Ravikiranalu TV

మడమనూరు లో భారీ చోరీ

నెల్లూరు జిల్లా మనుబోలు మండలం మడమనూరులో కొండూరు విజయమ్మ ఇంట్లో భారీ చోరీ, 61సవర్ల బంగారు ఆభరణాలు, రూ.30,000 నగదు అపహరణ, పోలీస్ స్టేషన్ లో ఫిర్యాదు చేసిన బాధితురాలు, ఘటనా స్థలానికి చేరుకుని విచారణ చేపడుతున్న పోలీసులు....

బేటీ బచావో... బేటీ పడావో... లో ఐసీడీఎస్ అధికారిణి హేన సుజన

బేటి బచావో, బేటి పడావో

అత్యాచార బాధితులకు సత్వర న్యాయం అందించేందుకు దిశ చట్టం-2019 చేయడం

జరిగిందని కోట ఐ సీ డీ యస్ ప్రాజెక్టు అధికారిణి శ్రీమతి బీ. హెనా సూజన్ అన్నారు.

చిట్టేడు లో ని హై స్కూల్ లో దిశ చట్టం పై అవగాహన కార్యక్రమాన్ని నిర్వహించారు. వారు మాట్లాడుతూ మహిళలకు ఆడపిల్లలకు రక్షణ కల్పించడానికి నం 1 ద్వారా పోలీసు,112 ద్వారా దిశ హెల్ప్ లైన్,181 ద్వారా మహిళా హెల్ప్ లైన్ సహాయం అందిస్తాయి అన్నారు.ఈ విషయాన్ని దిశ మాసం కింద ప్రత్యేక అవగాహన కార్యక్రమాలను చేపడతామన్నారు. వన్ స్టాప్ సెంటర్ ను దిశ గా మార్చడం జరిగింది అని తెలిపారు.ఈ కార్యక్రమంలో సి డి పీ ఓ గారు, సూపర్ వైజర్,అంగన్వాడీ కార్యకర్తలు, చిట్టే డు హై స్కూల్ హెడ్ మాస్టర్ గారు, టీచర్ లు, కిషోరీ బాలికలు,విద్యార్థులు, స్కూల్ చైర్మన్,వైస్ చైర్మన్ లు పాల్గొన్నారు

