Ravikiranalu TV

 రెకమండేషన్లు లేని ఆలయం...

ప్రశాంత వాతావరణంలో సామాన్య భక్తులకు దర్శనం...

దట్ ఈజ్ కోటంరెడ్డి శ్రీధర్ రెడ్డి...

కోటంరెడ్డి నిర్ణయాలకు భక్తుల నీరాజనాలు...

నెల్లూరు దుర్గామిట్ట లో వెలసి ఉన్న శ్రీ రాజరాజేశ్వరి అమ్మవారి దేవస్థానం దశాబ్దాల కాలం తర్వాత రికమండేషన్లు లేని ఆలయంగా పేరు తెచ్చుకుంది. నాయకుడు కాదు, అధికారులు కాదు, ప్రముఖులు కాదు... ఎవరైనా సరే క్యూ లైన్ లో రావాల్సిందే... ఎంత పెద్ద వారి పేరు చెప్పినా ఆలయంలోకి నో ఎంట్రీ... ఇదంతా నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి వల్లే సాధ్యమైంది. రాజరాజేశ్వరి దేవస్థానం ప్రతిష్టించి 48 ఏళ్లు పూర్తయ్యాయి. ప్రస్తుతం 48వ దేవి శరన్నవరాత్రి మహోత్సవాలు జరుగుతున్నాయి. అయితే గతంలో ఎన్నడూ లేని విధంగా ఎమ్మెల్యే కోటంరెడ్డి శ్రీధర్ రెడ్డి ఈ ఏడాది అమ్మవారి ఆలయం పై దృష్టి పెట్టారు. సామాన్య భక్తుడు ప్రశాంత వాతావరణంలో అమ్మవారిని దర్శించుకునేలా ఏర్పాట్లు చేశారు. ఎవరి రికమండేషన్లు లేకుండా నేరుగా 15 నిమిషాల్లో అమ్మవారిని దర్శనం చేసుకునేలా క్యూ లైన్లు ఏర్పాటు చేశారు. విఐపి పేరుతో ఉన్న గేట్లకు తాళాలు వేసి తన జేబులో పెట్టుకున్నారు. దీంతో ఎవ్వరు వీఐపీ పేరుతో లోపలికి వచ్చేందుకు వీలు లేకుండా పోయింది. సామాన్య భక్తుడు కూడా సంతోషిస్తూ అమ్మవారిని దర్శనం చేసుకుంటున్నారు. ఈ విషయం ఆ నోట ఈ నోట పాకడంతో భక్తుల రద్దీ భారీగా పెరిగింది. ఎంత రద్దీ పెరిగినా 15 నుంచి 20 నిమిషాల లోపే అమ్మవారిని దర్శనం చేసుకొని భక్తులు బయటకు వచ్చేస్తున్నారు. దీంతో మహిళా భక్తులంతా సంతోషం వ్యక్తం చేస్తున్నారు. ఇలాంటి ఆలయాన్నే తాము కోరుకున్నామని గతంలో ఎవ్వరు చేయలేని పని కోటంరెడ్డి శ్రీధర్ రెడ్డి చేశారంటూ నిరాజనాలు పలుకుతున్నారు...


పార్కింగ్ పై ప్రత్యేక దృష్టి...

దేవి శరన్నవరాత్రులు అంటే నెల్లూరు నగర పరిసర ప్రాంతాల నుంచి భారీ సంఖ్యలో కార్లు, బైకులు వంటి వాహనాల్లో భక్తులు ఆలయానికి వస్తారు. ప్రతి ఏడాది కార్లు బైకులు ఎక్కడపడితే అక్కడ పెట్టేస్తుండడంతో వాహన రాకపోకలకు తీవ్ర అంతరాయం ఏర్పడేది. అయితే ఈసారి ఎమ్మెల్యే కోటంరెడ్డి శ్రీధర్ రెడ్డి పార్కింగ్ పై ప్రత్యేక దృష్టి పెట్టారు. ఎంత పెద్ద విఐపి వచ్చిన సరే గాలిగోపురం ఎదురుగా ఉన్న ప్రధాన రహదారి వద్దకు కారు వెళ్లేందుకు అనుమతించడం లేదు. ఆలయం పక్కనే ఉన్న ప్రభుత్వ ప్రధాన వైద్యశాల ప్రాంగణంలోని పార్కింగ్లో మాత్రమే వాహనాలను పార్క్ చేసే విధంగా చర్యలు చేపట్టారు. దీంతో రాజరాజేశ్వరి ఆలయ పరిసర ప్రాంతాల్లో పార్కింగ్ సమస్యకు పరిష్కారం దొరికింది. గతంలో ఇబ్బడి ముబ్బడిగా వాహనాలు నిలిచిపోయి రాకపోకలకు తీవ్ర అంతరాయం ఏర్పడేది. ప్రస్తుతం ఎమ్మెల్యే శ్రీధర్ రెడ్డి తీసుకున్న నిర్ణయంతో భక్తులు హర్షం వ్యక్తం చేస్తున్నారు.

