Ravikiranalu TV: vijayawada

ఆంధ్రప్రదేశ్ రాష్ట్ర సర్వీసులకు ఐఎఎస్‍ శ్రీలక్ష్మీ.

అమరావతి

ఆంధప్రదేశ్‍ ముఖ్యమంత్రిగా వైఎస్‍.జగన్మోహనరెడ్డి బాధ్యతలు స్వీకరించాక రాష్ట్ర సర్వీసులోకి రావాలని గత సంవత్సరన్నర కాలంగా ప్రయత్నాలు చేసిన మహిళా ఐఎఎస్‍ అధికారి శ్రీలక్ష్మీకి ఎట్టకేలకు ప్రభుత్వం అనుమతి ఇచ్చింది.తన కేడర్ను మార్చాలంటూ శ్రీ లక్ష్మి క్యాట్ ను ఆశ్రయించారు , ఏపీ క్యాడర్ కు కేటాయించాలని కోరారు. క్యాట్ అంగీకరించటంతో క్యాట్ ఆదేశాల మేరకు తెలంగాణ ప్రభుత్వం రిలీవ్ చేసింది. తెలంగాణ ప్రభుత్వం ఆమెను రిలీవ్‍ చేయటంతో ఆమె జిఎడిలో రిపోర్టు చేశారు. రేపో మాపో ఆమెకు ప్రభుత్వం పోస్టింగ్‍ ఇవ్వనుంది. శ్రీలక్ష్మీని ఏ పోస్టులో నియమిస్తారు అనే విషయం బయట పడటం లేదు. చిన్న వయసులో ఐఎఎస్‍ అధికారి శ్రీలక్ష్మీ దివంగత నేత వైఎస్సార్‍ హయాంలో ఉమ్మడి రాష్ట్రంలో పనిచేశారు

రాజధాని‌ విషయం లో టిడిపి, వైసిపి లే ప్రజలను మోసం చేశాయి - సోము వీర్రాజు బిజెపి ఎపి అధ్యక్షులు

విజయవాడ

సోము వీర్రాజు బిజెపి ఎపి అధ్యక్షులు

అమరావతి విషయంలో టిడిపి, వైసిపి కంటే మా బిజెపి స్పష్టమైన వైఖరి తో ఉంది. రెండేళ్లలో ఇక్కడే సొంత పార్టీ కార్యాలయం కూడా ప్రారంభిస్తాం. అమరావతి లో తొమ్మిది వేల ఎకరాలను‌ చంద్రబాబు అభివృద్ధి చేయాల్సి ఉన్నా చేయలేదు. ఎయిమ్స్ ను తక్కువ ఖర్చుతో కేంద్రం నిర్మాణం చేసి చూపించింది. ఆనాటి, నేటి‌ ప్రభుత్వాలు కనీసం రోడ్ కు స్థలం ఇవ్వలేదు. రాజధాని‌ విషయం లో టిడిపి, వైసిపి లే ప్రజలను మోసం చేశాయి.హైకోర్టు రాయలసీమ లో ఉండాలని బిజెపి విధానానికి కట్టుబడి ఉంది

