Ravikiranalu TV

 మాతమ్మ గుడి అభివృద్ధి ప్రదాతలకు సన్మానం

పొదలకూరు

పొదలకూరు పంచాయతి పరిధిలోని లింగంపల్లి హరిజనవాడ నందు వెలసివున్న  మాతమ్మ తల్లి తిరునాళ్ళ సందర్భంగా గుడి నిర్మాణ దాతలైన గోసు శ్యామలమ్మ, బోగోలు భాస్కర్ రెడ్డి, కరియావుల శ్రీనివాసులు నాయుడు, కరియావుల నారప నాయుడు, నవీన్ కుమార్ అమ్మవారిని దర్శించుకొని ప్రత్యేక పూజలు నిర్వహించారు.తదుపరి గుడి నిర్మాణ దాతయైన మాజీ సర్పంచ్ గోసు.శ్యామలమ్మను, పెయింటింగ్ దాతైన కరియావుల శ్రీనివాసులు నాయుడు , బోగోలు భాస్కర్ రెడ్డి ,కర్రియవుల నారప నాయుడు లను గ్రామ ప్రజలు సన్మానం చేసి అభినందనలు తెలిపారు.  ఈ కార్యక్రమంలో లింగంపల్లి హరిజనవాడ వాసులు,గ్రామస్థులు పాల్గొన్నారు.

కేంద్ర ఆర్థిక మంత్రి నిర్మలా సీతారామన్‌ ప్రజలకు శుభవార్త చెప్పారు. పెరుగుతున్న పెట్రో భారాన్ని తగ్గిస్తున్నట్టు పేర్కొన్నారు. లీటర్‌ పెట్రోలుపై రూ.8, లీటర్‌ డీజిల్‌పై రూ.6 సెంట్రల్‌ ఎక్సైజ్‌ సుంకం తగ్గిస్తున్నామని ప్రకటించారు.
దీంతో లీటర్‌ పెట్రోలు ధర రూ.9.5, లీటర్‌ డీజిల్‌ రూ.7 వరకు తగ్గనుంది

సామాన్యులకు పెనుభారంగా మారిన పెట్రోల్, డీజిల్ ధరలపై కేంద్రం కీలక నిర్ణయం తీసుకుంది. పెట్రోల్, డీజిల్ పై ఎక్సైజ్ డ్యూటీ తగ్గించింది. లీటర్ పెట్రోల్ పై రూ.8, డీజిల్ పై రూ.6 ఎక్సైజ్ డ్యూటీ తగ్గించింది. తద్వారా ఇప్పుడు పెట్రోల్‌ పై లీటర్‌కు రూ. 9.5, డీజిల్‌పై రూ.7 తగ్గనుంది. ఈ మేరకు కేంద్ర ఆర్థిక శాఖ మంత్రి నిర్మలా సీతారామన్‌ స్పష్టం చేశారు. దేశంలో చమురు కంపెనీలు మే 21న పెట్రోల్ – డీజిల్ కొత్త ధరలను విడుదల చేశాయి. గత ఒకటిన్నర నెలలుగా వీటి ధరలు స్థిరంగా ఉన్నాయి. చివరిసారిగా ఈ రెండింటి ధరలను ఏప్రిల్ 6వ తేదీన పెంచారు. ఈ నేపథ్యంలో పెట్రోలు, డీజిల్ ధరల పెరుగుదలతో ఇబ్బందులు పడుతున్న వాహనదారులకుఈ వార్త ఊరట ఇచ్చింది.

దేశ ప్రజలు గతకొంత కాలంగా పెట్రోల్‌, డీజిల్ ధరల విషయంలో అసంతృప్తితో ఉన్న విషయం కాదనలేని సత్యం. ప్రజల్లో ఈ అసంతృప్తి రానున్న ఎన్నికల్లో ప్రభావం చూపిస్తుందన్న ఆలోచనతోనే కేంద్రం ఈ నిర్ణయం తీసుకుని ఉండొచ్చన్న అభిప్రాయాలు వ్యక్తం అవుతున్నాయి. ఏదేమైనా.. సామాన్యుడికి భారంగా మారిన పెట్రోల్, డీజిల్ ధరలు.. ఈ మాత్రమైనా తగ్గడం మంచి విషయంగా చెప్పుకోవచ్చు.

