Ravikiranalu TV

భద్రత ఎక్స్ గ్రేషియా చెక్కును అందచేసిన జిల్లా యస్.పి. శ్రీ విజయ రావు,IPS., గారు

  SPS నెల్లూరు : ఇంటికి పెద్ద దిక్కు లేకపోతే ఆ లోటు ఎలా ఉంటుందో తెలుసు.. ధైర్యంగా ఉండండి.. 

ఎటువంటి సమస్య అయినా, నా దృష్టికి తీసుకు రండి. అమరులైన పోలీసు కుటుంబాలు నిర్భయంగా ఉండండి.. మేము ఉన్నాము.  తల్లిగారిని బాగా చూసుకోవాలని మృతుని కుమారునికి సూచన. కష్టపడి చదివి, ఉన్నతస్థాయికి వెళ్ళాలి.. మంచి పేరు తీసుకురావాలి.. యస్.పి. గారు.

ఈ రోజు అనగా తేది.14.10.2021 న SPS నెల్లూరు జిల్లా యస్.పి. శ్రీ విజయ రావు, IPS., గారు  విధి నిర్వహణలో మరణించిన మృతుని కుటుంబానికి భద్రత ఎక్స్ గ్రేషియా చెక్కుని అందించటం జరిగినది. వివరములలోకి వెళ్ళితే ASI-788 శ్రీ N.సుబ్రమణ్యం గారు గూడూరు 1 టౌన్ పి.యస్. నందు విధులు నిర్వహిస్తూ 17.07.2021 వ తేదీ నాడు అనారోగ్యంతో మరిణించినారు. వీరికి రావలసిన భద్రత క్రింద 4,00,000/- ల చెక్కును మృతుని భార్య శ్రీమతి విజయ, కుమారుడు శ్రీ అవినాష్ గార్లకు అందచేయటం జరిగినది. ఈ సందర్బంగా  జిల్లా యస్.పి. గారు మాట్లాడుతూ విధి నిర్వహణలో మరణించిన పోలీస్ కుటుంబాలను అన్ని విధాలుగా ఆదుకుంటామని, మీ నాన్న గారి పేరు నిలబెట్టాలని, వీరికి ఎటువంటి సమస్యలు ఉన్న నేరుగా వచ్చి కలవవచ్చు అని తెలియచేసినారు. ఈ కార్యక్రమంలో యస్.పి. గారితో పాటు అడిషనల్ యస్.పి.(అడ్మిన్) శ్రీమతి పి.వెంకటరత్నం గారు, సెక్షన్  సూపరింటెండెంట్ శ్రీమతి ఖతీజా బేగం, B4 క్లర్క్ శ్రీ మాలకొండయ్య మరియు మృతుని భార్య, కుమారుడు పాల్గొన్నారు.

 అలర్ట్ : మూడు రోజుల పాటు భారీ వర్షాలు

ఏపీకి మరో మూడు రోజుల పాటు భారీ వర్షాలు ఉన్నట్లు వాతావరణ శాఖ తెలిపింది. కృష్ణానగర్, బారిపాడ, మల్కన్ గిరి, హనంకొండ, ఔరంగబాద్, సిల్వాసా ప్రాంతముల గుండా కొనసాగుతున్నది. రాగల 24 గంటలలో మహారాష్ట్ర, తెలంగాణ లలోని మరికొన్ని ప్రాంతముల నుండి మరియు కర్ణాటకలోని కొన్ని ప్రాంతముల నుండి నైరుతి రుతుపవనాలు తిరోగమించే అవకాశాలు ఉన్నాయి.తూర్పుమధ్య బంగాళాఖాతం & దాని పరిసర ప్రాంతాలలో ఏర్పడిన ఉపరితల ఆవర్తనము సగటు సముద్ర మట్టానికి 5.8 km ఎత్తు వరకు విస్తరించి, ఎత్తుకు వెళ్లే కొలది నైరుతి వైపు వంగి కొనసాగుతోంది.

