Ravikiranalu TV

 శ్రీసిటీని సందర్శించిన సీనియర్ ఐఏఎస్ అధికారులు

రవి కిరణాలు న్యూస్ తడ (శ్రీసిటీ) :  కేంద్ర గృహ, పట్టణ వ్యవహారాల మంత్రిత్వ శాఖ కార్యదర్శి దుర్గా శంకర్ మిశ్రా, ఐఏఎస్, ఆంధ్రప్రదేశ్ ప్రభుత్వ ఉన్నత విద్యాశాఖ కమిషనర్ పోలా భాస్కర్, ఐఏఎస్, శనివారం విడివిడిగా శ్రీసిటీని సందర్శించారు. 

దుర్గా శంకర్ మిశ్రాకు శ్రీసిటీ ప్రెసిడెంట్ (ఆపరేషన్స్) సతీష్ కామత్ సాదర స్వాగతం పలికి, శ్రీసిటీ ప్రత్యేకతలు, ప్రగతి మరియు ఈ ప్రాంత ఆర్థికాభివృద్ధిపై దాని ప్రభావం గురించి ఆయనకు వివరించారు. అనంతరం శ్రీసిటీ పరిసరాలను మిశ్రా సందర్శించారు మరియు కొన్ని పరిశ్రమలకు వెళ్ళి అక్కడ ఉత్పత్తులను, ఇతర పనులను పరిశీలించారు. విశాల స్థలం, మంచి మౌళిక సదుపాయాలు మరియు పారిశ్రామిక అభివృద్ధి పట్ల సంతృప్తి వ్యక్తం చేసిన ఆయన, భారీ ఇంటిగ్రేటెడ్ బిజినెస్ సిటీని అభివృద్ధి చేయడంలో శ్రీసిటీ యాజమాన్యం చేపట్టిన కార్యక్రమాలను ప్రశంసించారు.

శ్రీసిటీకి విచ్చేసిన పోలా భాస్కర్ కు శ్రీసిటీ మేనేజింగ్ డైరెక్టర్ రవీంద్ర సన్నారెడ్డి ఘనస్వాగతం పలికారు. తన పర్యటనలో భాగంగా ఆయన క్రియా యూనివర్సిటీని సందర్శించారు.  క్రియా వైస్ ఛాన్సలర్ డాక్టర్ మహేశ్ రంగరాజన్, గ్రాడ్యుయేట్ స్కూల్ ఆఫ్ బిజినెస్ మరియు స్కూల్ ఆఫ్ ఇంటర్‌వూవెన్ ఆర్ట్స్ & సైన్సెస్ విభాగాల ముఖ్య అధ్యాపకులతో ఆయన  చర్చించారు. క్రియా విద్యావిధానం, పాఠ్యాంశాల గురించి వివరించిన వైస్ ఛాన్సలర్, కళలు శాస్త్రాలను మిళితం చేసిన ఒక ప్రత్యేకమైన ‘ఇంటర్‌వొవెన్ లెర్నింగ్’ విధానం విద్యార్థులకు అన్వేషణ శక్తిని, సబ్జెక్టులపై ఆసక్తిని పెంచుతుందన్నారు. 

క్రియా యూనివర్సిటీ  వైస్ ఛాన్సలర్ కు కృతజ్ఞతలు తెలిపిన పోలా భాస్కర్, ఉన్నత విద్యలో భిన్నమైన విధానాన్ని తీసుకువచ్చినందుకు యూనివర్సిటీ బృందాన్ని ప్రశంసించారు - ఇంటర్‌వూవెన్ లెర్నింగ్ ద్వారా ఆలోచనలు, కళలు, విజ్ఞానాలతో గతాన్ని నేర్చుకోవడం ద్వారా భవిష్యత్తు కోసం విద్యార్థులను సంసిద్దులను చేస్తుందన్నారు. 

 వార్డు నెంబర్లకు శిక్షణ తరగతులు.... వాకాడు... మండల పరిధిలోని 19 గ్రామ పంచాయతీలకు చెందిన వార్డు మెంబర్లకు శుక్రవారం శిక్షణ కార్యక్రమం జరిగింది. ఈ కార్యక్రమానికి ముఖ్యఅతిథిగా సొసైటీ చైర్మన్ కొడవలూరు దామోదర్ రెడ్డి హాజరై ఈ శిక్షణ వార్డు మెంబర్లకు ఎంతో ఉపయోగ పడుతుంది అన్నారు. శిక్షణ కార్యక్రమాన్ని సద్వినియోగం చేసుకోవాలని కోరారు.

