Ravikiranalu TV

నెల్లూరు జిల్లా అడిషనల్ యస్పి గా వెంకటరత్నం

బుధవారం నూతన జిల్లా పోలీసు కార్యాలయం నందు నెల్లూరు జిల్లా అడిషనల్ యస్పి అడ్మిన్ గా పి.వెంకటరత్నం భాధ్యతలు స్వీకరించారు. అనంతరం యస్.బి., డిపిఓ సిబ్బంది, డి.సి.ఆర్.బి., ఎ.ఆర్., హోం గార్డ్, సి.సి.సి., సైబర్ టీం, ఐటి కోర్ టీం తదితర అన్నీ విభాగాల అధికారులు మరియు సిబ్బంది కలిసి శుభాకాంక్షలు తెలిపారు. వెంకటరత్నం 2010 బ్యాచ్ లో డియస్పి గా ఎంపికై, విజయనగరంలో డియస్పి గానూ, విశాఖపట్నం లో సిఐడి- డియస్పి గా 4 సంవత్సరాలకు పైగా పని చేసి తనదైన ముద్ర వేశారు. ప్రమోషన్ పై నెల్లూరు జిల్లాకు అడిషనల్ యస్పి(అడ్మిన్) గా విచ్చేశారు.

హౌస్‌ ఫర్ ఆల్ స్కీం గృహాలను సందర్శించిన చెన్నారెడ్డి మనుక్రాంత్

వెంకటేశ్వరపురం జనార్ధనరెడ్డి కాలనీ హౌస్ ఫర్ ఆల్ స్కీము గృహాలను జనసేన రాష్ట్ర అధికార ప్రతినిధి చెన్నారెడ్డి మనుక్రాంత్ సందర్శించారు. వేల కోట్ల రూపాయలతో గృహ వసతి లేని పేదలకు ఇళ్లు ఇవ్వాలనే ఉద్దేశంతో కేంద్ర ప్రభుత్వం వారు ఎల్‌ అండ్‌ టి వారిచే నిర్మించబడిన అపార్ట్మెంటులు, ఎస్‌ఎఫ్‌టి కి 1300 రూపాయలు వసూలు చేయాల్సి ఉండగా దానికి పైనే బ్లాక్ లో నడిచినట్లు అంచనాలు జరిగి కేవలం ఒక పార్టీ ప్రజలకు మాత్రమే ఈ పంపకాలు జరిగాయి అని అభియోగంతో కోర్టుని ఆశ్రయించి నిలిపివేశారు. ఉగాదికి హౌస ఫర్ ఆల్ స్కీమ్ కింద గృహల పంపిణీ చేస్తామని చెప్పిన వైసీపీ ప్రభుత్వం,వీటిని కూడా పంచనుందా, మరి అదే నిజమైతే పాత జాబితాలో వారికి కేటాయించినుందా,లేక కొత్త జాబితా ప్రకటించనున్నదా.. తమకున్న చిన్న వస్తువులను తాకట్టు పెట్టి,లేక అమ్మి ఇళ్లు కోసం అడ్వాన్స్ లు కట్టిన పేదలకు ప్రభుత్వం పేద ప్రజలకు జవాబు చెప్పాల్సిన బాధ్యత ఉంది అని చెన్నారెడ్డి మనుక్రాంత్ తెలిపారు.ఈ విషయంలో పేద ప్రజలకు అన్యాయం జరగకుండా త్వరలో కలెక్టర్ ని కలవనున్నామని తెలిపారు.ఈ కార్యక్రమంలో మనుక్రాంత్ తో పాటు జనసేన నాయకులు పాల్గొన్నారు.

