Ravikiranalu TV: died

ఈతకు వెళ్లి ఇద్దరు యువకులు మృతి

ఈతకు వెళ్లి ఇద్దరు యువకులు మృతిఈత కోసం వెళ్లి ఇరువురు యువకులు మృత్యువాత పడిన సంఘటన కందల పాడు సమీపంలో గురువారం సాయంత్రం జరిగింది. పోలీసుల కథనం మేరకు వివరాలు ఇలా ఉన్నాయి. కనుపూరు గ్రామానికి చెందిన సాయి సిద్ధార్థ తిరుపతి నివాసి తన మిత్రుడు అయిన పర్నా అనుదీప్,ప్రశాంత్ మరో ముగ్గురు కలిసి కందలపాడు సమీపంలోని కనుపూరు కాలువ వద్దకు గురువారం సాయంత్రం ఈత కోసం వెళ్లారు. ముగ్గురు కాలువలో దిగిన వెంటనే నీటి వేగానికి కొట్టుకుపోయారు. ఒడ్డునే ఉన్న ముగ్గురు యువకులు ప్రశాంత్ ను కాపాడారు. కానీ సాయి సిద్ధార్థ అనుదీప్ ఇరువురు నీటి వేగానికి కొట్టుకు పోయి మృతి చెందారు. యువకుల కేకలు విన్న సమీప పొలంలోని రైతులు హుటాహుటిన వద్దకు వచ్చి మృతిచెందిన సాయి సిద్ధార్థ-21,అనుదీప్-24 మృతదేహాలను వెలికి తీశారు. కాగా కనుపూరు గ్రామానికి చెందిన సాయి సిద్ధార్థ గూడూరు ఆదిశంకర ఇంజనీరింగ్ కళాశాలలో ఇంజనీరింగ్ చివరి సంవత్సరం చదువుతున్నాడు. తిరుపతికి చెందిన అనుదీప్ ఓ ప్రైవేట్ కంపెనీలో ఉద్యోగం చేస్తున్నాడు. నూతన సంవత్సరం ముందు రోజు ఈ సంఘటన జరగడంతో గ్రామంలో విషాదఛాయలు అలముకున్నాయి. వెంకటాచలం పోలీసులు మృత దేహాలను పోస్టుమార్టం నిమిత్తం నెల్లూరు ప్రభుత్వాసుపత్రికి తరలించి కేసు నమోదు చేసి దర్యాప్తు చేస్తున్నారు.

విద్యుత్ అధికారుల నిర్లక్ష్యానికి నిరుపేదల జీవనాధారమైన గేదెలు మృతి

పెళ్లకూరు మండలం శిరసనంబేడు గ్రామంలో

eid

విద్యుత్ అధికారుల నిర్లక్ష్యానికి నిరుపేదల జీవనాధారమైన గేదెలు మృతి. నెల్లూరు జిల్లా పెళ్లకూరు మండలం లోని శిరసనంబేడు గ్రామంలో అంగన్వాడి బడి కి 20 మీటర్ల దూరంలో విద్యుత్ అధికారులు ఒక మినీ ట్రాన్స్ ఫారం ఏర్పాటు చేశారు. ఏ ట్రాన్స్ఫారం కు రక్షణ వలయం ఏర్పాటు చేయనందువలన కట్టా సిద్దయ్య అనే నిరుపేద రైతు జీవనాధారమైన గేదెలు విద్యుత్ మినీ ట్రాన్స్ ఫారం కు వేలాడుతున్న విద్యుత్ తీగలకు తగిలి గతంలో మూడు గేదెలు, ఈరోజు మూడు గేదెలు మరణించాయి. ఈ విషయంపై పెళ్లకూరు ఏఈ గారికి, లైన్ మాన్ లకు, హెల్పర్ లకు తెలియజేయగా వారు పట్టించుకోలేదు. ఈరోజు గేదులు చనిపోయాయి రేపు అంగన్వాడి బడిలో చదువుతున్న పిల్లల పరిస్థితి ఏంటి అని గ్రామస్తులు లు భయాందోళనకు గురవుతున్నారు ఇకనైనా నా మినీ ట్రాన్స్ఫారం రక్షణ వలయాన్ని ఏర్పాటు చేసి గ్రామస్తులను పశుపక్ష్యాదులను కాపాడవలసిందిగా అధికారులను కోరడమైనది.

