Ravikiranalu TV

ఉచిత వాహన సేవలపై సంతృప్తి

నెల్లూరు, జనవరి 27, (రవికిరణాలు) : నగర పాలక సంస్థకు విచ్చేసే వృద్ధులు, మహిళల సౌకర్యార్థం నూతనంగా ఏర్పాటు చేసిన ఉచిత వాహన సేవల పట్ల ప్రజలు హర్షం వ్యక్తం చేస్తున్నారు. గణతంత్ర దినోత్సవాన్ని పురస్కరించుకుని వాహన సేవలను కమిషనర్ పివివిస్ మూర్తి ప్రజలకు అందుబాటులోకి తెచ్చారు. కార్యాలయ ప్రధాన ద్వారం నుంచి ప్రాంగణం వరకు నిరంతరం నడిచేలా వాహనాన్ని సిద్ధం చేసి ప్రత్యేకంగా ఒక డ్రైవరును కేటాయించారు. సోమవారం జరిగిన స్పందన కార్యక్రమానికి విచ్చేసిన పలువురు వృద్ధులు ఉచిత వాహన సౌకర్యాన్ని పొంది సంతృప్తిని వెలిబుచ్చారు.

వ్యవసాయ శాఖ అధికారులతో కలెక్టర్‌ సమీక్ష

నెల్లూరు, జనవరి 27, (రవికిరణాలు) : జిల్లాలో ధాన్యం కొనుగోలు కేంద్రాలను ఫిబ్రవరి మాసం నుండి ఏర్పాటు చేస్తున్న దృష్ట్యా, ధాన్యం కొనుగోలు కేంద్రాల ఏర్పాట్లపై వారం వారీగా షెడ్యూల్ ను కూడా విడుదల చేయాలని జిల్లా కలెక్టర్ యం.వి.శేషగిరి బాబు, మార్కెటింగ్ శాఖ, పౌర సరఫరాల శాఖ అధికారులను ఆదేశించారు. సోమవారం ఉదయం జిల్లా కలెక్టర్ క్యాంపు కార్యాలయంలో మార్కెటింగ్, పౌర సరఫరాల శాఖ, వ్యవసాయ శాఖ అధికారులతో ఏర్పాటు చేసిన సమావేశంలో జిల్లా కలెక్టర్ యం.వి.శేషగిరి బాబు, ధాన్యం కొనుగోలు కేంద్రాల ఏర్పాట్లపై అవసరమైన ఎక్యుప్ మెంట్ ఏర్పాట్ల పై సంబంధిత అధికారులతో సమీక్షించారు. ఈ సందర్భంగా జిల్లా కలెక్టర్ మాట్లాడుతూ ఈ సీజన్ లో వరి పంట ఫిబ్రవరి నెల నుండి కోతకు వచ్చే అవకాశం ఉన్నందున, ఏ మండలంలో ఎన్ని ధాన్యం కొనుగోలు కేంద్రాలు ఏర్పాట్లు చేస్తున్న విషయం పై ఫిబ్రవరి మాసం నుండి వారం వారీగాషెడ్యూల్‌ను విడుదల చేసి, అందుకనుగుణంగా ధాన్యం కొనుగోలు కేంద్రాల ఏర్పాటుకు పటిష్టమైన చర్యలు చేపట్టాలన్నారు. ధాన్యం కొనుగోలు కేంద్రాల ఏర్పాట్లపై రైతుల్లో అవగాహన కల్పించేలా కరపత్రాలు, వాల్ పోస్టర్స్, బ్యానర్స్ ద్వారా విస్తృత స్థాయిలో ప్రచార కార్యక్రమాలు చేపట్టాలని జిల్లా కలెక్టర్, పౌర సరఫరా శాఖ అధికారులను ఆదేశించారు. సంబంధిత అధికారులు క్షేత్ర స్థాయిలో పర్యటించి ధాన్యం కొనుగోలు కేంద్రాల ఏర్పాట్లపై పరిశీలించి, పటిష్టమైన చర్యలు చేపట్టాలన్నారు. ఈ సమావేశంలో డి.సి.సి.బి. సి.ఇ.ఓ. కె.వి.రమణా రెడ్డి, డి.ఎస్.ఓ. బాలకృష్ణారావు, పౌరసరఫరాల శాఖ డి.యం.రోజ్ మాండ్, మార్కెటింగ్ శాఖ ఎడి బి.రావమ్మ, తదితరులు పాల్గొన్నారు.