టికెట్ కొనుక్కొని మరీ...

రూరల్ ఎమ్మెల్యే కోటంరెడ్డి శ్రీధర్ రెడ్డి రూటే సపరేటు... సామాన్య భక్తుడిలా ఆలయానికి వస్తున్న శ్రీధర్ రెడ్డి 100 రూపాయల టికెట్ను కొనుక్కుని మరి దర్శనానికి వెళ్తున్నారు. ఆలయానికి వచ్చే సమయంలో తన చుట్టుపక్కల అధికారులు కానీ, నాయకులు కానీ, ఆలయ కమిటీ సభ్యులు కానీ ఎవరు ఉండకూడదని ఆదేశాలు ఇచ్చారు. ఆలయానికి రాగానే క్యూలైన్ల సందర్శన భక్తులకు సౌకర్యాలపై ఆరా తీసి నేరుగా భక్తులతోనే మాట్లాడి అనంతరం వంద రూపాయల టికెట్ కొని క్యూలైన్లో వెళ్లి అమ్మవారిని దర్శనం చేసుకుంటున్నారు. ఇప్పటికే అమ్మవారి మాల వేసి దీక్షలో ఉన్న శ్రీధర్ రెడ్డి ఆలయంలో ఏర్పాటు చేసిన అష్టాదశ శక్తి పీఠాల అలంకారాల వద్ద భక్తులకు ప్రసాదాలు పంపిణీ చేస్తూ లోటుపాట్ల గురించి భక్తులతోనే నేరుగా చర్చిస్తున్నారు.

విఐపి పాస్ రద్దు దిశగా ఆలోచనలు...

దేవి శరన్నవరాత్రుల సందర్భంగా నగరంలోని ప్రముఖులు విఐపి కోసం రూరల్ ఎమ్మెల్యే కోటంరెడ్డి శ్రీధర్ రెడ్డి రెండు సమయాలను వారికి కేటాయించారు. ఉదయం 12 గంటల నుంచి 1:00 వరకు, సాయంత్రం ఐదు గంటల నుంచి 6 గంటల వరకు పాసులు ఇచ్చి దర్శనానికి అనుమతిస్తున్నారు అయితే ఆదివారం నుంచి పాసులను రద్దు చేసే దిశగా ఎమ్మెల్యే శ్రీధర్ రెడ్డి ఆలోచిస్తున్నట్లు సమాచారం. ఆదివారం మూల నక్షత్రం సందర్భంగా అమ్మవారు సరస్వతి అలంకారంలో భక్తులకు దర్శనమిస్తుంది. దీంతో భక్తుల తాకిడి భారీగా ఉంటుంది. ఇక సోమవారం దుర్గాష్టమి, మంగళవారం మహర్నవమి, బుధవారం విజయదశమి కావడంతో భక్తుల రద్దీ భారీగా పెరగనుండడంతో ఎమ్మెల్యే శ్రీధర్ రెడ్డి ఈ నిర్ణయం తీసుకున్నట్లు తెలుస్తోంది. ఎవరు వచ్చినా సరే ఉచిత దర్శనం, 30 రూపాయలు, 100 రూపాయల టికెట్లు తీసుకొని క్యూ లైన్ లో మాత్రమే వచ్చేలా ప్రణాళికలు సిద్ధం చేస్తున్నట్లు తెలుస్తోంది. అదే జరిగితే 48 ఏళ్ల ఆలయ చరిత్రలో ఇదొక సువర్ణ అధ్యాయమని చెప్పుకోవచ్చు. ఎవరికీ సాధ్యం కానీ గొప్ప నిర్ణయం శ్రీధర్ రెడ్డి తీసుకున్నట్లు తెలుస్తుంది...


కాగా ఎమ్మెల్యే కోటంరెడ్డి నిర్ణయాలతో రాజరాజేశ్వరి అమ్మవారి ఆలయంలో శరన్నవరాత్రి ఉత్సవాలు నభూతో న భవిష్యత్ అన్న చందాన జరుగుతుండగా... భక్తులు హర్షాతిరేకాలు వ్యక్తం చేస్తున్నారు....

