Ravikiranalu TV

 వైసిపి ప్రభుత్వం.. బీసీల పక్షపాతి

.. రెండు రాజ్యసభ స్థానాలు కేటాయించడం హర్షణీయం

బీసీ సంక్షేమ సంఘం మహిళా అధ్యక్షురాలు పద్మజా యాదవ్

ఆంధ్రప్రదేశ్ నుంచి రాజ్యసభ స్థానాలకు సంబంధించి వైఎస్ఆర్ కాంగ్రెస్ పార్టీ రెండు స్థానాలను బీసీలకు  కేటాయించి బీసీల పక్షపాతి ప్రభుత్వంగా మరోసారి నిరూపించుకుందని బీసీ సంక్షేమ సంఘం మహిళా విభాగం రాష్ట్ర అధ్యక్షురాలు,వైయస్సార్ కాంగ్రెస్ పార్టీ నేత పెరుమాళ్ళ పద్మజా యాదవ్ పేర్కొన్నారు. ఈ మేరకు ఓ ప్రకటన విడుదల చేశారు

 రాజ్యసభ స్థానాలకు అభ్యర్థులుగా బీసీ సంక్షేమ సంఘం జాతీయ అధ్యక్షుడు ఆర్. కృష్ణయ్య తో పాటు నెల్లూరు జిల్లాకు సంబంధించిన బీసీ నేత పారిశ్రామిక వేత్త బీద మస్తాన్ రావు కు కేటాయించడం ఎంతో హర్షదాయకమని ఆమె పేర్కొన్నారు. నెల్లూరు జిల్లాలో బీసీలకు ఎన్నో సార్లు వెన్నుదన్నుగా బీఎంఆర్ నిలిచారని ఆమె గుర్తు చేశారు. బీసీలకు ఎప్పుడు లేని విధంగా వైఎస్సార్ కాంగ్రెస్ పార్టీ పాలనలో పెద్దపీట వేశారని కొనియాడారు. బీసీలకు అధిక ప్రాధాన్యత ఇచ్చిన ముఖ్యమంత్రి జగన్మోహన్ రెడ్డికి తమ ధన్యవాదాలు తెలియజేశారు.

 వాణిజ్య పంటలపై దృష్టి సారించండి

జిల్లా వ్యవసాయ సలహా మండలి సమావేశంలో రైతన్నలకి పిలుపునిచ్చిన ఎంపీ గురుమూర్తి


ఈ రోజు తిరుపతి జిల్లా కలెక్టర్ సమావేశం మందిరంలో జిల్లా వ్యవసాయ సలహా మండలి సమావేశం జరిగింది. ఈ సమావేశంలో వ్యవసాయ అనుబంధ శాఖలైన హార్టీ కల్చర్, సెరీ కల్చర్, పశు సంవర్ధక శాఖ, మత్స్య శాఖ అధికారులు పాల్గొని ఆయా శాఖల పరంగా అమలు పరుస్తున్న వివిధ పథకాలు వాటి గణాంకాలను వివరించారు.

ఈ సమావేశంలో పలువురు సభ్యులు మాట్లాడుతూ సాగునీటికి సంబందించిన, ధాన్యం సేకరణ, ఈ క్రాపింగ్ కి సంబందించిన పలు సమస్యలను ప్రస్థావించారు.

అనంతరం సూళ్లూరుపేట ఏమైల్యే కిలివేటి సంజీవయ్య మాట్లాడుతూ దాన్యం సేకరణలో దళారుల జ్యోక్యాన్ని అరికట్టాల్సిందేనని తద్వారా రైతులలో నెలకొన్న అభద్రతా భావాన్ని తొలగించి వారికి ప్రభుత్వ మద్దతు ధరపై ఒక భరోసా కల్పించాలని  కోరారు.

తదుపరి తిరుపతి ఎంపీ గురుమూర్తి మాట్లాడుతూ రైతులు సాంప్రదాయ పంటల నుండి వాణిజ్య పంటల వైపు దృష్టి సారించాలని తద్వారా ఆదాయ మార్గాలను మెరుగు పరచుకోవచ్చని చెప్పారు. ఆలాగే సాగు చేసే ప్రతి ఎకరా కూడా తప్పకుండ ఈ క్రాపింగ్ చేయాలని, సీజన్ మొదలు అయ్యే ముందరే సివిల్ సప్లయస్, మార్క్ ఫెడ్ వాళ్ళు సమన్వయంతో ప్రభుత్వం గుర్తించిన విత్తన రకాలను రైతులకి తెలియజేయాలని కోరారు.ప్రభుత్వ సబ్సిడీ ఎక్కువ ఉన్నందున రైతులు సెరీకల్చర్ మీద కూడా దృష్టి సారించే విధంగా అధికారులు రైతులకి అవగాహన కల్పించాలని చెప్పారు..

