Ravikiranalu TV

రూ.3.62 కోట్లతో అభివృద్ది పనులకు శంకుస్థాపన

నెల్లూరు నగరంలోని 4౦వ డివిజన్ మూలాపేటలోని అలంకార్ సెంటర్, చమండివారితోట ప్రాంతాలలో రాష్ట్ర జలవనరుల శాఖ మంత్రి డాక్టర్ పి. అనిల్ కుమార్ వై.ఎస్.ఆర్.సి.పి. యువజన విభాగ జిల్లా అధ్యక్షులు పి.రూప్ కుమార్ యాదవ్, అధికారులతో కలిసి పర్యటించి స్థానిక సమస్యలను అడిగి తెలుసుకొని, వెంటనే సమస్యలను పరిష్కరించాలని అధికారులకు సూచించారు. అనంతరం చమండివారితోట నందు గల రాజా రామ్మోహన్ రాయ్ పార్క్ సెంటర్ లో 13, 14, 15, 16, 40, 41, 42 డివిజన్ లకు సంబంధించి రూ.౩.62 కోట్లతో నిర్మిస్తున్న సి.సి.రోడ్లు, డ్రెయిన్ లు, కల్వర్ట్ ల శిలాఫలకాన్ని ఆవిష్కరించారు. ఈ కార్యక్రమంలో వై.ఎస్.ఆర్.సి.పి. నాయకులు కొండ్రెడ్డి రంగారెడ్డి, చాట్ల నరసింహా రావు, నూనె మల్లికార్జున, గోగుల నాగరాజు, మిద్దె మురళీకృష్ణ యాదవ్, వడ్లమూడి చంద్ర, అల్లంపాటి జనార్ధన్ రెడ్డి, తాటిపర్తి సునీల్, జంగాల కిరణ్ కుమార్, సిహెచ్. కుమార్, సుధీర్ (చిట్టి), లోకిరెడ్డి వెంకటేశ్వర్లు రెడ్డి, కిన్నెర ప్రసాద్, ధనుంజయ, గంగరాజు యాదవ్, తదితరులు పాల్గొన్నారు.

సీతమ్మ చలివేంద్రం భూములు వైసిపి కార్యకర్తలకు ధారాదత్తం

భూకుంభకోణం పై సింగిల్‌ జడ్జి విచారణ జరపాలి

వెంకటాచలం సత్రంలో దేవాదయశాఖకు చెందిన 399 ఎకరాలు ఆక్రమణకు వైసిపి ప్రభుత్వం కుట్రలు చేసింది. గత 30 సంవత్సరాలుగా సీతమ్మ చలివేంద్రం భూములు రక్షించుకునేందుకు దేవాదయఅధికారులు న్యాయపోరాటం చేసి కేసులు గెలిచినా పాలకులు అధికార బలంతో ఆబూములను వైసిపి కార్యకర్తలకు అప్పలంగా అప్పగిస్తున్నారు. 4 నెలల క్రితం 100 ఎకరాలకు రెవెన్యూ అధికారులు పట్టాలు మంజూరు చేయడం ద్వారా కుంభకోణానికి తెరలేపారు. దేవాదయశాకకు చెందిన సర్వే నెంబర్‌ 667/3లో నవరత్నాలలో ప్లాట్ల కేటాయిస్తూ రెవెన్యూ అధికారులు భూమిని ఆక్రమించుకున్నారు. ఇదే భూమిలో 1987లో సాయినగర్‌ రియల్‌ఎస్టేట్‌ వారు ప్లాట్లు ప్రజలకు రిజస్టర్‌ చేసివున్నారు. భూమి హక్కుల కొరకు దేవాదయ, సాయినగర్‌ యాజమాన్యం మధ్య హైకోర్టులో వ్యాజ్యం నడుస్తూవుంది. వివాధస్పదభూమిలోనే నవరత్నాలకు ప్లాట్లు కేటాయించి సరికొత్త వివాదాలకు వైసిపి ప్రభుత్వం తెరలేపింది. కోట్ల రూపాయల విలువ చేసే భూమిని అన్యక్రాంతం చేసి దేవదాయశాఖకు ఆస్తులు కోల్పోయేలా చేస్తున్నారు. నవరత్నాల ప్లాట్లు కోసం హిందూశ్మశానం నుండే దారిని నిర్మించుకున్నారు. నవరత్నాలలో అర్హులుతో పాటు అనేక మంది అర్హతలేని వైసిపి కార్యకర్తలు వున్నారు. దేవాదయశాఖ భూములలో నవరత్నాల ప్లాట్లు కేటాయింపు చట్టవ్యతిరేకం. అనివార్యంగా ప్రభుత్వం ఈ భూములలో నవరత్నాల ప్లాట్లు కేటాయించదలిస్తే కోట్ల రూపాయల విలువచేసే భూమి విలువను రెవెన్యూ అధికారులు దేవదాయశాఖకు ముందస్తుగా డిపాజిట్‌ చేయ్యాలని డిమాండ్‌ చేస్తున్నాము. 100ఎకరాల ఆలయభూములు అవినీతి కుంభకోణాల ద్వారా పట్టాలు మంజూరుపై సింగిల్‌ జడ్జి ద్వారా విచారణ జరిపించాలని మిడతల రమేష్‌ తెలియజేశారు. ఈ కార్యక్రమంలో భీమన శ్యాంబాబు, సాయిశ్రీనివాసులు, బండారు సురేష్‌, చింతగింజల సుబ్రహ్మణ్యం, సిహెచ్‌.వెంకటరమణ, మారంరెడ్డి రాధారెడ్డి, రాంబాబు తదితరులు వున్నారు.

