Ravikiranalu TV

 నూతన కమాండ్ కంట్రోల్ సెంటర్ ను పరిశీలించిన కమిషనర్ వికాస్ మర్మత్, ఐ.ఏ.యస్.,

నెల్లూరు నగరపాలక సంస్థ కార్యాలయం ప్రాంగణంలో నిర్మాణం పూర్తి చేసుకుని ప్రారంభానికి సిద్ధంగా ఉన్న కమాండ్ కంట్రోల్ సెంటర్ ను కమిషనర్ వికాస్ మర్మత్ అధికారులతో కలిసి శుక్రవారం పరిశీలించారు. 

 ఈ సందర్భంగా కమిషనర్ మాట్లాడుతూ నూతన కమాండ్ కంట్రోల్ సెంటర్ ఏర్పాటుతో నగర వ్యాప్తంగా మెరుగైన పారిశుధ్య సేవలు అందించడం సాధ్యమవుతుందని, పారిశుధ్య నిర్వహణ పనులను నిరంతరం కమాండ్ కంట్రోల్ సెంటర్ నుంచే పర్యవేక్షించే సాంకేతికతను సెంటర్ లో ఏర్పాటు చేశామని తెలిపారు. అత్యాధునిక సాంకేతిక పరిజ్ఞానంతో నిర్మించిన కమాండ్ కంట్రోల్ సెంటర్ లో నగర వ్యాప్తంగా జరుగుతున్న అభివృద్ది పనుల పర్యవేక్షణతో పాటు, నగరపాలక సంస్థ అన్ని విభాగాల సమీక్ష సమావేశాలు, మునిసిపల్ శాఖ ఉన్నతాధికారులతో వీడియో కాన్ఫరెన్స్ లు, ప్రకృతి విపత్తు నిర్వహణ కేంద్రం సేవలు, స్పందన పరిష్కార వేదిక, నగరపాలక సంస్థ సమగ్ర సమాచార విభాగం వంటి వివిధ విధులను నిర్వహించనున్నామని తెలిపారు. 

ఈ కార్యక్రమంలో ఇంజనీరింగ్ విభాగం అధికారులు సంజయ్, సురేష్, సిబ్బంది పాల్గొన్నారు.

పి.ఆర్.ఓ.

నెల్లూరు నగర పాలక సంస్థ.

 ప్లాస్టిక్ రహిత నెల్లూరుకై కృషి చేద్దాం 

- కమిషనర్ దినేష్ కుమార్

పర్యావరణ సమతుల్యతను దెబ్బతీస్తున్న ప్లాస్టిక్ ఉత్పత్తులను పూర్తిస్థాయిలో నిషేధించి నెల్లూరు నగరాన్ని ప్లాస్టిక్ రహిత సుందర నగరంగా తీర్చిదిద్దుతామని కమిషనర్ దినేష్ కుమార్  తెలిపారు. నగరంలోని ప్లాస్టిక్ ఉత్పత్తుల విక్రయదారులు , వ్యాపారస్తులు, నగర ప్రముఖులతో సమావేశాన్ని కమిషనర్ ఏర్పాటు చేశారు. ఈ సందర్భంగా ఆయన మాట్లాడుతూ రాష్ట్ర ప్రభుత్వం నిర్దేశించిన నూతన నిర్ణయాలతో రాబోయే రోజుల్లో 75 శాతం కన్నా తక్కువ మైక్రాన్ ప్లాస్టిక్ ఉత్పత్తులను విక్రయించడం, వినియోగించడం నెల్లూరు నగరంలో నిషేధించనున్నామని కమిషనర్ స్పష్టం చేశారు. ప్రభుత్వం ఆదేశించిన నిబంధనలను అతిక్రమించిన విక్రయదారులు, వినియోగదారులపై భారీ జరిమానాతో కూడిన చట్టపరమైన చర్యలు తీసుకుంటామని కమిషనర్ హెచ్చరించారు. ప్లాస్టిక్ సంచులకు ప్రత్యామ్నాయంగా జౌళి ఉత్పత్తులను ప్రతి ఒక్కరూ ప్రోత్సహించాలని, వాటి వినియోగానికి అవసరమైన అన్ని ప్రోత్సాహకాలను నగరపాలక సంస్థ నుంచి అందిస్తున్నామని కమిషనర్ తెలిపారు. ఈ సమావేశంలో ఆరోగ్యశాఖాధికారి డాక్టర్ వెంకట రమణ, నగరపాలక సంస్థ సిబ్బంది, నగరంలోని  వ్యాపారస్తులు,  తదితరులు పాల్గొన్నారు