కలెక్టర్ మాట్లాడుతూ ఈ సమావేశం ఫలవంతంగా జరిగిందని శాసనసభ్యులు, వ్యవసాయ సలహా మండలి సభ్యులు చక్కని సలహాలు ఇచ్చారని ఆలాగే సభ్యులు ప్రస్థావించిన సమస్యలు అన్ని పరిష్కారం దిశగా చర్యలు తీసుకొంటామని తెలియజేసారు.

ఈ సమావేశంలో తిరుపతి ఎంపీ మద్దిల గురుమూర్తి, సూళ్లూరుపేట ఏమైల్యే కిలివేటి సంజీవయ్య, సత్యవేడు ఏమైల్యే ఆదిమూలం, తిరుపతి జిల్లా వ్యవసాయ సలహా మండలి చైర్మన్ రఘునాథ రెడ్డి, కలెక్టర్ వెంకటరమణా రెడ్డి, మరియు జిల్లా వ్యవసాయ సలహా మండలి సభ్యులు, పలు శాఖల అధికారులు పాల్గొన్నారు.

శ్రీసిటీ ఎండీకి సింహపురి యూనివర్సిటీ గౌరవ డాక్టరేట్
- ఈ నెల 24న  యూనివర్సిటీ స్నాతకోత్సవంలో గవర్నర్ చే ప్రదానం

రవి కిరణాలు న్యూస్ తడ శ్రీసిటీ :

ప్రముఖ వ్యాపార, పారిశ్రామికవేత్త, శ్రీసిటీ వ్యవస్థాపకులు మరియు కార్యనిర్వాహక సంచాలకులు రవీంద్ర సన్నారెడ్డికి నెల్లూరులోని విక్రమ సింహపురి విశ్వవిద్యాలయం గౌరవ డాక్టరేట్ డిగ్రీని ప్రదానం చేయనుంది. విశ్వవిద్యాలయం యొక్క 6వ & 7వ స్నాతకోత్సవం ఈ నెల 24న నిర్వహించనుండగా, ఆ కార్యక్రమంలో ఆయన డాక్టరేట్ గౌరవాన్ని పొందనున్నారు. ఈ మేరకు యూనివర్సిటీ అధికారులు షెడ్యూల్ వివరాలతో రవీంద్ర సన్నారెడ్డికి ఆహ్వాన పత్రికను అందచేసి స్నాతకోత్సవంలో పాల్గొనవలసినదిగా ఆహ్వానించారు.

ఆహ్వానపత్రిక కార్యక్రమ వివరాల మేరకు, ఆంధ్రప్రదేశ్ విద్యాశాఖ మంత్రి బొత్స సత్యనారాయణ, మల్లారెడ్డి విశ్వవిద్యాలయం ఛాన్సలర్ ప్రొఫెసర్ డిఎన్ రెడ్డి, విక్రమ సింహపురి విశ్వవిద్యాలయం వైస్ ఛాన్సలర్ శ్రీమతి ప్రొఫెసర్ జిఎం సుందరవల్లి, ఇతర పలువురు విశిష్ట అతిధుల సమక్షంలో గౌరవ ఏపీ గవర్నర్ బిశ్వభూషణ్ హరిచందన్ రవీంద్ర సన్నారెడ్డికి అవార్డును ప్రదానం చేస్తారు.

ప్రధానంగా సాంకేతికత, పారిశ్రామిక రంగానికి ఆయన చేసిన కృషి మరియు వెనుకబడిన ప్రాంతాలైన సత్యవేడు, వరదయ్యపాలెం, తడ మండలాలను  ప్రపంచ స్థాయి మౌళికవసతులు, అపార ఉద్యోగ అవకాశాలను సృష్టించే సమీకృత వ్యాపార నగరంగా  మార్చడంలో ఆయన దార్శినికత, విశేష కృషికి గుర్తింపుగా రవీంద్ర సన్నారెడ్డిని ఈ గౌరవానికి ఎంపిక చేశారు.

 తిరుపతి జిల్లా కోట మండలం కోట పట్టణం లో వెలసి ఉన్న శ్రీ శ్రీ శ్రీ కోటమ్మ తల్లి అమ్మవారి జాతర మహోత్సవం శుక్రవారం నుండి  ప్రారంభం అయ్యింది. కోట పట్టణంలోని ప్రజలు, చుట్టుపక్కల గ్రామాల ప్రజలు వారి కుటుంబ సభ్యులతో కలిపి కోటమ్మ తల్లి అమ్మవారిని దర్శించుకుని మొక్కులు తీర్చుకున్నారు.


