Ravikiranalu TV

 సిటిజన్ సర్వీసెస్ పోర్టల్ 2.0 స్టార్ట్ - ఇంటి గడప వద్దకే పథకాలు - సీఎం జగన్

సిటిజన్ సర్వీసెస్ పోర్టల్ 2.0ప్రారంభం చేశారు.ఏపీ సేవా పేరుతో పోర్టల్ ని ప్రారంభించారు. ఈ సేవల్ని మరింత మెరుగుపరిచేందుకే పోర్టల్ అని సీఎం జగన్ తెలిపారు.

దాంతో వేర్వేరు శాఖలన్నీ ఒకే పోర్టల్ కిందకు వస్తాయి. మారుమూల గ్రామాల్లోనూ సేవల్లో వేగం పెరుగుతుందని సీఎం చెప్పారు. గ్రామ,వార్డు సచివాలయాల్లో సేవలు మరింత వేగంగా జరగనున్నాయి. గ్రామ స్వరాజ్యానికి ఇదే నిదర్శనమని సీఎం జగన్ తెలిపారు. ఇంటి గడప వద్దకే పథకాలను అందిస్తున్నామన్నారు. ఈ మేరకు వాలంటీర్లు, సచివాలయ ఉద్యోగులు గొప్పగా పని చేస్తున్నారని వెల్లడించారు. ఈ సేవల్ని మరింత మెరుగుపరిచేందుకే పోర్టల్ అని జగన్ వివరించారు. గ్రామ, వార్డు సచివాలయాల ద్వారా 3.46కోట్ల మందికి మేలు జరుగుతుందని చెప్పారు. పౌర సేవలు మరింత వేగంగా జరుగుతాయని అన్నారు.

 దేశంలో ఎక్కడి నుంచైనా భూ రిజిస్ట్రేషన్

కేంద్ర ప్రభుత్వం నూతన భూసంస్కరణలను ప్రవేశపెట్టింది. ఒకే దేశం, ఒకే రిజిస్ట్రేషన్ అంశాన్ని ఆర్థిక మంత్రి నిర్మలా సీతారామన్ తన ప్రసంగంలో వెల్లడించారు. నేషనల్ జెనరిక్ డాక్యుమెంట్ రిజిస్ట్రేషన్ సిస్టమ్ (NGDRS)తో దేశంలో ఎక్కడి నుంచైనా భూముల రిజిస్ట్రేషన్ చేసుకోవచ్చని పేర్కొన్నారు. మెరుగైన జీవన సౌలభ్యం, సులభతర వ్యాపారానికి వీలుగా ఈ విధానం తీసుకొస్తున్నట్లు చెప్పారు.

 దొరవారిసత్రం రెగ్యులర్ డిప్యూటీ తహశీల్దార్ గా పెళ్లూరు గోపినాధ్ రెడ్డి 

 నెల్లూరుజిల్లా. దొరవారిసత్రం: దొరవారిసత్రం మండలం రెగ్యులర్ డిప్యూటీ తహశీల్దార్ గా పెళ్లూరు గోపినాధ్ రెడ్డిని నియమిస్తూ జిల్లా కలెక్టర్ కె.వి.ఎన్ చక్రధర్ బాబు ఉత్తర్వులు జారీచేశారు.వెంకటగిరి మండలం స్పెషల్ డిప్యూటీ తహశీల్దార్ గా పనిచేస్తున్న గోపినాధ్ రెడ్డి బదిలీపై దొరవారి సత్రం మండలం రెగ్యులర్ డిప్యూటీ తహసీల్దార్ గా నియమితులయ్యారు.బుధవారం ఆయన బాధ్యతలు స్వీకరించనున్నారు. నాయుడుపేట ఆర్డీఓ  కార్యాలయం తోపాటు సూళ్లూరుపేట నియోజకవర్గంలో  పలు రెవెన్యూ కార్యాలయాల్లో వివిధ హోదాల్లో పని చేసిన పెళ్లూరు గోపినాధ్ రెడ్డి నియోజకవర్గ ప్రజలకు సుపరిచితులు. గోపిరెడ్డిగా పిలవబడే డిప్యూటీ తహశీల్దార్ గోపినాధ్ రెడ్డి సౌమ్యుడు మంచివారనే పేరుంది.

