మాజీ ఎమ్మెల్యే జేసీ ప్రబాకర్‌రెడ్డి, ఆయన కుమారుడు అస్మిత్‌రెడ్డి అనంతపురం చేసుకున్నారు.

మాజీ ఎమ్మెల్యే జేసీ ప్రబాకర్‌రెడ్డి, ఆయన కుమారుడు అస్మిత్‌రెడ్డి అనంతపురం చేసుకున్నారు. వాహనాల అక్రమ రిజిస్ట్రేషన్ అభియోగాల కేసులో ప్రభాకర్‌రెడ్డి, అస్మిత్‌రెడ్డిని పోలీసులు కస్టడీలోకి తీసుకున్నారు. విచారణ కోసం కడప సెంట్రల్‌ జైలు నుంచి అనంతపురానికి తరలించినట్లు పోలీసులు తెలిపారు. వైద్య పరీక్షల కోసం ఇద్దరని ప్రభుత్వ ఆసుపత్రికి తరలించారు. రెండు రోజుల పాటు ప్రభాకర్‌రెడ్డి, అస్మిత్‌రెడ్డిని విచారిస్తారు. న్యాయవాదులు, సీసీ కెమెరాల పర్యవేక్షణలో ఇద్దరిని విచారిస్తారు. ఇటీవల శంషాబాద్‌లో ప్రభాకర్‌రెడ్డితో పాటు అస్మిత్ ‌రెడ్డిని పోలీసులు అరెస్ట్ చేశారు.

ఏపీ ప్రభుత్వం సంచలన నిర్ణయం పరీక్షలు రద్దు

కరోనా వ్యాప్తి అడ్డుకునే క్రమంలో ఏపీ ప్రభుత్వం సంచలన నిర్ణయం తీసుకుంది. విద్యాశాఖ మంత్రి ఆదిమూలపు సురేష్

పరీక్షలు రద్దు అయినట్లు ప్రకటించారు. విద్యార్థుల ఆరోగ్యాన్ని దృష్టిలో పెట్టుకొని సీఎం జగన్మోహన్ రెడ్డి ఈ నిర్ణయం తీసుకున్నారు. ముందుగా పరీక్షలు జాగ్రత్తగా నిర్వహించాలని పక్కా ప్రణాళిక చేశామని, ఆన్‌లైన్‌లో క్లాస్‌లు చెప్పించామని, పేపర్లను తగ్గించామని, పరీక్షల కోసం అందరినీ సమన్వయం చేశామన్నారు.

ప్రస్తుత పరిస్థితుల్లో రద్దు చేయడమే మంచిదనే నిర్ణయానికి వచ్చినట్లు ఆయన పేర్కొన్నారు. ఇదివరకే రెండుసార్లు పరీక్షలు వాయిదా పడగా.. జూలైలో పరీక్షలు నిర్వహిస్తామని వెల్లడించారు. ఎలాంటి మార్పు ఉండదని ఆయన పేర్కొన్నారు. జూలై 10 నుంచి పరీక్షలు ఉండనున్నట్లు ఆయన తెలిపారు.

పది, ఇంటర్ పరీక్షలు రద్దు చేస్తున్నట్లు ఏపీ ప్రభుత్వం ప్రకటించింది. తెలంగాణ, తమిళనాడు, పుదుచ్చేరి రాష్ట్రాలు ఇప్పటికే పదవ తరగతి పరీక్షలను రద్దు చేసి గతంలో మార్కుల ఆధారంగా విద్యార్థులకు గ్రేడ్‌లు ఇచ్చాయి.

సూర్యగ్రహణం సందర్బంగా తిరుమల శ్రీవారి ఆలయాన్ని మూసివేయనున్నారు.

సూర్యగ్రహణం సందర్బంగా తిరుమల శ్రీవారి ఆలయాన్ని రేపు

మూసివేయనున్నారు. ఈ రాత్రి 8 గంటలా 30 నిమిషాలకు జరగనున్న ఏకాంత సేవ తర్వాత ఆలయం తలుపులు మూసివేయనున్నారు.