కోట మండలం కోట గ్రామంలో వెలసిన శ్రీ శ్రీ శ్రీ కోటమ్మ తల్లి అమ్మవారి జాతర మహోత్సవ కార్యక్రమం శుక్రవారం నుండి ఆదివారం వరకు నిర్వహించనున్నారు. అమ్మవారి జాతర నేటి నుండి ప్రారంభం కావడంతో కోట పట్టణంలోని ప్రజలు అమ్మవారిని దర్శించుకుని తీర్థప్రసాదాలు స్వీకరించారు. అనంతరం వారి మొక్కులు తీర్చుకున్నారు. ఈ సందర్భంగా ఆలయ ధర్మకర్త నల్లపరెడ్డి జగన్మోహన్ రెడ్డి మాట్లాడుతూ ఈరోజు సాయంత్రం అమ్మవారికి సముద్ర జల అభిషేక కార్యక్రమానికి భక్తులు విచ్చేసి అమ్మవారి కృపకు పాత్రులు  కాగలరని కోరారు.

 సిఐటియు ఆఫీసులో సిఐటియు నాయకులు  కొమరం నవీన్ మ్రృతికి తమ ప్రగాఢ సంతాపాన్ని కుటుంబ సభ్యులకు సానుభూతిని ధైర్యాన్ని ప్రకటించారు.

తిరుపతి జిల్లా. సూళ్లూరుపేట : దొరవారి సత్రం మండలం కుప్పారెడ్డి పాళెం గ్రామానికి చెందిన కొమరం నవీన్ (29 సం" ) అపాచీలో అనుమానస్పదంగా మృతి చెందిన సంఘటన తెలిసిందే.
ఈ సందర్భంగా సిఐటియు నాయకులు అతని కుటుంబ సభ్యులకు ప్రగాఢ సానుభూతి తెలిపారు.అనంతరం  మండల కార్యదర్శి కా. Ch సుధాకర రావ్ మాట్లాడుతూ స్పెషల్ ఎకనమిక జోన్స్ (సెజ)లో కార్మిక చట్టాల  యధేశ్చగా ఉల్లంఘిస్తున్నారని ఈ ప్రాంతములో కార్మిక చట్టాల అమలు ఊసేలేదని,  కార్మిక అధికారులు, పియఫ్, ఈయస్ఐ, సేప్టీ అధికారుల అజమాయిషీలు లేవని, వున్నా అధికారులు ఈ ప్రాంతపు రాజకీయదళారుల మధ్య దందాతో బాధితులకు న్యాయము జరగడము లేదన్నారు. ఈ అనైతిక విధానము వలన కొమరం నవీన్ లాంటి యువతీ యువకులు అర్ధౌంతరంగా ప్రాణాలు పోగొట్టుకుంటున్నారని,  వారికుటుంబాల భవిష్యత్ అగమ్యగోచర మవుతున్నాయని,  ఇలాంటివి పునరావతము కాకుండా వుడాలంటే కంపినీలో మానవ వనరులు, పని ప్రదేశములో రక్షణ తప్పక వుండాలని,  కాని కంపినీ అధికారులు ఖాతరు చేయడము లేదన్నారు. ఈ కేసును పోలీసు కేసు నమోదు చేసి విచారణ జరపాలని, అలాగే సేప్టి అధికారులు ప్రలోభ లకు, ఒత్తిళ్శకు లొంగకుండా ఆక్సిడెండు వైనాన్ని విచారించి కార్మికుడి కుటుంబానికి న్యాయము చేయాలని, నష్టపరిహారము  20 లక్షలు ఏర్పాటు చేయాలని, చట్టప్రకారము పేమెంట్సుతో పాటు కుటుంబములో ఒకరికి నౌకరి ఇవ్వాలన్నారు. ఇలాంటి సంఘటనలు జరక్కుండా పని ప్రదేశములో రక్షణ, పనివత్తిడి తగ్గించాలని, అధికారులు  టార్గెట్లు ఫిక్స్ చేసి కార్మికులను  హింసించడము, చేయక పోతే భూతు పురణాము వల్లించడము ఆపాలని, కార్మికుల మీద ఒత్తిడి అరికట్టాలని కార్మిక రక్షణ, ఉధ్యోగ బధ్రత, వెల్ఫేర్ తదిర చట్టాలు తూచా తప్పకుండా అమలు చేయాలని ఇందుకు సిఐటియు, కార్మికులను అండగా వుండి,  చైతన్యయ పరిచి కార్మిక చట్టాల అమలుకు వుద్యమము చేస్తుందని హెచ్చరించారు.

 స్విమ్స్ వైద్యశాలకు అధునాతన వైద్య పరికరాలు అందజేత కార్యక్రమంలో పాల్గొన్న తిరుపతి ఎంపీ మద్దిల గురుమూర్తి.

