Ravikiranalu TV

 టీటీడీకి కేంద్రం షాక్ ఇచ్చింది..!

టీటీడీకి ఎఫ్‌సిఆర్‌ఏ లైసెన్స్ రెన్యువల్ కాలేదు. దీంతో విదేశీ విరాళాల సేకరణకు టీటీడీకి బ్రేక్ పడింది. చ్ఛంద,మత పరమైన సంస్థలకు విదేశీ విరాళాల వసూళ్లకు కేంద్ర హోం మంత్రిత్వ శాఖ జారీచేసే ఫారిన్ కంట్రిబ్యూషన్ రెగ్యులేషన్ యాక్ట్ (ఎఫ్‌సిఆర్‌ఏ) లైసెన్స్ తప్పనిసరి. ఒక్కసారి దరఖాస్తు చేసుకుంటే లైసెన్స్ ఐదేళ్ల పాటు కొనసాగనుంది. ఈ కాల పరిమితి... 2020 డిసెంబర్ నాటికి టీటీడీ లైసెన్స్ గడువు ముగిసింది. లైసెన్స్ రెన్యువల్ కోసం ఏడాదిగా టీటీడీ అనేక ప్రయత్నాలు చేసింది. అయితే సవరించిన నిబంధనలకు అనుగుణంగా టీటీడీ రెన్యువల్ దరఖాస్తు చేసుకోలేకపోయింది. దేశవ్యాప్తంగా డిసెంబర్ 31 నాటికి 18,778 సంస్థలకు లైసెన్స్ గడువు ముగిసింది. 12,989 సంస్థలు రెన్యువల్ కోసం దరఖాస్తు చేసుకోగా.. 5,789 సంస్థలు దరఖాస్తు చేయలేదని కేంద్ర హోం మంత్రిత్వ శాఖ అధికారికంగా ప్రకటించింది.  2020 -21 ఏడాదిలో టీటీడీకీ విదేశీ విరాళాలు ఒక్క రూపాయి కూడా అందలేదు. గతంలో టీటీడీకి పెద్ద సంఖ్యలో విదేశీ భక్తుల నుంచి విరాళాలు వచ్చేవి. లైసెన్స్ రెన్యువల్ కాకపోవడంతో ప్రస్తుతం టీటీడీకి విదేశీ విరాళాల సేకరణకు పర్మిషన్ లేదు..

 "కాకాణి చేతుల మీదుగా కొత్త పెన్షన్ల పంపిణీ"

శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, మనుబోలు మండల కేంద్రంలో కొత్తగా మంజూరైన పెన్షన్ల పంపిణీ చేసిన వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.

 ముఖ్యమంత్రి జగన్మోహన్ రెడ్డి గారు నూతన సంవత్సర కానుకగా 2,250 రూపాయల పెన్షన్ 2500/- రూపాయలకు పెంచడం ప్రజలకు ఎనలేని సంతోషాన్నిస్తుంది. భారత దేశంలో ఏ రాష్ట్రంలో లేని విధంగా ఎక్కువ మొత్తం పెన్షన్ ను ఎక్కువ మంది లబ్ధిదారులకు పంపిణీ చేస్తున్న ప్రభుత్వం మన జగన్మోహన్ రెడ్డి గారి ప్రభుత్వం. చంద్రబాబు హయాంలో పెన్షన్ల కొరకు నెలకు 400 కోట్లు ఖర్చు చేస్తే, జగన్మోహన్ రెడ్డి గారు ముఖ్యమంత్రి అయిన తర్వాత 1500 కోట్లు ఖర్చు చేస్తున్నారు. సర్వేపల్లి నియోజకవర్గంలో 38,573 కుటుంబాలకు ప్రతి నెల 9 కోట్ల 65 లక్షల రూపాయలు వెచ్చిస్తున్నాం.  జగ్మోహన్ రెడ్డి గారు రైతాంగానికి హామీ ఇచ్చిన దాని కన్నా మిన్నగా "వై.యస్.ఆర్. రైతు భరోసా" కార్యక్రమం ద్వారా ఆర్ధిక సహాయం అందజేస్తున్నారు. సర్వేపల్లి నియోజకవర్గంలో గ్రామాలలో ప్రజలకు అవసరమైన మౌలిక సదుపాయాల రూపకల్పన కోసం నిత్యం శ్రమిస్తున్నాం.  సర్వేపల్లి నియోజకవర్గంలో ప్రభుత్వం అందిస్తున్న సంక్షేమ కార్యక్రమాలు అర్హులైన వారందరికీ అందించే బాధ్యత నాది. సర్వేపల్లి నియోజకవర్గంలో ఎక్కడా ఎటువంటి సమస్యలు తలెత్తకుండా, ఎవ్వరికీ ఎటువంటి ఇబ్బందులు కలగకుండా అన్ని రకాల చర్యలు తీసుకుంటాం.

