Ravikiranalu TV

 రోడ్డు ప్రమాదాల్లో ప్రాణాలు కాపాడితే 5వేలు పారితోషికం.. కేంద్ర ప్రభుత్వ కొత్త పథకం

దిల్లీ: రహదారి ప్రమాదాలు జరిగినప్పుడు వెంటనే స్పందించి ఆదుకునేవారికి రూ.5,000 చొప్పున పారితోషికాన్ని అందించే పథకాన్ని ప్రారంభించినట్లు కేంద్రం తెలిపింది. తొలి గంటలో ఆసుపత్రికి తరలించి ప్రాణాలు కాపాడేవారికి నగదుతో పాటు ప్రశంసాపత్రాన్ని అందిస్తారు. ఈ నెల 15 నుంచి పథకం అమల్లోకి వస్తుంది. జాతీయ స్థాయిలో ఉత్తమ ప్రాణదాతలుగా నిలిచిన 10 మందికి రూ.లక్ష చొప్పున అందిస్తారు. ‘‘ప్రమాదం గురించి మొట్టమొదటగా ఎవరైనా పోలీస్‌స్టేషన్‌కు తెలియపరిస్తే వివరాలను వైద్యులతో ధ్రువీకరించుకుని పోలీసులు ఒక రసీదు ఇస్తారు. దాని నకలును జిల్లా కలెక్టర్‌ నేతృత్వంలోని కమిటీకి పోలీసు స్టేషన్‌ నుంచి పంపిస్తారు. ఎవరైనా తమంతట తాముగా బాధితుల్ని నేరుగా ఆసుపత్రికి తరలిస్తే పూర్తి వివరాలను ఆసుపత్రివారే పోలీసులకు తెలియపరచాలని కేంద్రం మార్గదర్శకాల్లో పేర్కొంది.

 సినిమా థియేటర్‌లలోకి బయటి నుంచి మినరల్ వాటర్ అనుమతించకపోతే థియేటర్ యాజమాన్యమే ఉచితంగా మంచినీరు సరఫరా చేయాలని హైకోర్టు ఆదేశాలిచ్చింది...!!

జీ దేవరాజన్ 2016లో వేసిన పిటిషన్ పై జరిపిన విచారణలో ఇలా తేలింది. కొన్ని థియేటర్ల వారు సెక్యూరిటీ రీజన్స్ తో బయటి బాటిల్స్ ను అనుమతించడం లేదని జస్టిస్ ఎస్ఎమ్ సుబ్రహ్మణ్యం బెంచ్ వెల్లడించింది...!!

తమిళనాడులోని కొన్ని థియేటర్లలో ఎమ్మార్పీ కంటే ఎక్కువ ధరలకు వాటర్ బాటిల్స్, జ్యూస్, ఫుడ్ స్టాల్ లో ఆహారపదార్థాలు అమ్ముతున్నారంటూఓ వ్యక్తి పిటిషన్ వేశారు...!!

డ్రింకింగ్ వాటర్ ను బయట నుంచి అనుమతించకుండా నిషేదిస్తే కచ్చితంగా ఫ్రీగా అందించాలి. స్వచ్ఛమైన తాగునీటిని వాటర్ కూలర్స్ ద్వారా సినిమాహాల్స్ లోనే ఏర్పాటు చేయాలి. అలాంటి నిషేదాజ్ఞలు చేసే ముందే వీటిని ఉంచాలి’ అని కోర్టు ఆర్డర్ వేసింది.వాటర్ ప్యూరిఫైర్స్ ఉంచడంతో పాటు ఎప్పటికప్పుడు సర్వీస్ చేయాలని ఆదేశించింది. డ్రింకింగ్ వాటర్ కేవలం ఇంటర్వెల్ సమయంలో మాత్రమే కాకుండా సినిమా ఆరంభం కంటే ముందు నుంచి అందుబాటులో ఉండాలి. ఏదైనా కారణంతో ఒక రోజు తాగు నీరు సరఫరా చేయలేకపోతే ప్రత్యేక అరేంజ్మెంట్లు చేయాలి. ఆదేశాలను పట్టించుకోకుండా ఏదైనా హాల్ ఇష్టారీతిన వ్యవహరిస్తే తగు చర్యలు తప్పవని హెచ్చరించారు జడ్జి...!!