నైతికత, సాధికారతను కల్పించే విద్య నేటి అవసరం

- విద్యావిధానంలో మార్పుల కోసం విశ్వవిద్యాలయాలు దృష్టిపెట్టాలి
- ప్రపంచ ఉత్తమ విద్యాలయాల జాబితాలో చోటు దక్కించుకోవాలి
- చదువుతోపాటు, సామాజిక బాధ్యతనూ యువత అలవరచుకోవాలి
- విక్రమ సింహపురి విశ్వవిద్యాలయ స్నాతకోత్సవంలో గౌరవ ఉపరాష్ట్రపతి ముప్పవరపు వెంకయ్యనాయుడు
నెల్లూరు, జనవరి 21 : ప్రపంచస్థాయి విద్యాసంస్థలతో దీటుగా భారతీయ విద్యాసంస్థలు, యూనివర్సిటీలు పోటీపడాలని ఇందుకోసం విద్యావిధానంలో మార్పు రావాల్సిన అవసరం ఉందని గౌరవ ఉపరాష్ట్రపతి శ్రీ ముప్పవరపు వెంకయ్యనాయుడు పేర్కొన్నారు. నైతికత, విలువలతో కూడిన విద్యద్వారానే సాధికారత సాధ్యమవుతుందని.. కేవలం ఉపాధికల్పన ఒక్కటే విద్య అంతిమ లక్ష్యం కాకూడదన్నారు. నెల్లూరులోని విక్రమ సింహపురి విశ్వవిద్యాలయం స్నాతకోత్సవానికి ఉపరాష్ట్రపతి ముఖ్య అతిథిగా హాజరయ్యారు. ప్రపంచ అత్యున్నత యూనివర్సిటీల జాబితాలో స్థానం సంపాదించుకునేందుకు వర్సిటీలు, విద్యాసంస్థలు మరింతగా శ్రమించాల్సిన అవసరముందన్నారు. ఒకప్పుడు విశ్వగురుగా ఉన్న భారత్.. ప్రపంచ అత్యుత్తమ యూనివర్సిటీలైన నలంద, తక్షశిల వంటి విద్యాకేంద్రాల ద్వారా ప్రపంచానికి జ్ఞానబోధ చేసిన విషయాన్ని మరవొద్దన్నారు. అంతటి శక్తిసామర్థ్యాలు భారత్‌లో ఉన్నాయని.. కావాల్సిందల్లా మన నైపుణ్యానికి పదును పెట్టడమేనన్నారు. ప్రైవేటు రంగం కూడా విద్యావ్యవస్థలో పెట్టుబడులు పెట్టి.. ఆర్ అండ్ డీ (పరిశోధనాభివృద్ధికి) ని ప్రోత్సహించాలన్నారు. ప్రైవేటు విద్యాసంస్థలు కూడా విద్యనందించడాన్ని ఓ మిషన్ గా స్వీకరించాలన్నారు. ఈ సందర్భంగా విద్యార్థులు, వారి తల్లిదండ్రులనుద్దేశించి ఆయన మాట్లాడుతూ.. ‘విద్యావిధానంలో మార్పుద్వారానే మన విద్యలో నాణ్యతను పెంచుకునేందుకు వీలుంటుంది. అద్భుతమైన యువశక్తి భారతదేశానికి ఓ వరం. ఈ యువశక్తికి నైపుణ్యతను, సృజనాత్మకతను అందిస్తే.. ప్రపంచవ్యాప్తంగా అద్భుతాలు సృష్టించడం ఖాయం. ఇప్పటికే పలు అంతర్జాతీయ సంస్థల్లో భారతీయులే ఉన్నత స్థానాల్లో ఉన్నారు. అదే బాటలో మనమూ వెళ్లాలి. యూనివర్సిటీ స్థాయి నుంచే నైపుణ్యతను సంపాదించి దేశానికి ఉపయోగపడే రీతిలో పరిశోధనల్లో భాగస్వాములు కావాలి. విద్య అనేది కేవలం ఉద్యోగ సముపార్జనకే కాదు. సాధికారతను పొందేందుకు, మన జ్ఞానాన్ని పెంపొందించుకునేందుకు కూడా ఉపయోగపడాలి. అప్పుడే మనం చదువుకున్న చదువుకు సార్థకత కలిగినట్లు’ అని అన్నారు.