 నిర్వి కాలువ పనులు ప్రారంభించిన -ఎమ్మెల్యే కిలివేటి...
-27 కోట్లు అభివృద్ధి పనులకు భూమిపూజ -ఎమ్మెల్యే కిలివేటి
రైతుల అభివృద్ధి మా ధ్యేయం -ఎమ్మెల్యే కిలివేటి....
దొరవారిసత్రం రవి కిరణ్ ఆల్  న్యూస్ :- 27 కోట్ల రూపాయలతో నిర్వి కాలువ అభివృద్ధి పనులకు శనివారం సూళ్లూరుపేట నియోజకవర్గ ఎమ్మెల్యే టీటీడీ బోర్డు సభ్యులు కిలివేటి సంజీవయ్య మావిళ్ళ పాడు గ్రామ సమీపాన ఉన్న నేర్రి కాలువ ఇరుపక్కల లైనింగ్ చేయు పనులకు భూమి పూజ కార్యక్రమంలో పాల్గొనడం జరిగినది ఈ సందర్భంగా ముందుగా అభివృద్ధి పనికి భూమి పూజ నిర్వహించి అనంతరం ఆయనమాట్లాడుతూ ఈ కాల్వ పనులు మావిళ్ళ పాడు గ్రామ సమీపాన ప్రారంభమై తడ మండలం వాటం బేడు గ్రామ సమీపం వరకు మొత్తం 17 కిలోమీటర్లు దూరం ఈ కాలువకు ఇరుపక్కల లైనింగ్ చేయడం జరుగుతుందని తెలిపారు. ఇలా చేయడం వల్ల పడ్డ వర్షపు నీరు ఇంకిపోకుండా అక్కడే ఉండి రైతులు పండించే పంటకు సాగునీరు పుష్కలంగా అందుతుందని అన్నారు. మన ప్రియతమ ముఖ్యమంత్రి జగన్మోహన్ రెడ్డి రైతుల అభివృద్ధి చెందడమే ఆయన ధ్యేయం వ్యవసాయానికి పెద్ద పీట వేసిన ఘనత మన ముఖ్యమంత్రి కే దక్కుతుందని ఆయన అన్నారు ఈనేర్వి కాలువ పనులు రెండు నెలలు లోపల పూర్తిచేయాలని కాంట్రాక్టర్లకు సలహాలు సూచనలు అందించారు. ఈ కాలువ పనులు త్వరగా పూర్తి చేస్తున్నందుకు రైతులు హర్షం వ్యక్తం చేశారు. ఈ కార్యక్రమంలో సూళ్లూరుపేట చెంగాళమ్మ టెస్ట్ బోర్డ్ చైర్మన్ దువ్వూరు బాలచంద్రారెడ్డి సూళ్లూరుపేట మున్సిపల్ చైర్మన్ దబ్బల శ్రీమంత్ రెడ్డి ఎంపీపీలు అనిల్ రెడ్డి ధనలక్ష్మి జడ్పిటిసి సభ్యులు రమేష్ వైసిపి పార్టీ మండల అధ్యక్షులు శ్రీనివాసులు రెడ్డి సంబంధిత అధికారులు సూళ్లూరుపేట ఆర్డిఓ రోజ్ మడ్యం హౌసింగ్ డిఇ సత్యనారాయణ తాసిల్దార్ గోపిరెడ్డి దొరవారిసత్రం ఎస్ఐ అజయ్ కుమార్ సర్పంచ్ మధుసూదన్ రెడ్డి గోపిరెడ్డి నాయకులు ఓడూరు రమణారెడ్డి సురేష్ రెడ్డి తదితరులు పాల్గొన్నారు...

 గవర్నర్ పర్యటనకు పకడ్బందీగా ఏర్పాట్లు చేయాలి   జాయింట్ కలెక్టర్ హరేందిర ప్రసాద్

రాష్ట్ర గవర్నర్ పర్యటనకు ఎలాంటి లోటుపాట్లు లేకుండా ఏర్పాట్లు కట్టుదిట్టంగా చేయాలని  సంయుక్త కలెక్టర్ హరెందిర ప్రసాద్ అధికారులకు సూచించారు.

రాష్ట్ర గవర్నర్ బిశ్వభూషణ్ హరిచందన్  గారు ఈనెల 24వ తేదీన జిల్లాకు రానున్న నేపథ్యంలో జిల్లాలోని వెంకటాచలం మండలం కాకుటూరు లోని విక్రమ సింహపురి విశ్వవిద్యాలయంలో సంయుక్త కలెక్టర్ వివిధ ప్రభుత్వ శాఖల అధికారులతో సమీక్ష సమావేశం నిర్వహించారు.