మూడు రాజధానులకు మద్దతుగా బైక్ ర్యాలీ

నెల్లూరు, జనవరి 27, (రవికిరణాలు) : శాసనసభ, శాసనమండలి సాక్షిగా తెలుగుదేశం పార్టీ ప్రజాస్వామ్య విలువలను హరించినందుకు నిరసనగా రాష్ట్ర జలవనరుల శాఖ మంత్రి డా|| పి.అనీల్ కుమార్, నెల్లూరు రూరల్ శాసనసభ్యులు కోటంరెడ్డి శ్రీధర్ రెడ్డి పిలుపు మేరకు ఎస్ఆర్సిపి యువజన విభాగం జిల్లా అధ్యక్షులు పి.రూప కుమార్ యాదవ్ ఆధ్వర్యంలో నగరంలోని గాంధీబొమ్మ నుంచి మద్రాస్ బస్టాండు, కె.వి.ఆర్. పెట్రోల్ బంకు, ఆర్టిసి, వీఆర్సీ,రామలింగాపురం, మినీ బైపాస్ మీదుగా విజయమహల్ గేటు వరకు యువజన విభాగం నాయకులు బైక్ ర్యాలీ నిర్వహించారు. ఈ కార్యక్రమంలో పార్టీ నగర అధ్యక్షులు తాటి వెంకటేశ్వరరావు, యువజన విభాగ నగర అధ్యక్షులు గంధం సుధీర్ బాబులు పాల్గొని మాట్లాడారు.ఈ సందర్భంగా తాటి వెంకటేశ్వరరావు మాట్లాడుతూ 2014లో విడిపోయినటువంటి ఆంధ్ర రాష్ట్రాన్ని కొత్త ప్రభుత్నం ఏర్పాటు చేసిన చంద్రబాబునాయుడు అమరావతిని సింగపూర్‌లా చేస్తానని మాయమాటలు చెప్పి అమరావతిని భ్రమరావతిగా చూపించారన్నారు. కేవలం తన బినామీలకు ముందుగా రాజధాని విషయం తెలిపి ఆస్తులు కూడబెట్టి అమరావతిని ఏర్పాటు చేయడం జరిగిందన్నారు. ఉమ్మడి రాష్ట్రంగా ఉన్నప్పుడు హైదరాబాద్ ను మాత్రమే అభివృద్ధి చేశారని, రాష్ట్రం విడిపోయినప్పుడు మన రాష్ట్రం అనాథగా మిగిలిపోవడం ప్రజలందరూ చూశారన్నారు. ఇలాంటి పరిణామాలు పునరావృతం కాకుండా ముఖ్యమంత్రి రాష్ట్రంలో 3 రాజధానులు ఏర్పాటు చేస్తుండడం హర్షించదగ్గ విషయమన్నారు. రాష్ట్రంలో 3 రాజధానులు ఏర్పాటు చేస్తే కేవలం అమరావతిలో భూములు కొన్న టిడిపి నాయకుల బినామీలు మాత్రమే వ్యతిరేకిస్తూ 3 రాజధానులు వద్దంటూ నాటకాలాడుతున్నారన్నారు.గంధం సుధీర్ బాబులు మాట్లాడుతూ ముఖ్యమంత్రి వైఎస్.జగన్మోహన్ రెడ్డి సుదీర్ఘంగా ప్రజాసంకల్ప యాత్ర చేస్తూ ప్రతి ప్రాంతంలోని సమస్యలు తెలుసుకొని, ఏ ప్రాంతాలైతే వెనుకబడి ఉన్నాయో, ఏవి అభివృద్ధి చెందలేదో దానిపై ఏమి చేయాలన్న ఆలోచన చేశారన్నారు.రాష్ట్రానికి 3 రాజధానులుంటే వెనుకబడిన ప్రాంతాలు, అలాగే అభివృద్ధి చెందిన వైజాగ్ ప్రాంతంలో రాజధాని ఏర్పాటు చేస్తే ఆర్థిక వనరులకు సరిపడే విధంగా ఆంధ్ర రాష్ట్రానికి వచ్చే ఆదాయం బాగుంటుందని ముఖ్యమంత్రి జగన్మోహన్ రెడ్డి ఆలోచించడం హర్షించదగ్గ విషయమన్నారు. అమరావతిని తీసేస్తామని ఎక్కడా ప్రకటించలేదన్నారు. వైజాగ్ ను రాజధాని చేస్తే రాష్ట్రం సుభిక్షంగా ఉంటుందని, పరిపాలన బాగుంటుందన్న మంచి ఆలోచనతో ముఖ్యమంత్రి 3 రాజధానుల నిర్ణయం తీసుకున్నారన్నారు. ప్రభుత్వం ఏర్పడిన 7 నెలల్లోనే ఇంత అభివృద్ధి చెందితే మరో నాలుగున్నరేళ్ళలో ఇంకా అభివృద్ధి చేస్తారని, దీంతో ఓర్వలేక టిడిపి నాయకులు
ఇష్టమొచ్చినట్లు ప్రకటనలిస్తూ ప్రజలను ప్రలోభపెడుతున్నారన్నారు. అందుకు నిరసనగా 3 రాజధానులుంటే రాష్ట్రాభివృద్ధి ఉంటుందన్న ఉద్దేశ్యంతో మంత్రి అనీల్ కుమార్, ఎమ్మెల్యే కోటంరెడ్డి శ్రీధర్ రెడ్డి పిలుపు మేరకు 3 రాజధానులకు మద్దతుగా యువజన విభాగం, వైఎస్ఆర్ సిపి నాయకులు బైక్ ర్యాలీ నిర్వహించడం జరిగిందన్నారు. ఈ కార్యక్రమంలో వంగాల శ్రీనివాసులురెడ్డి, మజ్జిగ జయకృష్ణారెడ్డి, చేజర్ల మహేష్, బోయిళ్ళ సురేష్ రెడ్డి, సాకేష్ రెడ్డి, బి.హరిప్రసాద్ నాయుడు, యాకసిరి శరత్ చంద్ర, సింహాద్రి, మదన్, శేషు, పెంచలరెడ్డి, మల్లి, శైలేంద్ర, నాగరాజారెడ్డి, మేకల సతీష్, తదితరులు పాల్గొన్నారు.