విద్యార్థులు, యువకులు చక్కగా చదువుకోవడంతోపాటు సామాజిక బాధ్యతను కూడా ఓ ‘మిషన్’గా తీసుకోవాలని ఉపరాష్ట్రపతి సూచించారు. శ్రఎవరికి వారు తోచినంతమేర సమాజాభివృద్ధిలో భాగస్వాములు కావాలి. సమాజంలోని మూఢనమ్మకాలను పారద్రోలి.. ప్రజల్లో విశ్వాసం పెంచేందుకు కృషిచేయాలి. స్వచ్ఛభారత్ వంటి కార్యక్రమాల్లో భాగస్వాములై.. స్వచ్ఛత అవసరాన్ని సమాజానికి అర్థం చేయించాలి. ప్రతి మంచిపనిలోనూ మేం ముందుంటాం అనే భావనను పెంపొందించుకోవాలి’ అని ఆయన సూచించారు. సమాజసేవలో ఉన్న ఆనందం వర్ణింపనలవికాదని.. దీన్ని ప్రతి ఒక్కరూ అలవర్చుకుని మహదానందాన్ని పొందాలన్నారు. తద్వారా మనం చదువుకునే విద్యతోపాటు చేసే పనులపై మరింత శ్రద్ధ పెట్టేందుకు ప్రేరణ కలుగుతుందన్నారు.ప్రేరణాత్మకం, స్ఫూర్తిదాయమైన భారతదేశ చరిత్రను నేటి విద్యార్థులకు అందించాల్సిన అవసరముందని.. శ్రీ పొట్టిశ్రీరాములు, శ్రీ టంగుటూరి ప్రకాశం పంతులు, శ్రీ అల్లూరి సీతారామరాజు వంటి ఎందరో మహానుభావుల గురించి చిన్నారులకు బోధించాల్సిన అవసరం ఉందన్నారు. సమాజంలో అలజడులు సృష్టించేవారి వలలో పడకుండా.. విలువలు, సమాజ శ్రేయస్సును కాంక్షిస్తూ ముందుకెళ్లాలని విద్యార్థులకు సూచించారు. నేటి సరళీకరణ, ప్రైవేటీకరణ, ప్రపంచీకరణ సమాజంలో ఎన్నో అవకాశాలు కళ్లముందు కనబడుతున్నాయని వాటిని అందిపుచ్చుకునేందుకు సన్నద్ధం కావాలన్నారు. ఇదే సమయంలో ఎదురవుతున్న సవాళ్లను ఎదుర్కొనేందుకు సిద్ధంగా ఉండాలని.. వాటికి పరిష్కరాలు కనుగొనాలని సూచించారు. పర్యావరణ, వాతావరణ పరిరక్షణపై దృష్టిపెట్టాలని ఆయన సూచించారు. ఈ సందర్భంగా విద్యార్థులకు పట్టాలు, బంగారు పతకాలను ఉపరాష్ట్రపతి అందజేశారు. విద్యార్థులకు హృదయపూర్వక అభినందనలు తెలిపారు. ‘కాలేజ్ టు విలేజ్’ (గ్రామాల వద్దకే కళాశాల) విధానాన్ని అవలంబిస్తున్న విక్రమ సింహపురి యూనివర్సిటీని ఆయన అభినందించారు. ఈ కార్యక్రమంలో ఆంధ్రప్రదేశ్ గవర్నర్ శ్రీ బిశ్వభూషణ్ హరిచందన్, నెల్లూరు ఎంపీ ఆదాల ప్రభాకర్ రెడ్డి, ఏపీ ఉన్నతవిద్యామండలి చైర్మన్ ఆచార్య హేమచంద్ రెడ్డి, విశ్వవిద్యాలయ ఉప కులపతి ప్రొఫెసర్ ఆర్ సుదర్శన్ రావుతోపాటు విద్యార్థులు, తల్లిదండ్రులు, వివిధ రంగాల ప్రముఖులు పాల్గొన్నారు.