ఈ సందర్భంగా  సంయుక్త కలెక్టర్ మాట్లాడుతూ  రాష్ట్ర గవర్నర్ పర్యటనకు సంబంధించి కేటాయించిన విధులను జాగ్రత్తగా నిర్వహించాలన్నారు. గవర్నర్ పర్యటించే విక్రమ సింహపురి విశ్వవిద్యాలయం, నెల్లూరులోని క్యాన్సర్ ఆస్పత్రి, పోలీస్ పెరేడ్ మైదానంలో గట్టి పోలీసు బందోబస్తు ఏర్పాట్లు చేయాలన్నారు. విశ్వవిద్యాలయం,నెల్లూరు పోలీస్ పెరేడ్ మైదానంలో హెలిప్యాడ్ లను పక్కాగా ఏర్పాటు చేయాలన్నారు.  ప్రోటోకాల్ ప్రకారం గౌరవ మర్యాదలకు ఎలాంటి లోటు లేకుండా ఏర్పాట్లు చేయాలన్నారు.

 గవర్నర్ పర్యటించే ప్రాంతాల్లో పారిశుద్ద్యం సజావుగా ఉండాలని, కాన్వాయ్ రాకపోకలకు,  విద్యుత్ సరఫరాకు అంతరాయం లేకుండా చూడాలని,  వైద్య బృందాలు, అగ్ని ప్రమాదాల నివారణ యంత్రాలు  సిద్ధం గా ఉంచుకోవడంతో పాటు మంచినీటి సరఫరాకు లోటులేకుండా పర్యవేక్షించాలన్నారు.  స్నాతకోత్సవం కార్యక్రమం జరిగే వేదిక సుందరంగా  తీర్చిదిద్దాలన్నారు.

అనంతరం  విశ్వవిద్యాలయంలో  ఉపకులపతి  చాంబరు హెలిపాడు, స్నాతకోత్సవం జరిగే ప్రదేశం సంయుక్త కలెక్టర్ పరిశీలించారు.

 ఈ సమావేశంలో మున్సిపల్ కమిషనర్ జాహ్నవి, విశ్వవిద్యాలయం రిజిస్ట్రార్ ఎల్ వి కె రెడ్డి తెలుగు గంగ ప్రత్యేక కలెక్టర్ బాపి రెడ్డి, నెల్లూరు కావలి ఆర్డిఓలు  కొండయ్య,  సీనానాయక్,  జడ్పీ సీఈఓ వాణి, డి ఆర్ డిఎ డ్వామా పి డి లు సాంబశివ రెడ్డి,  తిరుపతయ్య, విజిలెన్స్ డిప్యూటీ కలెక్టర్ సుధాకర్, డీఎస్ఓ  వెంకటేశ్వర్లు, డి ఎమ్ హెచ్ ఓ డాక్టర్ పెంచలయ్య, డి సి హెచ్ ఎస్ డాక్టర్ రమేష్ నాథ్ తదితర అధికారులు పాల్గొన్నారు.

 వి ఎస్ యూ యాంటి ర్యాగింగ్ పై అవగాహన సదస్సు
విక్రమ సింహపురి విశ్వవిద్యాలయ కళాశాల అధ్వర్యంలో 20.05.22వ తేదిన కళాశాల విద్యార్ధులకు యాంటి ర్యాగింగ్ పై అవగాహన సదస్సును నిర్వహించారు. ఈ సదస్సుకు
జాయింట్ కలెక్టర్ యంఎన్.హరింద్ర ప్రసాద్ గారు హాజరైనారు విద్యార్ధులు చిన్నప్పటి నుండే అనలిటికల్ స్కిల్ అభివృద్ధిచేసుకోవాలని, ప్రణాళిక బద్ధంగా చదవడం వలన విద్యార్ధులు నిర్దేశించుకొన్న లక్ష్యాలను సాధించాగలరని తెలియచేశారు. ఈ సందర్భంగా విద్యార్ధులు అడిగిన పలు సందేహాలను జాయింట్ కలెక్టర్ నివృత్తి చేశారు. జాయింట్ కలెక్టర్ తన విద్యార్ధి దశ అనుభవాలను  విద్యార్ధులతో పంచుకొన్నారు. విశిష్ట అతిధి డా బిందు మీనన్ మాట్లాడుతూ స్వల్పకాలిక అనందం కోసం సీనియర్ విద్యార్ధులు చేసే ర్యాగింగ్ వలన జూనియర్ విద్యార్ధుల ఆత్మస్థైర్యం దేబ్బతింటుందని, భవిష్యత్తులో ఇది ఇతర మనసిక రుగ్మతులకు దారి తీస్తుందని సోదాహరణంగా విరించారు. రిజిస్ట్రార్ డా ఎల్.విజయ క్రిష్ణ రెడ్డి గారు, మాట్లాడతూ విద్యార్ధులు క్రమ శిక్షణతో మెలగాలని తెలిపారు.  విద్యార్ధులకు కావలసిన సౌకర్యాలు కల్పిచడంలో విశ్వవిద్యాలయ అధికారులు తమవంతు కృషి చేస్తామని తెలియజేశారు.