వెల్లంటిలో ఘనంగా రిపబ్లిక్ డే వేడుకలు

వెల్లంటి, జనవరి 26, (రవికిరణాలు) : నెల్లూరు రూరల్ మండలం జెడ్పి ఉన్నత పాఠశాలలో పాతవెల్లంటి నందు నేడు గణతంత్ర దినోత్సవ వేడుకలు ఘనంగా నిర్వహించారు. ప్రధానోపాధ్యాయులు దొడ్ల జయరామనాయుడు జాతీయ జెండా ఎగురవేశారు. జండా వందనం స్వీకరించారు.పాఠశాల విద్యార్థులు మార్చ్ పాస్ట్ నిర్వహించారు.ముఖ్య అతిధులుగా విశ్రాంత ఎమ్‌ఈఓ కొండయ్య, మార్కెటింగ్ డైరెక్టర్ మురళి రెడ్డి, మాజీ ఎమ్‌పిటిసి నాయకులు పాదర్తి సుధాకర్, కొత్త వెల్లంటి వైసిపి నాయకులు పరందామరెడ్డి, పేరెంట్స్ కమిటీ చైర్మన్ వణ్ణం రవి, గ్రామ పెద్దలు, పేరెంట్స్,ఉపాధ్యాయులు,విద్యార్థులు పాల్గొన్నారు. వివిధ రకాల పోటీలలో విజేతలకు బహుమతులు,స్వీట్స్ పంపిణీ చేయడం జరిగింది.

