Ravikiranalu TV

దాతల పెద్ద మనసు

జి.గోపిక వైద్యానికి 20,000 రూ లు ఆర్థిక సాయం అందించిన రాజనేని రాజనేనీ రామానాయుడు చారటబుల్ ట్రస్ట్

గూడూరు రూరల్ మండలం మంగలపూరూ గ్రామానికి చెందిన 7 సంవత్సరాల పాప జి.గోపిక ప్రమాద వశాత్తు శరీరం కాలిన సంఘటనలో శరీరం కాలి నెల్లూరు ప్రభుత్వ ఆసుపత్రిలో చికిత్స పొందుతూ ఉంది,దాతలు సహాయం చేయండి అన్న వార్తకు స్పందించిన చిల్లకూరు మండలం చేడిమాల గ్రామానికి చెందిన రాజనేనీ రామానాయుడు చారటబుల్ ట్రస్ట్ ఫౌండర్ రాజనేని శ్రీనివాసులు నాయుడు పాప వైద్యానికి 20,000రూ సహాయం చేసారు,ట్రస్ట్ ప్రతినిదులు నెల్లూరు ప్రభుత్వ ఆసుపత్రికి వెళ్ళి నగదును పాప పర్యవేక్షకులుకు అందించారు....

RTO అధికారులు, RTC అధికారులు సంయుక్తంగా నిబంధనలుకు విరుద్ధం గా, అధిక లోడు తో వెళ్లే ప్యాసింజర్ వాహనాలపై స్పెషల్ డ్రైవ్

RTO అధికారులు, RTC అధికారులు సంయుక్తంగా నిబంధనలుకు విరుద్ధం గా, అధిక లోడు తో వెళ్లే ప్యాసింజర్ వాహనాలపై స్పెషల్ డ్రైవ్

08-01-2022 గూడూరు మండలం తిప్పవరప్పాడు గ్రామం సర్కిల్ వద్ద RTO అధికారులు, RTC అధికారులు కలిసి ప్రమాదకర రీతిలో ఎక్కువ మంది ప్యాసింజర్ తో వెళుతున్న ఆటోలును,హైర్ పద్దతిలో తిరిగే RTC బస్ ల డాక్యుమెంట్లను అధిక లోడుతో వెళుతున్న వాహనాలను ఆపి జరిమానాలు విధించారు,ప్రయాణికులు RTC బస్సులో ప్రయాణం సురక్షితమని RTC సిబ్బంది ప్రయాణికులుకు తెలియ చేశారు...ఈ స్పెషల్ డ్రైవ్ లో రవాణాశాఖ అధికారులు శేషి రెడ్డి ఇతర సిబ్బంది పాల్గొనగా RTC అధికారులు కొందరు పాల్గొన్నారు.

సూళ్లూరుపేట మండలంలో జిల్లా జాయింట్ కలెక్టర్ హరేంద్ర ప్రసాద్ పర్యటన.

నెల్లూరుజిల్లా. సూళ్లూరుపేట:-

మండలంలోని అబాక, కోటపోలూరు సచివాలయాన్ని మరియు గ్రోమోర్, జువారి ఎరువుల దుకాణాలను జిల్లా జాయింట్ కలెక్టర్ హరేంద్ర ప్రసాద్ నేడు తనిఖీలు చేశారు. అనంతరం సచివాలయం సిబ్బందికి రాష్ట్ర ప్రభుత్వం ఇచ్చినటువంటి సంక్షేమ పథకాలను ప్రతి పేదవారికి అందే విధంగా చూడాలని సూచనలిచ్చారు. అనంతరం పట్టణంలో ఉన్న గ్రోమోర్ మరియు జువారి ఎరువుల షాపులను తనిఖీ చేశారు. ఎరువుల దుకాణాలకు సిబ్బందికి రైతులకు ఎరువులను సకాలంలో అందించాలని సూచనలు ఇచ్చారు. ఎరువులు (యూరియా) కొరత ఉండటంతో ప్రతి ఒక్కరికి అందే విధంగా చూడాలని అందుకుగాను ఆధార్ కార్డు నమోదు చేసుకొని రైతులకు ఉన్నటువంటి పొలం ఆధారంగా ఎరువులను అందజేయాలని ఎరువులను అధిక రేట్లకు వ్యతిరేకిస్తే కఠిన చర్యలు చేపడతామని హెచ్చరించారు. ఈ కార్యక్రమంలో సులూరుపేట తాసిల్దార్ కె రవి కుమార్ వ్యవసాయ శాఖ ఏడి రాజ్ కుమార్,ఏవో కవిత మరియు పలు శాఖల అధికారులు ఉన్నారు.

