Ravikiranalu TV

 కారులో మాస్కు ధరించాలనడం కరెక్ట్ కాదు: హైకోర్టు

 కారులో ప్రయాణించే సమయంలో ను మాస్కూలు తప్పనిసరి అంటూ ఢిల్లీ ప్రభుత్వం తెచ్చిన నిబంధనను ఢిల్లీ హైకోర్టు తప్పు పట్టింది. మాస్ కు లేదని 500 రూపాయలు  జరిమానా విధించారు అని దాఖలైన 4 పిటిషన్లపై కోర్టు విచారణ చేపట్టింది. గతేడాది రూల్స్ ఇప్పటికి ఎందుకు అమలు చేస్తున్నారని ప్రశ్నించింది. సొంత కారులో కూర్చున్నవారు మాస్క్ ధరించాలి అని చెప్పడం అర్థం లేనిదని సూచనలు వెనక్కి తీసుకోవాలని ప్రభుత్వం తరుపున న్యాయవాదికి సూచించింది.

 నెల్లూరుజిల్లా. సూళ్లూరుపేట :    సూళ్లూరుపేట లో అఖిల భారతీయ విద్యార్థి పరిషత్ అద్వర్యం లో ఆందోళన చేపట్టారు. తమిళనాడులోని తంజావూరులో మతమార్పిడి కోసం ఒత్తిడి తెచ్చి లావణ్య అనే యువతి  ఆత్మహత్య కు కారణమైన మిషనరీ సంస్థ పై ప్రభుత్వం చర్యలు తీసుకోవాలని డిమాండ్  చేస్తూ ఏబీవీపీ ధర్నా,నిరసన కార్యక్రమాన్ని నిర్వహించారు. లావణ్య కుటుంబానికి న్యాయం  చేయాలనీ విద్యార్థులు డిమాండు చేసారు. ఈ నిరసన కార్యక్రమం లో ఎబివిపి నగర సంయుక్త  కార్యదర్శి కే.చందన,ఏబీవీపీ రాష్ట్ర కార్యవర్గ సభ్యుడు సన్నీ ,నగర కార్యదర్శి వెంకటేష్, నగర  ఉపాధ్యక్షురాలు లీలావతి,జగదీష్,బాలాజీ, హర్షిత్,క్రాంతి,జీవన్ తదితరులు పాల్గొన్నారు.

