Ravikiranalu TV

 మద్యం కుటుంబాలను కుదిపేస్తోంది
పవనన్న ప్రజాబాటలో కేతంరెడ్డి వినోద్ రెడ్డి వద్ద ఆవేదన చెందిన మహిళలు
మద్యనిషేధం చేస్తామని నమ్మించి మోసగించిన జగన్ కి ఈ సారి ఓటేసే ప్రసక్తే లేదని పవన్ కళ్యాణ్ ని సీఎం చేసుకుంటామని స్పష్టం చేసిన మహిళలు
నెల్లూరు సిటీ నియోజకవర్గంలో జనసేన పార్టీ నాయకులు కేతంరెడ్డి వినోద్ రెడ్డి నిర్విరామంగా సాగిస్తున్న పవనన్న ప్రజాబాట ప్రతి ఇంటికీ తిరిగే కార్యక్రమం 21వ రోజున 3వ డివిజన్ పూర్తి చేసుకుని 4వ డివిజన్ లోకి ప్రవేశమైంది. స్థానిక మారుతి నగర్, కుందేళ్ళ ఫారం రోడ్డు ప్రాంతంలో ప్రతి ఇంటికి వెళ్లి ప్రతి కుటుంబాన్ని పలుకరించి వారి సమస్యలను అధ్యయనం చేసి పరిష్కారం దిశగా పోరాడుతామని కేతంరెడ్డి వినోద్ రెడ్డి ప్రజలకు భరోసా కల్పించారు.

ఈ సందర్భంగా కేతంరెడ్డి వినోద్ రెడ్డి వద్ద పలువురు మహిళలు మద్యం కారణంగా తమ కుటుంబాల్లో ఏర్పడుతున్న సమస్యల గురించి వివరించి ఆవేదన చెందారు. గతంలో ప్రతిపక్ష నేతగా పాదయాత్ర చేసిన జగన్ తమ మేనిఫెస్టోలో మద్యపాన నిషేధం చేస్తామని మాట ఇచ్చారని, అధికారం చేపట్టి సీఎం అయ్యాక మద్యపాన నిషేధం కాస్తా మద్యపాన నియంత్రణ అంటూ మార్చారని అన్నారు. పోనీ నియంత్రణ ఏమైనా చేస్తున్నారా అంటే లేదని, ప్రభుత్వ దుకాణాలను ఎక్కడపడితే అక్కడ ప్రారంభించారని, వాటికి తోడు ఎలైట్ షాపుల పేరుతో మరిన్ని దుకాణాలు తెచ్చి మద్యపానాన్ని పెంచి పోషిస్తున్నారని కేతంరెడ్డి ఎదుట మహిళలు వాపోయారు. గతంలో 80 రూపాయలు ఉండే చీప్ లిక్కర్ క్వాటర్ రేటు ఇప్పుడు 200 రూపాయలకు పైగా పెంచారని, పైపెచ్చు అది పిచ్చి మద్యం కావడంతో తమ భర్తలకు అనారోగ్య సమస్యలు ఎక్కువైపోయాయని మహిళలు ఆవేదన చెందారు. ఇళ్లల్లో మగాళ్ళు మద్యం మానట్లేదని, దాంతో అధిక రేటుకి మద్యం కొని ఆర్ధిక సమస్యలు, పిచ్చి మద్యం తాగి ఆరోగ్య సమస్యలతో ఆసుపత్రుల పాలవుతూ తమ కుటుంబాలు చిన్నాభిన్నం అవుతున్నాయని వారు ఆవేదన వ్యక్తం చేసారు. మద్యనిషేధం చేస్తామని నమ్మించి మోసగించిన జగన్ కి ఈ సారి ఓటేసే ప్రసక్తే లేదని ఎప్పుడు ఎన్నికలు జరిగినా ఈసారి ఖచ్చితంగా పవన్ కళ్యాణ్ గారికి అండగా నిలబడి జనసేన పార్టీకి ఓట్లు వేసి పవనన్నను ముఖ్యమంత్రి చేసుకుంటామని పవనన్న ప్రజాబాటలో కేతంరెడ్డి వినోద్ రెడ్డికి మహిళలు స్పష్టం చేసారు. 