చంద్రబాబు రాజధానికి కేంద్రం కేటాయించిన నిధుల లెక్కలు చెప్పాలి. జగన్ ప్రభుత్వం కూడా గొప్పలు‌చెప్పుకోవడం తప్ప..‌ చేతల్లో చూపించడం లేదుగత ప్రభుత్వం చేపట్టిన అనేక ప్రాజెక్టు లను వైసిపి ప్రభుత్వం పూర్తిగా నిర్లక్ష్యం చేసిందిగడ్కరీ.. స్వయంగా చంద్రబాబు ను విశాఖ పిలిపించి నిధుల పై‌ చర్చించారు. అన్ని పార్టీ ల జాతకాలు‌ చెప్పే లగడపాటి రాజగోపాల్.. రెండేళ్ళ ఎంపిగా దుర్గగుడి ఫ్లైఓవర్ నిర్మాణం చేయలేక పోయారు. కేశినేని నాని‌ ఒక. లేఖ ఇవ్వగానే గడ్కరీ స్పందించి ఫ్లైఓవర్లకు నిధులు ఇచ్చి పూర్తి చేశారు.టిటిడి నుంచి డిపాజిట్ సొమ్మలు తీయవద్దంటూ ప్రభుత్వానికి లేఖ రాశాం.. వరదల పై పరిశీలించి.. సాయం‌ చేయాలని లేఖ రాస్తే కేంద్రం వెంటనే స్పందించింది.మాకు రాజకీయాలు ముఖ్యం కాదు.. రాష్ట్ర అభివృద్ధి కే మా ప్రాధాన్యత.టిడిపి, వైసిపి ప్రభుత్వం లో అవినీతి జరిగింది.సెంటు స్థలం పేరుతో .. పట్టాల పంపిణీ అంటూ.. కోట్ల రూపాయల ప్రజా ధనాన్ని దోచేశారు.దీని పై చంద్రబాబు ఎందుకు స్పందించరు.. ప్రభుత్వాన్ని నిలదీయరా.అంటే.. అప్పుడు వాళ్లు..‌ ఇప్పుడు వీళ్లు అవినీతి లో భాగస్వామ్యులే.టిడిపి, వైసిపి కుటుంబ పార్టీ లు అనేది వాస్తవం.నీరు..‌చెట్టు పేరుతో కోటి మొక్కలు పెంచేస్తామని ప్రగల్భాలు.ఇందులో కూడా‌ వేల కోట్ల అవినీతి జరిగిందనేది‌ వాస్తవం. 21కేంద్ర ప్రాయోజిత ప్రాజెక్టు ల పై అధ్యయనం చేసి.. వైసిపి ప్రభుత్వం లో ఎమ్మెల్యే ల అవినీతి ని బయట పెడతాం. పోలవరం విషయంలో వైసిపి అనవసర రాద్దాంతం‌ చేస్తుంది. మాకు టిడిపి, వైసిపి అయినా రెండూ మాకు ప్రతిపక్ష పార్టీలే. మా పార్టీ కి ఒక‌విధానం ఉంది.. ఆ విధానం బట్టే చానల్స్ డిబేట్లకి పంపిస్తాం.ప్రజా సమస్య ల పై బిజెపి, జనసేన లు కలిసి త్వరలో ప్రజా ఉద్యమం చేపడతాం

విజయవాడ వైసీపీలో రచ్చ..

విజయవాడ వైసీపీలో రచ్చ జరుగుతోంది. టీడీపీ నుంచి గెలిచి వైసీపీకి మద్దతిస్తున్న గన్నవరం ఎమ్మెల్యే వల్లభనేని వంశీ, స్థానిక వైసీపీ నేత దుట్టా రామచంద్రరావు వర్గాల మధ్య ఘర్షణ తలెత్తింది. వల్లభనేని వంశీ టీడీపీకి గుడ్ బై చెప్పి వైసీపీకి మద్దతిస్తున్నట్లు ప్రకటించిన నాటి నుంచి స్థానిక నేతలు తీవ్రంగా వ్యతిరేకిస్తున్న విషయం విదితమే. నాటి నుంచి నేటి వరకూ వైసీపీ నేతలు, వంశీ మధ్య రెండ్రోజులకోసారైనా వివాదాలు వస్తూనే ఉన్నాయి. ఇప్పటికే పలుమార్లు అటు వంశీ.. ఇటు దుట్టా రామచంద్రరావు, యార్లగడ్డ వెంకట్రావు మీడియా మీట్ పెట్టి ఒకరిపై ఒకరు విమర్శలు కూడా చేసుకున్నారు. అందర్నీ కలుపుకునే వెళ్లే శక్తి తనకుందని వంశీ చెప్పగా.. ఆయన వ్యాఖ్యలు తీవ్రంగా తప్పుబట్టిన సందర్భాలు కూడా చాలానే ఉన్నాయి. టీడీపీ అధికారంలో ఉన్నప్పుడు వైసీపీ కార్యకర్తలను వంశీ ఇబ్బందిపెట్టాడని వైసీపీ నేతలు ఆరోపిస్తున్నారు. ఇలాంటి తరుణంలో తాజాగా మరోసారి వంశీ-దుట్టా వర్గీయుల మధ్య వాగ్వాదం చోటుచేసుకుంది.

