Ravikiranalu TV

 తిరుపతి జిల్లా కోట మండలం కోట పట్టణం లో వెలసి ఉన్న శ్రీ శ్రీ శ్రీ కోటమ్మ తల్లి అమ్మవారి జాతర మహోత్సవం శుక్రవారం నుండి  ప్రారంభం అయ్యింది. కోట పట్టణంలోని ప్రజలు, చుట్టుపక్కల గ్రామాల ప్రజలు వారి కుటుంబ సభ్యులతో కలిపి కోటమ్మ తల్లి అమ్మవారిని దర్శించుకుని మొక్కులు తీర్చుకున్నారు.


కోట మండలం కోట గ్రామంలో వెలసిన శ్రీ శ్రీ శ్రీ కోటమ్మ తల్లి అమ్మవారి జాతర మహోత్సవ కార్యక్రమం శుక్రవారం నుండి ఆదివారం వరకు నిర్వహించనున్నారు. అమ్మవారి జాతర నేటి నుండి ప్రారంభం కావడంతో కోట పట్టణంలోని ప్రజలు అమ్మవారిని దర్శించుకుని తీర్థప్రసాదాలు స్వీకరించారు. అనంతరం వారి మొక్కులు తీర్చుకున్నారు. ఈ సందర్భంగా ఆలయ ధర్మకర్త నల్లపరెడ్డి జగన్మోహన్ రెడ్డి మాట్లాడుతూ ఈరోజు సాయంత్రం అమ్మవారికి సముద్ర జల అభిషేక కార్యక్రమానికి భక్తులు విచ్చేసి అమ్మవారి కృపకు పాత్రులు  కాగలరని కోరారు.