Ravikiranalu TV

రంజాన్ మాసంలో నిత్యుతన్నదాన కార్యక్రమం - రియాజ్

రంజాన్ మాసంలో ఎవరు ఆకలితో ఉండకూడదనే ఆలోచనతో నిత్యం అన్నదాన కార్యక్రమాన్ని చేపడుతున్నామని రియాజ్ ఫామిలీ రెస్టారెంట్ అధినేత రియాజ్ అన్నారు. తాను పేదరికంలో పుట్టానని అన్నం విలువ తెలుసని అన్నాన్ని వృధా చెయ్యకుండా ఈ కార్యక్రమాన్ని సద్వినియోగం చేసుకోవాలని కోరారు. ఈ కార్యక్రమంలో నెల్లూరు హోటల్స్ అస్సోసియేషన్ అధ్యక్షుడు అమరావతి కృష్ణ రెడ్డి, నెల్లూరు ఫీస్ కమిటి సభ్యులు షమీ తదితరులు పాల్గొన్నారు.

జనసేన చలివేంద్రాన్ని ప్రారంభించిన కేతంరెడ్డి

ప్రజా సేవే లక్ష్యంగా పని చేయడం జనసేన పార్టీ విధానమని జనసేన పార్టీ నాయకులు కేతంరెడ్డి వినోద్ రెడ్డి అన్నారు.ఉగాది పర్వదినాన్ని పురస్కరించుకుని నెల్లూరు నగరంలోని 4వ డివిజన్ కిసాన్ నగర్ సెంటర్లో స్థానిక నాయకులు జీవన్ ఏర్పాటుచేసిన మజ్జిగ చలివేంద్రాన్ని కేతంరెడ్డి ప్రారంభించారు. ఈ సందర్భంగా ఆయన మాట్లాడుతూ రోజురోజుకీ పెరుగుతున్న ఉష్ణోగ్రతలు, వేసవి తాపాన్ని దృష్టిలో ఉంచుకొని ప్రతి సంవత్సరం లాగానే ఈ సంవత్సరం కూడా నెల్లూరు నగర వ్యాప్తంగా చలివేంద్రాలు ఏర్పాటు చేస్తున్నామని అందులో భాగంగా ఉగాదినాడు ఈ మజ్జిగ చలివేంద్రాన్ని ప్రారంభించడం సంతోషంగా ఉందని ఆయన అన్నారు..పేద మధ్య తరగతి ప్రజలకు, బాటసారులకు,ఈ మజ్జిగ చలివేంద్రాలు మరియు మంచినీటి చలివేంద్రాలు ఉపశమనాన్ని కలిగిస్తాయని ఆయన అన్నారు..పవన్ కళ్యాణ్ సేవా స్పూర్తితో జనసేన పార్టీ శ్రేణులు ప్రజలకు ఉపయోగపడే మరిన్ని సేవా కార్యక్రమాలు చేపట్టాలని ఆయన పిలుపునిచ్చార. కిసాన్ నగర్ సెంటర్లో చలివేంద్రాన్ని ఏర్పాటు చేసిన స్థానిక నాయకులు జీవన్ మరియు వారి మిత్ర బృందాన్ని కేతంరెడ్డి అభినందించారు.ఈ కార్యక్రమంలో జనసేన పార్టీ నాయకులు కాకు మురళి రెడ్డి,షేక్ ఆలియా, శిరీషా రెడ్డి,మోషే,వెంకట్,హేమంత్ రాయల్, స్థానిక నాయకులు నాసిర్,సాయి,గణేష్,షరీఫ్,మస్తాన్,రెహ్మాన్,రూబీ,కార్తీక్ తదితరులు పాల్గొన్నారు.