 తిరుమలలో 2022 శ్రీవారి సాలకట్ల బ్రహ్మోత్సవాలు.

 రాష్ట్ర ప్రభుత్వం తరుపున శ్రీవారికి పట్టువస్త్రాలు సమర్పించిన రాష్ట్ర ముఖ్యమంత్రి వైఎస్‌.జ‌గ‌న్‌మోహ‌న్‌రెడ్డి.

      సెప్టెంబర్ 27, తిరుమ‌ల 2022:-

   శ్రీవారి సాల‌క‌ట్ల‌ బ్రహ్మోత్సవాలలో తొలిరోజైన మంగ‌ళ‌వారం రాత్రి రాష్ట్ర ముఖ్యమంత్రివర్యులు వైఎస్‌.జ‌గ‌న్‌మోహ‌న్‌రెడ్డి రాష్ట్ర ప్రభుత్వం తరఫున శ్రీవేంకటేశ్వరస్వామివారికి పట్టువస్త్రాలు సమర్పించారు.

ముందుగా ముఖ్యమంత్రి శ్రీ బేడి ఆంజనేయస్వామివారి ఆలయం వద్దకు చేరుకున్నారు. అక్కడినుంచి మంగళవాయిద్యాల నడుమ ఊరేగింపుగా శ్రీవారి ఆలయం వద్దకు చేరుకున్నారు. టిటిడి ధర్మకర్తల మండలి అధ్యక్షులు శ్రీ వైవి.సుబ్బారెడ్డి, కార్యనిర్వహణాధికారి శ్రీ ఎవి.ధ‌ర్మారెడ్డి స్వాగతం పలికారు. ఆ తరువాత  ముఖ్యమంత్రి ధ్వజస్తంభానికి నమస్కరించుకుని శ్రీవారిని దర్శించుకున్నారు. వకుళామాత, విమాన వేంకటేశ్వరస్వామి, భాష్యకార్ల సన్నిధి, యోగ నరసింహస్వామివారిని దర్శించుకున్నారు. అనంతరం రంగనాయకుల మండపంలో వేదమంత్రోచ్ఛారణతో వేద పండితులు ఆశీర్వదించారు. అనంతరం శ్రీవారి తీర్థప్రసాదాలు, చిత్రపటాన్ని అందజేశారు.

           ఈ కార్యక్రమంలో ఉపముఖ్యమంత్రి  నారాయణ స్వామి, మంత్రులు  పెద్దిరెడ్డి రామచంద్రారెడ్డి,  సత్యనారాయణ,  వేణుగోపాలకృష్ణ,  రోజా, ఎంపిలు  మిథున్ రెడ్డి,  రెడ్డెప్ప, తిరుప‌తి ఎమ్మెల్యే, భూమన కరుణాకర్ రెడ్డి, సూళ్లూరుపేట ఎమ్మెల్యే కిలివేటి సంజీవయ్య  ప‌లువురు ధ‌ర్మ‌క‌ర్త‌ల మండ‌లి స‌భ్యులు, జెఈవో శ్రీ వీర‌బ్ర‌హ్మం, సివిఎస్వో శ్రీ న‌ర‌సింహ‌కిషోర్ తదితరులు పాల్గొన్నారు.

తిరుపతి జిల్లా, సూళ్లూరుపేట:- శరన్నరాత్రులలో  రెండవ రోజు ఉత్సవాల్లో భాగంగా శ్రీ శ్రీ శ్రీ చెంగాళమ్మ పరమేశ్వరి  అమ్మవారికి ఆలయ చైర్మన్ దువ్వూరు బాలచంద్రా రెడ్డి సమక్షంలో, కార్యనిర్వహణాధికారి ఆళ్ళ శ్రీనివాస రెడ్డి పర్యవేక్షణలో చండియాగం నిర్వహించారు. ఈ చండీయాగానికి ఉభయకర్తలుగా సూళ్లూరుపేట పట్టణానికి చెందిన  చిట్టెటి పెరుమాళ్ళు, శ్రీమతి గోవిందమ్మ దంపతులు ఉభయకర్తలగా వ్యవహరించారు. ఈ కార్యక్రమములో కళత్తూరు జనార్ధన్ రెడ్డి, ఆలయ ధర్మకర్తల మండలి సభ్యులు ముప్పాళ చంద్రశేఖర్ రెడ్డి, వంకా దినేష్ కుమార్, మన్నేముద్దు పద్మజ తదితరులు పాల్గొన్నారు.