భూములు సంతోషంగా ఇవ్వాలి..అవసరమైతే రూపాయి ఎక్కువిచ్చి తీసుకోండి: సీఎం జగన్

భూ సేకరణ చేసే విషయంలో మానవతా దృక్పథంతో వ్యవహరించాలని సీఎం జగన్ కలెక్టర్లకు సూచించారు. భూ యజమానిని సంతోష పెట్టి భూమి తీసుకోవాలే గానీ వారిని బాధ పెట్టి భూమిని తీసుకోవద్దనీ..అవసరమైతే భూమి గలవారికి ఒక రూపాయి ఎక్కువ ఇచ్చి తీసుకోవాలని సూచించారు. పేదలకు ఇళ్ల స్థలాల రూపంలో మనం మంచి కార్యక్రమం చేస్తున్నామని, దాని కోసం ఎవరి ఉసురూ మనకు తగలకూడదని..దాని కోసం భూ సేకరణ విషయంలో జాగ్రత్తగా వ్యవహరించాలని చెప్పారు. మంగళవారం (ఫిబ్రవరి 25,2020)‘స్పందన’పై సచివాలయం నుంచి వీడియో కాన్ఫరెన్స్‌ ద్వారా జిల్లా కలెక్టర్లు, ఎస్పీలు, ఉన్నతాధికారులతో ఉన్నత స్థాయి సమీక్ష నిర్వహించారు. ఈ సందర్భంగా జిల్లాల వారీగా ఇళ్ల స్థలాల ప్రగతిని సమీక్షిస్తూ.. ఏ జిల్లా కలెక్టరు కూడా తమ వద్ద నుంచి భూముల్ని అన్యాయంగా లాక్కున్నారనే మాట వినిపించకూడదని స్పష్టం చేశారు. ఇళ్ల పట్టాల కార్యక్రమంలో ఎదురయ్యే సమస్యలను తక్షణమే పరిష్కరించడానికి వివిధ జిల్లాలకు సీఎస్‌ సహా సీఎం కార్యాలయ ఉన్నతాధికారులను నియమించామని ఆదేశించారు. దీంట్లో భాగంగా..మార్చి 1 నాటికి ఇళ్ల స్థలాల కోసం తీసుకున్న భూములను పొజిషన్‌లోకి తీసుకోవాలని కలెక్టర్లకు సూచించారు. వీలైనంత త్వరగా భూమిని సమీకరించాలనీ..ప్లాట్లు మార్కింగ్‌ చేసి ఉంటే, వెంటనే లాటరీ ద్వారా లబ్ధిదారులకు కేటాయించాలన్నారు. ఉగాది కానుకగా పేదలకు మార్చి 25న పట్టాల పంపిణీ చేస్తామని జగన్ తెలిపారు.సమయం అతి తక్కువగా ఉందని యుద్ధ ప్రాతిపదికన పనులు చేయకపోతే అనుకున్న సమయానికి ఇళ్ల స్థలాలు పంపిణీ చేయలేమని కాబట్టి త్వరగా పనులు పూర్తిచేయాలని ఆదేశించారు. ఇళ్ల పట్టాల కోసం గుర్తించిన భూములను వెంటనే అభివృద్ధి చేసి ప్లాట్లు డెవలప్‌ చేయాలని చెప్పారు.

జాతీయ దేశభక్తి పాదయాత్రలో మధురై వాసులు

ప్రగతి సేవా సంస్థ గూడూరు ఆధ్వర్యంలో మహాత్మా గాంధీజీ జీవిత చరిత్ర యొక్క జాతీయ దేశభక్తి పాదయాత్రను తమిళనాడులోని మధురై వాసులు గాంధేయవాదులు కురుప్పయ్య, చరిత్ర దంపతులు జిల్లాలోని సీతమ్మ పాలెం గాంధీ, కస్తూర్బా జి ఆశ్రమం నుండి గాంధీ జీవిత చరిత్ర పాదయాత్ర ప్రారంభించి మంగళవారం గూడూరుకు విచ్చేసిన వీరికి ప్రగతి సేవా సంస్థ ఘన స్వాగతం పలికి గాంధీ మహాత్మునికి పూలమాలవేసి నివాళులర్పించారు. అనంతరం వీరి పాదయాత్రలో పాల్గొని వారికి ఘన వీడ్కోలు తెలియజేశాము. ఈ పాదయాత్ర కార్యక్రమం మార్చి 12వ తేదీ వరకు కొనసాగి హైదరాబాద్ గాంధీ భవన్ వరకు చేరుతుంది. ఇది 45 రోజులు 1000 కిలోమీటర్లు ఈ పాదయాత్ర కొనసాగుతుంది. ఈ కార్యక్రమానికి అధ్యక్షుడు కడివేటి చంద్రశేఖర్, ఉపాధ్యక్షుడు వేమారెడ్డి సురేంద్రనాథరెడ్డి, సెక్రెటరీ జి.చంద్రశేఖర్, ట్రెజరర్ కాటూరి శ్రీనివాసులు, సభ్యులు వాకాటి రామ్మోహన్,ఎమ్‌.మస్తానయ్య ఎస్‌ఎల్‌వి ప్రసాద్, గిరి, చిరంజీవి గౌడ్, మురళి తదితరులు పాల్గొన్నారు.