పేదలందరికీ 'ఇళ్లు పధకం' లేఅవుట్ ను పరిశీలించిన ఎమ్మెల్యే కాకాణి

నెల్లూరు: సర్వేపల్లి నియోజకవర్గం వెంకటాచలం లో పేదలందరికీ ఇళ్లు పధకం లేఅవుట్ ను లబ్దిదారులు, అధికారులతో కలిసి వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసన సభ్యులు కాకాణి గోవర్ధన్ రెడ్డి పరిశీలించారు.అవాస్తవాలను ప్రచురితం చేస్తున్న పత్రిక పై అసహనం వ్యక్తం చేశారు. ఈ సందర్భంగా ఎమ్మెల్యే కాకాణి మాట్లాడుతూచాలా మంది పేద వారికి ఇళ్ల స్థలాలు లేక ఇబ్బందులు పడుతున్న పరిస్థితి.కొంత మంది ప్రభుత్వ భూముల్లో అనధికారికంగా నివాసం ఉంటున్న, వారికి ప్రత్యామ్నాయం చూపించిన తర్వాతే వాటిని తొలగించమని చెప్పడం జరిగింది.ఆ ప్రకారమే ఈప్రాంతంలో పేదలందరికీ ఇళ్లు పంపిణీ చేసేందుకు లే-అవుట్ లో అభివృద్ధి పనులను ప్రారంభించారు.దీంతో లబ్ధిదారులు అందరూ సంతోష పడ్డారు.ఈ పరిస్థితుల్లో ఒక పత్రికలో అసత్యపు కథనాలు ప్రచురితం చేయడం బాధాకరం.ఆంధ్రజ్యోతి పత్రిక ఏ విధంగా నిజాలను వక్రీకరిస్తుందో అనేదానికి ఇదొక ఉదాహరణ.ఈ పత్రికకు విశ్వసనీయత ఏ మాత్రమైన ఉందా!.

ఈ పత్రికలు పేద ప్రజల కోసం పనిచేస్తుందా!, కొందరి స్వార్థ ప్రయోజనాల కోసం పనిచేస్తుందా …!

తెలుగుదేశం వాళ్లు అభివృద్ధిని చూడలేక, వారు చేసే అసత్య ప్రచారాలను పత్రికల్లో రాస్తారా అనేది పత్రిక యాజమాన్యం ఆలోచన చేయాలి.ఇటువంటి పత్రికల వల్ల ప్రజాస్వామ్యానికే ముప్పు వాటిల్లుతుంది.పత్రికలను, పాత్రికేయులను గౌరవిస్తాము, కానీ ఇటువంటి లేని పోనీ అసత్యాలను వ్రాయడం సమంజసం కాదు.కొంత మంది ప్రభుత్వ భూములను ఆక్రమించి ఇతరులకు అమ్మడం, అవి కొందరు పాత్రికేయులకు అనుకూలంగా ఉన్న వారివి కావడంతో వాటిపై అసత్యాలు రాయించడం చేస్తున్నారుఇక్కడ కోట్లు విలువ చేసే స్థలాలు తెలుగుదేశం ప్రభుత్వ హయాంలో బడాబాబుల కబంధ హస్తాల్లో ఉంటే వాటిని విడిపించి అర్హులైన పేదలకు ఇవ్వడం జరుగుతుంది.

