Ravikiranalu TV

వెంకటగిరి, జనవరి 10, (రవికిరణాలు) : వెంకటగిరి పట్టణంలోని రాజా వీధి నందు గల శ్రీ చైతన్య పాఠశాలలో శుక్రవారం ముందస్తు సంక్రాంతి వేడుకలు ఘనంగా నిర్వహించారు. ఈ కార్యక్రమానికి ముఖ్య అతిథులుగా పాఠశాల ఏజీఎం నర్ర శ్రీకాంత్ ,ప్రధానోపాధ్యాయులు సాయి రవి తేజ,ఏవో టి అనిల్ కుమార్,అకాడమిక్ డీన్ కార్తికేయన్,ప్రైమరీ ఇంచార్జ్ అనురాధ,ప్రీ ప్రైమరీ ఇంచార్జ్ విజయ తదితరులు పాల్గొన్నారు.ఈ కార్యక్రమంలో భాగంగా విద్యార్థులు వివిధ కళాకృతులు తయారు చేశారు. ఉపాధ్యాయిని,ఉపాధ్యాయులు సాంప్రదాయ నృత్యాలు ప్రదర్శించారు. విద్యార్థుల కేరింతల నడుమ సంబరాలు అంబరాన్నంటాయి. భోగి మంటలు,విద్యార్థులకు భోగి పళ్ళు పోయడం గొబ్బెమ్మ పూజలు నిర్వహించడం మరియు సాంప్రదాయంగా వినోదాత్మకంగా కోళ్ల పందాలు నిర్వహించడం మొదలైన అన్ని కార్యక్రమాలతో సంక్రాంతి మూడు రోజుల పండగ వాతావరణం ఒకే రోజున నిర్వహించి విద్యార్థులకు, తల్లిదండ్రులకు ఆనందాన్ని కలిగించారు. ఏజిఎమ్‌ శ్రీకాంత్ ప్రసంగిస్తూ కార్యక్రమం అద్భుతంగా జరిగిందని కొనియాడారు.