ఈ కార్యక్రమనికి కళాశాల ప్రిన్సిపాల్ ఆచార్య విజయానంద్ బాబు అధ్యక్షత వహించారు కార్యక్రమ కన్వీనర్ డా యం. హనుమరెడ్డి, యాంటి ర్యాగింగ్  కమిటీ సభ్యులు డా పి.సుబ్బరామరాజు,డా వై.విజయ,డా మేరిసందిప డా యం.త్యాగరాజు,డా శ్రీకన్యరావు,మరియు కె.సునీత భోధన మరియు బోధనేతర సిబ్బంది తదితరులు పాల్గొన్నారు.

 తిరుపతి జిల్లా  నాయుడు పేట

 నాయుడుపేటలో, డా" వైయస్ఆర్ సంచార పశు ఆరోగ్య సేవ కార్యక్రమాన్ని ప్రారంభించిన కిలివేటి

 తిరుపతి జిల్లా నాయుడుపేట ఆర్ అండ్ బి గెస్ట్ హౌస్ లో సూళ్లూరుపేట నియోజకవర్గం ఎమ్మెల్యే, కిలివేటి సంజీవయ్య ఆధ్వర్యంలో డాక్టర్ వైఎస్ఆర్, సంచార పశు ఆరోగ్య సేవ కార్యక్రమం నిర్వహించారు ఈ కార్యక్రమంలో భాగంగా ఆయన మాట్లాడుతూ, సూళ్లూరుపేట నియోజకవర్గానికి,పశు ఆరోగ్య సేవ అంబులెన్స్ హెల్ప్ లైన్ నెంబర్ 1962 అందుబాటులో ఉంటుందని తెలియజేశారు
ఓజిలి,నాయుడుపేట, పెళ్లకూరు, సూళ్లూరుపేట, ప్రాంతాల ప్రజలు ఈ అంబులెన్స్ ద్వారా ప్రయోజనాలు పొందవచ్చని తెలియజేశారు, అనంతరం అంబులెన్స్ ను ప్రారంభించారు, ఈ కార్యక్రమంలో వైఎస్ఆర్సిపి పార్టీ నాయకులు, అధికారులు పెద్ద ఎత్తున పాల్గొని ఈ కార్యక్రమాన్ని జయప్రదం చేశారు

 గడప గడపకు విశేష ఆదరణ.....

 జగన్మోహన రెడ్డి పాలన పట్ల ప్రజలు సంతృప్తి వ్యక్తం...

 సమస్యలను అడిగి తెలుసుకుని అక్కడికక్కడే పరిష్కారానికి చర్యలు...

గడపగడపకు మన ప్రభుత్వం కార్యక్రమంలో పాల్గొన్న రాజమండ్రి పార్లమెంట్ సభ్యులు వైఎస్ఆర్సీపీ పార్లమెంటరీ చీఫ్ విప్ శ్రీ మార్గాని భరత్ రామ్..

జగన్మోహన రెడ్డి పాలనలో ప్రతి ఇంటికి సంక్షేమ పథకాలు అందుతున్నాయని  పేర్కొన్నారు..

శనివారము నాడు నాలుగోరోజు గడపగడపకు మన ప్రభుత్వం కార్యక్రమంలో సీనియర్ నాయకులు శ్రీమతి పోలు విజయలక్ష్మి అధ్వర్యంలో 34 వ వార్డ్ లో 60 వ సచివాలయం పరిధిలో రెడ్డీల పేట, పరిసర ప్రాంతాలను పర్యటించారు.