గతంలో ఈ భూములను ఆక్రమించిన బడాబాబులపై క్రిమినల్ చర్యలు తీసుకోవడం జరుగుతుంది.

ఆక్రమించిన స్థలాలు పేదలకు ఇస్తున్నారని కొంత మంది కోర్టులకు వెళ్లడం, అధికారులను బెదిరించడం చేస్తున్నారు.సర్వేపల్లి నియోజకవర్గ ఎమ్మెల్యే “తాటాకు చప్పుళ్లకు బెదిరే మనిషి కాదు” అనే విషయాన్ని గుర్తుంచుకోవాలి.పేద వారికి చెందాల్సిన భూములను పేద వారికి చెందే విధంగా చేస్తాను.ఇటువంటి అసత్యపు వార్తలు, అబద్దపు ప్రచారాలను నమ్మవద్దు.తెలుగుదేశం వాళ్లకు అనుకూలంగా ఉండాలనుకుంటే, ఇటువంటి అసత్యాలను కాకుండా తెలుగుదేశం కరపత్రాలు పంపిణీ చేసుకోండి.. మాకు ఎటువంటి అభ్యంతరం లేదు.పత్రిక యాజమాన్యాలు ఇటువంటి దుష్ప్రచారాలు చేయడం సరైన పద్ధతి కాదు.పేద వారికి న్యాయం చేస్తామే తప్ప మరో ఆలోచన చేసేది ఉండదు.ఉగాదికి అర్హులైన పేదలందరికీ ఈ ప్రాంతంలో ఇళ్ల పట్టాలు ఇచ్చే బాధ్యత నాది.ఎవరైనా దొంగ పట్టాలు తెస్తే వారిపై చట్ట ప్రకారం చర్యలు తీసుకోవడం జరుగుతుంది.

ధాన్యం కొనుగోలు కేంద్రాన్ని పరిశీలించిన మార్కెట్ కమిటి వైస్ చైర్మన్

రాపూరు ధాన్యం కొనుగోలు కేంద్రం ను రాపూరు మార్కెట్ కమిటి వైస్ చైర్మన్ సయ్యద్ చాన్ బాషా పరిశీలించారు. ఈ కార్యక్రమంలో కేతాఅమరానాద్ రెడ్డి, రాపూరు మండల వైఎస్సార్సిపి నాయకులు సయ్యద్ సయీద్, ఎన్‌డిడిసి బ్యాంక్‌ పొదలకూరు సూపర్ వైజర్ ఎస్‌.కె. జిలాని బాషా, సిఒ ఎస్‌.పి నరసింహులు, మార్కెట్ కమిటి సిబ్బంది దేవా సహాయం ఆయన వెంట ఉన్నారు.