 శ్రీ చెంగాళమ్మ కు పరమేశ్వరి అలంకారం.
 
గొల్లలములువు నుండి అమ్మణ్ణికి సారె.

తిరుపతి జిల్లా.
సూళ్లూరుపేట:-

 కాళ్ళంగి నది ఒడ్డున వెలసి ఉన్న భక్తుల కొంగుబంగారం దక్షిణముఖ కాళీ తెలుగు, తమిళ ఆరాధ్య దైవం శ్రీ చెంగాళమ్మ పరమేశ్వరి ఆలయం లో జరుగుతున్న
శరన్నవరాత్రి వేడుకల్లో భాగంగా సోమవారం సాయంత్రం గొల్లలములువు గ్రామం నుండి
అమ్మణ్ణికి ఆడపడుచు సారెను గ్రామస్థులు డప్పులు, మంగళ వాయిద్యాలతో  ఊరేగింపుగా చెంగాలమ్మ ఆలయం వద్దకు తీసుకువచ్చారు. ముందుగా గ్రామంలో సారె కు పూజలు చేసి గ్రామస్తులంతా కలిసి ఆలయ చైర్మన్ దువ్వూరు బాలచంద్ర రెడ్డి కి, ఈఓ ఆళ్ల శ్రీనివాసులు రెడ్డి తో పాటు ట్రస్ట్ సభ్యులకు ,వేనాటి సతీష్ రెడ్డికి శాలువాలు కప్పి
గ్రామమర్యాదలు అందించారు.అనంతరం గొల్లలములువు గ్రామం నుండి గ్రామస్తులు
డప్పు వాయిద్యాలతో, వీర జాటీలతో సందడి చేస్తూ ఆలయం వరకు సారెను తీసుకొచ్చారు,ఆలయం వద్ద మాజీ ఆలయ చైర్మన్ వేనాటి రామచంద్ర రెడ్డి
సారె కార్యక్రమం లో పాల్గొని చెంగాళమ్మ చెట్టు వద్ద పూజలు చేశారు,అనంతరం మహిళలంతా అమ్మణ్ణి సన్నిధి లోకి చేరుకొని సారెను స్వయంగా అమ్మణ్ణికి సమర్పించారు.

అమ్మణ్ణికి పరమేశ్వరి అలంకారం

దసరా వేడుకల్లో భాగంగా మొదటి రోజు అమ్మణ్ణికి పరమేశ్వరి అలంకారం చేశారు, ఆలయ
చైర్మన్ , ఈఓ ఆలయంలో జ్యోతి వెలిగించి వేడుకలను ప్రారంభించారు.అనంతరం వేదపండితులు
అలంకార పూజలు చేసి హారతులిచ్చారు, ఈ సందర్భముగా జరిగిన కుంకుమ పూజల్లో
ఉభయదాతలు పాల్గొన్నారు, అలంకార ఉభయదాతలు శింగన ఓబుల్ రెడ్డి దంపతులు
కాగా ఈ వేడుకల్లో ఆలయ ట్రస్ట్ సభ్యులు ముప్పాళ్ల చంద్ర శేఖర్ రెడ్డి,వంకా దినేష్ కుమార్ యాదవ్,ఓలేటి బాల సత్యనారాయణ,మన్నెముద్దు పద్మజ, బండి సునీత తదితరులు పాల్గొన్నారు.

