Ravikiranalu TV

 పి.ఆర్‌.నెం.462    మొదటిసారిగా దక్షిణ మధ్య రైల్వేలో ‘‘త్రిశూల్‌’’ రైళ్లు ప్రారంభం

` ఒక్కో దానిలో 58 బాక్స్‌ వ్యాగన్లు గల మూడు గూడ్స్‌ రైళ్లను జతపరిచి, 

మొత్తం 176 వ్యాగన్లతో  ఒకే పొడువాటి గూడ్స్‌ రైలుగా నడుపబడిరది

దక్షిణ మధ్య రైల్వే తన వినియోగదారుల ప్రయోజనార్థం మరో ప్రత్యేక చొరవ తీసుకొని మొదటిసారిగా తన పరిధిలో మూడు గూడ్స్‌ రైళ్లను జతపరిచి ఒక పొడవాటి గూడ్స్‌ రైళ్లుగా నడిపించింది. మూడు రైళ్లను ఒకే రైలుగా నడిపిస్తున్న దీనికి ‘‘త్రిశూల్‌’’ అని పేరు పెట్టారు. దీన్ని విజయవాడ నుండి దక్షిణ మధ్య రైల్వే పరిధిలో చివరి స్టేషన్‌ అయిన దువ్వాడ వరకు నడిపించారు.

ఈ వినూత్న పద్థతితో గూడ్స్‌ రైళ్ల నిర్వహణలో వేగం పెరగడంతో ఖాళీ వ్యాగన్లు లోడిరగ్‌ పాయింట్‌కు తక్కువ సమయంలో చేరుతాయి. ఇది వినియోగదారుల లక్ష్యాలను నెరవేర్చడంలో ఎంతో తోడ్పడుతుంది. ఉదాహరణకి బొగ్గు కోసం పవర్‌ హౌసులలో ఉండే భారీ డిమాండ్‌ను తీర్చవచ్చు. ఇది క్రమంగా వ్యాగన్‌ ప్రయాణ సమయాన్ని తగ్గిస్తుంది. దీంతో ప్రతి లోడిరగ్‌ అవసరానికి తక్కువ సమయంలోనే ఖాళీ వ్యాగన్లు అందుబాటులో ఉంటాయి. 

మూడు రైళ్లను జతచేసి ఒక రైలుగా చేయడంతో పనిచేసే సిబ్బంది సంఖ్య కూడా తగ్గుతుంది, దీంతో వారిని రైళ్ల రద్దీ మార్గాలలో ఇతర రైళ్ల నిర్వహణలో వినియోగించుకొనే వెసులుబాటు కలుగుతుంది. మూడు రైళ్లు ఒకే రైలుగా నడపడంతో సెక్షన్లో ఇతర రైళ్ల నిర్వహణకు మార్గం సులభమవుతుంది. ఇవి ప్రధానంగా నిరంతరం గూడ్స్‌ మరియు ప్రయాణికుల రైళ్లు నడిచే విజయవాడ`విశాఖపట్నం వంటి కీలక సెక్షన్లలో ఎంతో ఉపయోగకరంగా ఉంటాయి.

ఈ పద్దతిలో రైళ్ల నిర్వహణతో కలిగే మరో ప్రయోజనం రైళ ్ల మార్గంలో రద్దీని తగ్గించవచ్చు. దీని ఫలితంగా, రైళ్ల రాకపోకల నిర్వహణలో సామర్థ్యం మరింత మెరుగవుతుంది. దీంతో, రైళ్ల సగటు వేగంలో అభివృద్ధి మాత్రమే కాకుండా సెక్షన్ల మధ్య ప్రయాణ సమయం కూడా తగ్గుతుంది. నేటి ఈ రైలు విజయవాడ నుండి దువ్వాడ వరకు సుమారుగా గంటకు 50 కి.మీల సగటు వేగంతో ప్రయాణించింది. 176 వ్యాగన్లను కలిగున్న ఈ రైలు సరుకు వినియోగదారుల లోడిరగ్‌ అవసరాల కోసం నడుపబడిరది.