"గూడూరు" ను జిల్లాగా ప్రకటించాలి- లేదా నెల్లూరు జిల్లాలో ఉంచాలి 

రాష్ట్ర ప్రభుత్వాన్నీ డిమాండ్ చేసిన గూడూరు ప్రజానీకం 

గూడూరులో కదంతొక్కిన టీడీపీ- ప్రతిపక్ష పార్టీలు 

పట్టణంలో భారీ ర్యాలీ- తరలి వచ్చిన జన సమూహం 

ఆర్డీవో కార్యాలయం ఎదుట బైఠాయింపు- మోకాలపై నిరసన 

గూడూరు  ప్రజల మనోభావాలు గౌరవించాలి:పాశం 

గూడూరు ప్రజలకు న్యాయం జరిగేలా పోరాటం 

టీడీపీ, ప్రతిపక్ష పార్టీలు హెచ్చరికలు 

 గూడూరు నియోజకవర్గ ప్రజల మనోభావాలు రాష్ట్ర ప్రభుత్వం పరిగణనలోకి తీసుకుని వెంటనే గూడూరు ను జిల్లా గా ప్రకటించడం లేదా యధావిధిగా నెల్లూరు జిల్లాలో కొనసాగే విధంగా చర్యలు తీసుకోవాలని మాజీ ఎమ్మెల్యే పాశం సునీల్ కుమార్ డిమాండ్ చేశారు.మంగళవారంగూడూరు నియోజకవర్గాన్ని శ్రీ బాలాజీ జిల్లాలో కలపడాన్ని నిరసిస్తూ గూడూరును జిల్లాగా ప్రకటించాలి, లేకపోతే నెల్లూరు జిల్లాలోనే కొనసాగించాలనికోరుతూ మంగళవారం గూడూరు మాజీ ఎమ్మెల్యే పాశం సునీల్ కుమార్ ఆధ్వర్యంలో టిడిపినాయకులు ,కార్యకర్తలు,ప్రతిపక్ష పార్టీలు, ప్రజా సంఘాలు, స్వచ్ఛంద సంస్థలతో కలసి పట్టణంలోని గమళ్ల పాళెం లో ఉన్న టీడీపీ పార్టీ కార్యాలయం నుండి క్రిష్ణ మందిరం, రాజావీధి, టవర్ క్లాక్ సెంటర్ మీదుగా భారీ ర్యాలి గా నినాదాలు చేస్తూ ఆర్డీవో కార్యాలయం వద్దకు చేరుకొని బైఠాయించి నిరసన తెలిపారు.  అనంతరం ఆర్డీవో కార్యాలయం ఎదుట మోకాళ్ళ పై నిరసన వ్యక్తం చేసి ఆర్డీవో కార్యాలయం ఏ వో కు మాజీ శాసన సభ్యులు పాశిం సునీల్ కుమార్ అందజేశారు.ఈ సందర్భంగా పాశం మాట్లాడుతూ రాష్ట్ర ప్రభుత్వం పరిపాలన సౌలభ్యం అనే పేరుతో జనవరి26 గణతంత్ర దినోత్సవం నాడురాష్ట్రంలో ఉన్న 13 జిల్లాలను 26 జిల్లాలుగా ఏర్పాటు చేస్తూ రాజ పత్రం(గెజిట్ నోటిఫికేషన్) విడుదల చేయడం జరిగింది అని తెలిపారు.తిరుపతి జిల్లా కేంద్రంగా శ్రీ బాలాజీ జిల్లాను ఏర్పాటు చేసి దానిలో తిరుపతి, చంద్రగిరి, శ్రీ కాళహస్త్రి, సత్యవేడు, సుళ్ళూరుపేట, వెంకటగిరి నియోజకవర్గలతో పాటు గూడూరు నియోజక వర్గాలను కలపడం జరిగింది అని తెలిపారు.  