Ravikiranalu TV

 "కాకాణి పూజిత విరాళం"

శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, పొదలకూరు మండలంలో తమ సొంత గ్రామమైన తోడేరులో తిరుమల తిరుపతి దేవస్థానం సహకారంతో 50 లక్షల రూపాయలతో చేపట్టనున్న రామాలయ పునర్నిర్మాణానికి, నాల్గవ వంతు 12 లక్షల 50 వేల రూపాయలు విరాళాన్ని సహాయక కమీషనర్ దేవాదాయ శాఖ వారికి అందజేసిన సర్వేపల్లి శాసనసభ్యులు కాకాణి గోవర్ధన్ రెడ్డి గారి కుమార్తె శ్రీమతి పూజిత గారు.

 మా స్వగ్రామమైన తోడేరులో మా తాతగారైన కీ౹౹శే౹౹ శ్రీ కాకాణి రమణారెడ్డి గారి జ్ఞాపకార్థం రామాలయాన్ని నేను, నా సోదరి సుచిత్ర పునర్నిర్మించాలని భావించాం. సర్వేపల్లి శాసన సభ్యునిగా మా నాన్న కాకాణి గోవర్ధన్ రెడ్డి గారు మా కోరికను మన్నించి, తిరుమల తిరుపతి దేవస్థానం ద్వారా నిధులు మంజూరు చేయించారు. రామాలయ పునర్నిర్మాణానికి అంచనా విలువ 50 లక్షల రూపాయలు అవసరం పడడంతో, తిరుమల తిరుపతి దేవస్థానం వారు 37 లక్షల 50 వేల రూపాయలు శ్రీవారి ట్రస్టు ద్వారా అందించడానికి సంసిద్ధత వ్యక్తం చేశారు. రామమందిరం నిర్మాణానికి 12లక్షల 50 వేల రూపాయలు గ్రామస్తుల భాగస్వామ్యానికి ముందుగానే జమ చేయవలసినదిగా ఉత్తర్వుల్లో పేర్కొనడం జరిగింది. తోడేరు గ్రామం, మా కుటుంబం గనుక, గ్రామస్తుల పక్షాన 12లక్షల 50 వేల రూపాయలు నేను, నా చెల్లెలు సుచిత్ర ఇద్దరం కలిసి భరించాలని నిర్ణయించాం. రామాలయ నిర్మాణానికి మా వంతు భాగస్వామ్యం12లక్షల 50 వేల రూపాయలు సహాయక కమీషనర్ దేవాదాయ శాఖ వారికి, పెద్దలు, గ్రామస్తుల సమక్షంలో అందజేశాం. తోడేరు గ్రామంలో మంచి రామమందిరం నిర్మించాలన్న మా తాతగారు కాకాణి రమణా రెడ్డి గారి కల నెరవేరబోతున్నందుకు చాలా సంతోషంగా ఉంది. మా తోడేరు గ్రామంలో రామమందిరం నిర్మాణం కోసం నిధులు మంజూరు చేసిన పూజ్యులు తిరుమల తిరుపతి దేవస్థానం చైర్మన్ వై.వి.సుబ్బారెడ్డి గారికి, గౌరవ ఎగ్జిక్యూటివ్ ఆఫీసర్ జవహర్ రెడ్డి గారికి మా గ్రామస్తులందరీ తరపున హృదయపూర్వక కృతజ్ఞతలు తెలియజేస్తున్నా. రామమందిరం నిర్మాణానికి అంచనాలు తయారు చేయించి, సంపూర్ణ సహాయ సహకారాలు అందించిన దేవాదాయ శాఖ అసిస్టెంట్ కమిషనర్ గారికి, వారి కార్యాలయ సిబ్బందికి మా ధన్యవాదాలు.

 "కాకాణికి ఘన స్వాగతం పలికిన విద్యార్థిని, విద్యార్థులు, ఉపాధ్యాయులు" 

శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గంలో  ముత్తుకూరు, మనుబోలు మండలాల్లో పర్యటించి, పదవ తరగతి విద్యార్థిని, విద్యార్థులకు విద్యా సామాగ్రిని అందించిన వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.

ఎమ్మెల్యే కాకాణికి ఘన స్వాగతం పలికిన విద్యార్థిని, విద్యార్థులు, ఉపాధ్యాయులు. ఆట, పాటలతో అలరించిన చిన్నారుల నృత్యాలు