అంతర్జాతీయ మహిళా దినోత్సవం పై అవగాహన సదస్సు

కేంద్రప్రభుత్వం మహిళా శిశు సంక్షేమం, అభివృద్ది, భద్రత కోసం అనేక పథకాలను అమలు చేస్తున్నవి. లింగ వివక్షతను రూపు మాపడానికి బేటిబటావో-బేటి పడావో పథకాన్ని బాలికల విద్య, ఉపాధి, వివాహ విషయంలో తల్లితండ్రులపై ఆర్థిక భారం తగ్గించేందుకు సుకన్య సమృద్ది యోజన, మహిళల భద్రత, రక్షణ సహాయం అందించడానికి సభా కేంద్రాల ఏర్పాటు, మహిళల పిల్లల్లో పోషకాహార లోపాన్ని నివారించడానికి పోషణా అభియాన్‌ కార్యక్రమం, గర్భవతులకు మాతృ వందన కార్యక్రమం ద్వారా మెటర్నటీ ఆర్ధిక ప్రయోజనం కలుగజేయడంజరుగుతున్నది. 2013 నుండి ప్రభుత్వం చేస్తున్న కృషి ఫలితంగా మాతృత్వ మరణాలు 26.9 శాతం వరకు తగ్గడం జరిగింది. కేంద్ర సమాచార ప్రసార మంత్రిత్వ శాఖకు చెందిన ఫీల్డ్‌అవుట్‌ రీచ్‌ బ్యూరో, నెల్లూరు-ప్రకాశం జిల్లాల కోట మండల యంత్రాంగం సహకారంతో నేడు స్తానిక జెడ్పిపి బాలికల ఉన్నత పాఠశాల ఆవరణలో అంతర్జాతీయ మహిళా దినోత్సవం పురస్కరించుకుని అవగాహన సదస్సును నిర్వహించడం జరిగింది. కార్యక్రమంలో భాగంగా విద్యార్దులకు వ్యాసరచన పోటీలు, రంగోలి, అంగన్వాడీ కార్యకర్తలతో పోషకాహార ప్రదర్శన పోటీలు నిర్వహించడం జరిగింది. పోటీలలో గెలుపొందిన విజేతలకు బహుమతులు, ప్రశంసా పత్రాలు అందజేశారు. అంతకు ముందు విద్యార్ధులు, అంగన్వాడీ కార్యకర్తలు, అధికారులతో ర్యాలీ నిర్వహించారు. ఈ కార్యక్రమంలో కేంద్రప్రభుత్వ క్షేత్రప్రచార అధికారి బి.తారక్‌ ప్రసాద్‌, ప్రిన్సిపల్‌ జూనియర్‌ సివిల్‌ జడ్జి శైలజ, సబ్‌ రిజిస్టార్‌ సుల్తాన్‌ బాషా, ఎం.ఆర్‌.2 మల్లికార్జున, సిడిపిఒ హెనా సృజన, లోక్‌సత్తా ఉద్యమ సంస్థ రాష్ట్ర కమిటీ సభ్యుడు ఎం.మాలకొండారెడ్డి, సీనియర్‌ న్యాయవాది గోపాల్‌రెడ్డి, బార్‌ అసోసియేషన్‌ సెక్రటరి వెంకట నారాయణ, న్యాయవాది అనురాద, ఇంచార్జి హెచ్‌.ఎం., సచివాలయ సిబ్బంది, అంగన్వాడీ సిబ్బంది, ఉపాధ్యాయులు, విద్యార్దులు పాల్గొన్నారు. విద్యార్దులు ప్రదర్శించిన సాంస్కృతిక కార్యక్రమాలు అందరిని ఆకట్టుకున్నాయి.

కుప్పకూలిన ఎస్ బ్యాంక్ షేర్...

ప్రముఖ ప్రైవేటు రంగ బ్యాంక్ గా పేరుపొందిన బ్యాంక్ షేర్ గత రెండు రోజులుగా కుప్పకూలిపోయింది.. బిఎస్‌ఈ సెన్సెక్ ఎన్ఎస్ఈ నిఫ్టీ లో ఆ షేర్ భారీగా నష్టపోయింది.. నెల్లూరులోని ఖాతాదారులు ఇటీవల పరిణామాలతో కాస్త ఆందోళనకు గురయ్యారు రిజర్వ్ బ్యాంకు కూడా బ్యాంకుపై 30 రోజుల మానిటోరియం విధించింది.. ఎస్ బ్యాంక్ ఖాతాదారుల ప్రయోజనాలకు ఏ మాత్రం ఆటంకం ఏర్పడి దాని రిజర్వు బ్యాంకు గవర్నర్ శక్తికాంత దాస్ ప్రకటించారు.. అయితే నెల్లూరులో ఎస్ బ్యాంకు వద్ద కాస్త హడావుడి కనిపించింది