 కేంద్ర బడ్జెట్ కార్పోరేట్లకు అనుకూలంగా ఉంది

- సిపిఐ నాయకులు దామా అంకయ్య, డేగా సత్యం వెల్లడి

కేంద్ర ప్రభుత్వం ప్రవేశపెట్టిన బడ్జెట్ ఆశాజనకంగా లేదని, సామాన్య జనానికి, ఆంధ్ర రాష్ట్రానికి ఎలాంటి లాభం లేదని  కార్పొరేట్లకు మాత్రమే అనుకూలంగా ఉన్నదని సిపిఐ జిల్లా సమితి సహాయ కార్యదర్శి దామా అంకయ్య విమర్శించారు. కేంద్ర బడ్జెట్ ను నిరసిస్తూ కావలి పట్టణంలోని బ్రిడ్జి సెంటర్ లోని అంబేద్కర్ విగ్రహం ఎదుట బుధవారం సిపిఐ ఆధ్వర్యంలో నిరసన కార్యక్రమం చేపట్టారు. ఈ సందర్భంగా సిపిఐ నెల్లూరు జిల్లా సమితి సహాయ కార్యదర్శి దామా అంకయ్య, కావలి నియోజకవర్గ కార్యదర్శి డేగా సత్యం మాట్లాడుతూ కేంద్రం ప్రవేశ పెట్టిన బడ్జెట్ ఏ ఒక్క రంగానికీ మేలు చేసే విధంగా లేదని దుయ్యబట్టారు. గతంలో ఉన్న కేటాయింపుల కంటే ప్రస్తుతం తగ్గించారని తెలిపారు. కార్పొరేట్లకు దోచిపెట్టేవిధంగా బడ్జెట్ ఉన్నదని తెలిపారు. అధికారంలోకి రాకముందు ప్రతి సంవత్సరం కోటి ఉద్యోగాలు కల్పిస్తామని చెప్పిన ప్రధాని మోడీ, అధికారంలోకి వచ్చిన తరువాత 1,85, 000 మంది ఉద్యోగులు తమ  ఉద్యోగాలను  కోల్పోయారన్నారు. ఈ బడ్జెట్ లో పారిశ్రామిక ఉత్పత్తులకు, వ్యవసాయ రంగ ఉత్పత్తులకు, చిన్న, మధ్య తరహా వాటికి కేటాయింపులు సరిగా జరగలేదన్నారు. ఆంధ్ర రాష్ట్రానికి సంబంధించి పోలవరం, ప్రత్యేక హోదా ఊసే లేదన్నారు. జాతీయ గ్రామీణ ఉపాధి హామీ పథకానికి గత సంవత్సరం కంటే 25,000కోట్లు  తగ్గించారన్నారు. దీని వలన గ్రామ స్థాయిలో పనులు లేని కారణంగా కొనుగోలు శక్తి పడిపోతుందన్నారు. ఏ దేశంలో నైనా కొనుగోలు శక్తి పెరిగితేనే ఆర్ధిక వృద్ధి పెరుగుతుందని తెలిపారు. గత సంవత్సరం రూ.7,45,000 కోట్ల రుణానికి వడ్డీ చెల్లిస్తే ఈ సంవత్సరం రూ.9,20,000 కోట్ల రుణానికి వడ్డీ చెల్లిస్తున్నట్లు తెలిపారంటే దేశం అభివృద్ధి వైపు పయనిస్తుందో, తిరోగమనం వైపు పయనిస్తుందో అర్ధం చేసుకోవాలన్నారు. లాభాల బాటలో ఉండే ఎల్ ఐసీ ని అమ్మకానికి పెట్టడాన్ని నిరసిస్తున్నామన్నారు. కరోనా సమయంలో సామాన్య ప్రజలకు ఎలాంటి సహాయం చేయలేదని, కార్పొరేట్లకు మాత్రం పెద్ద ఎత్తున సహాయం చేయడం జరిగిందన్నారు. గతంలో 93 మంది కార్పోరేట్లు ఉంటే ప్రస్తుతం వారి సంఖ్య 141కి పెరిగిందన్నారు. లక్షల కోట్లు కార్పోరేట్లకు తరలించే విధంగా ఉన్న ఇలాంటి తప్పుడు, ప్రజా వ్యతిరేఖ బడ్జెట్ ను తీవ్రంగా వ్యతిరేకిస్తున్నామన్నారు. ఈ కార్యక్రమంలో వ్యవసాయ కార్మిక సంఘం జిల్లా అధ్యక్షుడు దమ్ము దర్గాబాబు, సిపిఐ నాయకులు పసుపులేటి మహేష్, బోస్, పెద్ద ఎత్తున కార్యకర్తలు పాల్గొన్నారు.

 సూళ్లూరుపేట నుండి నెల్లూరు, వైపు వెళ్ళు బస్సుల్లో ముమ్మర తనిఖీ లు చేపడుతున్న దొరవారిసత్రం ఎసై జె.తిరుమల రావు.

  నెల్లూరుజిల్లా. దొరవారిసత్రం :  మండల పరిధిలో ని సూళ్లూరుపేట టోల్ ప్లాజా వద్ద ఎసై జె.తిరుమల రావు తన సిబ్బంది తో ,సచివాలయం పోలీసులతో కలిసి ముమ్మరంగా తనిఖీలు నిర్వహించారు. రేపు ఉద్యోగులు ఛలో విజయవాడ సభకు పోలీసుల అనుమతి లేదు, కావున బయట ప్రాంతాల నుండి టీచర్లు, ఉద్యోగులు రవాణా మార్గాల్లో భారీగా విజయవాడ చేరుకునే అవకాశం ఉందనే సమాచారం మేరకు రాష్ట్ర పోలీసు ఉన్నతాధికారులు సూచనలు తో నిర్వహించారు. ఉద్యోగులు సమూహముగా విజయవాడ వెళ్లకుండా ఎక్కడిక్కడ అడ్డుకోవాలని జిల్లా వ్యాప్తంగా రవాణా మార్గాల్లో తనికీలు చేపట్టారు.