గత ప్రభుత్వం వల్ల వచ్చిన ఆదాయం మాత్రం కావాలా!గత ప్రభుత్వ బకాయిలు మాత్రం చెల్లించరా!ఉపాధిహామీ మిగిలిన బిల్లులు, నీరు,చెట్టు బిల్లులు తో పాటు గృహనిర్మాణ బకాయిలు చెల్లించే వరకూ తెలుగుదేశం పార్టీ న్యాయపోరాటం చేస్తుంది.

 ఉదయగిరి లో జరిగిన ఉదయగిరి నియోజకవర్గ తెలుగుదేశం పార్టీ సమావేశంలోతెలుగుదేశం పార్టీ నెల్లూరు పార్లమెంట్ అధ్యక్షుడు అబ్దుల్ అజీజ్, ఉదయగిరి మాజీ శాసనసభ్యుడు బాలినేని రామారావు గార్లతో కలిసి పాల్గొన్న తెలుగుదేశం పార్టీ పార్లమెంట్ ప్రధానకార్యదర్శి చేజర్ల వెంకటేశ్వర రెడ్డి మాట్లాడుతూ

రాష్ట్రంలో అధికారంలో ఉన్న వైసీపీ ప్రభుత్వం గత తెలుగుదేశం ప్రభుత్వం వల్ల వచ్చిన ఆదాయం మాత్రం తీసుకుంటూ, గత ప్రభుత్వంలో పనులు చేసిన వారికి చెల్లించవలసిన బకాయిలు మాత్రం చెల్లించడము లేదు.

కేంద్ర ప్రభుత్వ నిధులైన ఉపాధిహామీ నిధులతో గత తెలుగుదేశం ప్రభుత్వం హయాంలో చేసిన పనులకు కేంద్ర ప్రభుత్వం నిధులు ఇచ్చినా, వాటిని పనులు చేసిన వారికి ఇవ్వకుండా రాష్ట్ర ప్రభుత్వం దారిమళ్లించింది.

తెలుగుదేశం పార్టీ చేసిన న్యాయపోరాటం ఫలితంగా హైకోర్టు ఆదేశాలతో తప్పనిసరి పరిస్థితుల్లో రాష్ట్ర ప్రభుత్వం వారికి బిల్లులు చెల్లిస్తుంది.

నీరు- చెట్టు తో సహా ఇతర నిధులతో గత ప్రభుత్వం హాయములో పనులు చేసి బిల్లులు రానివారికి చివరి పైసా వచ్చే వరకు న్యాయపోరాటం చేయాలని శ్రీ నారా చంద్రబాబు నాయుడు గారు నిర్ణయించి, దనికొరకు అవసరమైన సమాచారం సేకరించడము కోసం మంగళగిరి లోని తెలుగుదేశం పార్టీ జాతీయ కార్యాలయంలోను,నెల్లూరు లోని జిల్లా తెలుగుదేశం పార్టీ కార్యాలయములోను ప్రత్యేక విభాగాలు ఏర్పాటు చేశారు.

కావున గత ప్రభుత్వం లో పనులు చేసి బిల్లులు రాని వారు,గత ప్రభుత్వ హయాంలో ఇల్లులు కట్టుకొని బిల్లులు రాని వారు తమ దగ్గర ఉన్న ఆధారాలను జిల్లా తెలుగుదేశం పార్టీ కార్యాలయములో అందచేస్తే వారికి బిల్లులు వచ్చే వరకు తెలుగుదేశం పార్టీ కృషి చేస్తుందని అన్నారు.

ఈ సమావేశంలో నుడా మాజీ డైరెక్టర్ ఖాజావలి,తెలుగురైతు రాష్ట్ర అధికార ప్రతినిధి రాపూరు సుందరరామిరెడ్డి, తెలుగుదేశం పార్టీ కార్యాలయ కార్యదర్శి  సురేంద్రబాబు మరియు ఉదయగిరి నియోజకవర్గ తెలుగుదేశం పార్టీ నాయకులు పాల్గొన్నారు.

 స్టేట్ బ్యాంక్ రుణ సేవలు వినియోగించుకోవాలి

కావలి ఆర్ డి ఒ శ్రీ నూ నాయక్

స్టేట్ బ్యాంక్ ఆఫ్ ఇండియా రీజినల్ బ్రాంచ్ నిర్వహిస్తున్న మెగా రుణ‌మేళాను సద్వినియోగం చేసుకోవాలని ఆర్ డి ఒ శ్రీ నూ నాయక్ కోరారు. రామ్మూర్తి పేట లో ని యస్ బి ఐ వద్ద శుక్రవారం నిర్వహించిన మెగా రుణమేళాను ఆయన ప్రారంభిస్తూ అన్ని వర్గాల ప్రజలకు అందుబాటులో ఉన్న రుణ సదుపాయం వారి జీవన అభివృద్ధి కి సహకరిస్తుండడం అని అభినందించారు.

