీ ప్రభుత్వం ఇటీవల నోటిఫికేషన్ విడుదల చేసింది. ఈ పోస్టులను అర్హులైన కాంట్రాక్టు కార్మికులు, అంగన్‌వాడీ కేంద్రాల్లో పనిచేస్తున్న సూపర్‌వైజర్ల నుంచి భర్తీ చేయాల్సి ఉంది. పోస్టులకు అర్హత డిగ్రీ. సెప్టెంబర్ 18న 38 వేల మంది అంగన్‌వాడీ టీచర్లు రాత పరీక్షకు హాజరయ్యారు. అనంతరం మౌఖిక పరీక్ష నిర్వహించారు.

రాత పరీక్షకు 45 మార్కులు, మౌఖిక పరీక్షకు ఐదు మార్కులు. అయితే ఈ పోస్టుల భర్తీలో భారీస్థాయిలో అవినీతి, అక్రమాలు చోటు చేసుకున్నాయని, తక్షణమే పరీక్షా ఫలితాలను నిలిపివేయాలని కోరుతూ బుధవారం హైకోర్టులో లంచ్‌మోషన్‌ పిటీషన్‌ దాఖలైంది. జీవో ప్రకారం.. ఎక్స్‌టెన్షన్ ఆఫీసర్‌లను నియమించేటప్పుడు రాత పరీక్షలతో పాటు ఇంగ్లీష్ ప్రావీణ్యత పరీక్షలను నిర్వహించడం తప్పనిసరి. అయితే ఈ నిబంధనను ప్రభుత్వ అధికారులు ఉల్లంఘించారని, మౌఖిక పరీక్షలు నిర్వహించకుండానే కొందరిని ఎంపిక చేస్తున్నారని కొందరు.

రాష్ట్రంలో 560 గ్రేడ్-2 పోస్టుల నియామకాలకు ఇటీవల ప్రభుత్వం జీవో ఇచ్చింది. 38వేల మంది అంగన్ వాడీ టీచర్లు ఇటీవల రాత పరీక్షలు రాశారు. మౌఖిక పరీక్షలు లేకుండానే సెలెక్ట్ చేస్తున్నట్టు ఆరోపణలు వచ్చాయి.

ఆంధ్రప్రదేశ్ ప్రభుత్వానికి హైకోర్టులో మరో షాక్ తగిలింది. గ్రేడ్ 2 ఎక్స్ టెన్షన్ అధికారుల నియామకాలకు రాష్ట్ర ప్రభుత్వం ఇచ్చిన ఉత్తర్వులను నిలిపివేస్తూ.. ఏపీ హైకోర్టు కీలక ఆదేశాలు జారీచేసింది. ఈ మేరకు హైకోర్టు మధ్యంతర ఉత్తర్వులు జారీచేసింది. దీంతో ఎక్స్‌టెన్షన్ ఆఫీసర్స్ గ్రేడ్ 2 నియామకాలు తాత్కలికంగా నిలిచిపోనున్నాయి.
రాష్ట్రంలో 560 గ్రేడ్-2 పోస్టుల నియామకాలకు ఇటీవల ప్రభుత్వం జీవో ఇచ్చింది. 38వేల మంది అంగన్ వాడీ టీచర్లు ఇటీవల రాత పరీక్షలు రాశారు. మౌఖిక పరీక్షలు నిర్వహించకుండానే కొందరిని సెలెక్ట్ చేస్తున్నట్టు ఆరోపణలు వచ్చాయి. దీంతో నియామకాల్లో అవకతవకలు జరుగుతున్నాయని కొందరు అభ్యర్థులు హైకోర్టులో వ్యాజ్యం దాఖలు చేశారు. ఈ వ్యాజ్యంపై సెప్టెంబర్ 29వ తేదీ గురువారం హైకోర్టులో విచారణ జరిగింది.
ఈ సందర్భంగా పిటిషనర్ తరపున సీనియర్ న్యాయవాది జడ శ్రావణ్ కుమార్ వాదనలు వినిపించారు. నిబంధనల ప్రకారం 50 మార్కులకు పరీక్షలు నిర్వహించాలని శ్రవణ్ కుమార్ వాదించారు. వీటిలో 45 మార్కులకు రాత పరీక్ష, 5 మార్కులకు మౌఖిక పరీక్ష నిర్వహించాలన్నారు. అయితే రాత పరీక్ష నిర్వహించిన అధికారులు.. మౌఖిక పరీక్ష నిర్వహించకుండానే కొందరిని నియమించేందుకు చర్యలు చేపడుతున్నారని, ఉద్యోగాల భర్తీల్లో అవకతవకలు జరిగాయని ఆయన కోర్టుకు తెలిపారు.