విజయవాడ నుండి ఈస్ట్‌ కోస్ట్‌ రైల్వేలోని వాల్తేర్‌ డివిజన్‌ వరకు భారీ ‘‘త్రిశూల్‌’’ గూడ్స్‌ రైలు నిర్వహణలో కృషి చేసిన విజయవాడ డివిజన్‌ అధికారులను మరియు సిబ్బందిని దక్షిణ మధ్య రైల్వే జనరల్‌ మేనేజర్‌ శ్రీ గజానన్‌ మాల్య అభినందించారు. భారీ పొడువాటి రైళ్లు సరుకు రవాణాలో అత్యుత్తమంగా తోడ్పడుతాయని మరియు తక్కువ సమయంలో పెద్దఎత్తున సరుకులను రవాణా చేయడంలో అవి ప్రయోజనకరంగా కూడా ఉంటాయని ఆయన అభిప్రాయపడ్డారు. ఇటువంటి రైళ్ల నిర్వహణతో జోన్‌లో సరుకు రవాణా మరింత అభివృద్ధి చెందుతుందని మరియు రైల్వే వారికి, సరుకు రవాణా వినియోగదారులు ఉభయులకు ఇది ప్రయోజనకరమని ఆయన అభిప్రాయపడ్డారు.

 పంచాయతీ అభివృద్ధి పై దృష్టిసారించాలి

పంచాయతీ పరిధిలో వార్డు సభ్యులు కీలక పాత్ర పోషించాలని చిత్తూరు జిల్లా సత్యవేడు ఎంపిడిఓ సురేంద్ర నాథ్ కోరారు .వార్డు సభ్యుల రెండు రోజుల శిక్షణ కార్యక్రమం గురువారంతో ముగిసింది .ఈ సందర్భంగా ఎంపీడీవో సురేంద్ర నాథ్ మాట్లాడుతూ గ్రామంలో మౌలిక వసతుల కల్పనకు ఆదాయాన్ని పెంచుకోవాల్సిన అవసరం ఉందన్నారు . ముఖ్యంగా ఇంటి పన్ను , లేఅవుట్లు , వివిధ లైసెన్సులు జారీ , సెల్ టవర్ల ఏర్పాటు వంటి వాటిపై పంచాయతీగా ఆదాయం వస్తుంది అన్నారు . దీంతోపాటు కేంద్ర ప్రభుత్వం ప్రతి పంచాయతీ కి ఆర్థిక సంఘం నిధులను విడుదల చేస్తున్నట్టు ఆయన గుర్తు చేశారు .ఇక పరోక్షంగా స్టాంప్ డ్యూటీ , వృత్తి పన్ను , వివిధ రకాల సీనరీస్ ద్వారా పంచాయతీలకు కొంత ఆదాయం వచ్చే అవకాశాలు ఉందన్నారు . పంచాయతీకి వచ్చే ఆదాయం అనుసరించి 30 శాతం కాంట్రాక్ట్ కార్మికులకు వేతనాలు ,15 శాతం పారిశుద్ధ్యం ,మరో 15 శాతం వీధి దీపాలకు 15 శాతం తాగునీటి వసతికి వినియోగించుకోవచ్చని ఆయన వివరించారు .పంచాయతీ సమావేశాలను ఏడాదికి నాలుగు సార్లు నిర్వహించాలన్నారు . ప్రతి సమావేశంలోనూ వచ్చిన వార్డు సభ్యుల మేరకు కోరం చూసుకొని పంచాయతీ తీర్మానాలను ఆమోదించుకోవాలని ఆయన సూచించారు . వార్డు సభ్యులను తొలగించే అధికారం జిల్లా పంచాయతీ అధికారికి ఉందన్నారు .పెద్ద ఎత్తున వార్డు సభ్యుల పై ఆరోపణలు వచ్చినప్పుడు దీనిపై పంచాయతీ సెక్రెటరీ నివేదిక అనుసరించి ఎంపీడీవో ద్వారా పంచాయతీ అధికారికి నివేదిక పంపడం జరుగుతుంది అన్నారు . అంతకుమునుపు వార్డు సభ్యులకు పంచాయతీ పరిధిలో ఉన్న హక్కులు ,బాధ్యతలు తదితర అంశాలపై రిసోర్స్పర్సన్లు రమణ మూర్తి ,రామలింగం , శ్రీదేవి , శైలేంద్రకుమార్ ,ప్రకాష్ ,కరుణాకర్ బృందం వివరించారు .తదనంతరం శిక్షణ పూర్తి చేసుకున్న మొదటి బ్యాచ్ నూట ముప్పై ఎనిమిది మందికి ఎంపీడీవో సురేంద్ర నాథ్ , సత్యవేడు పంచాయతీ సెక్రటరీ మునివాసులు ధ్రువీకరణ పత్రాలను అందించడం జరిగింది . ఈ కార్యక్రమంలో వార్డు సభ్యులు , పలువురు పంచాయతీ సెక్రటరీలు తదితరులు పాల్గొన్నారు

