Ravikiranalu TV

నెల్లూరు రాజకీయాల్లో వ్యంగ్యాస్త్రాలు........

నెల్లూరు తెలుగుదేశం పార్టీ కార్యాలయంలో విలేకరుల సమావేశంలో మాట్లాడుతున్న టిడిపి రాష్ట్ర అధికార ప్రతినిధి ఆనం వెంకటరమణారెడ్డి

నన్ను ద్వేషించే వారిని కూడా ప్రేమిస్తా-కోటంరెడ్డి

ఢీ అంటే ఢీ అనే వారిలో నెల్లూరు రూరల్ ఎమ్మెల్యే కోటంరెడ్డి ముందు వరుసలో ఉంటారు... ఎన్నికల సమయంలో అత్యంత దూకుడుగా రూరల్ ఎమ్మెల్యే కోటంరెడ్డి శ్రీధర్ రెడ్డి కనిపించారు.. గత ఒకటిన్నర సంవత్సరాలుగా ఎన్నో పరిణామాలు జరిగాయి. ఎందుకో ఈ మధ్య ఆయన పూర్తిస్థాయిలో విభిన్నంగా రాజకీయ అడుగులు వేస్తూ కనిపిస్తున్నారు... ఎన్నికల సమయంలో మాత్రమే రాజకీయాలని మిగిలిన సమయంలో రాజకీయాలకతీతంగా ప్రతి ఒక్కరం అభివృద్ధి కార్యక్రమాల్లో పాలుపంచుకోవాలని పిలుపునిస్తున్నారు... శుక్రవారం నెల్లూరు పడారుపల్లి లో జరిగిన అభివృద్ధి కార్యక్రమాలు అయితే ఆయన కార్యకర్తలకు, నాయకులకు ఒకటే ఒక సూచన చేశారు..నన్ను ద్వేషించే వారిని కూడా నేను ప్రేమిస్తా... వారి బాగు కోసం నిరంతరం దేవుని ప్రార్థిస్తూ అదే బాటలో వైసీపీ నేతలు కార్యకర్తలు కూడా పయనించాలని ఆయన పిలుపునిచ్చారు... అధికార పార్టీని రెచ్చ కొట్టాలని ప్రతిపక్షం నేతలు అన్ని రకాలుగా కవ్వింపు చర్యలు చేస్తున్న కోటంరెడ్డి శ్రీధర్ రెడ్డి మాత్రం తనదైన శైలిలో విభిన్నంగా అడుగులు వేసుకుంటూ వెళ్తున్నారు..

కావలి ఏరియా హాస్పిటల్ ను ఆకస్మిక తనిఖీ చేసిన డి.సి.హెచ్.యస్

కావలి ఏరియా ఆసుపత్రి లో వైద్యులు అందిస్తున్న సేవల పట్ల డి.సి.హెచ్.యస్ డాక్టర్ ప్రభావతి సంతృప్తి వ్యక్తం చేశారు. శుక్రవారం ఆసుపత్రి లో నిర్వహిస్తున్న సదరన్ క్యాంపును పరిశీలించి వికలాంగుల కు పలు సూచనలు అందించారు. అనంతరం ఆసుపత్రి లో వైధ్యులు అందిస్తున్న సేవల పై సూపరింటెండెంట్ డాక్టర్ మండవ వెంకటేశ్వర్లు, ఆర్.యమ్ డాక్టర్ ప్రసూన లతో కలిసి సమీక్షించారు. వార్డులలో రోగుల పట్ల తీసుకొంటున్న చర్యల పై అప్రమత్తంగా ఉండాలని, వారిని ఏ మాత్రం నిర్లక్ష్యం చేసినా శాఖా పరమైన చర్యలు తప్పవని హెచ్చరించారు. అనంతరం ఆసుపత్రి కి సంబంధించి సూపరింటెండెంట్, ఆర్ యమ్ ఒ లు అభివృద్ధికి సంబంధించి చేసిన సూచనల పై ఉన్నతాధికారుల దృష్టికి తీసుకెళతానని డాక్టర్ ప్రభావతి తెలిపారు‌.

ప్రభుత్వ నిబంధనల ప్రకారం దీపావళి జరుపుకోవాలి - కోట ఎస్సై బి బి మహేంద్ర నాయక్

కరోనా సమయంలో దీపావళి సంబరాలపై ఏపీ ప్రభుత్వం కీలక నిర్ణయం తీసుకుంది. జాతీయ హరిత ట్రిబ్యునల్ ఆదేశాల ప్రకారం ఏపీ ప్రభుత్వం చర్యలు చేపట్టింది. కేవలం రెండు గంటల పాటు మాత్రమే టపాసుల వినియోగంకు అనుమతిస్తూ ఆదేశాలు జారీ చేసింది. రాత్రి 8 గంటల నుండి 10 గంటల వరకు మాత్రమే టపాసులు కాల్చుకోవాలని సూచనలు చేసింది అనీ కోట ఎస్సై బి బి మహేంద్ర నాయక్ వెల్లడించారు.*