 కారోనా దృష్ట్యా ఏటి పండుగను నిషేధించాలి-కౌన్సిలర్ జె.మౌనిక(బిజెపి) 

నాయుడుపేట   సంక్రాంతి పండుగ సందర్భంగా నాయుడుపేట మున్సిపాలిటీ ఆధ్వర్యంలో నిర్వహించే స్వర్ణముఖి ఏటీ పండుగను కారోనా దృష్ట్యా ఈ సంవత్సరం నిషేధించాలని మున్సిపల్(బిజె పి)కౌన్సిలర్ జంబుగోళం.మౌనిక అన్నారు.మంగళవారం నాయుడుపేట మున్సిపల్ కమీషనర్ లింగారెడ్డి.చంద్రశేఖర్ రెడ్డి కి వినతి పత్రం అందజేశారు.ఈ సందర్భంగా ఆమె మాట్లాడారు.కారోనా థర్డ్ వేవ్ విస్తరిస్తున్న నేపథ్యంలో భారత దేశం లోని అన్ని రాష్ట్రాలు ముందస్తు చర్యల్లో భాగంగా సాంస్కృతిక కార్యక్రమాలు నిర్వహించకుండా ఆంక్షలు విధించినట్లు తెలిపారు.నాయుడుపేట మున్సిపాలిటీ లో ప్రస్తుతం ఉన్న సమస్యలను పక్కన పెట్టి రూ 14 లక్షల రూపాయలు(జనరల్ ఫండ్) ఏటీ పండుగలో సాంస్కృతిక కార్యక్రమాల నిర్వహించడానికి మున్సిపల్ సాధారణ సమావేశంలో  ఆమోదించడాన్ని తాను వ్యతిరేకిస్తున్నట్లు తెలిపారు. ఏటీ పండుగను కరోన దృష్ట్యా నిషేధించాలని ఆమె కోరారు.

 వైఎస్ఆర్ కాంగ్రెస్ పార్టీ అధికారంలోకి వచ్చి 32నెలలు పూర్తైందని, ఈ 32నెలల్లో ప్రతి ఒక్కరూ జరిగిన నష్టాన్ని విశ్లేషించుకోవాలని సూచించారు మాజీ ముఖ్యమంత్రి, తెలుగుదేశం అధినేత చంద్రబాబు నాయుడు. జరిగిన పరిణామాలను అవగతం చేసుకుని జరగబోయే నష్టాన్ని గమనించాలని అన్నారు చంద్రబాబు.

 ఫస్ట్ కలెక్టర్ల కాన్ఫరెన్స్ ప్రజావేదికలో పెట్టి అక్కడే కూల్చివేత ప్రకటన చేసి, ఇంతవరకు శిథిలాలను కూడా తొలగించలేదని జగన్ రెడ్డి ఓ విధ్వంసకుడు అని విమర్శించారు చంద్రబాబు.

