Ravikiranalu TV

 చెడిపోయిన బోరింగు ను రిపేరు చేయించి త్రాగునీటి సమస్య తీర్చండి 

 సీపీఎం పార్టీ ఆధ్వర్యంలో ఆర్డిఓ గారికి వినతిపత్రం ఇచ్చిన కాలనీవాసులు 

 శివరామ సుబ్బయ్య కాలనిలో చెడిపోయి ఉన్న పోరును బాగు చేయించి నీటి సమస్యను తీర్చాలని కోరుతూ సోమవారం సిపిఎం పార్టీ ఆధ్వర్యంలో ఆర్డీవో కి వినతి పత్రం ఇవ్వడం జరిగింది ఈ సందర్భంగా సిపిఎం పార్టీ పట్టణ కార్యదర్శి పసుపులేటి పెంచలయ్య మాట్లాడుతూ గత 20 సం"నుండి  శివరామ సుబ్బయ్య కాలనిలో సుమారు 50 నిరుపేద కుటుంబాలు నివాసం ఉంటున్నారని అక్కడ వారికి అన్ని వసతులు లేనప్పటికి వారు కూలీపనులు చేసుకొని అక్కడ నివాసముంటు జీవనం సాగిస్తున్నారు. ఆ కాలనీలో ఉన్న చేతిబోరు చెడిపోయి కొన్ని నెలలు గడిచినప్పటికీ మున్సిపల్ అధికారులకు చెడిపోయిన బోరును రిపేరు చేయించి త్రాగునీటి సమస్యను తీర్చాలని ఎన్ని సార్లు తెలుపుకున్నప్పటికి ఇప్పటికి నీటి సమస్యను పరిష్కరించ కాలేదని అన్నారు. ఇప్పటికైనా ఆర్డిఓ స్పందించి చెడిపోయిఉన్న బోరును వెంటనే బాగు చేయించి నీటి సమస్యను తీర్చాలని కోరారు.

 ఈ కార్యక్రమంలో వెంకటరత్న, Y కట్ట మరియమ్మ ,నాగులరి సుబ్బమ్మ , బుజ్జమ్మ , మల్యద్రి N. వెంకటేశ్వర్లు, తదితరులు పాల్గొన్నారు.

 ప్రస్తుత వైసీపీ ప్రభుత్వం దిశ దశ లేకుండా ప్రభుత్వాన్ని నడుపుతోందని విమర్శించిన సోమువీర్రాజు.. రాష్ట్రంలో వైసీపీ చేసిన అభివృద్ధి ఏమిటో చెప్పాలని డిమాండ్ చేశారు. 2024లో ఆంధ్రప్రదేశ్ లో భారతీయ జనతా పార్టీ అధికారంలోకి రావడం ఖాయమని ధీమా వ్యక్తం చేసిన సోమువీర్రాజు..అధికారం చేపట్టగానే అమరావతిలో రూ.10 వేల కోట్లతో అత్యద్భుతమైన రాజధాని నిర్మిస్తామని పేర్కొన్నారు. అధికారంలోకి రావడంతోనే కృష్ణానదిపై ప్రత్యేకమైన వంతెనలు, విజయవాడ నగరం చుట్టూ నాలుగు వరుసల రహదారి నిర్మాణం చేపడతామని సోమువీర్రాజు అన్నారు. గతంలో రాజధాని నిర్మాణం కోసం కేంద్ర ప్రభుత్వం విడుదల చేసిన రూ. 7,200 కోట్లు నిధులు ఖర్చు చేశారని ఈసందర్భంగా గుర్తుచేశారు.

 ఉద్యోగులు, ఉపాధ్యాయుల బదిలీలకు సంబంధించి తెలంగాణ ప్రభుత్వం విడుదల చేసిన 317 జీవోను వెంటనే ఉప సంహరించుకోవాలని డిమాండ్ చేస్తూ బండి సంజయ్‌ జన జాగరణ దీక్ష చేపట్టారు. అయితే ఆదివారం రాత్రి ఆయన దీక్షను పోలీసులు భగ్నం చేసిన సంగతి తెలిసిందే. పోలీసులు బండి సంజయ్‌ను అరెస్ట్ చేసి మానకొండూర్ పోలీస్ స్టేషన్‌కు తరలించారు. అక్కడే బండి సంజయ్ జాగరణ దీక్షను కొనసాగించారు. పోలీస్ స్టేషన్ పరిసర ప్రాంతాల్లో భారీగా పోలీసులు మోహరించారు. ఈ నేపథ్యంలో మానకొండూరు పోలీస్ స్టేషన్ నుంచి కరీంగనర్ పోలీస్ ట్రైనింగ్ సెంటర్ మీదుగా బండి సంజయ్‌ను పోలీసులు తరలించారు.

