Ravikiranalu TV

శ్రీహరికోట లో అప్పులు తీర్చలేక వ్యక్తి బలవన్మరణం.

శ్రీహరికోట లో అప్పులు తీర్చలేక వ్యక్తి బలవన్మరణం.

తిరుపతి జిల్లా. సూళ్లూరుపేట:-

అప్పుల బాధ తాళలేక ఓ వ్యక్తి శనివారం ఆత్మహత్యకు పాల్పడిన ఘటన శ్రీహరికోట పోలీస్ స్టేషన్ పరిధిలో జరిగింది. ఏ ఎస్ ఐ వెంకటేశ్వర్లు వివరాల మేరకు కిపాకం లేబర్ కాలనీకి చెందిన ఇత్తి రెడ్డి రవీంద్రరెడ్డి (48) ఆయన భార్య షార్ లో పొరుగు సేవల కింద విధులు నిర్వహిస్తున్నారు. వారికి ఇద్దరు కుమార్తెలు. ఇరువురికీ పెళ్లి చేశారు. దీంతో వారికి అప్పులు అయ్యాయి. వాటిని తీర్చలేక ఉరి వేసుకొని రవీంద్ర రెడ్డి ఆత్మహత్య చేసుకున్నట్లు, కేసునమోదు చేసి దర్యాప్తు చేస్తున్నట్లు ఏ ఎస్ ఐ వెంకటేశ్వర్లు తెలిపారు.

ఆస్థి పన్ను చెల్లింపులో రాయితీ పొందండి..

ఆస్థి పన్ను చెల్లింపులో రాయితీ పొందండి కమిషనర్ జాహ్నవి

2022-23 ఆర్ధిక సంవత్సరానికి నగర పాలక సంస్థకు చెల్లించాల్సిన ఆస్థి పన్నులను ఈ నెల 30వ తేదీ లోపు చెల్లించిన వారికి మొత్తం పన్నులో 5 శాతం రాయితీ కల్పిస్తామని కమిషనర్ జాహ్నవి ఆదివారం ఒక ప్రకటనలో తెలిపారు. ఆస్థి పన్ను బకాయిలు ఉన్న ప్రతీ ఒక్కరూ ప్రభుత్వం కల్పించిన లాభసాటి అవకాశాన్ని సద్వినియోగం చేసుకుని ఏప్రిల్ నెల 30 వ తేదీ లోపు పన్నులు చెల్లించి నగరాభివృద్ధికి సహకరించాలని కమిషనర్ కోరారు. నగర పాలక సంస్థ ఆధ్వర్యంలో డివిజన్ల వారీగా ఏర్పాటు చేసున్న రెవెన్యూ కలెక్షన్ కేంద్రాలలో ప్రజలు సులభ రీతిలో పన్నులు చెల్లించే వసతులు కల్పించామని కమిషనర్ తెలిపారు. అన్ని ఆదివారాలు, ప్రభుత్వ సెలవు దినాల్లో సైతం కేంద్రాలు పనిచేస్తాయని, ఆన్లైన్ చెల్లింపుల కోసం ” ఎన్.ఎమ్.సి ఫర్ యు” యాప్ ను డౌన్లోడ్ చేసుకోవాలని కమిషనర్ వెల్లడించారు.

జమ్ము- కశ్మీరు: మోదీ సభా ప్రాంగణానికి12కీ.మీ. దూరంలో భారీ పేలుడు..

జమ్ము- కశ్మీరు: మోదీ సభా ప్రాంగణానికి12కీ.మీ. దూరంలో భారీ పేలుడు..