 ప్రజల ఆస్తి విధ్వంసం చేయడంతోనే మనిషిలో ఉన్మాదం బయటపడిందని, ప్రజావేదిక కూల్చివేతతో ప్రారంభమైన విధ్వంసం అమరావతి వరకూ కొనసాగిందని, భూములిచ్చిన పాపానికి రైతులంతా ఎన్నో అవమానాలు భరిస్తున్నారని అన్నారు చంద్రబాబు.

 ఆనాడు సైబరాబాద్‌ని గ్రాఫిక్స్ అని ఉంటే ఈనాడు అభివృద్ధి కనిపించేదా? అని ప్రశ్నించారు చంద్రబాబు, అడిగే ప్రశ్నలకు సమాధానం చెప్పలేక ఎదురుదాడి చేయిస్తారని, రెండు లక్షల కోట్ల ఆస్తిని విధ్వంసం చేస్తున్నప్పుడు ప్రజా చైతన్యం ఎంతో అవసరమని అభిప్రాయపడ్డారు చంద్రబాబు. 

 అమరావతి, పోలవరం అభివృద్ధి చెందితేనే రాష్ట్రానికి భవిష్యత్తు ఉంటుందని, పోలవరం డీపీఆర్‌ని ఎందుకు ఖరారు చేయలేకపోయారని నిలదీశారు. 2021డిసెంబర్‌కు పూర్తిచేస్తామన్న పోలవరం ఎందుకు పూర్తికాలేదని ప్రశ్నించారు. పోలవరం పూర్తిచేయటం మీకు సాధ్యమవుతుందా? దీనిపై శ్వేతపత్రం విడుదల చేసే ధైర్యం ఉందా? అని ప్రశ్నించారు చంద్రబాబు.

ఢిల్లీ పర్యటనలో ఉన్న ఆంధ్ర ప్రదేశ్ ముఖ్యమంత్రి వైఎస్ జగన్ మోహన్ రెడ్డి ఈరోజు ఉదయం కేంద్ర విద్యా శాఖ మంత్రి ధర్మేంద్ర ప్రధాన్ ను కలిసారు. దాదాపు  45 నిముషాల పాటు సాగిన సమావేశంలో వారిరివురూ ఏపీలో నవోదయా పాఠశాలల ఏర్పాటు,కేంద్ర విద్యా సంస్థలకు బడ్జెట్ లో నిధులు కేటాయింపు,నూతన విద్యావిధానం అమలు పై చర్చలు జరిపారు.

 స్కిల్ డెవలప్‌మెంట్ కింద కేంద్ర ప్రభుత్వం ఏర్పాటు చేయదలిచిన ఏడు మెగా ప్రాజెక్టుల్లో ఒకదాన్ని రాష్ట్రానికి కేటాయించాలని ముఖ్యమంత్రి జగన్ మోహన్ రెడ్డి కేంద్ర మంత్రికి విజ్ఞప్తి చేశారు. రాష్ట్రంలో నాడు-నేడు,విద్యాభివృద్ధికి చేపట్టిన ప్రభుత్వ పాఠశాలల అభివృద్ధి గురించి ఆయన కేంద్రమంత్రికి వివరించారు. సీఎం జగన్ తో పాటు వైసీపీ ఎంపీలు కూడా ఈ సమావేశంలో పాల్గోన్నారు.

 కృష్ణాజిల్లా మైలవరం నియోజక వర్గంలో వైసీపీ లో బయట పడ్డ విభేదాలపై పార్టీ సీనియర్ నాయకులు, జిల్లా ఇంచార్జి మంత్రి పెద్దిరెడ్డి రామచంద్రా రెడ్డి స్పందించారు. మైలవరం నియోజకవర్గం‌లో ప్రస్తుతం వసంత కృష్ణ ప్రసాదే ఎమ్మెల్యేగా ఉన్నారని…. భవిష్యత్తులో కూడా ఆయనే పార్టీ అభ్యర్థిగా ఉంటారని స్పష్టం చేశారు.