నేషనల్ హైవే అధికారులతో ఎంపీ సమీక్ష

చిల్లకూరు మండలం తిప్పాగుంట పాలెం చెరువుకు పంబలేరు నుండి ఉన్న సప్లై ఛానల్ ను నేషనల్ హైవే వారు రోడ్డు డైవర్షన్ పనులు చేస్తూ కాలువ పూడ్చివేయాగ, తిప్పగుంటపళ్ళెం రెతులు ఎంపీ బల్లి దుర్గాప్రసాద్ రావు దృష్టికి తీసుకువెళ్లగా ఎంపీ స్పందించారు. నేషనల్ హైవే అధికారులను, నీటిపారుదల శాఖ అధికారులను, రైతులను తన కార్యాలయానికి పిలిపించుకుని సమీక్ష చేయడం జరిగింది. క్షేత్రస్థాయిలో రైతులతో కలిసి బుధవారం నాడు అధికారులను పరిశీలించాలని ఆదేశించారు. రోడ్డు పని పూర్తయ్యేంత వరకు రైతులకు ఇబ్బంది లేకుండా తాత్కాలిక ఏర్పాటు చేయవలసిందిగా సూచించారు. నివేదిక తయారు చేసినట్లు అయితే ఈ విషయమై జిల్లా కలెక్టర్ దృష్టికి తీసుకువెళ్లి సమస్యలు పరిష్కారం అయ్యే విధంగా చర్యలు తీసుకోవాలని తెలిపారు. ఈ కార్యక్రమంలో నేషనల్ హైవే, నీటిపారుదల శాఖ అధికారులతో పాటు నాయకులు వేమారెడ్డి మురళీ మోహన్ రెడ్డి, గూడూరు శ్రీనివాసులు రెడ్డి వాణిజ్య విభాగ కన్వీనర్ నందవారం సుబ్బారావు, రెతులు సనత్ రెడ్డి అశోక్, కిషోర్ తదితరులు పాల్గొన్నారు.