అయితేగూడూరు నియోజకవర్గం  ప్రస్తుతం నెల్లూరు జిల్లా కేంద్రంగా నెల్లూరు జిల్లాలో ఉందిఅని,గూడూరు-నెల్లూరు 36 కి.మీ దూరంతో 45 నిమిషాల ప్రయాణంతో గూడూరు ప్రజలకు ఎంతో సౌకర్యంగా ఉంది అన్నారు. ఇలాంటి పరిస్థితుల్లో గూడూరు ను శ్రీ బాలాజీ జిల్లాలో కలిపితే జిల్లా కేంద్రమైన తిరుపతి 100 కి.మీ  దూరం ఉంటుంది.అది గూడూరు నియోజకవర్గ ప్రజలకు సౌకర్యవంతం కాదు అని చెప్పారు. పరిపాలన సౌలభ్యం కోసం రాష్ట్రంలో జిల్లాల సంఖ్య పెంచినపుడు, ప్రజలకు అది సౌకర్యవంతంగా ఉండదో లేదో ప్రజల మనోభావాలు తెలుసుకోవాలి అని హితవుపలికారు.  కానీ రాష్ట్ర ప్రభుత్వం తీసుకున్న నిర్ణయంతో గూడూరు నియోజకవర్గ ప్రజలు అన్ని విధాలుగా కూడా నష్టపోతున్నారుఅని ఆగ్రహంవ్యక్తంచేశారు.నియోజకవర్గంలో ఉన్న వైసీపీ నాయకులు కూడా ఆలోచించాలి, ఎంతో చరిత్ర కలిగిన  గూడూరును, బాలాజీ జిల్లాలో కలపడాన్ని నిరసిస్తూ, ముఖ్యమంత్రికి  గూడూరును జిల్లాగా చేయాలని, లేకపోతే నెల్లూరు జిల్లాలోనే ఉంచేలా గూడూరు నియోజకవర్గ శాసన సభ్యులు వెలగపల్లి వరప్రసాద్ రావు ద్వారా విన్నవించాలనికోరుతున్నట్లు వెల్లడించారు.  రాష్ట్ర ప్రభుత్వం పునరలోచన చేసి   శ్రీ బాలాజీ జిల్లాలో గూడూరు ను తొలగించాలి లేకపోతే గూడూరు జిల్లా కేంద్రంగా చేసి సూళ్ళూరుపేట, వెంకటగిరి ,సర్వేపల్లి నియోజకవర్గాలలోని 22 మండలాలు ఒక గ్రేడ్ -1 మునిసిపాలిటి మరియు 3 మునిసిపాలిటిలను కలిపి ఒక జిల్లా గా ప్రకటించాలని కోరుతున్నాము అని డిమాండ్ చేశారు. అలా వీలుగాని పరిస్థితులలో గూడూరు ప్రజలకు సౌకర్యవంతంగా ఉన్నటువంటి నెల్లూరు జిల్లాలోనే కొనసాగించాలని విజ్ఞప్తి చేస్తున్నాం కోరారు.  ఈ కార్యక్రమంలో టిడిపి నాయకులు బిల్లు చెంచు రామయ్య,వెంకటేశ్వరరాజు,పులిమిశ్రీనివాసులు,ఇజ్రాయెల్ కుమార్, మట్టం శ్రావణి, పల్లె   కోటేశ్వరరావు, భారతి, షేక్ జలీల్ అహ్మద్, నెల్లబల్లి బాస్కర్ రెడ్డి,మధురెడ్డి,టీడీపీ రాష్ట్ర,పార్లమెంట్,నియోజకవర్గ,పట్టణ,మండల,వార్డుగ్రామ,అనుబంధ కమిటీ సభ్యులు, నాయకులు, కార్యకర్తలు  తదితరులు పాల్గొన్నారు.