ఈ తనికీల్లో ఎస్సై జె. తిరుమల రావుతోపాటు సిబ్బంది, సచివాలయ పోలీసులు పాల్గొన్నారు.

 "కాకాణి - శంఖుస్థాపన"

శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, జట్లకొండూరు గ్రామంలో వేర్ హౌసింగ్ కార్పోరేషన్ సంస్థ, 7 కోట్ల 80 లక్షల రూపాయలతో నిర్మించ తలపెట్టిన గోడౌన్లకు రాష్ట్ర వేర్ హౌసింగ్ కార్పొరేషన్ చైర్మన్ కరీముల్లా షేక్ అమీన్ గారు, మేనేజింగ్ డైరెక్టర్ శ్రీకంఠనాధ రెడ్డి గారితో కలిసి శంకుస్థాపన చేసిన వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.

 సర్వేపల్లి నియోజకవర్గ రైతాంగానికి ఉపయోగకరంగా ఉండేందుకు 10వేల మెట్రిక్ టన్నుల సామర్థ్యం కలిగిన గోడౌన్లను మంజూరు చేసిన ముఖ్యమంత్రి జగన్మోహన్ రెడ్డి గారికి కృతజ్ఞతలు. జట్లకొండూరులో  నిర్మించతలపెట్టిన గోడౌన్ల శంకుస్థాపన కార్యక్రమానికి ముఖ్య అతిథులుగా విచ్చేసిన రాష్ట్ర వేర్ హౌసింగ్ కార్పొరేషన్ చైర్మన్ కరీముల్లా గారికి, మేనేజింగ్ డైరెక్టర్ శ్రీకంఠనాధ రెడ్డి గారికి నా ధన్యవాదాలు. జగన్మోహన్ రెడ్డి గారు రైతాంగానికి అండగా నిలిచేందుకు అనేక కార్యక్రమాలు చేపడుతూ, పండించిన ధాన్యాన్ని నిల్వ చేసుకునేందుకు గోడౌన్లను నిర్మించడం శుభపరిణామం. ముఖ్యమంత్రి గారు మండలానికి ఒక గోడౌన్ తప్పనిసరిగా నిర్మించాలనే నిర్ణయం తీసుకొని, మంజూరు చేసి, నిర్మాణాలు చేపట్టడం, రైతాంగానికి సంతోషకరం. రైతులు తాము పండించిన ధాన్యాన్ని ప్రభుత్వ గోడౌన్లలో నిల్వ చేసుకునే సదుపాయం కల్పించడం ఎంతో ఉపయోగకరం. గోడౌన్ల నిర్మాణాన్ని త్వరితగతిన పూర్తిచేసి, రైతాంగం ఈ సీజన్ లోనే అవసరమైన మేర ధాన్యాన్ని నిల్వ ఉంచే, సదుపాయం కల్పించాలని కోరుకుంటున్నా.

 విభజన హామీలు సాధించడములో పూర్తిగా విఫలమైన జగన్మోహన్ రెడ్డి.