గన్నవరం నియోజకవర్గంలోని బాపులపాడు మండలం కాకులపాడులో రైతు భరోసా కేంద్రం శంకుస్థాపన సందర్భంగా వివాదం నెలకొంది. వల్లభనేని-దుట్టా ఎదుటే ఇరు వర్గీయులు బాహాబాహీకి దిగారు. దీంతో కాకులపాడులో ఉద్రిక్తత నెలకొంది. ఇరువర్గీయుల మధ్య మాటామాట పెరగడంతో అది కాస్త రాళ్లు రువ్వుకునే పరిస్థితికి దారితీసింది. ఈ ఘర్షణలో కొందరికి గాయాలైనట్లు తెలిసింది. పోలీసులు రంగప్రవేశం చేయడంతో పరిస్థితి అదుపులోకి వచ్చింది. చినికి చినికి గాలి వానగా మారుతున్న ఈ ఘటనలను వైసీపీ ఎలా హ్యాండిల్ చేస్తుంది?, జిల్లా మంత్రులు, ఇన్ చార్జిలు ఎలా సర్దిచెబుతారో చూడాలి.గన్నవరం నియోజకవర్గం నుంచి రెండుసార్లు టీడీపీ తరఫన గెలిచారు వల్లభనేని వంశీ. అయితే, టీడీపీ అధికారంలో ఉన్నప్పుడు వైసీపీ కార్యకర్తలను, నేతలను ఇబ్బంది పెట్టారనేది గన్నవరం నియోజకవర్గ వైసీపీ నేతల వాదన. అయితే, 2019లో వైసీపీ అధికారంలోకి వచ్చిన తర్వాత కొడాలి నాని చక్రం తప్పి వంశీని వైసీపీ గూటికి చేర్చారు. అధికారికంగా వైసీపీ కండువా కప్పుకోకపోయినా ఆయన వైసీపీకే మద్దతిస్తున్నారు. అసెంబ్లీలో కూడా ఆయనకు ప్రత్యేకంగా సీటు కేటాయించారు. ఈ అంశం వంశీ చేతిలో ఓడిపోయిన యార్లగడ్డ వెంకట్రావుకు మింగుడు పడడం లేదనే వాదన ఉంది. అయితే, ఆయన్ను శాంతింపజేసేందుకు పార్టీ నేతలు యార్లగడ్డకు నామినేటెడ్ పదవి ఇచ్చారు. ఆ తర్వాత నియోజకవర్గంలో వాతావరణం కొంత శాంతించిందనే అనుకున్నారు. అయితే, యార్లగడ్డ సైలెంట్‌గా ఉన్నా దుట్టా రామచంద్రరావు వర్గం ఇప్పుడు వంశీతో కయ్యానికి కాలు దువ్వుతోంది. ఇవన్నీ నియోజకవర్గంలో పట్టుకోసం జరుగుతున్న ప్రయత్నాలేననే వాదన ఉంది.
2019లో తెలుగుదేశం పార్టీ తరఫున గెలిచిన వారిలో నలుగురు ఎమ్మెల్యేలు ఆ పార్టీకి గుడ్ బై చెప్పారు. వల్లభనేని వంశీ, మద్దాలి గిరి, కరణం బలరాం, వాసుపల్లి గణేష్ టీడీపీని వీడారు. ఇక రేపో మాపో గంటా శ్రీనివాసరావు కూడా టీడీపీని వీడతారంటూ వార్తలు వస్తున్నాయి. వైసీపీలోని 23 మంది ఎమ్మెల్యేల్లో మెజారిటీ సభ్యులను ఆపరేషన్ ఆకర్ష్ ద్వారా వైసీపీలోకి చేర్చుకుని ఆ తర్వాత చంద్రబాబుకు ప్రతిపక్ష హోదా కూడా లేకుండా చేయాలనే ప్లాన్‌లో వైసీపీ ఉన్నట్టు కనిపిస్తోంది.