గురువారం కోట పోలీసు స్టేషన్ లో జరిగిన విలేఖరుల సమావేశంలో ఎస్సై మాట్లాడుతూ రాష్ట్ర వ్యాప్తంగా ఉన్న కరోనా బాధితులను దృష్టిలో పెట్టుకొని ఈ మేరకు ప్రభుత్వం నిర్ణయం తీసుకుంది అన్నారు, టపాసుల అమ్మకాలపై కూడా కొన్ని నిషేధ ఆజ్ఞలు జారీ చేసింది. కేవలం కాలుష్యరహిత టపాసులు మాత్రమే అమ్మకాలు జరపాలని ఆదేశించింది. ప్రతి షాపుకి మధ్య 10 అడుగుల దూరం ఖచ్చితంగా పాటించాలని ఆదేశించింది. షాపుల వద్ద కొనుగోలు దారుల మధ్య ఖచ్చితంగా 6 అడుగులు దూరం పాటించాలని సూచించింది. దీపావళి సామగ్రి అమ్మే షాపుల వద్ద శానిటైజర్ వాడొద్దని ప్రభుత్వం సూచించింది అనీ వెల్లడించారు.

ఈ ఏడాది దీపావళి పండుగకు సంబంధించి కోవిడ్ ప్రోటోకాల్ పాటిస్తూ పండుగ జరుపుకోవాలని టపాసులు తయారుచేసే వారికి ఎలాంటి అనుమతులూ ఇవ్వడం లేదని గూడూరు డిఎస్పీ రాజగోపాల్ రెడ్డి, వాకాడు సి ఐ నరసింహరావు ఆదేశాలు జారీచేశారు అనీ తెలిపారు.

నవంబర్ 14 వ తేదీన దీపావళి పర్వదినాన్ని పురస్కరించుకుని ప్రజలందరికీ శుభాకాంక్షలు తెలియజేస్తున్నాంఅన్నారు,పర్యావరణానికి ఎలాంటి హాని జరగకుండా సేఫ్ అండ్ క్లీన్ దీపావళిజరుపుకోవాలని గూడూరు డిఎస్పీ ఆదేశాలు మేరకు ప్రజలకు విజ్ఞప్తి చేస్తున్నాం అన్నారు.

కెమికల్స్, క్రాకర్స్ వాడకుండా,పర్యావరణహితంగా పండుగ జరుపుకోవాలని కోరారు

పండుగరోజున దీపాలను వెలిగించాలని, అదే విధంగా ప్రతి ఒక్కరూ ఇళ్లలోనే ఉంటూపండుగజరుపుకోవాలన్నారు.కోవిడ్-19వలనప్రపంచంలోనూ,మనదేశంలో,రాష్ట్రంలోఅనేకకుటుంబాలు ఎన్నోఇబ్బందులుఎదుర్కొన్నారని, కొందరు తమ కుటుంబసభ్యులనుకూడాకోల్పోయారని.., అలాంటి కఠినమైన పరిస్థితుల్లో ఈ పండుగనుమనంజరువుకుంటున్నామన్నారు,కోట మండల ప్రజలందరికీ మరోసారి దీపావళి శుభాకాంక్షలు ఎస్సై బి బి మహేంద్ర నాయక్ తెలిపారు.

రక్షకులే..భక్షకులయితే - మాజీ మంత్రి సోమిరెడ్డి

పోలీసుల కిరాతకం కారణంగానే నంద్యాలలో అబ్దుల్ సలాం కుటుంబం బలైపోయింది..

ఒక భారత పౌరుడి కుటుంబానికి పోలీసుల తీరుతో ఇలాంటి పరిస్థితి రావడం మనస్సును కలిచివేస్తోంది..

70 వేలు పోయాయని ఎవరో కేసు పెడితే రుజువు కాకుండానే ఇంతలా వేధిస్తారా..

సలాం దంపతులు తమ బిడ్డల కాళ్లు, చేతులు కట్టేసి రైలు పట్టాలపై మెడలు పెట్టి ఆత్మహత్య చేసుకునే పరిస్థితి పోలీసులు తేవడం దారుణం..ఇంతకన్నా ఘోరముంటుందా..

ఈ భారతదేశంలో ఇలాంటి ఘటనలు ఎప్పుడైనా జరిగాయా..

మొన్నేమో రాజమండ్రిలో పదేళ్ల పసిబిడ్డపై అత్యాచారం ఘటనలో పోలీసులే కేసు ఉపసంహరించుకోమని ఒత్తిడి తెస్తారు..చివరకు కుటుంబపెద్ద ఆత్మహత్యాయత్నం చేసుకున్న పరిస్థితి..

ఏపీలో కొందరు పోలీసులు మితిమీరి వ్యవహరిస్తున్నారు..

ఎమ్మెల్యేలను కాదని తాము ఏమి చేయలేకపోతున్నామనే స్థితికి కలెక్టర్లు, ఎస్పీలు వచ్చేశారు..

జగన్మోహన్ రెడ్డి ప్రభుత్వంలో పోలీసు, రెవెన్యూ వ్యవస్థలు పూర్తిగా ఎమ్మెల్యేల చేతుల్లో చేరి నిర్వీర్యమయ్యాయి..