రాత పరీక్షను సెప్టెంబర్ 18న అధికారులు నిర్వహించారని, మౌఖిక పరీక్ష నిర్వహించకుండానే కొందరిని నియమించేందుకు చర్యలు చేపడుతున్నారని న్యాయవాది ధర్మాసనం దృష్టికి తెచ్చారు. భర్తీల్లో అవకతవకలు జరిగాయని కోర్టుకు తెలిపారు. వాదనలు విన్న న్యాయస్థానం పిటిషనర్ తరపున న్యాయవాది వాదనలతో ఏకీభవించింది. దీంతో ఎక్స్ టెన్షన్ ఆఫీసర్స్ గ్రేడ్ 2 నియామకాల ప్రక్రియను నిలుపుదల చేస్తూ మధ్యంతర ఉత్తర్వులు జారీచేసింది. తదుపరి విచారణను నాలుగు వారాలకు వాయిదా వేసింది న్యాయస్థానం.
ఇలా ఉండగా.. రెండు రోజుల క్రితం మహిళ, శిశు సంక్షేమ శాఖపై ముఖ్యమంత్రి వైఎస్.జగన్మోహన్ రెడ్డి సమీక్ష నిర్వహించి.. అంగన్వాడీ సూపర్ వైజర్ పోస్టుల భర్తీపై కీలక వ్యాఖ్యలు చేసిన విషయం తెలిసిందే. సెప్టెంబర్ 30వ తేదీ లోపు అంగన్వాడీ కేంద్రాల సూపర్‌ వైజర్ల పోస్టుల భర్తీ చేస్తామని సీఏం సమీక్షా సమావేశంలో వెల్లడించారు. ముఖ్యమంత్రి ఆదేశాలతో అత్యంత పారదర్శకంగా పరీక్షల ప్రక్రియ నిర్వహిస్తున్నామని అధికారులు కూడా తెలిపారు. ఇంటర్వ్యూలు ముగిశాక మార్కుల జాబితాలను వెల్లడిస్తామని తెలిపారు. అయితే నియామకాల ప్రక్రియను పూర్తిచేయడానికి సీఏం విధించిన గడువుకు ఒక రోజు ముందు ఈ నియామకాల ప్రక్రియను తాత్కలికంగా నిలిపివేయాలని హైకోర్టు మధ్యంతర ఉత్వర్వులు జారీచేసింది.

విజయవాడ: ఇంద్రకీలాద్రిపై దసరా శరన్నవరాత్రి ఉత్సవాలు వైభవోపేతంగా సాగుతున్నాయి. 5వ రోజు దుర్గమ్మ లలిత త్రిపుర సుందరీదేవి అలంకారంలో భక్తులకు దర్శనమిస్తున్నారు.దీంతో ఇంద్రకీలాద్రి దేవాలయం భక్తులతో కిక్కిరిసిపోయింది. దుర్గమ్మ దర్శనానికి భక్తులు పోటెత్తారు. దుర్గమ్మ నామస్మరణతో ఇంద్రకీలాద్రి మారుమోగుతుంది. దుర్గమ్మ దర్శనానికి వినాయకుడి గుడి వద్ద నుండి భక్తులు బారులు తీరారు. నేడు శుక్రవారం కావడంతో తెల్లవారుజాము నుంచి కొండ మీద భక్తులు క్యూ కట్టారు. లలితా త్రిపుర సుందరీ దేవి అలంకారంలో ఉన్న అమ్మని దర్శించుకుని భక్తులు పునీతులవుతున్నారు.

 దేశవ్యాప్తంగా సీబీఐ 'ఆపరేషన్​ గరుడ'.. 175 మంది అరెస్ట్

దేశంలోని మాదక ద్రవ్యాల అక్రమ రవాణాపై కేంద్ర దర్యాప్తు సంస్థ(సీబీఐ) దృష్టి సారించింది. అక్రమ రవాణాను అరికట్టేందుకు 'ఆపరేషన్‌ గరుడ'ను నిర్వహించింది.