శ్రీనగర్ : ప్రధాన మంత్రి నరేంద్ర మోదీ జమ్మూ-కశ్మీరు పర్యటన ఆదివారం ప్రారంభమైంది. అయితే జమ్మూ జిల్లాలో ఆయన పాల్గొనబోతున్న బహిరంగ సభా ప్రాంగణానికి 12 కిలోమీటర్ల దూరంలో ఉన్న లలియానా గ్రామంలోని ఓ పొలంలో భారీ పేలుడు సంభవించింది.హుటాహుటిన పోలీసులు అక్కడికి చేరుకుని ఆ పేలుడు స్వభావంపై దర్యాప్తు చేస్తున్నారు.ఇది ఉగ్రవాద సంబంధిత పేలుడుగా కనిపించడం లేదని పోలీసులు చెప్పారు. దర్యాప్తు కొనసాగుతోందని తెలిపారు. ఇది ఉల్క అయి ఉండవచ్చునని తెలిపారు. ఇదిలావుండగా, మోదీ పర్యటన సందర్భంగా జమ్మూ-కశ్మీరు పోలీసులు కట్టుదిట్టమైన భద్రతా ఏర్పాట్లు చేశారు.
జాతీయ పంచాయతీరాజ్ దినోత్సవాల సందర్భంగా మోదీ దేశవ్యాప్తంగా ఉన్న గ్రామ సభలను ఉద్దేశించి ప్రసంగిస్తారు. ఈ కార్యక్రమం జమ్మూ డివిజన్‌లోని సాంబ జిల్లా, పల్లి పంచాయతీ నుంచి జరుగుతుంది. ఈ కేంద్ర పాలిత ప్రాంతం అభివృద్ధి కోసం దాదాపు రూ.20,000 కోట్ల విలువైన ప్రాజెక్టులకు శంకుస్థాపనలు చేస్తారు. బనిహాల్-కాజీగుండ్ రోడ్డు సొరంగం, ఢిల్లీ-అమృత్‌సర్-కాట్రా ఎక్స్‌ప్రెస్‌వే, రట్లే, క్వార్ హైడ్రోఎలక్ట్రిక్ ప్రాజెక్టులకు శంకుస్థాపనలు చేస్తారు.

ఢిల్లీ పర్యటనలో గవర్నర్ బిజీ బిజీ

ఢిల్లీ పర్యటనలో గవర్నర్ బిజీ బిజీ

న్యూఢిల్లీ: ఆంధ్రప్రదేశ్ గవర్నర్ బిశ్వ భూషణ్ హరిచందన్ ఢిల్లీ పర్యటనలో బిజీ బిజీగా ఉన్నారు. ఆదివారం ఉదయం గవర్నర్ దంపతులు యుద్ధ స్మారక కేంద్రాన్ని సందర్శించారు.
రేపు (సోమవారం) గవర్నర్ రాష్ట్రపతితో భేటీ కానున్నారు. మంగళవారం ఢిల్లీ నుంచి బయలుదేరి విజయవాడ రాజ్‌భవన్‌కు చేరుకుంటారు.
నిన్న గవర్నర్ బిశ్వభూషణ్ హరిచందన్ ప్రధానమంత్రి నరేంద్రమోదీతో భేటీ అయ్యారు. ఆంధ్ర ప్రదేశ్‌లో పరిణామాలపై నివేదిక ఇచ్చారు. రాష్ట్రంలో పరిణామాలపై చర్చించారు. సుమారు 40 నిముషాలపాటు ఈ భేటీ జరిగింది. కేవలం మర్యాదపూర్వకంగానే ఈ సమావేశం జరిగినట్లు చెబుతున్నా... ఏపీలో ఉన్నటువంటి తాజా పరిస్థితులపై చర్చలు జరిపి, నివేదిక ఇచ్చారు. రాష్ట్రం అప్పుల కుప్పగా మారింది.. దానికి కారణాలు.. అక్కడ అమలు చేస్తున్న సంక్షేమ పథకాలు.. వాటి కోసం ఏ విధంగా అప్పులు చేస్తున్నది, అభివృద్ధి ఏ మేరకు ఉందన్నదానిపై చర్చలు జరిపినట్లు సమాచారం. అలాగే వివిధ రాష్ట్రాలకు చెందిన గవర్నర్లు ప్రధాని మోదీ, కేంద్ర హోంశాఖమంత్రి అమిత్ షాను కలుస్తున్నారు. తెలంగాణ గవర్నర్ తమిళిసై కూడా నరేంద్ర మోదీ, అమిత్‌షాతో భేటీ అయ్యారు. ఆ రాష్ట్రానికి సంబంధించిన అంశాలపై ఒక నివేదిక అందజేశారు. మరో రెండు నెలల్లో రాష్ట్రపతి, ఉపరాష్ట్రపతి ఎన్నికలు జరగనున్న నేపథ్యంలో ఆయా రాష్ట్రాల్లో ఉన్న రాజకీయ పరిస్థితులపై గవర్నర్ల ద్వారా కేంద్ర ప్రభుత్వం ఆరా తీస్తోంది. ఈ నేపథ్యంలో ఏపీలో పరిస్థితులపై కేంద్రం ప్రత్యేక దృష్టి సారించింది.