గుట్టుగా కొనసాగుతున్న వ్యభిచారం గృహంపై పోలీసులు దాడి

నెల్లూరు జిల్లాలో

గుట్టుగా కొనసాగుతున్న వ్యభిచారం గృహంపై పోలీసులు దాడి చేశారు. ఈ సందర్భంగా హోంగార్డు సహా ఐదుగురిని అరెస్ట్ చేశారు. మండల కేంద్రమైన కోవూరు పట్టణంలోని ప్రమీలానగర్‌ సూపర్‌మార్కెట్‌ వెనుక ఉన్న ఇంట్లో ఓ జంట భార్యభర్తలమని చెప్పి అద్దెకు దిగారు. ఎవరికీ అనుమానం రాకుండా ఇతర ప్రాంతాల నుంచి అమ్మాయిలను తీసుకొచ్చి వ్యభిచారం చేయిస్తున్నారు.దీనిపై కచ్చితమైన సమాచారం అందుకున్న నెల్లూరు గ్రామీణ డీఎస్పీ హరినాథ్‌రెడ్డి తనిఖీ చేయాల్సిందిగా కోవూరు పోలీసులను ఆదేశించారు. దీంతో కోవూరు సీఐ రామారావు ఆధ్వర్యంలో ఎస్సై చింతం కృష్ణారెడ్డి తన సిబ్బందితో కలిసి శుక్రవారం అర్ధరాత్రి ఆకస్మికంగా దాడులు చేశారు. ఈ దాడుల్లో విజయవాడకు చెందిన యువతితో పాటు విటుడు సురేష్‌, నెల్లూరుకు చెందిన హోంగార్డు షఫనితో పాటు వ్యభిచార గృహాన్ని నిర్వహిస్తున్న నెల్లూరుకు చెందిన సాగర్‌ అలియాస్‌ రమణ, నాగశైలజను అరెస్ట్ చేశారు.
ఈ జంట గతంలో నెల్లూరులో వ్యభిచారం చేయిస్తూ పట్టుబడ్డారని, బెయిల్‌పై బయటకు వచ్చి కోవూరుకు మకాం మార్చుశారని పోలీసులు తెలిపారు. అయితే వ్యభిచారం చేస్తూ పట్టుబడిన హోంగార్డును తప్పించాలని కొందరు రాజకీయ నేతలు, పోలీసు ఉన్నతాధికారులు కోవూరు పోలీసులపై ఒత్తిడి తెస్తున్నట్లు సమాచారం

‘ఏపీ కార్పొరేషన్‌ ఫర్‌ ఔట్‌ సోర్స్‌డ్‌ సర్వీసెస్‌’(ఆప్కాస్‌) కార్యకలాపాలుప్రారంభించిన సీఎం వైయస్‌ జగన్‌

‘ఏపీ కార్పొరేషన్‌ ఫర్‌ ఔట్‌ సోర్స్‌డ్‌ సర్వీసెస్‌’(ఆప్కాస్‌) కార్యకలాపాలు ప్రారంభం

క్యాంప్‌ ఆఫీసు నుంచి వీడియో కాన్ఫరెన్సు ద్వారా

ప్రారంభించిన సీఎం శ్రీ వైయస్‌ జగన్‌

50 వేల మందికి పైగా కాంట్రాక్ట్‌ ఉద్యోగులకు నియామక పత్రాలు జారీ

వీడియో కాన్ఫరెన్సులో లబ్ధిదారులతో మాట్లాడిన ముఖ్యమంత్రి.

సీఎం ప్రసంగంలో ముఖ్యాంశాలు :

– ఈరోజు ఆప్కాస్‌ ప్రారంభం కావడం అన్నది నిజంగా ఒక వ్యవస్థలో మార్పు తీసుకురావడంలో మరో అడుగు.

– నా సుదీర్ఘ పాదయాత్రలో అన్ని ప్రాంతాలు తిరిగాను. 14 నెలల పాటు 3648 కి.మీ నడిచాను.

– అప్పుడు ప్రతి చోటా కాంట్రాక్ట్‌ ఉద్యోగుల బాధలు విన్నాను. చూశాను.

– ఉద్యోగం కోసం లంచంతో పాటు, మళ్లీ జీతం తీసుకోవడానికి కూడా లంచం ఇవ్వాల్సి వస్తోందని కాంట్రాక్ట్‌ ఉద్యోగులు చెప్పారు.

– అంతే కాకుండా కాంట్రాక్ట్‌లో ఒక జీతం చూపి, అంత కంటే తక్కువగా చేతికి ఇస్తున్నారని ఆ ఉద్యోగులు ఆవేదన చెందారు.

– ఔట్‌ సోర్సింగ్‌లో కొందరికి మేలు చేయడం కోసం కాంట్రాక్టర్లను తీసుకువచ్చారు. కొన్ని చోట్ల నాయకులు కాంట్రాక్టర్లుగా మారారు.

