Ravikiranalu TV

చేజర్లను అరెస్ట్ చేసిన కోవూరు పోలీసులు

కోవూరు, జనవరి 20, (రవికిరణాలు) : చలో అసంబ్లీ పిలుపు నేపథ్యంలో కోవూరు పట్టణంలో తెలుగుదేశం పార్టీ జిల్లా ప్రధానకార్యదర్శి చేజర్ల వెంకటేశ్వర రెడ్డి హౌస్ అరెస్ట్ చేసిన పోలీసు అధికారులు. చేజర్ల హౌస్ అరెస్టు తెలుసుకొని చేజర్ల నివాసంకు పెద్ద ఎత్తున చేరుకున్న తెలుగుదేశం పార్టీ నాయకులు,కార్యాకర్తలు. చేజర్ల నివాసం వద్ద ఉద్రిక్తత, చేజర్ల తో సహా తెలుగుదేశం పార్టీ నాయకులను అరెస్ట్ చేసి కోవూరు పోలీస్ స్టేషన్ తరలించారు. ఈ సందర్భంగా చేజర్ల వేంకటేశ్వర రెడ్డి మాట్లాడుతూ రాష్ట్రంలో ప్రజలందరికీ భావ ప్రకటన స్వేచ్ఛ ఉందని,ఎవరికి తీసిన విధంగా వారు ఉద్యమాలు చేసుకోవచ్చని డి జిపి ప్రకటిస్తారు,ఇక్కడేమో చలో అసంబ్లీకి బయలుదేరుతుంటే సోమవారం ఉదయమే కోవూరు పోలీసుల వచ్చి హౌస్ అరెస్ట్ చేసారని, తదనంతరం తెలుగుదేశం పార్టీ నాయకుల ను నన్ను అరెస్టు చేసి కోవూరు పోలీస్ స్టేషన్ కు తరలించారని,చట్టానికి లోబడి శాంతియుతంగా మేము నిరసనలు తెలియచేయటానికి మేము వెళుతుంటే పోలీసులు అరెస్టు చేయడం దారుణమని, ముఖ్యమంత్రి వై యెస్ జగన్మోహన్ రెడ్డి రాష్ట్రంలో పోలీస్ రాజ్యాన్ని నడుపుతున్నారని,భారత దేశ చరిత్రలో డమ్మీ కాన్యాయి పెట్టుకొని సచివాలయంకు వెళ్లిన ముఖ్యమంత్రిని ఇంతవరకు చూడలేదని,మాట్లాడితే కడప పౌరసం అని చెప్పే ముఖ్యమంత్రి దొంగ దారులు ఏర్పాటు చేసుకొని అసంబ్లీకి వెళుతున్నారు,ప్రతిపక్షం లో ఉన్నప్పుడు అమరావతిని రాజధానిగా ఆమోదించి,ఎన్నికల సమయములో మేము అమరావతి లొనే రాజధానిని కొనసాగిస్తామని చెప్పి ఓట్లు వేయించుకుని అధికారంలోకి వచ్చిన తరువాత ఎరు దాటి తెప్ప తగలేసినట్లు ముఖ్యమంత్రి రాజధానిని తరలించడానికి ప్రయత్నాలు చేస్తున్నారని,ముఖ్యమంత్రి గారు అమరావతి నుండి రాజధానిని తరిస్తానని చెప్పి తమ ఎన్నికలకు వెళ్లి ప్రజామోదం పొందిన తరువాతి మాత్రమే రాజధానిపై నిర్ణయం తీసుకోవాలని,పోలీసులను అడ్డుపెట్టుకొని ఉద్యమాన్ని అణిచివేయలేరని,అరెస్టులతో మమ్ములను అడ్డుకోలేరని, అమరావతి లొనే రాజధానిని కొనసాగిస్తామని చెప్పే వరకు ఉద్యమము ఆగదని చెప్పారు. ఈ సందర్భంగా తెలుగుదేశం పార్టీ నాయకుల దారా విజయబాబు, పంతంగి రామారావు, కలికి సత్యనారాయణ రెడ్డి, ఇంటూరు విజయ్, ఒబ్బారెడ్డి మల్లికార్జున రెడ్డి, సోమవరపు సుబ్బారెడ్డి, మహమ్మద్, మౌలాలి, సాయి రోశయ్య తో సహా పలువురు తెలుగుదేశం పార్టీ నాయకులను అరెస్టు చేశారు.

ఎంపీ గారు ఎలా ఉన్నారు..

ఉపరాష్ట్రపతి నెల్లూరు పర్యటనలో భాగంగా వెంకటాచలం రైల్వే స్టేషన్లో వెంకయ్య నాయుడుకి తిరుపతి ఎంపి బల్లి దుర్గాప్రసాద్, ఎమ్మెల్సీ వాకాటి నారాయణరెడ్డి తదితరులు ఘనంగా స్వాగతం పలికారు. తదనంతరం పుష్పగుచ్చాన్ని అందజేసి వారి యోగక్షేమాలను గూర్చి తెలుసుకున్నారు.