రాజీనామాలకు సిద్ధంగా ఉన్నాం.. టిడిపి నేతలు సవాల్ స్వీకరించే దమ్ము ఉందా - మంత్రి అనిల్

కరోనా విజృంభణ నేపథ్యంలో ముఖ్యమంత్రి వైయస్ జగన్మోహన్ రెడ్డి తిరుపతి సభను వాయిదా వేసుకుంటే టిడిపి నేతలు కారు కూతలు కూస్తున్నారని మంత్రి అనిల్ కుమార్ యాదవ్ మండిపడ్డారు. ఈ సందర్భంగా ఏర్పాటు చేసిన మీడియా సమావేశంలో ఆయన మాట్లాడుతూ తిరుపతి ఉప ఎన్నికల్లో ఓడిపోతే 21 మంది ఎంపీలు రాజీనామా చేస్తామని స్వీకరించే దమ్ము ధైర్యం టిడిపికి ఉందా అని ప్రశ్నించారు. చంద్రబాబు సొంత నియోజకవర్గమైన కుప్పంలో 20 శాతం కూడా స్థానిక సంస్థలలో గెలవలేకపోయారని. చంద్రబాబుకు కుప్పంలో నారా లోకేష్ కు మంగళగిరిలో ప్రజలు దూల తీర్చారు. అయిన అబ్బా కొడుకులకు బుద్ధి రాలేదని ఎద్దేవా చేసాడు.

పోలీసులు వైసీపీ నేత‌ల్లా ప్ర‌వ‌ర్తిస్తే భారీ మూల్యం చెల్లించుకోక త‌ప్ప‌దు- కోటంరెడ్డి

పోలీసులు వైసీపీ నేత‌ల్లా ప్ర‌వ‌ర్తిస్తే భ‌విష్య‌త్ లో భారీమూల్యం చెల్లించుకోక‌త‌ప్ప‌ద‌ని నెల్లూరు సిటి ఇన్చార్జి కోటంరెడ్డి శ్రీనివాసుల‌రెడ్డి హెచ్చ‌రించారు.. వాలంటీర్ చేత ఎన్నిక‌ల ప్ర‌చారం చేయిస్తున్నారంటూ.. త‌మ పార్టీ నాయ‌కులు పిర్యాదు చేస్తే..దాన్ని తీసుకోకుండా.. వాలంటీర్ ఇచ్చిన త‌ప్పుడు కేసును ఎలా న‌మోదు చేస్తార‌ని ప్ర‌శ్నించారు. ఎవ‌రి ఒత్తిళ్ల‌కు త‌లొగ్గారంటూ మండిప‌డ్డారు.. ముత్తుకూరు పోలీస్ స్టేష‌న్ ఎదుట కోటంరెడ్డి త‌న అనుచ‌రులు, స్థానిక నేత‌ల‌తో క‌లిసి ఆందోల‌న చేప‌ట్టారు.. ప్ర‌భుత్వ ప‌థ‌కాల‌ను వాలంటీర్ల ద్వారా ఎలా ప్ర‌చారం చేయిస్తారంటూ ఆయ‌న ఆగ్ర‌హం వ్య‌క్తం చేశారు.. పోలీసులు న్యాయం వైపు నిల‌బ‌డాల‌ని, వైసీపీ నేత‌లు చెప్పిన‌ట్లు వింటే మాత్రం.. అంద‌రినీ గుర్తుపెట్టుకుంటామ‌ని హెచ్చ‌రించారు.

ఉగాది పురస్కారాలు అందించిన హరివిల్లు క్రియేషన్స్

పలు రంగాలకు చెందిన 10 మంది ప్రముఖులకు హరివిల్లు క్రియేషన్స్ ఆధ్వర్యంలో ఉగాది పురస్కారాలు అందజేశారు.ప్లవనామ ఉగాదిని పురస్కరించుకుని నెల్లూరు నగరం టౌన్ హాల్ లో నిర్వహించిన కార్యక్రమంలో అమీనా రాజు రమణ ఉమా భాగ్యశ్రీ రాజశేఖర్ లక్ష్మీ మైధిలి జ్యోతి శేషయ్య సుధాకర్ రెడ్డి మస్తానయ్యల కు పురస్కారాలు అందజేశారు. ఈ కార్యక్రమంలో 25 కళా సంఘాల అధ్యక్షులు అమరావతి కృష్ణారెడ్డి, హరివిల్లు క్రియేషన్స్ వ్యవస్థాపకులు దోర్నాల హరిబాబు, భయ్యా వాసు, శ్రీనివాసులు, బలరామయ్య నాయుడు, వేలూరు రంగారావు, సత్యనారాయణ తదితరులు పాల్గొన్నారు.