- కమిషనర్ దినేష్ కుమార్

కార్పొరేషన్ ప్రత్యేక అధికారి, జిల్లా కలెక్టర్ చక్రధర్ బాబు పర్యవేక్షణలో ఆర్ధిక సంవత్సరం 2020-21 కి 55.11 కోట్ల ఆస్థి పన్నులు వసూలు చేసి రాష్ట్రంలోనే నెల్లూరు నగర పాలక సంస్థ మొదటి స్థానంలో నిలిచిందని కమిషనర్ దినేష్ కుమార్ హర్షం వ్యక్తం చేసారు. కార్యాలయంలో ఆదివారం విలేకరుల సమావేశం ఏర్పాటు చేసి కమిషనర్ మాట్లాడారు. పన్నులు చెల్లించడాన్ని బాధ్యతగా భావించిన నగర ప్రజలకు ఆయన ప్రత్యేక ధన్యవాదాలు తెలిపారు. గత సంవత్సరం వసూలు చేసిన పన్నులు 33.35 కోట్ల రూపాయలు కాగా ఈ ఆర్ధిక సంవత్సరం ముగిసే నాటికి గతేడాదికన్నా అదనంగా 21.76 కోట్లు వసూలు చేసి రాష్ట్రంలోని ఇతర కార్పొరేషన్ల కన్నా మెరుగైన ఫలితాలను ప్రదర్శించడంతో ఈ ఘనత సాధించామని ఆయన స్పష్టం చేశారు. నగర పాలక సంస్థ నుంచి ప్రజలకు అందించిన ఆస్థి పన్నుల డిమాండు నోటీసుల పరంగా 108.33 కోట్ల రూపాయలకు గాను ఈ ఆర్ధిక సంవత్సరంలో 55.11 కోట్ల రూపాయల మొత్తాన్ని వసూలు చేసి రాష్ట్రంలో ఐదవ స్థానాన్ని సాధించామని కమిషనర్ తెలిపారు. మిగులు మొత్తం 53.22 కోట్ల పన్నుల చెల్లింపు ఆలస్యం చేసేకొద్దీ ప్రతిఒక్కరి అసలు పన్నుపై అదనంగా రెండు రూపాయల మేరకు వడ్డీరేటు విధిస్తామని ఆయన స్పష్టం చేశారు. 2021-22 ఆర్ధిక సంవత్సరానికి చెల్లించాల్సిన ఆస్థి పన్నులను ఏప్రిల్ నెలలోనే చెల్లిస్తే 5 శాతం రాయితీ కల్పిస్తామని, పెరిగిన నూతన పన్నులకు బదులుగా గతేడాది ఆస్థి పన్నులనే ఏప్రిల్ మాసాంతం వరకు పరిగణలోకి తీసుకుంటామని ఆయన వెల్లడించారు. ఈ సందర్భంగా డిప్యూటీ కమిషనర్ సయ్యద్ అబ్దుల్ సమద్, రెవెన్యూ అధికారులు, సచివాలయం అడ్మిన్ కార్యదర్శులను కమిషనర్ ప్రత్యేకంగా అభినందించారు.రిజర్వేషన్లపై ప్రచారాలన్నీ అవాస్తవాలే

- కమిషనర్ దినేష్ కుమార్

కులగణన ఆధారంగా వార్డులలో రిజర్వేషన్లు కేటాయించినట్లు జరుగుతున్న ప్రచారాలన్నీ అవాస్తవాలే అని, ఇప్పటివరకు అధికారికంగా వార్డులలో ఏలాంటి రిజర్వేషన్లు నిర్ణయించలేదని నగర పాలక సంస్థ కమిషనర్ దినేష్ కుమార్ స్పష్టం చేసారు. ఆదివారం కార్యాలయంలో ఏర్పాటు చేసిన విలేకరుల సమావేశంలో రిజర్వేషన్లకు సంభందించిన ఒక ప్రశ్నకు ఆయన బదులిస్తూ వార్డు సచివాలయం కార్యదర్శులు, వలంటీర్ల ఆధ్వర్యంలో నిర్వహించిన కులగణనలో ఎస్సీ, ఎస్టీ, బిసి, మహిళలు వంటి అంశాలకు సంభందించిన వివరాలను పూర్తిగా సేకరించామని, ఆయా వివరాలను ఈ నెల 8 వ తేదీన రాష్ట్ర కమిషనర్ & డైరెక్టర్ ఆఫ్ మున్సిపల్ అడ్మినిస్ట్రేషన్(C&D.M.A) వారికి పంపించనున్నామని తెలిపారు. పునర్విభజన ప్రక్రియ పూర్తి పారదర్శకంగా చేపట్టిన అనంతరం నిర్వహించిన కులగణన వివరాలు ఉన్నతాధికారులకు పంపడం వరకే తమ బాధ్యత అని, రిజర్వేషన్ల కేటాయింపు పూర్తిగా సి&డిఎమ్ఏ వారు నిర్ణయిస్తారని కమిషనర్ స్పష్టం చేసారు. రిజర్వేషన్ల పై ప్రస్తుతం జరుగుతున్న ప్రచారాలన్నీ నిరాధారాలేనని ఆయన కొట్టిపారేశారు.

