విదేశాల నుంచి బంగారాన్ని అక్రమంగా తరలించేందుకు కొంతమంది నానా ఎత్తుగడలు వేస్తున్నారు.
బెంగళూరు
విదేశాల నుంచి బంగారాన్ని అక్రమంగా తరలించేందుకు కొంతమంది నానా ఎత్తుగడలు వేస్తున్నారు.
అయితే.. అధికారుల కూడా అంతే అప్రమత్తంగా వ్యవహరిస్తున్నారు. తాజాగా.. విమానంలోని సీటు కింద బంగారాన్ని దాచి, అక్రమంగా తరలించాలని యత్నించాడు ఓ వ్యక్తి. అయితే.. బెంగళూరు కస్టమ్స్ అధికారులు ఆ బంగారాన్ని స్వాధీనం చేసుకున్నారు. దీని విలువ రూ.61 లక్షలుగా ఉంటుందని చెప్పారు.దుబాయ్ నుంచి కెంపెగౌడ అంతర్జాతీయ విమానాశ్రయానికి ఇండిగో విమానం.. గురువారం చేరుకుంది. ప్రయాణికులంతా దిగాక.. విమానాన్ని తనిఖీ చేస్తుండగా ఈ బంగారం బయటపడింది. ఎకానమీ క్లాస్లోని ఓ సీటుకు ప్యాకెట్ ఉండడాన్ని అధికారులు గుర్తించారు. అందులో చూస్తే.. పేస్ట్ రూపంలో, 29 స్టిక్స్ రూపంలో 701 గ్రాముల బంగారం బయటపడింది. దీనిపై కస్టమ్స్ అధికారులు కేసు నమోదు చేశారు. ఈ బంగారాన్ని అక్రమంగా తరలించేందుకు యత్నించిన నిందితుడిని పట్టుకునేందుకు చర్యలు చేపట్టారు. ప్రయాణికుల జాబితాను అధికారులు పరిశీలిస్తున్నారు.