రేపు ఉదయం ఉదయం 10 గంటలా 18 నిమిషాల నుంచి మధ్యాహ్నం ఒంటి గంటా 38 నిమిషాల వరకు గ్రహణం ఉండటంతో 2 గంటలా 30 నిమిషాలకు ఆలయాన్ని తెరవనున్నారు. సాయంత్రం 6 గంటల వరకు సుప్రభాతం, శుద్ధి, పుణ్యాహవచనం, తోమాల సేవ, కొలువు, బంగారు వాకిలి లోపల పంచాంగ శ్రవణం నిర్వహిస్తారు. రాత్రి కైంకర్యాల కారణంగా రేపు శ్రీవారి దర్శనానికి భక్తులను అనుమతించబోమని ఈ విషయాన్ని గమనించాలని ఆలయ ప్రధాన అర్చకులు వేణుగోపాల దీక్షితులు తెలిపారు.

ఆకాశంలో ఆదివారం ఓ అద్భుతమైన ఘట్టం జరగనుంది

ఆకాశంలో ఆదివారం ఓ అద్భుతమైన ఘట్టం జరగనుంది. ఈ క్రమంలోనే హైదరాబాద్‌లోని ప్లానిటరీ సొసైటీ ఆఫ్ ఇండియా సైంటిస్ట్ రఘునందన్ మీడియాతో మాట్లాడుతూ విశ్వవ్యాప్తంగా ఉదయం 9.16 నుంచి మధ్యాహ్నం 3.04 వరకు ఈ సూర్య గ్రహణం ఉంటుందని ఆయన వెల్లడించారు. ఈ గ్రహనం సమయంలో సూర్యుడు పూర్తిగా వలయాకారంలో (రింగ్స్ ఆఫ్ ఫైర్)గా ఏర్పడనుందని ఆయన తెలిపారు. దేశంలోని కొన్ని ప్రాంతాల్లో మాత్రం ఈ గ్రహణం సంపూర్ణంగా కాకుండా పాక్షికంగా ఇది కనిపించనున్నట్లు తెలిపారు. ఈ సూర్యగ్రహణ ఛాయలు ముందుగా భారతదేశంలోని గుజరాత్‌లోని ద్వారకలో దర్శనమివ్వనున్నట్లు వెల్లడించారు.

రేపు ఏర్పడే గ్రహణం కారణంగా సూర్యుడి నుంచి అతినీలలోహిత కిరణాలు నేరుగా భూమి మీద పడతాయని ఆయన తెలిపారు. ఇక ఈ గ్రహణం ఛాయలు తెలంగాణలో సూర్యగ్రహణం సమయం ఆదివారం ఉదయం 10.15 గంటల నుంచి 1.44 గంటల వరకు ఉంటుందని స్పష్టం చేశారు. ఈ ప్రభావంతో కరోనా 0.001 శాతం చనిపోయే అవకాశం ఉందని అంచనా వేశారు. రాష్ట్రంలో సుమారు 51 శాతం గ్రహణం చూడవచ్చని వెల్లడించారు.

ఇక ఏపీ విషయానికొస్తే గ్రహణం ఉదయం 10.21 గంటల నుంచి మధ్యాహ్నం 1.49 గంటల వరకు ఉండనుంది. ఈ సమయంలో 46 శాతం సూర్యుడు కనిపిస్తుందని వివరించారు. మరోవైపు, రింగ్స్ ఆఫ్ ఫైర్ కరోనా వైరస్‌ను చంపుతుందంటూ వస్తున్న ప్రచారంలో వాస్తవం లేదని రఘునందన్ కొట్టిపారేశారు. గ్రహణాల సమయంలో వినిపించే మూఢ నమ్మకాలను ప్రజలు అసలు నమ్మవద్దని ఆయన సూచించారు. గ్రహణం సమయంలో తినకూడదని, గర్భిణీ స్త్రీలు బయటకు రాకూడదనే ప్రచారాలు వట్టి అబద్ధపు ప్రచారాలని స్పష్టం చేశారు.