నెల్లూరు నగరంలోని 53వ డివిజన్ గాంధి గిరిజన కాలనీలో  రాష్ట్ర జలవనరుల శాఖ మంత్రి డాక్టర్ పి. అనిల్ కుమార్ గారు పర్యటించి, స్థానిక సమస్యలను అడిగి తెలుసుకొని, వెంటనే సమస్యలను పరిష్కరించాలని అధికారులకు సూచించారు. ఈ కార్యక్రమంలో నగరపాలక సంస్థ కమిషనర్ దినేష్ కుమార్, వై.ఎస్.ఆర్.సి.పి. నాయకులు దేవరకొండ అశోక్, వెంకటరమణ, జాకీర్, నాగరాజు, విజయ్,  తదితరులు పాల్గొన్నారు.

06.10.2021 వ తేదీన ఉదయం 11.00 గంటలకు నెల్లూరు జిల్లా రెడ్ క్రాస్ ఛైర్మన్ శ్రీ పి. చంద్ర శేఖర్ రెడ్డి గారు Cobblers (చెప్పులు కుట్టు వారు) మరియు Waste Paper Pickers (చిత్తు కాగితములు ఏరుకునే వారు) ఉచితంగా నిత్యావసర సరుకులను పంపిణీ చేశారు.

ఈ సందర్భంగా నెల్లూరు జిల్లా రెడ్ క్రాస్ ఛైర్మన్ శ్రీ పి. చంద్ర శేఖర్ రెడ్డి గారు మాట్లాడుతూ కోవిడ్ సమయంలో Cobblers (చెప్పులు కుట్టు వారు) మరియు Waste Paper Pickers (చిత్తు కాగితములు ఏరుకునే వారు) ఆర్ధికంగా ఇబ్బందులకు గురై వారి కుటుంబాలను నడుపుకొనుటకు ఇబ్బందులకు గురవుతున్నారు.  ఈ కష్ట కాల సమయంలో జాన్ హోప్కిన్స యునివర్సిటి వారి సౌజన్యంతో Cobblers (చెప్పులు కుట్టు వారు) మరియు Waste Paper Pickers (చిత్తు కాగితములు ఏరుకునే వారు) వారికి ఉచితంగా నిత్యావసర సరుకులను పంపిణీ చేయడం జరిగినది అని తెలియచేసారు. 

ఇదే విధంగా గతంలో కోవిడ్ ఫ్రంట్ లైన్ వారియర్స్ కు నిత్యవసర సరుకులను పంపిణీ చేయడం జరిగినది అని తెలియచేసారు.  లాక్ డౌన్ సమయంలో ఉచితంగా నాణ్యమైన 55,000 భోజనాలు, బట్టలు, దుప్పట్లు, సబ్బులు, బ్రష్ లు, టూత్ పేస్ట్ లు, షాంపూలు 73 రోజుల పాటు 4 వివిధ పునరావాస కేంద్రాలలో పంపిణీ చేయటం జరిగిందని తెలియచేసారు.  ఇదే కాకుండా జిల్లా రెడ్ క్రాస్ నూతన కమిటీ వచ్చినప్పటి నుండి వివిద సేవ కార్యక్రమములు చేయటం జరుగుతోందని తెలియచేసారు.