 ఈ నేపథ్యంలో బండి సంజయ్ సహా పలువురిపై డిజాస్టర్ మేనేజ్ మెంట్ యాక్ట్, పలు సెక్షన్ల కింద నాన్ బెయిలబుల్ కేసులు నమోదు చేసినట్టు పోలీసులు  తెలిపారు. అలాగే.. పోలీసుల విధులకు ఆటంకం కలిగించడమే కాకుండా పలుమార్లు కోవిడ్ నిబంధనల ఉల్లంఘనకు పాల్పడినందుకు కేసులు నమోదు చేశామన్నారు. పలుమార్లు హెచ్చరించినప్పటికీ సోషల్ డిస్టెన్స్ పాటించలేదని, పైగా పోలీసులపై దాడి చేశారని, పలువురు పోలీసులకు కూడా గాయాలు అయినట్టు పేర్కొన్నారు. బండి సంజయ్ దీక్షకు అనుమతి తీసుకోలేదని పోలీసులు స్పష్టం చేశారు.

 కోవిడ్ నేపథ్యంలో కేంద్రం, హైకోర్టు, సుప్రీంకోర్టు Goms నంబర్ 1 ఇచ్చినట్టు పోలీసులు తెలిపారు. వీటిని పకడ్బందీగా అమలు చేసి కఠిన చర్యలు తీసుకోవాలనే ఆదేశాలు ఉన్నాయనే ముందుగానే నోటీసు ఇచ్చామన్నారు.  దీక్షలో వందలాది మంది గుమిగూడారని బండి సంజయ్‌కు చెప్పామన్నారు. దీక్ష ప్రాంగణంలో మాస్క్ లు ధరించకుండా.. సోషల్ డిస్టెన్స్ లేకుండా కోవిడ్ నిబంధనలు పాటించలేదని.. ఎన్నిసార్లు చెప్పినా వినలేదని పోలీసులు చెప్పారు. దాంతో DMA యాక్ట్ కింద కింద బండి సంజయ్ సహా పలువురిని అదుపులోకి తీసుకున్నామన్నారు. రెండు ఎఫ్ఐఆర్‌లు నమోదు చేసినట్టు తెలిపారు. 

 పోలీసులపై దాడి చేసినందుకు మరో 16 మందిపై కేసు నమోదు చేశామన్నారు. ఇప్పటివరకూ ఐదుగురిని అరెస్ట్ చేయగా.. వారిలో ఎంపీ సంజయ్ కూడా ఉన్నారని తెలిపారు. వైద్య పరీక్షల అనంతరం బండి సంజయ్‌ను పోలీసులు కోర్టులో హాజరుపరచనున్నారు.

 రైతులకు పెట్టుబడి సాయంగా ఏపీ ప్రభుత్వం రైతు భరోసా- పీఎం కిసాన్ మూడో విడత నిధులను విడుదల చేసింది. రైతుల ఖాతాల్లోకి నేరుగా ముఖ్యమంత్రి వైఎస్ జగన్ ‌మోహన్‌ రెడ్డి తాడేపల్లి క్యాంప్‌ కార్యాలయంలో సోమవారం నిధులు విడుదల చేశారు. దీని వల్ల ఏపీలో మొత్తం 50.58 లక్షల మందికి లబ్ధి చేకూరింది. రాష్ట్రంలో ఉన్న అర్హులైన రైతులకు మొత్తం రూ. 1036 కోట్లు అందాయి. రైతు భరోసా పథకంలో భాగంగా ప్రతీ ఏటా ప్రభుత్వం మూడు విడతల్లో రైతుల ఖాతాల్లోకి సాగు సాయాన్ని అందిస్తున్న విషయం తెలిసిందే.