– ఆలయాల్లో పారిశుద్ధ్య కాంట్రాక్ట్‌ పనులు గతంలో రూ.6 లక్షలుంటే, దాన్ని ఏకంగా రూ.30 లక్షలకు పెంచి, భాస్కరనాయుడుకు ఇచ్చారు. ఆయన చంద్రబాబుకు బంధువు.

– ఈ వ్యవస్థ మార్చాలని, పారదర్శకత తేవాలని, ఉద్యోగులకు మెరుగైన జీతాలు ఇవ్వాలని, ఎవరికీ లంచాలు ఇవ్వకుండా ఉద్యోగాలు ఇచ్చే పరిస్థితి ఉండాలని, ఎక్కడా వివక్షకు తావుండ కూడదని భావించాము.

– అంతే కాకుండా 50 శాతం ఉద్యోగాలు ఎస్సీ, ఎస్టీ, బీసీ, మైనారిటీలకు, వాటన్నింటిలో మహిళలకు 50 శాతం మహిళలకు ఉద్యోగాలు ఇవ్వడం కోసం ఆప్కాస్‌ ఏర్పాటు.

– ఇందులో రెండు విభాగాలు ఉంటాయి. జిల్లా స్థాయిలో కలెక్టర్లు ఛైర్మన్లుగా, జేసీలతో కూడిన కమిటీలు పని చేస్తాయి.

– జిల్లా ఇంఛార్జ్‌ మంత్రులు రిజర్వేషన్ల ప్రక్రియ సజావుగా జరిగేలా చూస్తారు. దీంతో ఎక్కడా అవినీతికి తావుండదు.

– ఈ ఆప్కాస్‌ చేసే పని. ఉద్యోగులకు ఠంచనుగా గ్రీన్‌ ఛానల్‌ ద్వారా జీతాలు ఇచ్చే కార్యక్రమం. వాటిలో కమిషన్లు, లంచాలు ఉండవు. పద్ధతి ప్రకారం వారికి జీతాలు ఇస్తారు.

– ఈఎస్‌ఐ, ఈపీఎఫ్‌ క్రమం తప్పకుండా ఉద్యోగులకు మేలు జరిగేలా చెల్లిస్తారు.

– ఈ విధంగా రెండు కేంద్రాల వల్ల కాంట్రాక్ట్‌ ఉద్యోగులకు ఎలాంటి కోత లేకుండా జీతాలు వస్తాయి. వివక్ష లేకుండా ఉద్యోగాలు వస్తాయి.

– ఆప్కాస్‌ ద్వారా ఇప్పటికే 50,449 మందికి నియామక పత్రాలు ఇవ్వబోతున్నాం.

– ఇదో డైనమిక్‌ నెంబరు. ఇది ప్రతి నెల మారుతూ పోతుంది. రాబోయే రోజుల్లో అన్ని శాఖలు ఈ కార్పొరేషన్‌తో అనుసంధానమవుతాయి. దీంతో ఆ సంఖ్య గణనీయంగా పెరుగుతుంది.

– ఈ ఆప్కాస్‌ వల్ల మరో మహత్తర మార్పు ఏమిటంటే.. గతంలో అవసరాని కంటే తక్కువగా సిబ్బందిని నియమించి కాంట్రాక్ట్‌ సంస్థ పని చేయించేది. అదే విధంగా లేని వాళ్లను రికార్డుల్లో చూపించి, వారి జీతం కూడా ఆ సంస్థే తీసుకునేది. ఇక నుంచి అలాంటి వాటికి తావుండదు.

– ప్రతి ఒక్కరూ గుర్తు పెట్టుకోవాలి. భద్రత అనేది మన పనితీరుపైనే ఆధారపడి ఉంటుంది.

– జీతాలు కచ్చితంగా ప్రతి నెలా వచ్చేలా ప్రభుత్వం చూస్తుంది. అందుకోసం కార్పొరేషన్‌ పని చేస్తుంది.

– పని చేసే పిల్లలకు మేలు జరగాలని, చేతివాటానికి తావు లేకుండా పూర్తి జీతాలు అందేలా, అన్ని రిజర్వేషన్లు సక్రమంగా అమలు కావడం కోసం ఆప్కాస్‌ ఏర్పాటు చేస్తున్నాం.

– దీని వల్ల మంచి జరుగుతుందని భావిస్తున్నాము.