 వసంత కృష్ణ ప్రసాద్‌కు వ్యతిరేకంగా పని చేస్తే పార్టీకి వ్యతిరేకంగా పని చేసినట్టే అని…..అలాంటి వారిపై పార్టీలో కఠిన చర్యలు ఉంటాయని హెచ్చరించారు.  జోగి రమేష్ పెడన ఎమ్మెల్యేగా ఉన్నారు… ఆయన అక్కడ కొనసాగుతారు… వారిద్దరి మధ్య అనవసర విభేదాలు సృష్టిస్తే ఉరుకొమని ఆయన తెలిపారు.

 అలా ఎవరైనా చేస్తే వారిని పార్టీ నుండి బయటకు పంపేందుకు కూడా వెనుకాడమని పెద్ది రెడ్డి చెప్పారు. అందరూ కలిసి మెలిసి పని చేస్తే పార్టీ మరింత బలోపేతం అవుతుందని….అనవసర వివాదాలకు దారితీసే చర్యలు ఉపసంహరించాలని కార్యకర్తలకు హితవు చెప్పారు.

 రెండు రోజుల పర్యటన నిమిత్తం ఢిల్లీకి వెళ్లిన ఆంధ్రప్రదేశ్ సీఎం జగన్ మోహన్ రెడ్డి కేంద్ర మంత్రులతో బిజీబిజీగా గడుపుతున్నారు. మంగళవారం ఉదయం కేంద్ర మంత్రి నితిన్ గడ్కరీతో సీఎం జగన్ సమావేశమైయ్యారు. సోమవారం ప్రధాని నరేంద్ర మోదీతో గంటసేపు సమావేశమైన జగన్, విభజన హామీలు, ప్రత్యేక హోదా, పోలవరం తదితర అంశాలపై చర్చించారు. అనంతరం ఆర్ధిక మంత్రి నిర్మలా సీతారామన్ ను కలిసిన సీఎం జగన్.. రాష్ట్రానికి రుణపరిమితి పెంపు, సవరించిన అంచనాలకు అనుగుణంగా పోలవరం నిధుల పెంపు వంటి అంశలపై చర్చించారు. సోమవారం సాయంత్రం కేంద్ర విమానయానశాఖ జ్యోతిరాదిత్య సింధియాతో భేటీ అయిన సీఎం జగన్.. భోగాపురం అంతర్జాతీయ విమానాశ్రయ అనుమతులపై చర్చించారు.

 ఇక మంగళవారం ఉదయం కేంద్ర మంత్రి నితిన్ గడ్కరీతో సీఎం జగన్ సమావేశమైయ్యారు. ఏపీలో రహదారుల నిర్మాణం,జాతీయ రహదారుల ఏర్పాటు పై కేంద్ర మంత్రితో గంట పాటు చర్చించారు. పోర్టుల అభివృద్ధిలో దూసుకుపోతున్న ఆంధ్రప్రదేశ్ లో తీరప్రాంత అభివృద్ధికి సహకరించాలని సీఎం జగన్ కేంద్రాన్ని కోరారు. ఈమేరకు రాష్ట్రంలోని ప్రధాన తీర ప్రాంతం వెంబడి నాలుగు లైన్ల రహదారుల నిర్మాణం చేపట్టాలని నితిన్ గడ్కరీకి విజ్ఞప్తి చేశారు. విశాఖపట్నం నుంచి భోగాపురానికి మధ్య జాతీయ రహదారి నిర్మాణం, విజయవాడ తూర్పు హైవే ఏర్పాటుపై కేంద్రమంత్రితో జగన్ చర్చించారు. కేంద్రం నుంచి అనుమతులు రాక రాష్ట్రంలో ఆగిపోయిన పెండింగ్ ప్రాజెక్టులకు త్వరగా అనుమతులు ఇవ్వాలని సీఎం జగన్ కేంద్ర మంత్రి నితిన్ గడ్కరీని కోరారు