దీని ప్రభావము వలన రాగల 24 గంటలలో అదే ప్రాంతములలో ఒక అల్పపీడనం ఏర్పడే అవకాశం ఉంది. తదుపరి 24 గంటలలో ఈ అల్పపీడనం పశ్చిమ-వాయువ్య దిశగా ప్రయాణించి దక్షిణ ఒడిషా-ఉత్తర ఆంధ్రప్రదేశ్ తీరాలను చేరుకొనే అవకాశం ఉంది. ప్రస్తుతము తూర్పు-పశ్చిమ ఉపరితల ద్రోణి 13°N అక్షాంశము వెంబడి తూర్పుమధ్య బంగాళాఖాతం & దాని పరిసర ప్రాంతాలలో కొనసాగుతున్న ఉపరితల ఆవర్తనం నుండి కర్ణాటక తీరానికి దగ్గరగా తూర్పు మధ్య అరేబియా సముద్రం ప్రాంతములో కొనసాగుతున్న ఉపరితల ఆవర్తనం వరకు సగటు సముద్రమట్టానికి 4.5 km నుండి 5.8 km ఎత్తుల మధ్య కొనసాగుతోంది.వీటి ఫలితంగా ఆంధ్రప్రదేశ్ రాష్ట్రంలో రాగల మూడు రోజుల వరకు వర్షాలు పడనున్నట్లు వాతావరణ శాఖ తెలిపింది. ఉత్తర కోస్తా ఆంధ్ర మరియు యానాం, దక్షిణ కోస్తా ఆంధ్ర, రాయలసీమ ప్రాంతాలకు ఎక్కువ వర్షాలు ఉన్నట్లు స్పష్టం చేసింది వాతావరణ శాఖ.

 విజయదశమి పండుగ కులాలకు మతాలకు సంబంధించిన పండుగ కాదు,విజయదశమి పండుగ మానవత్వానికి సంబంధించిన పండుగ. ధర్మాన్ని స్థాపించడం కోసం అధర్మాన్ని వధించిన రోజును, దుర్గామాత మహిషాసురుని వధించిన రోజును విజయదశమి పండుగగా జరుపుకుంటాం. మన పక్కింటి వాళ్లకు,స్నేహితులకు,రాష్ట్రానికి ఎటువంటి అన్యాయం జరిగినా పట్టిపట్టనట్టుగా వ్యవహరిస్తున్నాము. ఎక్కడ అన్యాయం జరిగినా,ఎక్కడ అధర్మం జరిగినా,ఎక్కడ మోసం జరిగినా, విజయదశమి పండుగ స్ఫూర్తి తో వాటి పై పోరాడాలి.... అబ్దుల్ అజీజ్, నెల్లూరు పార్లమెంట్ టీడీపీ అధ్యక్షులు, నెల్లూరు రూరల్ నియోజకవర్గ ఇన్చార్జి. విజయదశమి పండుగను పురస్కరించుకుని,గురువారం నెల్లూరు పార్లమెంట్ టీడీపీ అధ్యక్షులు, నెల్లూరు రూరల్ నియోజకవర్గ ఇన్చార్జి అబ్దుల్ అజీజ్ గారు నెల్లూరు నగరంలోనీ హరనాథపురం ఆయన నివాసంలో  మీడియా ద్వారా నగర ప్రజలకు సందేశాన్ని ఇచ్చారు.