 పదిలో  పొదలకూరుకు రాష్ట్ర ప్రధమ స్థానం...
594/600 మార్కులు సాధించి సత్తా చాటిన తోట జయలక్ష్మి పలువురి అభినందనలు

పొదలకూరు:     పొదలకూరు పట్టణానికి చెందిన తోట మల్లికార్జున్ రావు కుమార్తె జయలక్ష్మి ఈరోజు విడుదలైన పదవతరగతి పరీక్షా ఫలితాల్లో 600 మార్కులు గాను 594 మార్కులు సాధించి రాష్ట్రస్థాయిలో ప్రధమ స్థానంలో నిలిచింది.  నెల్లూరులోని vowell-14 ఇంగ్లీష్ మీడియం  స్కూల్ లో చదివిన జయలక్ష్మి అక్కడి  ఉపాధ్యాయుల ఉత్తమ విద్యాబోధనతోనే ఇంతటి ఫలితాలు సాదించగలిగిందని విద్యార్థి మల్లికార్జున్ రావు తెలిపారు. రాష్ట్ర స్థాయిలో ప్రధమ స్తానం సాధించిన చిన్నారి జయలక్ష్మిని vowell-14 పాఠశాల కరస్పాండెంట్ వేణు గారు, ఆ పాఠశాల ఉపాధ్యాయులు అభినందించారు. పడవ తరగతి పరీక్షా ఫలితాల్లో  రాష్ట్ర స్థాయిలో ప్రధమ స్థానం సాధించి పొదలకూరుకు గుర్తింపు తెచ్చిన జయలక్ష్మికి, ఉత్తమ ఫలితాలు సాధించేందుకు ప్రోత్సహించిన విద్యార్థి తండ్రి తోట మల్లికార్జున్ రావుకు పలువురు  మిత్రులు, పట్టణ ప్రజలు అభినందనలు తెలిపారు.

 నాయుడుపేటలో నూతనంగా ప్రారంభమైన కమల సూపర్ స్పెషాలిటీ దంత వైద్యశాల

తిరుపతి జిల్లా నాయుడుపేట లో సూళ్లూరుపేట నియోజకవర్గం శాసనసభ్యులు మరియు టిటిడి బోర్డు మెంబర్ శ్రీ కిలివేటి సంజీవయ్య గారి చేతుల మీదగా  నూతనంగా ప్రారంభమైన కమల సూపర్ స్పెషాలిటీ దంత వైద్యశాల,గత ఏడు సంవత్సరాల నుండి కోట మండలం మరియు చుట్టుపక్కల ప్రాంతాలవారికి ప్రత్యేకమైన సేవలు అందించిన కమలా సూపర్ స్పెషాలిటీ దంత వైద్యశాల, అలాగే నాయుడుపేట మరియు చుట్టుపక్కల ప్రాంతాల వారికి మా ప్రత్యేకమైన సేవలు అందించాలని, నాయుడుపేట కాళహస్తి బైపాస్ రోడ్డు PVS హాస్పిటల్ ఎదురుగా మా హాస్పిటల్ ని ప్రారంభించడం జరిగిందని డాక్టర్ కమల తెలియజేశారు, మా హాస్పిటల్ నందు, అన్ని రకాల దంత వైద్య పరీక్షలు చేయబడును అని డాక్టర్ కమల అన్నారు, నాయుడుపేట మరియు చుట్టుపక్కల ప్రజలు మా హాస్పిటల్ సేవలను సద్వినియోగం చేసుకోవాలని ఆమె పిలుపునిచ్చారు

 నాయుడుపేటలో నక్కల వాళ్ల సెంటర్ ను ఖాళీ చేయించిన ప్రభుత్వ అధికారులు

తిరుపతి జిల్లా నాయుడుపేట టౌన్ లోని నక్కల వాళ్ళ సెంటర్ ను,కోర్టు ఆదేశాల మేరకు ఖాళీ చేయించిన ప్రభుత్వ అధికారులు, నాయుడుపేట మున్సిపల్ కమిషనర్ లింగారెడ్డి చంద్రశేఖర్ రెడ్డి మరియు నాయుడుపేట సి ఐ సోమయ్య ఎస్ఐ కృష్ణారెడ్డి మరియు పోలీసు బలగాలు  ఆధ్వర్యంలో, నక్కల వాళ్ళ సెంటర్ ను ఈరోజు ఉదయం ఖాళీ చేయించడం జరిగింది,