సుప్రసిద్ధ గాయకుడు ఎస్పీ బాలు కన్నుమూత

అమృత కంఠం మూగబోయింది. గాన గంధర్వుడు, ప్రఖ్యాత సినీ గాయకుడు ఎస్పీ బాల సుబ్రహ్మణ్యం మనకిక లేరు. కరోనా సోకడంతో గతకొంత కాలంగా అనారోగ్య సమస్యలకు గురైన ఆయన చెన్నైలోని ఓ ఆస్పత్రిలో చికిత్స పొందుతూ శుక్రవారం మధ్యాహ్నం 1.04గంటలకు తుదిశ్వాస విడిచారు. తన గానంతో కోట్లాది మంది సంగీత ప్రియుల్ని వీనుల విందు చేసిన సంగీత యోధుడి మరణం యావత్‌ ప్రపంచాన్ని శోకసంద్రంలో ముంచేసింది. ఆగస్టు 5న ఎస్పీబీ తనకు కరోనా సోకినట్టు ప్రకటించారు. ఆ తర్వాత చికిత్స నిమిత్తం చెన్నైలోని ఎంజీఎం ఆస్పత్రిలో చేరారు. అప్పటినుంచి అక్కడే చికిత్స పొందుతున్న బాలు ఆరోగ్యం గతంలో ఓసారి విషమించడంతో ఎక్మో, వెంటిలేటర్‌ సాయంతో చికిత్స కొనసాగిస్తూ వచ్చారు. అయినా ఫలితం లేకపోయింది.

కొన్ని రోజుల కిందట కరోనా నెగెటివ్‌ రావడంతో ఎస్పీబీ కోలుకున్నారని, పూర్తి ఆరోగ్యంతో బయటకు వస్తారని అభిమానులంతా భావించారు. బాలసుబ్రహ్మణ్యం తనయుడు ఎస్పీ చరణ్‌ ఎప్పటికప్పుడు ఆయన ఆరోగ్యంపై సమాచారం అందిస్తూ వచ్చారు. 'నాన్న ఆరోగ్య పరిస్థితి మెరుగుపడుతోంది. ఫిజియో థెరఫీ కొనసాగుతోంది. ద్రవ పదార్థాలు తీసుకుంటున్నారు. ఆస్పత్రి నుంచి బయటపడాలనే ఆతృతతో ఉన్నారు' అంటూ కొద్ది రోజుల కింద ప్రకటించడంతో బాలు క్షేమంగా బయటకొస్తారని, మళ్లీ సంగీతంతో తమను అలరిస్తారని అందరూ సంతోషించారు. కానీ ఆ సంతోషం ఎంతో కాలం నిలవలేదు. తాజాగా మరోసారి ఆరోగ్య పరిస్థితి విషమించడంతో ఎస్పీబీ కన్నుమూశారు. బాలు మృతి పట్ల యావత్‌ సినీ, సంగీత ప్రపంచం దిగ్భ్రాంతి వ్యక్తంచేసింది. ఆయన మృతి పట్ల సినీ, రాజకీయ, వ్యాపార ప్రముఖులు సంతాపం తెలిపారు. ఒక మహోన్నత గాయకుడిని దేశం కోల్పోయిందని విచారం వ్యక్తం చేశారు.

కరోనా సోకిందని కాంగ్రెస్ నేత ఆత్మహత్య..

కరోనా వైరస్ వ్యాప్తి చెందకుండా ఆంధ్రప్రదేశ్ రాష్ట్ర ప్రభుత్వం కఠిన చర్యలు తీసుకుంటోంది. అయినప్పటికీ రోజురోజుకూ కరోనా వైరస్ పాజిటివ్ కేసులు పెరిగిపోతున్నాయి. ఈ నేపథ్యంలో కోవిడ్ -19 వైరస్ సోకడంతో కాంగ్రెస్ నేత ఆత్మహత్య చేసుకున్నారు. కడప జిల్లా కాంగ్రెస్ ఉపాధ్యక్షుడు సిరిగిరెడ్డి గంగి రెడ్డి (55) యర్రగుంట్ల సమీపంలో రైలు ముందు దూకి ఆత్మహత్య చేసుకున్నారు. రెడ్డితోపాటు మరో ఇద్దరు కుటుంబ సభ్యులకు కోవిడ్ -19 పరీక్షలు చేయడంతో పాజిటివ్ వచ్చింది. దీంతో వారు కొంతకాలం ఇంటి నిర్బంధంలో ఉన్నారు. శ్వాస తీసుకోవడంలో కొంచెం ఇబ్బంది పడుతున్న అతను స్వయంగా ప్రొద్దుటూర్‌లోని ఒక ప్రైవేట్ ఆస్పత్రిలో చేరారు.