కావలి  ఆర్ డి ఒ శ్రీ నా నాయక్ జ్యోతిప్రజ్వ లనతో  ప్రారంభించిన 

ఈ  కార్యక్రమం లో ముఖ్య అతిధి  రీజినల్ మేనేజర్  పవన్ కుమార్ మాట్లాడుతూ ఏ బ్యాంకు కల్పించని విధంగా తక్కువ వడ్డీకి రుణ సౌకర్యం అందుబాటులోకి  తెచ్చిందని అన్నా రు.  . కావలి మూడు బ్రాంచిల  మేనేజర్లు  మల్లికార్జున రెడ్డి, ప్రవీణ్ కుమార్,ఈశ్వరాచారి   నేతృత్వంలో నిర్వహించిన రుణమేళాకు భారీ ఎత్తున స్పందన లభించింది.     ఈ కార్యక్రమాన్ని హౌసింగ్ లోన్ కౌన్సిలర్స్ కిరణ్ కుమార్, వెంకయ్య, ప్రకాష్ రావు, తదితరులు పర్యవేక్షించారు

 పిడుగు పాటుకు దెబ్బతిన్న ఆలయ గోపురం- రాలిన దేవతా విగ్రహాలు

చిత్తూరు జిల్లా నాగలాపురం మండలంలోని ప్రముఖ శ్రీ వేదవళ్ళి సమేత శ్రీ వేదనారాయణ స్వామి ఆలయ గోపురంపై  పిడుగు పడి గోపురం దెబ్బతింది. గురువారం రాత్రి మండలంలో భీకరమైన ఉరుములు, మెరుపులతో కూడిన భారీ వర్షం కురిసింది. ఈ నేపథ్యంలో మెరుపుల ధాటికి ఉత్తర మాడ వీధిలోని ప్రాకార ఆలయగోపురం పై పిడుగు పడడటంతో గోపురం పై ఉన్న దేవతా విగ్రహాలు చాలా వరకు విరిగి కింద పడ్డాయి.

ఉదయం ఆలయానికి వచ్చిన భక్తులు, స్థానికులు గమనించి ఆలయ అధికారులకు సమాచారం చేరావేశారు.ఇదిలా ఉండగా ఇటీవల మాడ వీధిలోని ఒక కొబ్బరిచెట్టుపై పిడుగు పడి చెట్టు కాలిపోయిందని స్థానికులు చెబుతున్నారు. గురువారం గోపురంపై పిడుగు పడి విగ్రహాలు ధ్వంసo కావడంతో భక్తులు కలత చెందుతున్నారు.ఆగమశాస్త్రం ప్రకారం దెబ్బతిన్న గోపురాన్ని పునర్నిర్మించాలని భక్తులు కోరుతున్నారు.కాగా వేదాలను కాపాడిన వేదనా ర యణుడి సన్నిధిలో కొద్ది సంవత్సరాలనుండి వేద పారాయణుడి నియమించిక పోవడం, ఆలయం లో వేద పారాయణం జరక్క పోవడంతో ఇలాంటి అరిష్టాలు జరుగుతున్నాయని స్థానికులు వాపోతున్నారు.

హిందువుల ప్రధాన పండుగలలో విజయ దశమి ఒకటి. దేశవ్యాప్తంగా ఈ పండుగను ఎంతో ఘనంగా జరుపుకుంటారు. విజయ దశమి, దసరాగా పిలవబడే ఈ పర్వదినం ముందు తొమ్మిది రాత్రులు దేవిని అత్యంత భక్తిశ్రద్ధలతో పూజిస్తారు. శరన్నవరాత్రుల్లో అమ్మవారిని ఒక్కోరోజు ఒక్కో రూపంలో అలంకరించి పూజిస్తారు. తొలి మూడు రోజులు పార్వతిగా, తర్వాతి మూడు రోజులు లక్ష్మీగా, చివరి మూడు రోజులు సరస్వతిగా ఆరాధిస్తారు. నవరాత్రుల్లో దేవిని పూజిస్తే పది జన్మల పాపాలు తొలగిపోతాయని ప్రగాఢ నమ్మకం. శరన్నవరాత్రుల్లో నవదుర్గల అలంకారంలో పరాశక్తి దర్శనమిస్తుంది.అందులో భాగంగా కోటగ్రామం లో వేలసియున్న శ్రీ కోటమ్మ తల్లి ఆలయంలో కోటమ్మ తల్లి- వైష్ణవి దుర్గాదేవి అమ్మ వార్ల కు ఆలయ ట్రస్ట్ చైర్మన్ నల్లపరెడ్డి జగన్మోహన్ రెడ్డి ఆధ్వర్యంలో ఉత్సావాలు జరుగుతున్నాయి. 