తిరుపతి జిల్లా. సూళ్లూరుపేట : పట్టణంలోని సూళ్లూరుపేట వైయస్సార్ సి పి మండల కార్యాలయం నందు నేడు మండల అధ్యక్షుడు అల్లూరు అనిల్ రెడ్డి జన్మదిన వేడుకలను వైయస్సార్ సీపీ నాయకులు, అభిమానులు, కార్యకర్తలు మధ్య ఘనంగా నిర్వహించారు. ఈ కార్యక్రమానికి సూళ్లూరుపేట ఎమ్మెల్యే కిలివేటి సంజీవయ్య విచ్చేసి ఆయనకు పూలమాలలు వేసి శాలువాతో సత్కరించి జన్మదిన శుభాకాంక్షలు తెలియజేశారు. మండల అధ్యక్షుడు జన్మదిన వేడుకలు సందర్భంగా పార్టీ కార్యాలయంలో జన సమూహంతో కోలాహలంగా తరలివచ్చిన పూలమాలలతో శాలువాతో సత్కరించి జన్మదిన శుభాకాంక్షలు తెలియజేశారు. పార్టీ కార్యాలయంలో కార్యకర్తలు అభిమానులు ఆయన జన్మదిన వేడుకలను పండుగలా నిర్వహించారు.
అనంతరం సూళ్లూరుపేట కాళ్లంగి నది ఒడ్డున వెలసి ఉన్న భక్తుల కొంగు బంగారం, భక్తులు కోర్కెలు తీర్చే కల్పవల్లి శ్రీ శ్రీ శ్రీ చెంగాళ్ళమ్మ తల్లి దర్శించుకున్నారు.
 మండల అధ్యక్షుడు అల్లూరు అనిల్ రెడ్డి కి  ఆలయ ఈవో ఆళ్ళ శ్రీనివాసులు రెడ్డి స్వాగతం పలికి జన్మదిన శుభాకాంక్షలు తెలిపారు. ముందుగా గోమాత పూజ చేసి అనంతరం అమ్మవారికి ప్రత్యేక పూజలు నిర్వహించి శాలువాతో సత్కరించి ప్రసాదాలు అందజేశారు. ఈ జన్మదిన వేడుకలలో సూళ్లూరుపేట మున్సిపల్ వైస్ చైర్మన్ చిన్ని సత్యనారాయణ, వైయస్ఆర్ సిపి నాయకులు జెట్టి వేణు యాదవ్, మున్సిపల్ కౌన్సిలర్ మీజూరు రామకృష్ణ, కో ఆప్షన్ సభ్యులు కళత్తూరు శేఖర్ రెడ్డి, నాయుడుపేట,తడ  మండల అధ్యక్షులు, మరియు నియోజకవర్గంలోని అన్ని మండలాల వైయస్సార్ సిపి నాయకులు, కార్యకర్తలు, అభిమానులు పాల్గొన్నారు.