ఏపీ ఆర్టీసీ సమ్మె సైరన్..ఆగిపోనున్న బస్సులు

ఏపీలో ప్రభుత్వ ఉద్యోగులు, ప్రభుత్వం మధ్య పీఆర్సీ రగడ కొనసాగుతోంది. ప్రభుత్వం ప్రకటించిన కొత్త పీఆర్సీని ఉద్యోగులు తీవ్రంగా వ్యతిరేకిస్తున్నారు.ప్రభుత్వ ఉద్యోగులకు ఆర్టీసీ ఉద్యోగులు కూడా మద్దతు తెలుపుతున్నారు. ఈ నేపథ్యంలో ఈనెల 6న అర్ధరాత్రి నుంచి సమ్మెలోకి వెళ్తున్నట్లు కూడా ప్రకటించారు. ఈ మేరకు మంగళవారం మధ్యాహ్నం ఆర్టీసీ ఎండీకి ఆర్టీసీ ఉద్యోగ సంఘాల ఐక్యవేదిక మెమోరాండం సమర్పించింది.ఆర్టీసీ ఎండీ ద్వారకా తిరుమల రావును కలిసి తాము సమ్మె విషయంపై మెమోరాండం అందించినట్లు ఆర్టీసీ ఉద్యోగ సంఘాల ఐక్యవేదిక నేతలు వెల్లడించారు. ఆర్టీసీ ఉద్యోగులు ఎదుర్కొంటున్న 45 సమస్యలతో కూడిన మెమోరాండాన్ని ఎండీకి అందించామన్నారు. తమ సమస్యలు సత్వరమే పరిష్కరించాలని మెమోరాండంలో పేర్కొన్నారు. సమస్యలు పరిష్కరించని పక్షంలో రాష్ట్ర వ్యాప్తంగా సమ్మెకు వెళ్తామని ఎండీకి తెలిపారు. తమ సమస్యలు పరిష్కరించకపోతే ఈ నెల 6 అర్ధరాత్రి నుంచి సమ్మెలోకి వెళ్తామని ఆర్టీసీ ఉద్యోగ సంఘాల ఐక్య వేదిక నేతలు స్పష్టం చేశారు.

 కేంద్ర బడ్జెట్‌ 2022 కీలకాంశాలు..

పార్లమెంట్‌లో ఆర్థిక మంత్రిగా నిర్మలా సీతారామన్‌ నాల్గోసారి బడ్జెట్‌ ప్రవేశపెట్టారు. సుమారు గంటన్నరపాటు ప్రసంగించిన నిర్మలా సీతారామన్‌.. ఈ ఏడాది ద్రవ్యలోటు 6.9గా ఉంటుందని అంచనా వేశారు.ఇక రాష్ట్రాల ఆర్థికాభివృద్ధికి వడ్డీ రహిత రుణ పరిమితిని రూ. లక్ష కోట్లకు కేటాయించినట్లు పేర్కొన్నారు. నిర్మలా సీతారామన్‌ ప్రవేశపెట్టిన బడ్జెట్‌లో కీలకాంశాలు ఇవే..

రాష్ట్రాల ఆర్థికాభివృద్ధికి వడ్డీ రహిత రుణ పరిమితిని రూ.15 వేల కోట్ల నుంచి రూ.లక్ష కోట్లు కేటాయింపు

రాష్ట్రాలకు 50 ఏళ్ల పాటు వడ్డీ రహిత రుణాలు

ఈ ఏడాది ద్రవ్యలోటు 6.9 గా ఉంటుందని అంచనా

2023లో ద్రవ్యలోటు 6.4 గా ఉంటుందని అంచనా

 2022 మూలధన వ్యయం 35.4 శాతానికి పెంపు

రూ.7.50 లక్షల కోట్లు కేటాయింపు

ప్రతి తరగతికి ఒక టీవీ ఛానెల్‌ ద్వారా పాఠాలు, ప్రాంతీయ భాషల్లో పాఠాలు, ప్రస్తుతం 12 విద్యా టీవీ ఛానెల్స్‌ ఉండగా.. వీటిని 200 కి పెంపు

 2 లక్షల అంగన్వాడీ కేంద్రాల అప్‌గ్రెడేషన్‌

 75 జిల్లాల్లో 75 ఈ–బ్యాంకులు(డిజిటల్‌ బ్యాంక్స్‌)

అన్ని పోస్టాఫీసుల్లో బ్యాంకింగ్‌ సేవలు. డిజిటల్‌ పేమెంట్, నెట్‌ బ్యాంకింగ్, ఏటీఎం సేవలు

