ఆంధ్ర బంద్ కు టీడీపీ పిలుపు
అప్రమత్తమైన పోలీసులు
మాజీ ఎమ్మెల్యే పాశం సునీల్ కుమార్ హౌస్ అరెస్టు
టీడీపీ నాయకులను కూడా హౌస్ అరెస్ట్
మాజీ ఎమ్మెల్యే పాశం ఇంటికి టీడీపీ నేతలు, కార్యకర్తలు తరలిరావాలి అని టీడీపీ పిలుపు
రాష్ట్ర వ్యాప్తంగా టీడీపీ కార్యాలయాలు పై దాడులు, టిడిపి నేత పట్టాభి ఇంటి పై వైసీపీ నేతలు దాడులు ఖండిస్తూ టీడీపీ అధిష్టానం, టీడీపీజాతీయ అధ్యక్షుడు నారాచంద్రబాబు నాయుడు బుధవారం రాష్ట్ర బంద్ కు పిలుపునిచ్చిన నేపథ్యంలో పోలీసులు అప్రమత్తమై ఆంధ్రప్రదేశ్ వ్యాప్తంగా ఆ పార్టీ నేతలను గృహనిర్బంధంలోఉంచుతున్నారు. అందులో భాగంగా గూడూరు టీడీపీ నేతలను పోలీసులు వాళ్ళ వాళ్ళ ఇళ్ల వద్ద పోలీసులు హౌస్ అరెస్టు చేస్తున్నారు.
ముందుగా గూడూరు టీడీపీ మాజీ శాసన సభ్యులు పాశం సునీల్ కుమార్ ను పోలీసులు హౌస్ అరెస్టు చేశారు. బిల్లు చెంచు రామయ్య, నెలవల భాస్కర్ రెడ్డి, మట్టం శ్రావణి లతో పాటు పలువురు నేతలను పోలీసులు గృహ నిర్బంధంలోఉంచారు.ఈ సందర్భంగా మాజీ ఎమ్మెల్యే పాశం సునిల్ కుమార్ మాట్లాడుతూ రాష్ట్రంలో గూండాగిరి పాలన చేస్తున్న ప్రభుత్వానికి చరమ గీతం పాడే రోజులుదగ్గరపడ్డాయని ఆయనధ్వజమెత్తారు .
మంగళగిరి లోని తెలుగుదేశం పార్టీ కేంద్ర కార్యాలయంపై,టీడీపీ నాయకులు జాతీయ అధికార ప్రతినిధి పట్టాభి ఇంటిమీద జరిగిన దాడిని నిరసిస్తూఅధినేత ,జాతీయఅధ్యక్షులునారా.చంద్రబాబు నాయుడు రాష్ట్ర వ్యాప్తంగా రాష్ట్ర బంద్ కు పిలుపు ఇవ్వడంజరిగిందిఅన్నారు,అందులోభాగంగారాష్ట్రబంద్ లోపాల్గొనకుండా ముందస్తుగా పోలీస్ పహారా తో హౌస్ అరెస్ట్ చేయడం దారుణం అన్నారు.
రాష్ట్రంలో అరాచక పాలన చరిస్తున్నారని,ప్రజాస్వామ్యాన్ని అపహాస్యం చేసే విధంగాఉందనివిమర్శించారు.ప్రభుత్వవ్యతిరేకవిధానాలను ప్రశ్నిస్తే గూండాగిరి చేస్తున్నఅధికారప్రభుత్వానికి ప్రజలు బుద్ది చెప్పే రోజులు దగ్గరపడ్డాయన్నారు. నియోజకవర్గ పరిధిలోని టీడీపీ నేతలు,కార్యకర్తలు, అభిమానులు గూడూరు అశోక్ నగర్ లో ఉన్న తన ఇంటిదగ్గరకుతరలిరావాలి అని పిలుపునిచ్చారు. పోలీసులు హౌస్ అరెస్ట్ చేసిన బంద్ ను విజయ వంతంచేద్దాం అని ఆయన వెల్లడించారు.