మాదకద్రవ్యాల అక్రమ రవాణాపై సీబీఐ 'ఆపరేషన్‌ గరుడ' పేరిట దేశవ్యాప్తంగా దాడులు నిర్వహించింది. ఎన్సీబీ, ఇంటర్‌పోల్‌తో పాటు పలు రాష్ట్రాల్లోని పోలీసుల సమన్వయంతో డ్రగ్స్‌ నెట్‌వర్క్‌లపై దాడులు కొనసాగించింది. ఈ సందర్భంగా భారీగా మాదకద్రవ్యాల్ని స్వాధీనం చేసుకోవడంతో పాటు 127 ఎఫ్‌ఐఆర్‌లు నమోదు చేసి 175మంది డ్రగ్స్‌ వ్యాపారులను అరెస్టు చేసినట్టు సీబీఐ అధికారులు గురువారం వెల్లడించారు.అంతర్జాతీయ ముఠాలతో సంబంధాలను విచ్ఛిన్నం చేయడంతో పాటు డ్రగ్స్‌ అక్రమ రవాణాపై ఉక్కుపాదం మోపడమే లక్ష్యంగా ఈ వారం ఆరంభం నుంచి కొనసాగిన 'ఆపరేషన్‌ గరుడ'లో భాగంగా ఆయా ఏజెన్సీలు 127 ఎఫ్‌ఐఆర్‌లు నమోదు చేశాయని తెలిపారు.
పంజాబ్, దిల్లీ, హిమాచల్ ప్రదేశ్, మణిపూర్, మహారాష్ట్ర సహా 8 రాష్ట్రాలు/కేంద్రపాలిత ప్రాంతాల్లో ఎన్సీబీ అధికారులు, పోలీసులు ఈ ఆపరేషన్‌లో భాగంగా దాదాపు 6,600 మంది అనుమానితులను ట్రాక్‌ చేశారు. ఆ తర్వాత 127 కేసులు నమోదుచేసి పరారీలో ఉన్న ఆరుగురితో పాటు మొత్తం 175మందిని అరెస్టు చేశారు. డ్రగ్స్‌ ఇతర పదార్థాల అక్రమ రవాణాను ఏజెన్సీలు లక్ష్యంగా చేసుకొని దాడులు చేశారు. ఈ ఆపరేషన్‌లో భాగంగా సీబీఐ, ఎన్సీబీ ఏజెన్సీలు సమాచార మార్పిడి, విశ్లేషణ, కార్యాచరణ సమాచారం కోసం ఆయా రాష్ట్రాల నిఘా సంస్థలు, పోలీసులతో కలిసి పనిచేశాయి.ఈ దాడుల్లో భాగంగా 5కిలోల హెరాయిన్‌, 34కిలోల గంజాయి, 3కిలోల చరస్‌తో పాటు భారీగా ఇతర డ్రగ్స్‌ని సీజ్‌ చేసినట్టు సీబీఐ అధికారులు వెల్లడించారు.

 ఆంధ్రప్రదేశ్‌ లో ఉపాధి హామీ కూలీలు, పేదలందరికీ ఇళ్లు కింద వైఎస్సార్ గృహ నిర్మాణ పథకం లబ్ధిదారులకు రాష్ట్ర ప్రభుత్వం గుడ్ న్యూస్ చెప్పింది.తమకు ఇంటి స్థలాలు వచ్చినప్పటికి.. ఇళ్ల నిర్మాణంలో ఆలస్యం అవుతుందనే నిరాశలో ఉన్న వారికి ఏపీ ప్రభుత్వం తీపికబురు అందించింది. ఈఏడాది డిసెంబర్ 21వ తేదీ నాటికి రాష్ట్రంలో 5లక్షల ఇళ్ల నిర్మాణం పూర్తి చేయాలని ముఖ్యమంత్రి వైఎస్.జగన్మోహన్ రెడ్డి అధికారులకు టార్గెట్ విధించారు. స్పందన కార్యక్రమంపై సీఏం వైఎస్.జగన్మోహన్ రెడ్డి జిల్లా కలెక్టర్లతో సెప్టెంబర్ 29వ తేదీ గురువారం వీడియో కాన్ఫరెన్స్ నిర్వహించారు. గడప గడపకు మన ప్రభుత్వం కార్యక్రమంతో పాటు పలు అభివృద్ధి, సంక్షేమ కార్యక్రమాల అమలు, వాటి పురగోతిపై సమీక్షించారు. ఈ సందర్భంగా స్థిరమైన అభివృద్ధి లక్ష్యాలు (ఎస్ డిజి) సాధన ఆధారంగా కలెక్టర్లకు మార్కులు ఉంటాయని సీఏం ఆసక్తికర వ్యాఖ్యలు చేశారు. ఎస్ డిజి లక్ష్యాలే కలెక్టర్ల పనితీరుకు ప్రమాణమని ఈ సమీక్షా సమావేశంలో ముఖ్యమంత్రి వైఎస్.జగన్మోహన్ రెడ్డి పేర్కొన్నారు.

