Ravikiranalu TV

కావలి నియోజకవర్గం కావలి మున్సిపాలిటీ లోని 29వ వార్డు బాపూజీ నగర్ మరియు IDSM  ఫ్లాట్స్ తదితర ప్రాంతాల్లో పర్యటించి అక్కడ ప్రజలు ఎదుర్కొంటున్న సమస్యలను స్వయంగా  స్థానికులను అడిగి తెలుసుకుంటున్న కావలి ఎమ్మెల్యే శ్రీ రామిరెడ్డి ప్రతాప్ కుమార్ రెడ్డి గారు.. సమస్యలను వీలైనంత త్వరగా పరిష్కరించవలసినది గా అధికారులను ఆదేశించారు..

ఏపీ ప్రభుత్వ విధానాలను విమర్శిస్తూ వార్తల్లో నిలిచే నరసాపురం వైసీపీ ఎంపీ రఘురామకృష్ణంరాజు చిక్కుల్లో పడ్డారు. ఆయన ఇంటితో పాటు వ్యాపార సంస్థల్లో ఆదాయపన్ను శాఖ(ఐటీ) అధికారులు సోదాలు నిర్వహిస్తున్నారు. హైదరాబాద్‌లో ఉన్న ఆయన ఇంటితో పాటు తెలుగు రాష్ట్రాల్లో ఉన్న ఏడు ప్రాంతాల్లో ఢిల్లీ నుంచి వచ్చిన ప్రత్యేక బృందాలు ఈరోజు సోదాలు నిర్వహిస్తున్నారు.

ఉదయం ఆరు గంటల నుంచి ఈ సోదాలు కొనసాగుతున్నాయి. ఏపీతో పాటు పలు రాష్ట్రాల్లో ఆయన వ్యాపారాలకు సంబంధించి వివరాలు సేకరిస్తున్నాయి. ఇందు, భారత్‌ సహా పలు కంపెనీల డైరెక్టర్ల నివాసాల్లోనూ ఈ సోదాలు సాగుతున్నట్లు సమాచారం. సాయంత్రం తర్వాత ఐటీ దాడులపై అధికారులు వివరాలు విడుదల చేసే అవకాశముంది. వైసీపీ టికెట్‌పై గెలిచిన రఘురామకృష్ణంరాజు సొంత పార్టీపైనే ధిక్కార స్వరం వినిపిస్తున్నారు. ఆయనపై అనర్హత వేటు వేయాలని వైసీపీ ఎంపీలు లోక్‌సభ స్పీకర్‌ ఓం బిర్లాను కోరారు. దీంతో వైసీపీ నేతల నుంచి తనకు హాని ఉందని ఆయన కేంద్రాన్ని ఆశ్రయించారు. ఈ నేపథ్యంలో కేంద్రం ఆయనకు వై కేటగిరీ భద్రత కల్పించింది.

ఇటీవలే ట్రంప్ కు కరోనా సోకింది. కరోనా బారిన పడిన ట్రంప్ కు వాల్టర్ రీడ్ మిలిటరీ ఆసుపత్రిలో అత్యున్నత చికిత్స అందించారు. నాలుగు రోజులపాటు చికిత్స పొందిన ట్రంప్ తిరిగి వైట్ హౌస్ కు చేరుకున్న సంగతి తెలిసిందే. అయితే, కోలుకున్న తరువాత ట్రంప్ కొన్ని సంచలన వ్యాఖ్యలు చేశారు. దేవుడి ఆశీర్వాదం వలనే తనకు కరోనా వచ్చిందని, కరోనాకు వైద్యులు అందించే అత్యున్నత చికిత్స గురించి తెలుసుకోగలిగినట్టు ట్రంప్ పేర్కొన్నాడు. తనకు అందించిన అత్యున్నత చికిత్సను దేశంలోని ప్రజలందరికి అందించేలా చర్యలు తీసుకుంటున్నట్టు తెలిపారు. అదీ కూడా ప్రజలకు ఉచితంగా ఈ చికిత్స అందేలా చేస్తామని అన్నారు. ఇది అమెరికన్ ప్రజలకు గుడ్ న్యూస్ అని చెప్పాలి. ఎన్నికలు జరగబోతున్న నేపథ్యంలో ట్రంప్ ఇలాంటి వ్యాఖ్యలు చేయడం విశేషం.