ఈ కార్యక్రమంలో నెల్లూరు జిల్లా శాఖ మేనజింగ్ కమిటీ సభ్యులు శ్రీ గునపాటి ప్రసాద్ రెడ్డి, శ్రీ యడవలి సురేష్,  శ్రీ దాసరి రాజేంద్ర ప్రసాద్, నెల్లూరు జిల్లా శాఖ కింద వున్న ARV ప్రాజెక్టు కన్వీనరు శ్రీ బి.వెంకు రెడ్డి,  రెడ్ క్రాస్ జీవిత కాల సభ్యులు మరియు రెడ్ క్రాస్ సిబ్బంది పాల్గొన్నారు.

నెల్లూరు  : అంతరిక్ష రంగంలో ఇస్రో మన దేశం నిజంగా గర్వించదగ్గ గొప్ప సంస్థని తెలంగాణ రాష్ట్ర గవర్నర్ పుదుచ్చేరి లెఫ్టినెంట్ గవర్నర్ డాక్టర్  తమిళసాయి సౌందరరాజన్ పేర్కొన్నారు సోమవారం ఉదయం వారు శ్రీ పొట్టి శ్రీరాములు నెల్లూరు జిల్లాలోని సూళ్లూరుపేట లో వెలసి వున్న శ్రీ చెంగాలమ్మ దేవస్థానాన్ని దర్శించుకుని పరమేశ్వరి అమ్మవారికి ప్రత్యేక పూజలు నిర్వహించారు.  అనంతరం వారు శ్రీహరికోటలోని షార్ సతీష్ ధావన్ అంతరిక్ష పరిశోధనా కేంద్రం చేరుకుని అక్కడి ఎం.ఆర్.కే. ఆడిటోరియంలో చిన్న ప్రపంచ అంతరిక్ష వారోత్సవాల లో ముఖ్యఅతిథిగా పాల్గొని జ్యోతి ప్రజ్వలన గావించారు. తదనంతరం గవర్నర్ వారోత్సవాల టీజర్ వీడియోను ఆవిష్కరించి ఉత్సవాలను లాంఛనంగా ప్రారంభించారు.ఈ సందర్భంగా  గవర్నర్ మాట్లాడుతూ ప్రపంచ అంతరిక్ష వారోత్సవాలలో పాల్గొనడం గొప్ప గౌరవంగా భావిస్తున్నానన్నారు.  అంతరిక్ష పరిశోధన,  అన్వేషణలో చాలా సంవత్సరాలుగా మనకు గొప్ప వారసత్వం ఉందన్నారు.  అంతరిక్ష రంగంలో ఇస్రో మనదేశం నిజంగా గర్వించదగ్గ గొప్ప సంస్థ అని ప్రశంసించారు.  ఇస్రో అంచలంచలుగా ఎదిగి జిఎస్ఎల్వి మార్క్-3 ప్రయోగ స్థాయికి చేరుకుందన్నారు.  ఇస్రో పితామహు లైన డాక్టర్ విక్రమ్ సారాభాయ్, ప్రొఫెసర్ సతీష్ ధావన్,  డాక్టర్ ఏపీజే అబ్దుల్ కలాం తదితర దిగ్గజాలు అందించిన విశిష్ట సేవలను మరొకసారి స్మరించుకోవాల్సిన అవసరం ఎంతైనా ఉందన్నారు.   వారందించిన స్ఫూర్తి, విశిష్ట సేవలు  అభినందనీయమన్నారు.  