'కధల' కొలను సదానంద ఇక లేరు!!!

ప్రముఖ రచయిత కలువకొలను సదానంద(81) మంగళవారం ఉదయం 11గంటలకు కన్నుమూసారు. ఆయన 1939లో పాకాలలో జన్మించారు. కాగా పాకాలలోనే ఆయన చివరి శ్వాస విడిచారు. ఆయనకధ,నవల, కవిత్వం ముఖ్యంగా గేయాలు వంటివి వివిధ ప్రక్రియల్లో రచనలుచేశారు. రచయితగానే కాకుండా చిత్రకారుడిగా ,కార్టునిస్టుగా కూడా ఆయన తెలుగు ప్రజలకు సుపరిచితులు. రక్తయజ్ఞం, పైరుగాలి, నవ్వేపెదవులు, ఏడ్చే కళ్లు మొదలైనవి వీరి కథా సంపుటాలు. గాడిద బతుకులు,గందరగోళం, బంగారుమామ వంటి నవలలు రాశారు.

కేంద్ర ప్రభుత్వం నుంచి 1992లో ఉత్తమ ఉపాధ్యాయుడిగా సత్కారాన్ని పొందారు. ఆంధ్ర ప్రదేశ్‌ సాహిత్య అకాడమీ సత్కారాన్నీ ఆయన పొందారు. ఎవరికోసం చెబుతున్నారో వారి చెంతకే వెళ్లి చెబుతున్నట్టుగా ఉంటుంది ఆయన శైలి. కపటం, మొహమాటం ఉండదు. మినహాయింపులు కూడా ఉండవు. చెప్పదల్చుకున్నది వీలైనంత వినయంగా, కళాత్మకంగా చెబుతారు. ఉత్తమ రచయితగానే కాదు ఉత్తమ ఉపాధ్యాయుడిగా పేరు పొందారు.

శ్రీశైలం పవర్ ప్లాంటులో హఠాత్తుగా అగ్నికీలలు ఎగిసిపడ్డాయి.

శ్రీశైలం: వారంతా పవర్‌ఫ్లాంట్‌ ఉద్యోగులు.. ఎప్పటిలాగానే విధులకు హాజరయ్యారు. ఎవరి పనుల్లో వాళ్లు బిజీగా ఉన్నారు. ఇంతలోనే ఊహించని విపత్తు. తప్పించుకోవడానికి మార్గం వెతికారు. కొందరు బయటపడితే.. మరికొందరికి ఆ రాత్రే కాళరాత్రైంది. మంటల్లో చిక్కుకుని 9 మంది అక్కడికక్కడే ప్రాణాలు వదిలారు. శుక్రవారం నాడు శ్రీశైలంలో జరిగిన అగ్నిప్రమాద ఘటన తీవ్ర విషాదాన్ని మిగిల్చింది. అయితే ఈ ఘటనలో ఓ ఉద్యోగి.. తన భార్యతో చివరి సారిగా మాట్లాడిన మాటలు కన్నీళ్లు తెప్పిస్తున్నాయి. కళ్ల ముందే చావు గంఠికలు. ఏం చేయాలో అర్థం కాని పరిస్థితి. ఓ వైపు మరణం తరుముతోంది.. మరో వైపు కళ్ల ముందే కుటుంబం మెదలుతోంది. ఏలాగైనా సరే కుటుంబ సభ్యులతో చివరిసారిగా మాట్లాడాలన్న కోరిక. భార్యకు ఫోన్ చేసి.. ‘10 నిమిషాల్లో నేను చనిపోతున్నా.. నువ్వు, పిల్లలు జాగ్రత్త’ అంటూ ప్రాణాలు వదిలాడు. ఈ హృదయ విదారకరమైన ఘటన ప్రతి ఒక్కరిని తీవ్రంగా కలిచివేస్తోంది. ఆ మాటలు విన్న ప్రతి ఒక్కరూ తీవ్ర భావోద్వేగానికి లోనవుతున్నారు.