అమ్మవారికి పట్టు వస్త్రాలు సమర్పించిన నల్లపరెడ్డి జగన్మోహన్ రెడ్డి, కవిత రెడ్డి దంపతులు   మూలానక్షత్రం రోజు ప్రముఖులు రాక   అమ్మవారికి ప్రత్యేక పూజలు చేసిన నల్లపరెడ్డి కుటుంబ సభ్యులు   15 వ తేదీ ఆలయంలో అన్నదానం,ప్రత్యేక పూజలు   కోటమ్మ తల్లి ఆలయ ట్రస్ట్ చైర్మన్ నల్లపరెడ్డి జగన్మోహన్ రెడ్డి 

 ఆంధ్రప్రభ✍️మీజూరు మల్లి✍️:దసరాశరన్నవరాత్రి మహోత్సవాలకు కోట లోని కోటమ్మ తల్లిఆలయం,వైష్ణవి దుర్గాదేవి ఆలయాలు ముస్తాబైయ్యాయి గురువారం నుంచి ఈ నెల 15వ తేదీ వరకు ఉత్సవాలు అంగరంగవైభవంగానిర్వహించేందుకుఏర్పాట్లుచేశారు.మూలానక్షత్రమైన ఈ నెల 12న కనకదుర్గ అమ్మవారికి నల్లపరెడ్డి జగన్మోహన్ రెడ్డి, కోవూరు ఎమ్మెల్యే నల్లపరెడ్డి ప్రసన్నకుమార్ రెడ్డి,నల్లపరెడ్డిరాజేంద్రకుమార్ రెడ్డి,నల్లపరెడ్డి జగదీష్ కుమార్ రెడ్డి, కొడవలూరు సుబ్బారెడ్డి,శైలాజ రెడ్డి దంపతులు, నల్లపరెడ్డి కుటుంబ సభ్యులు ప్రముఖులుఅమ్మవార్లకుపట్టువ్రస్తాలు సమర్పిస్తారని ఆలయ ట్రస్ట్ చైర్మన్ నల్లపరెడ్డి జగన్మోహన్ రెడ్డి తెలిపారు. 

 ఈ సందర్భంగాజగన్మోహన్ రెడ్డి మాట్లాడుతూ దసరా ఉత్సవాల ప్రారంభోత్సవం సందర్భంగా అమ్మవారికి పట్టువ్రస్తాలు సమర్పించడం ఆనవాయితీ అని ఆయన తెలిపారు. ఆ తర్వాత ప్రముఖులు,భక్తులు సమర్పించేవారు. ఈ నేపథ్యంలో తమ కుటుంబ సమేతంగా వైష్ణవి దుర్గాదేవి అమ్మ వారికి ప్రత్యేక పూజలు నిర్వహించాము అని తెలిపారు. 