ప్రభుత్వ ఉద్యోగస్తులకు వెంటనే పీఆర్సీ అమలుచేయాలి

దేశంలో ఎక్కడా లేనివిధంగా గ్రామ సచివాలయ వ్యవస్థ తీసుక్కోచిన ఘనత మన ముఖ్యమంత్రికే దక్కుతుందిని ఎపి NGO అసోసియేషన్ రాష్ట్ర అధ్యక్షులు చంద్ర శేఖర్ రెడ్డి అన్నారు. ఈ సందర్భంగా ఆయన మాట్లాడుతూ రాష్ట్రంలో ప్రభుత్వ ఉద్యోగస్తులకు వెంటనే పీఆర్సీ ఇవ్వాలని అన్నారు. సీపీఎస్ రద్దుని ఎన్నికలకు ముందు హామీ ప్రకారం త్వరితిగతిన నిర్ణయం తీసుకోవాలిని వారు కోరారు.

జగనన్న పాలన.. జన రంజకం చేగువేరా ఫౌండేషవస్థాపకులు, వైసీపీ యువజన నాయకులు మండ్ల సురేష్ బాబు

జగనన్న పాలన.. జన రంజకం

⬜2వేల మంది కార్యకర్తలు, ఆభిమానులతో చేగువేరా బృందం ర్యాలీ..

🟩 పట్టణంలో భారీ ర్యాలీ నిర్వహిస్తున్న మండ్ల సురేష్ బాబు..

🟦 మంత్రి అనిల్ కుమార్ వెంట చేగువీర సైన్యం

⬜ గూడూరు లో సత్తా చాటిన మండ్ల సురేష్ బాబు

🟩 మండ్ల సురేష్ బాబు వెంట యువత

రాష్ట్ర ముఖ్యమంత్రి జగనన్న పాలన జన రంజకంగా ఉందనిన్ వ్య

చేగువేరా ఫౌండేషవస్థాపకులు, వైసీపీ యువజన నాయకులు మండ్ల సురేష్ బాబు అన్నారు. శనివారం సాయంత్రం రాష్ట్ర జలవనరుల శాఖా మంత్రి డాక్టర్ పీ. అనిల్ కుమార్ యాదవ్ ఆధ్వర్యంలో నిర్వహిస్తున్న భారీ బహిరంగ సభకు స్థానిక అశోక్ నగర్ లోని అంబేద్కర్ విగ్రహం వద్ద నుండి రెండువేల మంది వైసీపీ నాయకులు, కార్యకర్తలు, చేగువేరా పైలట్ టీం, మంత్రి అనిల్ కుమార్ అభిమానులతో మేళతాళాల నడుమ భారీ ర్యాలీ నిర్వహించారు.

ఈ సందర్భంగా మండ్ల సురేష్ బాబు మాట్లాడుతూ మంత్రి అనీల్ అన్న పిలుపుతో భారీ బహిరంగ సభకు రెండువేల మందితో ర్యాలీగా వెళుతున్నట్లు తెలిపారు. జగనన్న పాలనలో ప్రతిఒక్కరూ సంతోషంగా ఉన్నారన్నారు. జగనన్న పరిపాలన స్వర్ణయుగాన్ని తలపిస్తోందన్నారు. తిరుపతి లోక్ సభ ఉప ఎన్నికలలో డాక్టర్ గురుమూర్తిని అత్యధిక మెజారిటీతో గెలిపించుకుంటామన్నారు.

విద్య, వైద్య రంగాలలో విప్లవాత్మక మార్పులకు శ్రీకారం చుట్టిన ఘనత రాష్ట్ర ముఖ్యమంత్రి వైఎస్. జగన్ మోహన్ రెడ్డికే దక్కుతుందన్నారు. అనంతరం ర్యాలీ వివేకానంద రోడ్డు మీదుగా ముత్యాలపేట, టవర్ క్లాక్ సెంటర్ కు చేరుకుంది. ఈ కార్యక్రమంలో చేగువేరా ఫౌండేషన్ అధ్యక్షుడు గుండాల ఆదినారాయణ, వైసీపీ నాయకులు మండ్ల రాజేష్ కుమార్, చేగువేరా పైలట్ టీం సభ్యులు, వైసీపీ కార్యకర్తలు, మహిళా విభాగం నాయకులు తదితరులు పాల్గొన్నారు.