Ravikiranalu TV

శిరోముండనం కేసుపై ఫస్ట్ టైమ్ స్పందించిన సీఎం జగన్..

తూర్పు గోదావరి జిల్లా సీతానగరం మండలం మునికూడలికి చెందిన ఇండుగిమిల్లి వరప్రసాద్‌ శిరోముండనం కేసు వ్యవహారం తెలుగు రాష్ట్రాల్లో పెను సంచలనం సృష్టించిన విషయం విదితమే. ఈ కేసు వ్యవహారం రాష్ట్రపతి రామ్‌నాథ్ కోవింద్ దాకా కూడా చేరింది. ఈ కేసు విషయమై సీఎం వైఎస్ జగన్ మోహన్ రెడ్డి ఫస్ట్ టైమ్ స్పందించారు.

కఠిన చర్యలు తప్పవు..

మంగళవారం నాడు బెంగళూరుకు బయల్దేరే ముందు కలెక్టర్లు, ఎస్పీలతో సీఎం జగన్‌ వీడియో కాన్ఫరెన్స్‌ నిర్వహించారు. ఈ సందర్భంగా దళితులపై దాడులను, అనైతిక చర్యలపై నిశితంగా చర్చించారు. ఇలాంటి దాడులను ఉపేక్షించేది లేదని సీఎం తేల్చిచెప్పారు. బాధ్యులు ఎంతటి వారైనా సరే కఠిన చర్యలు తప్పవని ముఖ్యమంత్రి స్ట్రాంగ్ వార్నింగ్ ఇచ్చారు. పోలీసు అధికారులపైనా కేసులు నమోదు చేసి జైలుకు పంపామన్న విషయాన్ని జగన్‌ ఈ సందర్భంగా గుర్తు చేశారు. దళితులమీద దాడులు సహా, ఇతరత్రా ఘటనలు జరిగినప్పుడు గతంలో పట్టించుకునేవారు కాదన్నారు. కానీ గత ప్రభుత్వానికి.. ఈ ప్రభుత్వానికి చాలా తేడా ఉంది జగన్ చెప్పుకొచ్చారు.

తప్పు ఎవరు చేసినా తప్పే..

తప్పు ఎవరు చేసినా తప్పేనని.. మన ప్రభుత్వం ఆలోచనలో ఉన్న స్పష్టత ఇదేనని కలెక్టర్లు, ఎస్పీలతో జగన్ చెప్పారు. గతంలో దళితులపై జరగరానివి జరిగితే ఎక్కడా చర్యలు తీసుకోలేదన్నారు. ఈ వ్యవస్థలో మార్పు రావాలి.. ఆ దిశలోనే పలు చర్యలు తీసుకుంటామన్నారు. గుండు కొట్టించడంలాంటి ఘటనలు తప్పు అని జగన్ వ్యాఖ్యానించారు. మన పోలీసు ఉద్యోగుల మీద చర్యలు తీసుకోవడం బాధాకరమేనని జగన్‌ తెలిపారు.

స్పందించిన కోవింద్‌

ఇదిలా ఉంటే.. శిరోముండనం కేసుపై రాష్ట్రపతి కార్యాలయం ఇప్పటికే రెండు పర్యాయాలు స్పందించింది. రాష్ట్రపతి కార్యాలయం ఆదేశించినప్పటికీ తనకు రాష్ట్ర ప్రభుత్వం నుంచి న్యాయం జరగడం లేదని, తన గోడును పట్టించుకోవడం లేదని వరప్రసాద్‌ మరోసారి రాష్ట్రపతికి ఫిర్యాదు చేయడంతో రాష్ట్రపతి కోవింద్‌ వెంటనే స్పందించారు. ఈ కేసును తక్షణం విచారించేలా కేంద్ర సామాజిక న్యాయశాఖను ఆదేశించారు. దీంతో ఈ కేసుకు సంబంధించిన ఫైలును సామాజిక న్యాయశాఖకు బదిలీ చేస్తూ రాష్ట్రపతి కార్యాలయం ఆగస్టు-18న ఉత్తర్వులు జారీ చేసింది. ఈ కేసును అత్యవసర కేసుగా పరిగణించి విచారణ చేపట్టాలని ఉత్తర్వుల్లో పేర్కొంది.

'కధల' కొలను సదానంద ఇక లేరు!!!