ఇకపై డిజిటల్‌ పాస్‌పోర్టులు. చిప్‌ ఆధారిత పాస్‌పోర్టులు మంజూరు

పీఎం గృహ నిర్మాణ పథకానికి రూ.48 వేల కోట్ల కేటాయింపులు

ప్రధాని ఆవాస్‌ యోజన కింద 80 లక్షల ఇళ్లు నిర్మాణం

అర్బన్‌ ఏరియాలో పబ్లిక్‌ ట్రాన్స్‌పోర్టులుగా షిప్స్‌ ఉపయోగిస్తాం

పట్టణ ప్రాంతాల అభివృద్ధికి ఉన్నత స్థాయి ప్యానెల్‌ ఏర్పాటు

వచ్చే 3 ఏళ్లలో 400 కొత్త వందే భారత్‌ రైళ్లు

దేశవ్యాప్తంగా వంద గతిశక్తి కార్గో టెర్మినల్స్‌ నిర్మాణం

25 వేల జాతీయ రహదారుల నిర్మాణం

మేకిన్‌ ఇండియాలో భాగంగా 60 లక్షల ఉద్యోగాల కల్పన

డిజిటల్‌ యూనివర్సిటీల ఏర్పాటుకు పూర్తి సహకారం

వంట నూనె దేశీయంగా ఉత్పత్తి చేసేలా చర్యలు 

పట్టణ ప్రణాళిక, ప్రజా రవాణాపై అధ్యయనం

రూ250 కోట్లుతో 5 విద్యా సంస్థల ఏర్పాటు

ఇకపై కేంద్ర మంత్రిత్వ శాఖల లావాదేవీలు ఆన్‌లైన్‌లోనే

అన్ని కేంద్ర ప్రభుత్వ విభాగాల్లో కాగిత రహిత విధానం

త్వరలో 5 జీ టెక్నాలజీ సేవలు, 2022 నాటికి 5 జి స్ప్రెక్టమ్‌ వేలం

2025 నాటికి ఆప్టికల్‌ ఫైబర్‌ నెట్‌వర్క్‌ పూర్తి

పీపీపీ రూపంలో గ్రామీణ ప్రాంతాల్లో ఆప్టికల్‌ ఫైబర్‌ కేబులింగ్‌

ఎగుమతుల ప్రోత్సాహకానికి ఎస్‌ఈజెడ్‌లో సమూల మార్పులు

ఎగుమతుల ప్రోత్సాహకానికి కొత్త చట్టం

రక్షణ రంగంలోనూ ఆత్మనిర్భర్‌ భారత్‌ అమలు

రక్షణ రంగంలో పరిశోధనలకు ప్రైవేట్‌ పరిశ్రమలు, స్టార్టప్‌లు, విద్యాసంస్థలకు అవకాశం 

డిఫెన్స్‌ బడ్జెట్‌లో 25 శాతం డిఫెన్స్‌ రీసెర్చ్‌ కోసం కేటాయింపులు

పర్యాటక ప్రాంతాల్లో పీపీపీ పద్ధతిలో అభివృద్ధి పనులు

ఎనిమిది పర్యాటక ప్రాంతాల్లో 60 కిమీ మేర రోప్‌వేలు

సోలార్‌ ఎనర్జీ ఉత్పత్తి కోసం రూ.19500 కేటాయింపులు

10 రంగాల్లో క్లీన్‌ ఎనర్జీ యాక్షన్‌ ప్లాన్‌

ఎంఎస్‌ఎంఈల ఉత్పత్తుల అమ్మకాలకు ప్రత్యేక పోర్టల్‌

వ్యవసాయ ఉత్పత్తుల అమ్మకాలకు ప్రత్యేక పోర్టల్‌

పీపీపీ మోడల్‌లో ఆహార శుద్ధి పరిశ్రమలు

ఎస్‌సీ, ఎస్‌టీ రైతులకు ప్రత్యేక ప్రోత్సాహకాలు

నిధుల సమీకరణకు సావర్‌ గ్రీన్‌ బాండ్ల 

త్వరలో డిజిటల్‌ కరెన్సీని ప్రవేశపెట్టనున్న ఆర్బీఐ

2022–23లోనే అమల్లోకి డిజిటల్‌ కరెన్సీ

డిజిటల్‌ కరెన్సీ కోసం బ్లాక్‌ చైన్‌ టెక్నాలజీ

ఎలక్ట్రికల్‌ వాహనాలకు మరిన్ని ప్రోత్సాహకాలు

త్వరలో రహదారులపై బ్యాటరీలు మార్చుకునే సౌకర్యం

ప్రజారవాణాలో ప్రత్యామ్నాయ ఇంధన వనరుల వినియోగానికి ప్రణాళికలు

పెట్రో డీజిల్‌ వినియోగాన్ని భారీగా తగ్గించే వ్యూహం

వచ్చే 5 ఏళ్లలో 60 లక్షల ఉద్యోగాల కల్పన జరుగుతుందన్నారు. వద్ధిరేటులో మనం ముందున్నామని

దేశ వ్యాప్తంగా కొత్తగా 25 వేల జాతీయ రహదారుల నిర్మాణం చేపట్టినట్లు నిర్మల తెలిపారు.

