May 07, 2021 , , , , ,

 తమిళనాడులోని తిరుపూర్ జిల్లాలోని తిరుమూర్తి ఆనకట్ట దగ్గర నీళ్ల కోసం వచ్చిన ఏనుగులను స్థానిక గిరిజ‌న యువ‌కులు కొందరు తీవ్రంగా హింసించారు. ఏనుగుల మీదికి వేట కుక్కలను వదలడంతో పాటు రాళ్లతో కొడుతూ రాక్షసానందం పొందారు. ఈ దారుణాన్ని దూరంగా కొండపై నుంచి కొందరు వీడియో తీసి సోషల్‌మీడియాలో పోస్ట్ చేశారు. ఈ వీడియో చూసిన జంతు ప్రేమికులు తీవ్ర ఆగ్రహం వ్యక్తం చేస్తున్నారు.



‘మీరు మ‌నుషులా.. కాస్త కూడా జాలి, ద‌య లేదా.. మూగ జీవాలపై ఇంత రాక్షసంగా ప్రవ‌ర్తిస్తారా’ అంటూ నెటిజన్ల ఆగ్రహం వ్యక్తం చేస్తున్నారు. సోష‌ల్ మీడియాలో వైర‌ల్ అవుతోన్న ఈ వీడియో ఆధారంగా తిరుపూర్ జిల్లా అటవీ అధికారులు ముగ్గురు గిరిజన యువకులపై కేసు నమోదు చేశారు. అడవి ఏనుగును హింసించినందుకు వైల్డ్ లైఫ్ ప్రొటెక్షన్ యాక్ట్ కింద వారిపై కేసు నమోదు చేశారు.