ప్రముఖ రచయిత కలువకొలను సదానంద(81) మంగళవారం ఉదయం 11గంటలకు కన్నుమూసారు. ఆయన 1939లో పాకాలలో జన్మించారు. కాగా పాకాలలోనే ఆయన చివరి శ్వాస విడిచారు. ఆయనకధ,నవల, కవిత్వం ముఖ్యంగా గేయాలు వంటివి వివిధ ప్రక్రియల్లో రచనలుచేశారు. రచయితగానే కాకుండా చిత్రకారుడిగా ,కార్టునిస్టుగా కూడా ఆయన తెలుగు ప్రజలకు సుపరిచితులు. రక్తయజ్ఞం, పైరుగాలి, నవ్వేపెదవులు, ఏడ్చే కళ్లు మొదలైనవి వీరి కథా సంపుటాలు. గాడిద బతుకులు,గందరగోళం, బంగారుమామ వంటి నవలలు రాశారు.

కేంద్ర ప్రభుత్వం నుంచి 1992లో ఉత్తమ ఉపాధ్యాయుడిగా సత్కారాన్ని పొందారు. ఆంధ్ర ప్రదేశ్‌ సాహిత్య అకాడమీ సత్కారాన్నీ ఆయన పొందారు. ఎవరికోసం చెబుతున్నారో వారి చెంతకే వెళ్లి చెబుతున్నట్టుగా ఉంటుంది ఆయన శైలి. కపటం, మొహమాటం ఉండదు. మినహాయింపులు కూడా ఉండవు. చెప్పదల్చుకున్నది వీలైనంత వినయంగా, కళాత్మకంగా చెబుతారు. ఉత్తమ రచయితగానే కాదు ఉత్తమ ఉపాధ్యాయుడిగా పేరు పొందారు.

గుంటూరులో వైసీపీ నేతల అరాచకం......

కొల్లిపర మండలం మున్నంగిలో వైసీపీ నేతలు అరాచకం సృష్టించారు. ఓ గౌడ కులస్తుడికి పరాభవం ఎదురైంది. భార్యతో కలసి పొలం వెళ్లి వస్తున్న వ్యక్తి పట్ల యువకులు అసభ్యంగా ప్రవర్తించారు. మద్యం మత్తులో యువకులు మహిళను కించపరిచే వ్యాఖ్యలు చేసినట్లు భర్త ఆరోపించారు. ఓ యువకుడిని ప్రతిఘటించిన భర్త సాంబశివరావును స్థానిక వైసీపీ నేతలు ఒంటిపై బట్టలు లేకుండా చేసి వేధింపులకు గురిచేశారు. నిందితులపై ఫిర్యాదు చేసినా పోలీసులు పట్టించుకోలేదని బాధితురాలి భర్త ఆరోపిస్తున్నారు. స్టేషన్ లో ఎస్ఐ ఎదుటే మరోసారి వైసీపీ నేతలు బెదిరింపులకు దిగినట్లు బాధితుడు పేర్కొన్నారు.

గోకుల్‌చాట్ ఘటనకు 13 ఏండ్లు!

కరెక్టుగా ఇదే రోజు. హైదరాబాద్ ఒక్కసారిగా ఉలిక్కిపడింది. ఇప్పుడు కరోనాతో భయపడుతుంటే 13 ఏండ్ల కిందట పేలుళ్లకు భయపడ్డారు జనం. జనసాంద్రత ఎక్కువగా ఉండే ప్రదేశాలు గోకుల్ చాట్‌, లుంబినీ పార్కులలో భారీ పేలుళ్లకు పాల్పడ్డారు ఉగ్రమూకలు. ఐదు నిమిషాల వ్యవధిలోనే వందలాది కుటుంబాల్లో విషాదాన్ని నింపారు. 2007 ఆగస్ట్ 25 శనివారం వీకెండ్ కావడంతో చాలామంది పార్కులలో ప్రత్యక్షమవ్వడం కామన్‌. ఆ రోజు కూడా అదే జరిగింది. ఇదే అదునుగా ఎప్పటి నుంచో కాచుకు కూర్చున్న ఉగ్రమూకలు లుంబినీ పార్కు, గోకుల్ చాట్ స్థలాలను ఎంచుకున్నారు.

ఫస్ట్ లుంబినీ పార్క్‌ను ఎంచుకున్నారు. అక్కడ లేజర్ షో జరుగుతున్నప్పుడు సరిగ్గా సాయంత్రం7 గంటల 45 నిమిషాలకు ఒక పేలుడు జరిగింది. ఆ తర్వాత కేవలం 5 నిమిషాలకే గోకుల్‌చాట్ వద్ద మరో పేలుడు సంభవించింది. రద్దీగా ఉండే జనం ఈ పేలుళ్లకు భయపడి పరుగులు పెట్టారు. లుంబినీ పార్క్ వద్ద 10 మంది, గోకుల్‌చాట్ వద్ద 32 మంది ప్రాణాలు కోల్పోయారు. వందలమంది గాయపడ్డారు.