గర్భిణీలకు ఆరోగ్యశ్రీ ద్వారా ఉచిత వైద్యము మరియు ఆరోగ్య ఆసరా"

"గర్భిణీలకు ఆరోగ్యశ్రీ ద్వారా ఉచిత వైద్యము మరియు ఆరోగ్య ఆసరా"

నెల్లూరుజిల్లా. దొరవారిసత్రం:-

ఆరోగ్యశ్రీ జిల్లా సమన్వయకర్త డాక్టర్ చంద్రశేఖర్ ఆదేశాల మేరకు నాయుడుపేట డివిజన్ పరిధి ఆరోగ్యశ్రీ టీం లీడర్ నాగేంద్ర బూరగ దొరవారిసత్రం లోని ప్రభుత్వ ఆసుపత్రిలో ఆరోగ్య మిత్రాలు మరియు ఆశావర్కర్ల తో సమావేశం నిర్వహించారు. అనంతరం నాగేంద్ర బూరగ మాట్లాడుతూ ఆరోగ్యశ్రీ పథకం ద్వారా అందరికీ ఆరోగ్యశ్రీ అనుసంధాన ప్రైవేట్ హాస్పిటల్ లో ఉచిత వైద్యం అందించబడునని, అలాగే కొన్ని ప్రత్యేక చికిత్సలకు ఆరోగ్య ఆసరా కింద కొంత డబ్బును అందించబడునని, ముఖ్యంగా గర్భిణీ స్త్రీలకు డెలివరీ సమయంలో ఉచిత వైద్యం తో పాటు ఆసరా కింద రెండు వేల నుంచి ఐదు వేల రూపాయల వరకు గర్భిణీ స్త్రీ బ్యాంక్ అకౌంట్లో నేరుగా జమ చేయబడునని అన్నారు. కావున ప్రతి ఒక్కరూ ఆరోగ్యశ్రీ హాస్పిటల్ కి వెళ్లేటప్పుడు ఆరోగ్యశ్రీ కార్డు తో పాటు బ్యాంకు పుస్తకం కూడా తప్పనిసరిగా తీసుకొని రావలెను తెలిపారు. నాయుడుపేట డివిజన్ పరిధిలో అర్హులై ఉండి కూడా కార్డు లేని వారిని గుర్తించి వెంటనే వాళ్ళకి ఆరోగ్య కార్డు మంజూరు చేయవలసిందిగా ఆరోగ్య మిత్రాలను ఆదేశించారు.

