Ravikiranalu TV

 చంద్రబాబు హయాంలో మహిళా కమిషన్ అంటే తూతూమంత్రంగా నడిపారంటూ ఏపీ మహిళా కమిషన్‌ చైర్‌పర్సన్‌ వాసిరెడ్డి పద్మ తీవ్రస్థాయిలో ఫైర్‌ అయ్యారు. అత్యాచార బాధితురాలిని పరామర్శించేందుకు వెళ్లిన మహిళా కమిషన్‌ ఛైర్మన్‌పై టీడీపీ శ్రేణులు దౌర్జన్యానికి దిగడాన్ని కమిషన్‌ సీరియస్‌గా తీసుకుంది. ఈ విషయమై చంద్రబాబు, బొండా ఉమకు రాష్ట్ర మహిళా కమిషన్‌ శుక్రవారం సమన్లు జారీచేసింది. ఈ నెల 27 ఉ.11 గంటలకు మంగళగిరిలోని రాష్ట్ర మహిళా కమిషన్‌ కార్యాలయానికి చంద్రబాబు, బొండా ఉమా స్వయంగా రావాలని వాసిరెడ్డి పద్మ ఆ సమన్లలో ఆదేశించారు.

 ఈ ఘటనపై మహిళా కమిషన్‌ చైర్‌పర్సన్‌ వాసిరెడ్డి పద్మ మీడియాతో మాట్లాడుతూ.. బోండా ఉమ మహిళా కమిషన్‌పై ఆరోపణలు చేస్తున్నాడు. మహిళా కమిషన్ సుప్రీమా? అని బోండా ఉమా అడుగుతున్నాడు అవును, కమిషన్ నీలాంటి వారికి సుప్రీమే. మహిళలని వేధించే వారికి కమిషన్ సుప్రీమే. ఇలాంటి నేరాలు ఎవరూ చేసిన క్షమించేది లేదు. బాధితురాలితో ఎలా వ్యవహరించాలో చంద్రబాబుకు తెలియదని నిన్ననే అర్దమైంది. యుద్దానికి వెళ్తున్నట్టు పెద్ద సంఖ్యలో వచ్చారు. ఏ రాష్ట్రంలోనైనా ఇలాగ చేస్తున్నారా?. మనసు, శరీరం గాయం అయిన యువతితో ఎలా వ్యవహరించాలో తెలుసుకోవాలి. అత్యాచార బాధితురాలితో ఎలా మాట్లాడాలో తెలియదా?. అలాంటి వారికి సమన్లు ఇచ్చే అధికారం మహిళా కమిషన్‌కు ఉంది. గతంలో చాలా కేసుల్లో పోలీసు అధికారులకు కూడా ఇచ్చాం. వారానికి యాభై, అరవై సమన్లు ఇస్తున్నాం.

 కోట్లాది మంది మహిళలకు నేను బాధ్యురాలిని. నా హక్కులు నాకు ఉన్నాయి. నేను రాజకీయ నాయకురాలినైతే అప్పుడు వేరేగా ఉండేది. 27న చంద్రబాబు, బోండా ఉమా కమిషన్ ఎదుట హాజరు కావాల్సిందే. లొసుగులతో బయట పడేలా ప్లాన్ చేస్తున్నారు. న్యాయవాదులతో మాట్లాడుతున్నారట. అసలు బాధితురాలి దగ్గర బల ప్రదర్శన చేయటం ఏంటి? నామీద సవాల్ చేయటం ఏంటి? ఆ ఘటనని రాజకీయం చేయడం తప్ప వారిలో సానుభూతి ఏదీ?. ముఖ్యమంత్రిగా, ప్రతిపక్ష నేతగా కూడా అత్యాచార బాధితురాలిని పరామర్శించలేదు చంద్రబాబు.