ఈ సందర్భంగా అబ్దుల్ అజీజ్ గారు మాట్లాడుతూ ముందుగా నెల్లూరు జిల్లా ప్రజలందరికీ విజయదశమి శుభాకాంక్షలు తెలిపారు. ఈ పండుగతో మీ జీవితాల్లో ఉన్న సమస్యలు అన్ని తొలగిపోయి, అందరి జీవితాలు సుఖశాంతులతో నిండాలని ఆ భగవంతుడ్ని ప్రార్ధిస్తున్నాను అన్నారు. ధర్మాన్ని స్థాపించడం కోసం అధర్మాన్ని వధించిన రోజు, దుర్గామాత మహిషాసురుని వధించిన రోజున విజయదశమి గా జరుపుకుంటాం అన్నారు. ఈ పండుగను ప్రాంతాల వారీగా ఒక్కో ప్రాంతంలో ఒక్కో విధంగా పిలుస్తారని, ఒక్కో విధంగా జరుపుకుంటారని అన్నారు.  నార్త్ సైడ్ రాష్ట్రాల్లో రామ్ లీలా గా జరుపుకుంటారని అంటే రావణాసురుడిని రాముడు వధించిన రోజని. దాని ముఖ్య ఉద్దేశం కూడా ధర్మాన్ని స్థాపించడం కోసం అధర్మాన్ని వదించడమేనని అన్నారు. వెస్ట్ సైడ్ రాష్ట్రాల్లో చూస్తే,అధర్మం వైపు ఉన్న కురువంశాన్ని ( లక్ష మందిని ) అర్జునుడు ఓడించడం,  దహించడాన్ని పండుగగా చేసుకుంటారని, అక్కడ కూడా అధర్మం పై ధర్మం గెలవడమే ముఖ్య ఉద్దేశమని అన్నారు. ప్రస్తుత రోజుల్లో మన పక్కింటి వాళ్ళకి, రోడ్ల పైన, మన రాష్ట్రానికి ఏమైనా అన్యాయం జరుగుతుంటే, ఇంట్లో తలుపులు వేసుకుని కూర్చుంటున్నామని, మనకు సంబంధం లేనట్టు ప్రవర్తిస్తున్నామని ఆవేదన వ్యక్తం చేశారు. ఈ పండుగలన్నీ మనకు ఎక్కడ అన్యాయం జరిగినా, ఎక్కడ అధర్మం జరిగినా, ఎక్కడ మోసం జరిగినా, దాని పైన పోరాడటమే నేర్పుతున్నాయని, అన్యాయాన్ని ఎదిరించడం ప్రతీ పౌరుడి, ప్రతి మనిషి యొక్క బాధ్యతనీ అన్నారు. ప్రస్తుతం ఆంధ్ర రాష్ట్రంలో పాలన బాగలేక అందరూ అన్యాయాలకు, అక్రమాలకు గురవుతున్నారని, వాటినీ ప్రశ్నించడం వాటిపై పోరాడడం ప్రతీ ఒక్కరి బాధ్యత కావాలని కోరారు. విజయదశమి పండుగ కులాలకు మతాలకు సంబందించిన పండుగ కాదని, విజయదశమి పండుగ మానవత్వానికి సంబంధించిన పండుగని అన్నారు. పండుగ అంటే కేవలం పిండి వంటలు చేసుకుని తిని, కొత్త బట్టలు వేసుకుని తిరగడం మాత్రమే కాదనీ, ప్రతి పండుగ మనకు ఒక మంచి మార్గాన్ని, మంచి నడవడికను చూపుతాయని అన్నారు. రాష్ట్ర ప్రజలు, పౌరులు, అందరూ దేశంలో ఎక్కడ అన్యాయం జరిగినా విజయదశమి పండుగ స్ఫూర్తితో ఎటువంటి బేధాలు లేకుండా మన వంతు బాధ్యతగా వాటి పై పోరాడాలని పిలుపునిచ్చారు.....

ఈ నెల 30న నిర్వహించే జాబ్ మేళాకు  తరలి రానున్న ప్రఖ్యాత కంపెనీలు

భారీ స్థాయిలో నిర్వహణ

1000 కి పైగా ఉద్యోగ అవకాశాలు

మెట్ట ప్రాంత యువతీ యువకులకు సువర్ణవకాశం

మహిళలకు ప్రత్యేక అవకాశం

నిరుద్యోగ యువతకు పెద్ద ఎత్తున ఉద్యోగ అవకాశాలు కల్పించడమే లక్ష్యంగా పరిశ్రమలు, వాణిజ్య, ఐ.టీ శాఖ మంత్రి మేకపాటి గౌతమ్ రెడ్డి గారు నడుం బిగించారు. ప్రతి సంవత్సరం మాదిరిగా ఈసారి కూడా మరో భారీ జాబ్ మేళా నిర్వహణకు సిద్ధమయ్యారు. టెన్త్, ఇంటర్, ఐటీఐ, పాలిటెక్నిక్, డిగ్రీ, పీజీ, బిటెక్, డిప్లమా ఇన్ మెడికల్, ఫార్మసీ, బీఎస్సీ కెమిస్ట్రీ లాంటి వివిధ చదువులు పూర్తి చేసిన యువతీ యువకుల కోసం  *ఆత్మకూరులో *ఉద్యోగ మేళా ఈనెల 30వ తేదీన నిర్వహించ బడును.*