 తాజాగా విడుదల చేసిన మూడో విడతలో భాగంగా 48,86,361 మంది భూ యజమానులకు పీఎం కిసాన్‌ కింద రూ. 2వేల చొప్పున రూ.977.27 కోట్లు జమచేసింది. గతంలో అర్హత పొందిన 1,50,988 మంది ఆర్‌ఓఎఫ్‌ఆర్, కౌలుదారులకు రూ. 2వేల చొప్పున వైఎస్సార్‌ రైతుభరోసా కింద రూ.30.20 కోట్లు జమ చేసింది. కొత్తగా సాగు హక్కు పత్రాలు పొందిన 21,140 మంది కౌలుదారులకు వైఎస్సార్‌ రైతుభరోసా కింద ఒకేవిడతగా రూ.13,500 చొప్పున రూ.28.53 కోట్లు ప్రభుత్వం విడుదల చేసింది. 

 రైతు భరోసా డబ్బు జమ అయిందో లేదో ఇలా తెసుకోండి.. 

 రైతులు తమ ఖాతాల్లో రైతు భరోసా మొత్తం జమ అయ్యిందో లేదో తెలుసుకునే అవకాశం కూడా ఉంది. అర్హులు రైతు భరోసా వెబ్‌సైట్‌లో చెక్‌ చేసుకోవాల్సి ఉంటుంది. 

ముందుగా వెబ్‌సైట్‌లోకి వెళ్లాలి.  అనంతరం ‘నో యువర్‌ రైతు భరోసా స్టేస్‌’పై క్లీక్‌ చేయాలి.  తర్వాత రైతు ఆధార్‌ కార్డు నెంబర్‌ను ఎంటర్‌ చేసి సబ్‌మిట్ నొక్కాలి. దీంతో డబ్బులు జమ అయ్యాయో లేదో తెలిసిపోతుంది.  ఒకవేళ డబ్బులు జమకాకపోవడం లేదా ఇతర సమస్యలు ఏమైనా ఉంటే 1902 నెంబర్‌కు ఫిర్యాదు చేయాలని ప్రభుత్వం సూచించింది. అంతేకాకుండా గ్రామ, వార్డు వాలంటీర్‌నైనా స్పందించాలని సూచించారు.

గుంటూరు జిల్లా దుర్గిలో ఎన్టీఆర్ విగ్రహం ధ్వంసం చేసిన అంశంపై డీజీపీకి టీడీపీ చీఫ్ చంద్రబాబు లేఖ రాశారు. ఈ దాడులు ప్రణాళికాబద్ధంగానే జరుగుతున్నాయని, మహనీయుల విగ్రహాలు ధ్వంసం చేస్తుంటే పోలీసులు అలసత్వం ప్రదర్శించడం తగదని అందులో పేర్కొన్నారు. వివిధ వర్గాల మధ్య విద్వేషాలు రెచ్చకొట్టే కుట్రలో భాగంగానే వైకాపా జడ్పీటీసీ సెట్టిపల్లి యలమంద ఎన్టీఆర్ విగ్రహాన్ని ధ్వంసం చేశారని ఆరోపించారు.

 ‘ఈ తరహా ఘటనలు పునరావృతమైతే ప్రజల్లో తిరుగుబాటు వస్తుంది. అధికార వైకాపా నాయకుల అండదండలతోనే ఇటువంటి సంఘటనలు రాష్ట్రంలో జూన్ 2019 నుంచి కొనసాగుతూనే ఉన్నాయి. ప్రజాస్వామ్యాన్ని తుంగలో తొక్కే ప్రయత్నంలో అధికార పార్టీ గూండాలను ప్రోత్సహిస్తూ ఎన్టీఆర్, అంబేద్కర్ వంటి జాతీయ నాయకుల విగ్రహాలను ధ్వంసం చేస్తున్నారు’

 ‘శాంతియుతంగా నిరసన తెలుపుతున్న వారిని పోలీసులు అదుపులోకి తీసుకోవటం తగదు. ఇలాంటి విధ్వంసక చర్యలను మరింత విస్తరించకుండా నియంత్రించాలి. ఇలాంటి విధ్వంసాలను ప్రోత్సహించడంలో పోలీసులు నిందితులకు సహకరిస్తున్నారనే అభిప్రాయం సర్వత్రా వ్యక్తమవుతోంది. ఫిర్యాదులపై విచారణ జరిపి దోషులకు చట్ట ప్రకారం శిక్ష పడేలా చూడాలి. పోలీసులు తీసుకునే కఠినమైన చర్యలు మాత్రమే నేరస్తులను నిరోధించగలవు’ అని లేఖలో అభిప్రాయపడ్డారు.