 ​తొలిరోజు- శైలపుత్రి రూపంలో వైష్ణవి దుర్గాదేవి- కోటమ్మ తల్లి 

 శ్లోకం: వందే వాంఛితలాభాయ చంద్రార్థకృతశేఖరామ్‌!, వృషారూఢాం శూలధరాం శైలపుత్రీం యశ స్వినీమ్‌!!.. 

 నవరాత్రుల్లో గురువారం మొదటిరోజు కోట లోని కోటమ్మ తల్లి, వైష్ణవి దుర్గాదేవి అమ్మవార్లు త్రిశూల ధారిణి అయిన హిమవంతుని కుమార్తెగా, శైలపుత్రిగా నంది వాహనంపై భక్తులకు దర్శనమిచ్చారు. శైలపుత్రీదేవికి పాడ్యమి రోజు విశేషంగా సమర్పించే నైవేద్యం పులగం. తొలి రోజు భక్తిశ్రద్ధలతో అమ్మను పూజించి పులగం నివేదించిన వారికి ఆ తల్లి సకల శక్తి సామర్థ్యాలనూ, యశస్సునూ అందిస్తు భక్తులకు దర్శనమిచ్చారు. 

 ​రెండో రోజు- బాలాత్రిపుర సుందరీ రూపంలో వైష్ణవి దుర్గాదేవి- కోటమ్మ తల్లి 

 శ్లోకం: హ్రీంకారాసన గర్భితానల శిఖాం సౌఃక్లీం కళాంబిభ్రతీం సౌవర్ణాంబర ధారిణీం వసుధాదౌతాం; త్రినేత్రోజ్జ్వలామ్‌ వందే పుస్తక పాశమంకుశధరాం స్రగ్భూషితాముజ్జ్వలాం తాంగౌరీం త్రిపురాం పరాత్పర కళాంశ్రీచక్ర సంచారిణీమ్‌!! 

 రెండో రోజు శుక్రవారం కోటలోని కోటమ్మ తల్లి- వైష్ణవి దుర్గాదేవి అమ్మ వార్లు పరాశక్తి బాలాత్రిపుర సుందరీదేవి అలంకారంలో భక్తులకు దర్శనమిస్తున్నారు. త్రిపుర సుందరీదేవి శ్రీ చక్రంలోని త్రిపురాత్రయంలో మొదటి దేవత. షోడశ విద్యకు అధిష్టాన దేవత. అందుకే ఉపాసకులు త్రిపురసుందరీదేవి అనుగ్రహం కోసం బాలార్చన చేస్తారు. అందుకే ఈ రోజున రెండు నుంచి పదేళ్లలోపు బాలికలను అమ్మవారి స్వరూపంగా భావించి కుమారి పూజచేస్తారు. త్రిశతీ పారాయణం గావిస్తారు. మనస్సు, బుద్ధి, చిత్తం, అహంకారం త్రిపుర సుందరీదేవి అధీనంలో ఉంటాయి. సత్సంతానాన్ని అనుగ్రహిస్తుంది. అభయహస్త ముద్రతో, అక్షమాల ధరించిన జగన్మాతను ఆరాధిస్తే మనోవికారాలు తొలిగిపోతాయి అనీ భక్తులు విశ్వాసము

 ముఖ్యమంత్రి జగనన్న మహిళల పక్షపాతి.... వాకాడు... రాష్ట్ర ముఖ్యమంత్రి వైయస్ జగన్ అన్న మహిళల పక్షపాతి అని వైకాపా నాయకు లు కె దామోదర్ రెడ్డి అన్నారు. శుక్రవారం మధ్యాహ్నం ఏఎంసి కార్యాలయ ఆవరణంలో వైయస్సార్ ఆసరా పథకం చెక్కుల పంపిణీ కార్యక్రమంలో ఆయన పాల్గొని పొదుపు మహిళలను ఉద్దేశించి మాట్లాడారు. జగనన్న పాదయాత్ర లో ఇచ్చిన హామీలను నెరవేరుస్తూ వస్తున్నారు అన్నారు. అందులో భాగంగా పొదుపు మహిళలకు ఆర్థిక సాయం అందిస్తున్నారు సద్వినియోగం చేసుకోవాలని కోరారు.