కేంద్ర బడ్జెట్ లో రాష్ట్రానికి తీరని అన్యాయం జరిగినా ప్రశ్నించలేని స్థితిలో జగన్మోహన్ రెడ్డి

అభూత కల్పనల తో అసత్య ప్రచారాల్తో అధికారం లోకి వచ్చిన జగన్

  కావలి నియోజకవర్గం బోగోలు లో జరిగిన బోగోలు మండల తెలుగుదేశం పార్టీ అధ్యక్షుడు మాలేపాటి నాగేశ్వరరావు అధ్యక్షతన జరిగిన బోగోలు మండలం తెలుగుదేశం పార్టీ సమావేశంలో నియోజకవర్గ త్రీసభ్య కమిటీ సభ్యులు మాలేపాటి సుబ్బానాయుడు,గ్రంధి యానది శెట్టి తో కలిసి పాల్గొన్న తెలుగుదేశం పార్టీ నెల్లూరు పార్లమెంట్ ప్రధానకార్యదర్శి చేజర్ల వెంకటేశ్వర రెడ్డి మాట్లాడుతూ  నిన్న ప్రవేశపెట్టిన కేంద్ర బడ్జెట్ లో రాష్ట్రానికి తీరని అన్యాయం జరిగింది. బడ్జెట్ లో తీరని అన్యాయం జరిగిన ముఖ్యమంత్రి జగన్మోహన్ రెడ్డి గారికి కనీసం నిరసన తెలిపే ధైర్యం కూడా లేదు  తనకు 25 మంది ఎంపీలను గెలిపిస్తే కేంద్రం మెడలు వంచి రాష్ట్రానికి ప్రత్యేక హోదా తెస్తానన్న జగన్మోహన్ రెడ్డి గారు తనకు 22 మంది ఎంపీలు ఇచ్చి రెండన్నర సంవత్సరాలు గడిచినా ఎందుకు కేంద్రం మెడలు వంచి ప్రత్యేక హోదా తేలేదో చెప్పాలి. ఎన్నికల ముందు జగన్మోహన్ రెడ్డి గారు చంద్రబాబు నాయుడు గారి గురించి అభూత కల్పనలు,అసత్య ప్రచారాలు చేసి అధికారంలోకి వచ్చారు.అధికారంలోకి వచ్చిన తరువాత ఒక్క ఆరోపణను నిరూపించలేకపోయారు. చంద్రబాబు నాయుడు గారి ఇంటిలో వెంకటేశ్వర స్వామి పింక్ డైమండ్ ఉందని చెప్పారు. అధికారంలోకి వచ్చిన తరువాత పింక్ డైమెండ్ ఏమైందో తేల్చలేదు.చంద్రబాబు గారు 6 లక్షల కోట్లు అవినీతి చేసారని చెప్పి పుస్తకాలు వేశారు.చివరకు ఒక్క రూపాయి అవినీతిని కూడా నిరూపించలేక పోయారు. కుటుంభంలో ఎంత మంది చదువుతున్న అందరికి అమ్మవడి ఇస్తానని చెప్పి అధికారంలోకి వచ్చిన తరువాత కుటుంభంలో ఒక్కరికే ఇస్తున్నారు.45 సంవత్సరాలు నిండిన ప్రతి మహిళకు పెన్షన్ ఇస్తామని చెప్పి అధికారంలోకి వచ్చిన తర్వాత మాటమార్చారు. అధికారంలోకి వచ్చిన వారం రోజులలోనే ఉద్యోగులకు CPS  రద్దు చేస్తామని చెప్పి ఉద్యోగులను మోసం చేయడమే కాకుండా వారి జీతాలు కూడా తగ్గించారు. తెలుగుదేశం ప్రభుత్వ హయాంలో అమలు అవుతున్న అనేక సంక్షేమ కార్యక్రమాలను జగన్మోహన్ రెడ్డి గారు రద్దు చేశారు. వైసీపీ ప్రభుత్వ ప్రజావ్యతిరేకత విధానాలు పై నూతనంగా ఎన్నికయిన తెలుగుదేశం పార్టీ కమిటీలు రాజీ లేని పోరాటం చేయవలసి ఉంటుంది.కావున నూతనంగా ఎన్నికయిన మండల పార్టీ కమిటీ,అనుబంధ విభాగాల కమిటీలకు ఎంపికయిన వారి పై గురుతరమైన బాధ్యతలు ఉన్నాయి.వాటిని నెరవేర్చడానికి శక్తి వంచన లేకుండా పని చేయాలని కోరారు.ఈ సమావేశంలో తెలుగుదేశం పార్టీ నాయకులు కొండూరు పొలిశెట్టి,బీద గిరిధర్ తో పాటు బోగోలు మండల తెలుగుదేశం పార్టీ నాయకులు, కార్యాకర్తలు పెద్ద సంఖ్యలో పాల్గొని తెలుగుదేశం పార్టీ మండల కమిటీ ని ఎంపిక చేశారు.