 జగన్మోహన్ రెడ్డి గారి ఆలోచనతో ప్రభుత్వ పాఠశాలలకు మహర్దశ పట్టింది. చరిత్రలో ఎన్నడూ లేనివిధంగా జగన్మోహన్ రెడ్డి గారి నేతృత్వంలో స్కూళ్లు అభివృద్ధికి నోచుకుంటున్నాయి. కరోనా సమయంలో పిల్లలకు కరోనా వ్యాప్తి చెందకుండా, పరీక్షలు నిర్వహించకుండానే ప్రభుత్వం నిర్ణయం తీసుకొని, పిల్లలు అందరూ పాసైనట్లుగా ప్రకటించారు. విద్యార్థులు గత రెండు సంవత్సరాలుగా పరీక్షలు నిర్వహించకుండానే ఉత్తీర్ణులైనట్లు ప్రకటించడంతో, అలసత్వం ప్రదర్శించకుండా, కష్టపడి చదవడం అలవర్చుకోవాలి. విద్యార్థులు కేవలం పరీక్షల్లో ఉత్తీర్ణత కోసం కాకుండా, తమ లక్ష్యాన్ని సాధించడానికి, బంగారు భవిష్యత్తుకోసం చదువులో అశ్రద్ధ చేయకుండా శ్రద్ధగా, ఓపికగా దృష్టి పెట్టాలి. పిల్లలు మొక్కుబడిగా చదివి పరీక్షల్లో పాస్ అయ్యి, నిరుద్యోగులుగా ఉద్యోగాల కోసం వెంపర్లాడకూడదు. విద్యతో చక్కటి ప్రతిభ కలిగిన వారిని అనేక బహుళజాతి సంస్థలు తమ కంపెనీలలో ఉద్యోగాలు కల్పిస్తామంటూ వెంటపడుతున్నారు. ఉత్సాహంగా, ఉల్లాసంగా ఉండే విద్యార్థి జీవితం భవిష్యత్తులో మరలా తిరిగి రావడం కష్టం. విద్యార్థులు ఆట పాటలతో పాటు, చదువులపై కూడా దృష్టి సారించి, అందరి మన్ననలు పొందాలి. తల్లిదండ్రుల, గురువుల ఆలోచనలకు, ఆశయాలకు అనుగుణంగా నడుచుకోవాలి. సర్వేపల్లి నియోజకవర్గం అన్ని రంగాలలో ప్రగతిని సాధించిన విధంగా, విద్యా రంగంలో కూడా సాధించాలని, విద్యార్థుల ద్వారా నియోజకవర్గానికి మరింత గుర్తింపు రావాలని ఆశిస్తున్నాం.

అఖిల భారతీయ విద్యార్థి పరిషత్ ఎబివిపి నాయుడుపేట శాఖ ఆధ్వర్యంలో స్వామి వివేకానంద యువజనోత్సవాలు లో భాగంగా మొదటి రోజు విద్యార్థులకు కబడ్డీ పోటీలు నిర్వహించడం జరిగింది. ఈ కార్యక్రమానికి ముఖ్య అతిధిగా నాయుడుపేట సీఐ వై.వి. సోమయ్య గారు మరియు ముఖ్య వక్తగా ఎబివిపి జిల్లా కన్వినర్ కార్తీక్, నెల్లూరు విభాగ్ ఫార్మసీ కన్వీనర్ భాను ప్రకాష్, రాష్ట్ర కార్యవర్గ సభ్యులు తరుణ్, సహా బాగ్ కన్వీనర్ లక్ష్మి నారాయణ, నగర కార్యదర్శి పవన్ కుమార్,చందు తదితరులు పాల్గొన్నారు.

 సూళ్లూరుపేట లో ఘనంగా డాక్టర్ లూయీ బ్రెయిలీ 213 జయంతి వేడుకలు.

నెల్లూరుజిల్లా. సూళ్లూరుపేట:-పట్టణంలో ని భవితా దివ్యాంగుల పాఠశాల నందు నేడు దివ్యాంగుల దేవుడు ఆశాజ్యోతి డాక్టర్ లూయీ బ్రెయిలీ 213 జయంతిని నేడు పట్టణంలో ని భవిత పాఠశాలనందు భవిత స్కూల్ టీచర్ భార్గవి మరియు ఎన్పీఆర్డి సేవా సంఘం దివ్యాంగులు కలిసి ఘనంగా నిర్వహించారు.ముందుగా MEO శ్రీ మస్తానయ్య ద్వారా  డాక్టర్ లూయీ బ్రెయిలీ చిత్రపటానికి పూలమాలువేసి నివాళులర్పించారు.అనంతరం ఎంఈఓ  బ్రెయిలీ  అందించిన బ్రెయిలీ లిపిని గురించి చాలా చక్కగా వివరించారు.దివ్యాంగులకు ఆపాఠశాల ఉపాద్యారాలు భార్గవి  ఆటల పోటీలు ,డ్రాయింగ్ పోటీలను నిర్వహించారు.పోటీలలో గెలుపొందిన వారికి శాంత కుమారి  రెయిన్ కోట్ ను MEO  , బాలికల పాఠశాల ప్రధానోపాధ్యాయులు మరియు గవర్నమెంట్ హై స్కూల్ హెచ్ఎం  ద్వారా బహుమతులుగా అందించారు.ఈ సందర్భంగా శ్రీమతి నాదెండ్ల శాంత కుమారి  బ్లైండ్ దివ్యాంగులకు దాతల ద్వారా 20మందికి దుప్పట్లు, అన్నదానము, స్వీట్లు ,పండ్లు బిస్కెట్లు పంచారు.దాతలు :-గురకల వజ్ర ముని, భారత్ సిల్క్ హౌస్ శ్రీ చలపతి, వస్త్రసాగర్ శ్రీ రంగారావు ఉన్నాయి.