డాక్టర్ విక్రమ్ సారాభాయ్ కన్న కలలను ప్రొఫెసర్ సతీష్ ధావన్ సాకారం చేశారన్నారు. 1957 సంవత్సరం అక్టోబర్ 4వ తేదీన తొలిసారిగా మానవులు రూపొందించిన భూ ఉపగ్రహం  స్పుత్నిక్ -1 ప్రయోగించిన దృష్ట్యా 1999 లో ఐక్యరాజ్యసమితి  జనరల్ అసెంబ్లీ అక్టోబర్ 4 నుండి 10వ తేదీ వరకు ప్రపంచ అంతరిక్ష వారోత్సవాలను జరపాలని ప్రకటించిందన్నారు.  ఈ సంవత్సరం ఈ వారోత్సవాల్లో అంతరిక్షంలో మహిళలు అనే అంశంపై చాలా ప్రత్యేక  దృష్టి సారించడం చాలా సంతోషంగా ఉందన్నారు.  అంతరిక్ష శాస్త్రంలో లో మహిళల పాత్ర ప్రోత్సహించడానికి,  గుర్తించడానికి  ఈ అంశం సరైనదిగా భావిస్తున్నానన్నారు.  మహిళల పట్ల చూపే గౌరవ మర్యాదలు ఆదేశం ప్రగతికి మంచి  కొలమానాలను అని స్వామి వివేకానంద చెప్పిన మాటలను ఈ సందర్భంగా వారు గుర్తు చేశారు.  ఇస్రోలో మహిళలకు గౌరవం ఇచ్చి అన్ని కార్యక్రమాల్లో సముచిత స్థానం కల్పించడం చాలా సంతోషంగా ఉందన్నారు. అంతరిక్ష ప్రయోగ సమయంలో కంట్రోల్ రూమ్ నందు విధంగా విధులు నిర్వహిస్తున్న మహిళలను చూసినప్పుడు సంతోషం కలిగిందని  ఇందుకు డాక్టర్ స్వాతి మోహన్ ఇండియన్ అమెరికన్ స్పేస్ సైంటిస్ట్ చర్యలను ను ఉదహరించారు. అంతరిక్ష పరిశోధనలో భారతీయ మహిళల ఆసక్తి,  ధైర్యసాహసాలు విదేశాలలో సైతం కనపరచడం అభినందనీయమని,  ఇందుకు దిగ్గజాలయిన కల్పనా చావ్లా సునీత విలియమ్స్ ను పేర్కొనవచ్చన్నారు.  అంతేకాకుండా ఇటీవల తెలుగు మహిళ శిరీష బండ్ల అంతరిక్షంలో ఎగిరి మూడవ మహిళగా చరిత్ర సృష్టించిందన్నారు. అంతరిక్ష పరిశోధన,  అన్వేషణ,  ప్రయాణంలలో వారు రోల్ మాడల్గా నిలిచారన్నారు.   వారు సృష్టించిన చరిత్రతో  మరెంతో మంది యువతులు అంతరిక్ష రంగంలో అడుగు పెట్టేందుకు స్ఫూర్తినిచ్చిందన్నారు.  ప్రపంచ అంతరిక్ష వారోత్సవాలు ముఖ్య ఉద్దేశం అంతరిక్ష సాంకేతికత దాని ప్రయోజనాలను విస్తృతంగా తెలియజేయడమేనన్నారు.  