ముందుగా వార్డ్ లోని రామాలయం సందర్శించి స్వామి వారిని దర్శించుకుని ఆశీర్వాదం పొందారు.

ముఖ్యమంత్రి ప్రవేశపెట్టిన సంక్షేమ ఫలాలు ద్వారా లబ్దిపొందిన వివరాలను తెలుపుతూ ప్రభుత్వ ముద్రించిన కరపత్రాలు అందజేశారు

ఈ సందర్భంగా ఆయన ప్రతి ఇంటికి వెళ్లి ప్రభుత్వ పథకాలను వివరించారు.ప్రభుత్వం అమలు చేస్తున్న పథకాలపై ప్రజల స్పందన తెలుసుకున్నారు.

ఈ సందర్భంగా ఎంపీ భరత్ రామ్ మాట్లాడుతూ సీఎం జగన్ మోహన్ రెడ్డి పాలనలో పేదరికమే అర్హతగా భావించి అర్హులైన వారందరికీ సంక్షేమ పథకాలు అందించడం జరుగుతుందన్నారు.

కరోనా వంటి విపత్కర సమయంలో కూడా ప్రజలకు అన్ని సంక్షేమ పథకాలు అందించిన ఘనత వై.యస్ జగన్మోహన రెడ్డి గారికి దక్కుతుందన్నారు.

ప్రభుత్వం అమలు చేస్తున్న సంక్షేమ పథకాల తీరును క్షేత్ర స్థాయిలో పరిశీలించి లబ్ధిదారులకు నేరుగా అందుతున్నాయా లేదా? తెలుసుకోవడానికి ముఖ్యమంత్రి జగన్మోహన్ రెడ్డి గడపగడపకు మన ప్రభుత్వం కార్యక్రమం చేపట్టారన్నారు.

ఫీజు రీయింబర్స్‌మెంట్,వసతి దీవెన కింద ప్రభుత్వం పూర్తి స్థాయిలో ఆర్థిక సహకారం అందించడం వల్లే ఒక్క రూపాయి కూడా అప్పు చేయకుండా పిల్లలను ఉన్నత చదువులు చదివించుకోగలిగామని  ఆనందంతో ఎంపీ కి ప్రజలు తెలిపారు.

గడపగడపకు మన ప్రభుత్వం కార్యక్రమాల్లో ఏ గడపకు వెళ్లిన జగన్ మోహన్ రెడ్డి పాలన పట్ల విశేష స్పందన కనపడుతుందన్నారు.ఏమైనా సమస్యలు ఉంటే వెంటనే అధికారుల సమక్షంలో పరిష్కారం చూపుతున్నామన్నారు.

డాక్టర్ వైఎస్ఆర్ సంచార పశు వైద్య సేవా వాహనాన్ని 34 వ వార్డ్ నందు ప్రారంభించిన ఎంపీ భరత్ రామ్.

ఇటీవల గౌరవ ముఖ్యమంత్రి గారు మొదలుపెట్టిన ఈ కార్యక్రమంలో భాగంగా మన రాజమండ్రి అర్బన్ నియోజక వర్గం కు ఒక వాహనాన్ని కేటాయించడం, ఈ రోజు ఎంపీ భరత్ రామ్ చేతులమీదుగా ప్రారంభోత్సవం జరిగింది.

మూగ జీవాల సంక్షేమం కొరకు ఏర్పాటు చేసిన ఈ వాహనం మన రాజమండ్రి అర్బన్ పరిధిలో అందుబాటులో ఉంటుంది అని, ఎప్పుడు ఏ మూగ జీవాల సమస్య వున్నా వెంటనే 1962 టోల్ ఫ్రీ నెంబర్ కు సమాచారం అందిస్తే వెంటనే వైద్యం అందే విధముగా పశు వైద్య అధికారులు చర్యలు చేపడతారు అని ఎంపీ భరత్ రామ్ తెలిపారు.

ఈ కార్యక్రమంలో రుడా చైర్మన్ శ్రీమతి షర్మిల రెడ్డి, నగర పార్టీ అధ్యక్షులు నందేపు శ్రీనివాస్, పార్టీ శ్రేణులు, వార్డ్ ఇంచార్జులు, వివిధ విభాగాల కార్పోరేషన్ డైరెక్టర్లు, నాయకులు, కార్యకర్తలు పాల్గొన్నారు.