ఈ సంఘటనలతో పోలీసులు అలర్ట్ అయి జన సమూహం ఉండే ప్రదేశాలలో తనిఖీ చేయించారు. దీంతో 20 బాంబులను వెలికి తీశారు. ఇండియన్‌ ముజాయిదీన్‌ ఉగ్రవాద సంస్థకు చెందిన అక్బర్ ఇస్మాయిల్‌, అనిఖ్ షఫీక్‌లకు ఉరిశిక్ష విధించారు. వీరికే కాదు ఉద్రవాదులకు ఆశ్రయం కల్పించిన తారీఖ్ అంజూమ్‌కు యావజ్జీవ శిఖను 2018లో నాంపల్లి ప్రత్యేక కోర్టు తీర్పు వెల్లడించింది.

అరుణ్ జైట్లీ ప్రథమ వర్ధంతి సందర్భముగా నివాళులు అర్పించిన.. రంగినేని క్రిష్ణయ్య మరియు ఆశ చెంచుకృష్ణయ్య..

అరుణ్ జైట్లీ ప్రథమ వర్ధంతి సందర్భముగా నివాళులు అర్పించిన.. రంగినేని క్రిష్ణయ్య మరియు ఆశ చెంచుకృష్ణయ్య... ఈ రోజు నాయుడుపేట లో బొర్డింగ్ స్కూల్ నందు భారతీయ జనతా పార్టీ నాయకులు బీజేపీ సీనియర్ నాయకులు మరియు కేంద్ర మాజీ మంత్రివర్యులు అరుణ్ జైట్లీ ప్రథమ వర్ధంతి గనంగజరిపా రు అనంతరం అరుణ్ జైట్లీ పటం నకు పూలమాలలు వేసి నివాళులర్పించారు అనంతరం రాష్ట కార్యవర్గ సభ్యులు డాక్టర్ రంగినేని కృష్ణయ్య మాట్లాడుతూ అరుణ్ జైట్లీ గారి మరణం బీజేపీ పార్టీకి తీరని లోటు అని వారు చేసిన సేవలు గురించి మరవబోమని అని కొనియాడారు అనంతరం నెల్లూరు జిల్లా బీజేపీ మాజీ కార్యదర్శి ఆశ చెంచుకృష్ణయ్య మాట్లాడుతూ అతను సేవలు బీజేపీ పార్టీకి ఎంతో మంది కి స్పూర్తి దాయకం అని కొనియాడారు. అతని సేవలను ఎల్లప్పుడూ ఎప్పుడూ మనసులో తలచుకుంటు ముందుకు పార్టీని బలోపేతం చేసేందుకు నవంతు కృషిచేస్తాను అని కొనియాడారు .ఈ కార్యక్రమంలో డాక్టర్ రంగినేని క్రిష్ణయ్య .సీనియర్ నాయకులు అమరావతి రామయ్య నెల్లూరు జిల్లా బీజేపీ మాజీ కార్యదర్శి ఆశ చెంచుకృష్ణయ్య. నాయుడుపేట పట్టణ ప్రధాన కార్యదర్శి చిగురాకూల సురేంద్ర. దళిత మోర్చా జిల్లా అధ్యక్షుడు బొల్లాకాయల విజయ్ కుమార్.ధార్మిక సెల్ జిల్లా అధ్యక్షులు నార్నీపాటి శివప్రసాద్ శర్మ రాష్టం కార్యవర్గ సభ్యులు కోప్పాల సుబ్రహ్మణ్యం మండల అధ్య ప్రధాన కార్యదర్శి పట్టు కోట రవి.పుట్టు సూరిబాబు ఓబీసీ రాష్ట్ర ఉపాధ్యాక్షులు గుంజి శ్రీనివాసులు. గూడూరు ధర్మాజగరణ సమితి విధి ప్రముక్ .మరియు న్యాయవాది పోట్లపూడి శ్రీనివాసులు .న్యాయవాదులు. సురేష్.శ్రీనివాసులు. పాoడురంగయ్య. మనోజ్ చంద్ర. శశి. భాష. తదితరులు పాల్గొన్నారు

యుటిఎఫ్ ఆధ్వర్యంలో ఉద్యోగుల సమస్యలు పరిష్కరించాలంటూ నిరసన కార్యక్రమం.