 దేశంలో ప్రజా రవాణా వ్యవస్థను బలోపేతం చేసే దిశగా కేంద్రం వడివడిగా అడుగులు వేస్తోంది. అందులో భాగంగా దేశంలో ఇప్పటికే ఎనిమిది కారిడార్లలో బుల్లెట్‌ రైళ్లు అందుబాటులోకి తేవాలని నిర్ణయించింది. కాగా భవిష్యత్తు అవసరాలు, పెరుగుతున్న డిమాండ్‌ని పరిగణలోకి తీసుకుని మరో నాలుగు కారిడార్లలో బుల్లెట్‌ ట్రైన్‌ని పరుగులు పెట్టించాలని నిర్ణయం తీసుకుంది.

 వాటి సరసన 

 ప్రపంచంలో అతి పెద్ద ఆర్థిక వ్యవస్థలలో ఒకటిగా విరాజిల్లుతున్నా బుల్లెట్‌ ట్రైన్ల పరంగా ఇండియా ఇప్పటికీ వెనుకబడే ఉంది. ఆసియాలో బిగ్గెస్ట్‌ ఎకానమీలైన చైనా, జపాన్‌లలో ఇప్పటికే బుల్లెట్‌ రైళ్లు పరుగులు పెడుతున్నాయి. దీంతో బుల్లెట్‌ ట్రైన్‌ కలిగిన దేశాల సరసన ఇండియాను నిలపపాలని కేంద్రం నిర్ణయం తీసుకుంది.

 8 కారిడార్లలో 

 బుల్లెట్‌ ట్రైన్‌ కలను సాకారం చేసేందుకు రైల్వేశాఖ ప్రాథమికంగా 8 రూట్లలో బుల్లెట్‌ రైళ్లను అందుబాటులోకి తేవాలని నిర్ణయించింది. ఇందులో ముంబై - సూరత్‌ - వడోదర - అహ్మదాబాద్‌, ఢిల్లీ - నోయిడా - ఆగ్రా - కాన్పూర్‌ -  లక్నో - వారణాసి, ఢిల్లీ - జైపూర్‌ - ఉదయ్‌పూర్‌ - అహ్మదాబాద్‌, ముంబై - నాసిక్‌ - నాగ్‌పూర్‌, ముంబై - పూణే - హైదరాబాద్‌, చెన్నై - బెంగళూరు - మైసూర్‌, ఢిల్లీ - ఛండీగడ్‌ - లూథియానా - జలంధర్‌ - అమృత్‌సర్‌, వారణాసి - పాట్నా - హౌరా మార్గాలు ఉన్నాయి.

 నిర్మాణంలో 

 మొదట ప్రతిపాదించిన 8 కారిడార్లలో ముంబై - అహ్మబాబాద్‌ రూట్‌లో 508 కిలోమీటర్ల నిడివితో బుల్లెట్‌ రైలు మార్గం నిర్మాణ పనులు సాగుతున్నాయి. దీని కోసం ముంబై అహ్మదాబాద్‌ హైస్పీడ్‌ రైల్‌ పేరుతో ప్రత్యేక మిషన్‌ ఏర్పాటు చేశారు. మరోవైపు ముంబై - హైదరాబాద్‌ బుల్లెట్‌ రైలు మార్గానికి సంబంధించి భూ సేకరణ పనులు షురూ అయ్యాయి. మిగిలిన ప్రాజెక​‍్టులకు సంబంధించి డీపీఆర్‌లు రెడీ అయ్యాయి. 

 కొత్తగా నాలుగు 

 ప్రస్తుతం డీపీఆర్‌లు రెడీ అయిన ప్రాజెక్టులతో పాటు మరో నాలుగు మార్గాల్లో బుల్లెట్‌ రైలుని అందుబాటులోకి తేవాలని రైల్వే శాఖ నిర్ణయించింది. ఇందులో బెంగళూరు - హైదరాబాద్‌ (618 కి.మీ), నాగ్‌పూర్‌ - వారణాసి (855 కి.మీ), పట్నా - గువహాటి (850 కి.మీ), అమృత్‌సర్‌ - పఠాన్‌కోట్‌ - జమ్ము (192 కి.మీ) మార్గాలను ఉన్నాయి. వీటిని ఇప్పటికే నేషనల్‌ రైల్‌ ప్లాన్‌ 2022లో చేర్చారు. త్వరలో ఈ మర్గాల్లో బుల్లెట్‌ రైల్‌ నిర్మాణానికి సంబంధించి డీపీఆర్‌లు సిద్ధం చేయనున్నారు. 