నెల్లూరు జిల్లాలో ఓటర్ల జాబితా, ఈవీఎంల భద్రత తదితర అంశాలకు సంబంధించి జిల్లా ఉన్నత అధికారులకు సూచనలు జారీ చేసేందుకు నెల్లూరు నగరానికి విచ్చేసిన రాష్ట్ర చీఫ్ ఎలక్టోరల్ అధికారి విజయానంద్ కు జిల్లా కలెక్టర్ చక్రధర బాబు ,జాయింట్ కలెక్టర్  ప్రభాకర్ రెడ్డిలు స్వాగతం పలికారు .  పుష్పగుచ్ఛం అందజేసి కాసేపు ఓటర్ల జాబితాకు సంబంధించి వివిధ అంశాలపై చర్చించారు

 నెల్లూరు నగరంలోని ఆర్.&బి. అతిథి గృహంలో ఆదివారం

ఈ కార్యక్రమంలో ఇంచార్జి డి.ఆర్.ఓ. శ్రీ నాగేశ్వర్రావు, ఆర్.డి.ఓ. హుస్సేన్ సాహెబ్, అధికారులు, సిబ్బంది పాల్గొన్నారు.

అమరావతి

 ఆంధప్రదేశ్‍ ముఖ్యమంత్రిగా వైఎస్‍.జగన్మోహనరెడ్డి బాధ్యతలు స్వీకరించాక రాష్ట్ర సర్వీసులోకి రావాలని గత సంవత్సరన్నర కాలంగా ప్రయత్నాలు చేసిన మహిళా ఐఎఎస్‍ అధికారి శ్రీలక్ష్మీకి ఎట్టకేలకు ప్రభుత్వం అనుమతి ఇచ్చింది.తన కేడర్ను మార్చాలంటూ శ్రీ లక్ష్మి క్యాట్ ను ఆశ్రయించారు , ఏపీ క్యాడర్ కు కేటాయించాలని కోరారు. క్యాట్ అంగీకరించటంతో క్యాట్ ఆదేశాల మేరకు తెలంగాణ ప్రభుత్వం రిలీవ్ చేసింది.  తెలంగాణ ప్రభుత్వం ఆమెను రిలీవ్‍ చేయటంతో ఆమె జిఎడిలో రిపోర్టు చేశారు. రేపో మాపో ఆమెకు ప్రభుత్వం పోస్టింగ్‍ ఇవ్వనుంది. శ్రీలక్ష్మీని ఏ పోస్టులో నియమిస్తారు అనే విషయం బయట పడటం లేదు. చిన్న వయసులో ఐఎఎస్‍ అధికారి శ్రీలక్ష్మీ దివంగత నేత వైఎస్సార్‍ హయాంలో ఉమ్మడి రాష్ట్రంలో పనిచేశారు

 నెల్లూరు జిల్లా కు  ఎలక్టోరల్ రోల్ అబ్జర్వర్ గా నియమితులై శనివారం నెల్లూరు కు విచ్చేసిన  కె.ఆర్. బి.హెచ్.ఎస్. చక్రవర్తి, ఐ.ఏ.ఎస్, సెక్రటరీ టు చీఫ్ కమీషనర్ ఆఫ్ ల్యాండ్ అడ్మినిస్ట్రేషన్   వారిని   స్థానిక ఆర్ అండ్ బి అతిథి గృహంలో మర్యాద పూర్వకంగా కలసి బొకేను అందచేసిన జిల్లా కలెక్టర్ కె.వి.ఎన్. చక్రధర్ బాబు. . ఈ సందర్భంగా నెల్లూరు జిల్లాకు సంబంధించిన పలు విషయాలపై వారు చర్చించారు. సమగ్ర ఓటర్ల జాబితా తదితర అంశాలపై జిల్లా కలెక్టర్ ఆయనకు వివరించారు