 గురువారం ఉదయం 9 గంటల నుంచి అమ్మవారి దర్శనం 

 నవరాత్రి ఉత్సవాల్లో తొలిరోజు గురువారం తెల్లవారుజామున మూడు గంటలకు వేద పండితులు, అర్చకులు సుప్రభాతసేవతో అమ్మవారిని మేల్కొలిపి, శాస్త్రోక్తంగా స్నపనాభిషేకం, బాలభోగ నివేదన, నిత్యార్చనలు చేస్తారు. అనంతరం ఉదయం 9 గంటల నుంచి రాత్రి 10 గంటల వరకు భక్తులను దర్శనానికి అనుమతులు ఇచ్చినట్లు జగన్మోహన్ రెడ్డి వెల్లడించారు. 

 నేటి అలంకారం   శ్రీస్వర్ణ కవచాలంకృత 

 దుర్గాదేవిదేవీశరన్నవరాత్రి ఉత్సవాలలో భాగంగా తొలిరోజైన ఆశ్వయుజ శుద్ధ పాడ్యమి గురువారం కోటలోని కోటమ్మతల్లి,వైష్ణవి దుర్గాదేవిఅమ్మవార్లనుశ్రీస్వర్ణకవచాలంకృత దుర్గాదేవిగా అలంకరిస్తారు.అమ్మవారినిస్వర్ణకవచాలంకృతదుర్గాదేవిగాదర్శించుకోవడంతో సకలదారిద్యాలుతొలిగిపోయిసుఖసంతోషాలతో ఉంటామని భక్తులనమ్మకం అని జగన్మోహన్ రెడ్డి చెప్పారు,ఈ కార్యక్రమంలో శ్రీ షిరిడీ సాయి అక్షయ సేవా సమితి అధ్యక్షుడు అల్లం రమణయ్య, కోట ఉప సర్పంచ్ గాది భాస్కర్, వాక విజయ్ భాస్కర్ రెడ్డి,మీజూరు మల్లి కార్జున రావు, షేక్ అబ్దుల్లా, ప్రకాశం,కుమార్, భక్తులు ప్రముఖులు పాల్గొన్నారు.

 జగన్ అన్న ఇల్లు నిర్మాణాలు పూర్తి చేయండి ... తాసిల్దార్ మరియు ఎంపీడీవో కావలి రూరల్ మండల పరిధిలో రుద్రకోట గ్రామ పంచాయతీలో జరుగుతున్న ఇళ్ల నిర్మాణ పనులను స్థానిక ఎంపిడిఓ వెంకటసుబ్బారావు మరియు తాసిల్దార్ మాధవరెడ్డి పరిశీలించారు అక్కడ ఉన్న స్థానిక హౌసింగ్ ఇంజనీర్ ను అడిగి ఇళ్ల నిర్మాణాలు ప్రగతి గురించి అడిగి తెలుసుకున్నారు లబ్ధిదారులు ఇల్లు కట్టుకునే విధంగా వాళ్లకు కావలసిన అన్ని సదుపాయాలు అనగా స్టీలు సిమెంటు ఇటుక కంకర ఇసుక సరఫరా చేయవలసిందిగా తాసిల్దారు ఇంజనీర్లను ఆదేశించారు ఎంపీడీవో వెంకట సుబ్బారావు మాట్లాడుతూ ఎవరైనా వాళ్ళకి డబ్బులు అవసరమైతే పొదుపు ద్వారా ఆర్థిక సహాయం కూడా చేస్తామని తెలియజేసినారు తర్వాత ఆమె మడుగు లేఅవుట్ ను కూడా పరిశీలించారు అక్కడ కూడా త్వరితగతిన ఇళ్ల నిర్మాణాలు పూర్తి చేయవలసిందిగా స్థానిక సర్పంచ్ ను కోరినారు ఈ కార్యక్రమంలో హౌసింగ్ ఇంజనీరింగ్ అయ్యప్ప వర్క్ ఇన్స్పెక్టర్ శ్రీనివాసులు పంచాయతీ కార్యదర్శులు వెంకటేశ్వర్లు శ్యాంసుందర్ రుద్రకోట ఆమె మడుగు గ్రామ పంచాయితీ సర్పంచులు వాలంటీర్లు పాల్గొన్నారు