ముఖ్యంగా విద్యార్థులకు అంతరిక్ష పరిశోధనపై  అవగాహన కలిగించే ఉద్దేశంతో ఆంధ్ర ప్రదేశ్,   తెలంగాణ, తమిళనాడు,  పుదుచ్చేరి రాష్ట్రాల్లో ఆన్లైన్ ద్వారా వివిధ పోటీ కార్యక్రమాలు నిర్వహించడం చాలా సంతోషంగా ఉందన్నారు.  గత కొన్ని సంవత్సరాలుగా ఇస్రో  ఎన్నో ఉపగ్రహాలను  నింగిలోకి ప్రయోగించి గణనీయమైన సేవలు అందించిందని వారు కొనియాడారు.  ఉపగ్రహ పరిశోధన ద్వారా విపత్తుల నిర్వహణ,  వాతావరణం ముందస్తు హెచ్చరికలు, మత్స్యకారులకు సూచనలు,  ఓషణోగ్రఫీ, టెలీమెడిసిన్  టౌన్ ప్లానింగ్,  సమాచార వ్యవస్థ,  డిటిహెచ్,  మొబైల్ ఫోన్ కనెక్షన్ వంటి విస్తృత సేవలు అందుబాటులోకి వచ్చాయన్నారు.  భారత ప్రధాని శ్రీ నరేంద్రమోడీ కలలు కన్నట్లుగా భారతీయ రోదసీ కులు అంతరిక్షంలో అడుగు పెట్టేందుకు చేస్తున్న కృషి గర్వించదగ్గ విషయమని అందులో భారతీయ  ఆస్ట్రోనాట్ గా మహిళ ఉంటే చాలా సంతోషమని వారు అన్నారు. అప్పటి డాక్టర్ విక్రమ్ సారాభాయ్ , ప్రొఫెసర్ సతీష్ధావన్ నుండి నేటి ఇస్రో చైర్మన్ డాక్టర్  శివన్ వరకు వేలాది మంది ఇస్రో ఉద్యోగులు చేస్తున్న కృషి ఎంతో అభినందనీయమన్నారు. అంతకుమునుపు షార్ డైరెక్టర్ శ్రీ ఏ రాజ రాజన్, సార్ చేపట్టిన వివిధ కార్యక్రమాలను ప్రగతిని వివరించారు వారోత్సవాల కమిటీ చైర్మన్  డాక్టర్ ఆర్.వెంకటరామన్ వారోత్సవాల వివరాలను ముఖ్య ఉద్దేశ్యాన్ని తెలియజేశారు. గవర్నర్ గారు చేస్తున్న సామాజిక సేవా కార్యక్రమాలను వివరించి కొనియాడారు. తదుపరి గవర్నర్ గారికి షార్ డైరెక్టర్  జ్ఞాపికలు అందజేసి ఘనంగా సత్కరించారు.  ఈ కార్యక్రమంలో షార్ అసోసియేట్ డైరెక్టర్ శ్రీ ఎం బి ఎన్ మూర్తి, కంట్రోలర్ శ్రీ ఎం శ్రీనివాసులు రెడ్డి, సంయుక్త కలెక్టర్ శ్రీ హరెందిర ప్రసాద్, అదనపు ఎస్పి శ్రీమతి వెంకటరత్నం పలువురు షార్ శాస్త్రవేత్తలు, ఉద్యోగులు, విద్యార్థిని విద్యార్థులు పాల్గొన్నారు