యుటిఎఫ్ ఆధ్వర్యంలో ఉద్యోగుల సమస్యలు పరిష్కరించాలంటూ నిరసన కార్యక్రమం.

మర్రిపాడు మండల కేంద్రంలో ఐక్య ఉపాధ్యాయ ఫెడరేషన్ ఆధ్వర్యంలో ఉద్యోగుల సమస్యలు పరిష్కరించాలంటూ ధర్నా కార్యక్రమం నిర్వహించారు అనంతరం మండల అభివృద్ధి అధికారి వారికి సమస్యలపై వినతి పత్రం సమర్పించారు.ఈ సందర్భంగా యుటిఎఫ్ రాష్ట్ర కౌన్సిలర్ జి. సుబ్బరాయుడు మాట్లాడుతూ సిపిఎస్ రద్దు,పిఆర్సి అమలు,నూతన జాతీయ విద్యా విధానం పై పునః సమీక్ష,ఉద్యోగుల బదిలీలు,కరువు భత్యం బకాయిల మంజూరు తదితర సమస్యలపై యూటీఎఫ్ ఆధ్వర్యంలో రాష్ట్రవ్యాప్తంగా నిరసన కార్యక్రమాలు నిర్వహిస్తున్నామని,ప్రభుత్వం వెంటనే వీటిపై చర్చించి ఉద్యోగుల సమస్యలను త్వరగా పరిష్కరించాలని అన్నారు.ఈ కార్యక్రమంలో యుటిఎఫ్ నాయకులు నాయబ్,మోహన్ ప్రసాద్,నరసింహ నాయుడు, రాజేంద్ర కుమార్ యూటీఎఫ్ ప్రధాన కార్యదర్శి ఇనాయత్ కరిముల్లా, ప్రసాద్,ఖాజా రసూల్,జానీ తదితరులు పాల్గొన్నారు.

ఆధార్ తో అనుసంధానం చేయని 18 కోట్ల పాన్ కార్డులపై వేటు..!

ఆధార్ తో అనుసంధానం చేయని 18 కోట్ల పాన్ కార్డులపై వేటు..!

ఢిల్లీ : పాన్‌ కార్డులను ఆధార్‌ కార్డుతో 2021 మార్చి 31లోగా అనుసంధానం చేసుకోవాలని ఐటీ శాఖ ఇప్పటికే పలుసార్లు గుర్తు చేసింది.

అయితే ప్రస్తుతం ఆధార్తో లింక్‌ చేయని సుమారు 18 కోట్ల పాన్ కార్డులు ఉన్నాయని ఇటీవల వెల్లడించింది.

గడువు ముగిసేలోగా వాటిని ఆధార్తో జోడించకపోతే నిర్వీర్యం చేస్తామని ఆ శాఖ హెచ్చరించింది.

ఒకటి కన్నా ఎక్కువ పాన్‌ కార్డులను ఉపయోగించే వారిని, పన్ను ఎగవేతదారులను, అధిక మొత్తాల్లో లావాదేవీలు జరిపేవారిని గుర్తించే పనిలో ఉన్నట్టు ఐటీ అధికారులు తెలిపారు.

కొందరు విలాసవంతంగా ఖర్చులు చేస్తూ… పన్నులను ఎగవేసేందుకు ఒకటి కంటే ఎక్కువ పాన్‌ కార్డులను ఉపయోగిస్తున్నారని వెల్లడించారు.

పాన్‌ కార్డును ఆధార్‌తో లింక్‌ చేస్తే, ఒకటి కంటే ఎక్కువ పాన్‌ కార్డులు పొందే అవకాశం ఉండదని..

అందుకే లింక్‌ చేసుకునేందుకు వెనుకడుగు వేస్తున్నారని వివరించారు.బ్యాంకులు, ఆర్థిక సంస్థలు, మ్యూచువల్‌ ఫండ్‌, క్రెడిట్‌-డెబిట్‌ కార్డులు వంటి వ్యవస్థల ద్వారా జరిగే భారీ లావాదేవీలను గుర్తించి.. ఆ వ్యయాల తీరుపై కూడా ఐటీ శాఖ నిఘా పెట్టనుంది. ఈ క్రమంలో స్టేట్‌మెంట్‌ ఆఫ్‌ ఫైనాన్షియల్‌ ట్రాన్సాక్షన్‌ (ఎస్‌ఎఫ్టీ) సహాయంతో సంబంధిత వ్యక్తులను గుర్తించనున్నారు.