తిరుపతి పట్టణములోని స్విమ్స్ హాస్పిటల్ కు  హెచ్.డి.ఎఫ్.సి మరియు డాక్టర్స్ ఫర్ యు వారు సంయుక్తంగా సుమారు 5 కోట్ల రూపాయల అధునాతన వైద్య పరికరాలను ఉచితంగా అందజేశారు. ఇందులో ముఖ్యంగా 25 డయాలసిస్ మెషీన్స్, 10 వెంటిలేటర్లు , 1 చిన్న పిల్లల వెంటిలేటర్, రెండు ఆల్ట్రాసౌండ్ మిషన్లు మొదలగు పరికరాలని అందజేశారు.

ఈ కార్యక్రమంలో పాల్గొన్న తిరుపతి ఎంపీ గురుమూర్తి మాట్లాడుతూ ముఖ్యమంత్రిగా జగన్మోహన్ రెడ్డి గారు పరిపాలన చేపట్టాక వైద్య విధానంలో గ్రామా స్థాయిలో ఉన్న పి.హెచ్.సి నుండి పట్టణాలలోని పెద్ద ఆసుపత్రులతో సహా నాడు నేడు కార్యక్రమం ద్వారా విప్లవాత్మక మార్పులు తీసుకువచ్చారని, అలాగే స్విమ్స్ హాస్పిటల్ తిరుమల తిరుపతి దేవస్థానం ఆధర్వంలో గొప్పగా అభివృద్ధి చెందుతుందని ఆశిస్తున్నానని చెప్పారు.

స్విమ్స్ హాస్పిటల్ క్యాన్సర్ ఇన్స్టిట్యూట్ ఏర్పాటుకు రాష్ట్ర ప్రభుత్వం ముందుకొచ్చిందని మరియు దింవంగత ముఖ్యమంత్రి రాజశేఖర రెడ్డి హయాంలో స్విమ్స్ మెడికల్ కాలేజీ నిర్మాణం కొరకు కేటాయించిన 60 ఎకరాల భూమి నిరుపయోగంగా ఉందని అందులో వికలాంగులు, వృద్దులు, చిన్నపిల్లలు, దీర్ఘకాలిక వ్యాధులతో బాధపడుతున్న వారి కోసం రీహాబిలిటేషన్ సెంటర్ ఏర్పాటుకు అన్ని ప్రయత్నాలు చేస్తున్నానని అందుకు తిరుమల తిరుపతి దేవస్థానం, స్థానిక ప్రజాప్రతినిధుల సహాయ సహకారాలు, అవసరమని తిరుపతి ఎంపీ మద్దిల గురుమూర్తి చెప్పారు. ఈ సందర్భంగా వైద్య పరికరాలను ఉచితంగా అందజేసిన హెచ్.డి.ఎఫ్.సి మరియు డాక్టర్స్ ఫర్ యు ప్రతినిధులను ఎంపీ కొనియాడారు.

ఈ కార్యక్రమంలో ఉప ముఖ్యమంత్రి నారాయణస్వామి, తితిదే చైర్మన్ వైవి సుబ్బారెడ్డి, తిరుపతి ఎంపీ మద్దిల గురుమూర్తి, తిరుపతి శాసనసభ్యులు భూమన కరుణాకర్ రెడ్డి, తితిదే పాలకవర్గ సభ్యులు పోకల అశోక్ కుమార్, తిరుపతి పట్టాన మేయర్ డాII శిరీష, స్విమ్స్ డైరెక్టర్ డాII వెంగమ్మ, హెచ్.డి.ఎఫ్.సి మరియు డాక్టర్స్ ఫర్ యు ప్రతినిధులు పాల్గొన్నారు.

 నిత్య అన్నదానానికి రూ.100116/-  విరాళం.

తిరుపతి జిల్లా. సూళ్లూరుపేట:-

తెలుగు, తమిళ ఆరాధ్యదైవం కాళంగి నది ఒడ్డున వెలసి ఉన్న దక్షిణ ముఖ కాళీ మాత, భక్తుల కొంగు బంగారం శ్రీ చెంగాళమ్మ పరమేశ్వరి దేవస్థానము నందు జరుగు నిత్య అన్నదానానికి గూడూరు కి చెందిన మల్లిఖార్జున రెడ్డి కుటుంభ సభ్యులు నేడు  రూ’’1,00,116/-లు  నగదును విరాళంగా ఆలయ ఛైర్మన్ దువ్వూరు బాలచంద్రా రెడ్డి చేతుల మీదగా అందజేశారు. ఈకార్యక్రమంలో ఆలయ సిబ్బంది తదతరులు ఉన్నారు.