మంచి కార్యక్రమానికి శ్రీకారం చుట్టడం ఆనందంగా ఉందని సీఎం జగన్‌ వ్యాఖ్యానించారు. ప్రపంచాన్ని మార్చే శక్తి విద్యకే ఉందని, ప్రపంచంతో పోటీపడే పరిస్థితి మన పిల్లల్లో కూడా రావాలని ఆకాంక్షించారు. విద్యా విధానంలో విప్లవాత్మక మార్పులకు శ్రీకారం చుట్టామని తెలిపారు. మనబడి, నాడు-నేడుతో ప్రభుత్వ పాఠశాలలను మారుస్తున్నామని ప్రకటించారు. నవంబర్‌ 2 నుంచి పాఠశాలలను తెరవాలనుకుంటున్నామని వెల్లడించారు. విద్యా వ్యవస్థను మార్చేందుకు పలు కార్యక్రమాలు చేపట్టామని, పేద విద్యార్థులకు ఆంగ్ల మాధ్యమం తీసుకొచ్చేందుకు అడుగులు వేశామని తెలిపారు. పేద పిల్లలు కూడా గర్వంగా తలెత్తుకుని స్కూల్‌కి వెళ్లాలన్నారు. జనవరి 9 నుంచి అమ్మ ఒడి రెండో దఫా కార్యక్రమాన్ని చేపడుతామని జగన్‌ ప్రకటించారు.

ఆంధ్రప్రదేశ్ ప్రభుత్వం ఎంతో ప్రతిష్ఠాత్మకంగా భావిస్తున్న 'జగనన్న విద్యాకానుక' కార్యక్రమాన్ని జగన్ ప్రారంభించారు. విజయవాడలోని పెనమలూరు నియోజకవర్గంలోని పునాదిపాడులో మంచిపనికి జగన్ శ్రీకారం చుట్టారు. అనంతరం విద్యార్థులతో కాసేపు ఆయన ముచ్చటించారు.

ఆంధ్రప్రదేశ్  లో రానున్న మూడ్రోజుల్లో భారీ వర్షాలు ( Heavy Rains ) కురుస్తాయని రాష్ట్ర విపత్తు నిర్వహణ శాఖ హెచ్చరించింది. తూర్పు బంగాళాఖాతం ( Bay of Bengal ) లో ఏర్పడనున్న వాయుగుండం కారణంగా మోస్తరు నుంచి భారీ వర్షాలు పడనున్నాయి.

తూర్పు మధ్య బంగాళాఖాతంలో..ఉత్తర అండమాన్ సమీపంలో రేపు అల్పపీడనం ఏర్పడనుందని ఐఎండీ ( IMD ) సూచించింది. ఈ అల్పపీడనం ప్రభావంతో రానున్న మూడ్రోజుల్లో రాష్ట్రంలో మోస్తరు నుంచి భారీ వర్షాలు పడనున్నాయి. ఈ అల్పపీడనం 24 గంటల్లో వాయుగుండంగా బలపడి.. పశ్చిమ వాయువ్య దిశగా పయనించి ఆదివారం సాయంత్రంలోపు ఉత్తరాంధ్ర, దక్షిణ ఒడిశా తీరాల మధ్య తీరం దాటనుంది. ఈ కారణంగా భారీ వర్షాలతో పాటు పిడుగులు పడే అవకాశం ఉందని విపత్తుల శాఖ తెలిపింది. తీరం వెంబడి గంటకు 45 నుంచి 55 కిలోమీటర్ల వేగంతో గాలులు వీస్తాయని తెలుస్తోంది. సముద్రమంతా అల్లకల్లోలంగా ఉంటుందని..మత్స్యకారులు వేటకు వెళ్లవద్దని సూచనలు జారీ అయ్యాయి. ముందస్తుగా చర్యలు తీసుకోవాలని జిల్లా యంత్రాంగాల్ని అప్రమత్తం చేశారు. తీరప్రాంత ప్రజలు, లోతట్టు ప్రాంత ప్రజలు జాగ్రత్తగా ఉండాలని కోరారు.

శుక్రవారం నుంచి తూర్పు మధ్య బంగాళాఖాతంలో ఏర్పడనున్న అల్పపీడనం కారణంగా...కోస్తాంధ్రలో భారీ వర్షాల ముప్పు పొంచి ఉంది. రాష్ట్రంలోని మిగిలిన ప్రాంతాల్లో మాత్రం తేలికపాటి నుంచి మోస్తరు వర్షాలు పడవచ్చు.