 దొరవరిసత్రం రవికిరణాలు న్యూస్... రాష్ట్రములో అక్కాచెల్లిలా వారి కళ్లపై స్వధాగా నిలబడాలని మరియు వ్యాపార వేత్తలుగ నిలబడాలని ముఖ్యమంత్రి వైఎస్ జగన్మోహన్ రెడ్డి మహిళ సంక్షేమానికి అమలు చేస్తారని సూళ్లూరుపేట శాసనసభ్యులు కిలివేటి సంజీవయ్య గారు అన్నారు. స్థానిక ధర వారి సత్రం మండలంలో ఎంపీపీ ఆఫీసు నందు సోమవారం వైయస్సార్సీపి చేయూత పథకం ద్వారా లబ్ధిదారులకు చెక్కును పంపిణీ చేశారు. ఈ కార్యక్రమంలో ఎమ్మార్వో గోపీనాథ్ రెడ్డి మరియు ఎంపీడీవో సింగయ్య ఆధ్వర్యంలో ఎమ్మెల్యే కిలివిడి సంజీవయ్య గారికి పూల బాటలతో ఘన స్వాగతం పలికారు. ఈ సందర్భంగా కిలివేటి సంజీవ గారు మాట్లాడుతూ రాష్ట్ర వ్యాప్తంగా 26 ,39, 703 కుటుంబంలోని మహిళలకు ఇప్పటివరకు చేయూత ద్వారా రూ 14 .110 .62 కోట్లు అందించారని మూడేళ్ల లబ్ధిదారులకు 56 .250 అందించిన ఘనత జగనన్న పాలనకే సాధ్యపడిందన్నారు. చేయూత పథకం ద్వారా అందించిన నిధులు చిన్నచిన్న వ్యాపారులు, ఇతర అవసరాలకు ఉపయోగించుకుంటున్నం అంటున్నారు. ఈ కార్యక్రమంలో కిలి వేటి సంజీవయ్య గారు మాట్లాడుతూ దొరవారి సత్రం  మండలంలో వైఎస్ఆర్సిపి చేయూత కార్యక్రమంలో భాగంగా 2.380 మంది అక్క చెల్లెలకు రూ.4.46. కోట్లు చెక్కును అందజేసిన కిలివేటి సంజీవయ్య గారు చేయడం జరిగింది. ఈ కార్యక్రమంలో చెంగాలమ్మ  ట్రస్ట్ బోర్డ్ చైర్మన్ దువ్వూరు బాలచంద్రారెడ్డి గారు , ఎంపీపీ దువ్వూరు గోపాల్ రెడ్డి గారు, ఎమ్మార్వో గోపీనాథ్ రెడ్డి గారు, ఎంపీడీవో సింగయ్య గారు, మండల కన్వీనర్ శ్రీనివాస రెడ్డి గారు, మునస్వామి నాయుడు గారు, తదితర సర్పంచులు ఈ కార్యక్రమంలో పాల్గొన్నారు.

 షార్ లో ఘనంగా ప్రొఫెసర్ సతీష్ ధావన్ జయంతి వేడకలు.

తిరుపతి జిల్లా, (సూళ్లూరుపేట) శ్రీహరికోట:-

   ప్రొఫెసర్ సతీష్ ధావన్ జయంతి వేడుకలో భాగంగా, ఈరోజు 26 సెప్టెంబర్ 2022న శ్రీహరికోటలోని MRK ఆడిటోరియంలో స్మారక ఉపన్యాసం ఏర్పాటు చేయబడింది.
స్పేస్ కమిషన్ సభ్యుడు డా.కె.రాధాకృష్ణన్ స్మారక ఉపన్యాసం ఇచ్చారు. అతను లెజెండరీ స్పేస్ సైంటిస్ట్‌తో తన జ్ఞాపకాలను నెమరువేసుకున్నాడు. ఇస్రో కోసం ప్రొఫెసర్ ధావన్ చేసిన కృషి మరియు సంస్థలో ఆయన తీసుకొచ్చిన ప్రత్యేక సంస్కృతి గురించి కూడా ఆయన వివరించారు.
కార్యక్రమంలో డైరెక్టర్, SDSC షార్ అధ్యక్షతన జరిగింది మరియు ఉద్యోగులందరూ పాల్గొన్నారు.

దొరవారి సత్రం రవికిరణాలు న్యూస్ :- దొరవారిసత్రం మండల పరిధిలోని బూదూరు గ్రామానికి చెందిన ఒకే కుటుంబ సభ్యులైన ముగ్గురిపై ఆదివారం కేసు నమోదు చేయడం జరిగింది. వివరాల మేరకు ఆ గ్రామంలో ఈనెల 4 తేదీన ఆ గ్రామ దళితులకు అగ్రవర్ణాల వారికి మధ్య జరిగిన వివాదంలో ఆ గ్రామ దళితులు ముగ్గురిపై కుల దూషణ కేసు నమోదు చేయాలని 5 తేదీన పోలీస్ స్టేషన్లో ఫిర్యాదు ఇవ్వడం జరిగింది. ఈ ఫిర్యాదు మేరకు  పోలీసులు విచారించి ఆ గ్రామ కాపురస్తులైన గడ్డం. ప్రభాకర్ రెడ్డి, గడ్డం వెంకటరమణారెడ్డి, గడ్డం జ్యోతి లపై కుల దూషణ కేసు  నమోదు చేయడం జరిగిందన్న సమాచారం.