ఆంధ్రప్రదేశ్ నుండి రాజ్యసభకు ఎంపికైన నలుగురు అభ్యర్ధులను ప్రకటించిన భారత ఎన్నికల సంఘం  నామినేషన్ వేసిన డాక్టర్ శ్రీ బీద మస్తాన్ రావు, శ్రీ విజయసాయి రెడ్డి, శ్రీ నిరంజన్ రెడ్డి మరియు శ్రీ కృష్ణయ్య మొదలగు నలుగురూ ఏకగ్రీవంగా ఎన్నికైనట్లు ప్రకటించిన రిటర్నింగ్ ఆఫీసర్  గెలుపొందినట్లు పత్రాలను పొందిన నలుగురు అభ్యర్ధులు గౌరవ ముఖ్యమంత్రి  గారిని క్యాంపు కార్యాలయంలో కలసి ధన్యవాదాలు తెలిపిన డాక్టర్ శ్రీ బీద మస్తాన్ రావు
ఈరోజు 3-06-2022 తేదిన నామినేషన్ ఉపసంహరణ పిదప వైయ‌స్సార్‌సీపీ అభ్యర్దులుగా రాజ్యసభకు నామినేషన్ వేసిన డాక్టర్ శ్రీ బీద మస్తాన్ రావు, శ్రీ విజయసాయి రెడ్డి, శ్రీ నిరంజన్ రెడ్డి మరియు శ్రీ కృష్ణయ్య ఏకగ్రీవంగా ఎన్నికైనట్లు ఎన్నికల రిటర్నింగ్ అధికారి శ్రీ పివి సుబ్బారెడ్డి ప్రకటించారు. గెలుపొందినట్లు పత్రాలను నలుగురు అభ్యర్ధులకు రిటర్నింగ్ అధికారి శ్రీ పివి సుబ్బారెడ్డి అందించారు. ఈ కార్యక్రమములో మంత్రివర్యులు శ్రీ వేణుగోపాల కృష్ణ, శ్రీ ఉమ్మారెడ్డి వెంకటేశ్వర్లు,
ఆఫ్కాఫ్ చైర్మన్ శ్రీ కొండూరు అనిల్ బాబు, బిసి రాష్ట్ర నాయకులు శ్రీ దేవరాల సుబ్రహ్మణ్యం
మొదలగు వారు పాల్గొని రాజ్యసభకు ఎంపికైన డాక్టర్ శ్రీ బీద మస్తాన్ రావు, శ్రీ విజయసాయి రెడ్డి, శ్రీ నిరంజన్ రెడ్డి మరియు శ్రీ కృష్ణయ్య ను అభినందించారు. పిదప డాక్టర్ శ్రీ బీద మస్తాన్ రావు గౌరవ ముఖ్యమంత్రి శ్రీ వై ఎస్ జగన్ మోహన్ రెడ్డి గారిని క్యాంప్ కార్యాలయంలో కలసి ధన్యవాదాలు తెలిపారు.

డాక్టర్ శ్రీ బీద మస్తాన్ రావు మాట్లాడుతూ బిసిలలో యాదవ సామజిక వర్గానికి ఇప్పటివరకు ఏ పార్టీ ఇవ్వని అవకాశాన్ని నాకు ఇచ్చి రాజ్యసభకు అభ్యర్ధి గా ఎంపిక చేసినందుకు మన గౌరవ ముఖ్యమంత్రి శ్రీ వై ఎస్ జగన్ మోహన్ రెడ్డి గారికి కృతజ్ఞలు తెలిపారు. ముఖ్యమంత్రి గారి నమ్మకాన్ని వమ్ము చేయకుండా తనవంతు కృషిగా బిసి, ఎస్సి, ఎస్టి, మైనారిటీల సమస్యల పరిష్కారానికి పనిచేస్తానని, మన రాష్ట్ర  అంశాలను రాజ్యసభలో లేవదీసి వాటి పరిష్కారానికి దోహదపదతానని చెప్పారు.డాక్టర్ శ్రీ బీద మస్తాన్ రావు మాట్లాడుతూ శ్రీ వైయ‌స్ జ‌గ‌న్మోహన్ రెడ్డి గారు ముఖ్య‌మంత్రిగా ప‌ద‌వీ బాధ్య‌త‌లు చేప‌ట్టి మూడేళ్లు పూర్తయిందని, మనసా, వాచా మన ముఖ్యమంత్రి గారు  మేనిఫెస్టో అమలుకే ప్రాధాన్యం ఇస్తూ రాజకీయాల్లో కొత్త చరిత్ర రాస్తున్నారని చెప్పారు. ఈ మూడేళ్లలో ఆంధ్రప్రదేశ్‌ ఒక కొత్త చరిత్రను రాసుకుంటూ ముందుకెళుతోందని, విద్య, వైద్యం, వ్యవసాయం వంటి ప్రధాన రంగాల్లో సమూల మార్పులు మొదలయ్యాయిని డాక్టర్ బీద మస్తాన్ రావు తెలిపారు.
ఎలాంటి సంక్షోభ సమయంలోనైనా పేదల బతుక్కి ఢోకా లేదన్న భరోసా ఈ రాష్ట్రంలో మాత్రమే ఉందని, ఏ ఆధారం లేని వృద్ధులు సహా పలు వర్గాలకు ఠంచన్‌గా ఒకటో తేదీనే పింఛను నడుచుకుంటూ ఇంటికొస్తోందని చెప్పారు. ప్రతినెల మొదటి రోజున 60.75 లక్షల మందికి 1543.80 కోట్ల రూపాయలను గ్రామ, వార్డు సచివాలయ్లలోని వాలంటీర్ల ద్వారా పంపిణి చేస్తున్న ఘనత మన ముఖ్యమంత్రి శ్రీ జగన్మోహన్ రెడ్డి గారికే దక్కుతుందని చెప్పారు.పిల్లల్ని బడికి పంపితే ప్రతి తల్లికి 15000 ఇస్తానని హామీ ఇచ్చి ఆర్థిక ఇబ్బందులు ఉన్నపటికీ ప్రతి తల్లికి డబ్బు ఇస్తూ అది సాధ్యమని నిరూపించారు మన ముఖ్యమంత్రి గారు. ప్రభుత్వ బడులను నాడు – నేడు కింద బాగు చేయడం ద్వారా విద్యా వ్యవస్థలో విప్లవాత్మక మార్పులకు శ్రీకారం చుట్టారు మన ముఖ్యమంత్రి గారు. వాటికి కార్పొరేట్ లుక్ తతెచ్చిన  ఘనత మన ముఖ్యమంత్రి గారిదే అని డాక్టర్ మస్తాన్ రావు తెలిపారు.చేయూత కింద స్వయం ఉపాధి నిమిత్తం మహిళలకు 18500 రూపాయలను ఇస్తున్నారని, చేతిపనులు చేసే వివిధ వర్గాలవారికి నేస్తం పేరుతో మన ముఖ్యమంత్రి  ఆర్ధిక సహాయం చేస్తున్నారని అన్నారు.