ఓటర్ల జాబితాలో తప్పులను సరిదిద్దాలని కోరుతూ చేజర్ల వినతి

నెల్లూరు, జనవరి 21, (రవికిరణాలు) : ఓటర్లు జాబితా సవరణలకు సంబంధించి నెల్లూరు జిల్లా పరిషత్ సమావేశ మందిరంలో ఎలక్ట్రోరల్ రోల్ పరిశీలకులు శ్రీకాంత్ లాల్ దండే ఏర్పాటు చేసిన వివిధ రాజకీయ పక్షాల సమావేశంలో ఓటర్ల జాబితా సవరణలో జరుగుతున్న తప్పులను సరిదిద్దాలని కోరుతూ జిల్లా తెలుగుదేశం పార్టీ ప్రధానకార్యదర్శి చేజర్ల వెంకటేశ్వర రెడ్డి, కార్యనిర్వాహక కార్యదర్శి, ఉచ్చి భువనేశ్వర ప్రసాద్‌ పరిశీలకునికి వినతిపత్రంను అందజేశారు.

వృద్ధురాలికి నిత్యవసర సరుకులు పంపిణీ

మర్రిపాడు, జనవరి 21, (రవికిరణాలు) : నెల్లూరు జిల్లా మర్రిపాడు మండలానికి చెందిన మాణం రమణమ్మ మర్రిపాడు గ్రామంలో జీవనం సాగిస్తుంది.. ఆమెకు ఎటువంటి సాయం అందలేదు...ఆరోగ్య పరిస్థితి కూడా సరిగ్గా లేక తీవ్ర ఇబ్బందులు ఎదుర్కొంటోంది... ఈ విషయాన్ని మర్రిపాడు మండలానికి చెందిన ఐక్య ఫౌండేషన్ సభ్యులు పౌండేషన్ చైర్మన్ పయ్యావుల రామకృష్ణచౌదరికి తెలియజేయడంతో వెంటనే స్పందించి ఈరోజు గ్రామంలో ఐక్య ఫౌండేషన్ సభ్యుడు షేక్.షామీర్ జ్ఞాపకార్ధంగా ఆ వృద్ధురాలికి బియ్యం, నిత్యవసర సరుకులు ఇవ్వడం జరిగింది. ఈ కార్యక్రమంలో ఐక్య పౌండేషన్ చైర్మన్ పయ్యావుల రామకృష్ణచౌదరి మాట్లాడుతూ వృద్ధురాలికి ఆర్థిక పరిస్థితి సరి లేదని, ఏటువంటి అండ లేని వృద్ధులకు,ఐక్య ఫౌండేషన్ ఎల్లప్పుడు అండగా ఉంటుందని తెలిపారు. ఫౌండేషన్ సేవా కార్యక్రమాలకు సహాయ సహకారలు అందిస్తున్నా పౌండేషన్ సభ్యులకు, మీడియా సహోదరులకు, మిత్రులకు పేరుపేరునా హృదయపూర్వక ధన్యవాదాలు తెలియజేశారు. ఈ కార్యక్రమంలో ఐక్య ఫౌండేషన్ చైర్మన్ పయ్యావుల రామకృష్ణచౌదరి, సాహిర్, శాఖ పురం సురేష్,శ్రీను,రమేష్, వెంకటరత్నం, ఫౌండేషన్ సభ్యులు పాల్గొన్నారు.

నిత్య అన్నదానముకు కోట శ్రీనివాసరావు దంపతులు విరాళం

సూళ్లూరుపేట, జనవరి 21, (రవికిరణాలు) : సూళ్లూరుపేట పట్టణ పరిధిలోని శ్రీ చెంగాలమ్మ పరమేశ్వరి దేవస్థానం నందు నిత్య అన్నదానమునకు నెల్లూరుకు చెందిన శ్రీ కోట శ్రీనివాసరావు దంపతులు రూ. 1,01,116/-లు చెక్కును మంగళవారం ఛైర్మన్ దువ్వూరు బాలచంద్రారెడ్డి కార్యనిర్వహణాధికారి ఆళ్ళ శ్రీనివాస రెడ్డిలకు అందజేయుట జరిగినది.ఈ సందర్భంగా ఆలయ మర్యాదలతో వారిని సత్కరించి తీర్ధ ప్రసాదాలు అందజేయడం జరిగింది.ఈ కార్యక్రమంలో ఆలయ పాలక మండలి సభ్యులు గోగుల తిరుపాల్,తిరమద్దూరు శారద, కర్లపూడి మదన్ మోహన్,మరియ కళత్తూరు రామ మోహన్ రెడ్డి తదితరులు పాల్గొన్నారు.

సోమిరెడ్డిరెడ్డి పై క్రిమినల్ కేసును క్వాష్ చేసిన హైకోర్టు

మాజీ మంత్రి సోమిరెడ్డి చంద్రమోహన్ రెడ్డిపై వెంకటాచలం పీఎస్ లో నమోదైన క్రిమినల్ హైకోర్టు కేసును క్వాష్ చేసింది. ఎన్నికల అనంతరం వైకాపా నేతల ప్రోద్బలంతో ఇడిమేపల్లి భూముల విషయంలో సోమిరెడ్డిపై ఫోర్జరీ, ట్రెస్పాస్ తో పాటు పలు సెక్షన్ల కింద కేసు నమోదు అయ్యింది. సోమిరెడ్డి అలాంటి పనులు చేయరని తెలిసినా రాజకీయ ఒత్తిళ్లతో వెంకటాచలం పీఎస్ లో నాలుగున్నర గంటల పాటు విచారణ పేరుతో పోలీసులు వేధించారు..సోమిరెడ్డి తన భూములకు సంబంధించి 1933 నుంచి ఉన్న డాక్యుమెంట్లను పోలీసులకు చూపడంతో పాటు మీడియా ముందు పెట్టారు..సోమిరెడ్డి దాఖలు చేసిన పిటీషన్ పై విచారణ జరిపి కేసును క్వాష్ చేసిన హైకోర్టు..తమ నాయకుడిపై రాజకీయ కక్షతో నమోదు చేయించిన కేసు క్వాష్ కావడంతో ఆనందంలో కార్యకర్తలు, అభిమానులు..