 అలాంటి వ్యక్తి నిన్న ఆస్పత్రిలో రచ్చరచ్చ చేశారు. సమన్లు ఎందుకు ఇచ్చామో చాలా స్పష్టంగా చెప్పాము. కచ్చితంగా వారిద్దరినీ కమిషన్ ఎదుట హాజరయ్యేలా చేస్తాం. వారిష్టం వచ్చినట్టు మాట్లాడుతుంటే కమిషన్ తల వంచుకోవాలా?. కమిషన్ సమన్లు ఇచ్చిందంటే చచ్చినట్టు హాజరవ్వాల్సిందే. చేసిన తప్పును తెలుసుకుని క్షమించమని అడగాల్సిందిపోయి ఎదురుదాడి చేస్తున్నారు. మీరా మహిళలకు న్యాయం చేసేది?. బాధితురాలి కుటుంబాన్ని సీఎం కలిసేలా కమిషన్ చూస్తుంది. అసలు ఏ అత్యాచార ఘటన దగ్గరకు చంద్రబాబు వెళ్లారు?. రిషితేశ్వరి కేసులో ఆర్నెళ్లు ఏం చేశారని లోకేష్ తన తండ్రిని అడగాలి. వనజాక్షి కేసులో ఏం చేయలేకపోయారెందుకని కూడా తన తండ్రిని అడగాలి అంటూ కమిషన్‌ ఛైర్మన్‌ వాసిరెడ్డి పద్మ తీవ్రస్థాయిలో చంద్రబాబుపై మండిపడ్డారు.

 మల్లాoలో మంచి నీటి చలివేంద్రం ఏర్పాటుచేసిన
 చిల్లకూరు కోదండరామిరెడ్డి

 చిట్టమూరు(స్వర్ణ సాగరం)మండల పరిధిలోని మల్లాoలో వైయస్సార్ విగ్రహం వద్ద వేసవి దృశ్యం వైస్సార్  మంచి నీటి చలివేంద్రంను ఏర్పాటు చేసిన వల్లీ దేవసేన సమేత సుబ్రహ్మణ్యేశ్వర స్వామి ఆలయ ట్రస్ట్ బోర్డు చైర్మన్ కోదండరామిరెడ్డి ఈ సందర్భంగా ఆయన మాట్లాడుతూ మల్లాo గ్రామానికి ప్రతి నిత్యం చుట్టుపక్కల గ్రామాల నుండి ప్రతిరోజు వందలాది మంది ప్రయాణికులు వస్తుంటారని అసలే మల్లాo గ్రామంలో ప్రజలు ఎప్పుడూ త్రాగునీటి సమస్య ఎదుర్కొంటుందని బయట నుంచి వచ్చే ప్రజలకు నీటి సమస్య లేకుండా చేసేందుకు తన సహాయంగా అనుచరులతో కలిసి మంచి నీటి చలివేంద్రం ఏర్పాటు చేయడం జరిగిందని ఆయన అన్నారు.

సున్నా వడ్డీతో మహిళలే మహారాణులు, తిరుపతి ఎంపీ.

మూడో విడత వైయస్ఆర్ సున్నా వడ్డీ పథకం కార్యక్రమంలో భాగంగా తిరుపతి పార్లమెంట్ పరిధి శ్రీకాళహస్తి నియోజకవర్గం, ఏర్పేడు మండలంలో గౌరవ ముఖ్యమంత్రి వర్యులు శ్రీ వై.యస్.జగన్మోహన్ రెడ్డి గారు ప్రవేశపెట్టిన "వైఎస్సార్ సున్నావడ్డీ" పథకం ఉద్దేశించి జరిగిన కార్యక్రమంలో శ్రీకాళహస్తి శాసన సభ్యులు శ్రీ బియ్యపు మధుసూధన రెడ్డి గారితో కలిసి పాల్గొన్న తిరుపతి పార్లమెంట్ మద్దిల గురుమూర్తి.

ఈ సందర్బభంగా ఎంపీ గారు మాట్లాడుతూ సీఎం జగన్మోహన్ రెడ్డి గారు ప్రవేశ పెట్టిన అన్ని పథకాలు ప్రజలకు ఉపయుక్తంగా ఉన్నాయని ముఖ్యంగా మహిళలని లబ్ధారులుగా చేస్తూ ముఖ్యమంత్రిగారు చాలా గొప్ప నిర్ణయం తీసుకొన్నారని చెప్పారు.

అలాగే ఎంపీ గారు మాట్లాడుతూ అర్హత ఉన్న ప్రతి లబ్ధిదారునికి ప్రభుత్వ సంక్షేమ ఫలాలు అందాలన్న ముఖ్యమంత్రి గారి లక్ష్యానికి అనుగుణంగా మేము శ్రమిస్తామని మీకు అండగా ఉన్నఈ ప్రభుత్వానికి మీ సహాయ సహకారాలు అందించాలని ఎంపీ గురుమూర్తి గారు పిలుపునిచ్చారు. తదుపరి ఎంపీ, ఎమ్మెల్యే ఇద్దరూ మూడో విడత వైయస్ఆర్ సున్నా వడ్డీ పథకం కార్యక్రమంలో భాగంగా మహిళా లబ్దిదారులకు చెక్కులను పంపిణీ చేసారు.