ప్రభుత్వంలోకి రాగానే యువతకు సుమారు 6 లక్షల ఉద్యోగాలు అందించిన ముఖ్యమంత్రి జగన్మోహన్ రెడ్డి గారి స్ఫూర్తితో పేరున్న అపెక్స్ సొల్యూషన్ లిమిటెడ్, గ్రీన్ టెక్ ఇండస్ట్రీస్, అపాచీ, హీరో, ఇసుజి, రైజింగ్ స్టార్స్ మొబైల్స్, అమర్ రాజా బ్యాటరీస్,  హెట్రో డ్రగ్స్, టాటా స్టీల్, అపోలో ఫార్మసీ, ఎయిర్టెల్ పేమెంట్ బ్యాంక్,  మెడికవర్ హాస్పిటల్, సౌత్ ఇండియా బ్యాంక్, టాటా స్కై, Chola ms general insurance, Noveau Medicament, అమెజాన్, ఫ్లిప్కార్ట్, ఫోన్ పే, లాంటి ప్రఖ్యాత కంపెనీలలో ఉద్యోగాలందించేందుకు మంత్రి మేకపాటి గౌతమ్ రెడ్డి శ్రీకారం చుట్టారు. *ఈ జాబ్ మేళాలో సుమారు వెయ్యికి పైగా యువతీ యువకులకు ఉద్యోగ అవకాశాలు కల్పించబడును. 

ఈ జాబ్ మేళాను ఆత్మకూరు నియోజకవర్గం తోపాటు నెల్లూరు జిల్లాలోని యువతీ యువకులు సద్వినియోగం చేసుకోవాల్సిందిగా కోరడమైనది.

 తెనాలి నియోజకవర్గం, కొల్లిపర మండల కేంద్రంలో సచివాలయం ప్రారంభోత్సవానికి పేర్నాటి శ్యామ్ ప్రసాద్ రెడ్డి దంపతులను ఆహ్వానించిన గౌరవ తెనాలి శాసనసభ్యులు అన్నాబత్తున  శివకుమార్ గారు.

     రాష్ట విత్తనాభివృద్ధి సంస్థ చైర్ పర్సనుగా బాధ్యతలు తీసుకున్న తర్వాత మొట్టమొదటిసారిగా తెనాలి నియోజకవర్గములోని కొల్లిపర మండలంలోని కొల్లిపర-2 సచివాలయ భవనాన్ని శ్యామ్ ప్రసాద్ రెడ్డి గారి చేతుల మీదుగా ప్రారంభోత్సవం చేయడం చాలా సంతోషంగా ఉందని తెలియజేశారు.

    గుంటూరు జిల్లా జడ్పీ చైర్ పర్సన్ గారు, అదేవిధంగా మండల ఎంపీపీ, గ్రామ సర్పంచ్,  అధికారులు అనధికారులతో కలిసి ఈ కార్యక్రమంలో పాల్గొనడం చాలా సంతోషంగా ఉందని తెలియజేయడం జరిగింది.

     గౌరవ ముఖ్యమంత్రి గారు వ్యవసాయానికి సేంద్రియ వ్యవసాయానికి పెద్ద పీట వేయాలని ఆలోచనతో రైతులను ఆ వైపుగా మరల్చాలని ఆలోచనతో ఉన్నారు కాబట్టి మన తెనాలి నియోజకవర్గంలో అనేక మంది రైతులు సేంద్రియ వ్యవసాయం వైపు అడుగులు వేస్తున్నారని గౌరవ శాసనసభ్యులు చెప్పడం జరిగింది.

     రాష్ట్ర వ్యాప్తంగా కూడా కనీసం పది శాతం మంది రైతులను సేంద్రియ వ్యవసాయం వైపు మార్చగలిగితే రాష్ట్ర ప్రజలకే కాదు, దేశ ప్రజలందరికీ కూడా ఆరోగ్యవంతమైన ఆహారాన్ని అందించగలమని చెప్పి ఈ సందర్భంగా శ్యామ్ ప్రసాద్ రెడ్డి గారు తెలియజేయడం జరిగింది.

     ఈ సందర్భంగా శ్యామ్ ప్రసాద్ రెడ్డి గారు జిల్లా పరిషత్ చైర్ పర్సన్ గారిని శాలువాతో సత్కరించడం జరిగింది.

 వెంకటగిరి లో వెంకటగిరి మాజీ  శాసనసభ్యుడు కురుగుండ్ల రామకృష్ణ అధ్యక్షతన జరిగిన వెంకటగిరి నియోజకవర్గ తెలుగుదేశం పార్టీ సమావేశంలో మాట్లాడుతున్న తెలుగుదేశం పార్టీ జాతీయ ప్రధానకార్యదర్శి బీద రవిచంద్ర,నెల్లూరు పార్లమెంట్ ప్రధానకార్యదర్శి చేజర్ల వెంకటేశ్వర రెడ్డి