👉పిల్లలు జాగ్రత్త అని భార్యకు చెప్పి..

గత రాత్రి శ్రీశైలం పవర్ ప్లాంటులో హఠాత్తుగా అగ్నికీలలు ఎగిసిపడ్డాయి. అమాంతంగా మంటలు వ్యాపించి కూర్చున్న చోటే ఏఈ వెంకట్రావు, అమరరాజ ఉద్యోగులు కుప్పకూలిపోయారు. ఆ సమయంలోనే సహోద్యోగులు మంటల్లో కాలిపోతున్న సంఘటన చూసి తాను చనిపోతానన్న సంగతి అర్థమై.. ఏఈ మోహన్ చివరి సారిగా తన అర్ధాంగితో ఫోన్‌లో మాట్లాడారు. ‘చుట్టూ మంటలు వ్యాపించాయి.. 10 నిమిషాల్లో చనిపోవచ్చు.. పిల్లలు జాగ్రత్తగా చూసుకో’ అంటూ భార్యతో ఏఈ మోహన్‌ మాట్లాడుతూనే కన్నుమూశారు. ఈ సంఘటన ప్రతి ఒక్కరిని కలిచివేస్తోంది. ఏఈ మోహన్ చివరిసారిగా మాట్లాడిన మాటలు గుర్తుచేసుకుని కుటుంబ సభ్యులు, బంధువులు కన్నీరుమున్నీరుగా విలపిస్తున్నారు.

తాజా సమాచారం

శ్రీశైలం ప్రమాదంలో 9 మంది మృతి....

శ్రీశైలం విద్యుత్ కేంద్రంలో జరిగిన అగ్ని ప్ర‌మాదంలో లోప‌ల చిక్కుకున్న తొమ్మిది మంది మ‌ర‌ణించారు.. రెస్క్యూ టీమ్ అయిదుగురు మృత దేహాల‌ను బ‌య‌ట‌కు తీసు‌కొచ్చారు.. మిగిలిన నాలుగు మృత‌దేహాల‌ను తీసుకొచ్చేందుకు ప్ర‌య‌త్నిస్తున్నారు..ప్రమాద సమయంలో 19 మంది సిబ్బంది ఉండగా వారిలో 10 మంది సుర‌క్షితంగా బ‌య‌ట ప‌డ్డారు...

మంటల్లో చిక్కుకొని మ‌ర‌ణించిన వారి వివ‌రాలు...

1.DE శ్రీనివాస్ గౌడ్, హైదరాబాద్

2.AE వెంకట్‌రావు, పాల్వంచ

3.AE మోహన్ కుమార్, హైదరాబాద్

4.AE ఉజ్మ ఫాతిమా, హైదరాబాద్

5.AE సుందర్, సూర్యాపేట

6. ప్లాంట్ అటెండెంట్ రాంబాబు, ఖమ్మం జిల్లా

7. జూనియర్ ప్లాంట్ అటెండెంట్ కిరణ్, పాల్వంచ

8,9 హైదరాబాద్‌కు చెందిన అమరన్ బ్యాటరీ కంపెనీ సిబ్బంది వినేష్ కుమార్, మహేష్ కుమార్

ప్రముఖ వాగ్గేయకారుడు వంగపండు ప్రసాదరావు మృతి

ప్రముఖ వాగ్గేయకారుడు వంగపండు ప్రసాదరావు(77‌) నిన్న మృతి

గత కొంతకాలంగా అనారోగ్యంతో బాధపడుతున్న ప్రముఖ వాగ్గేయకారుడు వంగపండు ప్రసాదరావు మృతి.

పార్వతీపురంలోని తన నివాసంలో గుండెపోటుతో వంగపండు మృతి

వందలాది జానపదపాటలను రచించిన వంగపండు ప్రసాదరావు

ఉత్తరాంధ్ర జానపదాలకు గజ్జెకట్టి పాడిన వంగపండు

పల్లెకారులతో పాటు గిరిజనులనూ చైతన్యపరిచిన వంగపండు

విప్లవకవిగా రెండు తెలుగు రాష్ట్రాల్లో పేరుపొందిన వంగపండు

1943లో పెదబొండపల్లిలో జన్మించిన వంగపండు

అర్థరాత్రి స్వతంత్య్రంతో సినిమాతో వంగపండు సినీ ప్రస్థానం

2017లో కళారత్న పురస్కారం అందుకున్న వంగపండు

1972లో జననాట్యమండలిని స్థాపించిన వంగపండు

మూడు దశాబ్ధాలలో 300 పాటలు రచించిన వంగపండు

ఏం పిల్లడో ఎల్దమొస్తవ పాటతో ప్రఖ్యాతి చెందిన వంగపండు

ప్రజాకవి, జానపద బ్రహ్మ వంగపండు ప్రసాద రావు గారి ఆత్మకు శాంతి చేకూరలని కోరుకుంటూ.....