 నియోజకవర్గ అభివృద్ధి పై సీఎంకు ఎమ్మెల్యే వినతి 

 స్ధానిక ఎన్నికల విజయం పై ఎమ్మెల్యే కు సీఎం అభినందన 

 సీఎం జగన్ ను కలిసిన ఎమ్మెల్యే ఆదిమూలం, జడ్పిటిసి సుమన్ కుమార్ 

సత్యవేడు నియోజకవర్గంలో పలు అభివృద్ధి పనులను  ఎమ్మెల్యే కోనేటి ఆదిమూలం ముఖ్యమంత్రి వై.ఎస్ జగన్మోహన్ రెడ్డి దృష్టికి తీసుకెళ్లారు. సోమవారం సాయంత్రం ఎమ్మెల్యే కోనేటి ఆదిమూలం, నారాయణవనం జడ్పిటిసి సభ్యులు కోనేటి సుమన్ కుమార్ లు ముఖ్యమంత్రి జగనన్నను క్యాంపు కార్యాలయంలో మర్యాదపూర్వకంగా కలిశారు.  ఈ క్రమంలో సత్యవేడు నియోజకవర్గంలో రోడ్ల అభివృద్ధి, నాడు - నేడు పనులు, జగనన్న కాలనీలలో ఇళ్ల నిర్మాణాలు, సచివాలయాలు, వెల్ నెస్, రైతు భరోసా, పాల కేంద్రాలు, ఇరిగేషన్ పనుల పురోగతిని సీఎంకు ఎమ్మెల్యే వివరించారు. స్థానిక సంస్థల ఎన్నికల్లో సత్యవేడు నియోజకవర్గంలో ఏడు జెడ్పిటిసి స్థానాలు, 80 కి 76 ఎంపీటీసీ స్థానాలు కైవసం చేసుకోవడం పై ముఖ్యమంత్రి సంతోషం వ్యక్తం చేసినట్లు ఎమ్మెల్యే తెలిపారు. ప్రభుత్వ, పార్టీ  కార్యక్రమంలో చురుగ్గా పాల్గొంటూ, ఎల్లవేళలా నియోజకవర్గ ప్రజలకు అందుబాటులో ఉండడం సంతోషమన్నారు. ప్రభుత్వ పథకాలను, పార్టీ కార్యక్రమాలను ప్రజల్లోకి తీసుకెళ్లడంలో ముందు ఉండాలన్నారు. నియోజకవర్గ అభివృద్ధికి అవసరమైన నిధులు సమకూర్చడంలో తప్పక సహకరిస్తానని ముఖ్యమంత్రి భరోసా ఇచ్చారు. ఇదే స్ఫూర్తితో నియోజకవర్గంలో పార్టీని ప్రభుత్వాన్ని విజయ పథంలో నడిపించాలని ఎమ్మెల్యే ఆదిమూలంకు సీఎం సూచించారు.

 సుమన్ నాన్న కు అండగా.. 

పార్టీ కార్యక్రమాల్లో నాన్న (ఆదిమూలం) కు అండగా ఉండాలని సీఎం జగన్ మోహన్ రెడ్డి నారాయణవనం జడ్పిటిసి సభ్యులు సుమన్ కుమార్ కు సూచించారు. పార్టీ పటిష్టతకు అందరిని కలుపుకోవాలన్నారు. యువకుడు.. తప్పక భవిష్యత్తు ఉందని కితాబిచ్చారు. ఈ సందర్భంగా గా ఎమ్మెల్యే ఆదిమూలం, జడ్పిటిసి సుమన్ కుమార్ ముఖ్యమంత్రి జగన్మోహన్ రెడ్డికి శ్రీ వెంకటేశ్వర స్వామి చిత్రపటాన్ని బహూకరించి ఘనంగా సత్కరించారు.

లా అండ్‌ ఆర్డర్ పై క్యాంప్‌ కార్యాలయంలో సీఎం శ్రీ వైయస్‌.జగన్‌ సమీక్ష.

  అమరావతి. 

హోంశాఖ మంత్రి మేకతోటి సుచరిత, సీఎస్‌ డాక్టర్‌ సమీర్‌ శర్మ, డీజీపీ గౌతం సవాంగ్, ఆర్ధికశాఖ  కార్యదర్శి కె సత్యనారాయణ, హోంశాఖ ముఖ్య కార్యదర్శి కుమార్‌ విశ్వజిత్,  మహిళా శిశు సంక్షేమశాఖ ముఖ్య కార్యదర్శి ఏ ఆర్‌ అనురాధ, ఇంటలిజెన్స్‌ చీఫ్‌ కే వి రాజేంద్రనాథ్‌ రెడ్డి, లా సెక్రటరీ వి సునీత, డీఐజీ (టెక్నికల్‌ సర్వీస్‌) జి పాలరాజు, విశాఖ రేంజ్‌ డీఐజీ ఎల్‌ కె  వి రంగారావు, ఏలూరు రేంజ్‌ డీఐజీ కె వి మోహనరావు, గుంటూరు రేంజ్‌ డీఐజీ డాక్టర్‌ సి ఎం త్రివిక్రమ వర్మ, కర్నూలు రేంజ్‌ డీఐజీ పి వెంకట్రామి రెడ్డి, అనంతపురం రేంజ్‌ డీఐజీ కాంతి రాణా టాటా, దిశ స్పెషల్‌ ఆఫీసర్‌ కృతికా శుక్లా, ఇతర ఉన్నతాధికారులు హాజరు.