  ఇష్టపడి చదివితే ఉన్నత స్థానాలకు..

కండలేరు బలయోగి గురుకుల పాఠశాలలో బండి వేణుగోపాల్ రెడ్డి

త్వరలో జరగబోయే పబ్లిక్ పరీక్షల్లో నూరు శాతం ఉతిర్ణత సాధించాలి

విద్యార్థులకు కరిమద్దెల నర్సింహారెడ్డి చే అవగాహన సదస్సు

విద్యార్థులు బట్టలు అరేసుకునేందుకు రోప్స్ బహుకరించిన బండి వేణుగోపాల్ రెడ్డి

వెంకటగిరి నియోజకవర్గంలోని రాపూరు మండలం కండలేరు గురుకుల పాఠశాలను శనివారం ప్రముఖ పారిశ్రామిక వేత్త బండి వేణుగోపాల్ రెడ్డి సందర్శించారు.విద్యార్థులతో మమేకమై వారి సమస్యలను అరా తీసి,బట్టలు అరేసుకునేందుకు ఇబ్బందులు పడుతున్న విషయం తెలియడంతో వెంటనే రెండు వందల మంది పిల్లలు ఒకేసారి బట్టలు అరేసుకునేవిధంగా రోప్స్ ఏర్పాటు చేశారు.త్వరలో జరగబోయే పదో తరగతి పబ్లిక్ పరీక్షలకు దగ్గర పడే కొద్దీ విద్యార్థులో ఆందోళన నెలకొనడంతో వారికి డాక్టర్ కరిమద్దెల నర్సింహారెడ్డి చేత అవగాహన సదస్సు నిర్వహించి విద్యార్థుల్లో నెలకొన్న భయాన్ని పోగొట్టారు.అనంతరం విద్యార్థులను ఉదేశించి బండి వేణుగోపాల్ రెడ్డి మాట్లాడుతూ కష్టపడి కాకుండా ఇష్టపడి చదివితే ఉన్నత స్థానాలకు చేరుకోవచ్చునన్నారు.త్వరలో జరగనున్న పదో తరగతి పబ్లిక్ పరీక్షల్లో సత్తాచాటాలని హితబోధన చేశారు.అనంతరం విద్యార్థులకు బండి వేణుగోపాల్ రెడ్డి విద్య సామగ్రి పంపిణీ చేశారు.

మీ..మేలు మారువలేం సార్

గురుకుల పాఠశాలని సందర్శించి విద్యార్థుల సమస్యలను అడిగితెలుసుకుని అక్కడికక్కడే సమస్య పరిష్కరించడంతో విద్యార్థులు బండి వేణుగోపాల్ రెడ్డి కి కృతజ్ఞతలు తెలిపారు. మీ మేలు మారువలేం సార్ అంటూ ధన్యవాదాలు తెలిపారు. మీరు కష్టపడి చదివి మీ లాంటి పేద విద్యార్థులకు నా లాగా సహాయం చేసే స్థాయి కి ఎదగాలని మనస్సుపూర్తిగా కోరుకుంటున్నానన్ని బండి వేణుగోపాల్ రెడ్డి తెలిపారు.

 నిత్య అన్నదానానికి విరాళం అందజేసిన పోలూరు బాలయ్య.

తిరుపతి జిల్లా. సూళ్లూరుపేట :  తెలుగు, తమిళ ఆరాధ్యదైవం దక్షిణ ముఖ ఖాళీ, భక్తుల కొంగు బంగారం కాళంగి నది ఒడ్డున వెలసి ఉన్న   శ్రీ చెంగాళమ్మ పరమేశ్వరి దేవస్థానము నందు జరుగు నిత్యాన్నదానమునకు సూళ్లూరుపేట కు చెందిన పోలూరు బాలయ్య కుటుంభ సమేతంగా నేడు  రూ’’1,00,100/-లు నగదును ఆలయ ఛైర్మన్ దువ్వూరు బాలచంద్రా రెడ్డి చేతుల మీదగా కార్యనిర్వహణాధికారి ఆళ్ళ శ్రీనివాస రెడ్డికి అందజేశారు. ఈ కార్యక్రమములో  ఆలయధర్మకర్తల మండలి సభ్యులు ముప్పాళ్ల చంద్రశేఖర్ రెడ్డి, వంకా దినేష్ కుమార్ ఉన్నారు.