 కాకాణి ఆధ్వర్యంలో "జగనన్న వరం - సర్వేపల్లి జన నీరాజనం" వారోత్సవాలు

"కాకాణి చేతులు మీదుగా పిల్లలకు చాక్లెట్ ప్యాకెట్ల పంపిణీ"

శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, మనుబోలు మండల కేంద్రంలోని జిల్లా పరిషత్ ఉన్నత పాఠశాలలో "జగనన్న వరం - సర్వేపల్లి జన నీరాజనం" వారోత్సవాలలో భాగంగా నియోజకవర్గంలోని పిల్లలకు 50 వేల చాక్లెట్ ప్యాకెట్ల పంపిణీ కార్యక్రమాన్ని ప్రారంభించిన వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.

ముఖ్యమంత్రి గారికి ధన్యవాదాలు తెలియజేస్తూ, జగన్మోహన్ రెడ్డి గారి చిత్రపటానికి పాలాభిషేకం నిర్వహించిన చిన్నారులు.   సర్వేపల్లి నియోజకవర్గాన్ని నెల్లూరు జిల్లాలో అంతర్భాగంగా కొనసాగించిన ముఖ్యమంత్రి జగన్మోహన్ రెడ్డి గారికి ధన్యవాదాలు తెలియజేసేందుకు "జగనన్న వరం - సర్వేపల్లి జన నీరాజనం" పేరిట వారోత్సవాలు నిర్వహిస్తున్నాం. జగన్మోహన్ రెడ్డి గారికి ధన్యవాదాలు తెలియజేసే వారోత్సవాల్లో భాగంగా, నవ భారత పౌరులైన చిన్నారులకు చాక్లెట్లు పంపిణీ చేస్తున్నాం. సర్వేపల్లి నియోజకవర్గ వ్యాప్తిగా అంగన్వాడి పిల్లల నుండి పదవ తరగతి వరకు ప్రభుత్వ, ప్రైవేటు, రెసిడెన్షియల్ స్కూళ్లలో చదువుతున్న 50 వేల మంది పిల్లలకు చాక్లెట్ ప్యాకెట్లు అందిస్తున్నాం. సర్వేపల్లి నియోజకవర్గంలోని అన్ని ప్రభుత్వ ఉన్నత పాఠశాలలో సర్వేపల్లి నియోజకవర్గాన్ని నెల్లూరు జిల్లాలో కలపడం వలన కలిగే ఉపయోగాలపై విద్యార్థినీ, విద్యార్థులకు వ్యాసరచన, వక్తృత్వ పోటీలు నిర్వహిస్తున్నాం. వ్యాసరచన, వక్తృత్వ పోటీలలో ప్రతిభ కనబరిచిన విద్యార్థినీ, విద్యార్థులకు జ్ఞాపికలతో పాటు, నగదు బహుమతులు కూడా అందిస్తాం. సర్వేపల్లి నియోజకవర్గాన్ని నెల్లూరు జిల్లాలోనే కొనసాగించడంతో, ప్రజలు జగనన్నకు ధన్యవాదాలు తెలియజేసే కార్యక్రమానికి స్వచ్ఛందంగా, భారీగా తరలి వస్తున్నారు. సర్వేపల్లి నియోజకవర్గంలో వారం రోజులు నిర్వహిస్తున్న ఉత్సవాలలో, భాగస్వాములవుతున్న వారందరికీ నా హృదయపూర్వక ధన్యవాదాలు.