బ్లాక్ టికెట్ గ్యాంగ్ భరతం పట్టిన సిఐ మధుబాబు

నెల్లూరు, జనవరి 20, (రవికిరణాలు) : నెల్లూరు నగరంలో ఇటీవల విడుదలైన కొత్త సినిమాల టిక్కెట్లను బ్లాక్లో విక్రయిస్తున్నారన్న పక్కా ఉన్నతాధికారుల ఆదేశాల మేరకు చిన్న బజార్ సర్కిల్ ఇన్స్పెక్టర్ మధుబాబు,సంతపేట సీఐ రాములు నాయక్, ఎస్ఐలు అలీ సాహెబ్, బలరామయ్య,రవి నాయక్ తదితరులు వలపన్ని ఐదు మంది బ్లాక్లో టిక్కెట్లు విక్రయిస్తున్న గ్యాంగ్ ను పట్టుకున్నారు. వీరి వద్ద నుండి అలా వైకుంఠపురం..సరిలేరు నీకెవ్వరు కొత్త సినిమాలకు సంబంధించి వివిధ థియేటర్లకు సంబంధించిన 116 టికెట్లు.. 16 వేల నగదు.. సెల్ఫోన్లు స్వాధీనం చేసుకున్నారు. నగరంలోని చిన్న బజార్ పోలీస్ స్టేషన్లో సోమవారం ఏర్పాటు చేసిన విలేకరుల సమావేశంలో డిఎస్పీ శ్రీనివాసరెడ్డి వివరాలు వెల్లడించారు.

రూరల్ నియోజవర్గాన్ని ఆదర్శవంతంగా తీర్చిదిద్దుతాం - గిరిధర్ రెడ్డి

నెల్లూరు, జనవరి 20, (రవికిరణాలు) : నెల్లూరు రూరల్ నియోజకవర్గ పరిధిలోని 20వ డివిజన్ సోధన్ నగర్ లో నెల్లూరు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి నుడా వైస్ ఛైర్మెన్ బాబిరెడ్డి పర్యటించారు. ఆర్.టి.సి.యాజమాన్యం, కార్పొరేషన్ అధికారులు సమన్వయంతో పనిచేసి స్థానిక ప్రజలకు ఎటువంటి ఇబ్బంది లేకుండా చూడాలి ఆర్.టి.సి. రీజినల్ మేనేజర్, కార్పొరేషన్ అధికారులను రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి కోరారు. మంత్రి అనిల్ కుమార్ యాదవ్, రూరల్ శాసనసభ్యులు కోటంరెడ్డి శ్రీధర్ రెడ్డి సహకారంలో నెల్లూరు రూరల్ నియోజవర్గాన్ని రాష్ట్రంలోనే ఒక ఆదర్శవంతమైన నియోజవర్గంగా తీర్చిదిద్దుతామని కోటంరెడ్డి గిరిధర్ రెడ్డి తెలియజేశారు.

ఎలక్ట్రిక్ సప్లై లైన్ పనులకు శంఖుస్థాపన

నెల్లూరు, జనవరి 20, (రవికిరణాలు) : నెల్లూరు రూరల్ నియోజకవర్గ పరిధిలోని ఆమంచర్ల గ్రామ పంచాయతీలోని అప్పయ్యకండ్రిగ గ్రామంలో 33కే.వి.ఎలక్ట్రిక్ సప్లై లైన్ పనులకు నెల్లూరు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి శంఖుస్థాపన చేసారు. ఆమంచర్ల, మన్నవరప్పాడు, అప్పయ్యకండ్రిగ, సిద్ధవరప్పాడు, మట్టెంపాడు మరియు దొంతాలి గ్రామాలకు విద్యుత్ అంతరాయం లేకుండా ఈ 33కే.వి.ఎలక్ట్రిక్ సప్లై లైన్ ఎంతో ఉపయోగపడుతుందని కోటంరెడ్డి గిరిధర్ రెడ్డి పేర్కొన్నారు.

ఏపీ ఫిషరీస్ కార్పొరేషన్ చైర్మన్‌గా కొండూరు అనీల్ బాబు

ఏపీ ఫిషరీస్ కార్పొరేషన్ చైర్మన్ గా నెల్లూరు జిల్లా కావలి నియోజకవర్గానికి చెందిన కొండూరు అనీల్ బాబు ఏకగ్రీవంగా ఎన్నికయ్యారు. విజయవాడలోని రాష్ట్ర ఫిషరీస్ కమీషనర్ కార్యాలయంలో నిర్వహించిన సమావేశంలో రాష్ట్రంలోని అన్ని జిల్లాల షిషరీస్ సొసైటీల అధ్యక్షులు కలిసి కొండూరు అనీల్ బాబును రాష్ట్ర కార్పొరేషన్ చైర్మన్ గా ఎన్నుకున్నారు.

ప్రజలకు చేరువగా పల్స్ పోలియో కేంద్రాలు

చిట్టమూరు, జనవరి 20, (రవికిరణాలు) : చిట్టమూరు మండలంలో పల్స్ పోలియో కేంద్రాలను ఏర్పాటు చేయడం జరిగిందని ప్రభుత్వ వైద్యాధికారి డాక్టర్ భాస్కర్ రెడ్డి తెలిపారు. ఈ సందర్భంగా ఆయన మాట్లాడుతూ పల్స్ పోలియో కేంద్రాలను ప్రజలకు అందుబాటులో ఉండే విధంగా కొత్తగుంట బస్టాండ్ సెంటర్లో, అంగన్వాడీ కేంద్రాల్లో ఆశా వర్కర్లుచే ఏర్పాటు చేశామని అన్నారు. పల్స్ పోలియో కార్యక్రమంలో 94.48 శాతం నమోదైనట్లు వైద్యాధికారి భాస్కర్ రెడ్డి తెలిపారు. మండలంలోని మొత్తం18 బూతులలో 1181 మంది పిల్లలకు గాను 1080 మంది పిల్లలకు పోలియో చుక్కలు వేసినట్లు తెలిపారు. 20,21వ తేదీ పిల్లలందరినీ గుర్తించి పోలియో చుక్కల కార్యక్రమాన్ని నిర్వహించినట్లు కూడా ఆయన తెలిపారు. ఈ కార్యక్రమంలో వైద్య ఆరోగ్య శాఖ సిబ్బంది పాల్గొన్నారు.