 రవికిరణాలు న్యూస్ తడ :    శ్రీ చెంగాళమ్మ పరమేశ్వరి దేవస్థానము నందు శరన్నవరాత్రులు సందర్భముగా చైర్మన్ దువ్వూరు బాలచంద్రా రెడ్డి సమక్షంలో కార్యనిర్వహణాధికారి ఆళ్ళ శ్రీనివాస రెడ్డి పర్యవేక్షణలో పవిత్ర కాళoగినది నుండి జలాలు తీసుకొనివచ్చి కలశములు స్థాపించి, కలశములకు ప్రత్యేక పూజలు నిర్వహించడమైనది. కలశ పూజ అనంతరం శ్రీ అమ్మవారికి అఖండ దీపం వెలిగించడం జరిగినది. కలశ స్థాపన ఉభయకర్త  శ్రీ బీరక  వెంకట రాంబాబు దంపతులు నిర్వహించారు. శ్రీ అమ్మవారికి చండీయాగం నిర్వహించుట జరిగినది ఉభయకర్తలుగా  శ్రీ పి.నాగేశ్వరరావు -శ్రీమతి రాధ దంపతులు విశాఖపట్నం వారు వ్యవహరించినారు. ఈ కార్యక్రమములో  ధర్మకర్తల మండలి సభ్యులు గోగులు తిరుపాలు, కర్లపూడి మదన్ మోహన్,  శ్రీమతి మద్దూరు శారద తదితరులు పాల్గొన్నారు.

 ఒంగోలులో లాంఛనంగా ప్రారంభించనున్న సీఎం జగన్.

మొన్నటి అసెంబ్లీ ఎన్నికల నాటికి వారి పేరిట ఉన్న బ్యాంకు అప్పును భరిస్తున్న ప్రభుత్వం. ఈ పథకం ద్వారా నాలుగు విడతల్లో చెల్లింపు. రెండో విడతగా ఇప్పుడు రూ.6,439.52 కోట్లు పంపిణీ. గత ఏడాది తొలి విడత డబ్బులతో కలిపి రూ.12,758 కోట్లు లబ్ధి.  పది రోజుల పాటు కొనసాగనున్న రెండో విడత కార్యక్రమం.తొలి రోజు 83 వేల సంఘాల్లోని 8.19 లక్షల మందికి పంపిణీ చేసేందుకు ఏర్పాట్లు.

నాడు బాబు మోసం..నేడు జగన్ వరం.

2014లో ఎన్నికల ముందు. ద్వారా రుణాలన్నీ మాఫీ చేస్తానని చంద్రబాబు హామీ ఇచ్చారు. ఏ ఒక్కరూ ద్వాక్రా రుణం చెల్లించాల్సిన అవసరం లేదని నమ్మకంగా చెప్పారు. దీంతో మహిళలు ఆ రుణాలు చెల్లించలేదు. ఆ తర్వాత ఆయన అధికారంలోకి రాగానే ఆ హామీని అమలు చేయకుండా మోసం చేశారు. దీంతో మహిళల అప్పు.. వడ్డీతో కలిపి చెల్లించలేనంతగా పెరిగిపోయింది.