ఇక ఈ గ్రహణం గురించి మరో వైపు జ్యోతిష పండితులు పలు విషయాలను వెల్లడించారు. గ్రహణ పట్టే సమయంలో, విడిచే సమయం మధ్య పగలు తీసుకునే ఆహారాన్ని తీసుకోకుంటేనే మంచిదని సూచిస్తున్నారు. జన్మ నక్షత్రాల పరంగా మృగశిర, ఆరుధ్ర, కృత్తిక 2, 3, 4 పాదాలు, రోహిణి, పునర్వసు 1, 2, 3 పాదాల వారికి ఈ గ్రహణం కీడును కలిగించే అవకాశాలు ఉన్నాయని హెచ్చరించారు. ఈ గ్రహణాన్ని వృషభ, మిధున రాశుల వారు చూడకుండా ఉండాలని చెపుతున్నారు.

ఇక పోతే గ్రహణం సమయంలో రాష్ట్రంలో ఉండే దేవాలయాలన్నీ మూడపడనున్నాయి. శనివారం రాత్రి నుంచి ఆదివారం మధ్యాహ్నం వరకూ బాసర సరస్వతీ దేవాలయం మూతబడనుంది. విజయవాడ, తిరుపతి, శ్రీశైలం, యాదగిరిగుట్ట ఇతర ఆలయాలన్నీ కూడా మూసివేయనున్నారు. ఇక చిత్తూరు జిల్లా శ్రీకాళహస్తి దేవాలయంలో మాత్రం ప్రత్యేకంగా పూజలు, అభిషేకాలు జరుగనున్నాయి.

పెరుగుతున్న కరోనా ఉధృతి*చిత్తూరు........

*పెరుగుతున్న కరోనా ఉధృతి*

చిత్తూరు........

చిత్తూరు నగరంలో శనివారం ఒక్కరోజే మరో ఆరు కరోనా పాజిటివ్ కేసులు నమోదు అయినట్లు అధికారులు పేర్కొన్నారు. కొంగారెడ్డి పల్లిలోని ఆంధ్రబ్యాంక్ నందు పనిచేస్తున్న ఒక మహిళకు ఆమె నివాసం ఉంటున్న పెద్ద హరిజనవాడ వార్డ్ నెంబర్ 39 నందు మరో పురుషుడికి,పంజాబ్ నేషనల్ బ్యాంక్ నందు పనిచేస్తున్న వ్యక్తికి, 21వ వార్డు కుక్కల పల్లిలో మహిళకు,చిత్తూరు గాంధీ విగ్రహ కూడలిలో ఉన్నా ప్రధాన తపాలా కార్యాలయంలో ఓ ఉద్యోగికి,26వ వార్డు జాన్సన్ గార్డెన్ లో ఉన్న ఒక పోలీసుకు కారోనా పాజిటివ్ రావడంతో కంటోన్మెంట్ జోన్ ను పరిశీలిస్తున్న చిత్తూరు నగరపాలక సంస్థ కమిషనర్ చల్లా ఓబులేసు, శనివారం ఉదయం కారోనా పాజిటివ్ నిర్ధారణ సంబంధిత కంటోన్మెంట్ ఉన్న జోన్లలో వైరస్ నియంత్రణ కోసం బ్లీచింగ్, సోడియం హైపోక్లోరైడ్ ద్రావణాన్ని పిచికారి చేయడం జరిగినది.అలాగే పాజిటివ్ వ్యక్తుల ప్రైమరీ, సెకండరీ కాంట్రాక్టర్లను వేగంగా గుర్తించి వారికి పరీక్షలు నిర్వహించాలన్నారు.వీరు బహిరంగ ప్రదేశాల్లో తిరగకుండా హోం క్వారంటైన్లో ఉండేలా పకడ్బందీ చర్యలు చేపట్టాలని ఆదేశించారు. కమిషనర్ వెంట సీఐలు భాస్కర్ రెడ్డి, యుగంధర్‌, నగరపాలక ప్రజా ఆరోగ్య అధికారి వినోద్ కుమార్, ప్రణాళిక అధికారి నాగేంద్ర, సానిటరీ ఇన్స్పెక్టర్ చిన్నయ్య ఉన్నారు.

