పొగతాగేవారికి కరోనావైరస్ సోకితే వారి జీవితం అత్యంత ప్రమాదకరంగా మారుతుందనిహెచ్చరికలు జారీ చేసింది ప్రపంచ ఆరోగ్య సంస్థ
కరోనావైరస్ ప్రపంచాన్ని భయపెడుతున్న నేపథ్యంలో ఈ వ్యాధికి సంబంధించి మరిన్ని
అయితే కరోనావైరస్ సోకి హాస్పిటల్‌లో అడ్మిట్ అయిన వారిలో 18శాతం మంది పొగరాయుళ్లు ఉన్నట్లు ప్రపంచ ఆరోగ్య సంస్థ తెలిపింది. ఏప్రిల్ నెలలో ఫ్రెంచి పరిశోధకులు ఒక రిపోర్టును విడుదల చేశారు. పొగతాగేవారు కోవిడ్-19 బారిన పడే అవకాశాలు కాస్త తక్కువగా ఉన్నాయనేది నివేదిక ద్వారా వెల్లడించారు. కోవిడ్-19 పేషెంట్లు, ఇతర హెల్త్ వర్కర్లపై నికోటిన్‌తో పరీక్షించాలని భావించారు. అయితే ఆ సమయంలో చాలామంది శాస్త్రవేత్తలు సరైన డేటా లేకుండా ఇలాంటి ప్రయోగాలు చేయడం సరికాదంటూ వారించారు. అయితే ప్రపంచ ఆరోగ్య సంస్థ మాత్రం ప్రస్తుతం తమ వద్ద ఉన్న డేటా ప్రకారం పొగతాగేవారిలో కోవిడ్-19 రిస్క్ ఎక్కువగా ఉందని పేర్కొంది. కాబట్టి పొగతాగేవారు మరింత కాలం జీవించాలంటే వెంటనే ఆ దురలవాటును మానుకోవాలని వెల్లడించింది.
ప్రస్తుతం ప్రపంచ వ్యాప్తంగా కరోనావైరస్ పాజిటివ్ కేసులు విపరీతంగా పెరిగిపోతున్నాయి. ఇప్పటివరకు ఈ మహమ్మారి 5,19,602 మందిని పొట్టనపెట్టుకోగా కోటిమందికి పైగా దీనిబారిన పడి చికిత్స పొందుతున్నారు. ముఖ్యంగా అమెరికాలో అయితే ఈ మహమ్మారి బారిన పడి 1,30,816 మంది మృతి చెందగా 27,81,085 మందికి పాజిటివ్‌గా తేలింది. ఆ తర్వాతి స్థానంలో బ్రెజిల్ ఉండగా... రష్యా మూడో స్థానం, భారత్ నాల్గవ స్థానంలో ఉంది. ఇప్పటి వరకు భారత్‌లో 17,850 మంది మృతి చెందగా 6,06,907 మందికి కరోనా పాజిటివ్‌గా నిర్థారణ అయ్యింది.