రాష్ట్రంలో అరాచక, అబద్దపు, దోపిడిపూరిత అవినీతి పాలన

 నాడు మిగులు విద్యుత్ - నేడు విద్యుత్ కొరత రెండున్నరేళ్ల వైసీపీ పాలనలో రాష్ట్ర అభివృద్ది శూన్యం - టిడిపి జాతీయ ప్రధాన కార్యదర్శి బీద రవిచంద్ర

వెంకటగిరి నియోజకవర్గ మాజీ ఎమ్మెల్యే కురుగొండ్ల రామకృష్ణ నెల్లూరు పార్లమెంటు ప్రధాన కార్యదర్శి చేజర్ల వెంకటేశ్వరరెడ్డి సోమశిల ప్రాజెక్ట్ కమిటీ మాజీ చైర్మన్ రాపూరు సుందరరామిరెడ్డి, సీనియర్ నాయకులు గంగోటి నాగేశ్వరరావు, పులికళ్ళ రాజేశ్వరరావు ,కొల్లూరు బాలకృష్ణ చౌదరిలతో కలిసి మీడియో సమావేశంలో మాట్లాడుతున్న బీద రవిచంద్ర 

రాష్ట్రంలో అరాచక, అబద్దపు, దోపిడిపూరిత అవినీతి పాలన సాగుతోంది.

2014 లో అధికారం చేపట్టేనాటికి ఉన్న 84 మిలియన్ యూనిట్ల విద్యుత్ కొరత ను 6నెలల్లోనే అధిగమించి మిగులు విద్యుత్ ను సాధించిన ఘనత నాటి  ముఖ్యమంత్రి చంద్రబాబు గారిది. టీడీపీ ప్రభుత్వ గడువు తీరే నాటికి రాష్ట్ర విద్యుత్ అవసరాల కంటే రెండున్నర శాతం అధిక విద్యుత్ ను సమకూర్చుకోగా , తదనంతరం అధికారం లోకి వచ్చిన వైసీపీ ప్రభుత్వ చేతకాని తనం తో విద్యుత్ కొరత ఏర్పడుతోంది. టీడీపీ హయాంలో సోలార్ పవర్ కొనుగోలులో అవినీతి జరిగిందని నాడు గగ్గోలు పెట్టి, నేడు అధికారం లోకి వచ్చాక అదే సోలార్ విద్యుత్ ను రూ.25 రూపాయల చొప్పున వైసీపీ ప్రభుత్వం కొనుగోలు చేస్తోంది. డున్నరేళ్ల వైసీపీ ప్రభుత్వ పాలన లో రూ.13,611 కోట్ల విద్యుత్ భారాన్ని వివిధ కేటగిరి లు, పన్నుల పేరిట ప్రజలపై మోపారు. టీడీపీ హయాంలో నిర్మించిన భవనాలకు, నిర్మాణాలకు తమ పార్టీ రంగులేసుకోవటం తప్ప  రెండున్నరేళ్ల పాలనలో వైసీపీ ప్రభుత్వం చేసిన అభివృద్ది శూన్యం. వెంకటగిరి రూరల్ లో ఎంజీ ఎన్.ఆర్.ఈ.జీ.ఎస్ కింద రూ. 65 లక్షలతో సిమెంట్ రోడ్లు నిర్మిస్తే  విజలిన్స్ దర్యాప్తు పేరిట బిల్లులు చెల్లించకుండా వైసీపీ ప్రభుత్వం వేధిస్తోంది.కోర్టు ఆదేశాలను  సైతం బేఖాతరు చేస్తూ మూర్ఖంగా  వ్యహరిస్తోంది వైసీపీ ప్రభుత్వం.టీడీపీ హయాంలో  62 సంక్షేమ పథకాలు అమలులో ఉండగా, వాటిని 9 పథకాలకు కుదించడమే కాక సంక్షేమ పథకాలలో దేశానికే తాము ఆదర్శమని వైసీపీ ప్రభుత్వ బీరాలు సిగ్గుచేటు. నిత్యావసర ధరలను వైసీపీ ప్రభుత్వం అమాంతం పెంచి ప్రజలపై పెనుభారం మోపింది. మద్యం అమ్మకాల ద్వారా వైసీపీ ప్రభుత్వం ఏడాదికి 10 వేల కోట్ల పైగా అదనపు ఆదాయం రాబడుతోంది.సంపూర్ణ మద్యపాన నిషేధం వైసీపీ ప్రభుత్వం అమలు చేయకపోగా దేశంలో ఎక్కడా లేని నాసిరకం మద్యం బ్రాండ్లను తెచ్చి ప్రజల ఆరోగ్యంతో చెలగాటమాడుతోంది. అబద్దాలతో ప్రజలను మోసం చేయటం వైసీపీ ప్రభుత్వం ఇకనైనా మానుకోవాలి.