వైఎస్ ఆర్ గృహ నిర్మాణ పథకం పై సమీక్షించిన ముఖ్యమంత్రి వైఎస్.జగన్మోహన్ రెడ్డి రాష్ట్రంలో పేద ప్రజల గృహల నిర్మాణంపై అధికారులకు కీలక ఆదేశాలు జారీ చేశారు. ఈఏడాది డిసెంబర్ 21వ తేదీ నాటికి 5లక్షల ఇళ్ల నిర్మాణం పూర్తి చేసేలా చర్యలు తీసుకోవాలన్నారు. ఇప్పటికే రాష్ట్ర వ్యాప్తంగా లబ్ధిదారుల ఎంపిక మేరకు ప్రభుత్వం ఇళ్ల నిర్మాణాన్ని చాలా చోట్ల ప్రారంభించింది. దీనికి సంబంధించి లబ్ధాదారులు కట్టాల్సిన డబ్బుల మొత్తాన్ని డీడీ రూపంలో ఏపీ హౌసింగ్ కార్పోరేషన్ పేరిట కట్టించుకుంది. దీంతో ఏపీలో చాలా చోట్ల మొదటి దశ గృహ నిర్మాణాలను ప్రభుత్వం ప్రారంభించింది. గ్రామ, వార్డు సచివాలయ సిబ్బందికి గృహ నిర్మాణాలకు సంబంధించి క్షేత్రస్థాయిలో పర్యవేక్షణ బాధ్యతలను అప్పగించింది. ఈనేపథ్యంలో గృహ నిర్మాణాలపై ఈ సమీక్షా సమావేశంలో సీఏం మాట్లాడుతూ అధికారులకు లక్ష్యాలు నిర్ధేశించారు. జగన్న కాలనీల్లో 3.5 లక్షలు, 1.5 లక్షల టిడ్కో ఇళ్ల నిర్మాణం డిసెంబర్ 21వ తేదీ లోపు పూర్తిచేయాలని ఆదేశించారు. అలాగే కొత్తగా గృహ నిర్మాణ పథకంలో అర్హులైన లబ్ధిదారులకు ఫేజ్-3 కింద డిసెంబర్ నెలలో గృహలు మంజూరు చేయాలని సీఏం అధికారులను ఆదేశించారు.

గ్రామ, వార్డు సచివాలయాల పరిధిలో గడపగడపకూ మన ప్రభుత్వం కార్యక్రమం నిర్వహించిన తర్వాత, ఆ కార్యక్రమంలో వచ్చిన సమస్యలను పరిష్కరించాలని సీఏం సూచించారు. నెల రోజుల్లో ప్రాధాన్యతా పనులు మొదలు కావాలని ఆదేశించారు. అక్టోబర్ 25వ తేదీన ఈ-క్రాపింగ్ జాబితాలు సచివాలయాల్లో ప్రదర్శించాలని సీఏం వైఎస్.జగన్మోహన్ రెడ్డి సూచించారు. దీనికి సంబంధించిన షెడ్యూలును అధికారులకు ముఖ్యమంత్రి వివరించారు. మరోవైపు మహాత్మా గాంధీ జాతీయ గ్రామీణ ఉపాధి హామీ పథకం కింద ఉపాధి హామీ కూలీలకు ఇచ్చే వేతనాలపై కూడా ముఖ్యమంత్రి కీలక సూచనలు చేశారు. ఉపాధి హామీ పథకం కింద కనీసం వేతనం రూ. 240 అందేలా చూడాలని సీఏం ఆదేశించారు. ఏ ఒక్క కూలీ నష్టపోకుండా.. అందరికీ సక్రమంగా వేతనం అందేలా చర్యలు తీసుకోవాలన్నారు.

స్పందన కార్యక్రమంలో వస్తున్న ఫిర్యాదులను సకాలంలో పరిష్కరించాలన్నారు. ప్రజల నుంచి వచ్చిన వినతులను సంబంధిత విభాగం లేదా అధికారులకు ఫార్వర్డ్ చేసి ఆ సమస్యలు వేగంగా పరిష్కారమయ్యేలా చర్యలు చేపట్టాలని అధికారులను సీఏం జగన్మోహన్ రెడ్డి ఆదేశించారు. స్పందన కార్యక్రమంతో పాటు జాతీయ రహదారుల నిర్మాణానికి భూ సేకరణ, వైఎస్సార్ అర్బన్-విలేజ్ క్లినిక్స్ పై సమీక్షించిన ముఖ్యమంత్రి అధికారులకు పలు కీలక సూచనలు చేశారు.

