Ravikiranalu TV

 ఉత్తమ ఎన్నికల అధికారిగా నెల్లూరు కలెక్టర్

నెల్లూరు జిల్లా కలెక్టర్ కేవీయన్ చక్రధర్ బాబు ఉత్తమ ఎన్నికల అధికారిగా ఎంపికయ్యారు. తిరుపతి పార్లమెంటు ఉప ఎన్నిక సందర్భంగా పటిష్టంగా కొవిడ్ ప్రోటోకాల్ పాటించేలా ఎన్నికలు,ఓట్ల లెక్కింపు జరిగేలా కలెక్టర్ సమర్థవంతంగా వ్యవహరించారు..         దీంతో బెస్ట్ ఎలక్ట్రోరల్ ప్రాక్టీసెస్ 2021 క్రింద కేంద్ర ఎన్నికల సంఘం నెల్లూరు జిల్లా ఎన్నికల అధికారి కూడా అయిన కలెక్టర్ చక్రధర్ బాబును ఎంపిక చేసింది.ఈ నెల 25న రాష్ట్ర స్థాయిలో జరిగే జాతీయ ఓటర్ల దినోత్సవం లో ఆయన ఈ అవార్డును అందుకోనున్నారు.కాగా తిరుపతి ఉప ఎన్నిక ప్రక్రియ విజయవంతం కావడంలో అధికార యంత్రాంగం కృషి ఎంతగానో ఉందని చెప్పిన కలెక్టర్ చక్రధర్ బాబు..ఈ అవార్డును వారికి అంకితం చేస్తున్నట్లు తెలిపారు.