కళాకారుడికి మరణం లేదు . కళ ఉన్నంతకాలం బతికే ఉంటారు.

మీ

కె. సాంబశివరావు

శానిటైజర్ తాగి 8మంది మృతి

శానిటైజర్ తాగి 8మంది మృతి

ప్రకాశం జిల్లా కురిచేడులో శానిటైజర్ తాగిఎనిమిది మంది మృతి చెందారు. కరోనా వ్యాప్తి నేపథ్యలో మద్యం దుకాణాలు మూసి ఉండటంతో పలువురు యాచకులు నిన్న శానిటైజర్ తాగారు.నిన్న అర్థరాత్రి వరకూ ముగ్గురు మృతి చెందగా చికిత్స పొందుతూ ఈ ఉదయం మరో ఐదుగురు మృతి చెందారు. మృతులను కడియం రమణయ్య, రాముడు, శ్రీను, తిరుపతయ్య లతో పాటు మరో ముగ్గురు యచకులుగా గుర్తించారు. కురిచేడులో లాక్ డౌన్ అమలులో ఉన్నందున మద్యం షాపులు మూసివేయడంతో శానిటైజర్ తాగినట్లు పోలీసులు అనుమానిస్తున్నారు. శానిటైజర్ తాగడం వల్ల మృతి చెందారా.. కల్తీ మద్యం ఏమైనా సేవించారా అనే కోణంలో పోలీసులు విచారణ చేపట్టారు.

పోలీసుల మానవత్వం.. మృతదేహానికి అంత్యక్రియలు నిర్వహించిన నాగాయలంక ఎస్ ఐ చల్లా కృష్ణ

పోలీసుల మానవత్వం..

కరోనా భయంతో కుటుంబసభ్యులు వదిలేసిన

మృతదేహానికి అంత్యక్రియలు నిర్వహించిన నాగాయలంక ఎస్ ఐ చల్లా కృష్ణ

కరోనా వైరస్ వ్యాప్తిని కట్టడి చేయడంలో పోలీసులు పాత్ర ఎనలేనిది. ప్రాణాలను పణంగా పెట్టి పోలీసులు విధులు నిర్వహిస్తున్నారు. ప్రజలు ఇళ్ల నుండి బయటకు రాకుండా చూస్తూ, కరోనా మహమ్మారి మరింత వ్యాప్తి చెందకుండా చేయడంలో మొదటినుండి పోలీసులు కీలక పాత్ర పోషిస్తున్నారు. కరోనా వైరస్ కి, ప్రజలకు మధ్య పోలీసులు అడ్డుగోడలా నిలబడి సేవలు అందిస్తున్నారు. వారి సేవల గురించి ఎంతచెప్పినా తక్కువే అవుతుంది.

కరోనా కట్టడిలోనే కాదు... మానవత్వం చూపించడంలోనూ పోలీసులు ముందుంటున్నారు. అందరి ప్రశంసలు పొందుతున్నారు.

నాగాయలంక ఎస్ ఐ గొప్ప మనసు
తాజాగా కృష్ణాజిల్లా అవనిగడ్డ నియోజకవర్గం, నాగాయలంక పోలీసులు మానవత్వం చూపించారు. కరోనా లక్షణాలతో మృతిచెందిన వ్యక్తి అంత్యక్రియలను వారే దగ్గరుండి నిర్వహించారు. కరోనా భయంతో మృతదేహానికి అంత్యక్రియలు నిర్వహించేందుకుహ కుటుంబసభ్యులు సైతం భయపడితే, ఆ కార్యక్రమం నిర్వహించడానికి నాగాయలంక పోలీస్ స్టేషన్ లో ఎస్ ఐ గా విధులు నిర్వర్తిస్తున్న చల్లా కృష్ణ ముందుకు వచ్చారు. ఆయనతో పాటు స్వచ్ఛ నాగాయలంక కార్యకర్తలు అయిన తలశిల రఘుశేఖర్, నారాయణ, డి.టీ సుబ్బారావు లు కలిసి ఎవరు ముట్టుకోవడానికి సాహసించని మృతదేహాన్ని ఇంటి నుండి బయటకు తీసుకుని వచ్చి, స్మశాననికి తీసుకుని వెళ్లి స్వయంగా అంతిమ సంస్కారాలు నిర్వహించి గొప్ప మనసు చాటుకున్నారు.