 వాకాడు:-  హైదరాబాదు రాజేంద్రనగర్ లోని "Seeds DNA Testing Lab ,Seed Testing Lab & Millets processing units లను సందర్శించిన పేర్నాటి దంపతులు.

     పరిశోధన కేంద్రంలో విత్తనాలు ఏవిధంగా పరీక్షిస్తున్నారు, అదేవిధంగా విత్తనాల నాణ్యతను పరిశీలించి, అదేవిధంగా వాటికి సంబంధించిన మూలం ఎలా వచ్చింది అని పరీక్షించి, విత్తనాలను సర్టిఫై చేసిన తర్వాత, మార్కెట్లోకి విడుదల చేసే వివిధ దశల గురించి క్షుణ్ణంగా అడిగి తెలుసుకోవడం జరిగింది. 

     నేషనల్ సీడ్స్ కార్పొరేషన్ జాయింట్ సెక్రెటరీ N. విజయ లక్ష్మి గారు మాట్లాడుతూ రెండు రాష్ట్రాలకు సంబంధించి రాబోయే రోజుల్లో కేంద్ర ప్రభుత్వం ద్వారా మన రెండు రాష్ట్రాలకు సంబంధించిన నిధులు కానీ వ్యవసాయ ఉత్పత్తులకు,  వ్యవసాయ పనిముట్లకు పూర్తిస్థాయిలో నా వంతు సహకారం అందించడం జరుగుతుందని తెలిపారు.

      పేర్నాటి శ్యామ్ ప్రసాద్ రెడ్డి గారు మాట్లాడుతూ ఆంధ్రప్రదేశ్ రాష్ట్రానికి సంబంధించి ఆంధ్రప్రదేశ్ రాష్ట్ర విత్తనాభివృద్ధి సంస్థ తరపున ఆహ్వానం పంపుతామని మీరు ఒకసారి మా రాష్ట్రానికి కూడా సందర్శించాలని కోరడం జరిగిందని, దానికి ఆమె సానుకూలంగా స్పందించడం జరిగిందని తెలిపారు

    అదేవిధంగా చిరుధాన్యాలకు (మిల్లెట్స్) సంబంధించి ప్రాసెసింగ్ యూనిట్లను పేర్నాటి దంపతులు సందర్శించడం జరిగింది. మన రాష్ట్రంలో చిరుధాన్యాలను పండించడం వాటిని ప్రాసెసింగ్ చేసే మిషనరీ రాష్ట్ర వ్యాప్తంగా కూడా స్థాపించాలని ముఖ్యమంత్రి గారి ఆలోచన అని, అందుకు అనుగుణంగా ఈరోజు మిలెట్స్ ప్రాసెసింగ్ యూనిట్   ను, మిల్లెట్స్ అవుట్ లెట్ లను సందర్శించి వాటికి వాడే మిషనరీ గురించి తెలుసుకోవడం జరిగింది.

     రాబోయే రోజుల్లో మన రాష్ట్రంలో కూడా ఇటువంటి ప్రాసెసింగ్ యూనిట్లను వీలైనన్ని ఎక్కువగా స్థాపించేవిధంగా గౌరవ ముఖ్యమంత్రి గారి దృష్టికి తీసుకువెళ్లి వాటి స్థాపనకు మా వంతు కృషి చేస్తామని చెప్పడం జరిగింది.

     ఈ కార్యక్రమంలో నేషనల్ సీడ్స్ కార్పొరేషన్ జాయింట్ సెక్రెటరీ N.విజయలక్ష్మి గారు, ఆంధ్ర ప్రదేశ్ రాష్ట్ర విత్తనాభివృద్ధి సంస్థ వైస్ చైర్మన్ అండ్ మేనేజింగ్ డైరెక్టర్ డాక్టర్ G.శేఖర్ బాబు గారు, తెలంగాణ రాష్ట్ర విత్తనాభివృద్ధి సంస్థ వైస్ చైర్మన్ అండ్ మేనేజింగ్ డైరెక్టర్ డాక్టర్ కె.కేశవులు గారు పాల్గొన్నారు.