సాయినగర్ ST కాలనీ లో నేడు తెలుగు దేశం పార్టీ అద్వర్యంలో గౌరవ సభ

నెల్లూరుజిల్లా. సూళ్లూరుపేట:-

పట్టణం లోని సాయినగర్ ST కాలనీ లో నేడు తెలుగు దేశం పార్టీ అద్వర్యంలో గౌరవ సభను నిర్వహించారు. రాష్ట్ర పార్టీ పిలుపు మేరకు పట్టణ టిడిపి అధ్యక్షుడు ఆకుతోట రమేష్ అధ్యక్షతన సభ జరిగింది. ఈ సభలో టిడిపి తిరుపతి పార్లమెంట్ ప్రధాన కార్యదర్శి వేనాటి సతీష్ రెడ్డి తో పాటు నియోజకవర్గం ఇంచార్జి నెలవల సుబ్రహ్మణ్యం పాల్గొని ప్రజా వేదిక నిర్వహించి ప్రజా సమస్యలను తెలుసుకున్నారు. ఈ సందర్భముగా వేనాటి సతీష్ రెడ్డి మాట్లాడుతూ గత టిడిపి పాలనలో సంక్రాంతికి ఇచ్చే రేషన్ కానుకలు ఈ ప్రభుత్వం మానేసిందని,ఎరువుల ధరలు పెంచి రైతులు కొనుగోలు చేయలేని పరిస్థితులకు తెచ్చేశారని ఆయన విమర్శించారు.అలాగే నెలవల సుబ్రహ్మణ్యం మాట్లాడుతూ శాసన సభలో ప్రజాసమస్యలను చేర్చించ కుండా సభ సమయాన్ని వృధా చేస్తున్నారని, ప్రాణాలు అడ్డుపెట్టైనా ఈ సారి చంద్రబాబు ను సీఎం చేయడానికి సహకరించాలి నెలవల విజ్ఞప్తి చేశారు. ఈ కార్యక్రమం లో జిల్లా టిడిపి అధికార ప్రతినిధి తిరుమూరు సుధాకర్ రెడ్డి, పట్టణ టిడిపి కార్యదర్శి AG కిషోర్,టిడిపి నేతలు చిట్టేటి పెరుమాళ్,మాలకొండయ్య ,మంజుల తదితరులు పాల్గొన్నారు.

కాదలూరు ప్రాథమిక పాఠశాలలో సంక్రాంతి సంబరాలు.

నెల్లూరు జిల్లా. తడ:- మండలంలోని కాదలూరు ప్రాథమిక పాఠశాల నందు రాబోయే సంక్రాంతి ని పురస్కరించుకొని సంక్రాంతి సంబరాలు నిర్వహించారు. ఈ కార్యక్రమంలో పిల్లలు విద్యార్థులు తల్లిదండ్రులు పాల్గొన్నారు విద్యార్థులకు ముగ్గుల పోటీలు గాలిపటాల తయారీలో పోటీలు నిర్వహించి గెలుపొందిన విద్యార్థులకు బహుమతులు ఇవ్వడం జరిగింది, విద్యార్థుల చేత భోగి మంటలు వేయించి, విద్యార్థులకు సంక్రాంతి పండుగ యొక్క గొప్పతనాన్ని వివరించడం జరిగింది, ఈ కార్యక్రమంలో పాఠశాల యాజమాన్య కమిటీ సభ్యులు, ఉపాధ్యాయులు, విద్యార్థుల తల్లిదండ్రులు పాల్గొన్నారు.

ప్రైవేటు స్కూల్ వద్ద PDSU విద్యార్థి సంఘాలు ధర్నా.