మీరు ఉద్యోగం చేస్తున్నారా..? అయితే మీరు రూ.15,000 కన్నా తక్కువ జీతం తీసుకుంటున్నారా? అయితే ఇది మీకు శుభవార్త అనే చెప్పాలి. తాజాగా కేంద్ర ప్రభుత్వం మీకోసం అదిరిపోయే స్కీమ్ అందిస్తోందని తెలిపారు. అయితే ఆ స్కీమ్ పేరు ప్రధాన్ మంత్రి శ్రమ్ యోగి మాన్‌ధన్ యోజన. ఈ పథకంలో చేరడం వల్ల ప్రతి నెలా పెన్షన్ పొందొచ్చునని తెలిపారు.

అయితే శ్రమ్ యోగి మాన్‌ధన్ యోజన పథకంలో చేరిన వారు నెలకు రూ.3,000 పెన్షన్ తీసుకోవచ్చునని నిపుణులు తెలిపారు. ఇక ప్రతి నెలా ఈ మొత్తం మీ అకౌంట్‌లోకి వచ్చి చేరుతుందన్నారు. శ్రమ్ యోగి మాన్‌ధన్ యోజన పథకంలో చేరిన వారు ఏడాదికి రూ.36,000 పొందొచ్చునన్నారు. ప్రతి నెలా పెన్షన్ పొందాలని భావించే వారు ఒక విషయం గుర్తుపెట్టుకోవాలని తెలిపారు. 60 ఏళ్లు దాటిన తర్వాతనే పెన్షన్ అందిస్తారని తెలిపారు.

అంతేకాదు నెలకు రూ.3,000 పొందాలని భావిస్తే మాత్రం మీరు ప్రతి నెలా కొంత మొత్తాన్ని డిపాజిట్ చేసుకుంటూ వెళ్లాలని తెలిపారు. ఇక రూ.55 నుంచి రూ.200 వరకు ఇన్వెస్ట్ చేయాలని తెలిపారు. మీ వయసు ప్రాతిపదికన మీరు ఇన్వెస్ట్ చేసే డబ్బులు కూడా మారతాయి. అదే మీరు 30 ఏళ్ల వయసులో శ్రమ్ యోగి మాన్‌ధన్ పథకంలో చేరితే నెలకు రూ.100 చెల్లించొచ్చునన్నారు. 40 ఏళ్ల వయసులో చేరితే రూ.200 కట్టాల్సి వస్తుందని తెలిపారు. 18 ఏళ్ల వయసులో పథకంలో చేరిన వారు సంవత్సరానికి రూ.660 కడితే సరిపోతుందన్నారు. అంటే మీరు 42 ఏళ్ల వయసులో మొత్తంగా రూ.27,720 డిపాజిట్ చేస్తారు. తర్వాత మీకు ప్రతి నెలా రూ.3,000 వస్తాయని తెలిపారు.

అంతేకాక భారతీయ పౌరులు ఎవరైనాసరే శ్రమ్ యోగి మాన్‌ధన్ యోజన పథకంలో చేరొచ్చునని తెలిపారు. 18 నుంచి 40 ఏళ్ల వయసులో ఉన్న వారు అర్హులు. అంతేకాదు అసంఘటిత రంగంలో పని చేసే వారు ఈ స్కీమ్‌లో చేరొచ్చునన్నారు. అయితే రూ.15 వేల కన్నా తక్కువ జీతం ఉండాలి. ఈపీఎఫ్, ఎన్‌పీఎస్, ఈఎస్ఐ స్కీమ్‌లో ఉన్న వారు అనర్హులు. కామన్ సర్వీస్ సెంటర్‌కు వెళ్లి ప్రధాన్ మంత్రి శ్రమ్ యోగి మాన్‌ధన్ యోజన పథకంలో చేరొచ్చునని తెలిపారు. ఇక 18002676888 నెంబర్‌కు కాల్ చేసి స్కీమ్ వివరాలు పొందొచ్చునని తెలియజేశారు.

'జగనన్న విద్యాకానుక' పథకాన్ని కృష్ణాజిల్లా కంకిపాడు మండలం పునాదిపాడులో ఏపీ సీఎం జగన్‌ ప్రారంభించారు. తొలుత జిల్లా పరిషత్‌ పాఠశాలలో నాడు-నేడు పనులను పరిశీలించిన సీఎం అనంతరం తరగతి గదుల్లోకి వెళ్లి విద్యార్థులతో ముచ్చటించారు. ఆ తర్వాత అక్కడే ఏర్పాటు చేసిన బహిరంగసభలో పాల్గొన్నారు.