కోటంరెడ్డి సరళమ్మ మృతి పట్ల మంత్రి మేకపాటి సంతాపం

నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డిగారి మాతృమూర్తి కోటంరెడ్డి సరళమ్మ మృతి పట్ల మంత్రి మేకపాటి సంతాపం

అమరావతి, జూన్, 19; శ్రీ పొట్టిశ్రీరాములు నెల్లూరు జిల్లా ఎమ్మెల్యే కోటంరెడ్డి శ్రీధర్ రెడ్డిగారి మాతృమూర్తి సరళమ్మ ఆకస్మిక మృతిపై మంత్రి గౌతమ్ రెడ్డి సంతాపం వ్యక్తం చేశారు. కుటుంబ సభ్యులైన, నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి, రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డిలకు మంత్రి మేకపాటి ప్రగాఢ సానుభూతి ప్రకటించారు. జన్మనిచ్చిన అమ్మ దూరమైతే కలిగే లోటు ఎవరూ తీర్చలేనిదన్నారు. నిత్యం నియోజకవర్గ ప్రజలనే కుటుంబంగా చూసుకునే కోటంరెడ్డి శ్రీధర్ రెడ్డిగారు ధైర్యంగా ఉండాలని ఎమ్మెల్యేకు ఫోన్ ద్వారా మంత్రి మేకపాటి పరామర్శించారు. State government to promote sports in a big way: Avanti Srinivas

State government to promote sports in a big way: Avanti Srinivas

సంతోష్‌ బాబు కుటుంబానికి రూ.5 కోట్లు సీఎం కేసీఆర్‌ ప్రకటన

సంతోష్‌ బాబు కుటుంబానికి రూ.5 కోట్లు

ఆయన భార్యకు గ్రూప్‌-1 ఉద్యోగం
తెలంగాణ సీఎం కేసీఆర్‌ ప్రకటన

హైదరాబాద్‌: గాల్వన్ లోయలో చైనా సైనికులతో జరిగిన ఘర్షణల్లో మరణించిన కర్నల్‌ సంతోష్‌ బాబు కుటుంబానికి తెలంగాణ ప్రభుత్వం అండగా నిలుస్తుందని ముఖ్యమంత్రి కేసీఆర్‌ ప్రకటించారు. ఆయన కుటుంబానికి ప్రభుత్వం తరఫున సాయం ప్రకటించారు. సంతోష్ బాబు కుటుంబానికి రూ.5 కోట్ల నగదు, నివాస స్థలం, ఆయన భార్యకు గ్రూప్- 1 స్థాయి ఉద్యోగం ఇవ్వనున్నట్లు ప్రకటించారు. తానే స్వయంగా సంతోష్ బాబు ఇంటికి వెళ్లి సాయం అందించనున్నట్లు వెల్లడించారు. ఇదే ఘర్షణలో మరణించిన మిగతా 19 మంది కుటుంబ సభ్యులకు కూడా ఒక్కొక్కరికీ రూ.10 లక్షల చొప్పున రాష్ట్ర ప్రభుత్వం తరఫున ఇవ్వనున్నట్లు కేసీఆర్‌ ప్రకటించారు. కేంద్ర రక్షణ మంత్రి ద్వారా ఈ సాయాన్ని అందిస్తామని సీఎం వెల్లడించారు.

''సరిహద్దుల్లో దేశ రక్షణ బాధ్యతలు నిర్వర్తిస్తున్న సైనికులకు యావత్ దేశం అండగా నిలవాలి. వీర మరణం పొందిన సైనికుల కుటుంబాలను ఆదుకోవాలి. తద్వారా సైనికుల్లో ఆత్మవిశ్వాసం, వారి కుటుంబాల్లో భరోసా నింపాలి. దేశమంతా మీ వెంటే ఉందనే సందేశం అందించాలి. వీర మరణం పొందిన సైనికులకు కేంద్ర ప్రభుత్వం ఎలాగూ సాయం చేస్తుంది. రాష్ట్రాలు కూడా తమ వంతు సహాయ సహకారాలు అందించాలి. అప్పుడే సైనికులకు, వారి కుటుంబాలకు దేశం మా వెంట నిలుస్తుందనే నమ్మకం కుదురుతుంది. కరోనాతో ఆర్థిక ఇబ్బందులున్నప్పటికీ మిగతా ఖర్చులు తగ్గించుకుని అయినా సైనికుల సంక్షేమానికి పాటు పడాలి'' అని ముఖ్యమంత్రి కేసీఆర్ ప్రధానమంత్రి నరేంద్ర మోదీ నిర్వహించిన అఖిలపక్ష సమావేశం సందర్భంగా చెప్పారు.

Ravikiranalu TV

Breaking News