– దీన్ని సక్సెస్‌ చేయడం కోసం కలెక్టర్లు బాధ్యత తీసుకోవాలని విజ్ఞప్తి

– ఈ కార్యక్రమం ద్వారా మంచి జరగాలని, దేవుణ్ని కోరుకుంటూ, ఆప్కాస్‌కు శ్రీకారం చుట్టాం.

జర్నలిస్టులకు రూ.25 వేలు సహాయం అందించాలి

జర్నలిస్టులకు రూ.25 వేలు సహాయం అందించాలి
- సిఎం జగన్మోహనరెడ్డికి ఎపిఎంఎఫ్ ప్రధాన కార్యదర్శి డిల్లీబాబురెడ్డి విజ్ఞప్తి
విజయవాడ, జూన్ 22: కోవిద్-19 సంక్షోభ నేపథ్యంలో అనేక ఇబ్బందులు పడుతున్న జర్నలిస్టులను తక్షణమే ఆదుకోవాలని ఆంధ్రప్రదేశ్ మీడియా ఫెడరేషన్ ప్రధాన కార్యదర్శి పి. డిల్లీబాబురెడ్డి విజ్ఞప్తి చేశారు. ఈ మేరకు సోమవారం నాడు డిల్లీబాబు రెడ్డి ముఖ్యమంత్రి వైఎస్ జగన్మోహనరెడ్డికి ఒక లేఖ రాశారు. రాష్ట్రంలో పని చేస్తున్న ప్రతి అక్రిడేటెడ్ జర్నలిస్టుకు రూ. 25 వేలు ఆర్థిక సహాయం అందించాలని ఆయన ఆ లేఖలో కోరారు. కరోనా వ్యాప్తి నిరోధానికి, కోవిద్ సంక్షోభ సమయంలో ఉపాధి కోల్పోయిన పేదలను ఆదుకోవడానికి రాష్ట్ర ప్రభుత్వం తీసుకుంటున్న చర్యలను ఆయన ప్రశంసించారు. ఇదే సమయంలో జర్నలిస్టుల ఆర్థిక ఇబ్బందులను కూడా ప్రభుత్వం పరిగణనలోకి తీసుకోవాలని ఆయన కోరారు. కరోనా వ్యాప్తి నిరోధానికి వైద్యులు, పోలీసులు, పారిశుద్ధ్య కార్మికులతో పాటు జర్నలిస్టులు కూడా మొదటి వరుసలో నిలిచి పోరాడుతున్నారని డిల్లీబాబు రెడ్డి పేర్కొన్నారు. కరోనా సమాచార సేకరణలో, ప్రభుత్వం చేపడుతున్న చర్యలు ప్రజలకు తెలిసేలా ప్రచారం చేయడంలో జర్నలిస్టులు ఎంతో శ్రమిస్తున్నారని చెప్పారు. ఆర్థిక సమస్యలను, ఆరోగ్యాన్ని సైతం లెక్కచేయకుండా ప్రాణాలను పణంగా పెట్టి మరీ జర్నలిస్టులు విధి నిర్వహణలో ముందుకు సాగుతున్నారని డిల్లీబాబు రెడ్డి వివరించారు. కోవిద్-19 నేపథ్యంలో ప్రింట్ అండ్ ఎలక్ట్రానిక్ మీడియా యాజమాన్యాలు కూడా ఆర్థిక సంక్షోభంలో కొట్టుమిట్టాడుతున్నాయని, సిబ్బందికి జీతాలు ఇవ్వలేక సతమతమవుతున్నాయని ఆయన ఆవేదన వ్యక్తం చేశారు. ఈ పరిస్థితుల్లో జర్నలిస్టుల సమస్యలను పరిశీలించి వారికి ఆర్థిక సహాయం అందించడానికి, ఆరోగ్య బీమా సదుపాయం కల్పించడానికి రాష్ట్ర ప్రభుత్వం సత్వర చర్యలు చేపట్టాలని ముఖ్యమంత్రి జగన్మోహనరెడ్డికి ఎపిఎంఎఫ్ ప్రధాన కార్యదర్శి ఢిల్లీబాబురెడ్డి విజ్ఞప్తి చేశారు.