కలెక్టర్, ఎస్పీలు నిస్సహాయులుగా మిగిలిపోయారు..

పోలీసుల వేధింపులకు భయపడొద్దని హోం మంత్రి సెలవిస్తున్నారు..అంతేకానీ వేధింపులు ఆపుతామని మాత్రం చెప్పలేకపోతున్నారు..

ఇంతటి దారుణాలు జరుగుతున్నా పోలీసులపై చర్యలు తీసుకునేందుకు హోం మంత్రి ధైర్యం చేయలేకపోతున్నారు..

అమరావతిలో నిరసన తెలిపిన రైతులకేమో 13 రోజులయినా బెయిల్ రాదు..సలాం కుటుంబం ఇంత ఘోరంగా ప్రాణాలు తీసుకోవడానికి కారణమైన పోలీసులకు మాత్రం 12 గంటల్లో బెయిల్..

సీఐ, హెడ్ కానిస్టేబుళ్లను మాత్రమే కాదు..ఎస్పీ, డీఎస్పీలను కూడా సస్పెండ్ చేయాలి..

మీ పోలీసులపై విచారణ మీ పోలీసులతోనా..సీబీఐ ఎంక్వయిరీ చేయాల్సిందే..

సుప్రీం కోర్టు సుమోటోగా స్వీకరించాల్సిన కేసు ఇది..

కరోనాపై అవగాహన సదస్సు

కరోనాపై అవగాహన అవసరమని ఇంటర్నేషనల్ వాకర్స్ అసోసియేషన్ అధ్యక్షుడు నేతాజీ సుబ్బారెడ్డి అన్నారు. బుధవారం పాలకొల్లు నుంచి కన్యాకుమారి వరకు జరుగుతున్న మోటార్ సైకిల్ ర్యాలీ నెల్లూరు వచ్చిన సందర్బంగా ఆయన స్వాగతం పలికారు. ర్యాలీలో పాల్గొన్న వారు ముందుగా నేతాజీ విగ్రహానికి పూలమాల వేశారు. ఈ సందర్బంగా సుబ్బారెడ్డి మాట్లాడుతూ ప్రభుత్వ నిబంధనల ప్రకారం అందరూ ముందు జాగ్రత్తగా కరోనాను నిరోధించాలని అన్నారు. ర్యాలీ నిర్వాహకులు సీనియర్ జర్నలిస్ట్ కె. వి. ఎస్. ఎల్. ఎన్ రాజు మాట్లాడుతూ వివేకానంద ర్యాక్ మెమోరియల్ నిర్మించి యాభై సంవత్సరాలు అయిన సందర్భంగా వివేకానంద యాత్ర పేరున కరోనాపై అవగాహన కల్పించేందుకు ఈ నెల పదో తేదీ నుంచి పందొమ్మిది వ తేదీ వరకు పాలకొల్లు నుంచి కన్యాకుమారి వరకు యాత్ర నిర్వహిస్తున్నామని అన్నారు . భారతీయ సంస్కృతి ప్రకారం నడుచుకుంటే కరోనాను నిరోధించవచ్చన్నారు . శాస్త్రీయ పద్ధతుల్లో మూలికలు గ్రామీణ మందులు వాడితే కరోనా రాదు అని అన్నారు .ఈ సందర్బంగా ర్యాలీలో పాల్గొన్న వారికి నేతాజీ సుబ్బారెడ్డి ఏపీయూడబ్ల్యూజే రాష్ట్ర కార్యదర్శి జయప్రకాశ్ ఘనంగా సన్మానించారు

నగర నియోజకవర్గంలోని 15, 8వ డివిజన్ లలో పర్యటించిన మంత్రి అనిల్

వై.ఎస్. జగన్మోహన్ రెడ్డి గారు ప్రజాసంకల్ప యాత్ర ప్రారంభించి మూడేళ్ళు పూర్తి చేసుకున్న సందర్భంగా ఏర్పాటు చేసిన ప్రజలలో నాడు - ప్రజల కోసం నేడు 5వ రోజు కార్యక్రమంలో భాగంగా నగర నియోజకవర్గంలోని 15, 8వ డివిజన్ లలో రాష్ట్ర జలవనరుల శాఖ మంత్రి డాక్టర్ పి. అనిల్ కుమార్ గారు పర్యటించి స్థానిక సమస్యలను తెలుసుకొని, ప్రభుత్వం అందించే పథకాలను వివరించారు. ఈ కార్యక్రమంలో మాజీ డిప్యూటీ మేయర్ ముక్కాల ద్వారకనాథ్, వై.ఎస్.ఆర్.సి.పి. నాయకులు గణేశం వెంకటేశ్వర్లు రెడ్డి, అంచూరి శ్రీనివాసులు నాయుడు, శివప్రసాద్ రెడ్డి, షమీం, శరత్ రెడ్డి, కిశోర్, ఎస్.కె.సుభాన్, కీచు, దిలీప్, ఖాజావాలి, రఫీ, ఇలియాజ్, ఫయాజ్, దొంతాలి రఘు, గూడూరు శ్రీధర్ రెడ్డి, నాగరాజు, తదితరులు పాల్గొన్నారు.