 ఈ కారణంగా అప్పట్లో పొదుపు సంఘాలు పూర్తిగా ఛిన్నాభిన్నమై 'ఎ' కేటగిరీ సంఘాలు కూడా 'సి', 'డి' కేటగిరీలోకి వెళ్లిపోయాయి. పొదుపు సంఘాలకు సున్నా వడ్డీ పథకం కింద కూడా రుణాలను ఇవ్వడాన్ని అప్పటి టీడీపీ ప్రభుత్వం నిలిపివేసింది. ఇలాంటి పరిస్థితుల్లో.. రాష్ట్రంలో పొదుపు సంఘాల వ్యవస్థను తిరిగి గాడిలో పెట్టేందుకు పాదయాత్ర సమయంలో ఇచ్చిన హామీ మేరకు వైఎస్ జగన్ 'వైఎస్సార్ ఆసరా' పథకానికి శ్రీకారం చుట్టారు. ఈ పథకం కింద ఇవాళ రెండో విడత సొమ్మును విడుదల చేసే కార్యక్రమాన్ని ప్రారంభిస్తున్నారు. ఈ పథకం తమకు నిజంగా వరం అని రాష్ట్రంలోని ద్వారా సంఘాల మహిళలు హర్షం వ్యక్తం చేస్తున్నారు.

 జిల్లా తెలుగుదేశం పార్టీ కార్యాలయంలో నెల్లూరు జిల్లా సమీక్షా సమావేశం.... 

నెల్లూరు జిల్లా సమీక్షా సమావేశం టిడిపి నెల్లూరు పార్లమెంట్ అధ్యక్షుడు అబ్దుల్ అజీజ్ అధ్యక్షతన గురువారం ప్రారంభమైంది...ఈ సమావేశానికి ముఖ్య అతిథులుగా హాజరైన రేపల్లె శాసనసభ్యులు, రాష్ట్ర ప్రధాన కార్యదర్శి అనగాని సత్యప్రసాద్, బనగాని పల్లి మాజీ శాసనసభ్యులు, ఒంగోలు, నెల్లూరు పార్లమెంట్ల కో- ఆర్డినేటర్ బీసీ జనార్ధన్ , మాజీ మంత్రి సోమిరెడ్డి చంద్రమోహన్ రెడ్డి, జాతీయ ప్రధాన కార్యదర్శి బీద రవిచంద్ర తో పాటు పలువురు ముఖ్య నేతలు పాల్గొన్నారు..గత రెండున్నర సంవత్సరాలుగా వైఎస్ఆర్ కాంగ్రెస్ పార్టీ అనుసరిస్తున్న ప్రజా వ్యతిరేక విధానాలపై చర్చించారు. మండల స్థాయి నుంచి ఉద్యమాలు ప్రారంభించాలని ఎక్కడికక్కడ ప్రజలను చైతన్యవంతం చేయాలని ముఖ్య అతిథులు సూచించారు...జిల్లాలో పార్టీని బలోపేతం చేయాలన్నారు. ఉపాధి హామీ పనులకు సంబంధించి సాధించిన విజయం, గత రెండు నెలల కాలంలో టిడిపి చేసిన పోరాటాల గురించి ఈ సమీక్ష సమావేశంలో చర్చిస్తున్నారు...

ఈ సమావేశంలో చేజర్ల వెంకటేశ్వర రెడ్డి, పరసా రత్నం, కోటంరెడ్డి శ్రీనివాసులురెడ్డి, బొల్లినేని రామారావు, పాశిం సునీల్ కుమార్, కురుగొండ్ల రామకృష్ణ, బొమ్మిరెడ్డి రాఘవేంద్రరెడ్డి, దివి శివరాం, ఇంటూరి రాజేష్, జన్ని రమణయ్య, పెళ్ళకూరు శ్రీనివాసులురెడ్డి, గూటూరు మురళి కన్నబాబు, కంభం విజయరామిరెడ్డి, జడ్పీ మాజీ చైర్మన్ చంచల్ బాబు యాదవ్ , తాళ్ళపాక అనురాధ, dr. జెడ్ శివ ప్రసాద్, ఊరాందూరు సురేంద్ర బాబు, పట్టాభి రామిరెడ్డి,  బొమ్మీ సురేంద్ర, వేలూరు రంగా రావు, దావా పెంచల్ రావు, మొగలి కల్లయ్య, బొమ్మన శ్రీధర్, తదితరులు పాల్గొన్నారు