కనకదుర్గ అమ్మవారికి మొదటి సారే.... మంత్రివర్యులు శ్రీ వెల్లంపల్లి శ్రీనివాస్ రావు

శ్రీ దుర్గా మల్లేశ్వర స్వామి వార్ల దేవస్థానం, ఇంద్రకీలాద్రి, విజయవాడ: ఆషాడ మాసం ప్రారంభం సందర్భముగా ఈరోజు అనగా ది:22-6-2020 మొదటి రోజున ఉదయం 8-30 ని.లకు దేవస్థానం తరపున గౌరవనీయులైన దేవాదాయ శాఖ మంత్రివర్యులు శ్రీ వెల్లంపల్లి శ్రీనివాస్ రావు గారు, ఆలయ కార్యనిర్వహణాధికారి శ్రీ ఎం.వి.సురేష్ బాబు గారు, ధర్మకర్తల మండలి చైర్మెన్ శ్రీ పైలా సోమినాయుడు గారు మరియు ధర్మకర్తల మండలి సభ్యులు వార్లు శ్రీ కనకదుర్గ అమ్మవారికి మొదటి సారే సమర్పించడం జరిగినది.
అనంతరం గౌరవనీయులైన మంత్రివర్యులు మాట్లాడుతూ దేవస్థానము తరుపున ఈరోజు అమ్మవారికి సారే

సమర్పించడము జరిగినదని తెలిపారు.
ప్రస్తుత పరిస్ఠితుల దృష్ట్యా శ్రీ అమ్మవారికి అషాడం సారె సమర్పించ దలచిన భక్తులు ప్రతి రోజు ఉదయం 6 గం.ల నుండి సాయంత్రం 5-00 గం.ల వరకు ఆన్ లైను(www.kanakadurgamma.org) ద్వారా టైం స్లాట్ ప్రకారము దర్శనం టిక్కెట్లు తీసుకొని బృందములుగా కాకుండా మహామండపం ద్వారా సామాజిక దూరం పాటిస్తూ, మాస్కులు ధరించి, శానిటైజేషన్ జాగ్రత్తలు పాటిస్తూ క్యూ-మార్గము ద్వారా రావలసిందిగా తెలిపారు.

అనంతరం ఆలయ కార్యనిర్వహణాధికారి శ్రీ ఎం.వి.సురేష్ బాబు గారు మాట్లాడుతూ శ్రీ అమ్మవారికి అషాడం సారె సమర్పించ దలచిన భక్తులు ప్రతి ఒక్కరికి ఆన్ లైను(website: www.kanakadurgamma.org, ఆండ్రాయిడ్ మొబైల్ APP : kanakadurgamma), మీ-సేవ సెంటర్లు ద్వారా టైం స్లాట్ ప్రకారము దర్శనం టిక్కెట్లు తీసుకొని ప్రతి రోజు ఉదయం 6 గం.ల నుండి సాయంత్రం 5-00 గం.ల వరకు బృందములుగా కాకుండా మహామండపం ద్వారా సామాజిక దూరం పాటిస్తూ, మాస్కులు ధరించి, శానిటైజేషన్ జాగ్రత్తలు పాటిస్తూ క్యూ-మార్గము ద్వారా విచ్చేసి, అమ్మవారికి సమర్పించదలచిన సారే, మడుపులు సమర్పించవచ్చునని తెలిపారు. ఆలయ ప్రాంగానములందు శానిటైజర్లు, మరియు ఇతర ఏర్పాట్లు చేయడమైనదని తెలిపారు. మరియు అమ్మవారి ఖడ్గామాలార్చన యందు పాల్గొనుటకు (అంతరాలయము వెలుపల) 4 , శ్రీచక్రనవావర్నార్చన సేవకు 5 జంటలకు అవకాశం కల్పించనున్నట్లు తెలిపారు.