నెల్లూరుజిల్లా. సూళ్లూరుపేట:- పట్టణంలో నేడు విద్యార్థి సంఘాల ఆధ్వర్యంలో నారాయణ, శ్రీ చైతన్య పాఠశాలల ముందు ధర్నా నిర్వహించారు విద్యార్థి సంఘాలు. అనంతరం PDSU జిల్లా కార్యదర్శి లోకేష్ మాట్లాడూతు ఈరోజు నారాయణ,శ్రీచైతన్య అలాగే ప్రయివేటు విద్యాసంస్థలు ఏవైతే ఉన్నాయో పరిమితం మించి ఫీజులు వసూలు చేయడమే కాకుండా ఫీజుల కట్టని విద్యార్థులకు పరీక్షలు నిర్వహించకుండా తరగతి గదులు బయట కూర్చోపెడ్తున్నారుని, గత 3 సంత్సరాలుగా కరోన వచ్చి పనులు లేక ప్రజలందరూ అల్లాడుతుంటే, విద్యార్థులు తరగతులకు దూరమై చదువు అందక సతమతమవుతు ఉంటే ఏమాత్రం కనికరం లేకుండా నూటికి నూరుశాతం ఫీజులను వసూలు చేయడం చాలా బాధాకరమైన విషయమని అన్నారు . అందుకు గాను PDSU,SFI,AISF గా మేము యాజమాన్యాలను ఒకటే అడుగతావునామ్ కరోన సమయంలో లాక్ డౌన్ ఉన్నకుడా మీరు ఏ విధముగా ఐతే ఇల్లు ఇల్లు తిరిగి అడ్మిషన్లు అడుకున్నారో ఆ విధముగా అడుకొన్ని వసూళ్లు చేసుకొండే తప్ప పిల్లలను ఇబ్బంది పెడితే విద్యార్థి సంఘాలు గా ఉరుకోబోమని హెచ్చరిచారు.అనంతరం సూళ్లూరుపేట MEO కి మేమోరాండం అందజేశారు.ఇప్పటికీ MEO కి అనేకసార్లు అనేక రూపాలుగా మేమురాండం అందచేసి కార్పొరేట్, ప్రయివేటు విద్యాసంస్థలలో విపరీతంగా ఫిజులు వసూలు చేస్తున్నారని చెప్పిన ఆయన నిమ్మకీ నీరెత్తినట్లు వ్యవహరిస్తున్నారే తప్ప ఏమాత్రం చర్య తీసుకోలేదని వాపోయారు. అలాగే ముఖ్యమంత్రి జగన్ మోహన్ రెడ్డి పాదయాత్రలో బహిరంగసభలు నిర్వహించి ఏమని ప్రసంగించారో ఒక్కసారి గుర్తుతెచుకోండి నేను CM అయితే విద్యార్థుల నుండి అధిక ఫిజులు వసూళ్లు చేస్తున్న ఈ నారాయణ,శ్రీ చైతన్య విద్యాసంస్థలను రద్దు చేస్తాను అని ప్రసంగించారని కానీ ముఖ్యమంత్రి అధికారం చెప్పట్టి 3 సంత్సరాలు గడుస్తున్నా రాష్ట్ర మారుమూల ప్రాంతాలలో చిన్న విద్యాసంస్థనైనా రద్దు చేసినట్లు దాఖలా ఉందా అని డిమాండ్ చేశారు. ఎందుకంటే మీకు రావాల్చిన ముడుపులు,లావాదేవీలు ఎప్పుడో అందిపోయి,జరిగిపోయి ఉంటాయి. మేము విద్యార్థి సంగాలుగా ఒకటే డిమాండ్ చేస్తూ ఉన్నాం ఇంకనైనా ఏవైతే ప్రయివేటు, కార్పొరేట్ విద్యాసంస్థలు పరిమితంకు మించి ఫీజులు వసూలు చేస్తూ ఉన్నాయో వాటిపై చర్యలు తీసుకునే విధంగా ఆదేశాలు జారీచేయాలని విద్యార్థి సంగాలుగా డిమాండ్ చేశారు.లేకుంటే రాబోవు రోజులలో తీవ్రమైనపరిణామాలు మీతోపాటు మీకు ముడుపు అందించిన విద్యాసంస్థలకూడా ఎదురుకోవాల్సి వస్తుందని హెచ్చరించారు. ఈ కార్యక్రమంలో PDSU సూళ్లూరుపేట పట్టణ అధ్యక్షులు, కార్యదర్శి వరప్రసాద్, అనిల్,గవర్నమెంట్ డిగ్రీ కళాశాల అధ్యక్షులు,కార్యదర్శి చక్రపాణి, గురవయ్య అలాగే SFI నాయకులు:-నాగరాజు విద్యార్ధులు పాల్గొన్నారు.