 మళ్ళీ వంటనూనెల మంట తప్పదా?

గత కొంతకాలంగా వంటగదికి వెళ్లాలంటేనే సామాన్యులకు వణుకు పుడుతోంది. వంటనూనెలు మంట పుట్టిస్తున్నాయి. గతంలో కంటే సగం పైగా ధర పెరిగాయి. ఉక్రెయిన్ పై రష్యా యుద్ధంతో సన్ ఫ్లవర్ నూనె ధరలు పెరిగిపోవడం వల్ల ఇప్పటికే వినియోగదారులు తీవ్ర ఇబ్బందులు పడుతున్నారు. ఇది చాలదన్నట్టుగా ఇండోనేషియా కీలక నిర్ణయం తీసుకుంది. వంట నూనెల ఎగుమతులపై ఇండోనేషియా తాజాగా నిషేధం విధించింది. దీంతో ధరలు మళ్ళీ ఆకాశాన్నంటడం ఖాయంగా కనిపిస్తోంది. కేంద్రం జోక్యం చేసుకోకపోతే ధరల పెరుగుదల భారీగా వుంటుందని నిపుణులు చెబుతున్నారు.

పామాయిల్ సరఫరా కూడా తగ్గితే ధరలు ఆకాశాన్నంటుతాయి. ధరలు ఇప్పటికే గరిష్ట స్థాయిలో ఉన్నాయి. ఇండోనేషియా నిర్ణయం ఒత్తిళ్లను పెంచడమే కాకుండా, సరఫరాపైనా ప్రభావం చూపిస్తుంది అని వంటనూనెల వ్యాపారులు చెబుతున్నారు. ఇండోనేషియా ప్రభుత్వంతో మాట్లాడి సమస్య పరిష్కారానికి కేంద్ర సర్కారు కృషి చేయాలి. స్థానికంగా ధరలు పెరిగిపోవడం, పామాయిల్ కు కొరత అంశాల నేపథ్యంలో ఎగుమతులను నిషేధిస్తూ ఇండోనేషియా యంత్రాంగం నిర్ణయం తీసుకుంది.

భారత్ లో వంట నూనెల వినియోగం ఒక నెలకు 18 లక్షల టన్నులు ఉంటే, 6-7 లక్షల టన్నుల పామాయిల్ ఇండోనేషియా నుంచే వస్తోంది. ఇండోనేషియా ఎగుమతులకు అనుమతివ్వకపోతే రాబోయే రోజుల్లో ధరల మంట తప్పేలా లేదు.

 జెన్నీ రమణయ్య తండ్రికి నివాళి అర్పించిన జిల్లా టీడీపీ నేతలు....

తెలుగుదేశం పార్టీ రాష్ట్ర కార్యదర్శి జెన్నీ రమణయ్య పితృ వియోగం చెందారు.నెల్లూరు రూరల్,25 వ డివిజన్,బుజబుజ నెల్లూరు లోని వారి నివాసంలో జెన్నీ రమణయ్యను వారి కుటుంబ సభ్యులను జిల్లా టీడీపీ నేతలు పరామర్శించారు....

జెన్నీ రమణయ్య తండ్రి జెన్నీ నరసయ్య భౌతికకాయానికి శనివారం మాజీ మంత్రి వర్యులు సోమిరెడ్డి చంద్ర మోహన్ రెడ్డి,టీడీపీ జాతీయ ప్రధాన కార్యదర్శి బీద రవిచంద్ర,నెల్లూరు పార్లమెంట్ టీడీపీ అధ్యక్షులు,అబ్దుల్ అజీజ్,నెల్లూరు నగర నియోజకవర్గ ఇంఛార్జి కోటంరెడ్డి శ్రీనివాసులు రెడ్డి లు పూల మాల వేసి నివాళి అర్పించారు....

వారితో పాటు బొమ్మీ సురేంద్ర, నన్నే సాహెబ్, జలదంకి సుధాకర్,సాబీర్ ఖాన్, కనపర్తి గంగాధర్, ఈదర శ్రీనివాసులు,మాతంగి కృష్ణా,కువ్వారపు బాలాజీ,ఆనంద్ బాబు,సత్తార్, బాలకృష్ణ యాదవ్, శివ కుమార్, పెంచలయ్య తదితరులు ఉన్నారు...