నిషేదిత గుట్కా, గంజాయి వ్యాపారస్ధుడి అరెస్ట్‌

నెల్లూరు, జనవరి 26, (రవికిరణాలు) : నెల్లూరు జిల్లా సూపరింటెండెంట్ అఫ్ పోలీస్ భాస్కర్ భూషణ్ వారి ఉత్తర్వుల మేరకు నెల్లూరు పట్టణంలో ప్రభుత్వ నిషేదిత పదార్ధాలైన ప్రాణాలకు హాని కలిగించే గుట్కా, పొగాకు గంజాయి వంటి ఉత్పత్తులను ప్రభుత్వ ఆదేశాలకు వ్యతిరేఖంగా అమ్ముతున్న వారి పై ఉక్కుపాదాలను మోపాలని నెల్లూరు పట్టణ సట్ డివిసినల్ పోలీస్ ఆఫీసర్ జె.శ్రీనివాసులు రెడ్డి వర్యవేక్షణలో, చిన్నబజారు పి.యస్. సి.ఐ ఎమ్.మధుబాబు వారి సిబ్బందితో కలిసి నిషేధిత పదార్ధాలైన గుట్కా పాన్ మసాలా, జర్ద మరియు గంజాయిని నిల్వ చేసి ఇంటిని సైతం గుడాన్ గా మార్చి బడ్డీ బంకు ముసుగులో వ్యాపారం చేస్తున్న ముద్దాయి నాగలాపురం వెంకటేషన్ ఇంటివద్దనే అరెస్టు చేసి అతని ఇంటిలో నిల్వ ఉంచిన సుమారు రూ.260000 విలువ చేసే గుట్కా పాన్ మసాలా, జర్దా 190 టిన్నులు, 83767 సాచెట్లు, సుమారు రూ.20000 విలువ చేసే మత్తు పదార్ధమైన 2కిలోల గంజాయిని స్వాధీన పరుచుకున్నారు. ముద్దాయి ప్రభుత్వ నిషేదిత పదార్ధాలను కర్ణాటక రాష్ట్రంలోని బెంగుళూరు, ఆంధ్రలోని వైజాగ్ ఏజన్సీ ప్రాతాలనుండి తీసుకు వచ్చి పట్టణంలో వివిధరకాలుగా వ్యాపారం చేస్తున్నట్లుగా విచారణలో తెలిపినాడు.

కమల్ సేవా సమితి ఆధ్వర్యంలో రక్తదాన శిబిరం

నెల్లూరు రూరల్ నియోజకవర్గం లోని కొత్తూరు సెంటర్లో కమల్ సేవా సమితి ఆధ్వర్యంలో ఏర్పాటుచేసిన జెండా వందనం, రక్తదాన శిబిరాన్నినెల్లూరు రూరల్ ఎమ్మెల్యే కార్యాలయం ఇన్చార్జ్ కోటం రెడ్డి గిరిధర్ రెడ్డిప్రారంభించారు. ప్రమాదపు సమయాల్లో ప్రాణాలను నిలబెట్టుకునేందుకే ఈ రక్తదానం ఎంతో సహాయం చేస్తుంది కాబట్టి యువతలో అవగాహన పెరగాలని కోటంరెడ్డి గిరిధర్ రెడ్డి అన్నారు. ఇటువంటి రక్తదాన శిబిరాలను ఏర్పాటు చేస్తున్న కమల్ సేవా సమితికి కృతజ్ఞతలు తెలియజేస్తున్నానని నెల్లూరు రూరల్ ఎమ్మెల్యే కార్యాలయం ఇన్చార్జ్ కోటంరెడ్డి గిరిధర్ రెడ్డి పేర్కొన్నారు.

మై ఫ్రెండ్స్ అసోసియేషన్‌కు ప్రశంస పత్రం

ఆదివారం 71 వ గణతంత్ర దినోత్సవాన్ని పురస్కరించుకుని గూడూరు అల్లూరు ఆదిశేషారెడ్డి స్టేడియంలో సబ్ కలెక్టర్ రోనంకి గోపాలకృష్ణ అధ్యక్షతన మై ఫ్రెండ్స్ అసోసియేషన్ గత 8 సంవత్సరాలుగా చేస్తున్న సేవ కార్యక్రమాలను గుర్తించి అతిధిలుగా గూడూరు ఎమ్మెల్యే వరప్రసాద్, మున్సిపల్ కమిషనర్ ఓబులేసు,గూడూరు డిఎస్పి భవానీ హర్షల చేతుల మీదుగా ప్రశంస పత్రం అందించడం జరిగింది.