దాదాపు 31 లక్షల మందికిపైగా పేద కుటుంబాల సొంతింటి కల... స్వాతంత్య్రం వచ్చిన ఇన్ని దశాబ్దాల తరవాత నెరవేరుతోందని, మహిళలు చిరు వ్యాపారాలు సైతం చేస్తూ తమ కాళ్లపై తాము నిలబడ్డారని, ఇలా ఒకటేమిటి... చెప్పుకుంటూ పోతే మూడేళ్లలో ఈ రాష్ట్రం ఎన్నో మార్పులు చూసిందని, మూడేళ్ల కిందటి కంటే తామిప్పుడు బాగున్నామనేది ఆంధ్రప్రదేశ్ లో ప్రతి ఒక్కరూ ఒప్పుకుంటున్న నిజమని, మున్ముందు మరింత బాగుంటామన్న నమ్మకమూ ప్రజలకున్నదని డాక్టర్ బీద మస్తాన్ రావు చెప్పారు.  మూడేళ్ల కిందట మే 30న ముఖ్యమంత్రిగా బాధ్యతలు చేపట్టిన శ్రీ  వై.య‌స్‌. జగన్‌మోహన్‌ రెడ్డి గారు చేపట్టిన అభివృద్ధికిచ్చే నిర్వచనమిదే అని డాక్టర్ బీద మస్తాన్ రావు అన్నారు. ఎన్నికల్లో ఇచ్చిన హామీలు మళ్లీ ఎన్నికల ముందు మాత్రమే నేతలకు గుర్తుకు రావటమన్నది గతమంతా చూసిన చరిత్ర. కాని శ్రీ వైయ‌స్‌ జగన్‌మోహన్ రెడ్డి గారు దీనికి ఫుల్‌స్టాప్‌ పెట్టారు. మేనిఫెస్టోలో చెప్పింది చెయ్యటమే తన పరిపాలన అజెండాగా పెట్టుకున్నారని, మాట తప్పకూడదన్న చిత్తశుద్ధితో తొలిరోజు నుంచే హామీల అమలుకు నడుంకట్టారని, అందుకే మూడేళ్లలో నవరత్నాల ద్వారా 95 శాతానికి పైగా హామీలను అమలు చేయగలిగారని మస్తాన్ రావు అన్నారు.