 ఉత్తరాదికే ప్రాధాన్యం 

 కేంద్రం అమలు చేస్తోన్న బుల్లెట్‌ రైలు ప్రాజెక్టులో గుజరాత్‌, ఉత్తర్‌  ప్రదేశ్‌ రాష్ట్రాలు గణనీయంగా లబ్ధి పొందనుండగా దక్షిణాది రాష్ట్రాలైన కేరళా, ఆంధప్రదేశ్‌లతో పాటు ఒడిషా, ఝార్ఖండ్‌లను పూర్తిగా విస్మరించారు. తమిళనాడు, మధ్యప్రదేశ్‌, జమ్ము కశ్మీర్‌, పశ్చిమ బెంగాల్‌ రాష్ట్రాలకు కంటితుడుపు చర్యలా బుల్లెట్‌ రైలు ప్రాజెక్టులు ఉన్నాయి. 

 " రైతు భరోసాను ప్రారంభించిన కాకాణి"

 పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, వెంకటాచలం మండలంలో "వై.యస్.ఆర్.రైతు భరోసా" కార్యక్రమంలో పాల్గొని, "వై.యస్.ఆర్.రైతు భరోసా" చెక్కును ప్రదర్శించి, నూతన మంజూరైన  పెన్షన్లను పంపిణీ చేసి, రూ.2,500/-లకు పెంచిన పెన్షన్లను స్వయానా లబ్ధిదారుల ఇంటికి వెళ్లి, పంపిణీ చేసిన వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.

జగన్మోహన్ రెడ్డి గారు "వై.యస్.ఆర్. రైతు భరోసా" మూడో విడత నిధులు జమ చేయడంతో వరుసగా మూడు సంవత్సరాల కాలం పాటు, ఏడాదికి రూ.13,500/-లు రైతుల ఖాతాల్లో జమయ్యాయి.  చంద్రబాబు రుణమాఫీ పేరిట రైతులను మోసం చేస్తే, జగన్మోహన్ రెడ్డి గారు 4 విడతల్లో రూ.50,000/-లు  ఇస్తానని వాగ్ధానం చేసి, "చెప్పిన దానికన్న మిన్నగా" 5 విడతల్లో 67,500/-లు రైతులకు అందిస్తున్నారు.  భారత దేశంలో ఎక్కడా లేని విధంగా, అన్ని వర్గాల ప్రజలకు సంక్షేమ కార్యక్రమాలు అమలు చేస్తున్న ప్రభుత్వం, మన జగన్మోహన్ రెడ్డి గారి ప్రభుత్వం. సర్వేపల్లి నియోజకవర్గంలో రైతాంగానికి అన్ని విధాలా అండగా నిలిచి, ఎక్కడ ఎటువంటి సమస్య రాకుండా చర్యలు తీసుకుంటాం.  ముఖ్యమంత్రి జగన్మోహన్ రెడ్డి గారు పెన్షన్ ను 2,500/- రూపాయలు పెంచడంతో, లబ్ధిదారులలో ఆనందం వెల్లివిరుస్తుంది.  సర్వేపల్లి నియోజకవర్గంలో నూతనంగా 878 పెన్షన్లు మంజూరు చేశాం.  జగన్మోహన్ రెడ్డి గారు చెప్పిన మాట ప్రకారం ప్రజలకు నూతన సంవత్సర కానుకగా పెన్షన్ పెంపును అమలు చేస్తూ, రూ.2,500/-లు  అందిస్తున్నారు.  తెలుగుదేశం హయాంలో జన్మభూమి కమిటీల జోక్యంతో అర్హులకు పెన్షన్లు అందకుండా పోయాయి.  జగనన్న ప్రభుత్వంలో పార్టీలకతీతంగా ఎప్పటికప్పుడు అర్హులందరికీ నూతన పెన్షన్లు మంజూరు చేస్తున్నాం.  సర్వేపల్లి నియోజకవర్గంలో అర్హులైన వారు ఎవారికైనా, "వై.యస్.ఆర్. రైతు భరోసా", "వై.యస్.ఆర్. పెన్షన్ కానుక"  రాకపోతే పరిశీలించి, మంజూరు చేయించి, తప్పనిసరిగా అందిస్తాం.