చాకచక్యంగా హత్య కేసులో నింధితుల అరెస్టు

అక్రమ సంబంధానికి అడ్డుగా ఉన్నాడని ప్రియునితో కలసి భర్తను హత్య చేయించిన భార్య

బేర్దారి పనులు చేసుకుంటూ జీవనం సాగిస్తున్న కుటుంబంలో చిచ్చురేపిన అక్రమ సంబంధం

గత నెల 22 న కొత్తూరు దాటిన తరువాత పోలీసు ఫైరింగ్ రేంజి దగ్గర గుర్తు తెలియని మగ మనిషిని చంపి నీళ్ళు లేని కాలువలో 20 అడుగుల లోతులో పడవేసిన శవం ఆనవాలు గుర్తు పట్టలేని విధంగా పెట్రోలు పోసి కాల్చివేసిన కేసులో వేదయపాలెం పిఎస్‌, సిఐ, సెక్టార్- I- ఎస్సై, క్రైమ్ పార్టీ సిబ్బంది చాలా చాకచక్యంగా వ్యవహరించి చేధించి, శుక్రవారం ఉదయం అరెస్టు చేసారు.దర్యాప్తులో భాగంగా నెల్లూరు జిల్లా యస్పి భాస్కర్ భూషణ్ ఆదేశాల మేరకు, నెల్లూరు టౌన్ డిఎస్పి జె.శ్రీనివాసులు రెడ్డి పర్యవేక్షణలో, నెల్లూరు వేదాయపాలెం పి.ఎస్‌, ఇన్స్పెక్టర్ టివి సుబ్బారావు, సబ్ ఇన్స్పెక్టర్ - బి లక్ష్మణ్ రావు, సిబ్బంది ఒక ప్రత్యేక బృందంగా ఏర్పడి దర్యాప్తు కొనసాగించారు. మృతుడు, అతని భార్య భద్రమ్మ శ్రీకాకుళం జిల్లాకు చెందిన వారు. వీరు సుమారు 2 సంవత్సరాల క్రితం బేల్దారు పనులు నిమిత్తమం నెల్లూరుకు వచ్చిఉమ్మారెడ్డి గుంటలో నివాసం వున్నట్లు, మృతుడు బేల్దారు పనులకు వెళ్తున్నట్లు, మృతుని భార్య సుధాకర్ అను బేల్దారు మేస్త్రి వద్దకు కూలి పనులకు వెళ్తున్నట్లు. ఆ క్రమములో ఇరువురు మధ్య సుమారు 6 నెలలు నుండి అక్రమ సంబంధం ఏర్పడినట్లు. సదరు అక్రమ సంబంధం విషయం భద్రమ్మ భర్త అయిన సూర్య నారాయణకి తెలిసి ముందు నచ్చ చెప్పినట్లు, అయిననూ విననందున, వారి బంధువులు అందరికి అక్రమ సంబంధం విషయం చెప్పినందున, మృతుడిపై ద్వేషం పెంచుకొని, సుధాకర్ మరియు మృతుని భార్య కలసి ఒక పథకం ప్రకారం సూర్యనారాయణను చంపివేయాలని నిర్ణయించుకొని, ముందుగానే ఇరువురు పోలీసు పైరింగ్ రేంజి వద్దకు పోయి ప్రదేశంను ఎంచుకొని, ఇక్కడే చంపి కాలువలో వేసి కాల్చి వేయాలని నిర్ణయించుకొని, తేది 12.02.2020 న పథకంలో భాగంగా భద్రమ్మ మృతునితో గోడవపెట్టుకొని, ఇంటి నుండి వెళ్లినట్లు, అదే రోజు సుధాకర్ మృతునికి ఫోన్ చేసి నీకు బేల్దారు పనులు ఇప్పిస్తానని ఆశ చూపించి, పిలిపించుకొని, పనులు ఇచ్చే మేనేజర్ కొత్తూరు ఏరియాలో వున్నాడని చెప్పి, మృతుడుని తీసుకొని పోతూ, మార్గమద్యంలో మద్యం కొనుక్కొని, సదరు నేరస్థలానికి వెళ్లి అక్కడే మద్యం తాగించి, మద్యం మత్తులో వున్న సూర్యనారాయణను బండరాయి తీసుకొని తల వెనుక భాగంలో మరియు ఛాతి పై భాగంలో కొట్టి, వారి పథకం ప్రకారం తీసుకొని పోయిన చవక కర్రతో కూడా ఛాతి భాగం లో కొట్టి, చంపి, కాలువలో పడవేసి ఆనవాలు గుర్తు పట్టకుండా ఉండేందుకు పెట్రోలు పోసి కాల్చి వేసినాడు. దర్యాప్తులో ఈ రోజు ఏ1, ఏ2 లను అరెస్టు చేసినారు. సదరు ముద్దాయిల అరెస్టు విషయంలో కృషి చేసిన క్రైమ్ పార్టీ సిబ్బంది ఏఎస్‌ఐ ప్రసాద్, హెచ్‌సి లు సుధాకర్, విజయ మోహన్, జిలాని, పిసి లు గోపాలయ్య, మస్తాన్, డబ్ల్యూపిసి వాసవి లకు రివార్డులను ఎస్పీ కి సిఫారసు చేయడమైనది.