ఈ నెల 27 న సీఎంలతో ప్రధాని సమావేశం

ఈ నెల 27 న సీఎంలతో ప్రధాని సమావేశం

ఈ నెల 27 న అన్ని రాష్ట్రాలు, కేంద్రపాలిత ప్రాంతాల సీఎంలతో ప్రధాని మోదీ వీడియో కాన్ఫరెన్స్ ద్వారా సమావేశం కానున్నారు. దేశంలో మళ్లీ కరోనా కేసులు పెరిగిపోతున్న నేపథ్యంలో తాజా పరిస్థితి, నియంత్రణ చర్యలపై చర్చించనున్నారు. ఈ భేటీలో కేంద్ర ఆరోగ్య శాఖ కార్యదర్శి రాజేశ్ భూషణ్ ప్రజంటేషన్ ఇస్తారు. అలాగే రాష్ట్రాలు ఎదుర్కొంటున్న సమస్యలపైనా చర్చించే అవకాశం ఉంది..

ఈతకు వెళ్ళి యువకుడి మృతి

తిరుపతి జిల్లా...బాలాయపల్లి మం

సుబ్రహ్మణ్యం గ్రామ సమీపంలో ఈతకు వెళ్ళి యువకుడి మృతి మృతి చెందిన యువకుడు వినయ్ నాని(14) ఆలస్యంగా అందిన సమాచారం మేరకు బాలాయపల్లికి చెందిన దాసరి శ్రీనయ్య కొడుకు అయిన వినయ్ నాని అనే యువకుడు బాలాయపల్లి ప్రభుత్వ పాఠశాల లో 9వ తరగతి చదువుతూ ఉన్నాడు.. ఇతను నిన్న స్నేహితులతో కలిసి సుబ్రహ్మణ్యం గ్రామ సమీపం పొలాల్లోని బావిలో ఈతకు వెళ్లగా బావిలో దూకిన నాని ఎంత సేపైనా పైకి రాక పోవడం తో మిగతా స్నేహితులు భయపడి అక్కడ నుండి వెళ్ళి పోయినట్టు,నాని తల్లిదండ్రులు నిన్న నుండి నాని కోసం వెతుకుచుండగా ఈ రోజు కొందరు స్థానికులు బావిదగ్గర ఈత కోసం కొందరు పిల్లలు ఉన్నట్టు ఇచ్చిన సమాచారం మేరకు బావి లో వెతకగా వినయ్ మృతదేహం బావిలో దొరికింది...దీంతో తల్లిదండ్రులు కన్నీరు మున్నీరుగా విలపిస్తున్నారు.... బాలాయపల్లి పోలీసులకు సమాచారం అందించారు...బాలాయపల్లి ఎస్సై కేసు దర్యాప్తు చేస్తున్నారు...

జాతీయ రహదారిపై అంగన్వాడి కార్యకర్తల ధర్నా..

తిరుపతి జిల్లా..పెళ్ళకూరు మం జాతీయ రహదారిపై అంగన్వాడి కార్యకర్తల ధర్నా.. రాత్రంతా రోడ్డు పైనే రాస్తారోకో నిర్వహించిన అంగనవాడి కార్యకర్తలు. తిరుపతి జిల్లా పెళ్లకూరు మండలం శిరసనంబెడు క్రాస్ రోడ్ వద్ద జాతీయ రహదారిపై రాస్తారోకో నిర్వహించారు. విజయవాడ లో జరిగే అంగన్వాడీ ఆవిర్బాన సభకు మహిళలు తరలిపోతున్న సమయంలో పోలీసులు ఈ రోజు జరిగే utf తలపెట్టిన సీఎం ఓ కార్యలయం ముట్టడి కార్యక్రమం కు వెళుతున్నారు అని అడ్డుకున్న పోలీసులు. దీనితో అంగన్వాడీ కార్యకర్తలు పోలీసుల చర్యలు కు వ్యతిరేకంగా రాస్తారోకో నిర్వహించారు.