గత ప్రభుత్వం రాష్ట్రాన్ని రెండున్నర లక్షల కోట్ల అప్పుల్లో ముంచేసి, మరో 42వేల కోట్లు బకాయిలు పెట్టినా, పులిమీద పుట్ర మాదిరి మూడేళ్లుగా కోవిడ్‌ మహమ్మారి విజృంభించి రాష్ట్ర‌ ఆదాయం తగ్గిపోయినా, సంక్షోభంలో సైతం జన జీవనాలు తల్లకిందులు కాకూడదన్న ఉద్దేశంతో వివిధ సంక్షేమ, అభివృద్ధి పథకాల ద్వారా రూ.1.40 లక్షల కోట్లను నేరుగా జనం ఖాతాల్లోకి మన ప్రియతమ ముఖ్యమంత్రి బదిలీ చేశారని, వీటి లబ్దిదారులను కుల, మత, రాజకీయాలకు తావు లేకుండా అర్హతే ప్రామాణికంగా వైయ‌స్‌ఆర్‌ నవశకం పేరిట ఇంటింటి సర్వే చేయించి మరీ ఎంపిక చేశారని, అందుకే ఈ మొత్తంలో పైసా కూడా పక్కదోవ పట్టకుండా నేరుగా అర్హుల్ని చేరిందని డాక్టర్ బీద మస్తాన్ రావు తెలియ చేసారు. గౌరవ ముఖ్యమంత్రి గారు తనకిచ్చిన అవకాశానికి డాక్టర్ బీద మస్తాన్ రావు మరొక్కసారి ధన్యవాదాలు తెలిపారు. 

గూడూరు పంచాయతీ రాజ్ కార్యాలయంలో ఇ. ఇ. గా బాధ్యతలు చేపట్టిన  గిరినాధ్ గతంలో గూడూరు పంచాయతీ రాజ్ డి.ఇ. ఇ గా పనిచేసిన గిరినాధ్  పదోన్నతి పై కర్నూలు కు బదిలీ అయిన గిరినాధ్   మరలా గూడూరు పంచాయతీ రాజ్ ఇ.ఇ గా గిరినాధ్ పదవి బాధ్యతలు   ఇ.ఇ  గిరినాధ్ ను సన్మానించిన అధికారులు, సిబ్బంది  పంచాయతీ రాజ్ ఇ. ఇ గా శ్రీ గిరినాధ్ బాధ్యతలు స్వీకరణ.

గూడూరు పంచాయతీ రాజ్ ఇ. ఇ. గా గిరినాధ్ శుక్రవారంగూడూరు పట్టణంలోని పంచాయతీ రాజ్ కార్యాలయంలో బాధ్యతలు స్వీకరించారు. ఈయన గతంలో గూడూరు పంచాయతీ రాజ్ డి.ఇ. ఇ గా పనిచేశారు. పదోన్నతి పై కర్నూలు కు బదిలీ పై వెళ్లారు.మరలా ఇప్పుడు సాధారణ బదిలిలో భాగంగా గూడూరు పంచాయతీ రాజ్ ఇ.ఇ గా పదవి బాధ్యతలు చేపట్టారు.

 ఈ సందర్భంగా రాష్ట్ర  పంచాయతీ రాజ్ డిప్లొమో ఇంజినీర్లు సంఘం గౌరవ అధ్యక్షుడు షేక్ రియాజ్ అహ్మద్ , డి.ఇ.ఇ రవీంద్ర కుమార్ , డి.ఏ.ఓ ప్రవీణ్ కుమార్  , పి.ఏ టూ ఇ.ఇ, డి.ఈ లు కృష్ణ బాబు , రామచంద్రయ్య ,  డివిజన్ ఇంజినీర్లు , కార్యాలయ సిబ్బంది కలిసి పుష్ప గుచ్ఛం ఇచ్చి శుభాకాంక్షలు తెలియచేశారు.

 ఈ సందర్భంగా షేక్ రియాజ్ అహ్మద్ మాట్లాడుతూ గూడూరు పంచాయతీ రాజ్   ఇ.ఇ గా శ్రీ గిరినాధ్ బాధ్యతలు చేపట్టడం ఎంతో సంతోషంగా ఉందన్నారు. అనంతరం పంచాయతీ రాజ్  ఇ.ఇ గిరినాధ్ మాట్లాడుతూ  డివిజన్ పై పూర్తి అవగాహన ఉందన్నారు. తమ శాఖ ద్వారా జరిగే అభివృద్ధి కార్యక్రమలతో డివిజన్ అభివృద్ధికి కృషిచేస్తామన్నారు.