కరోనా పాజిటివ్ వచ్చిన వ్యక్తి అనారోగ్యంతో మృతిచెందితే ఎవరూ కూడా దగ్గరకు వెళ్లే ప్రయత్నం చేయలేదు. మృతదేహానికి కరోనా ఉందేమో, దాని దగ్గరకు వెళితే తమకు కూడా కరోనా సోకుటుందేమో అనే భయంతో మృతదేహం వద్దకు వెళ్ళడానికి కుటుంబసభ్యులు కూడా సాహసించలేకపోయారు. ఆ చనిపోయిన వ్యక్తికి కరోనా ఉందొ లేదో తెలియదు కానీ, అటువంటి వ్యక్తి మృతదేహానికి అంతిమ సంస్కారం చేసినందుకు మనసు తృప్తిగా ఉందని ఎస్ ఐ చల్లా కృష్ణ తెలిపారు. అంతిమ సంస్కారానికి సంబంధించిన ఫోటోలు ఇప్పుడు వైరల్ అయ్యాయి. మానవత్వం చూపి, అంతిమ సంస్కారాలు నిర్వహించిన నాగాయలంక ఎస్ ఐ చల్లా కృష్ణను, స్వచ్ఛ నాగాయలంక సభ్యులను అందరూ మెచ్చుకుంటున్నారు.

కరోనాతో యుద్ధం చేస్తామంటూ పాట రాసి.. చివరికి ఆ కరోనాతోనే మృతి చెందిన కవి నిస్సార్..!

కరోనాతో యుద్ధం చేస్తామంటూ పాట రాసి..

చివరికి ఆ కరోనాతోనే మృతి చెందిన కవి నిస్సార్..!

కరోనా గురించి జాగ్రత్తలు తీసుకోవాలని పాట రాసిన కవి..
ఈ పాటను పాడిన వందేమాతరం శ్రీనివాస్..

టీఎస్ఆర్టీసీలో కంట్రోలర్‌గా ఉద్యోగం..
కరోనా గురించి జాగ్రత్తలు తీసుకోవాలని ఆ మహమ్మారి మన దరికి చేరకుండా తరిమికొట్టాలని పాట రాసి ప్రజల్లో అవగాహన కల్పించిన ప్రముఖ కవి, గాయకుడు నిస్సార్‌ చివరకు ఆ వైరస్‌ బారిన పడి ప్రాణాలు కోల్పోయారు..

ఆయన రాసిన 'కరోనా నీతో యుద్ధం చేస్తాం మా భారత భూభాగాన' పాట ఇటీవల ప్రజల్లోకి బాగా వెళ్లింది. నిస్సార్‌ రాసిన ఈ పాటను సంగీత దర్శకుడు వందేమాతరం శ్రీనివాస్ పాడారు.

మార్చి నెల చివరలో ఈ పాట విడుదలయింది..

130 కోట్ల జనం కలిసి కరోనాను మట్టి కరిపిస్తారని ఆయన పాడిన ఆ పాటకు అందరూ ప్రశంసలు కురిపించారు. అయితే, ఆయనే ఆ కరోనా బారినపడి మృతి చెందడం పట్ల అభిమానులు, సాహితీవేత్తలు దిగ్భ్రాంతి వ్యక్తం చేస్తున్నారు..

యాదాద్రి జిల్లా గుండాల మండలం సుద్దాల గ్రామానికి చెందిన కవి నిస్సార్‌.. టీఎస్ఆర్టీసీలో కంట్రోలర్‌గానూ విధులు నిర్వహిస్తున్నారు. తన కుటుంబంతో కలిసి ఆయన జగద్గిరిగుట్టలో నివాసముంటున్నారు.

Ravikiranalu TV

Breaking News