వికేంద్రీకరణతో అన్ని ప్రాంతాలు అభివృద్ది

నెల్లూరు జిల్లా, వై.యస్.ఆర్.కాంగ్రెస్ పార్టీ జిల్లా కార్యాలయంలో ఆంధ్రప్రదేశ్ శాసన సభా హక్కుల కమిటీ చైర్మన్,వైయస్సార్సీపీ జిల్లా అధ్యక్షులు సర్వేపల్లి శాసన సభ్యులు కాకాణి గోవర్ధన్ రెడ్డి విలేకరుల సమావేశంలో మాట్లాడారు.వై.యస్.ఆర్.కాంగ్రెస్ పార్టీ అధికారంలోకి వచ్చిన తరువాత అనేక అభివృద్ధి, సంక్షేమ కార్యక్రమాలు ప్రజలకు చేరువయ్యాయి. భవిష్యత్తులో ఆంధ్ర ప్రదేశ్ కు ఎటువంటి సమస్యలు తలెత్తకుండా "పరిపాలన వికేంద్రీకరణ" అనే చరిత్రాత్మక నిర్ణయాన్ని తీసుకున్నారు.గత చేదు జ్ఞాపకాలను, అనుభవాలను ఎన్నో చూశాం.అందరం కలిసి అభివృద్ధి చేసుకున్న హైదరాబాద్ ను అక్కడ ఏర్పడిన ప్రాంతీయ వాదం వల్ల విడిపోయి, కట్టుబట్టలతో వచ్చాము.అటువంటి ఏర్పాటువాద ఆలోచన రాకుండా, అన్ని ప్రాంతాలు అభివృద్ధి చెందాలని పరిపాలన వికేంద్రీకరణకు జగన్మోహన్ రెడ్డి శ్రీకారం చుట్టారు.చంద్రబాబు మాత్రం ఆయన స్వలాభం కోసం, అక్రమ ఆస్తుల పోతాయని ప్రజలను రెచ్చగొట్టే ప్రయత్నాలు చేస్తున్నాడు.చంద్రబాబుకు రాష్ట్రంలోని అన్ని ప్రాంతాలు అభివృద్ధి చెందడం ఇష్టంలేక పెయిడ్ ఆర్టిస్టులతో వైయస్సార్సీపీ ఎమ్మెల్యేలపై దాడులు చేయిస్తున్నాడు.చంద్రబాబుకు మానవ వనరుల అభివృద్ధి సూచిక అంటే ఏంటో కూడా తెలియని పరిస్థితి!.అనేక రకాల కమిటీలు కూడా రాష్ట్రంలో పరిపాలన వికేంద్రీకరణ జరగాలని సూచించాయి.చంద్రబాబు మాత్రం రాష్ట్రం ప్రశాంతంగా ఉండకూడదనే విధంగా కక్ష్య సాధింపు చర్యలకు పాల్పడుతున్నాడు.గత ప్రభుత్వంలో, గత పాలకులు అమరావతిలో పొలాలు ఎందుకు కొన్నారో సమాధానం చెప్పలేని పరిస్థితి!.చంద్రబాబు రాష్ట్ర ప్రయోజనాల కన్నా స్వార్ధ ప్రయోజనాల కోసమే పాకులాడుతున్నాడు.తాత్కాలిక రాజధాని, తాత్కాలిక అసెంబ్లీ అని గతంలో స్వయంగా చంద్రబాబు చెప్పిన పరిస్థితి.చంద్రబాబు మాటలు మార్చడం, అబద్ధాలు చెప్పడంలో, మోసాలు చేయడంలో దిట్టా.ప్రజా చైతన్య యాత్ర అంటూ చంద్రబాబు మతి భ్రమించి మాట్లాడుతున్నాడు. పేద విద్యార్థులకు ఉపయోగపడే ఇంగ్లీష్ విద్యా, యస్.సి.,యస్.టి. లకు ప్రత్యేక కార్పొరేషన్ ల ఏర్పాటుకి చంద్రబాబు అడ్డుకుంటున్నాడు.

రాష్ట్రాభివృద్ధి కోసం ఏనాడు గాజులు అమ్మని వారు,స్వలాభం పొందాలని, అమరావతి కోసమంటూ నటిస్తున్నారు.జగన్మోహన్ రెడ్డి అన్ని ప్రాంతాల్లో అభివృద్ధి జరిగేలా పని

చేస్తున్నారు.కానీ చంద్రబాబు మాత్రం సొంత ప్రయోజనాల కోసం రాష్ట్రంలో అశాంతి సృష్టించేందుకు ప్రయత్నాలు చేస్తున్నాడు.గత ఐదు సంవత్సరాలలో 5 వేల కోట్లు మాత్రమే ఖర్చు చేసిన చంద్రబాబు, ఈ లెక్కన అమరావతిలో అభివృద్ధి చేయాలంటే ఎన్ని సంవత్సరాలు పడుతుంది!.పరిపాలన వికేంద్రీకరణ తోనే రాష్ట్రంలోని అన్ని ప్రాంతాలు అభివృద్ధి చెందుతాయి.ముస్లింలకు వైయస్సార్సీపీ అండగా ఉంటుందని ఈ సందర్భంగా

ఎమ్మెల్యే కాకాణి తెలియజేశారు.

నెల్లూరు ఎంపీ ని కలిసిన ఉదయగిరి ఎమ్మెల్యే

నెల్లూరు ఎంపీ ఆదాల ప్రభాకర్ రెడ్డిని ఉదయగిరి ఎమ్మెల్యే మేకపాటి చంద్రశేఖర్ రెడ్డి మంగళవారం ఆయన స్వగృహంలో కలిశారు. ఈ సందర్భంగా తన నియోజకవర్గ సమస్యలను ఆయనకు నివేదించారు. ఒక అరగంట పాటు వారి మధ్య సమావేశం జరిగింది. విజయ డైరీ చైర్మన్ రంగారెడ్డి కూడా పాల్గొన్నారు.