వచ్చే ఐదేళ్లలో 13 లక్షల కోట్ల ఉత్పత్తి ఆధారిత ఇన్సెంటివ్‌లు అందిస్తున్నట్లు నిర్మల పేర్కొన్నారు.

చిన్న, మధ్యతరహా రైతుల కోసం వన్‌నేషన్‌ వన్‌ప్రొడక్ట్‌ పథకం అమలు 

2023 నాటికి 2 వేల కి.మీ రైల్వే లైన్లు పెంపు

రవాణ రంగంలో మౌలిక సదుపాయాల కోసం రూ.20 వేల కోట్టు కేటాయింపులు – భారత్‌లో అవసరాలకు అనుగుణంగా మెట్రో రైలు కనెక్టివిటీ 

వచ్చే ఐదేళ్లలో 13 లక్షల కోట్ల ఉత్పత్తి ఆధారిత ఇన్సెంటివ్‌లు

చిన్న రైతులు, చిన్న పరిశ్రమలకు అనుగుణంగా రైల్వే నెట్‌వర్క్‌

వ్యవసాయ క్షేత్రాల పర్యవేక్షణకు కిసాన్‌డ్రోన్‌లను అభివృద్ధి

దేశవ్యాప్తంగా సేంద్రీయ వ్యవసాయానికి ప్రొత్సాహం

కృష్ణా,పెన్నా,కావేరి నదుల అనుసంధానానికి ప్రణాళిక

ఇన్‌కమ్‌ ట్యాక్స్‌ ఫైలింగ్‌ మరింత సులభతరం, రెండేళ్ల దాకా రిటర్స్‌ ఫైల్‌ చేసుకునే అవకాశం

 ధరలు పెరిగేవి..* గొడుగులు(దిగుమతి చేసుకునే వాటిపై సుంకం 20 శాతం మేర పెరగనుంది) * అలాగే విదేశాల నుంచి దిగుమతి చేసుకునే అన్ని వస్తువులు. ఉదా: ప్లాస్టిక్ ఐటమ్స్, ఫర్టిలైజర్స్, ఐరన్, స్టీల్, మెడికల్ పరికరాలు, ఎలక్ట్రానిక్ పరికరాలు, ఆర్గానిక్ కెమికల్స్

ధరలు తగ్గేవి..* వస్త్రాలు* నగలు* మొబైల్ ఫోన్స్* మొబైల్ ఛార్జర్* చెప్పులు* స్టీల్ స్క్రాప్స్

 వికాస్ ఆరోగ్య దీపికకు దరఖాస్తు చెసుకోoడి  -- కర్తo

వికాస్ ఆరోగ్య దీపిక పధకం కింద పేదలకు ఉచితంగా మందులను అందించనున్నాము. ఈ పధకం కింద మందులు ఉచితంగా పొందాలనుకొనే 14 వ డివిజన్ ప్రజలు రేపటి నుంచి దరఖాస్తూ చేసుకోవాలని కోరారు కర్త0 ప్రతాప్ రెడ్డి.. ఈ రోజు ఆయన 14వ డివిజన్ లో పర్యటించి తాను స్వయంగా చేపడుతున్న ఆరోగ్య దీపిక పధకం గురించి ప్రజలకు తెలియజెప్పారు. డాక్టర్ వ్రాసిచ్చిన మందుల చీటీని, ఆధార్ కార్డు ను వికాస్ స్కూల్ లో అందజేయాలని, వారిలో పేదలను గుర్తించి ప్రతి నెల వారికి మందులను ఉచితంగా అందజేస్తామన్నారు.  వృద్ధులు,అనారోగ్యంతో బెడ్ లో ఉండే వారికి అవసరమైన  డ్రెస్సింగ్, ఇంజెక్షన్లు తదితర వైద్య సేవలను వారి ఇంటివద్దే అందింస్తామన్న కర్త0 అర్హులైన వారు ఈ పదకాన్ని సద్వినియోగం చేసుకోవాలని కోరారు.