 కావలి నియోజకవర్గం దగదర్తి మండలంలో  దగదర్తి గ్రామంలో 34వ రోజు గడప గడపకు మన మన ప్రభుత్వం కార్యక్రమంలో భాగంగా ఎస్టి కాలనీలో పర్యటిస్తున్న కావలి ఎమ్మెల్యే రామిరెడ్డి ప్రతాప్ కుమార్ రెడ్డి గారు

 కాకాణి & బ్యాచ్ మైనింగ్ మాఫియా అక్రమాలు నిరూపించేందుకు సిద్ధం

నెల్లూరులో మీడియాతో సర్వేపల్లి నియోజకవర్గ నేతలు గుమ్మడి రాజా యాదవ్, రావూరి రాధాకృష్ణమ నాయుడు, మావిళ్లపల్లి శ్రీనివాసులు నాయుడు  కోట్లకు కోట్లు దోచేస్తున్న మీ గ్రావెల్ దందాకు మీడియా సోదరులతో పాటు నియోజకవర్గ ప్రజలే ప్రత్యక్ష సాక్షులు  ప్రకాశం బ్యారేజీకి సర్వేపల్లికి గ్రావెల్ తోలుతున్నారా..మాఫియా దందాపై మీ కప్పదాటు వైఖరికి ఇదే నిదర్శనం

సర్వేపల్లిలో మీ మైనింగ్ మాఫియా ఆగడాలు దాచితే దాగేవి కావు

2014 నుంచి ఇప్పటి వరకు శాటిలైట్ చిత్రాలు తీసుకుందాం..ఎవరి హయాంలో గ్రావెల్ మైనింగ్ ఎంత జరిగిందో తేలిపోతుంది  సర్వేపల్లి నియోజకవర్గంలో గ్రావెల్ సంపదను కాకాణి & బ్యాచ్ కొల్లగొడుతోందని మేం నాయకుడు సోమిరెడ్డి చంద్రమోహన్ రెడ్డి ఆధ్వర్యంలో 40 నెలలుగా పోరాటం చేస్తూనే ఉన్నాం  తహసీల్దార్ నుంచి సీఎస్ వరకు ఎన్నోమార్లు ఫిర్యాదు చేశాం..లోకాయుక్తతో పాటు హైకోర్టులో కేసులు వేశాం  మైనింగ్ మాఫియా ఇచ్చే రోజువారి మామూళ్లకు అలవాటు పడిన కొందరు అధికారులు అక్రమ తవ్వకాలకు సహకరిస్తున్నారు 

సర్వేపల్లి రిజర్వాయరు నుంచి కసుమూరు తిప్ప వరకు, రామదాసుకండ్రిగ బీసీల భూముల నుంచి ఈదగాలి దళితుల భూముల వరకు ఎక్కడా వదిలిపెట్టకుండా 30 అడుగుల మేర గోతులు పెట్టేశారు.. రిజర్వాయరులో జరిగిన అక్రమ మైనింగ్ పై ఇరిగేషన్ అధికారులు గత ఏడాది పెట్టిన కేసును నీరుగార్చిందెవరు  యూనివర్సిటీ భూముల్లో ఇష్టారాజ్యంగా గ్రావెల్ తవ్వేస్తే ఎస్పీకి వీసీ, రిజిస్ట్రార్ ఇచ్చిన ఫిర్యాదును తొక్కేసిందెవరు  మీ అవినీతి, అక్రమాలను మీడియా సాక్షిగా బయటపెడితే ఎత్తు, పొడుగు అని మాట్లాడుతారా...  మా నాయకుడు నాలుగడుగులు ఉంటే మీ నాయకుడు పది అడుగులు ఉన్నాడా

తెగబలిసిన మీ నాయకుడు కాకాణి ప్రజల సొత్తును పట్టపగలే దోచేస్తుంటే...సన్నగా ఉన్నప్పటికీ మా నాయకుడు సోమిరెడ్డి వాటి పరిరక్షణకు అలుపెరగని పోరాటం చేస్తున్న విషయాన్ని ప్రజలందరూ గమనిన్తున్నారు.. మీరెన్ని అవాకులు, చెవాకులు పేలినా మీ అక్రమ మైనింగ్ దందాను ఉపేక్షించే ప్రసక్తే లేదు  ప్రజల మద్దతుతో న్యాయపోరాటం చేసి కాకాణి అండ్ బ్యాచ్ మైనింగ్ మాఫియా గుట్టును విప్పి మిమ్మల్ని ప్రజాక్షేత్రంలో దోషులుగా నిలబెట్టడం ఖాయం.