అనంతరం ఆలయ పాలకమండలి చైర్మన్ శ్రీ పైలా సోమినాయుడు గారు మాట్లాడుతూ శ్రీ ఆషాడ మాసం ప్రారంభం సందర్భముగా ఈరోజు దేవస్థానం తరపున గౌరవనీయులైన దేవాదాయ శాఖ మంత్రివర్యులు శ్రీ వెల్లంపల్లి శ్రీనివాస్ రావు గారు, ఆలయ కార్యనిర్వహణాధికారి శ్రీ ఎం.వి.సురేష్ బాబు గారు, ధర్మకర్తల మండలి చైర్మెన్ శ్రీ పైలా సోమినాయుడు గారు మరియు ధర్మకర్తల మండలి సభ్యులు వార్లు శ్రీ కనకదుర్గ అమ్మవారికి మొదటిగా సారే సమర్పించడం జరిగినదని తెలిపారు.అమ్మవారికి అషాడం సారె సమర్పించదలచిన భక్తులు ప్రతి ఒక్కరికి ముందుగా ఆన్ లైను(www.kanakadurgamma.org) ద్వారా టైం స్లాట్ ప్రకారము దర్శనం టిక్కెట్లు పొంది ప్రతి రోజు ఉదయం 6 గం.ల నుండి సాయంత్రం 5-00 గం.ల వరకు బృందములుగా కాకుండా మహామండపం ద్వారా రాష్ట్ర ప్రభుత్వం వారు తెలిపిన నియమనిభందనలు ప్రకారం సామాజిక దూరం పాటిస్తూ, మాస్కులు ధరించి, శానిటైజేషన్ జాగ్రత్తలు పాటిస్తూ క్యూ-మార్గము ద్వారా విచ్చేసి, అమ్మవారికి సమర్పించదలచిన సారే, మడుపులు సమర్పించవచ్చునని తెలిపారు.

సీనియర్ జర్నలిస్టు మహమ్మద్ అబ్దుల్ హమీద్ మృతి

సీనియర్ జర్నలిస్టు మహమ్మద్ అబ్దుల్ హమీద్ గారు ఈ రోజు విజయవాడ ప్రభుత్వ ఆసుపత్రిలో మృతి చెందారు. ఆయనకు 4నెలల కిందట హార్ట్ బైపాస్ సర్జరీ జరిగింది. ఆ అనారోగ్యం తోనే మృతి చెందినట్లు భావిస్తున్నారు.
హమీడు గారిది గన్నవరం మండలం మర్లపాలెం. ఈనాడు, ఆంధ్ర ప్రభ విలేకరిగా పనిచేశారు. ప్రస్తుతం ప్రజాశక్తి లో సబ్ ఎడిటర్ గా, డెస్క్ ఇంచార్జి గా, ఎడిషన్ సబ్ ఎడిటర్ గా, సెంటర్ లో copy editor gaa Pani చేశారు.
హమీద్ గారు గన్నవరం మండల ప్రజా పరిషత్ కో ఆప్షన్ మెంబర్ గా కూడా పని చేశారు. స్నేహశీలి. పాటలు బాగా పాడతారు. సీపీఎం సభ్యులుగా ఉన్నారు

కేశినేని నాని గృహ నిర్బంధం

విజయవాడ: విజయవాడ ఎంపీ కేశినేని నానిని పోలీసులు గృహనిర్బంధం చేశారు. అమరావతిలోనే ఏపీ రాజధానిని కొనసాగించాలంటూ ప్రకాశం బ్యారేజీపై నిరసన కార్యక్రమానికి రాజధాని పరిరక్షణ సమితి పిలుపునిచ్చింది. అయితే, మంత్రివర్గ సమావేశం దృష్ట్యా దీనికి పోలీసులు అనుమతి నిరాకరించారు. ప్రకాశం బ్యారేజీ వద్ద నిర్వహించ తలపెట్టిన నిరసనకు వెళ్తారనే ఉద్దేశంతో తెదేపా ఎంపీ నానిని విజయవాడలోని ఆయన నివాసంలోనే నిర్బంధించారు. ఆయన ఇంటి వద్ద పోలీసులు భారీగా మోహరించారు.

న్యాయవాదుల ఆందోళన

అమరావతి, డిసెంబర్‌ 23, (రవికిరణాలు) : ఏపీ రాజధాని, హైకోర్టును అమరావతిలోనే ఉంచాలంటూ న్యాయవాదులు ఆందోళనకు దిగారు. విజయవాడ బార్‌ అసోసియేషన్‌ ఆధ్వర్యంలో నిరసన చేపడుతున్నారు. విధులు బహిష్కరించి సిటీ సివిల్‌ కోర్టు ఎదుట ఆందోళన నిర్వహిస్తున్నారు. ప్రభుత్వ ప్రతిపాదనకు వ్యతిరేకంగా నినాదాలు చేశారు.

Ravikiranalu TV

Breaking News